Jon Voight ပါဝင်သော ဇာတ်ကားများ

Megadoc (2025) Francis Ford Coppola ရဲ့ သူကိုယ်တိုင် ငွေထုတ်ပြီးရိုက်တဲ့ Megalopolis (2024) ဇာတ်လမ်းကြီးကို ဖန်တီးဖို့အတွက် ဆယ်စုနှစ်ချီ သူ စီစဉ်ထားတဲ့ ခရီးစဉ်ကို အစစ်အမှန်အတိုင်း မှတ်တမ်းတင်ထားတဲ့ documentary တစ်ပုဒ်ပဲ ဖြစ်ပါတယ်။ Megalopolis ဆိုတဲ့ ကမ္ဘာကြီးကို ဖန်တီးဖို့ ရောမ သမိုင်းကြောင်း၊ နိုင်ငံရေးဥပစာနဲ့ သူ့ရဲ့ကိုယ်ပိုင်အမြင်တွေကတစ်ဆင့် ပုံဖော်ပြီး ရိုက်ကူးရေးအတွင်းမှာ ဖြစ်ပျက်နေတဲ့ cast တွေနဲ့ director တွေ အဖွဲ့သားတွေကြားက ဆက်ဆံရေး၊ အငြင်းပွားတာတွေကအစ အရှိကိုအရှိတိုင်းချပြထားတဲ့ production မှတ်တမ်းအစား ကိုယ်ရေးကိုယ်တာအမှတ်တရတစ်ခုအ‌ဖြစ်နဲ့ ကြည့်ရှုရမဲ့ memoir တစ်ပုဒ်ပဲ ဖြစ်ပါတယ်။ File size… (2.6 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Documentary Duration…. 01:47:00 Subtitle…. Myanmar Subtitle (Hardsub)

The Last GunFight (2025) 2025 ခုနှစ်မှာအသစ်ထွက်ရှိထားတဲ့ The last Gunfight ဇာတ်ကားဟာဆိုရင် စာရေးဆရာ Steven Paul နဲ့ J.D Zeik တို့ရေးသားထားပြီး ဒါရိုက်တာ James Bamford ရိုက်ကူးထားတဲ့ အက်ရှင်ကားကောင်းလေးပဲဖြစ်ပါတယ်။ ဒီဇာတ်ကားထဲမှာ ဝါရင့်သရုပ်ဆောင်ဖြစ်တဲ့ Daniel Bernhardt ၊ Lewis Jamison၊ Max Kraus တို့ပါ၀င်သရုပ်ဆောင်ထားကြပါတယ်။ ရက်စက်ကြမ်းကြုတ်တဲ့ မြေအောက်ပြိုင်ပွဲတစ်ခုမှာ ထိပ်တန်းလူသတ်သမားတွေအချင်းချင်း သတ်ဖြတ်ရတဲ့ လူသားချင်းသတ်ဖြတ်တဲ့ပွဲတစ်ခုကို အစီအစဉ်တင်ဆက်သူ အန်တွန်စခိုးလ်က လစဉ်ကျင်းပနေပါတယ်။ ရေနံသူဌေးအဘိုးဖြစ်သူ နသာနီယယ်လ်ရဲ့ မြေး ဝီလ်က ဒီပြိုင်ပွဲမှာယှဉ်ပြိုင်ပြီး အကောင်းဆုံးဆိုတဲ့အနိုင်ရသူဖြစ်လိုစိတ် ပြင်းပြနေခဲ့တယ်။ နောက်ဆုံးမှာ မြေးရဲ့ဆန္ဒအရ၀င်ပြိုင်စေခဲ့ပေမယ့် ယုတ်ညံ့တဲ့အန်တွန်စခိုးလ်ရဲ့ ကောက်ကျစ်မှုကြောင့် အသတ်ခံခဲ့ရတယ်။ ဒီလိုကနေ မြေးအဘိုးအဘွားတစ်သိုက်က ဝီလ်အတွက် ကလဲ့စားချေဖို့အစီအစဉ်ကို စခဲ့ကြတော့တယ်။ ကလဲ့စားချေဖို့အတွက် အစီအစဉ်ဆွဲပြီး မြေးအဘိုးတစ်သိုက် ပြိုင်ပွဲကို၀င်ပြိုင်ခဲ့ကြတယ်။ သူတို့အစီအစဥ်အတိုင်း ဒေါ်လာသန်းတစ်ရာ ရယူနိုင်မလား အရမ်းလည်ပြီး ကောက်ကျစ်တဲ့ စခိုးလ်က သူတို့ရဲ့အစီအစဉ်ကို ရိပ်မိသွားမလား သူတို့ရဲ့ အစီအစဉ်အထမြောက်သွားမလားဆိုတာ ရင်ဖိုစိတ်လှုပ်ရှားဖွယ် စောင့်ကြည့်ရမယ် အက်ရှင်ကားကောင်းပဲဖြစ်ပါတယ်။ File size… (2.2 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Action Duration…. 01:42:40 Subtitle…. Myanmar Subtitle (Hardsub)

ဒီဇာတ်ကားလေးကတော့ ၂၀၂၅ ခုနှစ်တုန်းက ထွက်ရှိထားတဲ့ Action Thriller ဇာတ်ကားတစ်ကားဖြစ်ပြီးတော့ ဒါရိုက်တာ James Bamford က ရိုက်ကူးထားပါတယ်။ အဓိကသရုပ်ဆောင်တွေအဖြစ် Charlie Weber, Katherine McNamara, မင်းသားကြီး Jon Voight တို့က ပါဝင်ထားပါတယ်။ ဇာတ်လမ်းအကျဉ်းကိုပြောပြရရင် မြို့ငယ်လေးတစ်မြို့ရဲ့ရဲမှူးဟာ တစ်နေ့မှာတော့ လျှို့ဝှက်ဆန်းကြယ်လူတစ်ယောက်ကို ထိန်းသိမ်းခဲ့ပါတယ်။ ဖြစ်ချင်တော့ အဲဒီလူက ဒုစရိုက်အဖွဲ့တစ်ဖွဲ့ရဲ့ လက်ကနေ ထွက်ပြေးလာတာဖြစ်ပြီးတော့ အဲဒီအဖွဲ့က သူ့ကို လိုက်သတ်နေကြတာပါ။ ဒီအကြောင်းကို ရဲမှူးသိသွားပြီးတဲ့နောက် သူ့မြို့လေးကို ကာကွယ်ဖို့အတွက် ဒုစရိုက်အဖွဲ့နဲ့ထိပ်တိုက် ရင်ဆိုင်ပါတော့တယ်။ သူတစ်ယောက်တည်းနဲ့ မြို့ကိုကာကွယ် ပေးနိုင်ပါ့မလား အဲဒီလျှို့ဝှက်ဆန်းကြယ်တဲ့လူကရော ဘာလို့ ထွက်ပြေးလာတာလဲ စတဲ့မေးခွန်းတွေရဲ့အဖြေကို သိချင် ရင်တော့ ဒီဇာတ်ကားကိုကြည့်ရှုလိုက်ပါ။ စိတ်လှုပ်ရှားစရာ Action scene တွေနဲ့ပြည့်နှက်နေပြီးတော့ ကြည့်ရှုသူတွေကို သည်းထိပ်ရင်ဖိုဖြစ်စေမယ့် ဇာတ်ကားတစ်ကား ဖြစ်ပါတယ်။ File size… (1.37GB) / (773MB) Quality… WEB-DL 1080p HEVC / 720p Format…mkv / mp4 Duration….1h 32m Genre …..Thriller Subtitle….Myanmar Subtitle (Hard Sub) Encoder….Min Wai Translated by Austin

ဒီ ဇာတ်လမ်းလေးကအမေရိကန် နိုင်ငံရဲ့ အယောက်လေးဆယ်မြောက်ရုပ်ရှင် သရုပ်ဆောင်ကနေ သမ္မတလာဖြစ်တဲ့ ရော်နယ်ရေဂန် ရဲ့ ဘဝဇာတ်ကြောင်း Biography ဇာတ်လမ်းလေးပါ၊ ဒီဇာတ်လမ်းက Paul Kengor ရဲ့ The Crusader: Ronald Reagan and the Fall of Communism ဆိုတဲ့ စာအုပ်ကို Inspired ယူပြီး ရိုက်ထားတာပါ ။ ရော်နယ်ရေဂန်က ဟောလိဝုဒ်မင်းသားကနေ California ရဲ့ မြို့တော်ဝန်ဖြစ်လာပြီး အမေရိကန် နိုင်ငံရေးလောကထဲကို ဝင်လာပြီးတော့ အမေရိကန်နဲ့ ဆိုဗီယက်တို့ စစ်အေးတိုက်ပွဲ အပြင်းအထန်ဖြစ်နေတဲ့အချိန်မှာ သမ္မတဖြစ်ခဲ့တာပါ။ အခု ဂျိုးဘိုင်ဒန်မတိုင်ခင်အထိ ရေဂန်က အမေရိကန် သမ္မတတွေထဲမှာ အသက်အကြီးဆုံး သမ္မတ တစ်ယောက်ပါ။ ဆိုဗီယက် ပြည်ထောင်စုကြီး ပြိုကွဲတာ သူ့ကြောင့်လို့ တော်တော်များများကအခုချိန်ထိပြောကြပါတယ် ။ ဒီထဲမှာတော့ ဆိုဗီယက် KGB အေးဂျင့်ဟောင်းတစ်ယောက်က သူ့အကြောင်းကို ပြန်ပြောတဲ့ Narrative ပုံစံမျိုးနဲ့ ဇာတ်လမ်းကို သွားထားပါတယ်။ ဟောပြောပွဲတွေမှာ စကားနဲ့ ပြည်သူကို သိမ်းသွင်းနိုင်ပြီး ဟာသဉာဏ် ရွှင်ရွှင်နဲ သမ္မတ ရော်နယ်ရေဂန်ရဲ့ ဘဝအတက်အကျနဲ့ အမေရိကန်ရဲ့ စစ်အေးတိုက်ပွဲကာလ အခြေအနေတွေနဲ့သမိုင်းကြောင်းတွေကို သေချာလေးသိချင်ရင်တော့ ဒီကားလေးကို ကြည့်သင့်ပါတယ်။ File size…(2.2 GB)/(1 GB) Quality….Webrip 1080p / 720p Format… mp4 Duration…. 02:21:00 Genre... Docudrama, Biography, Drama, History Subtitle….Myanmar Subtitle (Hardsub) Encoder….Garfield Translated by Nikobaby

