June Carryl ပါဝင်သော ဇာတ်ကားများ

Atropia (2025) IMDb Rating (5.8) / Rotten Tomatoes (41%) စစ်ပွဲနောက်ခံကို အခြေခံထားပေမဲ့ သာမန်အက်ရှင်ကားမျိုးမဟုတ်ဘဲ လူတွေရဲ့ စိတ်နေစိတ်ထားနဲ့ ဝေခွဲရခက်တဲ့ ကိုယ်ကျင့်တရားပိုင်းဆိုင်ရာတွေကို ဦးစားပေးရိုက်ကူးထားတဲ့ War Drama ကားကောင်းတစ်ကားပါ။ ဒီဇာတ်ကားဟာ ဒါရိုက်တာ Hailey Gates ရဲ့ ပွဲဦးထွက်လက်ရာဖြစ်ပြီး နာမည်ကြီးမင်းသမီး Alia Shawkat, မာဗယ်ရဲ့ Channing Tatum , Callum Turner တို့က ဦးဆောင်ပါဝင်ထားပါတယ်။ ဇာတ်လမ်းကတော့ အမေရိကန်စစ်တပ်က စစ်သားတွေကို အီရတ်ကို မလွှတ်ခင် လေ့ကျင့်ပေးဖို့အတွက် ဖန်တီးထားတဲ့ "Atropia" ဆိုတဲ့ စစ်ပွဲအတုဇာတ်လမ်းဆင်ထားတဲ့ လေ့ကျင့်ရေးကွင်းပြင်ကြီးထဲမှာ ရိုက်ကွင်းတည်ထားတာပါ။ ဒီနေရာမှာ စစ်သားတွေတင်မကဘဲ ရပ်ရွာလူထုအဖြစ် သရုပ်ဆောင်ရမယ့် သာမန်အရပ်သားတွေလည်း ပါဝင်တယ်။ ဇာတ်လိုက်ဖြစ်သူကတော့ ဒီလေ့ကျင့်ရေးမှာ "ဒေသခံအမျိုးသမီး" အဖြစ် သရုပ်ဆောင်ဖို့ ငှားရမ်းခံထားရတဲ့ အမျိုးသမီးတစ်ယောက်ပါ။ သူမဟာ စစ်ပွဲအတုကြီးထဲမှာ နေ့တိုင်း သေနတ်သံတွေ၊ပေါက်ကွဲသံတွေကြားမှာ သရုပ်ဆောင်နေရင်းနဲ့ တဖြည်းဖြည်းနဲ့ သူမရဲ့ သရုပ်ဆောင်ဘဝနဲ့ လက်တွေ့ဘဝကြားမှာ ဝေခွဲမရအောင် ဖြစ်လာပါတော့တယ်။ စစ်သားတွေရဲ့ ပြုမူပုံတွေ၊ စစ်ပွဲရဲ့အဓိပ္ပာယ်မဲ့မှုတွေကို သူမရဲ့ အမြင်ကနေတစ်ဆင့် ထေ့ငေါ့ပြီး ရိုက်ကူးထားတဲ့ (Unique/Indie) ဇာတ်လမ်းကောင်းတစ်ပုဒ်ပါ။ File size… (6 GB) / (1.8 GB) / (1.1 GB) Quality…. WEB-Rip 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:43:25 Subtitle…. Myanmar Subtitle (Hardsub)

Absolute Dominion (2025) 2044ခုနှစ်၊ ကမ္ဘာအနှံ့အပြားမှာ ဘာသာရေးပဋိပက္ခတွေကြောင့် အသေခံတိုက်ခိုက်မှုတွေနဲ့ ဖျက်ဆီးမှုတွေကနေ သေဆုံးသူအရေအတွက်က စံချိန်တင်မြင့်တက်လို့နေခဲ့ပါတယ်။ ဒီမှာပဲ အင်ဖလူယန်ဆာတစ်ယောက် စိတ်ကူးပေါက်သလိုထပြောလိုက်တဲ့ အကြွင်းမဲ့အာဏာတိုက်ပွဲဆိုတာကြီးက တကယ်ဖြစ်လာခဲ့တယ်။ ကိုယ့်ဘာသာတရားက ဖိုက်တာတွေကို သေချာလေ့ကျင့်ပေးပြီး အားကစားကွင်းကြီးထဲမှာ တစ်ယောက်ချင်းစီထိုးခိုင်း၊ အနိုင်ရတဲ့ဘာသာတရားက တစ်ကမ္ဘာလုံးကို ကိုယ့်စိတ်ကြိုက်အုပ်ချုပ်ခွင့်ရမဲ့ အကြွင်းမဲ့အာဏာတိုက်ပွဲဆိုတာကြီး တကယ်ပေါ်ပေါက်လာပါတော့တယ်။ ပြိုင်ပွဲဝင်တစ်ယောက်ဖြစ်တဲ့ ဆေဂန်ကတော့ လူ့ဝါဒနဲ့သိပ္ပံအဖွဲ့အစည်းကဖြစ်တာမို့ ဘယ်ဘာသာကိုမှ မကိုးကွယ်တဲ့အဖွဲ့အစည်းကဖြစ်ပေမဲ့ တစ်ယောက်ပြီးတစ်ယောက် အလဲထိုးအနိုင်ယူလာနိုင်ချိန်မှာတော့..