Jonathan Alvaro ပါဝင်သော ဇာတ်ကားများ

Garuda: Dare to Dream (2026) IMDb Rating (8.4) ဒီကာတွန်းဇာတ်လမ်းလေးကတော့ ဘောလုံးကစားရတာကို အရူးအမူးဝါသနာပါတဲ့ ပူထရာဆိုတဲ့ ၁၃ နှစ်အရွယ် ကောင်လေးတစ်ယောက်အကြောင်းပါ။ ပူထရာ့ရဲ့ အကြီးမားဆုံး အိပ်မက်က အင်ဒိုနီးရှား ယူသျှပ် (Youth) လက်ရွေးစင်အသင်းမှာ ဝင်ကစားဖို့ပါ။ ဒါပေမဲ့ သူ့မှာ ပန်းနာရင်ကြပ် ရောဂါအပြင်းအထန်ရှိနေတော့ ရေရှည်မပြေးနိုင်ပါဘူး။ အဲဒါကြောင့် ဘောလုံးသင်တန်းကျောင်းတွေရဲ့ လူရွေးပွဲမှာ အမြဲတမ်းပယ်ချခံရပြီး သူငယ်ချင်းတွေရဲ့ လှောင်ပြောင်တာကိုလည်း ခံရပါတယ်။ တစ်ရက်တော့ သူ စိတ်ဓာတ်ကျနေတုန်းမှာ ဂဠုန်ငှက်ဆန်းလေး ဂါဂါ နဲ့ မမျှော်လင့်ဘဲ ဆုံတွေ့ခဲ့ပါတယ်။ ဂါဂါက ပူထရာ့ကို ထူးဆန်းတဲ့ မှော်ဘောလုံးအင်္ကျီတစ်ထည် လက်ဆောင်ပေးခဲ့ပြီး အဲဒီအင်္ကျီက သူ့ကို ကွင်းထဲမှာ မယုံနိုင်စရာကောင်းတဲ့ စွမ်းရည်တွေ ခေတ္တပိုင်ဆိုင်စေခဲ့ပါတယ်။ ဒီခရီးလမ်းမှာ ပူထရာ့အတွက် နောက်ထပ် အားကိုးရတဲ့သူကတော့ နည်းပြရဲ့သမီးဖြစ်ပြီး ဘောလုံးအရမ်းတော်တဲ့ နာယာ ဆိုတဲ့ မိန်းကလေးပါ။ နာယာက ပူထရာ့ကို နည်းစနစ်တကျ ဘောလုံးကစားတတ်အောင် ကူညီသင်ပေးပြီး စိတ်ဓာတ်ခွန်အားတွေ ပေးခဲ့ပါတယ်။ ဒီလိုနဲ့ ပူထရာတစ်ယောက် မှော်အင်္ကျီရဲ့အစွမ်းနဲ့ အောင်မြင်မှုတွေ ရလာပေမဲ့ တစ်ဖက်မှာလည်း သူ့ရဲ့ကျန်းမာရေးပြဿနာက ရှိနေတုန်းပါ။ သူက မှော်အစွမ်းကိုပဲ အမြဲအားကိုးနေလို မရဘူးဆိုတာကို သဘောပေါက်လာတဲ့အချိန်မှာ... သူ့ရဲ့ ရောဂါဝေဒနာကို ဘယ်လိုရင်ဆိုင်ကျော်ဖြတ်မလဲ၊ သူ့အိပ်မက်ကို ကိုယ်ပိုင်ကြိုးစားမှုနဲ့ ဘယ်လိုရှေ့ဆက်ဖော်ဆောင်မလဲဆိုတာကို ရင်ခုန်စရာ စောင့်ကြည့်ရမယ့် family , sports အန်နီမေးရှင်းဇာတ်ကားကောင်းလေး တစ်ကား ဖြစ်ပါတယ်။ File size… (1.5 GB) / (940 MB) Quality…. WEB-DL 1080p HEVC / 720p Format…. mkv/mp4 Genre…. Animation,Comedy,Drama,Family,Fantasy Duration…. 01:18:41 Subtitle…. Myanmar Subtitle (Hardsub)