ဒီဇာတ်ကားလေးကတော့ Crime Thriller Genre အမျိုးအစားဖြစ်ပြီးတော့ Director Tony Dean Smith ရိုက်ကူးထားကာ အဓိကသရုပ်ဆောင်တွေအဖြစ် Sienna Guillory, Jon Voight, Jamie Bamber တို့က ပါဝင်သရုပ်ဆောင် ပေးထားပါတယ်။ ဇာတ်လမ်းအကျဉ်းကို ပြောပြရရင်တော့ Laura ဟာ အိမ်တွင်းအကြမ်းဖက်မှုနဲ့ ကြုံတွေ့နေရတဲ့ အိမ်ထောင်ရှင်မတစ်ယောက်ဖြစ်ပြီးတော့ တစ်နေ့မှာတော့ ကြေးစားလူသတ်သမားတစ်ယောက်ဖြစ်တဲ့ Sky နဲ့ အမှတ်မထင်တွေ့သွားပါတယ်။ Sky ရဲ့အကြံပေးချက်နဲ့အတိုင်း Laura ဟာ သူ့ယောကျ်ားကိုသတ်ပြီးတော့ Sky နောက်ကိုလိုက်သွားပါတယ်။ အဲဒီဘဝအသစ်ထဲမှာ Laura နေနိုင်ပါ့မလား၊ သူ့ဆုံးဖြတ်ချက်ကရော မှန်ကန်ရဲ့လား၊ Sky ရဲ့ကြေးစားလူသတ်သမားဘဝက Laura နဲ့ ကိုက်ညီမှုရှိရဲ့လား၊ Sky ရဲ့ တကယ့်ရည်ရွယ်ချက်ကရောဘာလဲဆိုတဲ့ မေးခွန်းတွေရဲ့အဖြေကို ဒီဇာတ်ကားထဲမှာ ကြည့်ကြရမှာပါ။ ဇာတ်လမ်းအသွားက သပ်ရပ်ပြီးတော့ မထင်မှတ်ထားတဲ့ Plot Twist တွေ အများကြီးနဲ့ ဇာတ်လမ်းအစကနေ ဆုံးတဲ့အထိ ခံစားမှုရသပေါင်းစုံကို ပေးစွမ်းပြီးတော့ ကြည့်ရှုသူတွေရဲ့စိတ်ကို ကစားနိုင်တဲ့ဇာတ်ကားတစ်ကား ဖြစ်ပါတယ်။ File size…2.15GB / 892MB Quality…WEB-DL 1080p HEVC / 720p Format…mkv / mp4 Duration….1h 46m Genre ….. Crime , Thriller Subtitle….Myanmar Subtitle (Hard Sub) Encoder….Min Wai Translated by Austin

လုပ်ကြံသတ်ဖြတ်မယ့် ရန်သူရဲ့အကြံအစည်ကြောင့် အိပ်မက်ဆိုးတွေနဲ့ နေ့စဉ်ခြောက်လှန့်ခံနေရတဲ့ အမေရိကန်သမ္မတဟောင်း Wainwright ...... နိုင်ငံတကာအစီအစဉ်ရဲ့ တစ်စိတ်တစ်ပိုင်းအနေနဲ့ သူ့ရဲ့သမ္မတရာထူးကို အသရေဖျက်ဖို့ ပူးပေါင်း ကြံစည်မှုကို ရှာဖွေတွေ့ရှိခဲ့တဲ့အခါမှာတော့...... သူယုံကြည်စိတ်ချရတဲ့ အကြံပေးပုဂ္ဂိုလ်နှင့်အတူ အမှန်တရားကို ဖော်ထုတ်မယ့် မစ်ရှင်တစ်ခု စတင်ပြီး အန္တရာယ်ရှိတဲ့လမ်းကြောင်းကို လျှောက်လှမ်းပြီး တိုက်ပွဲဝင်နေခဲ့ပါတယ်။ အက်စ်တိုးဗီးယားစစ်ဆင်ရေးမှာ နျူကလိယ လက်နက်တွေကို ရှာဖွေတွေ့ရှိခဲ့မှာလား၊ လုပ်ကြံ ဖန်တီးခဲ့ထားတဲ့ ထောက်လှမ်းရေးအစီရင်ခံစာတွေက သူ့ဘဝနဲ့ အမေရိကန်စစ်သားတွေအတွက် ဘယ်လောက်ထိ အပြောင်းအလဲဖြစ်စေခဲ့သလဲ၊ စိတ်ဖောက်ပြန်နေပြီလို့ စွပ်စွဲခံရတဲ့သမ္မတကြီးက သူ့ရဲ့ရန်သူတွေကို ဘယ်လို ကျော်လွှားသွားမလဲဆိုတာ ဇာတ်လမ်းအချိတ်အဆက်မိမိနဲ့ ကြည့်ရှုခံစားကြရမှာပဲဖြစ်ပါတယ်။ File size…1.31GB / 583MB Quality…WEB-DL 1080p 5.1CH / 720p Format…mp4 Duration….1h 29m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Zaw Myint

The Painter (2024) ဒီကားကို "The Painter" လို့ ခေါင်းစဉ်တပ်ထားပေမဲ့ တကယ့် ပန်းချီဆရာမဟုတ်ဘဲ ပန်းချီဆရာလို့တင်စားခံရလောက်အောင် လုပ်ကြံသတ်ဖြတ်တဲ့နေရာမှာ ထူးချွန်ပြောင်မြောက်လှတဲ့ လူတစ်ယောက်အကြောင်းဖြစ်ပါတယ်။ ပီတာဘယ်ရက်ဆိုတဲ့လူဟာ ငယ်စဉ်ဘဝ အက်ဆီးဒင့်တစ်ခုဖြစ်ကတည်းက သူ့ရဲ့အကြားအာရုံတွေဟာ ပုံမှန်လိုမဟုတ်တော့ဘဲ အလွန်အမင်းအားကောင်းလာခဲ့ပါတယ်။ မိဘတွေဆုံးပါးသွားတဲ့ပီတာလေးကို သူ့မိဘတွေရဲ့ သူငယ်ချင်းလည်းဖြစ် စီအိုင်အေဝန်ထမ်းတစ်ယောက်လည်းဖြစ်တဲ့ ဘန်းဆိုတဲ့သူက ပီတာ့ကိုမွေးစားပြီး အထူးအေးဂျင့်တစ်ယောက်ဖြစ်အောင် လေ့ကျင့်ပေးခဲ့ပါတယ်။ ပီတာကြီးလာတော့လည်း စီအိုင်အေက အေးဂျင့်တစ်ယောက်နဲ့ ချစ်ကျွမ်းဝင်ခဲ့ပါတယ်။ ပီတာ့မိန်းမဟာ ကိုယ်ဝန်တစ်ဖက်နဲ့ ထောက်လှမ်းရေးလုပ်နေသလို ပီတာကလည်းသူ့စစ်ဆင်ရေးနဲ့သူနဲ့ပေါ့။ ဒီလိုနဲ့ ပီတာတစ်ယောက် စစ်ဆင်ရေးအရောက် သူ့ပစ်မှတ်ကို လုပ်ကြံလုဆဲဆဲမှာပဲ တစ်ဖက်ကနေ ပီတာ့ပစ်မှတ်ကိုဖမ်းဖို့လုပ်နေတဲ့ သူ့မိန်းမကရောက်လာခဲ့ပါတယ်။ အဲဒီအခါ ရုတ်တရက်ဆိုလို ပစ်မှတ်ဘက်ကနေတုံ့ပြန်မှုကြောင့် ပီတာ့မိန်းမဒဏ်ရာရပြီး ရေမွှာပေါက်သွားခဲ့ပါတယ်။ ဒီလိုနဲ့ ဆေးရုံအပြေးရောက်သွားခဲ့ပေမယ့် ပီတာနဲ့အယ်လီနာတို့ရဲ့ကလေးဟာ မွေးမွေးချင်းဆုံးသွားလို့ လင်မယားနှစ်ယောက်စိတ်ဒဏ်ရာရပြီး ကွဲသွားပါတယ်။ ဒါပေမဲ့ တစ်နေ့မှာ ပီတာ့ကို ကလေးတစ်ယောက်လာရှာပါတယ်။ သူ့ရဲ့သမီးလို့အမည်ခံပြီး သူ့မိန်းမအကြောင်းပြောလာတဲ့အခါမှာ ပီတာတစ်ယောက်မခံမရပ်နိုင်ဖြစ်ပြီး အကြောင်းစုံကို လိုက်ရှာပါတော့တယ်။ ဒီလိုနဲ့ပဲ ပီတာတစ်ယောက် ဘယ်လိုအမှန်တရားတွေကို ရှာတွေ့သွားမလဲ... ပီတာ့ကလေးမွေးတဲ့အခါမှာ ဘယ်လိုဒုစရိုက်တွေဖြစ်သွားခဲ့လဲ... ဆိုတာကို စိတ်ဝင်တစားကြည့်ရှုရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 1.3GB, 600MB Quality - 1080p, 720p Format - mp4 Duration - 1H 38Min Genre - Thriller Subtitle - Myanmar Subtitle (Hardsub) Translated by Mark Encoded by Y

