Jonathan Pryce ပါဝင်သော ဇာတ်ကားများ

Flavia (2026) +++++++ ဒီကားက စာရေးဆရာ Alan Bradley ရဲ့ အရောင်းရဆုံး စာအုပ်စီးရီးဖြစ်တဲ့ The Sweetness at the Bottom of the Pie ကို အသက်သွင်း ရိုက်ကူးထားတာဖြစ်ပြီး၊ ဒါရိုက်တာ Bharat Nalluri က ဖန်တီးတင်ဆက်ထားတာပါ။ ဇာတ်လမ်းက ၁၉၅၁ ခုနှစ် ဗြိတိန်နိုင်ငံရဲ့ ကျေးလက်ဒေသကို နောက်ခံထားပြီး ရိုက်ကူးထားတာပါ။ အဓိက ဇာတ်ကောင်ဖြစ်တဲ့ Flavia de Luce (Molly Belle Wright) ဟာ အသက် ၁၁ နှစ်သာ ရှိသေးပေမယ့် ဓာတုဗေဒပညာမှာ အရမ်းကို ထူးချွန်တဲ့ ပါရမီရှင်လေးဖြစ်သလို၊ ဝါသနာအရ စုံထောက်အလုပ်ကိုပါ စိတ်ဝင်စားတဲ့ ကလေးမလေး တစ်ယောက်ပါ။ တစ်နေ့မှာတော့ သူတို့မိသားစုပိုင်ဆိုင်တဲ့ ဟောင်းနွမ်းနေပြီဖြစ်တဲ့ စံအိမ်ကြီးရဲ့ ခြံဝင်းထဲမှာ လူသေအလောင်း တစ်လောင်းကို ရှာဖွေတွေ့ရှိသွားပါတော့တယ်။ ပိုဆိုးတာက အဲဒီလူသတ်မှုရဲ့ တရားခံအဖြစ် Flavia ရဲ့ ဖခင်ဖြစ်သူ Colonel Havilland (Martin Freeman) က စွပ်စွဲဖမ်းဆီးခံလိုက်ရတာပါပဲ။ အပြစ်မရှိတဲ့ ဖခင်ကို ကယ်တင်ဖို့အတွက် Flavia တစ်ယောက် သူ့ရဲ့ ထူးချွန်တဲ့ ဓာတုဗေဒစွမ်းရည်တွေကို အသုံးပြုပြီး တကယ့်လူသတ်တရားခံ အစစ်ကို ရှာဖွေဖို့ ကိုယ်တိုင် စုံစမ်းစစ်ဆေးမှုတွေ စတင်ပါတော့တယ်။ ဒီလိုစုံစမ်းရင်းနဲ့ လူသတ်မှုရဲ့ နောက်ကွယ်က အမှန်တရားတွေသာမက၊ သူတို့မိသားစုရဲ့ ဖုံးကွယ်ထားတဲ့လျှို့ဝှက်ချက် အမည်းစက်တွေကိုပါ တဖြည်းဖြည်း ဖော်ထုတ်သိရှိလာရတဲ့ပုံစံမျိုး ရိုက်ကူးထားတာပါ။ သရုပ်ဆောင်သစ်လေး Molly Belle Wright က Flavia နေရာကနေ ပါဝင်ထားပြီး၊ နာမည်ကြီး ဝါရင့်သရုပ်ဆောင်တွေဖြစ်တဲ့ Martin Freeman၊ Toby Jones နဲ့ Jonathan Pryce တို့ကလည်း အားဖြည့် သရုပ်ဆောင်ထားပါတယ်။ အင်္ဂလန်နိုင်ငံ၊ Surrey မြို့က West Horsley Place ဆိုတဲ့ နေရာမှာ Buckshaw စံအိမ်ကြီးအဖြစ် အသုံးပြုပြီး သဘာဝကျကျ သွားရောက်ရိုက်ကူးထားတာပါ။ Mychael Danna နဲ့ Jeff Danna တို့က ဇာတ်ကားနဲ့ လိုက်ဖက်မယ့် တေးဂီတတွေကို ဖန်တီးပေးထားပါတယ်။ ကလေးမလေးတစ်ယောက်ရဲ့ ဉာဏ်ရည်ထက်မြက်မှုတွေနဲ့အတူ လျှို့ဝှက်ဆန်းကြယ်တဲ့ အမှုအခင်းတွေကို ဖြေရှင်းသွားတဲ့ ပုံစံမျိုးမို့လို့ စုံထောက်ကား ကြိုက်တတ်တဲ့သူတွေအတွက်ရော၊ မိသားစုလိုက် ပေါ့ပေါ့ပါးပါး ကြည့်ချင်သူတွေအတွက်ပါ အရမ်းကို သဘောကျစရာ ကောင်းမယ့် ရုပ်ရှင်ကားကောင်းလေးတစ်ကား ဖြစ်ပါတယ်။ File Size… (1.06GB) / (624MB) Quality… WEB-DL 1080p HEVC / 720p Format…mkv / mp4 Duration…1h 32m Genre ….Adventure , Comedy , Family , Mystery Subtitle….Myanmar Subtitle (Hard Sub)

IMDb Rating (6.9) / Rotten Tomatoes (73%) တစ်ခါက ကူပါချေ့စ်ဆိုတဲ့ ဘိုးဘွားရိပ်သာတစ်ခုရှိပါတယ်။ အဲလိဇဘက်၊ ရွန်နဲ့ အီဘရာဟင်မ်ဆိုတဲ့ မိတ်ဆွေသုံး‌ယောက်ကတော့ ဒီဇာတ်လမ်းရဲ့ ဇာတ်လိုက်တွေပါ။ အငြိမ်းစားယူပြီး အချိန်တွေပိုနေတဲ့ အဘိုးကြီးအဘွားကြီးတွေပီပီ သူတို့သုံးယောက်က အရင်က မဖြေရှင်းနိုင်လိုက်တဲ့ အမှုဟောင်းတွေကို ကြာသပတေးနေ့တိုင်း အစည်းအဝေးထိုင် ဖြေရှင်းကြပြီး သူတို့အဖွဲ့နာမည်ကို "The Thursday Murder Club" လို့ နာမည်ပေးထားကြပါတယ်။ တိုနီနဲ့ အီရန်ကတော့ ကူပါချေ့စ်ရဲ့ ပိုင်ရှင်တွေပါ။ တိုနီက ရိပ်သာမှာ သူ့အဒေါ်ရှိသေးတာကြောင့် ကူပါချေ့စ်ကို ဆက်ပြီး ဖွင့်ချင်ပေမဲ့ အီရန်ကတော့ အကျိုးလိုလို့ အဲဒီနေရာမှာ ဇိမ်ခံတိုက်တွေ ဆောက်ပြီး ရိပ်သာကို ပိတ်ပစ်ချင်သူပါ။ တစ်နေ့တော့ သူတို့ကတောက်ကဆဖြစ်ပြီး နောက်နေ့မှာ တိုနီဟာ ရုတ်တရက် သူ့နေအိမ်မှာ အသတ်ခံလိုက်ရပါတယ်။ ဒီလိုနဲ့ တိုနီ့ရဲ့ သေဆုံးမှုက စုံထောက်ကြီးသုံးယောက်ရဲ့ အလုပ်တစ်ခု ဖြစ်လာကာ တရားခံရှာပုံတော် ဖွင့်ကြပါတော့တယ်။ File Size… (1.76GB) / (956MB) Quality… WEB-DL 1080p HEVC /720p Format…mkv / mp4 Duration…1h 58m Genre ….Comedy , Crime , Mystery , Thriller Subtitle….Myanmar Subtitle (Hard Sub)

The Penguin Lessons (2025) IMDb Rating (7.1) / Rotten Tomatoes (80%) ဒီတစ်ခါဇာတ်ကားလေးကတော့ 2024 ကမှထွက်ရှိထားတဲ့မင်းသားကြီး Steve Coogan ရဲ့ The Penguin Lesson ဆိုတဲ့ဇာတ်ကားလေးပါ။ Steve Coogan ကိုတော့ Around the World in 80 days မှာရင်းနှီးကြပါလိမ့်မယ်။ ဇာတ်လမ်းအကျဉ်း Tom ဟာ အာဂျင်တီးနားနိုင်ငံက St. George ဆိုတဲ့ကျောင်းမှာ အင်္ဂလိပ်စာဆရာအဖြစ်လာရောက်လုပ်ကိုင်ပါတယ်။ အဲ့ဒီအချိန်မှာ အာဂျင်တီးနားနိုင်ငံဟာ စစ်အာဏာသိမ်းမှုကြောင့် ပြည်တွင်းစစ်ဖြစ်နေတဲ့အချိန်မလို့ ကျောင်းတွေခဏပိတ်ရတာနဲ့ Tom တစ်ယောက် ဥရုဂွေးဘက်ပလည်ထွက်လာတုန်း ကောင်မလေးနဲ့ အီစီကလီလုပ်မိပါတယ်။ လုပ်နေတုန်း ကမ်းခြေမှာ ပင်ဂွင်းလေးတစ်ကောင်သေမလိုဖြစ်နေတာကိုကယ်ခဲ့ပြိး ကောင်မလေးနဲ့ ဘာညာဖြစ်ချင်ပေမဲ့ ဟိုကအိမ်ထောင်သည်ကြီးဖြစ်နေတော့ ပင်ဂွင်းတစ်ကောင်နဲ့ပဲအဖက်တင်နေခဲ့ပြီး ဘာတွေဆက်ဖြစ်မလဲဆိုတာကိုတော့ ဇာတ်ကားလေးကိုပဲကြည့်ရှု့လိုက်တော့နော်။ ဒီဇာတ်ကားလေးက ပေါ့ပေါ့ပါးပါးနဲ့ ကြည့်လို့ကောင်းပြီး IMDb မှာလည်း 7.2 တောင်ရထားတာမလို့မိသားစုနဲ့ကြည့်လို့သင့်တော်မဲ့ဇာတ်ကားလေးဖြစ်ပါတယ်။ (အညွှန်းနဲ့ဘာသာပြန်ကတော့ S4L ဖြစ်ပါတယ်။) File size… (4.5 GB) / (1.9 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama Duration…. 01:51:50 Subtitle…. Myanmar Subtitle (Hardsub) Encoder…. Benjamin Translated by  S4L

