Josh Clark ပါဝင်သော ဇာတ်ကားများ

ကျွန်တော့်အမြင်မှာ  အားကစားနဲ့လူမှုဘ၀ ထင်ဟပ်အောင် ရိုက်ပြထားတဲ့ ဒီဇာတ်လမ်းက ကြည့်သူတွေအတွက် အချိန်ကုန်ရကြိုးနပ်မယ့် မိသားစုအပန်းဖြေရင်းကြည့်လို့လည်းသင့်တော်တဲ့ ဇာတ်ကားလေးတစ်ကားလို့ ပြောချင်ပါတယ်။ နံမည်မကြီးသေးတဲ့ လူငယ်သရုပ်ဆောင်အများစု ပါဝင်ပေမယ့် လက်ရှိ IMDB rating 7.5 ရရှိထားတဲ့ ဒီဇာတ်ကားကို သေချာညွှန်းပေးလိုက်ရပါတယ် ဂျင်မ်ဝှိုက် (Jim White) က အမေရိကန်ပြည်ထောင်စု၊ အိုင်ဒဟိုပြည်နယ်ရဲ့ လူစည်ကားရာမြို့တော်ဖြစ်တဲ့ ဘွိင်ဇီ (Boise) မြို့မှာ ဘောလုံးအသင်းနည်းပြဆရာ လုပ်နေသူဖြစ်ပါတယ်။ တစ်ရက်တော့ ပြိုင်ပွဲမှာလျော့တိလျော့ရဲ ကစားသွားတဲ့ သူ့အသင်းသားတွေကိုဆူရာမှာ ဒေါသကြောင့်လက်ပါမိတဲ့အတွက် အလုပ်ထုတ်ခံလိုက်ရပါတယ်။ အဲ့ဒီနောက်မှာတော့ ဂျင်မ်က ဇနီး၊ သမီးနှစ်ယောက်နဲ့အတူ ကယ်လ်လီဖိုးနီးယားပြည်နယ်၊ ဆင်ခြေဖုံးမြို့လေးဖြစ်တဲ့ မက်ဂ်ဖားလန် (McFarland) ကိုပြောင်းရွှေ့ခဲ့ပါတော့တယ်။ အချိန်ကာလကတော့ ၁၉၈၇ခုနှစ်ပဲဖြစ်ပါတယ်။ နယ်မြေသစ်ကို စရောက်တဲ့ည စားသောက်ဆိုင်တစ်ခုမှာ ညစာစားပြီးပြန်အထွက် လက်တင်လူမျိုးတွေ အုပ်စုလိုက်မောင်းနှင်လာသော ကားတန်းရှည်ကြီးနဲ့ကြုံရာ သမီး ဂျူလီကို စနောက်မယ်ကြံတဲ့အတွက် ဂျင်မ့်မှာ ကားကိုအမြန်မောင်းထွက်ကာ ရှောင်ခဲ့ရပါတယ်။ အလုပ်အသစ်မှာ ဂျင်မ်က ကျောင်းတစ်ကျောင်းမှာ သိပ္ပံဘာသာရပ်သင်ကြားရေးတာဝန်နဲ့ ကာယသရုပ်ပြဆရာတာဝန်ကို ပူးတွဲယူရုံသာမက ကျောင်းရဲ့ ဘောလုံးအသင်းမှာလဲ တွဲဖက်နည်းပြလုပ်ရပါတယ်။ တစ်ရက်တော့ ကာယသင်တန်းချိန်မှာ ဒန်နီ (Danny)၊ ဒမက်ဂ်ဆီယို (Daamacio) နဲ့ ဒေးဗစ် (David) တို့ညီအစ်ကို သုံးယောက်ကို သူတို့မိခင်က အိမ်အလုပ်တွေမပြီးသေးဟုဆိုတာ အတင်းလာခေါ်သွားပါတယ်။  တဖြည်းဖြည်းနဲ့မှ မက်ဂ်ဖားလန်ရဲ့ တစ်အိမ်လုံးအလုပ်လုပ်မှ မိသားစုပြေလည်တဲ့ အခြေအနေကြောင့် ဆိုတာကို ဂျင်မ် နားလည်လာပါတယ်။  တစ်ခါလဲ ကျောင်းရဲ့ ဘောလုံးပြိုင်ပွဲမှာ ဒဏ်ရာကြောင့်နာနေတဲ့ ကစားသမား ဂျွန်နီ (Johnny) ကို ခေါင်းဆောင်နည်းပြက ပွဲမှာပြန်ကစားဖို့ အတင်းထည့်နေတာကို ဂျင်မ်က မကစားခိုင်းတဲ့အတွက် ခေါင်းဆောင်နည်းပြက စိတ်ဆိုးသွားပြီး ဂျင်မ်ကို ဝင်မစွက်ဖို့ ကျောင်းအုပ် ကမီလ်လို (Camillo) ကိုသွားတိုင်ပါတယ်။ နောက်တစ်ရက် ကာယလေ့ကျင့်ချိန်မှာ ကျောင်းသားများ အပြေးလေ့ကျင့်နေတာကို သမီးငယ်  ဂျေမီနဲ့ အတူကြည့်နေရာ သမီးငယ်က သူ့ရဲ့ ကျောင်းသားတွေရဲ့ အံ့မခန်းပြေးနိုင်ပုံကို ချီးကျူးတဲ့အခါ သူတို့လေးတွေကို အဖွဲ့ဖွဲ့ပြီး ကျောင်းပေါင်းစုံ အပြေးပြိုင်ပွဲမှာ ဝင်ပြိုင်စေဖို့ အကြံရသွားပါတော့တယ်။  အားကစားအသင်းဖွဲ့ဖို့နဲ့ ပြည်နယ်အပြေးပြိုင်ပွဲမှာ ဝင်ရောက်ယှဉ်ပြိုင်ခွင့်ပြုဖို့ ကျောင်းအုပ် ကမီလ်လိုဆီမှ ခွင့်ပြုချက်ရရန် အတိုက်အခံ ကြိုးစားပြီးတဲ့အခါမှာတော့ ဂျွန်နီ ၊ ဗစ်တာ ၊ ဒန်နီ၊ ဒမက်ဂ်ဆီယို၊ ဒေးဗစ်၊ ဂျိုဇေးကာဒီးနားစ် နဲ့ တောမတ်စ် စတဲ့ ဆရာအသစ်ကို မယုံကြည်တဲ့ ဂျစ်ကန်ကန်ကျောင်းသား ၇ ယောက်ပါတဲ့ အသင်းကိုဖွဲ့ဖြစ်သွားပါတယ်။ မပြည့်စုံတဲ့ လက်တင်မိသားစုများမှ ပေါက်ဖွားလာတဲ့ ၊ မနက်ကိုနေမထွက်ခင်အစောကြီးထ ၊ မိသားစုနဲ့အတူ လယ်စိုက် ၊ ကျောင်းချိန်ရောက်တဲ့အခါ မိုင်များစွာဝေးတဲ့ လယ်တောကနေ ကျောင်းကို ခြေကျင်လာရတဲ့၊ မိဘတွေကိုယ်တိုင်ကလည်း ရေးတတ်ဖတ်တတ်ရုံ ပညာတတ်ရင်တော်ပြီလို့ တွေးကြတဲ့ ဘဝတွေကလာကြပေမယ့် ဇွဲရှိတဲ့၊ ပညာလိုလားတဲ့  တပည့်တွေရဲ့ အကြောင်းကို တဖြည်းဖြည်းနားလည်လာတဲ့အခါ ဂျင်မ်တစ်ယောက်  မက်ဂ်ဖားလန်အပြေးအသင်း အောင်မြင်အောင် အစွမ်းကုန်ကြိုးစားပါတော့တယ်။  ဖြစ်ရပ်မှန်ကို အခြေခံထားတဲ့ အားကစားနောက်ခံ ဇာတ်လမ်းကောင်းလေးတစ်ပုဒ်ဖြစ်ပြီး နှစ်အတော်ကြာဝေးနေတဲ့ အောင်မြင်မှုသရဖူကို မယုံကြည်နိုင်လောက်တဲ့ ကြိုးစားမှုမျိုးနဲ့ ရယူပိုင်ဆိုင်သွားတဲ့ ဆီဂိမ်းဘောလုံးပြိုင်ပွဲမှ မြန်မာဘောလုံးအသင်းရဲ့ အောင်မြင်မှုလိုပဲ ဒီဇာတ်လမ်းထဲက မက်ဂ်ဖားလန်အသင်းကရော အားကစားဝတ်စုံတောင်မဝယ်နိုင်အောင် ချို့တဲ့တဲ့ အမေရိကန်ပြည်ထောင်စုရဲ့ မထင်မရှားမြို့ငယ်လေးရဲ့ ကိုယ်စားပြုအသင်းမှသည် ပြည်နယ်အဆင့်အထိ အောင်မြင်မှုရအောင် ဘယ်လိုကြိုးစားသွားလဲဆိုတာကိုတော့ ကိုယ်တိုင်ပဲ ဆက်လက်ရှုစားစေချင်ပါတယ်။ ( အညွှန်းကို mmmovieguide မှ ပြန်လည်ကူးယူတင်ပြပါသည် ) Filesize : 600 MB Quality : 720p Format : mkv Running Time : 2 hour 9 minutes Subtitle : Myanmar Subtitle ( Hardsub ) Encoder : LK