မစ်ရှဲလ်ဟာ အာဖဂန်နစ္စတန်မှာ စစ်မှုထမ်းခဲ့ပြီး အခုတော့ မာစီဆေးရုံမှာ ဆရာဝန်လုပ်ရင်း သားလေးနဲ့အတူ အေးအေးချမ်းချမ်း နေနေသူပါ။ တစ်နေ့ ကွင်းဂိုဏ်းက ရိုင်ယန်ကို FBI က ဖမ်းမိပြီး ဂိုဏ်းသားတွေက ပြန်ကယ်ဖို့ ကြိုးစားကြရာကနေ သေနတ်ဒဏ်ရာရထားတဲ့ လူနာတွေ ဆေးရုံကို ရောက်လာကြပါတယ်။ ရိုင်ယန်ရဲ့အစ်ကို ရှောန်၊ ဖခင် ပက်ဒီနဲ့ ဂိုဏ်းသားတွေက သူ့ကို ကယ်ထုတ်ဖို့ ဆေးရုံကို ရောက်လာပြီး တစ်ရုံလုံးကို ဓားစာခံလုပ်လိုက်ကြတယ်။ မစ်ရှဲလ်ရဲ့သား ဘော်ဘီပါ အဖမ်းခံလိုက်ရတဲ့အခါ သားကို ကယ်ဖို့ စစ်မှုထမ်းဟောင်း ဆရာဝန်မက သေနတ်ပြန်ကိုင်ရပါတော့တယ်။ ဆေးရုံထဲက ဓားစာခံအခြေအနေကို အခြေခံထားတဲ့ အက်ရှင်ကားဖြစ်ပြီး Jon Voight လည်း ပါဝင်ထားပါတယ်။

ဒီဇာတ်လမ်းဟာ ဟယ်ရီပေါ်တာဇာတ်လမ်းတွေရဲ့ မှော်လောကထဲမှာ ဖြစ်ပျက်ခဲ့တဲ့အကြောင်းတွေပါပဲ။ ဒါပေမယ် ဖြစ်ပျက်နေတဲ့ကာလဟာ ၁၉၂၆ ဖြစ်ပြီး ကျောင်းအုပ်ဆရာကြီး အဲဘတ်စ် ဒန်ဘယ်လ်ဒိုးရဲ့လူငယ်ကာလဖြစ်ပါတယ်။ အဲဒီကာလရဲ့ နာမည်ကြီးမှော်နက်ဆရာကတော့ ဟယ်ရီစာအုပ်ထဲမှာ နာမည်ဖော်ပြခဲ့တဲ့ ဂရင်ဒီဝေါလ်ပါ။ ဒီဇာတ်ကားရဲ့ အဓိကဇာတ်ကောင်ကတော့ မှော်ပညာ နဲ့ မှော်သတ္တဗေဒ ပညာရှင်  နျု စကန်မန်ဒါပါ(ဟယ်ရီတို့ ကာလမှာ နျုရဲ့စာအုပ်တွေဟာ ကျောင်းအတွက် ပြဌာန်းစာအုပ်ဖြစ်လာခဲ့ပါတယ် ဟက်ဂရစ်လက်စွဲပေါ့)။ နျုဟာ လန်ဒန်ကနေ နယူးယောက်ကို မှော်သတ္တဝါဆန်းတွေ အပြည့်ပါတဲ့ လက်ဆွဲအိတ်တစ်လုံးနဲ့ ရောက်လာခဲ့ပါတယ်။ အဲဒီအချိန်မှာပဲ နယူးယောက်မှာ အဖြေရှာမရတဲ့ ထူးဆန်းတဲ့တိုက်ခိုက်မှုတွေ ပေါ်ပေါက်နေပါတယ်။ အမေရိကန်အခေါ် No-Maj (ဗြိတိန်အခေါ် မက်ဂယ်) မှော်ပညာမတတ်တဲ့ သာမာန်လူသားတစ်ဦးနဲ့ မတော်တဆအလွဲတွေ ဖြစ်ရင်း သူ့ရဲ့သေတ္တာထဲကနေ သတ္တဝါအချို့လွတ်မြောက်သွားတဲ့အခါ တိုက်ခိုက်မှုတွေရဲ့အကြောင်းရင်းဟာ သူ့ကြောင့်လို့ သံသယဖြစ်စရာတွေပေါ်လာပြီး ဖြေရှင်းဖို့ကြိုးစားရပါတော့တယ်။ ဒီဇာတ်ကားဟာ ၅ ကားအထိ ဆက်ရိုက်ဖို့ သတင်းထုတ်ပြန်ထားတာမို့ ဒီကားလေးကြည့်ပြီးရင် နောက်နှစ်တွေအတွက် ဆက်ပြီး စောင့်မျှော်ကြတာပေါ့ဗျာ။ File Size     :   952 MB File Type    :   mp4 Duration    :   2: 13: 38 Quality       :   Bluray rip Translator :   Litttleneo Encoder     :   Littleneo

Getaway (2013) ဇာတ်လမ်းတစ်ပုဒ်လုံး ကားမောင်းတဲ့အက်ရှင်အမိုက်စားတွေနဲ့ စိတ်ဝင်စားစရာ ဇာတ်လမ်းဇာတ်အိမ်မျိုးကို ကြိုက်တယ်ဆိုရင်တော့ 2013 ခုနှစ်ကထွက်ခဲ့တဲ့ ဒီ Getaway ဆိုတဲ့ ဇာတ်လမ်းက ရုပ်ရှင်ချစ်သူတွေအတွက် အကြိုက်တွေ့စေမှာပါ. ဒါ့အပြင် ဒီဇာတ်လမ်းထဲမှာ နာမည်ကြီး ဝါရင့်သရုပ်ဆောင်ဖြစ်တဲ့ Ethan Hawke ကို အဓိက ဇာတ်ကောင်အဖြစ် မြင်တွေ့ရမှာပါ. ဒါ့အပြင် ကျွန်တော်တို့ရဲ့ ငယ်ငယ်က crush လေးဖြစ်ခဲ့ဖူးတဲ့ Selena Gomez လေးကလည်း ပါသေးတယ်ဆိုတော့ကာ ဘာလိုသေးလဲ ဦးကြီးရယ်ပေါ့. ဇာတ်လမ်းအကျဉ်း ဘရန့် မဂ်နာဆိုတဲ့ ပြိုင်ကားမောင်းသမားဟောင်းတစ်ယောက်ဟာ ဇာတ်လမ်းအစမှာ အမည်မသိလူတစ်ဦးရဲ့ လမ်းညွှန်စေခိုင်းချက်အရ ကားတစ်စီးကို သွားပြီး ခိုးရပါတယ်. အဲ့ကားမှာ သူ့ကို ခိုင်းတဲ့လူက ကင်မရာတွေအပြည့်တပ်ဆင်ထားပြီး သူဘာလုပ်နေတယ်ဆိုတာကို အစအဆုံး တစ်နေရာကနေ ထိုင်ကြည့်နေပါတယ်. အဲဒီ့လူက ဘယ်သူလဲဆိုတာကိုတော့ ဘရန့်တစ်ယောက်မသိပါဘူး. နောက်တော့ ကျွန်တော်တို့ရဲ့မင်းသမီးလေး Selena နဲ့တွေ့ဆုံဖို့ဖြစ်လာပြီး အဲဒီ့တွေ့ဆုံမှုကလဲ အမည်မသိသူက စီစဉ်ထားတဲ့ တွေ့ဆုံမှုပဲလား? ဘရန့်ကရော ဘာဖြစ်လို့ အမည်မသိသူ ခိုင်းတဲ့အတိုင်း တစ်ခုမကျန်လိုက်လုပ်နေရသလဲ? အဲဒီ့လူရဲ့ သရုပ်မှန်ကရော ဘာဖြစ်မလဲ? စတဲ့ စတဲ့ မြှုပ်ကွက်လေးတွေနဲ့ စိတ်လှုပ်ရှားဖို့ကောင်းအောင် ကြည့်ရှုရမယ့် ဇာတ်ကားကောင်းတစ်ကားဖြစ်ပါတယ်. ဇာတ်လမ်းကိုအခြေတည်ထားတာတော့ ခရစ်စမတ်အချိန်မှာဖြစ်ပေမယ့် တခြား ခရစ်စမတ်ဇာတ်လမ်းတွေကို နုနုရွရွလေးမဟုတ်ပဲ ကြမ်းကြမ်းရမ်းရမ်းနဲ့ ခရစ်စမတ်ကို ဖြတ်သန်းတဲ့ ဘရန့် မဂ်နာ (Ethan Hawke) တစ်ယောက်ကိုမြင်တွေ့ရမှာဖြစ်ပါတယ်. အညွှန်းနှင့် ဘာသာပြန်ကိုတော့ Jo Joe မှရေးသားထားပါတယ်

