Jordan Long ပါဝင်သော ဇာတ်ကားများ

Reckless (2026) Scott Adkins နဲ့ Vinnie Jones တို့ အဓိကပါဝင်ထားတဲ့ Reckless (2026) ကတော့ ဗြိတိသျှ Action Comedy ကားကောင်းတစ်ကားပဲ ဖြစ်ပါတယ်။ ဇာတ်လမ်းအကျဉ်း ဒယ်ဗန် (Scott Adkins) ဆိုတဲ့ လူဆိုးတစ်ယောက်ဟာ မအောင်မြင်ခဲ့တဲ့ ဘဏ်ဓားပြမှုတစ်ခုနဲ့ ထောင် ၅ နှစ် ကျခံခဲ့ရပြီးနောက် အပြင်ကို ပြန်လည်လွတ်မြောက်လာပါတယ်။ သူ ထောင်ထဲက ထွက်လာတဲ့အခါမှာ တစ်ခုပဲ စိတ်ကူးရှိပါတယ်၊ အဲဒါကတော့ အရင်တုန်းက ခိုးထားတဲ့ ဝေစုကို ပြန်ယူပြီး အေးအေးဆေးဆေး ဘဝကို ဖြတ်သန်းဖို့ပါပဲ။ ဒါပေမဲ့ သူထင်သလို ဖြစ်မလာဘဲ အပြင်ရောက်တော့မှ အဲဒီဝေစုငွေတွေက မရှိတော့တာကို သိလိုက်ရပါတယ်။ အဲဒီမှာတင် သူ့ရဲ့ ရှယ်ယာကို ပြန်ရဖို့အတွက် အရင်က လူဟောင်းတွေနဲ့ ပြန်ရင်ဆိုင်ရပါတော့တယ်။ ဇာတ်လမ်းထဲမှာ Devon တစ်ယောက် ရဲတွေကို ရှောင်ရသလို၊ တစ်ဖက်မှာလည်း သူ့ကို -တ်ချင်နေတဲ့ လူမိုက်ဂိုဏ်းချုပ် Trent (Vinnie Jones) နဲ့ ထောင်ထဲက သူ့ကို အရမ်း-တ်ချင်နေတဲ့ ကြေးစား Bishop (Mark Strange) တို့ကြားမှာ ပြာသလူးနေအောင် ပြေးလွှားရင်ဆိုင်ရတာကို ဟာသနှောပြီး ရိုက်ကူးထားတာပါ။ Guy Ritchie ရဲ့ ကားတွေလိုမျိုး စတိုင်ကျကျနဲ့ Action ကြမ်းကြမ်း၊ ဟာသပေါ့ပေါ့ပါးပါး ပေါင်းစပ်ထားပါတယ်။ Scott Adkins ရဲ့ ကိုယ်ခံပညာ အသားပေး တိုက်ခိုက်ခန်းတွေအပြင် Vinnie Jones ရဲ့ လူမိုက်ကြီး စတိုင်တွေကို မြင်တွေ့ရမှာပါ။ ဒါရိုက်တာ Elliott Montello ရဲ့ ပထမဆုံး ဒါရိုက်တာ လက်ရာဖြစ်ပြီး အက်ရှင်ပိုင်းမှာ တော်တော်လေး အားကောင်းတယ်လို့ ဝေဖန်ရေးသမားတွေက ဆိုကြပါတယ်။ အက်ရှင်ကား ကြိုက်တဲ့သူတွေအတွက်တော့ *Reckless* က လက်မလွှတ်သင့်တဲ့ ကားတစ်ကား ဖြစ်မှာပါ။ File size… (2 GB) / (860 MB) Quality…. WEB-DL 1080p HEVC / 720p Format…. mkv/mp4 Genre…. Action, Comedy, Crime, Drama, Thriller Duration…. 01:32:00 Subtitle…. Myanmar Subtitle (Hardsub)