ဒီတစ်ခေါက်တင်ဆက်ပေးမယ့်ဇာတ်ကားလေးကတော့ အလယ်ခေတ်နှောင်းပိုင်း Action အမျိုးအစားဇာတ်ကားလေးပဲ ဖြစ်ပါတယ်... ဒီဇာတ်ကားလေးမှာဆိုရင် ၁၄ ရာစုက ဥရောပသားတို့ရဲ့ အားကြီးသူအနိုင်ယူတဲ့ ဘဝပုံရိပ်ကို ဒဏ္ဍာရီသူရဲကောင်း Wilhelm Tell ရဲ့ ဘဝဇာတ်ကြောင်းနဲ့အတူ တင်ဆက် ပြသထားပြီး အလယ်ခေတ်နှောင်းပိုင်းပုံရိပ်တွေကို နှစ်ခြိုက်ဖွယ် ရိုက်ကူးပုံဖော်ထားတာပဲဖြစ်ပါတယ်... Wilhelm Tell ဟာ ဂျေရုစလင်တိုက်ပွဲကနေ ပြန်လာပြီး အမဲလိုက်သမားဘဝနဲ့ ရိုးရိုးကုပ်ကုပ်မိသားစုတစ်စုကို ထူထောင် ထားသူစစ်ပြန်တစ်ယောက်ဖြစ်ပါတယ်... စစ်ပွဲရဲ့အနိဋ္ဌာရုံတွေကို မမြင်ချင်မတွေ့ချင်တော့လို့ ဆွစ်ဇာလန် တောင်ကြားထဲမှာ မိသားစုနဲ့အတူ ဘဝကို အေးအေးချမ်းချမ်း ဖြတ်သန်းနေသူတစ်ယောက်ဟာ ဘုရားသခင်ကိုလည်း ယုံကြည်သူဖြစ်ပြီး သူတစ်ပါးကိုပါ ကူညီတတ်သူဖြစ်ပါတယ် ထိုသို့နေထိုင်ရင်း အခွန်တော်ကောက်တစ်ယောက်အား သတ်ဖြတ်ခဲ့သူကို မုန်တိုင်းထန်နေတဲ့ကန်ရေပြင်ကိုဖြတ်ကာ ကူညီပေးဖို့ ဖြစ်လာခဲ့ရာမှာလည်း ဘုရားသခင်ရဲ့လမ်းစဉ်ကို လိုက်နာသူဖြစ်တဲ့ Tell ဟာ မုန်တိုင်းထန်နေတဲ့ ရေကန်ထဲကို အကြောက်အလန့်မရှိ ဖြတ်ကူပေးပါတယ်... တစ်ဖက်မှာလည်း ၎င်းကူညီပေးခဲ့သူ သတ်ဖြတ်ခဲ့တဲ့ အခွန်တော် ကောက်ဟာ တန်ခိုးထားနေတဲ့ ဩစတြီးယားဘုရင့်လူဖြစ်တာကြောင့် ဘုရင်ဟာ အမျက်ရှလျက် တရားခံကို ဖမ်းဆီးပြီး သူ့သိက္ခာကို ဆယ်ဖို့ မြို့စားဖြစ်သူကို စေခိုင်းခဲ့ပါတယ်... ထိုမြို့စားဟာ ရက်စက်ကြမ်းကြုတ်သူပီပီ တရားခံကိုမမိမချင်း ဆွစ်ဇာလန်ရွာမှန်သမျှကို လိုက်လံရှင်းလင်း မီးရှို့ဖျက်ဆီးပြီး အာဏာပြရာမှာတော့ မူလက လူမျိုးစုပြဿနာများကြောင့် အချင်းချင်းမသင့်မြတ်ကြသူ ဆွစ်ဇာလန်လူမျိုစုများအချင်းချင်း သွေးစီးကာ ဩစတြီးယားရဲ့ အုပ်ချုပ်မှုကို စုပေါင်းတွန်းလှန်ကြဖို့ အကြောင်းဖန်တီးလာပြီး ဩစတြီးယားစစ်တပ်များကို တိုက်ခိုက်ဖို့ ပြင်ဆင်ကြရာမှာတော့… ဒီကားလေးမှာဆိုရင် ၁၄ ရာစုရဲ့ ဆွစ်ဇာလန်မျိုးချစ် ဒဏ္ဍာရီ သူရဲကောင်း လေးသည်တော် Wilhelm Tell အကြောင်းကို အံဩဆန်းကြယ်စွာရိုက်ကူးပုံဖော်ထားတာဖြစ်ပြီး ရင်သပ်ရှုမောဖွယ် တောတောင်ရေမြေတွေကိုနောက်ခံပြုကာ စစ်ဘုရင်တို့ရဲ့ လက်အောက်က မြို့များရွာများရဲ့ နှိပ်စက်ကလူပြုကျင့်ခံရမှုတို့ကို ရသမြောက်တင်ပြထားတာဖြစ်လို့ အလယ်ခေတ်ရုပ်ရှင်ကြိုက်သူ ပရိသတ်များ မြည်းစမ်းကြည့်သင့်တဲ့ဇာတ်ကားလေးဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ..... File size… (2.32 GB) / (1.34 GB) Quality… WEB-DL 1080p HEVC / 720p Format…mkv / mp4 Duration….2h 13m Genre ….. Action , Biography , Drama ,  History , War Subtitle….Myanmar Subtitle (Hard Sub) Encoder….Min Wai Translated by Ye Thiha Htet

2024 မှာထွက်ရှိလာတဲ့ 3 body Problem ကတော့ စိတ်ဝင်စားစရာတွေနဲ့ ကြည့်ကောင်းမဲ့ကားလေးတစ်ကားပါပဲ....... ကျွန်တော်တို့အသက်ရှင်နေထိုင်တဲ့ စကြာဝဠာကြီးမှာ တခြားသက်ရှိတွေရော ရှိနိုင်မလားဆိုတဲ့ အတွေးက တကယ့်ကိုစိတ်ဝင်စားစရာပါ.....အဲဒီ စိတ်ဝင်စားစရာအတွေးကိုလည်း ပညာရှင်တွေက နည်းလမ်းမျိုးစုံနဲ့ အဖြေထုတ်နိုင်ဖို့ကြိုးစားနေကြတာပါ.....နည်းပညာမြင့်တဲ့ နိုင်ငံတွေအပြိုင်အဆိုင် ကြိုးပမ်းရာကနေ တရုတ်နိုင်ငံလေ့လာရေးစခန်းတစ်ခုမှာရှိတဲ့ ပညာရှင်တစ်ယောက်က နေဟာ ကိုယ်တိုင်လည်း လျှပ်စစ်သံလိုက်စွမ်းအင်ထုတ်ပေးနိုင်သလို တခြားဂြိုလ်ရဲ့ စွမ်းအင်ကိုလည်း ချဲ့ထုတ်ပေးနိုင်တယ်ဆိုတာကို လေ့လာတွေ့ရှိသွားပါတယ်...... စကြာဝဠာကြီးထဲမှာ တခြားသက်ရှိတွေများရှိမလားလို့ တွေးမိနေကြတဲ့ လေ့လာသူတွေဟာ တခြားသက်ရှိတွေကို ဆက်သွယ်လို့ ရလိုရငြား အသံထုတ်လွှင့်စက်ကြီးတွေနဲ့ အရင်ကထုတ်လွှင့်နေရာကနေ နေရဲ့ ချဲ့ထုတ်နိုင်စွမ်းကိုတွေ့သွားတော့ အားနည်းလှတဲ့ ကမ္ဘာဂြိုလ်က ထုတ်လွှင့်စက်ကို နေဘက်ကိုသာဦးတည်ပြီး လွှင့်လိုက်ရင် ချဲ့ပေးနိုင်မှာပဲဆိုတဲ့ အတွေးနဲ့ သူက ထုတ်လွှင့်ချင်နေတာပါ.....ဒါပေမဲ့လည်း သူမွေးဖွားရာနိုင်ငံက တရုတ်ဖြစ်နေပြီး သူတို့ရဲ့ သမ္မတကြီးကလည်း မော်စီတုံးဖြစ်နေတာကြောင့် Red Sun လို့တင်စားထားတဲ့ သမ္မတကြီးဂုဏ်သိက္ခာအတွက် သူ့အထက်လူကြီးတွေက ခွင့်မပြုခဲ့ပါဘူး......လူတွေရဲ့ ဗီဇအရ ခွင့်မပြုတာမှပိုလုပ်ချင်တဲ့သူကလည်း မရ ရအောင်ခိုးလွှင့်ခဲ့ရာကနေ အဲဒီလှိုင်းက ဘယ်ကိုရောက်သွားမလဲဆိုတာ ဆက်လက်ခံစားကြည့်လိုက်ပါဦးလို့........... File size…(1.7 GB)/(1 GB) Quality….Webrip 1080p / 720p Format…mp4 Duration….01:00:00 Genre...Adventure, Drama, Fantasy Subtitle….Myanmar Subtitle (Hardsub) Encoder….Garfield Translated by CM Team

Sir Nicholas Winton သို့မဟုတ် ဒုတိယကမ္ဘာစစ်အတွင်း စစ်ရှောင်ကလေးငယ် ၆၆၉ဦးအားကယ်တင်ခဲ့သူ... ဖြစ်ရပ်မှန်ကို ရိုက်ကူးထားတဲ့ ဒီဇာတ်လမ်းလေးဟာ တီဗီအစီအစဥ်တစ်ခုမှ လူသိများပြီးအစပျိုးလာခဲ့တာပါ...။ ဇာတ်လမ်းအကြောင်းကို ပြောပြရရင် Nicholas Wintonဆိုတဲ့ လန်ဒန်မှ လူငယ်stockbrokerလေးတစ်ယောက်... ဒုတိယကမ္ဘာစစ်မဖြစ်မီ ၁၉၃၈ခုနှစ် ဒီဇင်ဘာလထဲမှာ ချက်ကိုစလိုဗားကီးယားနိုင်ငံရဲ့မြို့တော် ပရော့ဂ်ကို အလည်သွားရာကစခဲ့ပါတယ်...။ အဲ့ဒီခေတ်အချိန်က ဒုတိယကမ္ဘာစစ်ဖြစ်ရန်တာဆူနေပြီး ဟစ်တလာဟာ မဟာမိတ်တွေဆီကနေ ချက်ဇ်နိုင်ငံရဲ့ ပြည်နယ်တစ်ခုကိုတောင်းပါတယ်...။ စစ်ကိုရှောင်လွှဲချင်တော့ ဟစ်တလာရဲ့တောင်းဆိုချက်ကို လိုက်လျောပြီး နယ်မြေပေးလိုက်ရတဲ့အခါ နာဇီဂျာမဏီတွေရဲ့ ရန်ကိုကြောက်တဲ့ ဂျာမဏီ၊ သြစတီးနဲ့ ချက်ဇ်ဒေသခံ ဂျူးလူမျိုးတွေဟာ ပရော့ဂ်ကိုတိမ်းရှောင်လာခဲ့ကြပါတယ်။ ကလေးတစ်ပွေ့တစ်ပိုက်နဲ့မိသားစုတွေဟာ နေစရာမဲ့ စားစရာမဲ့ အတိဒုက္ခရောက်နေရတဲ့အပြင် နာဇီတို့ကျူးကျော်လာမယ့် အန္တရာယ်ကိုပါကြောက်လှန့်နေခဲ့ရကာ ပြေးစရာမြေမရှိဖြစ်နေခဲ့တာပါ။ ဒီအခြေအနေကို ကြုံတွေ့မြင်တွေ့ခဲ့ရတဲ့ Nicholas Wintonဟာ စစ်ကြောင့်နယ်စပ်တွေပိတ်မသွားမီ ကလေးငယ်တွေကို စစ်ဘေးလွတ်ရာ အင်္ဂလန်သို့ပို့ဖို့ကြံဆောင်ပါတော့တယ်...။ ဘယ်အချိန်ထဖြစ်မယ်မသိတဲ့စစ်မီးစင်ကိုကြည့်ရင်း အချိန်လုပြီး အသက်ကယ်ရတဲ့အခါ အသက်ဘယ်နှစ်ချောင်းကို ဘယ်လို ကယ်တင်နိုင်မှာလဲ....။ Nicholas Wintonတစ်ယောက်ဒီလိုစွမ်းဆောင်ခဲ့ပုံတွေကို တော်ရုံလူမသိခဲ့ကြဘဲ နှစ်ငါးဆယ်အကြာတီဗီအစီအစဥ်လေး တစ်ခုမှာမှ လူအများသိခဲ့ရပါတယ်။ ဘာလို့ဆို အဲ့ဒီအစီအစဥ်မှာလာကြည့်တဲ့ ပရိသတ်တိုင်းဟာ Nicholas Wintonကယ်တင်ခဲ့ဖူးတဲ့ကလေးငယ်များ ဖြစ်နေကြောင်း အံ့သြစွာသိရှိခဲ့ရလို့ပါပဲ...။ သူ့ရဲ့ဇာတ်လမ်းလေးက ဘယ်လိုမျိုးဖြစ်မလဲဆိုတာ ဒီတစ်ခါတော့ ရုပ်ရှင်အတိုင်းသားကြည့်ရှုခွင့်ရတော့မှာပဲဖြစ်ပါတယ်ဗျာ...။ File size…2.02GB / 720MB Quality…WEB-DL 1080p 5.1 CH/ 720p Format…mp4 Duration….1h 50m Genre ….. Biography , Drama , History Subtitle….Myanmar Subtitle (Hard Sub) Encoder….Min Wai Translated by Themes

