Jonathan Stoddard ပါဝင်သော ဇာတ်ကားများ

ခရစ်စမတ်နဲ့ နယ်မြို့လေးက အချစ်ဇာတ်လမ်း (small town vibe) ကြိုက်သူတွေအတွက်အချစ်ဇာတ်လမ်းလေးတစ်ပုဒ်ဖြစ်ပါတယ်အေးစက်နေတဲ့ မင်းသားအက်ဝက်ရဲ့ ရင်ထဲကို ခရစ်စမတ်ကာလတစ်ခုမှာမမျှော်လင့်ပဲ အမျိုးသမီးတစ်ယောက်နဲ့သူမရဲ့ ခွေးလေးကို တွေ့ဆုံဝင်လာခဲ့တယ်နောက်တစ်ခါ ထပ်တွေ့ချင်ပေမယ့်သူ့မှာ ကျန်ခဲ့တာကခွေးလေးရဲ့ နာမည် tag လေးပဲကျန်ခဲ့တယ် ဒီ dog tag လေးကိုအခြေခံပြီးမင်းသားက ကောင်မလေးကိုလိုက်ရှာရင်းနယ်မြို့လေးထဲမှာ ခရစ်စမတ်အချစ်ဇာတ်လမ်းတစ်ခုစတင်လိုက်ပါတယ်။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဒီရုပ်ရှင်ကားဟာ U.S ရဲအရာရှိ မာရှယ်တစ်ယောက်က သူဖမ်းခေါ်လာတဲ့ Quinn နဲ့ Don ဆိုတဲ့ ဘဏ်ဓားပြနှစ်ယောက်နဲ့အတူ လူရိုင်းတွေ ဖမ်းဆီးခေါ်ဆောင်သွားတဲ့ အမျိုးသမီး ငါးယောက်ကို ကယ်တင်ဖို့ ကြိုးစားတဲ့ western-horror ကားဖြစ်ပါတယ်။ ကချေသည် အမျိုးသမီး ငါးယောက်ဟာ ကန္တာရထဲ ခရီးထွက်နေစဥ် လူတစ်ပိုင်း ခွေးတစ်ပိုင်း လူရိုင်းတွေရဲ့ ဖမ်းဆီးတာခံရတာဖြစ်ပါတယ်။ အဲ့ဒီလူရိုင်းတွေက အမျိုးသမီးတွေကို ဖမ်းခေါ်၊ အဓမ္မကျင့်၊ ကိုယ်ဝန်လွယ်ခိုင်းပြီး ကလေးမွေးပေးပြီးတာနဲ့ ထိုအမျိုးသမီးတွေကို သတ်စားတတ်ကြတာပါ။ မာရှယ် နဲ့အတူ Donရယ် Quinnရယ် သဲကန္တာရထဲက အရက်ဆိုင်ပိုင်ရှင် Herbie ရယ်ဟာ အမျိုးသမီးတွေကို ကယ်တင်ဖို့စွန့်စားခန်း ခရီးထွက်တာကို အသဲတယားယားနဲ့ ကြည့်ရဖြစ်ပါတယ်။ File size…(1.7 GB)/(971 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Western  Subtitle….Myanmar Subtitle (Hardsub) Encoder….Swan Min Htet Translated by Leonie