။ (အညွှန်းနဲ့ဘာသာပြန်ကတော့ Pyae Phyo ဖြစ်ပါတယ်။) File size… (1.3 GB) / (610 MB) Quality…. WEB-Rip 1080p / 720p Format…. mp4 Genre…. Action, Sci-Fi Duration…. 01:41:20 Subtitle…. Myanmar Subtitle (Hardsub) Encoder…. Benjamin Translated by Pyae Phyo

Kemba (2024) ဒီဇာတ်လမ်းက Kemba Smith ရဲ့ တကယ့်ဖြစ်ရမှန်ဇာတ်လမ်းကို အခြေခံပြီးတော့ အမေရိကန်ရဲ့ တရားစီရင်ရေးစနစ်အတွင်း လူမျိုးရေးနဲ့ လူမှုရေးမညီမျှမှုတွေကို ထောက်ပြထားတဲ့ ဒရမ်မာဇာတ်ကားတစ်ကားပဲဖြစ်ပါတယ်။ Kemba ဆိုတဲ့ မိကောင်းဖခင် အမျိုးသမီးလေးက မှောင်ခို မူးယစ်ဆေးဝါးရောင်းဝယ်သမားဖြစ်တဲ့ Khalif နဲ့ ချစ်ကြိုက်မိပြီး သူ့ရဲ့ဘဝတစ်ခုလုံး ပျက်စီးသွားခဲ့ရတယ်။ Khalif ရဲ့ အကြမ်းဖက်မှု‌၊ စိတ်ဒဏ်ရာတွေပေးပြီး လှည့်စားခံရပေမဲ့ အချစ်ဆိုတဲ့ မိုက်မဲမှုအောက်မှာ Kemba မယုံထွက်နိုင်ဘဲ ဆက်နေဖိုအတွက် ဆုံးဖြတ်ချက်အမှားတွေလုပ်မိလာတယ်။ အကျိုးဆက်အနေနဲ့ Khalif အပစ်ခံရပြီး သေဆုံးသွားတာကြောင့် Kemba တစ်ယောက် သူ မကျူးလွန်ခဲ့တဲ့ Khalif ရဲ့ပြစ်မှုတွေအတွက် ထောင်ဒဏ် 24 နှစ်ခွဲ ပြစ်ဒဏ်ချမှတ်ခံခဲ့ရပါတယ်။ တရားမျှတမှုမရှိတဲ့ "အနိမ့်ဆုံးအပြစ်ဒဏ် သက်မှတ်မှု" ကတိကိုချိုးဖောက်ခဲ့တဲ့ အမေရိကန်အစိုးရရဲ့ လူမျိုးရေးဘက်လိုက်တဲ့ ဥပဒေစနစ်ကြီးကို Kemba တင်မကဘဲ Kemba ရဲ့ မိဘတွေ၊ NAACP Legal Defense Fund အဖွဲအစည်းက လူတွေနဲ့ Kemba လွတ်ငြိမ်းခွင့်ရဖို အားပေးထောက်ခံကြတဲ့ ပြည်သူပေါင်းများစွာရဲ့ ကြိုးစားမှုတွေနဲ့ သမ္မတ Clinton ဆီက Kemba ရဲ့ လွတ်ငြိမ်းခွင့်ကို ဘယ်လိုတိုက်ပွဲဝင်ကြမလဲဆိုတာကတော့ ဒီဇာတ်လမ်းထဲမှာ ဆက်လက်ကြည့်ရှုလိုရပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size… (1.5 GB) / (750 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:48:40 Subtitle…. Myanmar Subtitle (Hardsub) Encoder…. Benjamin Translated by Thwal Htoo Zin