ပြဇာတ်ဆန်ဆန် ​အေး​အေးငြိမ့်ငြိမ့်​လေး ခံစားလို့ရမယ့် Drama ရုပ်ရှင်​လေးတစ်ကားကို တင်​ဆက်​ပေးချင်ပါတယ်။ ၁၉၉၃ခုနှစ် ဝေးလ်နိုင်ငံ၊ ကာမာသန်မြို့မှာ ဖြစ်ခဲ့တဲ့ ဖြစ်ရပ်မှန်ကို အ​ခြေခံ၍ ရိုက်ကူးထားတာပါ။ IMDb - 6.7 နဲ့ Rotten Tomatoes 70%ထိရရှိထားပြီး Gotham series မင်းသမီး​ချော Erin Richards နဲ့Draco Malfoyအ​နေနဲ့ လူသိများတဲ့ Tom Feltonတို့ ပါဝင်ထားပါတယ်။ ကာမာသန်မြို့ရဲ့ လစ်ရစ်ဇာတ်ရုံက ဟိုးနှစ်​ပေါင်းများစွာတည်းက စင်တင်ပြဇာတ်​​တွေနဲ့ ​အော်ပရာတွေ တင်ဆက်လာတဲ့ ဇာတ်ရုံကြီးဖြစ်သလို ​နောက်ပိုင်းနှစ်​တွေမှာ ရုပ်ရှင်ရုံအဖြစ် ပြောင်းခဲ့​​ပေမယ့် လာ​ရောက်ကြည့်ရှုသူ မရှိသ​လောက်နည်း​နေသလို ၂လ၃လ​နေမှ တစ်ခါပြတဲ့ ​ပြဇာတ်​တွေနဲ့ အသက်ဆက်​နေရတာပါ။ ဒီလို​ဒေဝါလီခံရကာနီး​နေတဲ့ ရုပ်ရှင်ရုံကိုဖြိုချပြီး ​ဈေးဝယ်စင်တာ ​ပြောင်း​ဆောက်ဖို့ ကြံ​နေသူ​တွေက​တော့ ကာမာသန်မြို့​တော်ဝန်နဲ့သူ့ရဲ့ ခရိုနီ​တွေပါ။ လစ်ရစ်ရုံဟာ ဝင်​​ငွေမရ​တော့​ပေမယ့် မြို့​ခံလူ တချို့​အတွက်​ မ​​မေ့နိုင်တဲ့အမှတ်တရ​များစွာ ရှိ​နေတဲ့နေရာတစ်ခု ဖြစ်သလို မြို့ရဲ့ အထိမ်းအမှတ်လည်းဖြစ်​လို့ ဖြိုချမယ့် အကြံကို လုံးဝလက်မခံခဲ့ကြပါဘူး။ ဒါ​ပေမဲ့ ကောင်စီအစည်းအ​ဝေးကြီးမှာမထင်မှတ်ဘဲ မဲရှုံးနိမ့်သွားခဲ့တာ​ကြောင့် ရုပ်ရှင်ရုံဖြိုချဖို့ အဆိုက အတည်ဖြစ်လာတဲ့အခါ လစ်ရစ်ရုံကြီးကို ကယ်တင်နိုင်ဖို့အတွက် မြို့ခံ​တွေဟာ ​မြို့​တော်ဝန်နဲ့ ထိပ်တိုင်​တွေ့ရပါ​တော့တယ်။ ( ဘာသာပြန်ပြီး အညွှန်းရေးသားထားသူကတော့ Jim X ပါ ) File Size__(1.9GB) / (1GB) Quality__WEB-DL_1080p, 720p IMDb Rating__6.7/10 Format__mp4 Duration__01:49:00 Type__Drama Subtitle__Myanmar Subtitle (Hardsub) Translated by Jim X Encoded by Naing Aung Latt

လွန်ခဲ့တဲ့ ရှစ်နှစ်က လေယာဉ်ပြန်ပေးဆွဲမှုတစ်ခုမှာ ဓားစာခံ ရာနဲ့ချီ သေဆုံးခဲ့ပါတယ်။ အကြမ်းဖက်မှုဆိုင်ရာ ထောက်လှမ်းရေးအေဂျင်စီအတွက် အရှက်တကွဲ ဖြစ်ခဲ့ရပြီး ပိတ်သိမ်းထားခဲ့တဲ့ အမှုတစ်ခုပါ။ အမှုနဲ့ ပတ်သက်ခဲ့သူတွေထဲမှာလည်း သေဆုံးသူတွေ ရှိသလို အငြိမ်းစားယူသွားသူတွေလည်း ရှိနေပြီဖြစ်ပါတယ်။ ရှစ်နှစ်ကြာတဲ့အခါ လေယာဉ်ပြန်ပေးဆွဲမှုရဲ့ ခေါင်းဆောင်ကို ဖမ်းမိခဲ့ပြီး ဒီအမှုမှာ ထောက်လှမ်းရေးအတွင်းလူတစ်ယောက် ပါဝင်နေကြောင်း သိလာရတယ်။ ဒါကြောင့် အေဂျင်စီက အတော်ဆုံး ထောက်လှမ်းရေးသမားကို တာဝန်ပေးပြီး သစ္စာဖောက်ဟာ ဘယ်သူလဲဆိုတာ ပြန်စုံစမ်းခိုင်းပါတယ်။ ခရစ္စပိုင်း ပါဝင်သရုပ်ဆောင်ထားတဲ့ စပိုင်ဇာတ်ကားဖြစ်ပြီး နှစ်တွေကြာအောင် ပိတ်ထားခဲ့တဲ့ အမှုကို ပြန်လည်ဖော်ထုတ်ရတဲ့အကြောင်းပါ။

အက်ဘီနီဇာ စကရုချ်ဟာ ခရစ်စမတ်ကို မုန်းတီးပြီး ပျော်ပွဲရွှင်ပွဲတွေကိုလည်း ကြည့်မရတဲ့ လူ့ဂွစာကြီးတစ်ယောက်ပါ။ လောဘကြီးသလောက် အကြင်နာတရားလည်း ခေါင်းပါးတဲ့သူဖြစ်ပါတယ်။ ဒါပေမဲ့ ဒီနှစ် ခရစ်စမတ်မရောက်ခင် မနက်ခင်းတစ်ခုမှာ သူ့ဆီကို ဧည့်သည်သုံးယောက် ရောက်လာကြတယ်။ အဲဒီဧည့်သည်တွေကြောင့် စကရုချ်ရဲ့ဘဝ ဘယ်လိုပြောင်းလဲသွားမလဲဆိုတာကို ပြောပြထားတဲ့ ၂၀၂၂ ခုနှစ်ထွက် ခရစ်စမတ်အန်နီမေးရှင်းပါ။

၂၀၁၇ ခုနှစ် The Pope အမည်ရပြဇာတ်ကိုမှီငြမ်းရိုက်ကူးထားတဲ့ ၂၀၁၉ ခုနစ်ထွက် Biological Drama အမျိုးအစားပဲဖြစ်ပါတယ်.... The Best Director Award ရရှိထားတဲ့ Fernando Meirelles ရိုက်ကူးထားတဲ့အပြင် IMDB ကလည်း 7.7/10 ရရှိထားတာဖြစ်ပါတယ် ဇာတ်လမ်းအမျိုးအစားကတော့ သူ့ဇာတ်ကားနာမည်အတိုင်း ပုပ်ရဟန်းမင်းကြီးနှစ်ပါးအကြောင်းပဲဖြစ်ပါတယ် ပုပ်ရဟန်းမင်းကြီ ဘန်နဒစ်နံပါတ်ခြောက်က ရှေးရိုးဆန်ပြီး ခေတ်နောက်ပြန်ဆွဲတဲ့ Conservative တစ်ယောက် ပြီးတော့သူက ဂျာမန်လူမျိုးလည်းဖြစ်နေပါသေးတယ်.. ဘုန်းတော်ကြီး ဘာဂိုလီယိုကတော့ ပြုပြင်ပြောင်းလဲရေးသမား အာဂျင်တီးနားလူမျိုးတစ်ယောက်... ကြမ္မာလှည့်ကွက်တွေကြောင့် သူတို့နှစ်ယောက် တွေ့ဆုံကြတဲ့အခါ သူတို့နှစ်ယောက်ကြားက မတူညီတဲ့အတွေးအခေါ်တွေ... အပြုအမူတွေနဲ့... လုပ်ရပ်တွေကြားမှာ ဘယ်သူက တကယ့်ပြောင်းလဲမှုတွေဖန်တီးပေးနိုင်မလဲဆိုတာကို စောင့်ကြည့်ရမယ့်ဇာတ်ကားကောင်းပဲဖြစ်ပါတယ်... ဘာသာရေးဆက်နွယ်တဲ့ဇာတ်ကားဖြစ်ပေမယ့် လုံးဝမပျင်းမရိရပဲ ပညာသားပါတဲ့ဒိုင်ယာလော့ဒ်တွေအောက်မှာ စီးမျောစေရမယ်လို့အာမခံပါတယ် File Size : ( 1 GB , 363  MB ) Quality :  WEB-DL 720p Running Time : 2 hr 05 min Format : Mp4 Genre : Biography , Comedy , Drama Subtitle : Myanmar Subtitle (Hard Sub) Translated by May Myat Thu Encoded by Moe Myint Lwin