မော်လီကတော့ သမီးလေးမွေးဖွားပြီးတာ သိပ်မကြာသေးတဲ့ မေမေအသစ်ကလေး တစ်ယောက်ပါ။ သူ့ခမြာ မီးဖွားပြီးစ မိခင်တွေခံစားရတတ်တဲ့ စိုးရိမ်ပူပန်တာတွေလည်း ခံစားနေရပြီး သမီးလေးကို အမျိုးသမီးတစ်ယောက်က ခိုးယူသွားတယ်ဆိုတဲ့ အိပ်မက်ဆိုးကြီးက ခဏခဏနှိပ်စက်နေလို ကလေးထိန်းခေါ် ဖိုကိုလည်း စိုးရိမ်နေပြန်ပါတယ်။ မော်လီရဲ့ အမျိုးသား ဖြစ်သူ နိုအာ ကတော့ ဆရာဝန်နဲ့ပြပြီး ကုသစေပါတယ်။ ဆရာဝန်ရဲ့အကြံပြုချက်နဲ့ မေမေအသစ် ကလေးတွေရှိတဲ့ အွန်လိုင်းအဖွဲမှာ အဖွဲဝင်ကြည့်ရာကနေ မေမေတစ်ယောက်က သူတိုဆီမှာ လုပ်ဖူးတဲ့ နစ်ကီ ဆိုတဲ့ ကလေးထိန်ကို ညွှန်းပေးပါတယ်။ ဒါနဲ့ နစ်ကီကို တွေ့ကြည့်ပြီး လင်မယား နှစ်ယောက်လုံး သဘောကျသွားလို ငှားလိုက်ရာကနေ ဇာတ်လမ်းစတော့တာပါပဲ။ ဒီလို ငှားပြီးတဲ့နောက် မော်လီရဲ့ စိုးရိမ်ကြောင့်ကြစိတ်တွေက ပိုဆိုး၊ မရှိတာတွေရှိတယ်ထင်ပြီး စိတ်ကယောင်ချောက်ချားတွေ ဖြစ်တော့တာပါပဲ။ နစ်ကီရဲ့ အပြုအမူတွေက သံသယ ဖြစ်ဖို ကောင်းတယ်၊ သူ့ကိုစိတ်ထင်ယောင်ထင်မှားတွေဖြစ်အောင်လုပ်ပြီး ကလေးခိုးဖိုပါကြံနေတယ်လို ခံစားရပေမယ့် သူ့ဘက်မှာဘယ်သူ မှမရှိ၊ အရင်းနှီးဆုံး သူငယ်ချင်း လင်ဆေးကလည်း သူ့ကို နားမလည်နိုင်၊ အားလုံးက သူ့ကိုစိတ်ရောဂါသည်လိုပဲ သတ်မှတ် လာတဲ့နောက် တစ်အိမ်တည်း အတူရှိနေရတဲ့ ကလေးထိန်းရဲ့ လက်ကနေ သမီးကလေးကို မော်လီ တစ်ယောက် ဘယ်လို ကာကွယ်မလဲ၊ အကုန်လုံးထင်နေသလို သူစိတ်ရောဂါ ဖြစ်နေတာလား၊ ဒီလိုတွေဖြစ်အောင် လုပ်နေတဲ့ တရားခံ အစစ်ကကော ဘယ်သူလဲဆိုတာကို ရင်တမမနဲ့ ကြည့်ရှု ခံစားရမှာဖြစ်ပါတယ်။ File size…  (1.34GB) / (660MB ) Quality… WEB-DL  1080p HEVC / 720p Format…mkv / mp4 Duration….1h 28m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Mona

ဆက်ဆံရေးတစ်ခုမှာ အချစ်တစ်ခုတည်းရှိရုံနဲ့ မလုံလောက်ပဲ နားလည်မှု လေးစားမှုတွေပါလိုအပ်ပါတယ်။ဆက်ဆံရေးတစ်ခုကို ရေရှည်တည်မြဲစေချင်ရင် ကိုယ်က ကိုယ်နဲ့ကိုက်ညီတဲ့ လက်တွဲ ဖော်ကို ရှာဖွေနေမယ်ဆိုရင် အရေးအကြီးဆုံးအချက်တစ်ခုက ရိုးသားမှု ရှိရမယ်ဆိုတာကိုပြောပြထားတဲ့ Valentines Town ဆိုတဲ့ ကားလေးက2024မှာထွက်ရှိထားတဲ့ကားလေးဖြစ်ပါတယ်။ အချစ်တွေ ရိုင်းပင်းကူညီမှုတွေ နားလည်မှုတွေနဲ့ ပြည့်နက်နေတဲ့ ရိုးသားကြိုးစားတဲ့ Arrow Heart ဆိုတဲ့မြို့လေး ကို စီးပွားရေး အကျိုးမြတ်ထုတ်ချင်တဲ့ ကုမ္ပဏီ လက်ကနေ ကယ်တင်ဖို့ မလီဆာ ဆိုတဲ့ကောင်မလေးတစ်ယောက်က သူတတ်နိုင်သလောက် ကြိုးစားပါတော့တယ်။ မလီဆာက ကိုက်ညီတဲ့လက်တွဲဖော်တွေကိုရှာပေးပြီး ဆွေးနွေးမှုတွေကို လုပ်ပေးတဲ့ စီးပွားရေးတစ်ခုကိုလုပ်နေသူပါ။တစ်နေ့မှာ မြို့ကို အကျိုးမြတ်ထုတ်ချင်တဲ့ ကုမ္ပဏီကို အလုပ်လုပ်ပေးနေတဲ့ မလီဆာရဲ့ အထက်တန်းဘဝတုန်းကချစ်သူဟာ မြို့ကိုထောက်လှမ်းမှုတွေ ပြုလုပ်ဖို့ ရောက်လာပါတော့တယ်။ သူတို့နှစ်ယောက်ကြားက အမှတ်တရတွေဟာ သူတို့ကိုဘယ်လို ပြောင်းလဲသွားစေမလဲ... လျှို့ဝှက်ချက်တွေကိုရော ဖော်ထုတ်သွားနိုင်မလား... အတိတ်က အချစ် ပြန်ရောက်လာတဲ့အခါမှာ အမှတ်တရတွေနဲ့ ပျော်တဲ့အချိန်ကိုပဲသတိရမိမလား.... နာကြင်မှုတွေနဲ့မကောင်းတဲ့အချိန်တွေကိုပဲ ပြန်ခံစားမိမလား.... ဒီကားလေးက ပေါ့ပေါ့ ပါးပါးနဲ့ 528မေတ္တာ 1500မေတ္တာတွေအပြင် ကိုယ့်မြို့ကို ချစ်တဲ့အချစ်တွေ သူငယ်ချင်းတွေ နဲ့ မြို့သူမြို့သား အသိုင်းအဝိုင်း ကိုချစ်တဲ့အချစ်တွေကိုပါ ကြည်နူးဖွယ်ဖော်ပြထားတဲ့ ကားလေးဖြစ်ပါတယ်။ ဒီကားကိုကြည့်လိုက်တာနဲ့ ဘဝမှာ လက်တွဲဖော်ကိုရှာတဲ့အခါ ဘယ်လိုရှာရမလဲ ဘယ်လိုရိုးသားပွင့်လင်းရမလဲ ဆိုတာကို တစ်မျိုးမျိုးနဲ့တော့ အတွေးဝင်မဲ့ ကားလေးဖြစ်တာမိုလို့ ကြည့်သင့်တဲ့ ကားလေးတစ်ကားဖြစ်ပါတယ်။ File size… (1.23GB ) / (708MB) Quality…WEB-DL 1080p HEVC / 720p Format…mkv / mp4 Duration….1h 42m Genre …..Romance Subtitle….Myanmar Subtitle (Hard Sub) Encoder….Min Wai Translated by Koo Luu Moo

ဇာတ်လမ်းခပ်အေးအေးနဲ့ ဘယ်ဇာတ်ကောင် ကလိမ်ကျနေတာလဲဆိုတာကို စိတ်ကူးပုံဖော်ကြည့်ရတာ နှစ်သက်သူတွေအတွက် လျှို့ဝှက်ဆန်းကြယ်အမျိုးအစား ရုပ်ရှင်တစ်ကား တင်ဆက်ပေးလိုက်ပါတယ်။ ရှိန်းနဲ့ အိုလီဗီယာဆိုတဲ့ မောင်နှမနှစ်ယောက်ရှိတယ်။မောင်နှမနှစ်ယောက်လုံး သူတို့အဖေ တည်ထောင်ခဲ့တဲ့ ဆက်တယ်လ်ဆေးဝါးကုမ္ပဏီကြီးမှာအလုပ်လုပ်နေကြပြီး အစ်ကိုဖြစ်သူ စီအီးအိုနေရာမှာရှိနေတာကို ညီမဖြစ်သူကမကြိုက်။ အဖေဖြစ်သူ ရှိစဉ်အခါက လမ်းကူးရင်တောင် တားရော့ကတ်တွေက ဘေးကင်းတယ်ပြောမှ ကူးရလောက်အောင်ထိ တားရော့ကိုရူးသွပ်ခဲ့တဲ့သူ။ သားဖြစ်သူ ရှိန်းလည်း ကုမ္ပဏီက အရေးပါတဲ့အဆုံးအဖြတ်တစ်ခုအတွက် တားရော့ဆရာမဆီက လမ်းညွှန်မှုမှန်နေတာကို တွေ့လိုက်ရတဲ့နောက်မှာတော့ အဖေဖြစ်သူလိုပဲ တားရော့ကို အတော်လေးယုံကြည်လာခဲ့ပါတော့တယ်။ နောက်ထပ် သူ့ဘ၀အတွက်အရေးပါတဲ့နေရာကိုရောက်လာမဲ့ မိန်းကလေးကို ဘားတစ်ခုမှာ ရှိန်းတွေ့ခဲ့ရပြန်တယ်။ ရှိန်းမသိတာ သူ့ပတ်ဝန်းကျင်က ဒီအမျိုးသမီးတွေဆီမှာ ကိုယ်စီကိုယ်စီ ဖုံးကွယ်ထားတဲ့အရာတွေ ရှိနေတဲ့အခါမှာတော့...။ (အညွှန်းနဲ့ ဘာသာပြန်ကတော့ Pyae Phyoဖြစ်ပါတယ်) File size…(1.5 GB)/(720 Mb) Quality….Webrip 1080p / 720p Format…mp4 Duration….01:26:00 Genre...Mystery Subtitle….Myanmar Subtitle (Hardsub) Encoder….Garfield Translated by Pyae Phyo

The Soulmate Search ဆိုတဲ့ ဇာတ်ကားလေးကတော့ ဒိတ်တင် ဝန်ဆောင်မှုပေးတဲ့ အဖွဲ့အစည်းတစ်ခုက မတည့်ကြတဲ့သူနှစ်ယောက်ကို အချစ်ရဲ့ရေစီးကြောင်းထဲခံစားမျောဝင်သွားအောင် လုပ်ပေးတဲ့ ရိုမန်တစ်ကားလေးဖြစ်ပါတယ်။ ဇာတ်လမ်းအကျဥ်း--------- စိတ္တဇပန်းချီကားအနုပညာရှင် အယ်လင်ဟာ အဆုံးမဲ့အချစ်ဝန်ဆောင်မှုလို့ခေါ်တဲ့ ကိုယ့်ရဲ့ soulmate ကိုရှာနိုင်ပေးတယ်လို့ နာမည်ကြီးတဲ့ ဒိတ်တင်ဝန်ဆောင်ပေးတဲ့ လျှို့ဝှက်အေဂျင်စီက ကမ်းလှမ်းချက်ကို လက်ခံလိုက်ပါတယ်။ဒါပေမယ့် သူ့ရဲ့ ပထမဆုံး ဒိတ်မှာတင် သူမရဲ့ အနုပညာကိုဝေဖန်ခဲ့တဲ့ ရှေ့နေဝီလ်နဲ့ ဒိတ်လုပ်ရတာကြောင့် စိတ်ပျက်ပြီး သူတို့နှစ်ယောက်လုံးသဘောတူညီမှုယူကာ အေဂျင်စီ ဆီကငွေပြန်အမ်းဖို့ တောင်းဆိုရန် ဆုံးဖြတ်လိုက်ပါတယ်။ သူတို့ဟာ အေဂျင်စီရဲ့ လိပ်စာအတိုင်းသွားတော့ အဲ့ဒီအေဂျင်စီဟာ တကယ်မရှိဘဲ သူတို့ လိမ်ခံလိုက်ရတယ်ဆိုတာသိသွားပြီး အဲ့ဒီ အဆုံးမဲ့အချစ်ဝန်ဆောင်မှုအေဂျင်စီ ကိုတရားစွဲဖို့ တူတူကြိုးစားကြရင်း ဘယ်လိုတွေအချစ်ရဲ့ရေစီးကြောင်းထဲ တူတူမျောပါလာမလဲဆိုတာကတော့ဆက်လက်ကြည့်ရှုခံစားလိုက်ပါ။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

