Josh Thomson ပါဝင်သော ဇာတ်ကားများ

Runner (2026) IMDb Rating (6.6) / Rotten Tomatoes (77%) ဒီဇာတ်ကားကတော့ Action နဲ့ Thriller အမျိုးအစား ရုပ်ရှင်ဇာတ်ကားကြီးပဲ ဖြစ်ပါတယ်။ Reacher ဇာတ်လမ်းတွဲတွေနဲ့ နာမည်ကြီး လူကြိုက်များနေတဲ့ မင်းသားကြီး Alan Ritchson က အဓိက ခေါင်းဆောင် ပါဝင်သရုပ်ဆောင်ထားပါတယ်။ ဇာတ်လမ်းကတော့ အရည်အချင်းပြည့်ဝတဲ့ အထူး ပို့ဆောင်ရေးသမား (High-end Courier) တစ်ယောက်ဆီကနေ စတင်ပါတယ်။ တစ်နေ့မှာ သူဟာ အသက် ၇ နှစ်အရွယ် ကောင်မလေး တစ်ယောက်ရဲ့ အသက်ကို ကယ်တင်ဖို့အတွက် အရေးတကြီး လိုအပ်နေတဲ့ အစားထိုး အင်္ဂါအစိတ်အပိုင်း တစ်ခုကို ၃ နာရီအတွင်း အရောက်ပို့ပေးရမယ့် တာဝန်ကို လက်ခံရရှိပါတော့တယ်။ လွယ်လွယ်ကူကူ ပြီးသွားမယ့် ခရီးစဉ်လေးလို့ ထင်ရပေမဲ့ အဲဒီ အင်္ဂါအစိတ်အပိုင်းကို လိုချင်နေတဲ့ အန္တရာယ်များတဲ့ မာဖီးယား ဂိုဏ်းစတား ခေါင်းဆောင်ကြီး တစ်ယောက်က ကြားဖြတ် လုယူဖို့ ကြိုးစားလာတဲ့အခါမှာတော့ ပြဿနာတွေ စတင်ပါတော့တယ်။ အသက်ကယ်ရမယ့် အချိန်ကလည်း နီးကပ်လာ၊ လက်နက်အပြည့်အစုံနဲ့ နောက်ကနေ လိုက်လံတိုက်ခိုက်တဲ့ ရန်သူတွေကိုရော၊ လမ်းခရီးက အခက်အခဲတွေကိုရော သူတစ်ယောက်တည်း ဘယ်လို ရင်ဆိုင်ကျော်ဖြတ်ပြီး ကောင်မလေးဆီ အချိန်မီ အရောက်ပို့ပေးမလဲ ဆိုတာကို ရင်တမမ ကြည့်ရှုရမှာပါ။ ဒီဇာတ်ကားဟာ မင်းသား Alan Ritchson ရဲ့ ထုံးစံအတိုင်း ခပ်ကြမ်းကြမ်း အက်ရှင် ပြကွက်တွေနဲ့အတူ အချိန်နဲ့ အပြိုင် အသက်လု ထွက်ပြေးရတဲ့ (Race-against-time) သည်းထိတ်ရင်ဖို ဇာတ်ကွက်တွေကို အပြည့်အဝ ခံစားရမယ့် ရုပ်ရှင်ဖြစ်ပါတယ်။ Reacher လိုမျိုး လူဆိုးတွေကို တစ်ယောက်တည်း အကြမ်းပတမ်း ဖြေရှင်းရတဲ့ အက်ရှင် ဇာတ်ကားကောင်းတွေကို သဘောကျတဲ့ ပရိသတ်တွေ လက်မလွှတ်တမ်း ကြည့်ရှုသင့်တဲ့ ဇာတ်ကားကောင်း တစ်ကားပဲ ဖြစ်ပါတယ်။ File size… (1.8 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Action,Comedy Duration…. 01:39:02 Subtitle…. Myanmar Subtitle (Hardsub)