IMDB 7.3,,,,Rotten....84% ဒီကားက ကားသစ်ဆိုပေမယ့် တော်တော်နဲ့မလုပ်ဖြစ်ဘူး...ဘာလို့လဲဆိုတော့ ရုပ်ရှင်ပိုစတာက ဆံနွယ်တွေဖြူလွှပြီး ပါးရည်တွေတွန့်နေတဲ့ အဘိုးကြီးအဘွားကြီးပုံဖြစ်တော့ ဆွဲဆောင်မှုအားနည်းနေတဲ့အပြင် ရုပ်ရှင်ရဲ့ နာမည်ကလည်း The wife ဆိုတော့ ရုပ်ရှင်ကားပါအကြောင်းအရာများဟာ ဘောင်ခေတ်ထားတဲ့ ဇာတ်ကားကြီးလို့ ခံစားမိတယ်...သို့ပေမယ့်  ဒီနှစ်အော်စကာဆန်ကာတင်စာရင်းရဲ့ အကောင်းဆုံးမင်းသမီးရွေးချယ်ယာထားတဲ့သူတွေထဲမှာ ဒီကားရဲ့ အဓိက မင်းသမီးကြီး Glenn Close  ပါလာလေတော့ မဖြစ်မနေလုပ်ရတော့တယ်...IMDb နဲ့  RT  ကလည်း ကြွရွနေတယ်.... တစ်ကယ်တော့ ဒီကားမျိုးက အညွှနး်ရေးလို့ တော်တော်ကြီးကို မဖြစ်တဲ့ကားမျိုးပါ... မရေးတတ်ရေးတတ်နဲ့ဖွဲ့စည်းထားတဲ့ ၀ါကျ(၃)လေးကြောင်းအောက်မှာ အော်စကာ ဆန်ကာတင်စာရင်းဝင်ခဲ့တဲ့ ဇာတ်ကားကြီးဟာ ပေါ့ပျက်ပျက်ဖြစ်သွားနိုင်သလို ဒီလိုကားကောင်းကိုကြိုက်တဲ့သူတို့အဖို့ ထဆဲချင်စိတ်ပေါက်သွားစေနိုင်လို့ပါ.. ...တစ်ချို့သူတွေအတွက် ဒီကားဟာ ဘာကားကြီးမှန်းလဲ မသိဘူးလို့ ရေရွတ်ကောင်း ရေရွတ်လိမ့်မယ် ...ဒါပေမယ့် တစ်ချို့သူတွေအတွက် ဒီကားက ခင်ဗျားတို့ကို ကျောက်ရုပ်တစ်ရုပ်လိုမျိုးဖြစ်အောင် ဆွဲဆောင်နိုင်စွမ်းရှိတယ်... ပြောတဲ့ ဒိုင်ယာလော့တွေ ....သရုပ်ဆောင်တွေ ...ဇတ်လမ်းအချိတ်အဆက်တွေကလည်း တကယ်ကောင်းပါတယ်.. ဒီကားနဲ့ပတ်သက်ပြီး ပြောပြလို့ရတာနည်းနည်းတော့ရှိတယ်.... လင်မယား(၂)ယောက်ရှိတယ်...ယောင်္ကျားက စာရေးဆရာ..တစ်နေ့တော့ မနက်အစောကြီးဖုန်းဆက်လာတယ်... ခင်ဗျားရေးတဲ့စာအုပ်ကြောင့် နိုဘယ်ဆု ရပါတယ်..ဒါ့ကြောင့် ဆွီဒင်က စတော့ဟုမ်းမြို့ကို ဆုယူဖို့ကြွခဲ့ပါတဲ့... ကိုင်း ဘာကြောင့် ဒီကားကို The wife လို့ခေါင်းစဉ်တပ်တာလဲ... ဘာဖြစ်လို့ အဘိုးအဘွားကြီးကိုမှ ရွေးချယ်ရိုက်ကူးရတာလဲ...မင်းသမီးကြီးကရော ဘယ်လောက်များသရုပ်ဆောင်ကောငး်လို့ အော်စကာဆန်ကာတင်စာရင်း ဝင်တာလဲဆိုတာတွေကိုတော့ ခံစားကြည့်လိုက်ပါဦးဗျို့.... ဇာတ်လမ်းအညွှနး်နဲ့ ဘာသာပြန်သူကတော့ Tin Myo Lwin ပဲဖြစ်ပါတယ်... File Size : (940 MB) and (333 MB) Quality : Blu-Ray 720p Format…mp4 Duration…01:30:00 Genre :  Drama Subtitle : Myanmar Subtitle (Hard Sub) Translated by Tin Myo Lwin Encoded by Phyo Pyae

IMDb - 8.7 / 10 Rotten Tomatoes - 91% The Crown ဆိုတဲ့ စီရီးဟာ ဘာအကြောင်းလဲ။ အဲလိဇဘက် ဘုရင်မကြီး အကြောင်း။ ဒါပဲပြောရင်တော့ ပျင်းစရာလို့ ထင်ရတာပေါ့။ ဘုရင်မလုပ်ရတာ တကယ်တော့ ပျင်းစရာမကောင်းဘူးဆိုတာ ဆက်ကြည့်လိုက်ရင်တော့ တွေ့ရမှာပါ။ အဲလိဇဘက်ဘုရင်မကြီးဟာ ဝန်ကြီးချုပ် အဆက်ဆက်ကို ဖြတ်သန်းခဲ့ရသူပါ။ ဝင်စတန် ချာချီ၊ မက်မီလန်၊ အဲလက်၊ ဝယ်ဆန် စသည်ဖြင့်ပါပဲ။ ဝန်ကြီးချုပ်တိုင်းနဲ့အတူ နိုင်ငံ့ပြဿနာတွေကို အတူဖြေရှင်းခဲ့ရတာပါ။ မြူဆိုင်းတဲ့ကပ်ဘေးတွေ၊ စူးအက်တူးမြောင်းလို ကိစ္စတွေ၊ သမ္မတ JFK စုံတွဲနဲ့ ကိစ္စတွေ၊ သမ္မတဂျွန်ဆန်နဲ့ ဗီယက်နမ်စစ်ပွဲကိစ္စတွေ၊ သူလျိုမှုတွေ၊ လိင်အရှုပ်တော်ပုံတွေ အများကြီးပါပဲ။ ဒါ့အပြင်သူ့ရဲ့ ဦးရီးတော်ကလည်း မိန်းမအတွက်နဲ့ နန်းစွန့်ခဲ့ပြီး သစ္စာဖောက်လို ဆက်ဆံခံရတဲ့ ရှုပ်ထွေးတဲ့သူပါ။ သူ့ရဲ့ ညီမကလည်း သူနဲ့ဆန့်ကျင်ဘက် ခေတ်ဆန်ဆန်၊ပေါ့ပေါ့ပါးပါး၊ ထက်ထက်မြက်မြက်ရှိပေမယ့် ပြဿနာ မကြာခဏရှာတတ်တဲ့သူပါ။ ယူထားတဲ့ယောကျာ်းကလည်း နိုင်ငံခြားဘုရင်မျိုးဆက် နာဇီတွေရဲ့ ယောက်ဖ ဖြစ်နေပြေတော့ အဲလိဇဘက်ရဲ့ ဘဝဟာ အရောင်အသွေး စုံလှတယ်လို့ပြောရမှာပါပဲ။ ကြည့်သင့်တဲ့အချက်တွေကတော့ ဗြိတိန်နန်းသုံးစကားလုံးတွေ နားထောင်နိုင်တယ်၊ ဗြိတိန်ရဲ့ စည်းမျဉ်းခံ ဘုရင်စနစ်နဲ့ ဓလေ့တွေကို သိနိုင်တယ်၊ သမိုင်းဖြစ်ရပ်တွေကို စိတ်ဝင်စားစရာ ကြည့်နိုင်တယ်၊ သရုပ်ဆောင်တွေကလည်း ကောင်းတော့ ရုပ်ရှင်အရသာလည်းရှိတယ်။ အစုံပါပဲ။ ဒီတော့ ကြည့်ဖြစ်အောင်ကြည့်သင့်တဲ့ စီးရီးထဲမှာ ပါဝင်ပါတယ်။

ဒီဇာတ်ကားလေးက သီချင်းပြဇာတ်လေးတစ်ခုပဲဖြစ်ပါတယ် တစ်ချိန်က နာမည်ကျော်ခဲ့တဲ့ Miss Saigon ပြဇာတ် ၂၅ နှစ်ပြည့် အထိမ်းအမှတ်အနေနဲ့ လန်ဒန်မြို့မှာ ပြန်လည် ကပြတာပဲ ဖြစ်ပါတယ် ပြဇာတ်ဆိုပေမဲ့ ပေးနိုင်တဲ့ရသက အထူးကိုကောင်းမွန်ပြီးတော့ ဇာတ်အိမ်ကောင်းမွန်တာကိုတွေ့ရပါတယ် ဇာတ်လမ်းကိုတော့ အမေရိကန် ဗီယက်နမ် စစ်ပွဲ အဆုံးသတ်ခါနီး အချိန်လောက်မှာဇာတ်အိမ်တည်ထားပါတယ်။ထိုစဉ်အခါက ဗီယက်နမ်မှာ စစ်ပွဲဒဏ်ကြောင့် ပြည်သူတွေကလဲ ဆင်းရဲမွဲတေမှု့ကို ခံစားနေရတဲ့အချိန်ပါ စစ်ပွဲကြောင့် မိသားစုနဲ့ကွဲ မိဘတွေ သေဆုံး ဖြစ်ရရှာတဲ့ အမျိုးသမီးလေးတွေဟာ အမေရိကန် စစ်သားတွေကို ဖျော်ဖြေရတဲ့ ပြည့်တန်ဆာလေးတွေ ဖြစ်လာပါတော့တယ် ကင်မ်ကလဲ သူတို့ထဲက တစ်ယောက်ပါ ... အသက် ၁၇ နှစ်သာ ရှိသေးတဲ့ မိန်းမပျိုလေးက မိဘတွေ စစ်အတွင်းမှာ သေဆုံးပြီးတော့ ဆိုင်ဂုံမှာရှိတဲ့ ပြည့်တန်ဆာခန်းကိုရောက်ရှိခဲ့ပါတယ် အဲ့ဒီပြည့်တန်ဆာခန်းမှာရှိတဲ့ မိန်းမပျိုတိုင်းရဲ့ အိပ်မက်ကတော့ အမေရိကန် စစ်သားတွေက သူတို့ကို တစ်ချိန်မှာ အမေရိကန်ကိုခေါ်သွားပြီး သားမှတ်မှတ် မယားမှတ်မှတ် ပေါင်းဖို့ပါ ကင်မ်ကို တော့ ခရစ် ဆိုတဲ့ စိတ်သဘောထားကောင်းတဲ့ စစ်သားလေးက ဂရုဏာ သက်ဝင် ချစ်ခင်မိသွားပြီးတော့ အမေရိကန်ကို ခေါ်သွားဖို့ကြံပါတော့တယ်... ဒါပေမဲ့ မမျှော်လင့်တဲ့ အခြေအနေဆိုတာ အချိန်ခါအတိုင်းမှာဖြစ်လာတက်ပါတယ် အမေရိကန်ကို မခေါ်သွားနိုင်ခဲ့ပဲ နှစ်များစွာကြာပြီးတော့မှ အိမ်ထောင်ကျနေတဲ့ အခြေတကျဖြစ်နေတဲ့ ခရစ္စမှာ ကင်မ် သက်ရှိထင်ရှားရှိနေသေးကြောင်း သူနဲ့ ရထားတဲ့ သားတစ်ယောက်ရှိနေကြောင်း သိလိုက်ရတဲ့ အခါမှာတော့..... ဒီဇာတ်ကားကို အညွှန်းရေးပေးထားသူကတော့ Tariq L Walker ဖြစ်ပါတယ်...

2015 ခုနှစ်မှာ ထွက်ရှိထားတဲ့ ဇာတ်ကားကောင်းတစ်ကားနဲ့မိတ်ဆက်ပေးချင်ပါတယ်..ဒါရိုက်တာ Justin Trefgarne ရိုက်ကူးတင်ဆက်ထားပြီး ဇာတ်လမ်းအမျိုးအစားကတော့ Mystery | Sci-Fi | Thriller အမျိုးအစားပဲဖြစ်ပါတယ်..သိပ္ပံဇာတ်လမ်းမျိုးကြည့်ချင်တဲ့သူတွေအတွက်တော့ သဘောကျမယ့်ဇာတ်ကား မျိုးဖြစ်ပါတယ်..ကြာမြင့်ချိန်ကတော့ 1နာရီ နဲ့ 36 မိနစ်ဖြစ်ပြီး IMDb Rate ကတော့ 4.3 ရရှိထားပါတယ် ဇာတ်လမ်းအကျဉ်းကတော့ Frank ဆိုတဲ့စုံထောက်တစ်ဦးဟာ မူးယစ်ဆေးဝါးအကြောင်းကို လိုက်လံစုံစမ်းပြီးဖော်ထုတ်တဲ့ဇာတ်ကားပါ..ဒီမူးယစ်ဆေးဟာဘယ်လောက်ထိ အန္တရာယ်ပေးနိုင်လဲ သူ့ရဲ့နောက်ကွယ်မှာရောဘာရှိလဲဆိုတာ စောင့်ကြည့်ရမှာပဲဖြစ်ပါတယ် Subtitle Credit To Movie7plus Filesize : 548 MB Quality : 720p [ BrRip ] Format : mp4 Subtitle : Myanmar Subtitle ( Hardsub ) Translated By Movie7plus Admin Team Encoded By LK