ဒီတစ်ခေါက်မှာတော့ ပရိတ်သတ်ကြီးအတွက် October 3 ရက်နေ့ကမှထွက်ရှိထားတဲ့ Comedy,Romance ဇာတ်ကားလေးကိုတင်ဆက်ပေးချင်ပါတယ်။ ဇာတ်လမ်းရဲ့အကျဉ်းချုပ်ကတော့... အချစ်ငှက်ကလေး သတို့သမီးလေး လစ်ဇီ နဲ့ သတို့သား လု့ခ် တို့အချစ်ခရီးကိုစတင်မယ့် သူတို့ရဲ့လက်ထပ်ပွဲလေးကို ဖ‌လော်ရီဒါမှာလုပ်ဖို့ဆုံးဖြတ်လိုက်ကြပါတယ်။ သူတို့ရဲ့လက်ထပ်ပွဲလေးကို သူတို့ချစ်ရတဲ့သူငယ်ချင်းတွေ မိသားစုအနည်းအကျဉ်းကိုသာဖိတ်ကြားခဲ့ပါတယ်။ "Male of honor" အဖြစ်ဖိတ်ကြားထားတဲ့ လစ်ဇီရဲ့ အချစ်ဆုံးသူငယ်ချင်းက မာရှယ်လ်က မင်္ဂလာပွဲမှာအတူတူတက်ရောက်မယ့်သူအဖြစ် လစ်ဇီအမုန်းဆုံး မာရီဂျမ်းကိုခေါ်လာခဲ့တဲ့အခါမှာတော့ သတို့သမီးလေးလစ်ဇီတစ်ယောက် မာရီဂျိမ်းနဲ့ ဘယ်လိုပြဿနာတွေရင်ဆိုင်ရမလဲ... လက်ထပ်ပွဲလေးအောင်အောင်မြင်မြင်ပြီးဆုံးသွားမှာလားဆိုတာကို ဟာသလေးတွေရောနှောပြီး ကြည့်ရှူရမယ့်ဇာတ်လမ်းလေးပဲဖြစ်ပါတယ်။ File size…(1.7 GB)/(960 Mb) Quality….Webrip 1080p / 720p Format…mp4 Duration….01:34:00 Genre...Comedy, Romance Subtitle….Myanmar Subtitle (Hardsub) Encoder….Garfield Translated by Mia

ဇာတ်လမ်းအကျဉ်းကတော့ အလုပ်မှာအရမ်းကြိုးစားတဲ့ကောင်မလေး Jennyဟာ စိတ်ဖိစီးမှုတွေနဲ့ပြည့်နေပြီး အလုပ်မှအလုပ်ဖြစ်လောက်အောင် work-life balance မမျှတဲ့သူဖြစ်နေတာပါ။ တစ်ရက်သူ့အလုပ်က အပန်းဖြေခရီးထွက်ရင်း သူ့အလုပ်ရှင် Gwen ရဲ့မောင် Nate နဲ့တွေ့ဆုံကာ ဘာတွေဆက်ဖြစ်ကြမလဲဆိုတာကို ပေါ့ပေါ့ပါးပါး‌ကြည့်ရမယ့်ဇာတ်ကားလေးတစ်ကားဖြစ်ပါတယ်။ အများကြီး Heavy thinking တွေမတွေးချင်ဘူး ပေါ့ပေါ့ပါးပါးနဲ့ကြည်ကြည်နူးနူးကားလေးတွေရှာနေတယ်ဆိုရင်တော့ ဒီဇာတ်ကားလေး‌ကိုကြည့်ဖို့အကြံပေးချင်ပါတယ်နော်။ File size…(1.6 GB)/(750 Mb) Quality….Webrip 1080p / 720p Format… mp4 Duration…. 01:25:00 Genre... Romance Subtitle….Myanmar Subtitle (Hardsub) Encoder….Garfield Translated by S4L