Tropic Thunder (2008) IMDb Rating (7.1) / Rotten Tomatoes (82%) ဒီဇာတ်ကားက ပိုစတာကြည့်ပြီးခန့်မှန်းရရင် ရှယ်ကြမ်းမယ့် စစ်ကားလို့ ထင်စရာရှိပေမယ့် တကယ်တမ်းတော့ ရှယ်ကြမ်းတဲ့ ဟာသဇာတ်ကားပါ။ မင်းသားတွေက Iron Man မင်းသားကြီး Robert Downey Jr... Night at The Museum မင်းသားကြီး Ben Stiller... ဂါလီဗာ မင်းသားကြီး Jack Black... She's Out of My League ထဲက Jay Baruchel... မင်းသားကြီး Tom Cruise , Matthew McConaughey ...စတဲ့ နာမည်ကြီးမင်းသားတွေပါ ပါဝင်ထားပါသေးတယ်။ နာမည်ကြီးမင်းသားတွေ ရုပ်ဖျက် ပုံဖျက်ပြီး ပါဝင်ထားလို့ ရုတ်တရက်ကြည့်ရင် မမှတ်မိနိုင်တဲ့ထိ ဖြစ်နိုင်ပါတယ်။ သရုပ်ဆောင်တွေကြောင့် ရယ်ရမှာထက် ဇာတ်လမ်းနဲ့တင်ပဲ ဟားတိုက်ပြီးရယ်မိမယ့် ဇာတ်ကားမျိုးပါ။ ဇာတ်လမ်းကတော့ စစ်ကားရိုက်တဲ့ သရုပ်ဆောင်မင်းသားတသိုက် ရိုက်ကွင်းလို့ သူတို့ထင်နေတဲ့နေရာကို ရောက်သွားကြပေမယ့် အဲ့နေရာက တကယ်တော့ ဖုန်းဆိုးမြေဖြစ်ပြီး တကယ်စစ်ဖြစ်နေတဲ့နေရာပါ... ဒီတော့ မင်းသားတွေကလဲ ရုပ်ရှင်ရိုက်နေတယ်ပဲ ထင်နေကြပေမယ့် အပြင်မှာ တကယ်နောင်ဂျိန်ပလေးနေတာကိုမမျှော်လင့်ဘဲ တကယ်ကြုံလိုက်ရတဲ့အခါမှာတော့ ဒီသောက်ပြဿနာကြီးထဲကနေလွတ်မြောက်အောင် ဘယ်လိုဖိုက်ကြမလဲဆိုတာ အလွဲပေါင်းသောင်းခြောက်ထောင်နဲ့ ခွီနေကြရမှာပါ။ မင်းသားကြီး Ben Stiller ကိုယ်တိုင် ဒါရိုက်တာအဖြစ်ရိုက်ကူးထားတဲ့ ဒီဇာတ်လမ်းက အတော်ဂွကျလှတဲ့ ဇာတ်လမ်းဖြစ်ပြီး စဉ်းစဉ်းစားစားရိုက်ကူးတတ်တာကို အသိအမှတ်ပြုရမှာပါ။ စိတ်ညစ်စရာတွေကို ခဏတာမေ့ပျောက်သွားဖို့ဆို သရုပ်ဆောင်ဒိတ်ဒိတ်ကြဲတွေ အမှန်အကန်သရုပ်ဆောင်ထားတဲ့ ရုပ်တည်ကြီးနဲ့ ဒီလိုဟာသကားက ကြည့်ဖို့တိုက်တွန်းလိုက်ပါတယ်။ File size…(6.9 GB)/ (2.7 GB )/(1.5 GB) Quality…WEB-DL 4K HEVC/1080p HEVC / 720p Format…mkv/mp4 Duration….01:48:00 Subtitle….Myanmar Subtitle (Hardsub) Encoder….Ka Naung

ပထမ Transformer ဇာတ်လမ်းအဓိကကျောရိုးက All Spark ကိုလိုတာနဲ့ စပါတယ်။ Transformer အမည်ခံစက်ရုပ်များဟာ သူတို့နေထိုင်တဲ့ Cybertron ဆိုတဲ့ဂြိုဟ်မှာ Autobots နဲ့ Decepticons တွေ တိုက်ပွဲဖြစ်ခဲ့ပြီး Decepticons ခေါင်းဆောင် Megatron ရဲ့ ဖျက်ဆီးမှုကြောင့် Cybertron ဂြိုဟ်ပျက်စီးခဲ့ပါတယ် ။ ( All Spark ဆိုတာ ပထမ Transformer movie မှာတွေ့ရတဲ့ ကုဗတုံးတစ်ခုပါ ) Autobots တွေဟာ All Spark ကို ပြန်လည်ရှာဖွေပြီးတော့ သူတို့မူလဂြိုဟ်ဟောင်း Cybertron ကို ပြန်လည်တည်ဆောက်ချင်ပါတယ် ။ Decepticons တွေကတော့ All Spark ကို ရှာဖွေပြီး စကြဝဠာကို စိုးမိုးချင်သူများပါ ။ Decepticons ခေါင်းဆောင် Megatron ဟာ ကမ္ဘာဂြိုဟ်ပေါ်မှာ All Spark ရှိနေတယ်ဆိုတဲ့ သတင်းကို ကြားလျှင်ကြားချင်း ကမ္ဘာပေါ်သက်ဆင်းရာမှာ အခန့်မသင့် crash landing ကြောင့် အာတိတ်သမုဒ္ဒရာ ရေခဲအောက်မှာ ခဲသွားခဲ့ပါတယ် ။ ဒါကို Sam ရဲ့ အဖိုး ကပ္ပတိန် Witwicky တွေ့ရှိခဲ့ပါတယ် ။ ဒီမှာတင် မတော်တစ်ဆ Megatron ရဲ့ navigational system ကို အက်တီဗိတ်လုပ်မိတာကြောင့် သူ့ မျက်မှန်မှာ ကိုအော်ဒီနိပ်များနဲ့ ဖော်ပြလိုက်သလိုဖြစ်သွားပါတယ် ။ ဒီ ရေခဲအောက်မှာ ခဲနေတဲ့ Megatron နဲ့ All Spark ကို အမေရိကန်အစိုးရ ရဲ့ ထိပ်တန်းလျှို့ဝှက်အဖွဲ့အစည်းဖြစ်တဲ့ Sector 7 မှ သိမ်းဆည်း ခဲ့ပါတယ် ။ All Spark မှ စွမ်းအင်အဆက်မပြတ်ထုတ်လွှတ်မှုကို ကာကွယ်တဲ့ အနေနဲ့ ၎င်းထားရှိရာ လျှို့ဝှက်နေရာရဲ့ပတ်ပတ်လည်မှာ ရေလွှဲဆည်အကြီးကြီး တစ်ခုကို တည်ဆောက်ခဲ့ပါတယ် ။ ဒါကို Autobots နဲ့ Decepticons တွေသိရှိပြီး All Spark ကို လိုချင်လို့ တိုက်ပွဲဖြစ်ကြပြီး ဘယ်လိုစခန်းသွားကြမလဲဆိုတာ........။ ~ Review Credit (Transformers ဇာတ်ကားအားလုံးကို   https://channelmyanmar.org/?s=transformers  မှာရှာပြီး Download လုပ်လို့ရပါတယ်။ ) 4K Version ကတော့ HDR ဖြစ်တာကြောင့် ခေတ်ပေါ် Smart Device များမှာသာ ကာလာစုံမြင်ရမှာဖြစ်ပါတယ်။ File size…(6.8 GB)/(3.3 GB)/(1.5 GB) Quality….BluRay 4K HDR HEVC/1080p/720p HEVC Format…mkv/mp4 Duration….02:23:27 Subtitle….Myanmar Subtitle (Hardsub) Encoder….Nyeinsaeya Aung

ဘန်ဂိတ်စ်တို့ရဲ့ ဘိုးဘေး သောမတ်စ်ဂိတ်စ်ဟာ ပြည်တွင်းစစ်ခေတ်က လင်ကွန်းလုပ်ကြံမှုကို ကြိုးကိုင်ခဲ့သူဆိုပြီး စွပ်စွဲခံရပါတယ်။ လုပ်ကြံသူရဲ့ ပျောက်ဆုံးနေတဲ့ ဒိုင်ယာရီစာမျက်နှာတစ်ရွက် ပြန်ပေါ်လာပြီး အဲဒီပေါ်မှာ သောမတ်စ်ဂိတ်စ်ရဲ့အမည် ပါနေလို့ပါ။ မိသားစုနာမည်ပျက်ကို ရှင်းဖို့အတွက် သောမတ်စ်ဂိတ်စ် ဖျက်ဆီးဖို့ ကြိုးစားခဲ့တဲ့ အဲဒီစာရွက်ဟာ ရတနာမြေပုံဖြစ်ကြောင်း သက်သေပြရတော့မယ်။ ဒီလိုနဲ့ ဘန်တို့အဖွဲ့ ရတနာရှာဖို့ ခရီးထွက်လာကြပါတယ်။ National Treasure ရဲ့ ပထမကားလိုပဲ သမိုင်းနဲ့ ပဟေဠိတွေကို အခြေခံပြီး သဲလွန်စတစ်ခုနောက်တစ်ခု လိုက်ရှာကြရတဲ့ဇာတ်လမ်းပါ။ ဒီတစ်ခါမှာတော့ အထင်ကရနေရာတွေ ပိုပါလာပြီး သမ္မတအဆင့်အထိ ပတ်သက်လာတယ်။ ရတနာသိုက်ရှာဖွေမှုကို နိုင်ငံ့သမိုင်း၊ သမ္မတတွေနဲ့ နိုင်ငံရေးရာကိစ္စတွေကြား ချိတ်ဆက်ထားပြီး အက်ရှင်ခန်းတချို့လည်း ရောနှောထားပါတယ်။ နစ်ကေ့ သရုပ်ဆောင်တဲ့ ဘန်ဂိတ်စ်က ခပ်တည်တည်နေပြီး ကိုယ့်ကိုယ်ကို အထင်ကြီးတတ်သူပါ။ ဂျက်စတင်ရဲ့ ဇာတ်ကောင်ကတော့ ဟာသလေးတွေ ပြောတတ်သူဖြစ်တယ်။ ခရူဂါရဲ့ ဇာတ်ကောင်အပါအဝင် အဓိကဇာတ်ကောင်တွေ အပေးအယူမိပုံကို မူရင်းက အလေးထားဖော်ပြထားပါတယ်။ အခွေငှားဆိုင်ခေတ်ကတည်းက လူသိများခဲ့တဲ့ National Treasure ဟာ နစ်ကေ့ရဲ့ အောင်မြင်တဲ့ ရုပ်ရှင်တွဲတွေထဲက တစ်ခုဖြစ်ပြီး ဆက်စပ်စာအုပ်တွေလည်း ထွက်ရှိခဲ့ပါတယ်။ မူရင်းစာမှာတော့ အဲဒီခေတ်က ပုတက်၊ ကစ်ဇုန်လို ကာတွန်းဂျာနယ်တွေ၊ သုတစာအုပ်တွေကတစ်ဆင့် သမိုင်းဝင်ပုဂ္ဂိုလ်တွေနဲ့ နေရာတွေကို ရင်းနှီးခဲ့ကြပုံ၊ မင်းသိင်္ခရဲ့စာတွေကနေ ဖရီးမေဆင်အကြောင်း ကြားဖူးခဲ့ကြပုံကိုလည်း ပြန်ပြောထားတယ်။ အရင်က ဖတ်ဖူးကြားဖူးတဲ့အရာတွေကို ရတနာရှာဇာတ်လမ်းထဲမှာ ပြန်တွေ့ရတဲ့အရသာနဲ့ ဒီကားတွေကို ကြည့်ခဲ့ရတဲ့အချိန်ကို လွမ်းဆွတ်မိပုံတို့ကို ရေးထားပါတယ်။