ယခုတစ်ခါတင်ဆက်ပေးလိုက်တာကတော့ သမိုင်းနောက်ခံဖြစ်ရပ်မှန်ဇာတ်လမ်းလေးပဲဖြစ်ပါတယ်။ IMBD rating - 7.3 အထိရရှိထားပြီး nomination 6 ခုဝင်ခဲ့ပါတယ်။ ဇာတ်လမ်းအကြောင်းမပြောခင် နောက်ခံသမိုင်းကြောင်းလေးအရင်ပြောပြချင်ပါတယ်။ ပထမကမ္ဘာစစ်အပြီးမှာ ဩစတြီးယားနိုင်ငံနဲ့ဂျာမနီနိုင်ငံတို့ကိုပေါင်းစည်းမယ်ဆိုတဲ့ အတွေးအခေါ်စတင်ဖြစ်တည်လာပါတယ်။ ဂျာမနီနိုင်ငံပိုမိုကြီးမားလာစေဖို့နဲ့ ဩစတြီးယားရဲ့စီးပွားရေးအခက်အခဲကိုပြေလည်စေဖို့ပါ။ ပေါင်း‌စည်းစေချင်သူတွေကတော့ ဂျာမန်လူ‌မျိုးတွေပါ။ ဒီလိုနဲ့ ၁၉၃၃ ခုနှစ်မှာ ဟစ်တလာရဲ့နာဇီပါတီအာဏာကြီးမားလာခဲ့ပြီး ထိုအတွေးအခေါ်ဟာ ပိုပြီးကျယ်ပြန့်လာခဲ့ပါတယ်။ ၁၉၃၈ ခုနှစ်မှာ ဩစတြီးယားနဲ့ ဂျာမနီနိုင်ငံတို့ကို ပေါင်းစည်းခဲ့ပါတယ်။ ဩစတြီးယားနိုင်ငံအတွင်းဝင်ရောက်လာတဲ့ နာဇီစစ်သားတွေကို ဩစတြီးယားနေ ဂျာမန်ပြည်သူတွေက သောင်းသောင်းဖြဖြ ကြိုဆိုခဲ့ကြပေမဲ့ ဩစတြီးယားနေ ဂျူးလူမျိုးများအတွက်တော့ ထိတ်လန့်စရာကိစ္စဖြစ်လာခဲ့ပါတယ်။ နာဇီစစ်သားတွေဟာဂျူးလူမျိုးတွေကိုနှိပ်စက်တယ်၊သတ်ဖြတ်တယ်၊ ပိုင်ဆိုင်တဲ့ပစ္စည်းတွေ၊ အိမ်တွေ၊ စက်ရုံတွေကိုသိမ်းပစ်ကြပါတယ်။ ဒီလိုအသိမ်းခံရတဲ့မိသားစုတစ်စုကတော့ ဘလော့ဘောက်ဝါမိသားစုပါ။ ဘလော့ဘောက်ဝါမိသားစုဟာ လူကုံထံမိသားစုတစ်ခုပါ။နာဇီစစ်သားတွေသိမ်းစည်းသွားတဲ့ ဘလော့ဘောက်ဝါမိသားစုရဲ့ ပိုင်ဆိုင်မှုတွေထဲမှာ တန်ဖိုးကြီးပစ္စည်းတွေကတော့ နာမည်ကျော်ပန်းချီဆရာ Gustav Klimt ရေးဆွဲခဲ့တဲ့ Adele Bloch-Bauer ရဲ့ပုံတူပန်းချီကားနဲ့ အခြားပန်းချီကားတွေပါ။ ထိုပန်းချီကားတွေကို အတင်းအဓမ္မသိမ်းယူသွားခဲ့ပြီး ဩစတြီးယားနိုင်ငံ၊ ဗီယန်နာမြို့မှာရှိတဲ့ Belvedere ပြခန်းမှာ ပြသထားခဲ့ပါတယ်။ ဇာတ်လမ်းအကြောင်းပြောရရင်တော့ အဓိကဇာတ်ဆောင်ဖြစ်‌တဲ့ Maria Altmann ဟာ Adele Bloch-Bauer ရဲ့တူမပါ။ 1998 ခုနှစ်မှာ ဩစတြီးယားအစိုးရက မတရားသိမ်းယူခံထားရတဲ့အနုပညာပစ္စည်းတွေကို ပိုင်ရှင်ဆီပြန်လည်အပ်နှင်းဖို့ ရီစတီကျူးရှင်းကော်မတီကိုဖွဲ့စည်းခဲ့ပါတယ်။ ထိုအခါ Maria Altmann ဟာလည်းသူမအဒေါ်ရဲ့ ပုံတူပန်းချီကားကိုပြန်လည်ရရှိနိုင်ဖို့အတွက် ရှေ့နေတစ်ယောက်ကိုငှားခဲ့ပါတယ်။ Eric Randol Schoenberg ပါ။ Maria နဲ့ Randol တို့နှစ်ယောက် ဩစတီးယားနိုင်ငံကိုသွားခဲ့ပြီး သူမရဲ့ပန်းချီကားနဲ့စပ်လျဉ်းတဲ့အမှုကိုစဉ်းစားရာမှာ ထည့်သင့်တဲ့အချက်အလက်တစ်ချို့ကို ကော်မတီကိုသွားပေးခဲ့ပါတယ်။ တကယ်တော့ ဩစတြီးယားအစိုးရက လူထုအာရုံစိုက်ရုံမျှသာ ရီစတီကျူးရှင်းကော်မတီကိုဖွဲ့စည်းခဲ့တာဖြစ်ပြီး အနုပညာပစ္စည်းများကို ပြန်လည်အပ်နှင်းလိုတဲ့ဆန္ဒမရှိပါဘူး။ ထိုအခါ Maria Altmann နဲ့ Randol Schoenberg တို့နှစ်ယောက်ဘာဆက်လုပ်ကြမယ်ဆိုတာကို ရုပ်ရှင်ထဲမှာကြည့်ရှုခံစားကြပါခင်ဗျာ။ File size…(1.7 GB)/(1 GB) Quality….Webrip 1080p / 720p Format…mp4 Duration….01:49:00 Genre...Drama, Biography, History Subtitle….Myanmar Subtitle (Hardsub) Encoder….Garfield Translated by Akm

classic westernကားကောင်းကောင်းကြည့်ချင်တယ်... actionခန်း သေနတ်ပစ်ခန်းကောင်းကောင်းတွေလည်းပါရမယ်.. ဇာတ်လမ်းကလည်း Drama Thrillerလေးမှဆိုရင် ဒီကားကို ကြည့်ဖြစ်အောင်ကြည့်ပါဗျာ...။ သရုပ်ဆောင်ထားတဲ့ မင်းသားတွေကလည်း ခပ်အေးအေးနဲ့ ဇာတ်ရုပ်နဲ့ လိုက်ဖက်လွန်းပါတယ်...။ Danish မင်းသားကြီး Mads Mikkelsenရဲ့ သရုပ်ဆောင်ဟန်တွေကို ဒီမှာမြင်တွေ့ရဦးမယ့်အပြင် မင်းသားကြီး Mikael Persbrandtကလည်း အားဖြည့်ပါဝင်ထားပါတယ်...။ မင်းသမီးEva Greenဆိုရင် တစ်ကားလုံးစကားတစ်ခွန်းမှမပြောဘဲ လူကြမ်းမကြီးအသွင်နဲ့ သရုပ်ဆောင်ပြသွားပါ‌သေးတယ်...။ စကားများများမပြောဘဲ ရိုက်ကွင်းရိုက်ကွက်နဲ့ ဇာတ်အိမ်ထဲမျှောပြီးခံစားရမယ့်ကားမျိုးပါ...။ ဇာတ်ကြောင်းကလည်းရိုးရိုးရှင်းရှင်းပါပဲ... သားနဲ့ဇနီးက ဗီလိန်တွေသတ်ဖြတ်တာကိုခံလိုက်ရလို့ တုန့်ပြန်လက်စားချေတဲ့ ဖခင်တစ်ယောက်ရဲ့ဇာတ်လမ်းပါ...။ ခံစားကြည့်ရှုလို့ရအောင် တင်ဆက်ပေးလိုက်ပါတယ်ဗျ...။ File size…1.44GB Quality…Blu-Ray 1080p Format…mp4 Duration….1h 32m Genre ….. Action , Drama , Thriller Subtitle….Myanmar Subtitle (Hard Sub) Encoder….Min Wai Translated by Themes

G.I. Joe: Retaliation (2013) IMDb - 5.8/10 GI Joe The Rise of Cobra ရဲ့ အဆက်အနေနဲ့ ထွက်ရှိလာခဲ့ပြီး ပထမရုပ်ရှင်က မင်းသားတွေဖြစ်တဲ့ Channing Tatum တို့ လီဗျောင်ဟွန်းတို့အပြင် ဒီရုပ်ရှင်မှာတော့ Dwayne Johnson တို့ Bruce Willis တို့လို ဖိုက်တာတွေပိုပါဝင်လာတာမို့ ပိုကြမ်းလာတယ်ပြောရမှာပေါ့...။ တကယ့်ဖိုက်တာမင်းသားတွေ အပြိုင်အဆိုင်ကြမ်းထားကြတာမို့ ဇာတ်လမ်းထက် သူတို့ကြမ်းတာကို မနည်းလိုက်ကြည့်ရမလိုဖြစ်နေရပါတယ်။ ဇာတ်လမ်းကတော့... G.I.Joe အဖွဲ့ရဲ့ ကပ္ပတိန်ဒုခ်နဲ့ အဖွဲ့သားတွေ ထောင်ချောက်ဆင်သတ်ဖြတ်ခံရပီးတဲ့နောက် အသက်ရှင်ကျန်ရစ်နေခဲ့တဲ့ ရုတ်ဘလော့ခ် ( The Rock) လေဒီဂျေး , ဖလင့် နဲ့ Snake eyes တို့တွေပူးပေါင်းပြီး Cobra commander , Firefly , Zartan နဲ့ Storm Shadow တို့ရဲ့ကမ္ဘာကြီးကိုဖျက်ဆီးမဲ့အစီအစဉ်ကို ဘယ်လိုတွေတားဆီးကျမယ်...သူတို့အဖွဲ့အတွက် ဘယ်လိုလက်စားချေမယ်ဆိုတာကို Action ဇာတ်ဝင်ခန်းအလန်းစားတွေနဲ့ကြည့်ရှုခံစားရမှာပါ။ (Extended Version ကိုမှ HEVC Quality ပါ ထပ်မံဖြည့်တင်းပေးထားပါတယ်။) File size…(2.2 GB) / (2.2 GB) / (1.3 GB) Quality…Extended BluRay HEVC 1080p / H.264 1080p / 720p Format…mp4 Duration….02:03:00 Subtitle….Myanmar Subtitle (Hardsub) Encoder….Nyeinsaeya Aung Translated by Khin Pyae Sone Kyaw