Joker: Folie à Deux (2024) IMDb Rating (5.3) 2019 တုန်းက မင်းသားကြီးဝါကင်းဖီးနစ်ကို အော်စကာ ရစေခဲ့တဲ့ Joker ရုပ်ရှင်ရဲ့ နောက်ဆက်တွဲအဖြစ် ထွက်ရှိလာတဲ့ရုပ်ရှင်ဖြစ်ပါတယ်။ Folie à Deux ဆိုတာကတော့ ပြင်သစ်ဘာသာဖြစ်ပြီး "နှစ်ယောက်တွဲ ရူးသွပ်မှု" လို့ အဓိပ္ပါယ်ရပါတယ်။ ရူးသွပ်မှုတစ်ခုခုကို လူတစ်ယောက်ထက်ပိုပြီး ခံစားရတဲ့အခါ ဒီရောဂါ နာမည်ကို သုံးလေ့ရှိပါတယ်။ ဒီဂျိုကာရုပ်ရှင်ကတော့ DC ရဲ့ မူရင်း စကြဝဠာမှာ မပါပါဘူး။ "DC Elseworlds" လို့ခေါ်တဲ့ အခြားစကြဝဠာ တစ်ခုမှာ ဖြစ်ပျက်နေတာတွေကို ပြသထားတာ ဖြစ်ပါတယ်။ မူရင်းဒါရိုက်တာ Todd Phillips ပဲ ရိုက်ကူးထားပြီး ဟာလီကွင်း နေရာမှာတော့ လေဒီဂါဂါက ပါဝင်ထားပါတယ်။ ရုပ်ရှင်ကတော့ မှုခင်း ဆိုက်ကို ဒရာမာကိုမှ musical နဲ့ ရောထားတာပါ။ ဒါကြောင့် Greatest Showman တို့ Les Misérables တို့လို သီချင်းဆိုတာ ကတာတွေ ပါဝင်နေပါလိမ့်မယ်။ ဇာတ်လမ်းအကျဉ်း အာသာဖလက် ခေါ် ဂျိုကာဟာ လူ ငါးယောက်ကို သတ်မှုနဲ့ စွဲချက် တင်ခံထားရပါတယ်။ စိတ်ရောဂါအကျဉ်းထောင်ထဲမှာ တရားခွင်အတွက် စောင့်ဆိုင်းရင်း လီဆိုတဲ့မိန်းကလေးနဲ့ ချစ်မိသွားကြပါတယ်။ ဒီရုပ်ရှင်အစအဆုံးကတော့ တရားခွင်မှာ ဂျိုကာနဲ့ သူ့ကို သေဒဏ်ပေးချင်တဲ့ ရှေ့နေ ဟာဗေးဒန့်တို့ အပြန်အလှန် ချေပပုံတွေရယ် ဂျိုကာနဲ့ ဟာလီကွင်း ကြားထဲက စိတ္တဇအချစ်ရယ်ကိုပဲ ပုံဖော်ပေးထားပါတယ်။ စီးရီးသဘောအရ ဆိုရင် အဓိကဇာတ်လမ်းပါတဲ့အပိုင်းမဟုတ်ဘဲ အဖြည့်ခံအပိုင်းလောက်ပဲ ရှိတာမို့ အားပေးမှုနည်းပြီး rating နည်းနေတာလည်း ဖြစ်ပါလိမ့်မယ်။ ဇာတ်အိမ်ကြီးကျယ်မှုဆီ မသွားဘဲ ဖျော်ဖြေရေးသက်သက်သာ ဖန်တီး ထားတာမို့ ရိုက်ချက်တွေ သီချင်းတွေ ခံစားဖို့သက်သက်ပဲ ကြည့်တာ အကောင်းဆုံးပါပဲ။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(8.3 GB) / (2.9 GB) / (1.1 GB) Quality…WEB-DL 4K HEVC / 1080p HEVC / 720p Format…mkv / mp4 Duration….02:18:29 Genre ….. Crime , Drama , Musicl ,  Thriller Subtitle….Myanmar Subtitle (Hard Sub) Encoder….Benjamin, Ka Naung Translated by Mr.Anderson