ဘန်ဂိတ်စ်တို့မျိုးရိုးဟာ ဘိုးဘေးတွေလက်ထက်ကတည်းက ဝှက်စာတွေဖော်ပြီး ရတနာသိုက်ရှာလာခဲ့ကြသူတွေပါ။ သူတို့ရှာနေတဲ့ ရတနာသိုက်ကို တခြားလူတွေက ရှိတယ်လို့တောင် မယုံကြတဲ့အတွက် အရူးတွေလို့ အလှောင်ခံခဲ့ရတယ်။ ဘန်ကတော့ သူ့လက်ထက်မှာ ဒီအလှောင်ခံရမှုကို အဆုံးသတ်ဖို့ ရတနာသိုက်ကို အရရှာချင်နေပါတယ်။ သဲလွန်စတွေနောက် လိုက်ရင်း သူ့ရဲ့ရှာဖွေမှုက အမေရိကန်နိုင်ငံ တည်ထောင်သူတွေ၊ လွတ်လပ်ရေးကြေညာစာတမ်းနဲ့ အမေရိကန်သမိုင်းထဲက အထင်ကရအရာတွေဆီ ဦးတည်လာတယ်။ ဖရီးမေဆင်တွေရဲ့ လျှို့ဝှက်ချက်တွေကိုလည်း ဖော်ထုတ်ဖို့ လိုလာပါတယ်။ ဒီကြားထဲ သူငယ်ချင်းတစ်ယောက်ရဲ့ သစ္စာဖောက်မှုကိုပါ ခံလိုက်ရပေမယ့် ဘန်က ရှာဖွေမှုကို လက်မလျှော့ခဲ့ဘူး။ သမိုင်းအမွေအနှစ်တွေကို မြတ်နိုးတဲ့ မော်ကွန်းတိုက်မှူး အဘီဂေးလ်နဲ့ နည်းပညာကျွမ်းကျင်တဲ့ သူငယ်ချင်း ရိုင်လေတို့ရဲ့ အကူအညီနဲ့ လွတ်လပ်ရေးကြေညာစာတမ်းကို ခိုးယူပြီး ရတနာသိုက်ရှာဖို့ ကြိုးစားကြတယ်။ အဲဒီနောက်တော့ FBI ကရော လူဆိုးတွေကပါ လိုက်လာကြလို့ နှစ်ပေါင်းများစွာ ဘယ်သူမှ ရှာမတွေ့ခဲ့တဲ့ ရတနာသိုက်နောက်ကို လွတ်လွတ်လပ်လပ် လိုက်နိုင်တဲ့အခြေအနေ မရှိတော့ပါဘူး။ နစ်ကေ့ သရုပ်ဆောင်ထားတဲ့ ဘန်ဂိတ်စ်က ခပ်တည်တည်နေပြီး မသိမသာ ဘဝင်မြင့်တတ်သူပါ။ ဂျက်စတင်ရဲ့ ဟာသပြောတတ်တဲ့ ဇာတ်ကောင်နဲ့ ခရူဂါရဲ့ ဇာတ်ကောင်တို့ တွဲပါလာတဲ့အခါ သူတို့အချင်းချင်း အပေးအယူကလည်း ရတနာရှာခရီးရဲ့ အစိတ်အပိုင်းတစ်ခု ဖြစ်လာပါတယ်။ အက်ရှင်၊ စွန့်စားခန်းနဲ့ ဝှက်စာပဟေဠိတွေကို သမိုင်းအမွေအနှစ်တွေနဲ့ ဆက်စပ်ထားတဲ့ ဇာတ်ကားပါ။ အခွေငှားဆိုင်ခေတ်ကတည်းက လူသိများခဲ့တဲ့ National Treasure ဟာ နစ်ကေ့ အက်ရှင်ဇာတ်ကားတွေဘက်မှာ နာမည်ရလာတဲ့ကာလက ရိုက်ကူးခဲ့တာဖြစ်ပြီး ပထမကားက ရုံဝင်ငွေကောင်းခဲ့ပါတယ်။ ရှေ့ကဇာတ်ကားနှစ်ကားလုံးမှာ ရတနာသိုက်ရှာတာကို အမေရိကန်သမိုင်းနဲ့ နိုင်ငံ့ရေးရာတွေကြား ချိတ်ဆက်ပုံဖော်ထားတယ်။ သုတစာအုပ်တွေ၊ ကာတွန်းဂျာနယ်တွေနဲ့ စာရေးဆရာတွေရဲ့ လက်ရာတွေကနေ ဒီသမိုင်းအကြောင်းနဲ့ ဖရီးမေဆင်အကြောင်း ရင်းနှီးခဲ့သူတွေအတွက်တော့ သိပြီးသားအကြောင်းအရာတွေကို စွန့်စားခန်းထဲမှာ ပြန်တွေ့ရသလို ဖြစ်စေပါတယ်။ ဇာတ်ကားတွေ အောင်မြင်လာပြီးနောက် စာအုပ်တချို့နဲ့ မူလဇာတ်ကောင်တချို့ ပြန်ပါလာတဲ့ ဇာတ်လမ်းတွဲတစ်ခုလည်း ထွက်ရှိခဲ့ပါတယ်။

ဗိုလ်မှူးဘန်မာကိုနဲ့ ပထမတန်းဆာဂျင် ရေမွန်ရှောတို့ဟာ ၁၉၉၁ ခုနှစ် ကန္တာရမုန်တိုင်းတိုက်ပွဲမှာ ပါဝင်ခဲ့ကြပါတယ်။ အဲဒီတိုက်ပွဲမှာ ရဲရင့်စွာ တိုက်ခိုက်ခဲ့တယ်ဆိုတဲ့ အကြောင်းပြချက်နဲ့ ရေမွန်ဟာ ဂုဏ်ထူးဆောင်ဆုတံဆိပ် ချီးမြှင့်ခံရပြီး နောက်ပိုင်းမှာ လွှတ်တော်အမတ် ဖြစ်လာတယ်။ အခုတော့ ဒုတိယသမ္မတအဖြစ် ရွေးကောက်ခံဖို့အထိ ရှေ့ဆက်နေပါပြီ။ ဒါပေမဲ့ ဘန်နဲ့ အဲဒီတိုက်ပွဲမှာ ရှိခဲ့တဲ့တပ်သားတွေက ထူးဆန်းတဲ့အိပ်မက်တစ်ခုကို ထပ်ခါထပ်ခါ မက်နေကြတယ်။ အိပ်မက်ထဲမှာတော့ ဆုတံဆိပ်ရသင့်သူဟာ ရေမွန်မဟုတ်ဘဲ ဘန်ဖြစ်နေပြီး ရေမွန်ကိုသာ ထိုက်တန်သူလို့ ယုံကြည်အောင် နည်းတစ်မျိုးမျိုးနဲ့ စိတ်ကို ထိန်းချုပ်ထားသလို အပိုင်းအစတွေ မြင်နေကြရပါတယ်။ ရေမွန် ဆုတံဆိပ်ရလာတဲ့နောက်ကွယ်မှာ ဘာတွေရှိနေတာလဲ၊ တိုက်ပွဲထဲမှာ တကယ်ဘာဖြစ်ခဲ့တာလဲဆိုတာ ဘန်က စုံစမ်းဖို့ ကြိုးစားလာတယ်။ နိုင်ငံရေးလှည့်ကွက်တွေနဲ့ စိတ်ပိုင်းဆိုင်ရာလှည့်စားမှုတွေကို တွဲဖော်ပြထားတဲ့ ဒီဇာတ်ကားမှာ Denzel Washington၊ Liev Schreiber၊ Meryl Streep၊ Jon Voight နဲ့ Kimberly Elise တို့ ပါဝင်သရုပ်ဆောင်ထားပါတယ်။