Timur (2025) The Raid တို့၊ Mile 22 တို့လို အက်ရှင်ကားတွေမှာ ပါတဲ့ အင်ဒိုနီးရှား မင်းသား Iko Uwais ကို သိကြမှာပါ။ အခု Timur ကားက သူ့အတွက် အထူးခြားဆုံးကားလို့ ပြောရမှာပါ။ ဘာလို့လဲဆိုတော့ သူကိုယ်တိုင် ဒါရိုက်တာလုပ်ပြီး ပထမဆုံး ရိုက်ထားတဲ့ကား ဖြစ်သလို၊ သူကိုယ်တိုင်လည်း အဓိကဇာတ်ဆောင် အနေနဲ့ ပါဝင်ထားလို့ပါပဲ။ ဇာတ်လမ်းအကျဉ်း ငယ်ငယ်ကတည်းက အတူတူကြီးပြင်းလာကြတဲ့ သူငယ်ချင်း သုံးယောက်ရှိတယ်။ သူတို့ကတော့ တီမော၊ ဆီလာ နဲ့ အာပိုလို တို့ပေါ့။ အရွယ်ရောက်လာတဲ့အခါမှာတော့ တီမော နဲ့ ဆီလာ က အင်ဒိုနီးရှား အထူးတပ်ဖွဲ့ဝင်တွေ ဖြစ်လာကြတယ်။ ဒါပေမဲ့ သူတို့သူငယ်ချင်း အာပိုလို ကတော့ လမ်းလွဲပြီး တောတွင်းလက်နက်ကိုင် သူပုန်အဖွဲ့ထဲကို ရောက်သွားခဲ့တယ်။ တစ်နေ့မှာတော့ တောထဲရောက်နေတဲ့ သုတေသနပညာရှင် တစ်စုကို လက်နက်ကိုင်အဖွဲ့က ပြန်ပေးဆွဲသွားတဲ့အခါ အထူးတပ်ဖွဲ့ဝင်တွေဖြစ်တဲ့ တီမော နဲ့ ဆီလာ တို့က သွားရောက်ကယ်တင်ရတဲ့ တာဝန်ကျလာပါတယ်။ ပြဿနာက ဒီစစ်ဆင်ရေးက သူတို့ငယ်ငယ်က ကြီးပြင်းခဲ့တဲ့ နေရာလေးမှာ သွားလုပ်ရတာဖြစ်သလို၊ တစ်ဖက်မှာလည်း သူငယ်ချင်းဟောင်း အာပိုလို နဲ့ ထိပ်တိုက်ပြန်တွေ့ရမယ့် အခြေအနေ ဖြစ်နေတာပါပဲ။ ဓားစာခံတွေကို ကယ်တင်ရင်းနဲ့ ငယ်သူငယ်ချင်းတွေကြားက သံယောဇဉ်တွေ၊ အားပြိုင်မှုတွေကို ရင်တမမနဲ့ ကြည့်ရမယ့် အက်ရှင်ကားမျိုးပေါ့။ ဒီကားမှာ Iko Uwais က တီမော အနေနဲ့ သရုပ်ဆောင်ထားပြီး၊ Jimmy Kobogau က ဆီလာ အနေနဲ့ သရုပ်ဆောင်ထားပါတယ်။ သူပုန် အာပိုလို နေရာမှာတော့ Aufa Assagaf က သရုပ်ဆောင်ထားပါတယ်။ ဒါ့အပြင် Yasamin Jasem နဲ့ Yusuf Mahardika တို့လို တခြား နာမည်ကြီး သရုပ်ဆောင်တွေလည်း ပါဝင်အားဖြည့်ထားပါသေးတယ်။ ၁၉၉၆ ခုနှစ်က အင်ဒိုနီးရှားနိုင်ငံမှာ တကယ်ဖြစ်ခဲ့တဲ့ Operation Mapenduma ဆိုတဲ့ ဓားစာခံ ပြန်ပေးဆွဲမှုကို အခြေခံပြီး ရိုက်ထားတာမို့လို့ ဇာတ်လမ်းက ပိုပြီး အသက်ဝင်တယ်။ နောက်ပြီး တောတွင်းစစ်ဆင်ရေးတွေကို CGI သိပ်မသုံးဘဲ တကယ့်အပြင်ကအတိုင်း သဘာဝကျကျနဲ့ အကြမ်းစား အက်ရှင်တွေ ရိုက်ပြထားတော့ ပိုမိုက်တာပေါ့။ အက်ရှင်ကောင်းကောင်း ကြိုက်တဲ့သူတွေ လက်မလွှတ်သင့်တဲ့ ကားတစ်ကားလို့ ညွှန်းပေးလိုက်ပါတယ်နော်။ ဖြစ်ရပ်မှန် နောက်ခံ မာပန်ဒူးမား စစ်ဆင်ရေး (Mapenduma Operation) ဆိုတာ အင်ဒိုနီးရှားသမိုင်းမှာ တော်တော်လေးကို နာမည်ကြီးတဲ့ ဓားစာခံကယ်ဆယ်ရေး စစ်ဆင်ရေးကြီးတစ်ခုပါ။ အဖြစ်အပျက် စတင်ပုံ ၁၉၉၆ ခုနှစ်၊ ဇန်နဝါရီလ ၈ ရက်နေ့မှာ အင်ဒိုနီးရှားနိုင်ငံ၊ ပါပူဝါ (အဲဒီခေတ်က အီရီယန်ဂျာယား လို့ခေါ်တယ်) ဒေသက မာပန်ဒူးမား ဆိုတဲ့ ရွာလေးမှာ စဖြစ်တာပါ။ အဲဒီရွာ အနီးတစ်ဝိုက်မှာ Lorentz 95 လို့ နာမည်ပေးထားတဲ့ သုတေသနအဖွဲ့တစ်ခု သုတေသနလုပ်နေကြတာပေါ့။ အဲဒီအဖွဲ့ထဲမှာ အင်ဒိုနီးရှား၊ ဗြိတိန်၊ နယ်သာလန် နဲ့ ဂျာမနီ နိုင်ငံတွေက သုတေသနပညာရှင်တွေနဲ့ သဘာဝပတ်ဝန်းကျင် ထိန်းသိမ်းရေးသမား စုစုပေါင်း ၂၆ ယောက် ပါဝင်ပါတယ်။ အဲဒီပညာရှင်တွေကို လွတ်လပ်သော ပါပူဝါလှုပ်ရှားမှုအဖွဲ့ (OPM) က ဝင်ပြီး ပြန်ပေးဆွဲသွားခဲ့တယ်။ OPM အဖွဲ့ကို ဦးဆောင်တာကတော့ ကယ်လီ ကွာလစ် (Kelly Kwalik) ဆိုတဲ့ လက်နက်ကိုင်ခေါင်းဆောင်ပေါ့။ သူတို့ရဲ့ ရည်ရွယ်ချက်က သူတို့ ပါပူဝါဒေသ လွတ်လပ်ရေးရဖို့ ကိစ္စကို နိုင်ငံတကာက အာရုံစိုက်လာအောင် ဖိအားပေးတဲ့အနေနဲ့ လုပ်တာပါ။ အစပိုင်းမှာတော့ ဓားစာခံတွေကို လွှတ်ပေးဖို့ အင်ဒိုနီးရှားအစိုးရကရော၊ နိုင်ငံတကာ ကြက်ခြေနီအဖွဲ့ (ICRC) ကပါ လအတော်ကြာ စကားပြောဆို စေ့စပ်မှုတွေ လုပ်ခဲ့ကြပါတယ်။ ပြန်ပေးသမားတွေက ဓားစာခံတချို့ကို ပြန်လွှတ်ပေးခဲ့ပေမယ့် အဓိက နိုင်ငံခြားသားတွေနဲ့ အင်ဒိုနီးရှားနိုင်ငံသား