Season 1 အပိုင်း ( ၁ မှ ၈ ) အထိ စ / ဆုံး အခုတစ်ခေါက်တင်ဆက်ပေးမယ့် ဇာတ်လမ်းတွဲလေးကတော့ Pixar Animation Studios ရဲ့ Animated TV series လေးပဲ ဖြစ်ပါတယ်... ဒီကားလေးမှာဆိုရင် အလယ်တန်းကျောင်း Softball အသင်း တစ်သင်းရဲ့ ချံပီယံရှစ်ပြိုင်ပွဲတက်လှမ်းနိုင်ရန် ပြိုင်ပွဲဝင်စဉ်ကာလ အတွင်း ဇာတ်ကောင်တစ်ခုချင်းစီရဲ့ အကြောင်းကို တစ်ပိုင်းစီ ပုံဖော်တင်ဆက်ပေးထားတာဖြစ်ပြီး ကျောင်းသားနဲ့ ဆရာကြား၊ ဆရာနဲ့မိဘကြား၊ မိဘနဲ့သားသမီးကြား၊ ဆရာအချင်းချင်းကြား၊ မိဘအချင်းချင်းကြား၊ ကျောင်းသားအချင်းချင်းကြား၊ နည်းပြနဲ့ ကစားသမားများကြားစတဲ့ ဆက်ဆံရေးပေါင်းစုံကို ပြုံးရွှင် ကြည်နူးဖွယ်ကြည့်ရှုရမှာဖြစ်ပါတယ်..... ဒီ Animation ပရောဂျက်လေးကို Carrie Hobson နဲ့ Michael Yates တို့နှစ်ယောက်က ၂၀၂၀ ကတည်းက စတင် ပူးပေါင်းဖန်တီးခဲ့တာဖြစ်ပြီး ၂၀၂၅ အရောက်မှ ထွက်ရှိလာတာပဲ ဖြစ်ပါတယ်..... Carrie Hobson ဟာဆိုရင် ပရိသတ်များရဲ့ တခဲနက်အားပေးမှုကို ရရှိခဲ့တဲ့ Elemental (2023) နှင့် Toy Story 4 (2019) တို့မှာ Story Artist အဖြစ်တာဝန်ယူခဲ့ပြီး Luca (2021) မှာတော့ Associated Executive Producer အနေနဲ့ ပါဝင်ခဲ့ပါတယ်.. Michael Yates ဟာဆိုရင်လည်း Animation Studios အကြီးစား ကြီးတွေဖြစ်တဲ့ DreamWorks၊ Walt Disney တို့နဲ့ လက်တွဲခဲ့ဖူးသူ ဖြစ်ပြီး ယခုအခါမှာတော့ Pixar နဲ့လက်တွဲကာ Car 3 (2017)၊ Toy Story 4 (2019) တို့မှာ story artist အနေနဲ့ တာဝန်ယူခဲ့ဖူးသူ ဖြစ်ပါတယ်... ၎င်းတို့နှစ်ယောက်ရဲ့ အတွေ့အကြုံများနဲ့ အနုပညာအရည်အသွေးကို ပေါင်းစပ်ပြီးဖန်တီးထားတဲ့ ဒီ Animation ဇာတ်လမ်းတွဲလေးမှာ ဆိုရင် သဘောကျစရာဇာတ်ကောင်စရိုက်တွေနဲ့ ချစ်စရာဇာတ်ကောင် သွင်ပြင်လေးတွေပါလို့ Animation ကားနှစ်ခြိုက်သူ ကာတွန်းကား ချစ်သူ ပရိသတ်များသဘောကျစေမယ်လို့ ယုံကြည်ပါတယ်... ပထမဆုံး season အနေနဲ့ ၈ ပိုင်းပါဝင်မယ့်ဒီကာတွန်းဇာတ်လမ်း တွဲလေးဟာ တစ်ပတ်ကို ၂ ပိုင်းသာထွက်မှာဖြစ်ပြီး တစ်ပိုင်းကို မိနစ် ၂၀ လောက်သာကြာတာကြောင့် အချိန်လည်းအရမ်းပေးစရာ မလိုဘဲ ပေါ့ပေါ့ပါးပါးကြည့်ရှုနိုင်မှာဖြစ်လို့ ကာတွန်းချစ်သူပရိသတ်များ ဘဝအမောတွေဖြေရင်း ခံစားနိုင်ဖို့ တင်ဆက်ညွှန်းဆိုပေးလိုက် ရပါတယ်ခင်ဗျာ......... File Size –577MB  / 219MB Quality –WEB-DL 1080p HEVC / 720p Episodes -  8 Eps Duration -  20 min Subtitle – Myanmar Hardsub Format – mkv /mp4 Genre :   Animation , Comedy , Family , Fantasy , Sport Translator – Ye Thiha Htet Encoder – Min Wai