စတန်လီ ယဲနက် လေးဟာ မိသားစုမှာ နှစ်ပေါင်း ၁၅၀ ကျော်ကြာနေပြီဖြစ်တဲ့ ကျိန်စာကြောင့် အမြဲကံဆိုးနေရသူပါ။ တစ်နေ့ လမ်းလျှောက်နေတုန်း အပေါ်ကနေ သူ့ခေါင်းပေါ် ဖိနပ်တစ်ရံ ကျလာပါတယ်။ အဲဒီဖိနပ်ကို ယူသွားမိရာက ဖိနပ်ခိုးမှုနဲ့ တရားစွဲခံရပြီး ဂရင်းလိတ်ခ် လူငယ်ပြုပြင်ရေးစခန်းဆီ အပို့ခံလိုက်ရတော့တယ်။ ဂရင်းလိတ်ခ်က လူငယ်တွေကို ပြုပြင်ပေးတဲ့စခန်းဆိုပေမယ့် တကယ်ရောက်သွားတဲ့အခါ အတင်းအကြပ် အလုပ်ကြမ်းခိုင်းတဲ့နေရာ ဖြစ်နေပါတယ်။ အဆိပ်ရှိတဲ့ မြွေတွေ၊ ဖွတ်တွေရှိရာ ကန္တာရထဲမှာ နေ့တိုင်း ငါးပေနက်ပြီး ငါးပေကျယ်တဲ့ တွင်းတွေ တူးကြရတယ်။ စခန်းကြီးကြပ်ရေးမှူးက တစ်ခုခုကို ရှာခိုင်းနေတာဖြစ်ပေမယ့် ဘာကိုရှာနေမှန်းတော့ သူတို့မသိကြဘူး။ စတန်လီဟာ စခန်းမှာ အသားကျအောင် နေထိုင်ရင်း ဟက်တာ ဇာရိုနီဆိုတဲ့ ကောင်လေးကို စာဖတ်တတ်အောင် သင်ပေးနေပါတယ်။ တစ်နေ့မှာ ဟက်တာက ပြဿနာတစ်ခုကြောင့် စခန်းကနေ ထွက်ပြေးသွားတယ်။ အဲဒီကန္တာရထဲမှာ တစ်ယောက်တည်း အသက်ရှင်ဖို့ မဖြစ်နိုင်တာကြောင့် စတန်လီလည်း သူ့နောက်ကို လိုက်သွားခဲ့ပါတယ်။ သူတို့ကို တူးဖော်ရှာခိုင်းနေတဲ့အရာက စတန်လီတို့မိသားစုရဲ့ကျိန်စာနဲ့ရော၊ ကြီးကြပ်ရေးမှူးရဲ့မိသားစုနဲ့ပါ ဆက်နွယ်နေပါတယ်။ စတန်လီနဲ့ ဟက်တာတို့ ကန္တာရထဲမှာ ရှင်သန်နိုင်ကြမလား၊ ရှာနေတဲ့အရာကို တွေ့ကြမလားဆိုတဲ့ မေးခွန်းတွေနဲ့အတူ စတန်လီရဲ့ဘိုးဘေးတွေ အတိတ်မှာ ဘာကြုံခဲ့ကြသလဲဆိုတာကိုပါ ဆက်ဖော်ပြထားတယ်။ ၂၀၀၃ ခုနှစ်က ထွက်ရှိခဲ့တဲ့ ဒီမိသားစုဟာသဒရမ်မာမှာ Shia LaBeouf က စတန်လီအဖြစ် ပါဝင်ထားပါတယ်။

IMDB 6.5/10 ရရှိထားတဲ့ Comedy ဇာတ်ကားတစ်ကားနဲ့ မိတ်ဆက်ပေးချင်ပါတယ်။ Night at the Museum ထဲက မင်းသား Ben Stiller နဲ့ Shanghai Noon ထဲက မင်းသား Owen Wilson တို့အပြင် မင်းသမီး Christine Taylor နဲ့ မင်းသားကြီး Will Ferrell တို့က အဓိက ပါဝင်သရုပ်ဆောင်ထားပါတယ်။ ထူးခြားတဲ့အကြည့်တွေနဲ့ ဆွဲဆောင်နိုင်စွမ်းရှိသူ ဒဲရစ်ဇူးလန်ဒါက ဖက်ရှင်လောကရဲ့ အောင်မြင်တဲ့ အမျိုးသားမော်ဒယ်တစ်ယောက်ပါ။ တစ်ရက်မှာတော့ သူ့ရဲ့ ကျော်ကြားလှတဲ့ ဂုဏ်သတင်းကို အစွန်းအထင်းဖြစ်စေမယ့် အဖြစ်အပျက်တစ်ခု ဖြစ်ပွားခဲ့ပြီး သူက မော်ဒယ်လောကကနေ အနားယူဖို့ ဆုံးဖြတ်ခဲ့ပါတယ်။ အနားယူဖို့ ဆုံးဖြတ်ပြီး မကြာခင်မှာပဲ ဖက်ရှင်လောကရဲ့ အကျော်အမော်ဒီဇိုင်နာကြီး မူဂါတူက အလုပ်အတူလုပ်ဖို့ ကမ်းလှမ်းခဲ့တာကြောင့် ရိုးရိုးသားသား လက်ခံခဲ့ပေမဲ့ တကယ်တမ်း မူဂါတူရဲ့အကြံက သူ့ကို ဦးနှောက်ဆေးပြီး မလေးရှားဝန်ကြီးချုပ်ကို သတ်ဖို့အတွက် ခိုင်းစေဖို့ ဖြစ်နေတဲ့အခါ.. သူက မူဂါတူရဲ့အကြံအတိုင်း မလေးရှားဝန်ကြီးချုပ်ကို သတ်လိုက်မှာလား.. မသတ်ဘဲ ဦးနှောက်ဆေးတာကို ရှောင်လွဲနိုင်မလားဆိုတာကိုတော့ ဇာတ်လမ်းထဲမှာပဲ ဆက်ကြည့်လိုက်ကြပါဦးနော်။ File size…(1.6 GB)/(876 MB) Quality….Webrip 1080p / 720p Format…mp4 Duration….01:30:00 Genre... Comedy Subtitle….Myanmar Subtitle (Hardsub) Encoder….Mr. Anderson Translated by Emily

Pearl Harbor 2001 ၁၉၄၁ ခုနှစ်က အမေရိကန်နိုင်ငံ၊ပုလဲဆိပ်ကမ်းကိုဂျပန်တွေလာရောက်တိုက်ခိုက်ခဲ့တဲ့ဖြစ်ရပ်မှန်အပေါ်မူတည်ပြီးရိုက်ကူးထားတဲ့ ဇာတ်လမ်းဖြစ်ပါတယ်။ ဖြစ်ရပ်မှန်ဆိုပေမယ့်အဓိကဇာတ်ကောင်တွေကတော့စိတ်ကူးယဥ်သာဖြစ်ပြီးအချစ်ဇာတ်လမ်းအပိုင်းပါထည့် သွင်းထားတာဖြစ်ပါတယ်။ ရေ့ဖ်နဲ့ဒန်နီဟာ ငယ်စဥ်ကတည်းကအချစ်ဆုံးသူငယ်ချင်းတွေဖြစ်ပြီး အမေရိကန်လေတပ်ပိုင်းလော့တွေလည်းဖြစ်ကြပါတယ်။ ရေ့ဖ်ဟာ အက်ဗလင်း ဆိုတဲ့ စစ်သူနာပြုနဲ့ချစ်ကြိုက်ပြီးနောက် ဥရောပမှာဖြစ်ပွားနေတဲ့ဒုတိယကမ္ဘာစစ်အတွက် ဗြိတိန်ဘက်မှဝင်တိုက်ပေးဖို့အခွင့်အရေးကိုရရှိသောအခါလက်လွှတ်မခံနိုင်၍ ချစ်သူအက်ဗလင်းကိုနှုတ်ဆက်ကာ အင်္ဂလန်သို့ထွက်သွားပါတော့တယ်။ ရေ့ဖ်တစ်ယောက် အင်္ဂလန်မှာဂျာမန်တွေကိုတိုက်ခိုက်နေချိန်မှာ အင်အားနည်းနေတဲ့ပုလဲဆိပ်ကမ်းကို ထင်မှတ်မထားတဲ့အန္တရာယ်ကြီးကျရောက်လာပါတော့တယ်။ ဒီဇာတ်လမ်းကိုရိုက်ကူးခဲ့တဲ့ဒါရိုက်တာဟာ Transformers ဇာတ်လမ်းတွေနဲ့နာမည်ကြီးခဲ့တဲ့ Michael Bay ဖြစ်တာမို့သူ့ရဲ့အက်ရှင်ပေါက်ကွဲမှုလက်ရာတွေကိုဇာတ်လမ်းတစ်လျှောက် အားရပါးရမြင်တွေ့ရမှာပါ။ အက်ရှင်ကားကြမ်းကြမ်းကြိုက်သူတွေ၊ စစ်ဇာတ်လမ်းကြိုက်သူတွေ၊ ဒါရိုက်တာ Michael Bay ရဲ့လက်ရာတွေကြိုက်သူတွေအဖို့တော့ ကြည့်သင့်တဲ့ဇာတ်ကားကောင်းတစ်ကားဖြစ်ပါတယ်။ Translated by : Pyi T Nyein Encoded by : YK Quality : 1080p blueray and 720p

အမျိုးသမီးဖိုက်တာဇာတ်ရုပ်တွေဆိုရင် Angelina Jolie ရဲ့ Lara Croft: Tomb Raider ရုပ်ရှင်တွေက ထိပ်ဆုံးကပါလာတတ်ပါတယ်။ ဂိမ်းဇာတ်ကောင် Lara Croft ကို ရုပ်ရှင်အဖြစ်ရိုက်ကူးထားတာဖြစ်ပြီး Lara Croft ဇာတ်ကားတွေရဲ့ တင်ဆက်ပုံက ဇာတ်လမ်းဇာတ်ကွက်ထက် ဇာတ်ကောင်ရဲ့ မိမိုက်နေမှုကိုပဲ ဦးစားပေးပုံဖော်ထားပါတယ်။ ဇာတ်ကောင်မင်းသမီးကလဲ အင်ဂျလီနာဂျိုလီဆိုတော့ လိုတာထက်ပိုတဲ့ မိမိုက်နေမှုတွေကို ခံစားကြည့်ရှုရမှာပါ။ ရှေးခေတ်က သဘာဝလွန်ပစ္စည်းတွေကို ရှာဖွေရာမှာ ကမ္ဘာကိုဒုက္ခပေးမယ့် လူဆိုးတွေနဲ့ အပြိုင်အဆိုင် အနိုင်ကြဲမယ့် မိန်းမ ဂျိမ်းစ်ဘွန်း အဖြစ် ဂျိုလီကိုရှုမြင်ရတာ လိုက်ဖက်လွန်းပါတယ်။ Action, Adventure, Fantasy ဆိုတဲ့ အရသာကို အပြည့်အဝခံစားရမှာပါ။ BluRay 4K Quality နဲ့ ပြန်လည်တင်ဆက်လိုက်ပါတယ်။ File size…(3.4 GB)/(1.5 GB)/(750 MB) Quality….BluRay 4K HEVC/ 1080p / 720p Format…mkv/mp4 Duration….01:40:31 Subtitle….Myanmar Subtitle (Hardsub) Encoder….Nyeinsaeya Aung Translated by KiKi