ဒီတစ်ခါ CM ပရိတ်သတ်ကြီးတို့ကို တင်ဆက်ပေးမဲ့ကားလေးကတော့ ၂၀၅၀ခုနှစ်နောက်ပိုင်းတွေကို အခြေတည်တဲ့ အနာဂတ်စိတ်ကူးယဉ် သိပ္ပံရုပ်ရှင်ကားလေးပဲ ဖြစ်ပါတယ်။ အဲဒီခေတ် လေကနေတဆင့်ကူး စက်တဲ့ ချောင်းဆိုးသွေးပါရောဂါကပ်ကြီးကလည်း ပျံ့နှံ့နေပြီး သူဌေး တွေကတော့ အာကာသထဲကယာဉ်ပျံကြီးတွေပေါ်မှာ သီးသန့်နေကြ ပါတယ်။ အောက်ခြေကလူတွေကို ဓာတ်ရောင်ခြည်တွေသင့်စေပြီး ဂုတ်သွေး စုပ်အမြတ်ထုတ်နေတဲ့ သူဌေးတွေကို ပြန်တော်လှန်တဲ့အဖွဲ့ရယ်၊ အဲ အဖွဲ့က ငှားထားတဲ့ကြေးစားဟက်ကာ ဇာတ်လိုက်ရယ်၊ အာကာသ ထဲက ရွိုက်ကော့ပ်လုပ်ငန်းစုအကြီးအကဲရဲ့ဖွက်ထားတဲ့သမီး(မင်းသ မီး)တို့ရဲ့ ဇာတ်လမ်းကို ကြည့်ရှုခံစားရမှာဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.8 GB) / (586 MB) Quality............WEB-DL 1080p / 720p Duration.........1Hr 38Min Subtitle...........Myanmar Hardsub Format............MP4 Genre..............Sci-Fi Translator......Ngwe Zin Encoder..........SWM

Marvel's Helstrom 2020 - Season 1 IMDb Rating - 6.8/10 Marvel ရဲ့ Helstrom ကာရိုက်တာကို စီးရီးအဖြစ် ထွက်လာပါပြီ။ ကျွန်တော့်အမြင်ကတော့ သူက ကွန်စတန်တင်းနဲ့ ဆင်တယ်ပြောရမှာပါပဲ။ အပိုင်း၁ မှာတော့ ဒေမင် ဟဲစ်ထရွန် ဟာ ဘုန်းတော်ကြီးမဟုတ်တဲ့ နတ်ဆိုးနှင်ပေးတဲ့သူပါ။ သူ့မှာ အန်နာ ဟဲစ်ထရွန် ဆိုတဲ့ ညီမတစ်ယောက်ရှိပါတယ်။ နှစ်ယောက်လုံးမှာ ထူးဆန်းတဲ့ အစွမ်းတွေ ကိုယ်စီရှိပါတယ်။ သူတို့ရဲ့ အဖေက စိတ္တဇလူသတ်သမား တစ်ယောက်လို့သိရပြီး သူတို့အမေကတော့ ဒေမင်ရောအန်နာရော နှင်လို့မရတဲ့ နတ်ဆိုးတစ်ကောင် ပူးကပ်တာကို ခံထားရပါတယ်။ ထူးဆန်းတဲ့ မိစ္ဆာလိုလိုအစွမ်းတွေနဲ့ လူတွေကို ကူညီနေတဲ့ ဒေမင်ကို ဗာတီကန် ဘုရားကျောင်းက စိတ်မချတဲ့အတွက် သူတို့ရဲ့ အတော်ဆုံး သင်တန်းသူ သီလရှင် ဂေဘရီရယ်ကို တွဲဖက်အဖြစ် လွှတ်လိုက်ပြီး ဒေမင် နဲ့ ဂေဘရီရယ်တို့ နတ်ဆိုးတွေနဲ့ ရင်ဆိုင်ရတာကနေ အစပြု ထားပါတယ်။ စူပါနေထရယ် စတိုင် စူပါဟီးရိုးစီးရီးမို့ ကွန်စတန်တင်း အလွမ်းပြေ ကြည့်လို့ရအောင် တင်ပေးလိုက်ပါတယ်။ Translator - Littleneo, Yoon Sandi Aung, Nay Oo Lwin, Willy, TainHlwar, Zhang Yu Yan Quality - 720p Webrip Size - 400 Mb Genre - Supernatural, Action, Adventure Encoder - SWM