G.I. Joe: The Rise of Cobra (2009) IMDb - 5.8/10 ၁၆ ရာစုနှစ် ပြင်သစ်ဘုရင် လူဝီ ၁၃ လက်ထက်မှာ ဂျိမ်းစ် မက်ကောလင်း လို့ခေါ်တဲ့ စကော့တလန်လူမျိုးတစ်ဦးကို သံမီးဖုတ် မျက်နှာစွပ်ပေးပြီး အပြစ်ဒဏ်ပေးခဲ့တယ် ။ သူ့ရဲ့ အပြစ်ကတော့ လူဝီဘုရင်ကို လက်နက်တွေ တီထွင်ပေးပြီး တစ်ခြားရန်သူတွေကိုလည်း လက်နက် ရောင်းတဲ့ သစ္စာဖောက်မှုပေါ့ ။ လက်နက်တီထွင်သူဆိုတာ ဘက်တစ်ဘက်တည်းကိုပဲ တီထွင်ပေးရတယ် နှစ်ဘက်ခွ တီထွင်ပေးရင် သစ္စာဖောက်ပေါ့ ။ ဒီဘက်မျက်မှောက်ခေတ်ဘက်ရောက်လာတော့ ဂျိမ်းစ်မက်ကောလင်းရဲ့ မျိုးဆက်တွေဟာ ကာဇတ်စတန်နိုင်ငံမှာ မားစ် ဆိုတဲ့ နာမည်နဲ့ လက်နက်ကုမ္ပဏီ ဖြစ်လာခဲ့ကြတယ် ။ အဲဒိကုမ္ပဏီက NATO ရဲ့ အထောက်အပံ့နဲ့ လက်နက်သစ်တစ်မျိုး စမ်းသပ်အောင်မြင်သွားတယ် ။ အဲဒိလက်နက်ကတော့ သတ္ထုတွေကို စားပစ်တဲ့ နာနိုမိုက်လို့ ခေါ်တဲ့ ဗိုင်းရပ်ပဲပေါ့ ။ နာနိုမိုက် ဒုံးကျည်ကို ပစ်လိုက်တဲ့အခါ ပစ်မှတ်ကို ထိမှန်ရင် နာနိုမိုက်တွေဟာ အကန့်အသတ်မရှိ သတ္တုတွေစားပစ်တတ်တယ် ။ မလိုလားတဲ့ ဖျက်ဆီးမှုတွေ မဖြစ်စေချင်ရင်တော့ ပိတ်တဲ့ခလုတ်ကို နှိပ်မှ ရပ်တန့်သွားတတ်တယ် ။ နာနိုမိုက် ဒုံးကျည် နမူနာ ၄ ခုလုပ်ထားတယ် ။ ဒုံးကျည်တစ်ခုမှာ နာနိုမိုက် အကောင် ၇ သန်းအထိပါတယ် ။ မက်ကောလင်း မိသားစုရဲ့ မားစ် လုပ်ငန်းစုဟာ နေတိုးအကူအညီနဲ့ လက်နက်ကို တီထွင်ပြီး မက်ကောလင်းမိသားစုရဲ့ ဩဇာအာဏာကို တည်ထောင်လိုကြတယ် ။ မက်ကောလင်းဟာ အဲဒိ နာနိုမိုက် ဒုံးကျည် ၄ လုံးနဲ့ ကမ္ဘာကို ခြိမ်းခြောက်ပြီး လူတွေရဲ့ ရင်ထဲကို အကြောက်တရား ထည့်ပေးချင်တယ် ။ ပထမဆုံး နာနိုမိုက် ဒုံးကျည်ကို ပြင်သစ်ရှိ အီဖယ်မျှော်စင်ကို ပစ်ခတ်ပြပြီး မိသားစုရန်ကြွေးကို ဆပ်ပြလိုက်ပါတော့တယ် ။ ဒီနေရာမှာ တားဆီးပေးမယ့် အဖွဲ့ကတော့ ကမ္ဘာပေါ်က အကောင်းဆုံးစစ်တပ်တွေက အတော်ဆုံးစစ်သား စစ်သမီးတွေနဲ့ ခေတ်မှီလက်နက်တွေ တပ်ဆင်အသုံးပြုနေတဲ့ G.I Joe အဖွဲ့ပဲဖြစ်ပြီး သူတို့ကရော ဘယ်လိုတားဆီးကြမလဲဆိုတာ... ကြမ်းကြမ်းတမ်းတမ်းရိုက်ချက်တွေနဲ့ မှန်သားပြင်မှာ ကြည့်ရှူခံစားကြပါဦး.........။ (ဇာတ်လမ်းအညွှန်းကိုတော့ ကိုဝေလင်းကျော်မှရေးသားပေးထားတာပါ) File size…(2.4 GB) / (2.4 GB) / (1.2 GB) Quality…BluRay HEVC 1080p / H.264 1080p / 720p Format…mp4 Duration….01:59:00 Subtitle….Myanmar Subtitle (Hardsub) Encoder….Nyeinsaeya Aung

Mysterious cell phone messages promise a young American engineer untold wealth - then make him the target of a deadly international plot. Dangerous security operatives chase the engineer across the globe, while a powerful government official pursues a mysterious agenda that threatens the stability of the entire world.

အိပ်ရာဝင်ချိန်ဆိုတာ လူသားတိုင်းရဲ့တစ်နေ့တာမှာအငြိမ်းချမ်းဆုံးအနားယူတဲ့အချိန်လေးပါ အိပ်ရာဝင်ချိန်မှာ ယုံတမ်းပုံပြင်များကိုနားထောင်ပြီးတော့ ကျွန်တော်တို့အိပ်စက်ခဲ့ရပါတယ်.... အခုလည်း Disney ရဲ့အိပ်ရာဝင်ပုံပြင်လေးကို ကြည့််ပြီးတော့ ဒီညအိပ်မက်တွေကို ကိုယ်စိတ်ကြိုက်ဖန်တီးပြီးတော့ ပေါက်တတ်ကရတွေမက်လိုက်ရအောင်.... ငယ်ငယ်တုန်းက အိပ်ရာဝင်ပုံပြင်လေးတွေ နားထောင်ခဲ့ဖူးတယ် ။ ပုံပြောကောင်းတဲ့ အစ်ကိုကြီးအစ်မတွေဆီကနေ တစ္ဆေသူရဲပုံပြင်တွေ အဘိုးအဘွားတွေဆီကလည်း “ တို့တွေခေတ်တုန်းက   ဘယ်လို၊ တို့ငယ်ငယ်တုန်းက ဘယ်လို”  စသဖြင့်ပေါ့ဗျာ နားထောင်ခဲ့ဖူးကြပါတယ် ။ အပြောကောင်းတဲ့သူတွေနဲ့ဆို သူတို့ဇာတ်လမ်းလေးမှာ စီးမျောရင်း အချိန်တွေကုန်မှန်းတောင် မသိခဲ့ဘူး။ ဇာတ်လမ်းအကျဉ်းလေးကတော့ စကီတာ ဆိုတဲ့  ဦးလေးလူပျိုကြီး တစ်ယောက် သူ့တူလေးနဲ့ သူတူမလေးကို သူတို့အမေခရီးသွားတုန်း တစ်ပတ်လောက် ညဖက်တွေမှာ ကြည့်ရှုစောင့်ရှောက်ပေးဖို့ အကြောင်းပေါ်လာတယ်။ သူကလည်း လူပျိုကြီးဆိုတော့ ကလေးမထိန်းတတ် အိပ်ရာဝင်ပုံပြင်ပြောရတော့မယ်ဆိုတော့ ပုံပြင်စာအုပ်ထဲက ဇာတ်လမ်းတွေကိုလည်း သူမကြိုက်ဘူး။ ဒါနဲ့ပဲ သူရဲ့အကြောင်းကို ရာဇဝင်ဇာတ်လမ်းတွေထဲက သူရဲကောင်းတွေနဲ့ရောပြီး ပေါက်တက်ကရတွေ လျောက်ပြောတော့တာပဲ။ သူကပြောလိုက် သူ့တူလေးတူမလေးတွေလည်းက ဇာတ်လမ်းပြင်ပြောလိုက်နဲ့ လုပ်နေကြတာပေါ့။ ဒီလိုနဲ့ ထူးထူးဆန်းဆန်း သူပုံပြင်ပြောသလို အပြင်မှာလည်း တကယ့်ကို ကြုံတွေ့လာရမှန်း သိလာတော့ စကီတာတစ်ယောက် သူ့ပုံပြင်ဇာတ်လမ်းတွေကို လိုချင်သလိုဆွဲပြောပေမယ့် ကလေးတွေကလည်း ဇာတ်လမ်းတွေပြင်နဲ့ ပေါက်တတ်ကရ ဟာသတွေကိုဖြစ်လို့။ သူတို့ တူဝရီး သုံးယောက်သား ဘယ်လိုပေါက်တကရ ပုံပြင်တွေပြောရင်း ဘယ်လိုပေါက်တက်ကရတွေ ဖြစ်နေကြလဲဆိုတာကိုတော့ ဆက်လက်ကြည့်ရှုလိုက်ပါ။ Quality…..BluRay 720p Duration…..01:39:00 Format…Mp4 File Size…(782 MB) Translator…..Little Twinlay Encoder…..Moe Myint Lwin

ဂျက်စပဲရိုးဟာ အားလုံးအတွက် ပေးဆပ်ပြီး ဓားတစ်ချောင်းနဲ့ ကရာကန်ကြီးရဲ့ ပါးစပ်ထဲ ဝင်သွားခဲ့ပါတယ်။ အဲဒီနောက် ဝီလ်တန်နာနဲ့ အဲလိဇဘက်တို့က ကပ္ပတိန်ဘာဘိုဆာနဲ့ ပူးပေါင်းပြီး ဂျက်ကို ဒေဗီဂျုန်းဆီကနေ ကယ်ထုတ်ဖို့ ကြိုးစားကြရတယ်။ တစ်ဖက်မှာတော့ လော့ဒ်ဘက်ကပ်တ်က ဒေဗီဂျုန်းကို ထိန်းချုပ်ထားပြီး ပင်လယ်ပြင်တစ်ခွင်က သင်္ဘောတွေကို ဖျက်ဆီးခိုင်းနေပါတယ်။ ဒီအန္တရာယ်ကို ရင်ဆိုင်ရတဲ့အခါ ဝီလ်၊ အဲလိဇဘက်နဲ့ ဘာဘိုဆာတို့အပြင် ကပ္ပတိန်ဂျက်စပဲရိုးပါ တိုက်ပွဲထဲ ဝင်ပါလာရတော့တယ်။

ကပ္ပတိန်ဂျက်စပဲရိုးတစ်ယောက် အကြွေးဆပ်ရမယ့်အချိန် ရောက်ပြီလို့ အသိပေးခံလိုက်ရပါတယ်။ သူအကြွေးတင်နေသူကတော့ ငရဲက သင်္ဘောသားတွေနဲ့အတူ တစ္ဆေသင်္ဘောကို ရွက်လွှင့်နေတဲ့ ပင်လယ်သရဲကြီး ဒေဗီဂျုန်းပါ။ ဉာဏ်များတဲ့ဂျက်တောင် ပြေးလို့မလွတ်နိုင်တဲ့ အခြေအနေဖြစ်နေလို့ ကိုယ့်ကိုယ်ကိုယ် ကယ်တင်ဖို့ အကြံထုတ်ရပြန်ပါတယ်။ ဒီတစ်ခါတော့ ဝေလ်တန်နာနဲ့ အဲလစ်ဇဘတ်သ်ဆွမ်းတို့ရဲ့ အကူအညီကို မဖြစ်မနေ ယူရတော့မှာပါ။ သူတို့က ကြည်ကြည်ဖြူဖြူ ကူညီကြပါ့မလား၊ ဂျက်က ဘယ်လိုစည်းရုံးမလဲဆိုတဲ့အကြားမှာ အခက်အခဲတွေ၊ ဟာသအလွဲတွေနဲ့ တိုက်ခိုက်မှုတွေပါ ကြုံလာရပါတယ်။ ဂျက်အဓိက ရှာနေတာက ဒေဗီဂျုန်း ဖွက်ထားတဲ့ နှလုံးသားဖြစ်ပြီး ဒေဗီဂျုန်းမှာလည်း အချစ်ရေးနဲ့ပတ်သက်တဲ့ လျှို့ဝှက်ချက်တွေ ရှိနေပါသေးတယ်။ ဝေလ်တန်နာကလည်း ဂျက်နဲ့အတူ ထူးဆန်းပြီး ကြောက်စရာကောင်းတဲ့ စွန့်စားခန်းထဲ လိုက်ပါရပါတယ်။ ဒေဗီဂျုန်းရဲ့ တစ္ဆေသင်္ဘောကြီးပေါ်မှာ ဘာတွေရှိနေမလဲဆိုတာကလည်း သူတို့ခရီးမှာ စောင့်ကြိုနေတဲ့ မေးခွန်းတစ်ခုပါ။