Dune: Part Two (2024) ထွက်ရှိလာပါပြီ... အညွှန်းကိုတော့ part 1က ဟာကိုပဲ စပွိုင်လာရှောင်တဲ့အနေနဲ့ထည့်ပေးထားပါတယ်... သာမန် Sci- fic​တွေထက် အပုံကြီးကျယ်ပြန့်တဲ့ Frank Herbertရဲ့ Duneစာအုပ်​တွဲ​တွေကို မှီငြမ်းရိုက်ကူးထားတဲ့ ဇာတ်လမ်း၊ ​Timotheé Chalamet, Zendaya, Oscar Issac, တို့အပါအဝင် ကောင်း​ပေ့ဆိုတဲ့ Cast​တွေ၊ Legendary soundtrack ​တွေပဲ တီးခတ်တဲ့ Hans Zimmer၊ ​ ပြောင်​မြောက်လွန်းတဲ့ VFXနဲ့ CGI​တွေရဲ့ ​​ပေါင်းစပ်မှုအပြီးမှာ DUNE 2021ဇာတ်ကားဟာ ပရိတ်သတ်​တွေ အ​​မျှော်လင့်ဆုံး ဇာတ်ကားဆိုရင်လည်း မမှားနိုင်ပါဘူး။ အနာဂတ်နှစ်​ပေါင်း၂၀၀၀၀​ကျော်မှာ အ​ခြေပြုထားတဲ့ ​ ခေတ်လွန် Dune Universeထဲမှာ Known Universeကို အုပ်ချုပ်​နေတဲ့ Emperorဆိုတာရှိပြီး သူတို့ရဲ့လက်​အောက် မှာ​တော့ Houses​တွေက နယ်​မြေအသီးသီးကို အုပ်ချုပ်ပါတယ်။ ဒီဇာတ်လမ်းရဲ့ အဓီကအ​ကြောင်းရင်းက​တော့ House​ Harkonnen​တွေ နှစ်​ပေါင်း၈၀ကြာ​​​အောင် အုပ်ချုပ်လာတဲ့ Planet Dune တဖြစ်လဲ Planet Arrakisကို Emperorရဲ့ အထက်အမိန့်အရ House Atreides​တွေကို ​ပြောင်းလဲ အုပ်ချုပ်​စေခြင်းကစပါတယ်။ ဒါ​ပေမဲ့ Harkonnen​တွေဟာ Arrakis ဂြိုလ်​​ပေါ်ကရတဲ့ Spiceဆိုတဲ့အရာ​ကြောင့် ဂြိုလ်ကိုလွယ်လွယ်လက်လွှတ်မခံနိုင်ပါဘူး၊ Spiceဆိုတာဟာ Dune universeတစ်ခုလုံးမှာ အဖိုး အတန်ဆုံးအရာပါ၊ Spiceကိုစားသုံးရင် စိတ်အာရုံနိုးကြားကာ အသိဉာဏ်ပညာတိုးပွားလာခြင်း၊ သက်ရှည်ကျန်းမာ​စေခြင်းစတဲ့ စွမ်းအား​တွေရရှိမှာဖြစ်ပြီး သူ့ကိုလည်း Arrakisဂြိုလ်တစ်ခုထဲ မှာပဲ တူး​ဖော်နိုင်မှာပါ၊ တူး​ဖော်ခွင့်ရှိတဲ့ Houseဟာလည်း Emperorထက်​တောင် ပိုပြီးချမ်းသာသွားမှာပါ။ ဒါ​ကြောင့်မလို့ နိုင်ငံ​ရေးအရ​ရော၊ စီးပွား​ရေးအရပါ အချက်အချာ ဖြစ်​နေတဲ့ Duneဂြိုလ်ကို လွှဲ​ပြောင်းယူလိုက်ရတဲ့ House Atreides အ​နေနဲ့ House Harkonnenရဲ့ ဒုက္ခ​ပေးလာမှု​ရော၊ Emperorနဲ့ တခြားHouse​တွေရဲ့ ရန်စလာမှုကိုပါ ဘယ်လိုကြံ့ကြံ့ခိုင်ရမလဲ၊ House Atreidesရဲ့ သား​​​​တော်... အိမ်​တော်ရဲ့အနာဂတ် The Oneအဖြစ် တင်စားခံရတဲ့ Paulက​ရော Atreides​တွေကို ဘယ်​​လောက်ထိ ​ ခေါင်း​ဆောင်​ပေးသွားမလဲ...... Dune: Part Two (2024) ဇာတ်လမ်းအကျဉ်း Dune ဒုတိယမြောက်ရုပ်ရှင်မှာတော့ အေထရီးဒီး အိမ်တော်ကျဆုံးပြီး ပေါလ်အေထရီးဒီးတို့သားအမိ ဖရေးမန်းတွေနဲ့ပူးပေါင်းမိသွားတာကနေ စပါတယ်။ ဖရေးမန်းတွေထဲက ဘာသာရေးယုံကြည်သူတွေအလိုအရ အေထရီးဒီးရဲ့ မိခင်က မယ်တော်ကြီးဖြစ်လာပြီး ပေါလ်အေထရီးဒီးကလည်း သူ့ကို လီဆန် အာ-ဂါရစ်ဆိုတဲ့ ကယ်တင်ရှင်ပရောဟိတ်လို့ ယုံကြည်နေကြသူတွေနဲ့ မယုံကြည်ကြသူတွေကို စည်းရုံးပြီး ဟာကွန်နင်အိမ်တော်နဲ့ အင်ပါယာကို ဖြုတ်ချဖို့ ကြိုးစားပါတော့တယ်။ ပထမ ရုပ်ရှင်က ဇာတ်လမ်းအပျိုးမို့ နိုင်ငံရေးနဲ့တိုက်ပွဲအသေးစားတွေပဲ ပါပေမယ့် ဒီရုပ်ရှင်မှာတော့ အဆုံးအဖြတ်တိုက်ပွဲကြီးတွေ ဖြစ်လာပြီး နောက်ရုပ်ရှင်အတွက် ပိုကြီးတဲ့တိုက်ပွဲတွေကိုလည်း အစပျိုးသွားပါပြီ။ ကြည့်လိုက်ကြပါဦး..... File size…  (7.3 GB)/ (1.77 GB) / (928MB) Quality…WEB-DL 4K HEVC/1080p  / 720p Format…mp4 Duration….2h 46m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai , Ka Naung Translated by Mr. Andreson

Anne ဟာ အချစ်ဦးနဲ့ ဝေးခဲ့တာ ရှစ်နှစ်ကြာသွားပေမယ့် မမေ့နိုင်သေးတဲ့ မိန်းကလေးတစ်ယောက်ပါ။ နှစ်တွေကြာပြီးမှ အဲဒီလူနဲ့ နောက်တစ်ခေါက် ပြန်ဆုံရတဲ့အခါ သူ့ရင်ထဲမှာ ဘယ်လိုခံစားချက်တွေ ဖြစ်လာမလဲဆိုတာကို ဇာတ်လမ်းက ပြထားပါတယ်။ Jane Austen ရဲ့ ဝတ္ထုကို ပြန်လည်ရိုက်ကူးထားတဲ့ အချစ်ဒရာမာဖြစ်ပြီး Fifty Shades of Grey မှာ ပါဝင်ခဲ့တဲ့ Dakota Johnson က သရုပ်ဆောင်ထားပါတယ်။ ဇာတ်လမ်းထဲက အဝတ်အစားနဲ့ အဆင်အယင်တွေကိုလည်း သတိထားမိနိုင်ပါတယ်။