Don't Make Me Go (2022) ဘဝမှာအလိုအပ်ဆုံးအရာကဘာများဖြစ်မလဲ...? အချိန်လား...? ငွေလား...? မိသားစုနဲ့အတူ ပျော်ရွှင်စွာနေထိုင်ရမယ့် အခိုက်အတန့်တွေလား...? ဒါတွေအားလုံးကို ထင်ဟပ်စေနိုင်မယ့်ရုပ်ရှင်ကားကောင်းလေးတစ်ကားကတော့ Don't Make Me Go ဆိုတဲ့ Drama ကားလေးပါပဲ။ ပါဝင်တဲ့မင်းသားက John Cho ဖြစ်ပါတယ်။ ဒီမင်းသားကိုတော့ မြန်မာပရိသတ်တွေ သိပ်စိမ်းမယ်မထင်ပါဘူး။ ဇာတ်လမ်းသဘောကတော့ စင်ဂယ်ဖားသားတစ်ယောက်ဟာ ပြင်းထန်တဲ့ အကြိတ်ဝေဒနာကို ခံစားနေရပါတယ်။ သူ့သမီးလေးကလည်း ဆယ်ကျော်သက်အရွယ် နန့်နန့်ထိုးလို့ကောင်းတဲ့အချိန်ပေါ့။ သူခံစားနေရတဲ့ အကြိတ်ဝေဒနာဟာ ခွဲစိတ်ရင် အသက်ရှင်ခွင့် ၂၀ ရာခိုင်နှုန်းရှိပြီး မခွဲစိတ်ရင်တော့ ၁ နှစ်သာ ကျန်တော့လောက်အောင် ပြင်းထန်ပါတယ်။ အဲဒီတော့ အဖေတစ်ခုသမီးတစ်ခုဘဝမှာ သမီးရဲ့နောင်ရေးအတွက်ပူပန်ရင်း သမီးကို ငယ်ငယ်က စွန့်ပစ်သွားခဲ့တဲ့ မိခင်နဲ့ ဆုံစည်းပေးဖို့ ကြိုးစားပါတော့တယ်။ အမေလုပ်သူကို ရှာဖွေရင်း လမ်းတစ်လျှောက် သမီးလေးလိုအပ်မယ့်အရာတွေကို ကြိုးစားသင်ပြတဲ့ ဖခင်တစ်ယောက်ရဲ့ မေတ္တာတွေကို ခံစားရမှာပါ။ ဒရာမာကားကောင်းလေးတစ်ကားလို့ပြောရမှာဖြစ်ပြီး မထင်မှတ်ထားတဲ့ အချိုးအကွေ့ကိုလည်း ​​​မြင်ရပါမယ်။ ရုပ်ရှင်ကားလေးက ကြည်နူးစရာကောင်းလိုက်၊ အမြင်ကတ်လိုက်၊ အားကျလိုက်၊ ပြန်တွေးလိုက်နဲ့ ကုန်ဆုံးသွားရမယ့် ၂ နာရီ‌တောင်မပြည့်တဲ့ အချိန်လေးအတွင်းမှာ ရသမျိုးစုံကို ခံစားရမှာပါ။ ဒရာမာကားကောင်းလေးနဲ့ အတွေးနယ်ပယ်ထဲ လွင့်​မျောချင်ရင်တော့ Don't Make Me Go ကို အလွတ်မပေးဖို့ အကြံပြုချင်ပါတယ်။ (ဒီဇာတ်ကားနဲ့အညွှန်းကို Mugiwara Ya မှ ပြန်ဆို ရေးသားထားပါတယ်) Size - 2.3GB, 850MB Quality - 1080p, 720p IMDb Rating - 6.5/10 Format - mp4 Duration - 1H 49Min Genre - Drama Subtitle - Myanmar Subtitle (Hardsub) Translated by Mugiwara Ya Encoded by Y