"The Brothers Grimm" ရုပ်ရှင်ကတော့ သည် 2005 ခုနှစ်မှာ ဒါရိုက်တာ Terry Gilliam ရိုက်ကူးထားတဲ့ စိတ်ကူးယဉ် စွန့်စားခန်းဇာတ်ကားဖြစ်ပါတယ်။ ဒီကားထဲမှာ ဟောလိဝုဒ်နာမည်ကြီးသရုပ်ဆောင်တွေဖြစ်တဲ့ Matt Damon၊ Heath Ledger နဲ့ Lena Headey တို့က အဓိငပါဝင်သရုပ်ဆောင်ထားတာဖြစ်ပါတယ်။ ဂျိတ်နဲ့ဝီလ် ဂရင်းမ်ညီနောင်ဟာ တနယ်ကနေတနယ် ခရီးသွားလာပြီး မြို့သူမြို့သားတွေကို ထူးခြားဆန်းကြယ်တဲ့ မိစ္ဆာသတ္တဝါတွေရဲ့ရန်က ကာကွယ်ပေးတဲ့နည်းနဲ့ လိမ်ညာလုပ်ကြံဖန်တီးပြီး ပိုက်ဆံရှာကြတာဖြစ်ပါတယ်။ ဒါပေမဲ့ ဂရင်းမ်တို့ညီနောင်ဟာ အမှန်တကယ် သရဲခြောက်တဲ့ တောအုပ်ထဲကိုရောက်တဲ့အခါမှာတော့ တကယ့်မှော်ဆန်တဲ့ ကျိန်စာနဲ့ ကြုံတွေ့ရတဲ့အခါမှာ သူတို့ရဲ့ဘဝက မထင်မှတ်ထားတဲ့ အလှည့်အပြောင်းတခုဘယ်လိုဖြစ်လာမှာလဲဆိုတာ ရင်ခုန်စိတ်လှုပ်ရှားစွာစောင့်ကြည့်ရမယ့် ဇာတ်ကားကောင်း တခုဖြစ်ပါတယ်။ File size…2.76GB / 1.53GB Quality…Blu-Ray 1080p 5.1CH / 720p Format…mp4 Duration….1h 58m Genre ….. Action , Adventure , Comedy Subtitle….Myanmar Subtitle (Hard Sub) Encoder….Min Wai Translated by Zaw Myint

မြို့တော်ဝန်ရဲ့သမီး အဲလစ်ဇဘတ်သ်ဆွမ်း ငယ်ငယ်က သင်္ဘောပေါ်ကနေ ပင်လယ်ကို ငေးကြည့်နေတုန်း ရေထဲမှာ မျောပါလာတဲ့ ကောင်လေးတစ်ယောက်ကို တွေ့ခဲ့ပါတယ်။ အဲဒီကောင်လေး ဝေလ်တန်နာဟာ ကြီးပြင်းလာတဲ့အခါ သာမန်ပန်းပဲသမားတစ်ယောက် ဖြစ်လာပေမယ့် သူ့မှာ လူမသိတဲ့ နောက်ကြောင်းတစ်ခု ရှိနေတယ်။ တစ်နေ့မှာ ကပ္ပတိန်ဘာဘိုဇာက အဲလစ်ဇဘတ်သ်ကို ပြန်ပေးဆွဲသွားပါတယ်။ ဘာဘိုဇာဟာ ရတနာသိုက်တစ်ခုနဲ့ပတ်သက်ပြီး ကပ္ပတိန်ဂျက်စပဲရိုးနဲ့ သဘောထားကွဲခဲ့သူဖြစ်သလို ဂျက်ဆီက ပုလဲနက်သင်္ဘောကိုလည်း လုယူထားသူပါ။ ဒါပေမယ့် သူနဲ့ သူ့သင်္ဘောသားတွေမှာ ရှေးဟောင်းကျိန်စာတစ်ခု သင့်နေပြီး အသက်ရှင်တယ်လို့လည်း မဆိုနိုင်၊ သေဆုံးလို့လည်း မရတဲ့ဘဝကို ရောက်နေကြတယ်။ အဲဒီကျိန်စာပြယ်ဖို့ သွေးနဲ့ ယဇ်ပူဇော်ရမှာဖြစ်ပါတယ်။ ဘာဘိုဇာတို့ ကျိန်စာကို ဖျက်ဖို့ ကြိုးစားနေချိန်မှာပဲ ဂျက်နဲ့ ပြန်ဆုံကြပြီး ပုလဲနက်သင်္ဘောနဲ့ ရတနာသိုက်ကို ပတ်သက်နေတဲ့ သူတို့ရဲ့အရေးကိစ္စတွေ ပြန်ရှုပ်ထွေးလာပါတော့တယ်။

IMDb 6.2 Horror ရုပ်ရှင်အဟောင်းလေးကို တင်ဆက်ပေးလိုက်ပါတယ် ဘရာဇီးက ရွာလေးတစ်ရွာမှာ လူတိုင်းချစ်ကြတဲ့ ဖာသာတစ်ပါး ပျံလွန်တော့ ဗာတီကန်စီးတီးက ဖာသာ Andrew က သွားရောက်စစ်ဆေးပါတယ် အကြောင်းကတော့ ဖာသာရဲ့ ဈာပနကျင်းပရာ ဘုရားကျောင်းမှာရှိတဲ့ အပျိုစင်မေရီရုပ်ထုက သွေးမျက်ရည်စီးကျနေလို့ပါပဲ တစ်ဖက်မှာလည်း အမေရိကန်မှာရှိတဲ့ အလှဖန်တီးရှင်၊ club တက် ပျော်ပါးတတ်တဲ့ ဘာသာမဲ့မိန်းကလေး Frankie ဟာ ခရစ်တော် ကားစင်တင်ခံရချိန်မှာ ရခဲ့တဲ့ ဒဏ်ရာဒဏ်ချက်တွေအတိုင်း ထူးထူးဆန်းဆန်း ခံစားလာရတဲ့အခါမှာတော့ ...... File size…(2 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Thriller, Fantasy  Subtitle….Myanmar Subtitle (Hardsub) Encoder….Swan Min Htet Translated by Sike Tan

Ronin (1998) IMDb...7.3/10,,,,Rotten.,.67% Ronin (1998) ဒီဇာတ်ကားကတော့ IMDB 7.3/10 ရရှိထားတဲ့ Action/Crime/Thriller ဇာတ်ကားတစ်ကားဖြစ်ပါတယ်... Heat, The Score, Casino ကားတွေ ကြည့်ပြီးတဲ့နောက်မှာ Robert De Niro ရဲ့ ပရိတ်သတ် ဖြစ်သွားတယ် ... ဒါ့ကြောင့် သူ့ကားဟောင်းတွေထဲက မတင်ရသေးတဲ့ Ronin ကားကို ရှာဖွေတင်ဆက်ပေးလိုက်ပါတယ်... ဒီကားရဲ့ အက်ရှင်ခန်းတွေ ... အထူးသဖြင့် ကားမောင်းခန်းတွေ သေနတ်ပစ်ခန်းတွေဟာ အသက်ပါလွန်းပဲလား မသိ ... ၁၉၉၉ခုနှစ်ရဲ့ Science Fiction, Fantasy & Horror Films, USA မှာ Academy ဆုရရှိခဲ့ပါတယ်... ဇာတ်လမ်းအကျဉ်းကတော့ ဒီယာဒရေဆိုတဲ့ အမျိုးသမီးတစ်ယောက်ဟာ သိပ်ပြီးအဖိုးတန်တဲ့သေတ္တာတစ်လုံးကို လိုချင်လို့ မစ်ရှင်အဖွဲ့တစ်ဖွဲ့ စုဆောင်းပြီးတော့ ရယူဖို့ကြိုးစားတာကို အခြေခံပြီး ရိုက်ကူးထားတာပါ... အဲဒီအဖွဲ့ထဲမှာတော့ မင်းသားကြီး Robert De Niro , Jean Reno နဲ့ Steellan Skarsgard တို့ကို ကျေကျေနပ်နပ် တွေ့ရမှာပါ.. မစ်ရှင်အဖွဲ့ဟာ သေတ္တာရယူဖို့ကြိုးစားရင်းကနေ ဘယ်သူတွေက ဘယ်လိုခြေလှမ်းတွေနဲ့ အကွက်ရွှေ့လာမယ်ဆိုတာကို အပစ်အခတ် အက်ရှင်တွေနဲ့ ကြည့်ရှုကြရမယ့် ဇာတ်ကားကောင်းတစ်ကားဖြစ်ပါတယ်.. (ဇာတ်လမ်းအညွှန်းနဲ့ ဘာသာပြန်သူကတော့ Sherlock ဖြစ်ပါတယ်) File Size : 1.0GB/ 2.01GB Quality : Blu-Ray 1080/ 720p Format…mp4 Duration…02:02:00 Genre : Action, Crime, Thriller Subtitle : Myanmar Subtitle (Hard Sub) Translated by Sherlock Encoded by Tiff

ဒီ ဇာတ်ကားကတော့ မင်းသား Pierce Brosnan ရဲ့ ဒုတိယမြောက်ဘွန်းဇာတ်ကားဖြစ်ပါတယ်.. Pierce Brosnan ရဲ့ဘွန်းဇာတ်ကောင်ကို ပရိတ်သတ်တော်တော်များများနှစ်သက်ကြောင်းတွေ့ရပါတယ်... ကြင်အင်လက္ခဏာ...တည်ငြိမ်မှု..ဝတ်စားဆင်ယင်မှု..သရုပ်ဆောင်မှုတွေအရ Pierce Brosnan နဲ့ ဘွန်းကို တစ်ထပ်တည်းကိုက်ညီစေတဲ့ ရသကို ပေးစွမ်းနိုင်ခဲ့တာပါ.... နောက်တစ်ချက်က သူ့ရဲ့ဇာတ်ကားတွေမှာ Action ပိုင်း အတော်လေး ပြည့်စုံတာကို တွေ့ရမှာပါ.. ဒီဇာတ်ကားမှာတော့ အရှေ့တိုင်းရဲ့ နာမည်ကျော် မင်းသမီး မီရှဲယိုလဲပါဝင်ထားပါတယ်... IMDb Rating (6.5/10) ရရှိထားပါတယ်...။ File size…(2.6 GB) and (1.4 GB) Quality….BluRay 1080p and 720p (HEVC Encode) Format…mkv Duration….02:00:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