The Gentlemen (2019) IMDb - (7.8)/ Rotten Tomatoes (75%) သူ့နာမည်က မစ်ကီပီရာဆန်.....ဥာဏ်ကောင်းပြီးအောက်စဖိုဒ့်ကျောင်းသားတစ်ယောက်ဖြစ်ပေမယ့် သူက ဆင်းရဲတယ်...သူဟာ ထက်မြက်တဲ့သူတစ်ယောက်ဆိုပေမယ့် ကျောင်းမပြီးဘူး...ဘာလို့ဆို မူးယစ်ဂိုဏ်းက လူတစ်ချို့နဲ့အဆက်အသွယ်ရပြီး အချိန်တိုအတွင်း ငွေတွေမျိုးမျိုးမျက်မျက်ဝင်တဲ့ ဒီလောကကို သူသဘောကျသွားတယ်... လူတစ်ယောက်ရဲ့ လည်ပင်းကိုလှီးပြီး သွေးစင်တာတောင် မျက်တောင်ခတ်ဖို့ သတိမရတတ်တဲ့ဒီပတ်ဝန်းကျင်မှာ ဟိုနေရာဆေးလေးပို့ ဒီနေရာဆေးလေးပို့ ငွေလေးယူလိုက် အမြတ်ငွေလေးအိပ်ထဲထည့်လိုက်ရုံနဲ့မပြီးဘူးဆိုတာသိတဲ့နောက်မှာတော့ မစ်ကီတစ်ယောက်ဟာ သူ့ကိုယ်သူ ဒီလောကရဲ့ အများသူငါမော်မကြည့်ရဲတဲ့ ဘုရင်တစ်ပါးအဖြစ်ပုံပြောင်းပါတော့တယ်.... ဒီဇာတ်ကားက ဂန်းစတားတွေအကြောင်းရိုက်ထားတာပါ...ဒုစရိုက်သမားတွေရဲ့ ကတုံးပေါ်ထိပ်ကွက်တွေ... လည်သူစားစတမ်းတွေ....လက်မရွှံတွေကြား မျက်ခုံးမွေးပေါ်စင်္ကြန်လျှောက်တဲ့သူတွေနဲ့ ဒီကားကတော်တော်မိုက်ပါတယ်... The Irishman (2019) တို့လို့ ခပ်အေးအေးနဲ့ ဇာတ်လမ်းကို ဆွဲခေါ်တတ်တဲ့အမျိုးအစားမဟုတ်ပါဘူး..သူက ဖြစ်ရပ်မှန်ကိုအခြေခံထားတာကြောင့် လည်းပါမှာပေါ့လေ...The Gentlemen (2019) ကတော့ ခပ်သွက်သွက်နဲ့ကိုဇာတ်လမ်းစထားပါတယ်...အဓိက သရုပ်ဆောင်ဖြစ်တဲ့ Matthew McConaughey ကိုတော့ အားလုံးသိကြမှာပါ...အခြားဝါရင့်ဟာသသရုပ်ဆောင်တွေ အက်ရှင်သရုပ်ဆောင်တွေ ပါဝင်ထားပါတယ်။ လူငယ်အနေနဲ့လည်း crazy rich Asian တို့ last Christmas တို့ရဲ့ မင်းသား ဟင်နရီ ဂိုးဒင်းတို့လည်း ပါဝင်ထားပါသေးတယ်။ File size…(5 GB)/(1.5 GB)/(880 MB) Quality….BluRay  4K HEVC/1080p /720p Format…mkv/mp4 Duration….01:53:40 Subtitle….Myanmar Subtitle (Hardsub) Encoder….Ka Naung Translated by Littleneo

Kingsman: The Secret Service (2014) IMDb Rating (7.7) / Rotten Tomatoes (75 %) "Manners maketh man." Gentleman ဆိုတာဘယ်လိုယောက်ကျားမျိုးလဲဆိုတာ ပြသဖို့ဆိုရင်တော့ Kingsman ရုပ်ရှင်တွေက အတိအကျကိုညွှန်းဆိုပြသနေတာပါပဲ။ ဘယ်လိုအခြေအနေမျိုးမှာမဆို ဖြောင့်မတ်တည်ကြည်တဲ့ယောက်ျား.. အဝတ်အစားကစလို့ အပြောအဆိုအနေအထိုင် အမူအရာ အမူအကျင့် အားလုံးမှာ စမတ်ကျကျနဲ့ ယဉ်ကျေးတဲ့ယောက်ျား ဒီလို Gentleman ရဲ့ဝိသေသတွေနဲ့  မင်းသားကြီး Colin Firth ကို ဟယ်ရီအဖြစ် မြင်တွေ့ရတာက Kingsman ရုပ်ရှင်တွေရဲ့ အရသာပါပဲ။ Kingsman ဆိုတာကတော့ ကမ္ဘာကြီးကို တိတ်တဆိတ်ကယ်တင်နေတဲ့လျှို့ဝှက်အေးဂျင့်အဖွဲ့အစည်းပါ။ ဂျိမ်းစ်ဘွန်းရုပ်ရှင်တွေကို အခြေပြုထားတယ်ဆိုပေမယ့် မတူကွဲပြားတဲ့ တင်ဆက်ပုံတွေ  မထင်မှတ်ထားတဲ့ အချိုးအကွေ့တွေနဲ့ Kingsman ဆိုတဲ့ ရသသစ်တခုကို အပြည့်အဝပေးနိုင်ခဲ့ပါတယ်။ Kingsman:The Secret Service (2014) ရုပ်ရှင်မှာတော့ မင်းသားကြီး Colin Firth,Samuel L.Jackson , Mark Strong , Michael Caine တို့လို ဝါရင့်သရုပ်ဆောင်တွေပါဝင်ပြီး လူငယ်သရုပ်ဆောင် Taron Egerton က အဓိကသရုပ်ဆောင် Kingsman Agent အဖြစ်ပါဝင်ထားပါတယ်။ File size…(6.8 GB)/(2.2 GB )/(1.5 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:09:00 Subtitle….Myanmar Subtitle (Hardsub) Encoder….Ka Naung Translated by Dike Ran

Tower Block (2012) IMDb Rating (5.9) / Rotten Tomatoes (44%) Tower Block ဟာမကြာခင်မှာဖျက်ဆီးတော့မယ့် အပေါ်ဆုံးအထပ် တစ်ထပ်တည်းမှာသာ လူနေထိုင်ကြတဲ့အိမ်နီးချင်းတစ်စုကိုအခြေခံပါတယ်။ သူတို့တွေဟာ ပြန်လည်ဆောက်လုပ်မယ့် ပရောဂျက်မှာ အိမ်အသစ်ပြန်လည်ရရှိဖို့အရေးခေါင်းမာမာနဲ့တင်းခံနေကြသူတွေဖြစ်ပါတယ်။ သူတို့နေထိုင်ရာ အဆောက်အအုံကြီးဟာ လူသူနဲ့အလှမ်းဝေးပြီး တရားဥပဒေစိုးမိုးမှုလည်း နည်းပါးတဲ့အတွက် သူတို့အဆောက်အအုံထဲမှာ လူငယ်တစ်ယောက်ကို လူဆိုးတစ်အုပ်က ဝိုင်းရိုက်ရာကနေလက်လွန်ပြီးသေဆုံးသွားခဲ့ပေမယ့် သက်သေထွက်ဆိုရဲတဲ့သူ တစ်ယောက်မှမရှိတဲ့အတွက် တရားခံမမိပဲ အမှုပိတ်လိုက်ရဖူးပါတယ်။ တစ်နေ့မှာတော့ အဆောက်အအုံထဲက နေထိုင်သူမှန်သမျှကို ကလေးလူကြီးမရွေး မမြင်ရတဲ့ စနိုက်ပါသမားတစ်ယောက်ကပြူတင်းပေါက်က