Wander Darkly (2020) IMDb Rating - 5.9/10 အိမ်ထောင်တစ်ခု တစ်အိုးတစ်အိမ် ထူထောင်ဖို့ဆိုတာ အချစ်တစ်ခုတည်းနဲ့ ပြီးပြည့်စုံတယ်ဆိုတာ မရှိပါဘူး..... တစ်ယောက်အပေါ် တစ်ယောက် ယုံကြည်မှု၊ နားလည်မှု၊ အပေးအယူညီမျှမှသာလျှင် အဆင်ပြေချောမွေ့နိုင်မှာပါ....... ဒီတစ်ခေါက်ဇာတ်ကားလေးကတော့ Adrienne နဲ့ Matteo တို့ စုံတွဲတစ်တွဲရဲ့ ဇာတ်လမ်းကို ရိုက်ကူးထားတဲ့ Drama ကားတစ်ကားပါ...... ဇာတ်လမ်းကတော့ Adrienne နဲ့ Matteo တို့ဟာ စိတ်တူကိုယ်တူမရှိ၊ တစ်ယောက်ကို တစ်ယောက် သံသယတွေနဲ့ အမြဲ တစ်ကျပ်ကျပ် ရန်ဖြစ်နေကြတဲ့အတွဲပါပဲ.....သူတို့မှာ သမီးလေးတစ်ယောက်လည်း ရှိပါတယ်။ တစ်ရက် ညဘက်အပြင် ထွက်ကြရင်း ယာဥ်တိုက်မှုတစ်ခုဖြစ်ကာ Adrienne ကသူ့ကိုယ်သူ သေသွားပြီလို့ ထင်မှတ်ပြီး Trauma ရသွားပါတော့တယ်။ အဲ့ထိအချိန်မှာ Matteo က Adrienne နေပြန်ကောင်းလာဖို့အတွက် အတိတ်ကအကြောင်းတွေကို ပြန်ပြောပြရင်း သူတို့ နှစ်ယောက်ဘာတွေ ဆက်ဖြစ်ကြမလဲ.....Adrienne ကရော တကယ်သေသွားတာလား Matteo တစ်ယောက် Adrienne နေပြန်ကောင်းလာအောင် ကူညီနိုင်မလားဆိုတာကို စိတ်ဝင်စားဖွယ်အပြည့်နဲ့ ဇာတ်လမ်းပြီးဆုံးတဲ့အထိ ခင်ဗျားတို့ကို ဆွဲခေါ် သွားမှာ အမှန်ပါပဲ....... (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Parris ပဲဖြစ်ပါတယ်။) Quality – 1080p, 720p BluRay Duration - 1h 37min Subtitle – Myanmar Hardsub Format – Mp4 Genre : Drama Source : 1080p.WebRip Translator – Parris Encoder – SWM

Under the Silver Lake (2018) IMDb Rating (6.5) ငွေရောင်ကန်ရဲ့ အောက်မှာတဲ့ ဇာတ်ကားနာမည်က လန့်စရာကြီး သတ်တော့မယ်..ဖြတ်တော့မယ်။ Crime, Drama ဆိုတော့ ခြောက်ခြားစရာဘာညာထင်ချင်စရာ... ဒါပေမယ့် မဟုတ်ပါဘူး။ ဒီ ၂၀၁၈ ထွက် Ultimate Spider-man မင်းသား Andrew Garfield ပါဝင်သရုပ်ဆောင်ထားတဲ့ Under the Silver Lake ဇာတ်ကားလေးက A24 က ထုတ်တဲ့ရုပ်ရှင်ဆိုတော့ သိသာထားလိုက်တော့။ ပုံမှန် Crime, Drama တွေနဲ့ပုံစံမတူဘဲ လူတော်တော်များများက Psycho(ဆိုက်ကို) ကားလို့ခေါ်ကြတဲ့ကားမျိုးဖြစ်နိုင်ပါတယ်။ နည်းနည်းလည်းကြောင်တောင်တောင်နိုင်သလိုပါပဲ။ ဒါပေမဲ့ ဒီဇာတ်လမ်းထဲကလို လူတိုင်းမြင်နေကြားနေတဲ့ သတင်းတွေ၊ သီချင်းတွေ၊ ရုပ်ရှင်တွေ၊ ကြော်ငြာတွေထဲမှာ လူတချို့ပဲသိနိုင်မယ့် ထူးခြားတဲ့ လျှို့ဝှက်သတင်းစကားတွေကို ထည့်သွင်းထားသလိုမျိုး ဒီဇာတ်ကားထဲမှာ တချို့လူတွေပဲ ခံစားနားလည်နိုင်မယ့်ခံစားမှုမျိုးတွေ သတင်းစကားတွေ အများကြီးပါနေတာတော့ အသေအချာပါပဲ။ ဒီဇာတ်လမ်းရဲ့ အဓိကဇာတ်ကောင် လူတိုင်းမြင်နေကြပေမယ့် လူတိုင်းမသိကြတဲ့လျှို့ဝှက်ချက်တွေကိုတော့ ကိုယ်တိုင်ရှာကြည့်ကြပါတော့။ လူသိပ်မသတ်ပေမယ့် ကြမ်းခန်းရမ်းခန်းနည်းနည်းပါတဲ့ R-rated ဇာတ်ကားဖြစ်တဲ့အတွက် မိသားစုနဲ့ကြည့်ဖို့မသင့်တော်ပါဘူး။ (ရုပ်ရှင်အညွှန်းနဲ့ဘာသာပြန်ကို  d3mon မှတင်ဆက်ထားပါတယ်။) File size…(1.8 GB)/(1 GB) Quality….BluRay 1080p /720p Format…mp4 Duration….02:19:22 Subtitle….Myanmar Subtitle(Hardsub) Encoder….Ka Naung Translated by d3mon

IMDb Rating - 6.7/10 ဒီတစ်ခေါက်မိတ်ဆက်ပေးချင်တဲ့ ဇာတ်ကားလေးကတော့ နိုဝင်ဘာလရဲ့ အချစ်ဇာတ်လမ်း Drama လေးပဲ ဖြစ်ပါတယ်။ ခွေးလေးတွေကို ချစ်တဲ့သူ၊ မိသားစုတွေနဲ့ အဆင်မပြေပြီး တစ်ယောက်ထဲဘဝကို ရူးရူးမိုက်မိုက်နဲ့ ပျော်ပျော်ရွှင်ရွှင်ဖြတ်သန်းနေတဲ့ ကင်ဆာရောဂါသည်မလေး ဆာရာ.... ဘဝကို ပြေးလမ်းတစ်ခုလို သဘောထားပြီး ဘဝကို အလုပ်ထဲမှာပဲ အချိန်ပြည့်နစ်မြှုပ်ထားတဲ့ နယ်လ်ဆင်...... သူ့ဘဝထဲ ဆာရာဆိုတဲ့ ရူးမိုက်မိုက်ကောင်မလေးဝင်ရောက်လာချိန်မှာတော့ ဘဝရဲ့အဓိပ္ပါယ်၊ ပျော်ရွှင်မှုတွေကို ဆာရာကြောင့် သိရှိခဲ့ရတယ်။ နယ်လ်ဆင်တစ်ယောက် အချစ်ကိုခံစားမိချိန် ဆာရာ့ကို လက်ထပ်ခွင့်တောင်းခဲ့ပါ တယ်။ နယ်လ်ဆင့်အချစ်ကို ဆာရာတစ်ယောက် လက်ခံပါ့မလား။ ဘယ်လိုဆက်ဖြစ်မလဲဆိုတာ ရင်ခုန်စိတ်လှုပ် ရှားစွာဖြင့် ကြည့်ရှုရမှာဖြစ်ပါတယ်။ Sweet November ဝတ္ထုကို 1968 ခုနှစ်က ဇာတ်ကားပြန်လည်ရိုက်ကူးထားပြီး Sweet November နာမည်နဲ့ မင်းသားက Anthony Newley နဲ့ မင်းသမီးက Sandy Dennis တို့ သရုပ်ဆောင်ခဲ့ပါတယ်။ 2001 ခုနှစ်မှာတော့ ထိုဇာတ်ကားကို Sweet November နာမည်နဲ့ပဲ မင်းသား Keanu Reeves နဲ့ မင်းသမီး Charlize Theron တို့ ပြန်လည်ရိုက်ကူးခဲ့တာပါ။ နိုဝင်ဘာလရဲ့အချစ်Drama လေးကို အိမ်တွင်းပုန်းကာလ တွင်း ဖီးလ်ကြရအောင်..... (ဒီဇာတ်လမ်းရဲ့ အညွှန်းနဲ့ဘာသာပြန်ရေးသားပေးသူကတော့ Parris ပဲဖြစ်ပါတယ်။) Quality – 1080p, 720p WebRip Duration - 1h 59min Subtitle – Myanmar Hardsub Format – Mp4 Genre : Drama, Romance Source : 1080p.WebRip Translator – Parris Encoder – SWM

