Jonathan Lambert ပါဝင်သော ဇာတ်ကားများ

Flush (2025) ပြင်သစ်နိုင်ငံကနေ ထွက်ရှိထားတဲ့ Dark Comedy နဲ့ Body Horror အမျိုးအစား ဇာတ်ကားလေးဖြစ်ပါတယ်။ နေရာတစ်ခုတည်းမှာပဲ အခြေတည်ပြီး ရိုက်ကူးထားတဲ့ သည်းထိတ်ရင်ဖို ဇာတ်ကားကောင်းလေး တစ်ကားပါ။ ဇာတ်လမ်းကတော့ လူလတ်ပိုင်းအရွယ် မူးယစ်ဆေးစွဲနေတဲ့ လုခ် ဆိုတဲ့သူအကြောင်းပါ။ လုခ်က သူ့ရဲ့ ရည်းစားဟောင်း ဗယ်လ် အလုပ်လုပ်တဲ့ ဘားက အိမ်သာထဲကနေ ဗယ်လ်ကို ဖုန်းဆက်ပြီး ပြန်အဆင်ပြေအောင် ကြိုးစားနေပါတယ်။ ဘာလို့လဲဆိုတော့ လူမှုဝန်ထမ်းတွေက သူတို့ရဲ့ ၈ နှစ်အရွယ် သမီးလေးကို လာခေါ်သွားတော့မှာမို့ပါ။ ဗယ်လ်က သူ့ကို အဖက်မလုပ်တဲ့အခါ လုခ်က ဒေါသထွက်ပြီး နံရံကို ကန်လိုက်ရာကနေ ခြေချော်ပြီး အိမ်သာခွက်ထဲ ခြေထောက်ကျွံသွားပါတော့တယ်။ ခြေထောက်ကို မနည်းပြန်ဆွဲထုတ်လိုက်တဲ့အခါ သူ့ဖိနပ်ထဲမှာ ကိုကင်း မူးယစ်ဆေးထုပ် တစ်ထုပ် ဝင်နေတာကို တွေ့လိုက်ရပါတယ်။ အဲဒီဆေးထုပ်ကို သူက ယူထားလိုက်ပေမဲ့၊ တကယ်တမ်း အဲဒီဆေးထုပ်ပိုင်ရှင်က ဘားပိုင်ရှင်ဆီမှာ အလုပ်လုပ်တဲ့ ဆေးရောင်းတဲ့လူ ဖြစ်နေတဲ့အခါ ပြဿနာ စတက်ပါတော့တယ်။ ဆေးရောင်းတဲ့လူနဲ့ ရန်ဖြစ်ကြပြီးနောက်မှာတော့ လုခ်တစ်ယောက် အိမ်သာခွက်ထဲ ခေါင်းစိုက်လျက်သားနဲ့ အပိတ်လှောင်ခံလိုက်ရပါတော့တယ်။ တစ်ညတည်းဆိုတဲ့ အချိန်တိုလေးအတွင်းမှာ သူ အဲဒီအိမ်သာထဲကနေ ဘယ်လို ရုန်းထွက်မလဲ၊ ပြိုကွဲနေတဲ့ သူ့မိသားစုလေးကိုရော ပြန်အဆင်ပြေအောင် ဘယ်လိုလုပ်မလဲ ဆိုတာကို ရင်တမမနဲ့ ကြည့်ရှုရမှာပါ။ ဒီဇာတ်ကားမှာ ဒါရိုက်တာ ဂရီဂိုရီ မော်ရင် က ရိုက်ကူးထားပြီး လုခ် အဖြစ် ဂျိုနသန် လမ်းဘတ် နဲ့ ဗယ်လ် အဖြစ် အီလိုဒီ နဗား တို့က အပီပြင်ဆုံး သရုပ်ဆောင်ထားကြပါတယ်။ ရယ်စရာကောင်းသလို တစ်ဖက်မှာလည်း ကြောက်စရာကောင်းတဲ့ အဖြစ်အပျက်တွေကို အချိုးညီညီ ပေါင်းစပ်ပေးထားတဲ့ ဇာတ်ကားလေးမို့ အခုလို တင်ပေးလိုက်ပါပြီ။