Faster ကတော့ ၂၀၁၀ ကထွက်ရှိထားတဲ့ Dwayne Johnson ရဲ့ အကြမ်းစား အက်ရှင်ဇာတ်ကားလေးဖြစ်ပါတယ်။ မကြမ်းမှာတော့မပူပါနဲ့။ အစပိုင်းလေးကိုပဲကြည့်ပြီး ဘာလား ကြမ်းလှချည်လားဟလို့ ဖြစ်သွားမှာသေချာပါတယ်။ ထောင်ကထွက်ထွက်ချင်းပဲ သူက ပြေးတယ်။ ကားတစ်စီးပေါ်တက်တယ်။ သေနတ်ကိုခါးကြားထိုးတယ်။ မောင်းသွားပြီး အဆောက်အဦးတစ်ခုထဲဝင်သွားပြီး လူတစ်ယောက်ကို ဘာမပြောညာမပြော ပစ်သတ်လိုက်တယ်။ လွန်ခဲ့တဲ့ ဆယ်နှစ်က ဘဏ်ဓားပြမှုတစ်ခုမှာ ငါတို့တိုက်ယူလာတဲ့ ငွေတွေကို မင်းတို့လုယူပြီး ငါ့အစ်ကိုကို သတ်လိုက်တဲ့ သွေးကြွေးပြန်လာဆပ်တာကွလို့ ဒိုင်ယာလော့ အရှည်ကြီးနဲ့ ဇာတ်လမ်းကိုပြန်ပြောမနေဘဲ နှာတရှုံရှုံငိုမနေဘဲ ဒိုင်းဆိုပြီး တစ်ချက်တည်းပြီးသွားပါတယ်။ အဲဒီဘဏ်ဓားပြတိုက်တဲ့ ဇာတ်လမ်းကိုတော့ စုံထောက်တွေက ပြန်ပြီးထောက်လှမ်းနေတာတွေနဲ့ အတိတ်အကြောင်းပြန်တွေးတာတွေနဲ့ ပြန်ပြသွားပါတယ်။ သူ့အစ်ကိုကို သေအောင်လုပ်ခဲ့တဲ့ လူတွေကို လက်စားချေဖို့ ထောင်ထဲမှာ ဆယ်နှစ်လုံးလုံး ပြင်ဆင်လာခဲ့ပြီး ထွက်လာလာပြီးချင်း နာရီပိုင်းအကြာမှာ စာရင်းထဲကလူတစ်ယောက်ကို ဖျက်နိုင်လိုက်ပါတယ်။ သူ့စာရင်းကဘယ်လောက်ရှည်ပြီး ဘယ်လောက် မြန်မြန် အဆုံးသတ်နိုင်မလဲဆိုတာကိုတော့ ဇာတ်ကားမှာပဲကြည့်လိုက်ကြပါတော့။ ဇာတ်လမ်းအညွှန်းနဲ့ ဘာသာပြန်သူကတော့ d3mon ပဲဖြစ်ပါတယ်… File Size : (800 MB) and (400 MB) Quality : Blu-Ray 720p Running Time : 1hr 38min Format : Mp4 Genre : Action, Crime, Drama Subtitle : Myanmar Subtitle (Hard Sub) Source : 1080p.BluRay.x264-SECTOR7 Translated by d3mon Encoded by Thanhtike Zaw