တချို့ကိုတော့ တောတွင်းထဲမှာ ဆက်ဖမ်းထားတုန်းပဲ။ မေလ လယ်လောက်လည်းရောက်ရော စေ့စပ်ဆွေးနွေးမှုတွေက လုံးဝ အဆင်မပြေတော့ဘူး။ ဓားစာခံတွေရဲ့ အသက်အန္တရာယ်ပါ စိုးရိမ်လာရတဲ့ အခြေအနေဖြစ်လာတော့ အင်ဒိုနီးရှားအစိုးရက စစ်ရေးနည်းလမ်းနဲ့ ဖြေရှင်းဖို့ ဆုံးဖြတ်လိုက်ပါတယ်။ အဲဒီအချိန်မှာ အထူးတပ်ဖွဲ့ (Kopassus) ကို ကြီးကြပ်ကွပ်ကဲရတာက အခုလက်ရှိ အင်ဒိုနီးရှားသမ္မတဖြစ်နေတဲ့ ပရာဘိုဝို ဆူဘီယန်တို (Prabowo Subianto) ပါပဲ။ မေလ ၁၅ ရက်နေ့မှာတော့ အထူးတပ်ဖွဲ့ဝင်တွေက ပြန်ပေးသမားတွေ ပုန်းအောင်းနေတဲ့ တောတွင်းစခန်းကို ရဟတ်ယာဉ်တွေ၊ လက်နက်ကြီးတွေ အကူအညီနဲ့ ဝင်ရောက်စီးနင်းပြီး ကယ်တင်ခဲ့ပါတယ်။ စစ်ဆင်ရေးက အောင်မြင်တယ်လို့ ပြောလို့ရပေမယ့် ဝမ်းနည်းစရာကောင်းတာက အင်ဒိုနီးရှား သုတေသီ နှစ်ယောက်ကတော့ အပစ်ခတ်ဖြစ်နေတုန်း ပြန်ပေးသမားတွေရဲ့ သတ်ဖြတ်မှုကြောင့် အသက်ဆုံးရှုံးခဲ့ရပါတယ်။ ကျန်တဲ့သူတွေကိုတော့ အောင်အောင်မြင်မြင် ကယ်တင်နိုင်ခဲ့ပါတယ်။ ဒီ မာပန်ဒူးမား စစ်ဆင်ရေးကြီးက အင်ဒိုနီးရှား အထူးတပ်ဖွဲ့ရဲ့ တောတွင်းစစ်ဆင်ရေး စွမ်းဆောင်ရည်ကို ပြသနိုင်ခဲ့သလို၊ ပရာဘိုဝို အတွက်လည်း နိုင်ငံရေးနဲ့ စစ်ရေးနယ်ပယ်မှာ ဩဇာကြီးလာစေတဲ့ အချိုးအကွေ့တစ်ခု ဖြစ်ခဲ့ပါတယ်ဗျ။ အခုထွက်မယ့် Timur ရုပ်ရှင်က ဒီဖြစ်ရပ်မှန်ကို အခြေခံပြီး Action Thriller ပုံစံမျိုး ရိုက်ပြထားတာဆိုတော့ ကြည့်ရတာ တော်တော်လေး ရင်ခုန်ဖို့ကောင်းမှာ သေချာပါတယ်။ File Size - 2.5 GB/ 901 MB Quality - WEB-DL 1080p/ 720p Duration - 1h 43m Format - mp4 Genre - Action, Drama, Thriller, History, War Subtitle - Myanmar Subtitle (Hard Sub)