Jumanji ရုပ်ရှင်တွေလိုမျိုး လက်တွေ့ကမ္ဘာကနေ ဂိမ်းထဲကို ရောက်သွားမဲ့ ပြင်သစ် Fantasy ရုပ်ရှင်တစ်ကားကိုတင်ဆက် ပေးလိုက်ချင်ပါတယ်။ ဂျာဟုမ်းတို့မိသားစုဟာ အားလပ်ရက်မှာ သူတို့အဖေဆီသွားလည် ကြရင်း မိသားစုဝင်တွေစုံတုန်း Werewolves of Miller's Hollow ဆိုတဲ့ Board gameကို ဆော့ဖို့လုပ်ကြပါတယ်။ အဲဒီဂိမ်းကတော့ တော်တော်များများသိကြတဲ့ မာဖီးယားဂိမ်းလို imposter ရှာရတဲ့ဂိမ်းပါ။ ကစားသမားတွေမှာ ကိုယ်ပိုင် ကာရိုက်တာတွေရှိကြပြီး မတူညီတဲ့ အစွမ်းတွေရှိပါတယ်။ အဲဒီအစွမ်းတွေကိုအသုံးချပြီး ညဘက် ရောက်တိုင်း ရွာထဲကလူတွေကိုအမဲလိုက်စားသုံးတဲ့ လူယောင်ဆောင် Werewolves တွေရဲ့သရုပ်မှန်ကိုဖော်ထုတ်ရမဲ့ဂိမ်းမျိုးပါ။ ဂျာဟုမ်းတစ်ယောက်ကတော့ ငယ်ငယ်က သူ့အဖေနဲ့ဆော့ခဲ့တဲ့ ဒီ ဘုတ်ဂိမ်းကို ဆော့ဖို့စိတ်အားထက်သန်နေပေမဲ့ ကျန်တဲ့ မိသားစုဝင်တွေကတော့ မဆော့ချင်ကြပါဘူး။ အသက်အရွယ်ကြီးလို့ မှတ်ဉာဏ်ချို့တဲ့နေပြီဖြစ်တဲ့ ဂျာဟုမ်းရဲ့ အဖေကလည်း ဂိမ်းရဲ့စည်းမျဉ်းတွေကို ဘာတစ်ခုမှမမှတ်မိတော့လို့ ကာရိုက်တာကတ်တွေပဲ ဝေပြီး ဆက်မဆော့ဖြစ်ဘဲ ကစားပွဲ ပျက်သွားပါတယ်။ ဂျာဟုမ်းတစ်ယောက် ကတ်တွေကို သိမ်းနေတုန်းမှာ ရုတ်တရက် Board game boxကြီးက လှုပ်ခါလာပြီး ငလျင်တွေလှုပ်လာပါ တော့တယ်။ ငလျင်လှုပ်လို့ မိသားစုဝင်တွေအကုန် မြေအောက်ခန်းထဲ ရောက်သွားပြီး အပြန်အထွက်မှာ 1497 ခုနှစ်ဆီကိုရောက်သွား ကြပါတော့တယ်။ အဲဒီကနေမှသိရလိုက်တာက သူတို့ဟာ ဆော့လက်စ board gameထဲကိုရောက်နေတာဖြစ်ပြီး မီလာဟောလိုးက သမန်း ဝံပုလွေတွေကိုရှာဖွေသတ်ဖြတ်နိုင်မှ ဂိမ်းထဲကထွက်နိုင်မယ်ဆိုတာပါပဲ။ ဒီလိုနဲ့ ဂျာဟုမ်းတို့မိသားစု ကိုယ်စီအစွမ်းတွေနဲ့အတူ အလယ်ခေတ်ကနေ လွတ်မြောက်အောင်ကြိုးစားကြပါတော့တယ်။ Jumanji နဲ့တူမယ်လို့ ထင်ထားခဲ့ပေမဲ့ သူတို့ရောက်သွားတဲ့ timeline ကအလယ်ခေတ်ဖြစ်ပြီး မိသားစုကိုအသားပေးရိုက်ပြ‌ထားပုံက ဒီရုပ်ရှင်ကိုထူးခြားစေတာပါ။ ဘာတွေဆက်ဖြစ်ကြမလဲဆိုတာကိုတော့ ဇာတ်ကားထဲမှာပဲ ဆက်လက်ကြည့်ရှုလိုက်ကြပါဦး။ File size…1.71GB / 910MB Quality…NF WEB-DL 1080p HEVC / 720p Format…mkv / mp4 Duration….1h 34m Genre ….. Adventure , Comedy , Fantasy Subtitle….Myanmar Subtitle (Hard Sub) Encoder….Min Wai Translated by Muse