တစ်ဆင့် ပစ်ခတ်တိုက်ခိုက်ပါတော့တယ်။အခန်းတိုင်းကိုပစ်မှတ်ထားတဲ့အတွက် နေထိုင်သူတွေဟာ အခန်းအပြင်ကနေစင်္ကြလမ်းကိုရောက် အဲ့ဒီကနေ ဘယ်ကိုမှမရွှေ့ရဲတော့ပဲ ပိတ်မိနေပါတော့တယ်။ သူတို့စဉ်းစားမိသမျှထွက်ပေါက်တိုင်း၊ လွတ်လမ်းတိုင်းဟာတစ်ဖက်လူသတ်သမားက အကွက်စေ့စေ့ ကြိုတွက်ချက်ထားပြီး ပိတ်ဆို့ထားပြီးဖြစ်တဲ့အတွက် မျှော်လင့်ချက်မဲ့နေတဲ့အနေအထားကနေဘယ်လိုရုန်းထွက်လွတ်မြောက်နိုင်ကြမလဲ? လူသတ်သမားဟာ ဘယ်လိုအညှိုးကြောင့် မဲမဲမြင်ရာ တိုက်ခိုက်နေသလဲ? သူတို့အတွက် ဘယ်သူကကယ်တင်ရှင်ဖြစ်လာမလဲအစရှိတာတွေကို ဇာတ်လမ်းထဲမှာ သဲထိတ်ရင်ဖိုအဖြေရှာရမှာဖြစ်ပါတယ်။ Tower Block ဟာ အစကနေအဆုံးတိုင် ဆွဲခေါ်နိုင်တဲ့ ဗြိတိန် Thriller ကားကောင်းတစ်ကားဖြစ်ပါတယ်။ File size… (1.1 GB) / (650 MB) Quality…. Blu-Ray 1080p HEVC / 720p Format…. mkv/mp4 Genre…. Action,Thriller Duration…. 01:30:11 Subtitle…. Myanmar Subtitle (Hardsub)

“အချစ်ရယ် မင်းအချစ်ကိုသာရမယ်ဆို မိုးပေါ်ကကြယ်ကို ဆွတ်ခူးရ ဆွတ်ခူးရပါ” တဲ့ ဒါပေမဲ့ မိုးပေါ်ကကြယ်လေးက ကောင်မလေးချောချောလေးဖြစ်နေခဲ့ရင်ရော?? ဟုတ်ပါတယ်။ ထရစ်စတန်သရုန်းတစ်ယောက် သူ့အချစ်ကိုသက်သေပြဖို့ ကြယ်ကိုလိုက်ရှာရာကနေ ကြယ်ကကောင်မလေးဖြစ်နေတဲ့အခါ… သူ့ချစ်သူဆီခေါ်ဆောင်သွားရာကနေ လမ်းခရီးမှာ ကြယ်လေးက သူထင်သလောက်ရိုးရှင်းမနေဘဲ အနှောင့်အယှက်မျိုးစုံနဲ့ ရင်ဆိုင်ရပါတော့တယ်။ ထရစ်စတန်သရုန်းကောင်လေးရဲ့နောက်ကြောင်းကလည်း သူထင်ထားသလို သာမာန်ဘဝလေးမဟုတ်ပါဘူး။ ဒီကားလေးက romance, mystery အကုန်ရောစပ်ထားဖြစ်တဲ့အတွက် စိတ်ကူးယဉ်ဆန်ဆန် ရိုတဲ့ကားကောင်းလေးတွေကြိုက်တတ်ရင်… အချစ်ကအရာရာကျော်ဖြတ်ရဲလောက်အောင် အစွမ်းရှိကြောင်း ပြောပြထားတဲ့ကားကောင်းလေးမို့ မလွတ်တမ်းကြည့်ကြပါလို့ တိုက်တွန်းလိုက်ပါရစေ။ File size…(1.79 GB) and (923.5 MB) Quality…1080p,720p Blu-Ray H264 FGT Format…mp4 Duration…2h 7min Subtitle….Myanmar Subtitle (Hardsub) Encoder…sithu Translator…Ngeu Mon