Rumah Untuk Alie (2025) IMDb Rating (5.7) သားလေးယောက်နဲ့ သမီးတစ်ယောက်ရှိတဲ့ မိသားစုတစ်ခုမှာ Alie ဆိုတဲ့ အငယ်ဆုံးသမီးလေးရဲ့ မရည်ရွယ်တဲ့ ပေါ့ဆမှုကြောင့် အမေဖြစ်သူ ကားအက်ဆီးဒင့်ဖြစ်ပြီး ဆုံးပါးသွားခဲ့ရတယ်။ ဇနီးသည် ဆုံးပါးသွားတော့ အဖေဖြစ်သူရဲ့ စီးပွားရေးကလည်း ထိုးကျသွားပြီး တစ်မိသားစုလုံး ပျော်ရွှင်မှုတွေကုန်ဆုံးသွားခဲ့လေရဲ့။ အဲဒီအချိန်ကစပြီးတော့ Natta ဆိုတဲ့ အစ်ကိုကလွဲရင် အဖေနဲ့ အစ်ကိုသုံးယောက်လုံး Ali ကို မုန်းတီးပြီး အငြိုးနဲ့ အနိုင်ကျင့်ကြတဲ့အပြင် ကျောင်းမှာပါ အနိုင်ကျင့်တဲ့သူတွေ ရှိနေတာမို Ali ရဲ့ ဘဝ ခက်ခဲကြမ်းတမ်းမှုတွေ ကြုံတွေ့ရပုံ၊ လူတယောက်ရဲ့အနိုင်ကျင့်မှုကြောင့် ဘယ်လိုစိတ်ဒဏ်ရာတွေ ဖြစ်ပေါ်စေလဲဆိုတာကို သတိထားမိအောင် ရိုက်ကူးထားတဲ့ဇာတ်လမ်းတစ်ပုဒ်ပဲဖြစ်ပါတယ်။ File size… (1.1 GB) / (730 MB) Quality…. WEB-DL 1080p HEVC / 720p Format…. mkv/mp4 Genre…. Drama,Family Duration…. 01:35:07 Subtitle…. Myanmar Subtitle (Hardsub)

Komang (2025) ချစ်ရပါသော ကိုမန် Indoတေးရေးတေးဆို ရမ်လာအိုဒီနဲ့ သူ့ရဲ့ဇနီးချောလေး အာဒီတို့ရဲ့ ဖြစ်ရပ်မှန်အချစ်ဇာတ်လမ်းလေးကို အရိုးရှင်းဆုံးသရုပ်ဖော်ထားတဲ့ Docudramaဇာတ်လမ်းလေးကို တင်ဆက်ပေးချင်ပါတယ်။ ဘာသာမတူတဲ့လူငယ်နှစ်ယောက်ကြားက သိပ်ကိုရိုးရှင်းပြီး နူးညံ့တဲ့ အချစ်တစ်ခု ဘယ်လိုပေါက်ဖွားလာမလဲ ရှုစားကြပါဦး။ Stand-up comedianပေါက်စ ရမ်လာအိုဒီဟာ ရည်မှန်းချက်ကြီးတဲ့လူငယ်လေးတစ်ယောက်၊ သူ့အိပ်မက်ကလည်း အနုပညာရှင်ကြီးတစ်ယောက် ဖြစ်ချင်တာပါ။ ဒီလိုနဲ့တစ်နေ့မှာ ရမ်လာအိုဒီတစ်ယောက် ဘာလီကနေပြောင်းလာတဲ့ ကိုမန်အာဒီဆိုတဲ့ကောင်မလေးကိုတွေ့ပြီး လူငယ်သဘောသဘာဝ စိတ်ဝင်စားမိပြီး ရင်ထဲပန်းတွေပွင့်လာတာပေါ့။ ဒီလိုနဲ့ အိုဒီတစ်ယောက် အာဒီကိုပိုးပန်းရင်းနဲ့ သူတို့ကြားမှာ သံယောဇဉ်တွေတိုးလာသလို ရင်ခုန်သံတွေလည်း ပိုလို့လာတာပေါ့။ အချစ်ဆိုတဲ့အရာက သိပ်ကိုလှပပေမဲ့ ဘဝကိုတစ်ခုကို အတူတည်ဆောက်ဖို့ ရည်ရွယ်ပြီဆိုရင်တော့ ဖိအားတွေဝင်လာတော့တာပေါ့။ အဲဒီအပြင် တစ်ယောက်ကမွတ်စလင် တစ်ယောက်ကဟိန္ဒူ ဘာသာကလည်းမတူပြန်တော့ နောင်ရေးကိုရင်လေးတာကတစ်ဖက်၊ ဘာသာခြားနေလို့ မိသားစုဖိအားတွေကတစ်ဖုံနဲ့ အခက်အခဲတွေကြားက အိုဒီက အာဒီအပေါ်ထားတဲ့ သူ့ရဲ့အချစ်တွေကို ဘယ်လိုသက်သေပြခဲ့လဲဆိုတာ ရှုစားရအောင်ပါ။ (အညွှန်းနဲ့ ဘာသာပြန်ကတော့ CM B teamမှပဲဖြစ်ပါတယ်) File size… 1.4 GB / 700 MB Quality…WEB DL 1080p HEVC/ 720p Format…mkv/ mp4 Duration….1h 47m Subtitle….Myanmar Subtitle (Hard Sub) Encoder….YK Translated by CM B Team

ဒီတစ်ခါအလှည့်ကျတာကတော့ Netflix မှ အင်ဒိုနီးရှား ကလေးကားလေးတစ်ခုပဲဖြစ်ပါတယ်။ ဒီလန်လို့အမည်ရတဲ့ကျောင်းသားလေးက အရှေ့တီမောမှာ ၂ နှစ်နီးပါးနေပြီးတဲ့နောက် အရင်မြို့ အရင်ကျောင်းကို ပြန်လာခဲ့ရပါတယ်။ အတန်းထဲမှာ အရင်က သူရဲ့ဆိုးဖော်တေဖက်ငယ်သူငယ်ချင်းတို့အပြင် မေလီယန် မယ်ရီအွိုင်းလို့ခေါ်တဲ့ ခပ်ချောချောတရုတ်မလေးတစ်ယောက်ကလည်း ကျောင်းသူသစ်အနေနဲ့ ရောက်ရှိလို့နေပါတယ်။ ဒီတော့ လူကြီးမကျ ကလေးမကတဲ့ ငဆိုး ငပေ ငတေ ငပွေလေး ဒီလန်တစ်ယောက် တရုတ်မလေးကို ဝေါ်အိုက်နီတွေဖြစ်ကာ အိမ်ထောင်စုဇယားထဲ မင်းပါးပါးနဲ့မားမားကိုထည့်ချင်လာပါတော့တယ်။ ကျောင်းသားကားပီပီ ကလေးလို ဆိုးလိုက်ဆော့လိုက် တရုတ်ဘုံကျောင်းက နဂါးဖြစ်ချင်နေတဲ့ အတန်းကြီးလူဆိုးကောင်တွေနဲ့ ရန်ဖြစ်လိုက်နဲ့ပဲ ဇာတ်လမ်းလေးကို သယ်လာတာမလို့ ပေါ့ပေါ့ပါးပါး အပျင်းပြေကြည့်ရှုချင်သူတွေအတွက် အချိန်ဖြုန်းစရာ ဇာတ်ကားကောင်းတစ်ခုအနေနဲ့ တင်ဆက်ပေးလိုက်ပါတယ်။ ဒီလန်တစ်ယောက် ကံကောင်းစေမယ့် တရုတ်ဘုံကျောင်းက နဂါးပဲဖြစ်မလား .. ပါးပါးနဲ့မားမားကိုပဲ အိမ်ထောင်စုဇယားထဲက ပြန်ထုတ်ပေးလိုက်ရမလား ဆိုတာကိုတော့ ဇာတ်လမ်းအဆုံးမှာ သိရပါလိမ့်မယ်ဗျ။ Filesize : 1.59 GB / 884 MB Quality : WEB-DL 1080p HEVC , 720p HEVC Format : mkv Genres : Drama, Romance, Family, Comedy Runtime : 1h 56 min Subtitle : Myanmar Subtitle ( Hardsub ) Translated & reviewed by CM Bollywood Team Encoded by LK