Varsity Blues ဆိုတာ ၁၉၉၉ ခုနှစ်က ထွက်ခဲ့တဲ့ ဘောလုံးအကြောင်းနဲ့ လူငယ်ဘဝရဲ့ အလှည့်အပြောင်းတွေကို ရိုက်ပြထားတဲ့ ဇာတ်ကားလေးတစ်ကားပါ ဇာတ်အိမ်က တက္ကဆက်ပြည်နယ်က မြို့ငယ်လေးတစ်မြို့မှာ တည်ထားတာ ဒီမြို့မှာ ဘောလုံးဆိုတာ ဘာသာတရားလိုပဲ အားလုံးက အထက်တန်းကျောင်းရဲ့ ဘောလုံးအသင်းကို အသက်သွင်းထားတဲ့ပုံစံပေါ့ အဓိကဇာတ်ကောင်ကတော့ ဂျွန်နီ မော့က်စ် ဆိုတဲ့ကောင်လေး (ဂျိမ်းစ် ဗန် ဒါ ဘိခ် သရုပ်ဆောင်ထားတာ) သူက အသင်းရဲ့ အရန် ကွာတားဘက် ပြီးတော့ ဒီဘောလုံးအရူးတွေနဲ့ ပြည့်နေတဲ့ မြို့မှာ သူ့ဘဝကို သူ ကိုယ်ပိုင်လမ်းနဲ့ သွားချင်တဲ့ ကောင်မျိုးဖြစ်နေတာ ဒါပေမယ့် ကံကြမ္မာက လှည့်စားတယ်လေ အသင်းရဲ့ စတားကစားသမား လန်စ် ဟာဘာ ဒဏ်ရာရသွားတော့ မော့က်စ်တစ်ယောက် မထင်မှတ်ဘဲ အဓိက ကွာတားဘက်ဖြစ်လာတယ် ဒီမှာ ပြဿနာက နည်းပြကြီး ဘတ်ကုန်း (ဂျွန် ဗွိုက်ထ် သရုပ်ဆောင်ထားတယ်) သူက အနိုင်ရဖို့ဆို ဘာမဆို လုပ်မယ့် လူမိုက်ပုံစံ ကစားသမားတွေကို စိတ်ရော ကိုယ်ပါ ဖိအားပေးတာ မော့က်စ်ကတော့ ဒီဖိအားတွေ မြို့သူမြို့သားတွေရဲ့ မျှော်လင့်ချက်တွေကြားမှာ သူဘာကို တကယ်လိုချင်လဲ ရှာဖွေရတော့တာပဲ ဇာတ်ကားထဲမှာ သူငယ်ချင်းတွေ အချစ်ရေး (အေမီ စမတ် သရုပ်ဆောင်တဲ့ ဒါစီနဲ့ ဇာတ်လမ်းလေး ပါသေးတယ်) မိသားစုပြဿနာတွေနဲ့ ဘဝရဲ့ ရွေးချယ်မှုတွေကို ဟာသလေးနှောပြီး ပြသွားတာ နောက်ဆုံး မော့က်စ်တစ်ယောက် အသင်းကို သူ့လမ်းနဲ့ ဦးဆောင်ပြီး သူ့ကိုယ်သူ ပြန်ရှာတွေ့သွားတဲ့ ပုံစံနဲ့ ဇာတ်သိမ်းထားပါတယ် ဘောလုံးပရိသတ်ဖြစ်ဖြစ် လူငယ်ဘဝ ဇာတ်လမ်းမျိုးကြိုက်တတ်သူဖြစ်ဖြစ် ဒီဇာတ်ကားက စိတ်ဝင်စားစရာပါပဲ File size… (2.3 GB) / (1.3 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre... Comedy, Drama, Romance  Subtitle….Myanmar Subtitle (Hardsub) Encoder….Swan Min Htet Translated by Min Khant

The General (1998) IMDb Rating (7.2) / Rotten Tomatoes (83%) ဇာတ်လမ်းအကျဉ်း ဒီဇာတ်ကားကတော့ အိုင်ယာလန်နိုင်ငံ ဒပ်ဘလင်မြိုရဲ့ နာမည်ကျော် ရာဇဝတ်သားကြီး မာတင် ကာဟေးလ် (Martin Cahill) ရဲ့ ဖြစ်ရပ်မှန်ကို ရိုက်ကူးထားတာပါ။ သူ့ကို လူတွေက "The General" လို လူသိများကြပြီး ရဲတွေ ဖမ်းမမိအောင် အမြဲတမ်း ပါးပါးနပ်နပ်နဲ့ အစီအစဉ်ချပြီး ခိုးမှုကြီးတွေကို ကျူးလွန်ခဲ့ကြသူ ဖြစ်ပါတယ်။ သူဟာ ဘယ်လောက်ပဲ နာမည်ကြီးတဲ့ ရာဇဝတ်သားဖြစ်ပါစေ... သူ့ရဲ့ မိသားစုနဲ့ နောက်လိုက်တွေအပေါ်မှာတော့ အရမ်းကို သစ္စာရှိပြီး စောင့်ရှောက်တတ်သူပါ။ ဒါပေမဲ့ တစ်ဖက်မှာလည်း ရဲတွေက သူ့ကို ဖမ်းဆီးဖို နည်းမျိုးစုံနဲ့ ကြိုးစားလာသလို၊ အိုင်ယာလန်ရဲ့ လက်နက်ကိုင် အဖွဲအစည်းတွေနဲ့ပါ ထိပ်တိုက်တွေ့လာတဲ့အခါမှာတော့... သူတိုရဲ့ ကစားပွဲက ဘယ်လို အဆုံးသတ်သွားမလဲဆိုတာကို ရင်တထိတ်ထိတ်နဲ့ ကြည့်ရှုရမှာ ဖြစ်ပါတယ်။ File size… (1.5 GB) / (840 MB) Quality…. WEB-Rip 1080p HEVC / 720p Format…. mkv/mp4 Genre…. Crime,Drama Duration…. 01:59:04 Subtitle…. Myanmar Subtitle (Hardsub)

IMDb - 7.3/10 Rotten - 72% ဒန်နီယယ်ဇာဗစ်ဟာ အစိုးရရဲ့ထောက်ပံ့ကြေး နဲ့ ကနေဒါငန်း တွေကိုလေ့လာနေသူတစ်ဦးပါ ။ တစ်နေ့ N.S.A အရာရှိတစ်ဦး က လွှတ်တော်ဥက္ကဋ္ဌကို ဥပဒေမူကြမ်းတစ်ခု နဲ့ ပတ်သက်ပြီး လုပ်ကြံသတ်ဖြတ်ခဲ့ပါတယ် အဲဒါကို ဒန်နီ ရဲ့ မှတ်တမ်းတင်ကင်မရာ ကမှတ်တမ်းတင်မိသွားခဲ့တယ်။ N.S.Aကလည်းဒါကိုသိပြီး ဒန်နီယယ် နောက်ကိုလိုက်ပါတော့တယ် ။ ဒင်း ( willsmith) ဟာမိသားစုကို ချစ်ပြီး ဂိုဏ်းတွေနဲ့ ပြသနာတက်နေတဲ့ အလုပ်သမားရှေ့နေ တစ်ဦးပါ ။ ခရစ္စမတ် အတွက်ဈေးဝယ်ထွက်ရင်း ဆိုင်တစ်ခုမှာ ဒန်နီယယ် နဲ့ ဆုံမီကြရာ ကနေ သူ့ဇာတ်လမ်းထဲပါလာခဲ့တယ် ။ ဒန်နီယယ် အသတ်ခံရပြီး တိပ်ခွေကြောင့် N.S.A တွေ ဒင်း နောက်ကိုလိုက်ကြရမှာတော့ နောက်ဆုံး အသတ်ခံရမလား လွတ်မြောက်အောင် ကြိုးစားနိုင်မလား ဆိုတာတော့....... မလွတ်တန်းကြည့်မယ့်အက်ရှင်ကားကောင်း တစ်ကားပဲဖြစ်ပါတယ်။ (ဘာသာပြန်သူကတော့ စည်သူထက် ပါ) File Size : (805 MB) Quality : Bluray 720p Running Time : 2hr 12minutes Format : Mp4 Genre : Action, Crime, Mystery Translated By Sithu Htet Encode By Thanhtike Zaw

Anaconda (1997) ဒီဇာတ်လမ်းလေးမှာတော့ အမေဇုန်တောနက်ကြီးထဲမှာရှိတဲ့ အလွန်တွေ့ရခဲတဲ့ ရှီရီရှားမားလူမျိုးစုတွေကို ပထမဆုံးမှတ်တမ်းရုပ်ရှင်ရိုက်နိုင်သူတွေဖြစ်ဖို့ ကြိုးစားနေတဲ့ ပရော်ဖက်ဆာ ကေး တို့အဖွဲ့ဟာ လူမျိုးစုကိုရှာဖို့ ခရီးစတင်ချိန်မှာ မထင်မှတ်ပဲ ဒေသခံလူတစ်စုရဲ့ Anaconda ကြီးကို ဖမ်းဖို့အတွက်လုပ်ထားတဲ့ အကွက်ချစီစဉ်မှုကြီးထဲရောက်သွားတဲ့အခါ ဘယ်လိုတွေဆက်ဖြစ်ကြမလဲ ကြုံလာတဲ့အခက်အခဲတွေကို ကျော်ဖြတ်နိုင်ပါ့မလား ‌သူတို့မှတ်တမ်းရုပ်ရှင်ရိုက်ဖို့ ကြိုးစားနေတဲ့ ရှီရီရှားမားလူမျိုးစုတွေနဲ့ရော တွေ့ခွင့်ရပါ့မလားဆိုတာကို မြင်တွေ့ခံစားရမှာဖြစ်ပါတယ် နောက်အရေးကြီးတဲ့အချက်တစ်ချက်ကတော့ ဒီကားထဲမှာ မင်းသမီးအနေနဲ့ပါဝင်ထားတဲ့ မစ်ဖရောရက်စ်က အရမ်း Hot တယ်ဆိုတာပါပဲ။ ( ဘာသာပြန်ပြီး အညွှန်းရေးသားထားသူကတော့ Aung hein htet ပါ ) Quality__HEVC 1080p ,720p IMDb Rating__5.5/10 Format__mp4 Duration__01:40:00 Type__Action , Adventure , Horror Subtitle__Myanmar Subtitle (Hardsub) Translated by Aung Hein Htet Encoded by Naing Aung Latt