CM ပရိတ်သတ်ကြီးတို့အတွက် ခရစ္စမတ်အချစ်ဒရာမာကားလေးကို တင်ဆက်ပေးလိုက်ပါတယ်။ အစီအစဉ်တင်ဆက်သူကောင်မလေးနဲ့ နိုင်ငံခြားက မင်းသားတစ်ပါးတို့ရဲ့ ခရစ္စမတ်ဖူးစာလေးပဲဖြစ်ပါတယ်။ ကိတ်တီဟာ ခေါင်းမာပြီး စိတ်ဓာတ်ကြံ့ခိုင်တဲ့ အစီအစဉ်တင်ဆက်သူ ကောင်မလေးတစ်ယောက်။ ဒါပေမဲ့ သူဟာ အဓိကတင်ဆက်သူနေရာကို မရနိုင်ဖြစ်နေတာကြာပါပြီ။ တစ်နေ့ကျ သူ့အထက်လူကြီးက သူတို့နိုင်ငံကို အလည်လာတဲ့ မင်းသား တစ်ပါးကို အင်တာဗျူးဖို့ ကိတ်တီ့ကို အခွင့်အရေးပေးလိုက်ပါတယ်။ မင်းသားဂျော်နသန်ကတော့ အမေဖြစ်သူဆီကနေ မိန်းမယူဖို့ အကြိမ်ကြိမ် တိုက်တွန်းခံနေရသူပါ။ အခုချိန်ထိ နှစ်သက်မိတဲ့မိန်းကလေးမရှိသေးတာ ခက်နေတာပေါ့။ ပြတိုက်ဖဲကြိုးဖြတ်ပွဲအတွက် ခရီးထွက်လာရင်း သူ့ဖူးစာ ဖက်နဲ့ နိုင်ငံရပ်ခြားမှာဆုံရမယ်လို့ ဘယ်ကြိုသိခဲ့ပါ့မလဲလေ။ ဒီလိုနဲ့ ခရစ္စမတ် အချစ်ဇာတ်လမ်းလေးတစ်ပုဒ်ပေါ်ပေါက်လာပါတော့တယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.58 GB) / (573 MB) Quality............WEB-DL 1080p / 720p Duration.........1Hr 28Min Subtitle...........Myanmar Hardsub Format............MP4 Genre..............Romance Translator.......Ngwe Zin Encoder..........SWM

ဂျွန် နဲ့ မာကို ဟာ လျှို့ဝှက်စစ်ဆင်ရေးတွေ၊ လုပ်ကြံရေးတွေလုပ်ကြတဲ့ အထူးတပ်ဖွဲ့ဝင် စနိုက်ဘာသမားနဲ့ နေရာပြသမားပါ..။ သူတို့ရဲ့ တစ်ခုသော မစ်ရှင်ဟာ ယူကရိန်း-ရုရှားနယ်စပ်က တောအုပ်ထဲမှာ ပုန်းအောင်းနေတဲ့ ရုရှားထောက်ခံ ယူကရိန်းခွဲထွက်ရေးသမားကို လုပ်ကြံဖို့ပါ...။ ဘာလို့ဆို ဒီခွဲထွက်ရေးသမားဟာ စစ်မီးမွေးဖို့ကြံနေတာကြောင့်ပါပဲ...