ဂျီနာဟာ ရှေ့နေတစ်ယောက်နဲ့ အိမ်ထောင်ကျထားပြီး ရုံးအလုပ်နဲ့ အိမ်သန့်ရှင်းရေးကြားမှာပဲ နေ့ရက်တွေကို ငြီးငွေ့စွာ ဖြတ်သန်းနေရသူပါ။ သူ့အသက် ၅၀ ပြည့်မွေးနေ့မှာတော့ သူငယ်ချင်းတွေက လက်ဆောင်အဖြစ် ကောင်လေးတစ်ယောက်ကို အိမ်ဆီ ပို့ပေးလိုက်ကြတယ်။ ဝန်ဆောင်မှုအတွက် အချိန်နှစ်နာရီရပေမယ့် ဂျီနာကတော့ အိမ်သန့်ရှင်းရေးပဲ လုပ်ခိုင်းလိုက်ပါတယ်။ အဲဒီကောင်လေး သန့်ရှင်းရေးလုပ်ပေးတဲ့ပုံစံကို သဘောကျသွားရာကနေ ဂျီနာ့ဆီမှာ လုပ်ငန်းတစ်ခုစဖို့ အကြံရလာတယ်။ အမျိုးသမီးတွေအတွက် အမျိုးသားတွေက အိမ်သန့်ရှင်းရေးဝန်ဆောင်မှုပေးတဲ့ ကုမ္ပဏီတစ်ခု တည်ထောင်ဖို့ ဆုံးဖြတ်လိုက်တာပါ။ အသက် ၅၀ ရောက်မှ စလိုက်တဲ့ ဒီအလုပ်က သူ့အတွက် ဘဝလမ်းသစ်ဖြစ်လာမလား၊ ဘယ်လိုအခက်အခဲတွေ ကြုံရမလဲ၊ ဒါမှမဟုတ် ရှေ့နေခင်ပွန်းရဲ့ လောင်းရိပ်အောက်ကိုပဲ ပြန်ရောက်သွားမလားဆိုတာကို ဟာသတွေနဲ့ ရောပြီး ဆက်ပြထားပါတယ်။ ဆက်ဆံရေးတစ်ခုမှာ အမျိုးသမီးတွေလည်း သာယာမှုကို တောင်းဆိုပိုင်ခွင့်ရှိသလို ကိုယ့်အားကိုယ်ကိုးပြီး ဘဝသစ်ကို အချိန်မရွေး ရွေးချယ်နိုင်တယ်ဆိုတဲ့ အကြောင်းကို အသားပေးထားတယ်။ လူကြီးတွေအတွက် ရည်ရွယ်ထားတဲ့ ဇာတ်ကွက်နဲ့ အသုံးအနှုန်းတွေ ပါဝင်ပါတယ်။

ညစ်ပတ်ပြီး ကြမ်းတမ်းတဲ့ ဟာသ အက်ရှင် အမျိုးအစားဖြစ်လို့ မိသားစုနဲ့ အတူမကြည့်သင့်ပါဘူး။ ကောင်းတာတော့ အတော်ကောင်းပါတယ်။ ဟယ်ရီပေါ်တာ မင်းသားက ဒီလိုကားတွေနဲ့ အတော်အကျိုးပေးပုံပါပဲ။ ဒီကားမှာတော့ မိုင်လ် ဆိုတဲ့ ကောင်လေးတစ်ယောက်ပေါ့။ မိုင်လ်ဟာ ကုမ္ပဏီတစ်ခုမှာ ကွန်ပြူတာလေး တစ်လုံးနဲ့ အလုပ်လုပ်ရတဲ့ ကောင်လေး၊ လက်တွေ့ဘဝမှာဘယ်သူမှ အထင်မကြီးသလို၊ ဘာမှလည်း အရာမရောက်တဲ့ ကောင်လေးပါ။ ဒီလိုလူတွေရဲ့ ထုံးစံအတိုင်း အင်တာနက်ပေါ်မှာ ထရိုးလိုလို ဂိလိုလိုနဲ့ ဖောင်းထုပြီး ဖင်နာရှာရင်း ပျော်နေရတဲ့ သူပေါ့။ ဒါပေမယ့် သူဖောင်းထုတာ လူမှားသွားပါတယ်။ လူတွေကိုဖမ်းပြီး လူသတ်ပွဲတွေလုပ်ခိုင်းရင်း တိုက်ရိုက်ထုတ်လွှင့်တဲ့ ကောင်တွေကို သွားပြီး ဖောင်းထုမိတာပါပဲ။ ဟိုက တည်နေရာကိုရှာပြီး အိမ်အထိ လာရိုက်တဲ့ အခါမှ ခြေသလုံးဖက်တောင်းပန်ပေမယ့် မမှီတော့ပါဘူး။ ရလာဒ်ကတော့ လူသတ်ကစားပွဲထဲကို အသွင်းခံရပြီး၊ အတော်ဆုံး ကစားသမားနဲ့ အသက်လု ချရဖို့ ဖြစ်လာတော့တာပါပဲ။ ဒီလိုသောက်ပေါနဲ့ တကယ့် လူသတ်သမားအကြမ်းစားတို့ ပြေးကြလွှားကြ တိုက်ကြရင်း အဲဒီပွဲက အင်တာနက်မှာလူကြည့်အများဆုံးဖြစ်လာပြီး သူလည်း တစ်ရက်ထဲနဲ့ နာမည်ကျော်လာပါတော့တယ်။ ဒီလောက်ဆို ဆက်ကြည့်ချင်မယ်ထင်ပါတယ်၊ ဆက်မပြောပြတော့ဘူးနော်။ စကားလုံးရော ရိုက်ချက်တွေရော ကြမ်းလို့ အိမ်မှာ မိသားစုနဲ့ ကြည့်လို့မသင့်တာ သတိပေးပါရစေ။ File Size : ( 916 MB , 334 MB ) Quality : WEB-DL 720p Running Time : 1 hr 35 min Format : Mp4 Genre : Action , Comedy Subtitle : Myanmar Subtitle (Hard Sub) Translated by Little Neo Encoded by Moe Myint Lwin

အပိုင်း ၁၀ ပိုင်းသာထွက်ရှိထားတဲ ဒီစီးရီးလေးကို လူတိုင်းကြည့်ရှု့လို့ရအောင် အစအဆုံးတင်ပေးထားပါတယ်.. ဒီစီးရီးလေးကတော့ Rating 6.6 ရရှိထားပြီး တရုတ်ကဖန်တီးထားတဲ့ မျောက်မင်းအကြောင်းကို အသစ်တဖန်ပြန်လည်ရိုက်ကူးထားတာပဲဖြစ်ပါတယ်… မိစ္ဆာတွေကြီးစိုးလာတဲ့ အချိန်မှာ မျောက်မင်းကဒီမိစ္ဆာတွေလက်ထဲကို ကျမ်းစာတွေကိုမရအောင် ကမ္ဘာအရပ်ရပ်ကထောင့်စွန်းနေရာတွေမှာ ကျမ်းစာတွေကို တစ်နေရာစီ မြှပ်နှံခဲ့ပါတယ်… ဒါပေမယ့် မိစ္ဆာတွေအင်အားကြီးစိုးလာတဲ့အချိန်မှာတော့ ဒီကျမ်းစာတွေကို ပြန်ရှာပြီး မိစ္ဆာတွေကို ပြန်လည်နှိမ်နင်းဖို့အတွက် အကြောင်းဖန်လာပါတော့တယ်…. အဲအချိန်မှာ မျောက်မင်းဟာ ကျမ်းစာတွေကိုခိုးယူတယ်ဆိုပြီး ကောင်းကင်ဘုံရဲ့အပြစ်ပေးခြင်းကို နှစ်ပေါင်းများစွာခံနေရတဲ့အချိန်ဖြစ်ပါတယ်… ဒါကြောင့် မျောက်မင်းကိုလွှတ်ပေးဖို့အတွက် တစ်ယောက်တည်းသော လူတစ်ယောက်က သူရဲ့ကံကြမ္ပာရဲ့အလိုအရ အတားဆီးတွေကို ဖြတ်သန်းပြီး မျောက်မင်းအပြစ်ဒဏ်ခံနေရတဲနေရာဆီကိုသွားပါတော့တယ်… ဒီစီးရီးလေးဟာ အရင်ကကြည့်ခဲ့ဖူးတဲ့ Journey To The West တို့လို ပုံစံမျိုးဖြစ်ပြီးတော့ သြစတေးလျနဲ့နယူးဇီလန်တို့မှာ ရိုက်ကူးခဲပါတယ်…. Quality … 1080 WEB Running Time …. 24 Min Translator Arrow Team (MKN) AaN) Encoder …. Moe Myint Lwin Moe Myint Lwin