ရူဒီဘေလာဟာ ကျောင်းပြီးခါစ၊ ရှေ့နေလိုင်စင်တောင် မရသေးတဲ့ လူငယ်တစ်ယောက်ပါ။ လက်ထဲမှာ ပိုက်ဆံမရှိလို့ နာမည်ရ ဥပဒေအကျိုးဆောင်ရုံးတစ်ခုမှာ ရရာအလုပ် ဝင်လုပ်နေရတယ်။ သူနဲ့တွဲဖက်ဖြစ်လာသူ ဒက်ရှစ်ဖလက်ကလည်း ရှေ့နေစာမေးပွဲကို ခြောက်ကြိမ်တိတိ ကျဖူးသူပါ။ ဒီနှစ်ယောက်ဟာ မရိုးမသားလုပ်ထားတဲ့ အာမခံကုမ္ပဏီကြီးတစ်ခုကို အမှုရင်ဆိုင်ဖို့ အကြောင်းဖန်လာပါတယ်။ တစ်ဖက်ကုမ္ပဏီဘက်ကတော့ နာမည်ကျော်ပြီး အတွေ့အကြုံရင့်တဲ့ ရှေ့နေကြီး လီယိုတို့အဖွဲ့က အမှုလိုက်ပေးနေတယ်။ ရူဒီနဲ့ ဒက်တို့ ဒီရှေ့နေအဖွဲ့ကို ဘယ်လိုရင်ဆိုင်ကြမလဲ၊ သူတို့အမှုကို အနိုင်ရနိုင်ပါ့မလား။

IMF အေးဂျင့် အီသန်ဟန့်နဲ့ သူ့အဖွဲ့ဟာ တာဝန်တစ်ခုကို ဆောင်ရွက်နေရင်း အီသန်ကလွဲလို့ ကျန်အဖွဲ့ဝင်အားလုံး အသတ်ခံလိုက်ရပါတယ်။ တကယ်တော့ အဲဒီတာဝန်ဟာ ဗဟိုအဖွဲ့အစည်းက သစ္စာဖောက်ကို ဖော်ထုတ်ဖို့ စီစဉ်ထားတာပါ။ တစ်ယောက်တည်း အသက်ရှင်ကျန်ခဲ့တဲ့ အီသန်ဟာ သံသယဝင်ခံရပြီး CIA ရဲ့ ဖမ်းဆီးဖို့ ကြိုးစားမှုကို ရင်ဆိုင်လာရတယ်။ ဒီသစ္စာဖောက်မှုက ထိပ်တန်းလျှို့ဝှက်ဖိုင်နဲ့ ပတ်သက်နေတဲ့အတွက် အီသန်က တရားခံအစစ်ကို ကိုယ်တိုင်လိုက်ရှာဖို့ ကြိုးစားပါတယ်။ လျှို့ဝှက်ချက်တွေကို ဝယ်ယူမယ့်ဘက်ဆီ သူလျှိုအဖြစ် ဝင်ပူးပေါင်းပြီး သစ္စာဖောက်အစစ်ကို ဖော်ထုတ်နိုင်ဖို့ CIA ရုံးချုပ်ထဲက လျှို့ဝှက်အချက်အလက်တွေကို ပြန်ခိုးယူရပါတော့တယ်။ ၁၉၉၆ ခုနှစ်မှာ ထွက်ရှိခဲ့တဲ့ ဒီဇာတ်ကားကို Brian De Palma က ရိုက်ကူးထားပြီး Tom Cruise ပါဝင်တဲ့ Mission: Impossible ဇာတ်ကားတွဲရဲ့ ပထမဆုံးကားဖြစ်ပါတယ်။

HEAT(1995) IMDb...8.3,,,,Rotten...86 ဒီကားက ၁၉၉၅ခုနှစ်ကထွက်ခဲ့တဲ့တာဆိုတော့ ၂၀၂၀ ခုနှစ်မှာ နေထိုင်တဲ့ခင်ဗျားတို့အမြင်မှာ ရိုးစင်းလွန်းတယ် ...ဒီဘက်ခေတ်အမြင်မှာ အဆင့်မရှိလောက်ဘူး ဇာတ်လမ်းကောင်းရင်တောင် ကြည့်ရတာ အံဝင်မယ်မဟုတ်ဘူးလို့ ထင်နေရင်တော့ အဲဒီအမြင်ကိုမြောင်းထဲလွှင့်ပစ်လိုက်ပါလို့ ကျွန်တော်ရဲရဲကြီးပြောလိုက်မယ်.... ဒီကားက ဟီးဟီးဟားဟားကွက်တွေ အော်ဂလီဆန်စရာသတ်ဖြတ်မှုတွေ ခြောက်လှန့်မှုတွေမပါဘူး .. ဒါပေမဲ့ ပြသချိန် ၃နာရီနားပါးကြီးမှာ တစ်ချိန်လုံးခင်ဗျားဟာ စိတ်လှုပ်ရှားနေတယ်.... ဘာလို့ဆို မတူညီတဲ့ဇာတ်ကောင် ၂ယောက်ရဲ့အားပြိုင်မှုကြောင့်ပဲ.... တစ်ယောက်က ရဲ။... သူ့မှတ်တမ်းတစ်လျှောက်လုံးမှာ ဆိုးပါတယ် လိုက်ဖမ်းရခက်ပါတယ်ဆိုတဲ့ လူတွေကိုမှထောင်ထဲထည့်ခဲ့တဲ့သူ. . ရဲဌာန တစ်ခုလုံးကလည်း သူ့ကိုလေးစားရတယ်.....အယ် ဒါပေမဲ့ တစ်နေ့တော့ သူ့နှုတ်ဖျားက ဒီကောင် အရမ်းတော်တယ်ဆိုပြီး ညည်းညူခဲ့ရတဲ့ ဓားပြတစ်ယောက်ပေါ်လာတယ်.. တကယ်တော့ သူပြောတာထက်တောင်ပိုပါတယ်... အဲဒီဓားပြက အကွက်ချတာတော်တယ်... ပတ်ဝန်းကျင်ကိုလေ့လာအကဲဖြတ်ပြီး တစ်ဒင်္ဂအတွင်း အကောင်းဆုံးသော ဆုံးဖြတ်ချက်ကိုချနိုင်တယ်. ....လက်အောက်ငယ်သားတွေကိုကြည့်တယ်...ဒီကားက စစချင်း ၁၀မိနစ်လောက်ကတည်းက ခင်ဗျားတို့အာရုံတွေ ဖမ်းစားလိုက်ပြီ...  ဒီကားထဲက အဓိကသရုပ်ဆောင်မင်းသားကြီး (၂)လက်ဖြစ်တဲ့ Al Pacino နဲ့Robert De Niro ကိုတော့ အားလုံးရင်းနှီးပြီးသားဖြစ်မှာပါ... အရံသရုပ်ဆောင်တွေကလည်း ထိပ်တန်းသရုပ်ဆောင်တွေအတော်များတယ်.. ဇာတ်အိမ်ခိုင်သလား ဒိုင်ယာလော့တွေလန်းသလား သရုပ်ဆောင်တွေလန်းသလားဆိုတာကျွန်တော်ပိုမပြောချင်ဘူး. ဒီကားဒေါင်းကြည့်ပြီးတဲ့အချိန် ကျွန်တော်ပြောတာမလွန်ဘူးဆိုတာ ခင်ဗျားတို့သဘောပေါက်သွားလိမ့်မယ်..... File Size…10GB/2.11GB/ 900MB Quality…Blu-Ray 4K /1080p/ Blu-Ray 720p Format…mp4 Duration…02:50:00 Subtitle…Myanmar Subtitle(Hardsub) Encoder…..Tiff Translated by Oung Xix Ming

ဒီတခါမှာတော့ ပုံမှန်သမီးရည်းစား ချစ်ကြိုက်ကွဲ ဇာတ်လမ်းတွေကနေကွဲထွက်ပြီး မိတ်ဆွေစစ်၊ မိတ်ဆွေကောင်းအကြောင်းကိုရိုက်ကူးထားတဲ့ဒရမ်မာဇာတ်ကားကောင်းလေးတစ်ပုဒ်ကိုတင်ဆက်ပေးချင်ပါတယ်။ Midnight Cowboy ဆိုတဲ့ကားလေးဟာ IMDbမှာ rating 7.9ရထားပြီး Rotten Tomatoes မှာလည်း 89% reviewရထားတဲ့ဇာတ်ကားလေးပါ။ တက္ကဆက်ပြည်နယ်သားဂျိုးဟာ ကြေးစားလိင်လုပ်သားအဖြစ်နဲ့ နယူးယောက်မြို့ကိုအရဲစွန့်အခြေချပြီးတဲ့နောက်မှာ ရက်စ်တို ဆိုတဲ့လူနဲ့တွေ့ပြီးဘယ်လိုတွေဒုက္ခရောက်မလဲ၊ အလုပ်ရောဘယ်အချိန်အဆင်ပြေမလဲဆိုတာကို အစမှအဆုံးထိဇာတ်ရှိန်မကျဘဲကြည့်ရှုနိုင်မယ့်ဇာတ်ကားကောင်းလေးမို့တင်ဆက်ပေးလိုက်ရပါတယ်။ File size…(2.7 GB)/(1.5 GB) Quality….Blu-Ray 1080p / 720p Format… mp4 Duration…. 01:53:00 Genre... Drama Subtitle….Myanmar Subtitle (Hardsub) Encoder….Garfield Translated by Theint