Big (1988) IMDb (7.3)......Rotten Tomatoes (93%) ၁၉၈၈ ခုနှစ်မှာ မင်းသားကြီး Tom Hanks ဟာ အသက် ၃၂ နှစ်ပဲ ရှိပါသေးတယ်။ မင်းသားကြီးလည်း မဖြစ်သေးပါဘူး။ Big ဟာ Tom Hanks ကို အခုလို စူပါမင်းသားဖြစ်လာအောင် တွန်းပို့ပေးလိုက်တယ်ပြောလို့ရပါတယ်။ ဇာတ်လမ်းက ရှင်းရှင်းလေးပါပဲ။ ကျနော်တို့ ကလေး ဘဝတုန်းက လူတိုင်းလိုလို ခံစားဖူးခဲ့ကြတဲ့ "လူကြီးဖြစ်ချင်တယ်" ဆိုတဲ့ ခံစားချက်လေး အပေါ်မှာ ရေးဖွဲ့ထားတယ်။ ၁၃ နှစ်အရွယ်ကောင်လေးတစ်ယောက် ကလေးဘဝမှာ မနေချင်တော့ဘဲ လူကြီးဖြစ်ချင်တယ်ဆိုတဲ့ ဆုတောင်းလေးပြည့် သွားပြီး နေ့ခြင်းညခြင်းပဲ အသက် ၃၀ အရွယ် လူကြီးကြီး ဖြစ်လာတယ်။ ခန္ဓာကိုယ်ကသာ လူကြီး ဖြစ်လာပေမယ့် စိတ်ကတော့ ၁၃ နှစ်ပဲရှိသေးတာပေါ့။ ဒါပေမယ့် လူကြီးဘဝ ဟာ ထင်ထားသလို မဟုတ်ပဲ စိတ်ညစ်စရာတွေလည်းတွေ့လာ တော့ ကလေးဘဝကိုပဲ ပြန်နေချင်လာတော့တယ်။ Tom Hanks သရုပ်ဆောင်ကောင်းတာကတော့ အထူးတလည်ပြောနေစရာမလိုဘူး။ အမူအရာ တွေတင်မကဘူး သူ့ရဲ့ အကြည့်တွေ စိတ်ခံစားချက်တွေကပါ Josh ဆိုတာ လူကြီး ခန္ဓာကိုယ်ဖဲရောက်နေတဲ့ ကလေးလေးပဲဆိုတာ ပရိတ်သတ်က အဆုံးထိ ယုံကြည်ထားနိုင်စေခဲ့တယ်။ ဒီပို့စ်မှာ တစ်ကယ်ဆွေးနွေးလိုတာကတော့ Big ရဲ့ ဇာတ်ညွှန်းပဲ။ အထူးသဖြင့် ခုထိ ထွက်နေတဲ့ မြန်မာကားတွေ နဲ့ နှိုင်းယှဉ်ကြည့်ချင်တာ။ မြန်မာဇာတ်ညွှန်းအများစုဟာ ဇာတ်ကောင်တွေရဲ့ စိတ်အခြေအနေတွေ၊ တွေးနေတာတွေကို ဖော်ပြမယ်ဆိုရင် စကားပြောနဲ့ ဒါမှမဟူတ်ရင် အမူအရာ အပိုကြီးတွေနဲ့ ဖော်ပြတတ်ကြတယ်။ Big မှာတော့ ဒီလိုမဟုတ်ဘူး။ ရုပ်ရှင်အစပိုင်း 1st Act မှာအဓိကဇာတ်ကောင် Josh ကလေးဘဝမှာ စိတ်ညစ်ညူးရတာတွေကိုပြထားတယ်။ ဒီလိုပြတဲ့နေရာမှာ Josh အိမ်အလုပ်တွေ ဝိုင်းကူနေရတာတွေ၊ သူ့အခန်းသေးသေးလေးမှာ မွေးခါစ ညီမလေးနဲ့ တူတူနေရတာတွေ၊ သူ့ကြိုက်နေတဲ့ အတန်းကြီး ကောင်မလေးက အတန်းကြီးတဲ့ ကောင်လေးနဲ့ ပဲ တွဲခုတ်နေလို့ အလိူမကျဖြစ်ရတာတွေပြထားတယ်။ Josh ရဲ့ အမူအရာဟာလည်း သူ့ကလေးဘဝမှာ တွေ့နေရတာတွေကို စိတ်အလိုမကျတာထပ် ပိုမသွားဘူး။ Josh ဟာ သူ ကလေးဖြစ်ရတာ စိတ်ကုန်ကြောင်း ပါးစပ်ကနေ ထုတ်ဖော် ငြီးထွားနေတဲ့ အခန်းတွေမပါဘူး။ မြန်မာဇာတ်ညွှန်းမှာဆို ဘယ်လိုဖြစ်သွားမလဲ။ ငါကလေးဖြစ်ရတာ စိတ်ကုန်နေပြီကွာ ဆိုတဲ့ စကားမျိုး Josh ကနေ သူငယ်ချင်းတွေ ခဏခဏထုတ်ပြောမယ်။ အမူအရာတွေ သရုပ်ဆောင်တွေဟာ လိုတာထပ် အများကြီးကို ပိုနေမယ်။ Josh ရဲ့ character ဟာ ကလေးလေးတစ်ယောက် ဖြစ်မနေပဲ လူကြီးတစ်ယောက်လို စိတ်တွေညစ်နေမယ်။ Big မှာ Josh ရဲ့ စိတ်အနေအထားကို တိုက်ရိုက်ကြီး ဖော်ထုတ်မထားတဲ့ အတွက် ကြည့်နေသူအတွက် Josh နေရာမှာ ပိုပြီးခံစားရတာလွယ်လာတယ်။ Josh ခံစားနေသလိူ ငါလညါး ငယ်ငယ်က ခံစားဖူးပါလားဆိုတာမျိုးတွေ ပြန်မှတ်မိလာတယ်။ ဒီက ဇာတ်ညွှန်းတွေလို ဇာတ်ကောင်ရဲ့ ခံစားချက်ကို ပရိတ်သတ်ကို အတင်းကြီး ဇွန်းတပ်ကျွေးဖို့ ကြိုးစားမယ်ဆိုရင် Josh ရဲ့နေရာက ဝင်မခံစားမိပဲ Josh ရဲ့အကြောင်းကို ကြားလူတစ်ယောက် လာပြီး ပြောပြနေသလိုပဲဖြစ်မယ်။ ဇာတ်ကောင်နဲ့ ပရိတ်သတ်ကြားမှာ ဇာတ်ကောင်ရဲ့ အဖြစ်အပျက်တွေ၊ ခံစားချက်တွေအားလုံးကို လိုက်ရှင်းပြနေတဲ့ narrative ဆိုတဲ့ အတားအဆီးကြီးရှိနေတော့ ပရိတ်သတ်အနေနဲ့ ရုပ်ရှင်မှာ ပါဝင်စီးမျောသွားဖို့ဆိုတာ သိပ်ခက်သွားပြီ။ Big ရဲ့ 2nd နဲ့ 3rd act တွေမှာလည်း အရမ်းစိတ်ဝင်စားဖို့ကောင်းတဲ့ ဇာတ်ကောင်တွေရှိတယ်။ villain တွေပါလာသလို Josh အလုပ်ဝင်လုပ်မယ့် အရုပ်ကုမ္ပဏီ ပိုင်ရှင်ကြီး MacMillan တို့ပါဝင်လာတယ်။ MacMillan ဆိုတဲ့ဇာတ်ကောင်ဟာ စိတ်ကူးကောင်းကောင်း creativity ကောင်းကောင်းနဲ့ အရုပ်တွေထုပ်ပြီး အောင်မြင်လာတဲ့ သူဌေးကြီး။ သူက Josh ရဲ့ ကလေးဆန်တာ၊ လူကြီးဆန်ဆန် အလုပ်တွေကို နားမလည်တာ၊ စိတ်ထဲရှိရာ အကုန်ပြောတတ်တဲ့ သဘာဝကို သဘောကျလို့ ချက်ချင်း Josh ကို ရာထူးတွေတိုးပေးလိုက်သူကြီး။ ဒါတွေကို ကြည့်ရင် သူဌေးကြီးက စည်းမျဉ်းတွေ သိပ်ဂရုမစိုက်တတ်တဲ့ ပညာရှိတဲ့ သဘောကောင်းတဲ့ လူကြီးဆိုတဲ့ character ပေါ်လာတယ်။ သူ့ဇာတ်ကောင် ဝတ်စားထားတာတွေကအစ character ကို ပိုပေါ်အောင် အထောင်ကူပြုတယ်။ ဘီလျံနာသူဌေးကြီးသာပြောတယ် အမြဲတမ်း အဝတ်အစားတွေက ဖရိုဖရဲနဲ့။ မြန်မာကားမှာဆို သန်းကြွယ်သူဌေးတွေကို ဘယ်လိုပုံဖော်မလဲ။ ဘယ်ကားကြည့်ကြည့် သူဌေးဆိုတာနဲ့ ဇာတ်ကောင်က တစ်ပုံစံထဲပဲ။ ကုဒ်တွေဝတ်ထားမယ်၊ စကားကို ကြီးကြီးကျယ်ကျယ် ခန့်ခန့်ညားညားပြောမယ်၊ ကားအကောင်းစားကြီးစီးမယ်၊ အိမ်အကြီးကြီးမှာနေမယ်၊ အနားမှာ အမြဲတမ်း တပည့် လေးယောက်ရှိနေမယ်။ မြန်မာ ဇာတ်ကောင်တွေဟာ အရမ်းယေဘုယျဆန်လွန်းတယ်။ အတိမ်အနက်လုံးဝ မရှိဘူး။ နောက်တစ်ခုက Big မှာ တစ်ကားလုံး သွားတဲ့ ဇာတ်လမ်းရဲ့ depth နဲ့ theme။ ဒီကားကို Comedy Drama လေးအဖြစ်နဲ့ သရုပ်ဖော်ထားတယ်။ ရုပ်ရှင်တောက်လျှောက်မှာ ဇာတ်ဝင်ခန်းတိုင်းက ဒီကားရဲ့ theme နဲ့ depth ကို သစ္စာမဖောက်ဘူး။ build up တွေ climax တွေမှာတောင် လေးလေးနက်နက်ကြီး ဖြစ်မသွားဘူး။ ဟာသ တွေကလည်း ရုပ်ရှင်ကို အရမ်းပေါချာ မသွားစေပဲ ကြည့်လို့ကောင်းအောင် ရယ်ရအောင် ကြည့်တဲ့ သူပျော်နေအောင် ဖြစ်စေတယ်။ Big တစ်ကားလုံးဟာ ပေါ့ပါးသွက်လက်နေပြီး ဒီကားစာ အနုပညာအရ အလွန်တန်ဖိုးရှိကြောင်း၊ အလွန်နက်ရှိုင်းကြောင်း ဟန်ဆောင်ပြနေတာတွေ မပါဘူး။ ဇာတ်လမ်းရှိသလောက်ကို အကောင်းဆုံး တင်ဆက်သွားတယ်။ မြန်မာကားတွေမှာဆို ဒီလို consistency ရှိတဲ့ ကားမျိုးကရှားတယ်။ အမြဲတမ်းပရိတ်သတ်ဘာလိုချင်လည်း၊ ဘယ်မင်းသားကိူ ဘာလုပ်ခိုင်းရင် ပိုအမြတ်ရမလဲပဲ ကြည့်နေကြတယ်။ comedy ဆိုပြီး တစ်ကားလုံး ပေါချာနေအောင် လုပ်လာပြီးတော့ drama ကြီးတွေ ချိုးပစ်ပြီး ဇာတ်ကောင်တွေမှာ မျက်ရည်စို့ပြီးငိူနေရအောင်လည်း လုပ်တာပဲ။ Action လူမိူက်ကားဆိူပြီးတော့ လူမိုက်သုံးယောက် စကားပြောရင် ပေါတောတောတွေပြောပြီး သံယောင်လိူက် အပေါစား ဟာသတွေလည်း ထည့်ပစ်တာပဲ။ Drama ကားတွေမှာလည်း ကုမ္ပဏီပိုင်ရှင် ဇာတ်ကောင်နေက သရုပ်ဆောင်တဲ့ စူပါမင်းသားတွေက သိုင်းကွက်တွေထုတ် ကျွမ်းတွေပြစ်ပြီး လူကြမ်း လေးငါးယောက်လောက်ကို ချရင်လည်း ချတာပဲ။ တစ်ကားလုံး စုတ်ပြတ်သတ်နေအောင်ပေါလာ၊ ဇာတ်ညွှန်းမရှိ ဇာတ်လမ်းမရှိ လုပ်ချင်ရာတွေလုပ်ပြ ပြီးခါနီးမှ အမျိုးဘာသာ သာသနာတွေ၊ နိုင်ငံတော်တွေကို အရမ်းချစ်ပြတဲ့ စကားလုံးတွေ ဘာမှမဆိုင်ဘဲ ပစ်ထဲ့ပြီး အကယ်ဒမီတွေလည်း ယူလို့ယူတာပဲ။ ကျနော်ထင်တာတော့ မြန်မာ ရုပ်ရှင်တွေနဲ့ Hollywood က အောင်မြင်နေတဲ့ ရုပ်ရှင်တွေ အဓိက