A Troll in Central Park 1994 ဒီဇာတ်လမ်းလေးကတော့ Stanley ဆိုတဲ့မှင်စာလေးကို အခြေခံထားပြီးပုံဖော်ထားပါတယ်။ Stanley ဟာမှင်စာဖြစ်ပေမယ့် စိတ်ရင်းနှလုံးကောင်းမွန်ပြီး နူးညံ့တဲ့ဗီဇရှိတဲ့အမျိုးဖြစ်ပါတယ်။ သူ့မှာပန်းပင်လေးတွေကိုဖန်တီးနိုင်တဲ့ မှော်ဆန်တဲ့အစိမ်းရောင်လက်မလေးကိုပိုင်ဆိုင်ထားတယ်။ စိတ်မကောင်းစရာတစ်ခုကတော့ မှင်စာတို့ရဲ့ကမ္ဘာမှာ ဒီလိုကြင်နာမှုတွေ၊ လှပမှုတွေကိုအလိုမရှိကြပါဘူး။ ဆိုတော့ Stanley ကပန်းလေးတွေကိုသူ့ရဲ့နေရာလေးမှာပဲ ဘယ်သူမှမမြင်အောင်ဖုံးကွယ်ပြီးစိုက်ပျိုးထားရတာပါ။ ဒီလိုနဲ့တစ်ရက်မှာတော့ပန်းပွင့်ကြီးတစ်ခုကိုဖန်တီးမိလိုက်ပြီး ဘုရင်မကြီးဆီ Stanley ရဲ့သတင်းကရောက်ရှိသွားပါတယ်။ Stanley ပြည်နှင်ဒဏ်ပေးခံလိုက်ရပါတယ်။ ဒါပေမယ့်ဘုရင်မကြီးကတော့သူ့ကို လုပ်ထုံးလုပ်နည်းအရကျောက်တုံးအဖြစ်ပြောင်းပစ်ချင်နေတာပါ။ Central Park မှာ Stanley က Gus တို့မောင်နှမနှစ်ယောက်နဲ့ဆုံပြီး ပျော်ရွှင်နေတာကို ဘုရင်မကြီးကတွေ့တော့ သူ့ရဲ့ဒေါသတွေပိုပြီးကြီးထွားလာပါတယ်။ ဆိုတော့ Stanley ဘုရင်မကြီးရဲ့ဒေါသကနေဘယ်လိုလွတ်မြောက်အောင်လုပ်မလဲ၊ ဘယ်လိုအခက်အခဲ အတားအဆီးတွေကိုကျော်ဖြတ်ရမလဲဆိုတာကို ဒီဇာတ်လမ်းလေးမှာကြည့်ရှုရမှာဖြစ်ပါတယ်။ IMDB မှာလည်း 5.3ထိရရှိထားပြီးတော့ ဒီထဲက Soundtrack ဟာဆိုရင်လည်း ပရိသတ်တွေရဲ့ရင်ထဲမှာနေရာတစ်ခုရရှိခဲ့ပါတယ်။ ကလေးတွေအပြင် Animation ကြိုက်နှစ်သက်တဲ့လူတွေအတွက် အကြိုက်တွေ့စေမယ့်ဇာတ်ကားကောင်းလေးတစ်ခုပါ။ File size…    1.8 GB /  830MB Quality… BluRay 1080p / 720p Format… mp4 Audio... AAC Duration…. 1h 16m Genre ..... Family/Musical Subtitle…. Myanmar Subtitle (Hard Sub) Encoder…. Thit San Khant Translated... by edrikk

IMDb - 7.7/10 နဲ့ Rotten Tomatoes - 95% အထိ ရရှိထားတဲ့ Old but Gold လေးတစ်ကား တင်ဆက်ပေးလိုက်ပါတယ်။ “ပူလစ်ဇာ” ဆုရ ပြဇာတ်တစ်ပုဒ်ကို ရုပ်ရှင်အဖြစ် ပြန်လည်အသက်သွင်းထားတာပါ။ ရုပ်ရှင်မှာလည်း Oscar nomination တစ်ခု အပါအဝင် ဆုပေါင်း ၈ ဆု ရရှိခဲ့ပြီး ၁၄ ဆု ဇကာတင်ချိတ်ခဲ့တာမို့ ၁၉၉၀ ခုနှစ်တစ်ဝိုက် အကောင်းဆုံးရုပ်ရှင်တွေထဲက တစ်ခုအဖြစ် သတ်မှတ်ခြင်းခံထားရပါတယ်။ Cast မှာလည်း Godfather ကြီး Al Pacino, Horrible Boss ကြီး Kevin Spacey, The Rock ရုပ်ရှင်ထဲက နှလုံးလှလူမိုက်ကြီး Ed Harris တို့အပါအဝင် ဟောလိဝုဒ်ရဲ့ထိပ်တန်းမင်းသား/ဇာတ်ပို့ သရုပ်ဆောင်တွေချည်း အသုံးပြုထားတာမို့ ကြည့်ရတာ အင်မတန်မှ စီးစီးပိုင်ပိုင်ရှိလှမှာပါ။ • ဇာတ်လမ်းအကျဉ်း • ဇာတ်လမ်းကတော့ အိမ်ခြံမြေအရောင်းကိုယ်စားလှယ် လေးယောက်ရဲ့ဘဝထဲက နှစ်ရက်တာအတွင်း ဖြစ်ပျက်သွားတဲ့အကြောင်းအရာတွေပါ။ ပြောရရင် သူတို့ရဲ့အေဂျင်စီက လတ်တလော အင်မတန်အရောင်းထိုင်းနေပါတယ်။ မြေကွက်တွေက ဘယ်လိုရောင်းရောင်း မထွက်တာမို့ အကြံအိုက်နေကြတုန်းမှာ၊ အေဂျင်စီပိုင်ရှင်တွေဆီကနေ တစ်ပါတ်အတွင်း ရောင်းအားအကောင်းဆုံးကိုယ်စားလှယ် နှစ်ယောက်ကလွဲလို့ ကျန်တဲ့လူတွေ အကုန်အလုပ်ဖြုတ်မယ်ဆိုတဲ့ တစ်ချက်လွှတ်အမိန့်ကျလာတဲ့အခါ... ထမင်းအိုးမကွဲဖို့အရေး ဒီလေးယောက် ဘယ်လိုတွေရုန်းကန်ရမလဲ၊ ဉာဏ်နီ ဉာဏ်ဝါ ဉာဏ်ရောင်စုံဖြာပြီး တစ်ယောက်နဲ့တစ်ယောက် ဘယ်လို‌တွေကျော်ကြ ခွကြမလဲဆိုတာကို Al Pacino တို့တစ်သိုက်ရဲ့ သဘာဝကျလှတဲ့ သရုပ်ဆောင်ချက်တွေနဲ့အတူ ဖန်သားပြင်ပေါ်မှာ ဆက်လက်ရှုစားပေးကြပါဦးခင်ဗျာ။ File size…(2.1 GB)/(951 Mb) Quality….Blu-Ray 1080p / 720p Format… mp4 Duration…. 01:40:00 Genre... Workplace drama, Crime, Drama, Mystery, Financial drama Subtitle….Myanmar Subtitle (Hardsub) Encoder….Garfield Translated by Random Guy

Brazil (1985) (Director's Cut) IMDB : 7.8 Rotten Tomatoes : 98% Genre : Sci-Fi / Black Comedy Brazil ကတော့ Morty Python အဖွဲ့ဝင်တစ်ဦးဖြစ်တဲ့ Terry Gilliam ကိုယ်တိုင်ရိုက်ကူးထားတဲ့ Dystopian Sci-Fi ရုပ်ရှင်တစ်ခုဖြစ်ပါတယ်။ Dystopian ဆိုတာကတော့ ပျက်စီးယိုယွင်းနေတဲ့ အနာဂတ်ကိုပုံဖော်ထားတဲ့ သိပ္ပံစိတ်ကူးယဉ် Genre ကိုခေါ်တာဖြစ်ပါတယ်။ ဇာတ်ညွှန်း အနာဂတ်မှာ လူတိုင်းက စာရွက်စာတမ်းတွေအောက်မှာ နစ်မြုပ်နေပါပြီ။ အခန်းပြင်ချင်လား၊ စာရွက်စာတမ်းအရင်ဖြည့်ရမယ်။ မီးပြင်ချင်လား စာရွက်စာတမ်း အရင်ဖြည့်ရမယ်။ နေ့တိုင်းကြားရ မြင်ရ လုပ်ရတာတွေက စာရွက်စာတမ်းတွေဖြစ်နေပါတယ်။ တိုးတက်မှုရဲ့ နောက်ကွယ်မှာ ဆုတ်ယုတ်မှုကြီးက လိုက်လာပြီး ပျက်စီးနေတဲ့ အစိုးရက Run နေတဲ့ အနာဂတ်မြို့တော်ကြီးမှာ ဆမ်လာရီဆိုတဲ့ လူငယ်လေးတစ်ယောက်ရှိပါတယ်။ ဆမ်ဟာ သာမာန်ရုံးမှာလုပ်ကိုင်နေတဲ့ စာရေးတစ်ယောက်ဖြစ်ပါတယ်။ တစ်ရက်မှာတော့ စာရွက်စာတမ်းအမှားတစ်ခုကြောင့် အပြစ်မရှိတဲ့ လူတစ်ယောက်ကို သုတ်သင်ဖို့ဖြစ်လာခဲ့ပါတယ်။ ဒါကို ဆမ်ကမနေနိုင်လို့ ဝင်တားရင်း အရှုပ်အထွေးထဲကို ရောက်သွားပါတော့တယ်။ ဆမ်ရဲ့ အိမ်မက်ထဲမှာလည်း ကောင်မလေးတစ်ယောက်ကို ညတိုင်းလိုလို မြင်ရမက်ခဲ့ရပါတယ်။ ကြားထဲမှာ မဖြစ်သင့်တာကို ဝင်တားရင်း သူ့ဘဝမှာပါ မဖြစ်သင့်တာတွေဖြစ်လာပါတော့တယ်။ ဒီလိုနဲ့ ဘယ်လိုအလွဲတွေဆက်ဖြစ်မှာလဲဆိုတာကိုတော့ ခံစားကြည့်လိုက်ကြပါခင်ဗျာ။ File size…    3 GB / 1.8 GB Quality… BluRay 1080p / 720p Format… mp4 Duration…. 2h 22m Genre ..... Sci-Fi / Black Comedy

Imdb rating 6.7/10 rotten tomatoes 59% ၁၉၆၂ ခုနှစ်မှာ စာအုပ်အဖြစ်အရင်ဆုံးထွက်ရှိ ခဲ့တာပဲဖြစ်ပြီးတော့ ၁၉၈၃ခုနှစ်မှာ walt disney ရုပ်ရှင်ဇာတ်ကားအဖြစ်ပြန်ထုတ်ခဲ့တာဖြစ်ပါတယ်။ဒီရုပ်ရှင်ကားကို ဒါိရီုက်တာ Jack Clayton က ရိုက်ကူးခဲ့တာဖြစ်ပြီးတော့ အော်စကာ၂ပိုင်ရှင် Jason Robardsအပြင် vidal peterson ၊ shawn carson နဲ့ Jonathan Pryce တို့က အဓိကပါဝင်သရုပ်ဆောင်ထားပါတယ်။ ဇာတ်လမ်းအသွားကတော့ ၁၃နှစ်အရွယ် အချစ်ဆုံးသူငယ်ချင်း၂ယောက်ဖြစ်တဲ့ ဂျင်မ်နိုက်ရှိဒ်နဲ့ ဝီလီယမ် ဟောလိုဝေးတို့က သူတို့နေထိုင်တဲ့အီလီနွိုက် ပြည်နယ် ဂရင်းမြို့ကို တစ်နေ့မှာရုတ်တရက် နယ်ပတ်ပျော်ပွဲရွှင်ပွဲ  တစ်ခုကရောက်လာတဲ့အခါ သူတို့ရဲ့ အိမ်မက်ဆိုးဆန်တဲ့အဖြစ်အပျက်ကို သူတို့  ကြုံတွေ့ခဲ့ရတယ်။အဲ့ဒီ ပျော်ပွဲရွင်ပွဲမှာ ကြောက်စရာကောင်းတဲ့အရာတွေကို ရင်ဆိုင်ရင်းနဲ့ သူတို့နှစ်ယောက်ရဲ့ အကြောက်တရားတွေကို ဘယ်လိုရင်ဆိုင်ကြလဲဆိုတာကို စိတ်ဝင်စားဖွယ်ရိုက်ကူးထားတဲ့ Horror/Fantasyအမျိုးအစားဇာတ်ကားလေးပဲဖြစ်ပါတယ်။ သင်ဟာ disney ရုပ်ရှင်တွေကို ကြိုက်နှစ်သက်တဲ့သူဆိုရင်တော့ ဒီကားလေးဟာ ခါတိုင်း walt disneyကထုတ်တဲ့ ရုပ်ရှင်တွေနဲ့မတူလို့ကြည့်သင့်တဲ့ကားတစ်ကားဖြစ်ပါတယ်တယ် File size…(2.5 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:35:00 Genre...Fantasty, Mistery, Thriller, Horror Subtitle….Myanmar Subtitle (Hardsub) Encoder….Mr. Anderson Translated by Phyo Phil