ရုရှားရဲ့လျှို့ဝှက်နျူကလီးယားစက်ရုံတစ်ခုမှာ မတော်တဆမှုတစ်ခု ဖြစ်ပွားခဲ့ပြီး နည်းပညာရှင်တစ်ယောက်ဖြစ်တဲ့ တီမိုဖေးဟာ ရေဒီယို သတ္တိကြွမှုအဆင့် Rems 100 နဲ့ထိတွေ့ခံခဲ့ရပါတယ်။ ဒီပမာဏဟာ ကာယကံရှင်နဲ့ပတ်ဝန်းကျင်ကိုထိခိုက်နိုင်မှုနည်းပါးပေမယ့် စက်ရုံ ဒါရိုက်တာက ဖြစ်စဉ်တစ်ခုလုံးအတွက် တီမိုဖေးကိုအပြစ်ပုံချပြီး ခံစား ခွင့်တွေမှန်သမျှရုတ်သိမ်းခဲ့ပါတယ်။ တစ်ခုခုသိထားပုံရတဲ့ တီမိုဖေးဟာ ပလူတိုနီယမ် နည်းနည်းခိုးယူလာပြီးမြို့ပေါ်တက် ရောင်းချဖို့ကြိုးစား ရင်းနဲ့သူ့ဇနီး သူ့သားတို့နောင်ရေးတို့စိတ်အေးရအောင် စီစဉ်ပါတော့ တယ်။ အဲ့ဒီမှာပဲ သူ ရှစ်ဇ်နဲ့စတွေ့ပါတယ်။ရှစ်ဗ်ဆိုတာကတော့ လူဆိုးဂိုဏ်းတစ် ခုရဲ့ ငွေကောက်တဲ့လူမိုက်အဆင့်တွေထဲကတစ်ယောက်ဖြစ်ပြီး လောလော ဆည်တော့ သူတို့ဂိုဏ်းနဲ့ပြိုင်ဘက်ဂိုဏ်နယ်မြေထဲက ဆိုင်တစ်ဆိုင်ကို လိပ် စာမှားပြီး ငွေဝင်ကောက်ရင်း ဆိုင်ကိုမီးရှို့ပစ်မိလို့ သူ့ဘော့စ်က လျော်ကြေး တောင်းထားတဲ့အတွက် အဲ့ဒီလျော်ကြေးကို နည်းပေါင်းစုံနဲ့ရှာနေရပါတယ်။ သတ်မှတ်ချိန်အတွင်း သတ်မှတ်ပမာဏမရရင် အသတ်ခံရမှာဖြစ်တဲ့အတွက် သူလည်းအသည်းအသန်ဖြစ်နေတာပါ။ ဒီတော့ လက်ကျန်ဘဝသက်တမ်း အချိန်အကန့်အသတ်နဲ့ ငွေသိပ်လိုနေတဲ့လူနှစ်ယောက် နျူကလီးယားဗုံးထုတ် နိုင်တဲ့အဆင့် ပလူတိုနီယမ်တွေကိုတစ်ညအတွင်း အမြန်ရောင်းထွက်ဖို့နည်း ပေါင်းစုံနဲ့ကြိုးစားကြတာတွေကိုမြင်တွေ့ရမှာပါ။ Drama ဆိုပေမယ့် ရှစ်ဗ် ပါဝင်လာတဲ့အပိုင်းကစပြီး Crime/Thriller ဆန်ဆန်နဲ့မြူးမြူးသွက်သွက် ဆွဲခေါ်သွားတာဖြစ်တဲ့အတွက် အဆုံးထိဆွဲဆောင်မှုရှိတဲ့ဇာတ်ကားကောင်း တစ်ကားပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size..........(2.13 GB) / (842 MB) Quality............WEB-DL 1080p / 720p Duration.........1Hr 37Min Subtitle...........Myanmar Hardsub Format............MP4 Genre..............Drama Translator.......Alias Encoder..........SWM