ပူပြင်းခြောက်သွေ့တဲ့သဲကန္တာရထဲမှာ မြွေအုပ်စု ၂ ခုရှိပါတယ်.. လှပတဲ့မြွေစိမ်းတွေက အိုအေစစ်နား အရိပ်အာဝါသတစ်ခုကိုခိုလှုံရင်း လူသူအနှောင့်အယှက်ကင်းဝေးစွာ နေထိုင်ကြပါတယ်.. နောက်မြွေတစ်မျိုးဖြစ်တဲ့မြွေဟောက်တွေကတော့ ကန္တာရထဲမှာပဲ ကျင်လည်ကျက်စားပြီး ပြိုင်ဆိုင်မှုပြင်းထန်ကာ စားဝတ်နေရေးခက်ခဲကြမ်းတမ်းမှုတွေကြားမှာ ရုန်းကန်နေရတဲ့ မြွေတွေပါ ... ကျိကျိတက်ချမ်းသားတဲ့ သူဌေးတွေနဲ့ လမ်းဘေးက ဒုစရိုက်နယ်မြေလိုပေါ့ဗျာ.. ဒီကာတွန်းကားကတော့ အဂျားလို့ခေါ်တဲ့ မြွေဟောက်ငယ်လေးရဲ့ အချစ်အတွက် စွန့်စားခန်းကိုရိုက်ထားတာပါ.. သူဟာ အရေခွံတောင်မလဲရသေးတဲ့ မနူးမနပ်မြွေဖြစ်တာကြောင့် အမြဲအနိုင်ကျင့်ခံနေရသူဖြစ်ပါတယ်.. တစ်နေ့မှာတော့ အစိမ်းရောင်တွေလူးပြီး မြွေစိမ်းအယောင်ဆောင်ကာ မြွေစိမ်းတွေနယ်မြေဆီမှာ နေထိုင်ဖို့ ထွက်လာခဲ့တယ်.. အဲဒီနယ်မြေက အပြင်လူဝင်တာနဲ့ အပြတ်ရှင်းမယ့်ကောင်တွေ စောင့်ကြပ်နေတယ်.. အဲလိုသွားရင်းနဲ့ အီဗာလို့ခေါ်တဲ့ မြွေစိမ်းမလေးနဲ့ဆုံပါလေရော.. အီဗာဆိုတာက အိုအေစစ်တဝိုက်မှာ အချမ်းသာ အကြွယ်ဝဆုံးနဲ့ အာဏာအရှိဆုံးမြွေသူဌေးကြီးရဲ့ သမီးတော်... သူက ချမ်းသာမှုနဲ့ လုံခြုံသက်သာမှုကို ရွံမုန်းပြီး အစဉ်အလာကိုဆန့်ကျင်ချင်သူ.. စီစဉ်ထားတဲ့လက်ထပ်ပွဲကိုရှောင်လွှဲချင်သူ.. ကန္တာရထဲမှာ ဘာတွေရှိလဲဆိုတာကို စူးစမ်းချင်သူ မြွေဂျစ်မလေး.. ဒီလိုနဲ့ အဂျားနဲ့အီဗာတွေ့ကြပါလေရောဗျာ.. အီဗာတစ်ယောက် နယ်မြေထဲက ခိုးထွက်ရင်း ကန္တာရခရီးသွားအာရပ်တွေရဲ့ ဖမ်းဆီးခြင်းခံရတဲ့အခါမှာတော့ အဂျားတစ်ကောင်ဟာ သူ့သူငယ်ချင်း ပစ်ဆိုတဲ့ကင်းမြီးကောက်ကို အဖော်ပြုရင်း အချိန်မရွေးသေသွားနိုင်တဲ့ ဆာဟာရခရီးကြမ်းကြီးကို စတင်ခဲ့ပါတော့တယ်.. ကြောက်လန့်တုန်လှုပ်စရာခရီးတစ်ခုကို အချစ်ကြောင့် အသက်ပင်သေသေ စွန့်စားခဲ့တဲ့ အဂျားရဲ့ခရီးစဉ်ကြောင် ဒီ sahara ဆိုတဲ့ ကာတွန်းကားဖြစ်လာရတာပေါ့ဗျာ.. (ဇာတ်လမ်းအညွှန်းနဲ.ဘာသာပြန်သူကတော့  Nyi Thanlwin ပဲဖြစ်ပါတယ်) File Size : 650 MB/230MB Quality : WEB DL 720P Running Time : 1hr 26minutes Format : Mp4 Genre : Animation, Adventure, Comedy Translator : Nyi Thanlwin Encoder :Thanhtike Zaw