Sumala (2024) IMDb Rating (5.8) ဆီမာရန်နယ်အတွင်းက ရွာတစ်ရွာမှာအားလုံးကြောက်ကြတဲ့ နာမည်တစ်ခုရှိပါတယ်။ အဲ့ဒါကတော့ ဆူမာလာလို့ ခေါ်ပြီးညဘက်နေဝင်ပြီဆိုတာနဲ့ရွာသားတွေဟာအပြင်မထွက်ရဲကြတော့ပါဘူး။ ဘာကြောင့်လဲဆိုတော့ ဆူမာလာဟာ ညဘက်အပြင်ထွက်တဲ့လူတွေ အထူးသဖြင့် ကလေးတွေကိုပစ်မှတ်ထားသတ်ဖြတ်လေ့ရှိလို့ပါပဲ။ အဲ့ဒီဇာတ်လမ်းဟာ အခုချိန်အထိအသက်ဝင်နေပြီး တကယ်ဖြစ်ရပ်မှန်လို့စွဲထင်နေကြဆဲဇာတ်လမ်းတစ်ပုဒ်ဖြစ်ပါတယ်။ ဆိုဂျီမန်ဟာ မြေရှင်ကြေးရတတ် ရွာမျက်နှာဖုံးသူဌေးတစ်ဦးဖြစ်ပြီး သူ့ဇနီးချောလေးနာမည်က ဆိုလတ်စ်ထရီလို့ခေါ်ပါတယ်။ သာယာသယောင်ရှိတဲ့သူတို့အိမ်ထောင်ရေးမှာလိုအပ်ချက်တစ်ခုကတော့ အမွေခံသားသမီးမွေးဖွားနိုင်ခြင်းမရှိတာပါပဲ။ အမျိုးတွေရဲ့ဖိအားတွေကြောင့် မလွန်ဆန်နိုင်တော့တဲ့ ဆိုဂျီမန်ဟာ ဒီနှစ်ကုန်လို့မှ ကလေးမွေးမပေးနိုင်ရင် နောက်မိန်းမထပ်ယူရလိမ့်မယ်လို့ ရာဇသံပစ်လိုက်တဲ့အချိန်မှာတော့ ဆိုလတ်စ်ထရီဟာ ကြံရာမရဖြစ်ပြီး အောက်လမ်းဆရာမတစ်ဦးအကူအညီနဲ့ ကလေးရဖို့ကြံစည်ပါတော့တယ်။ အောက်လမ်းအတတ်တို့ထုံးစံအတိုင်း ဘေးထွက်ဆိုးကျိုးရှိစမြဲဖြစ်တဲ့အတွက် အဲ့ဒီအစီအရင်ကနေ ထွက်ပေါ်လာတဲ့သန္ဓေဟာ သူတို့ကိုဘယ်လိုဒုက္ခပေးမလဲ? ဆူမာလာဆိုတာ ဘယ်လိုဖြစ်ပေါ်လာခဲ့သလဲအစရှိတာတွေကိုရှုစားရမယ့် ဇာတ်ကားဖြစ်ပါတယ်။ (အလွန်ရက်စက်ကြမ်းတမ်းတဲ့သတ်ဖြတ်ခန်းတွေပါဝင်တဲ့အတွက်ကြည့်ရဲမှကြည့်ပါ။) (အညွှန်းနဲ့ဘာသာပြန်ကတော့v Alias ဖြစ်ပါတယ်။) File size…(2.3 GB) / (990 MB) Quality….WEB-DL 1080p HEVC / 720p Format…. mkv/mp4 Genre….Horror,Thriller Duration….01:54:01 Subtitle….Myanmar Subtitle (Hardsub) Encoder….Double K Translated by Alias