ကွာခြားချက်ကတော့ အဲ့တာပဲ။ ပိုက်ဆံတွေအများကြီးသုံး၊ စတူဒီယို အကောင်းစားတွေ ကင်မရာတွေ စပယ်ရှင်အဖက်တွေ ရလာရင်တောင် ဇာတ်ညွှန်းအသွားအလာပုံစံက ပြောင်းလဲမှုမရှိရင် မြန်မာကားတွေဟာ ပေါကားတွေ ဖြစ်နေဦးမယ် ထင်တယ်။ ~ Admin Andy ~ (ရုပ်ရှင်အညွှန်းကို Datshin Facebook Page မှ ကူးယူဖော်ပြပါသည်။) File size…(999 MB) Quality…Blu-Ray Rip 720p Format…mp4 Duration….02:10:00 Subtitle….Myanmar Subtitle (Hardsub) Encoder….Nyeinsaeya Aung Translated by OWL

Ragtime (1981) IMDb Rating (7.3) / Rotten Tomatoes (85%) ၂၀ ရာစုအစောပိုင်း နယူးယောက်မြို့ရဲ့ လူမှုပတ်ဝန်းကျင်၊ လူမျိုးရေးခွဲခြားမှုနဲ့ တရားမျှတမှုအတွက် တိုက်ပွဲဝင်ပုံတွေကို ခမ်းခမ်းနားနား ရိုက်ကူးထားတဲ့ Historical Drama ဂန္ထဝင်ကားကြီးတစ်ကားပါ။ ဒီဇာတ်ကားဟာ စာရေးဆရာ E.L. Doctorow ရဲ့ နာမည်ကြီးဝတ္ထုကို အခြေခံထားပြီး ဒါရိုက်တာ Miloš Forman က ပုံဖော်ထားတာဖြစ်ပါတယ်။ ဇာတ်လမ်းက ၁၉၀၆ ခုနှစ်ဝန်းကျင် နယူးယောက်မှာ အခြေတည်ထားပြီး မတူညီတဲ့ လူမှုအလွှာက မိသားစုတွေရဲ့ ဘဝတွေ ဘယ်လိုထပ်တူကျသွားသလဲဆိုတာကို ရိုက်ပြထားတာပါ။ အဓိကဇာတ်ကောင်ကတော့ ပါရမီရှင် လူမည်းပီယာနိုတီးခတ်သူ Coalhouse Walker Jr. (Howard E. Rollins Jr.) ဖြစ်ပါတယ်။ Coalhouse ဟာ သူ့ရဲ့ ဂုဏ်သိက္ခာကို စော်ကားဖျက်ဆီးခဲ့တဲ့ လူဖြူမီးသတ်သမားတစ်စုကို တရားဥပဒေအရ အရေးယူဖို့ ကြိုးစားပေမဲ့ စနစ်အရ ငြင်းပယ်ခံရတဲ့အခါ သူဟာ လက်နက်စွဲကိုင်ပြီး ပြင်းထန်တဲ့နည်းလမ်းနဲ့ တရားမျှတမှုကို တောင်းဆိုပါတော့တယ်။ ဒီဖြစ်ရပ်ကတစ်ဆင့် မြို့ပေါ်က အထက်တန်းလွှာမိသားစုတွေ၊ နာမည်ကျော်ပုဂ္ဂိုလ်တွေနဲ့ သာမန်လူတွေရဲ့ ဘဝတွေကို ဘယ်လိုရိုက်ခတ်သွားသလဲဆိုတာကို ဇာတ်လမ်းအိမ်အပြည့်နဲ့ တင်ဆက်ထားတဲ့ ဂန္တဝင်ကားကောင်းဖြစ်ပါတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.9 GB) / (1.1 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History Duration…. 02:35:33 Subtitle…. Myanmar Subtitle (Hardsub)