။ ဒီလိုနဲ့ ဂျွန်နဲ့ မာကိုဟာ တာဝန်ထမ်းဆောင်ဖို့အတွက် ယူကရိန်းနယ်စပ်တောအုပ်ထဲကို ရောက်လာခဲ့ပါတယ်...။ ယုံတမ်းစကားတွေအရဆိုရင် ယူကရိန်းတောအုပ်ထဲမှာက ဒဏ္ဍာရီလာ သတ္တဝါတွေအစုံရှိပါတယ်တဲ့...။ ဒါကိုမသိတဲ့ ဂျွန်နဲ့မာကိုဟာ တာဝန်ထမ်းဆောင်ဖို့လာရင်းနဲ့ ဒီသတ္တဝါကြီးနဲ့ဆုံတွေ့တဲ့အခါမှာတော့.... Sniper battleတွေအပြင် ဒဏ္ဍာရီလာသတ္တဝါတွေနဲ့ဖိုက်တာပါ မြင်တွေ့ရမယ့် Thriller movieလေးဖြစ်ပါတယ်....။ File size…1.63 GB / 740 MB Quality… WEB-Rip 1080p 5.1 CH / 720p Format…mp4 Duration….1h 49m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Themes

Selma ဟာ သူ့ကို နှိပ်စက်နေတဲ့ ရဲအရာရှိခင်ပွန်းကို သေနတ်နဲ့ပစ်ပြီး ထွက်ပြေးလာပါတယ်။ ခင်ပွန်းရဲ့ နောက်လိုက်နှစ်ယောက် လိုက်မမီခင် အစ်မဖြစ်သူ Maddy ရဲ့အိမ်မှာ ခဏခိုလှုံဖို့ သွားအကူအညီတောင်းခဲ့တယ်။ ဒါပေမဲ့ ညီအစ်မနှစ်ယောက်က အမေဆုံးပြီးကတည်းက ကွဲကွာနေကြပြီး စကားလည်း မပြောဖြစ်ကြတော့ပါဘူး။ နှစ်ယောက်ရဲ့ အကျင့်စရိုက်ကလည်း ဆန့်ကျင်ဘက်ပါ။ Selma က ပါတီတက်၊ ပစ္စည်းခိုးနဲ့ ဖြစ်သလိုနေခဲ့သူဖြစ်ပြီး Maddy ကတော့ စည်းကမ်းရှိရှိနဲ့ လူကြီးလူကောင်းဆန်ဆန် နေတတ်သူပါ။ အိမ်ထောင်ရေးမှာလည်း Maddy က ခင်ပွန်းကောင်းနဲ့ အေးအေးချမ်းချမ်းနေနိုင်ပေမဲ့ Selma ရဲ့ခင်ပွန်းက ရဲဖြစ်နေရုံတင်မက မူးယစ်ဆေးမှောင်ခိုဂိုဏ်းရဲ့ ခေါင်းဆောင်လည်းဖြစ်နေပြီး သူ့ကို အမြဲနှိပ်စက်နေခဲ့တာပါ။ Maddy က အစမှာ လက်မခံချင်ပေမဲ့ ညီမ အကူအညီလိုနေမှန်းသိလို့ ခဏနေခွင့်ပေးလိုက်တယ်။ အဲဒီအချိန်အထိ Selma ဘာလုပ်ပြီး ထွက်ပြေးလာတယ်ဆိုတာကိုတော့ သူ မသိသေးပါဘူး။ မကြာခင်မှာပဲ Selma နောက်ကိုလိုက်နေတဲ့ ရဲဆိုးတွေ အိမ်ထဲဖောက်ဝင်လာတာကြောင့် ဘာမှမသိတဲ့ Maddy ပါ ညီမနဲ့အတူ ထွက်ပြေးရတော့တယ်။ ညီအစ်မနှစ်ယောက်လုံး ဝရမ်းထုတ်ခံရပြီး သူတို့ရဲ့မျက်နှာတွေ သတင်းထဲမှာ ပျံ့နှံ့သွားတဲ့အခါ ပုန်းရှောင်ဖို့ ပိုခက်လာပါတယ်။ အချင်းချင်း မတည့်ကြပေမဲ့ အခုလို အကူအညီလိုနေတဲ့အချိန်မှာတော့ တစ်ယောက်ဘေးမှာ တစ်ယောက်ရှိပေးရင်း အတူရင်ဆိုင်ကြရတယ်။