ကားအက်ဆီးဒန့်နဲ့ သေဆုံးသွားတဲ့ ခရစ်စီဟာ မထင်မှတ်ပဲ ကောင်းကင်ဘုံကိုရောက်လာခဲ့ပါတယ်။ ဒါပေမယ့် ခရစ်စီဟာ လိုချင်တာအားလုံးကို မျက်လုံးမှိတ်ပြီးစိတ်ကူးယဉ်လိုက်ရုံနဲ့ ဘယ်အရာမဆိုရနေတဲ့ကောင်းကင်ဘုံကနေ အသက်ရှင်လျက်ကျန်ခဲ့တဲ့ သူ့မိန်းမအန်နီ့ကိုပဲ လွမ်းဆွတ်တမ်းတနေခဲ့ပါတယ်။ သိပ်မကြာခင်မှာပဲ သူ့မိန်းမကွယ်လွန်ပြီဆိုတဲ့သတင်းကို သိလိုက်ရတော့တယ်။ ဒါပေမယ့် ခရစ်စီလိုတော့ ကောင်းကင်ဘုံကို ရောက်မလာခဲ့ပါဘူး။ အထီးကျန်ပြီး စိတ်ဓာတ်ကျရောဂါခံစားနေခဲ့ရတဲ့ အန်နီတစ်ယောက် ကိုယ့်ကိုယ်ကိုသတ်သေခဲ့လို့ ငရဲမှာ ထာဝရနေထိုင်သွားရမှာဖြစ်တယ်။ ချစ်လှစွာသောမိန်းမကို လက်မလျော့တဲ့ခရစ်စီတစ်ယောက် ကောင်းကင်ဘုံကနေ ငရဲအထိ အန်နီ့ကိုလိုက်ရှာပါတော့တယ်။ မြင်မြင်ချင်းချစ်ခဲ့တဲ့ သူတို့နှစ်ယောက်ရဲ့ တစ်ဘဝစာအမှတ်တရတွေ၊ချစ်ခြင်းမေတ္တာတွေက လမ်းခရီးတစ်လျောက် ခရစ်စီကို အန်နီရှိရာ ငရဲဆီကိုခေါ်ဆောင်သွားနိုင်မလား၊ ခရစ်စီတစ်ယောက် အန်နီ့ကို ကောင်းကင်ဘုံကိုခေါ်လာဖို့အစီစဉ်အောင်မြင်ပါ့မလားဆိုတာကို အကယ်ဒမီဆုရှင် ရော်ဘင် ဝိလီယျံရဲ့ ရင်ထဲရောက်တဲ့ သရုပ်ဆောင်ချက်တွေနဲ့ ကြည့်ရှုရမှာဖြစ်ပါတယ်။ စိတ်မကောင်းစွာနဲ့ ခရစ်စီနေရာမှာသရုပ်ဆောင်ခဲ့တဲ့ မင်းသားကြီးရော်ဘင် ဝီလီယျံဟာ 2014ခုနှစ် အသက်63နှစ်မှာ စိတ်ကျရောဂါကြောင့် နေအိမ်မှာပဲကိုယ့်ကိုယ်ကိုယ်အဆုံးစီရင်ခဲ့ပါတယ်။ What Dreams May Come ထဲမှာတော့ ခရစ်စီကို ချစ်ခြင်းမေတ္တာအပေါ် အကြွင်းမဲ့ယုံကြည်ပြီး မိသားစုနဲ့မိန်းမကို ဘယ်တော့မှလက်မလျော့တဲ့ ခေါင်းမာတဲ့ခင်ပွန်းကောင်းတစ်ယောက်အဖြစ်မြင်တွေ့ရမှာဖြစ်ပါတယ်။ File size…(1.95GB)  / (1GBB) / (497MB) Quality…. Web 1080P / 720p / 480p Format…mp4 Duration….01:23:00 Genre... Drama / Romance / Fantasy Subtitle….Myanmar Subtitle (Hardsub) Encoder….Mr. Anderson Translated by Xiao