လက်ထောက်ရှေ့နေ Darcy Young ဟာ ညီမလေး Brea ရဲ့စေ့စပ်ပွဲအတွက် နယ်မြို့လေးတစ်မြို့ကို ရောက်လာပါတယ်။ အဲဒီမှာ ညီမရဲ့သတို့သားလောင်း Thomas Schure နဲ့ မိတ်ဆက်ရပေမယ့် သူ့ရဲ့ထူးခြားတဲ့အပြုအမူတွေကြောင့် Darcy စိတ်ထဲ သံသယဝင်လာတယ်။ ရှေ့နေတစ်ယောက်ဖြစ်တဲ့ Darcy က Thomas ရဲ့နောက်ကြောင်းကို လိုက်စုံစမ်းတော့ သူဟာ မိသားစုအတွက် အန္တရာယ်ရှိသူဖြစ်နေကြောင်း သိလာရပါတယ်။ ညီမလေး လက်ထပ်တော့မယ့်သူရဲ့အကြောင်း သိလိုက်ရချိန်မှာ Darcy ဘယ်လိုဆက်လုပ်မလဲဆိုတာကနေ ဇာတ်လမ်းဆက်သွားပါတယ်။

အော်လန်ဒိုက ဟက်ကာအဖြစ် ကျွမ်းကျင်တဲ့ IT သမားတစ်ယောက်ပါ။ အလုပ်တွေ အရမ်းများလို့ မိသားစုကို အချိန်မပေးနိုင်ဘဲ ဖြစ်နေတယ်။ တစ်နေ့ သူတို့မြို့မှာ ပေါက်ကွဲမှုတစ်ခု ဖြစ်သွားရာက ပြဿနာတွေ စရှုပ်လာပြီး သူအလုပ်လုပ်နေတဲ့ ကုမ္ပဏီကလည်း တစ်မြို့လုံးအတွက် အချက်အချာနေရာ ဖြစ်လာပါတယ်။ ဒီပြဿနာတွေနဲ့ အော်လန်ဒို ဘယ်လိုပတ်သက်နေတာလဲ၊ IT သမားတစ်ယောက်အနေနဲ့ ဘယ်လိုဖြေရှင်းနိုင်မလဲဆိုတာကို ဆက်ကြည့်ရမှာပါ။ ၂၀၂၂ ခုနှစ်ထွက် အက်ရှင်ရုပ်ရှင်ဖြစ်ပြီး Mad Max မင်းသား Mel Gibson လည်း ပါဝင်ထားပါတယ်။

လှေဆိပ်တစ်ခုမှာ အမျိုးသမီးတစ်ယောက် သေဆုံးနေတာနဲ့ ဇာတ်လမ်းစပါတယ်။ ဆယ့်ငါးနှစ်ကြာတဲ့အခါ သူ့သမီးက အောင်မြင်တဲ့ ကျောက်မျက်ရတနာကုမ္ပဏီတစ်ခုကို ပိုင်ဆိုင်ထားတဲ့ ရည်မှန်းချက်ကြီးသူ စီးပွားရေးလုပ်ငန်းရှင်တစ်ယောက် ဖြစ်လာတယ်။ သူက လျှို့ဝှက်အမျိုးသမီးစီးပွားရေးလုပ်ငန်းရှင်အသင်းတစ်ခုထဲ ဝင်လိုက်ပြီးနောက်မှာတော့ ထူးဆန်းတဲ့ကိစ္စတွေ စဖြစ်လာပါတယ်။ သူ့ကို တိုက်ခိုက်နေသူက ဘယ်သူလဲ၊ သူ့လုပ်ငန်းရဲ့ ဒီဇိုင်းတွေကို ခိုးယူနေသူကရော ဘယ်သူလဲ။ ဒါ့အပြင် လွန်ခဲ့တဲ့ ဆယ့်ငါးနှစ်က သူ့အမေကို သတ်ခဲ့တဲ့ တရားခံဟာ ဘယ်သူဖြစ်မလဲဆိုတဲ့ မေးခွန်းလည်း ရှိနေပါတယ်။