Kapil Dev ပါဝင်သော ဇာတ်ကားများ

မာယာဟာ ညဉ့်နက်ချိန် ကားမောင်းရင်း အိပ်ငိုက်လာပြီး သူ့အိမ်ဖော်ရဲ့သမီးကို ဝင်တိုက်မိသွားပါတယ်။ ဒါပေမယ့် သူက တာဝန်ယူဖြေရှင်းဖို့ မနေဘဲ အဲဒီနေရာကနေ ထွက်ပြေးသွားတယ်။ ဒီကားတိုက်ပြေးမှုကို မာယာတို့ကုမ္ပဏီမှာ အလုပ်သင်လုပ်နေတဲ့ သတင်းထောက်မလေးတစ်ယောက်က လိုက်စုံစမ်းနေပါတယ်။ သူကတော့ ကားတိုက်ပြီး ထွက်ပြေးသူဟာ မာယာဖြစ်နေမှန်း မသိသေးဘူး။ ငွေကြေးသုံးနိုင်သူတွေ အသာစီးရနေတဲ့ အခြေအနေမျိုးမှာ ဒီအမှုရဲ့အမှန်တရားကို ဖော်ထုတ်နိုင်ပါ့မလားဆိုတာကို ဒရာမာနဲ့ သည်းထိတ်ရင်ဖိုပုံစံ ရောစပ်ပြီး ဆက်ပြထားပါတယ်။

ရာဂျ်ရှရီနဲ့ ဆိုင်ရားတို့မှာ ကိုယ်စီလိုချင်တဲ့ အနာဂတ်တစ်ခု ရှိကြပါတယ်။ ရာဂျ်ရှရီက ဒေလီမြို့မှာ အားကစားအစီအစဉ်တင်ဆက်သူ ဖြစ်ချင်ပြီး အင်တာဗျူးဖြေရမယ့်အချိန်ကို စောင့်နေသူပါ။ ဒေလီမှာနေတဲ့ ဆိုင်ရားကတော့ သူ့ဒီဇိုင်းတွေကို နိုင်ငံတကာအထိ ရောက်စေချင်လို့ ခရီးသွားဖက်ရှင်ဗီဒီယိုတစ်ခု တင်ဆက်ဖို့ စိတ်ကူးထားပြီး လိုအပ်တဲ့ ရန်ပုံငွေရဖို့ စောင့်နေပါတယ်။ နှစ်ယောက်စလုံးဟာ ကိုယ်ခန္ဓာပြည့်ဖြိုးသူတွေဖြစ်ပြီး အိပ်မက်တွေဆီ လျှောက်လှမ်းရာမှာ ဘဝအခက်အခဲတွေအပြင် ရုပ်ရည်နဲ့ ခန္ဓာကိုယ်အပေါ် ကဲ့ရဲ့ထိုးနှက်မှုတွေကိုပါ ရင်ဆိုင်ရဦးမှာပါ။ ဒီစကားတွေကို သူတို့ ခံနိုင်ရည်ရှိပါ့မလား၊ ကိုယ်စီရဲ့အိပ်မက်တွေကိုရော အကောင်အထည်ဖော်နိုင်ပါ့မလားဆိုတာနဲ့ ဇာတ်လမ်းကို ဆက်ထားပါတယ်။ ဆိုနခ်ရှီးဆင်ဟားနဲ့ ဟူမာကူရေရှီးတို့ အဓိကပါဝင်ထားတဲ့ ဒီဇာတ်ကားက ခန္ဓာကိုယ်ပုံစံကြောင့် လူတစ်ယောက်ကို နှိမ်ချဆက်ဆံတာအကြောင်း တင်ပြထားပါတယ်။ ကိုယ့်ဖြစ်တည်မှုကို လက်ခံပြီး ကိုယ့်ဆန္ဒအတိုင်း ဘဝကိုလျှောက်လှမ်းဖို့လည်း တိုက်တွန်းထားပါတယ်။

၁၉၈၃ ခုနှစ်ဝန်းကျင်ကို နောက်ခံထားတဲ့ ဒီဘောလီးဝုဒ် ကရစ်ကတ်အားကစားဇာတ်ကားဟာ ဖြစ်ရပ်မှန်ကို အခြေခံထားပါတယ်။ လွတ်လပ်ရေးရပြီးနောက်မှာလည်း ဗြိတိသျှတွေရဲ့ မထီမဲ့မြင်ပြုမှုတွေကို ခံနေရဆဲဖြစ်တဲ့ အိန္ဒိယနိုင်ငံနဲ့ အားကစားလောကမှာ အထင်သေးလှောင်ပြောင်ခံနေရတဲ့ အသင်းရဲ့အခြေအနေကို ဖော်ပြထားပါတယ်။ ဒီလိုအခြေအနေမှာ ကရစ်ကတ်ကစားသမား ကတ်ပေးလ်ဒက်ဗ်က အိန္ဒိယအသင်းကို ကပ္ပတိန်အဖြစ် ဦးဆောင်ပြီး အင်္ဂလန်မှာ ကျင်းပမယ့် ကမ္ဘာ့ဖလားပြိုင်ပွဲကို သွားရောက်ယှဉ်ပြိုင်ဖို့ ဖြစ်လာပါတယ်။ ဇာတ်လမ်းက သူတို့အသင်း ပြိုင်ပွဲသွားရောက်ရင်း ကြုံရတဲ့ အခက်အခဲတွေနဲ့ အဲဒါတွေကို ကျော်ဖြတ်ဖို့ ကြိုးစားကြပုံကို လိုက်ပြထားပါတယ်။

ဒီတစ်ခါတော့ ဘောလီဝုဒ်ဖန်တွေ အတွက် ပေါ့ပေါ့ပါးပါးနဲ့ အချစ်ဟာသဇာတ်ကားကောင်းလေး တစ်ကား တင်ဆက်ပေးလိုက်ပါ။ သရုပ်ဆောင်တွေကလည်း ဒိတ်ဒိတ်ကြဲတွေဖြစ်တဲ့ ဆလ်မန်းခန်း, အက်ရှေးကူမားရ်နှင့် ပရီယန်းကချိုပရာတို့ပဲ ဖြစ်ပါတယ်။ ဇာတ်လမ်းလေးကတော့, မွေးရာပါဇာတာကြောင့် ဒေါသကြီးလွန်းတဲ့ စမီးရ်ဆိုတဲ့ ကောင်လေးဟာ သူ့ဒေါသကြောင့် ပြသနာပေါင်းစုံ တတ်ပြီး နောက်ဆုံးမှာတော့ သူစိတ်ဝင်စားတဲ့ကောင်မလေးနဲ့ပါ ဝေးခဲ့ရပါတယ်။ အသည်းတွေကွဲပြီး ဂိုအာမြို့ကို ပြောင်းရွှေ့သွားခဲ့တဲ့ စမီးရ်ဟာ ရာနီးဆိုတဲ့ ကောင်မလေးနဲ့တွေ့ဆုံပြီး စိတ်ဝင်စားခဲ့ပါတယ်။ ရာနီးနဲ့ နီးစပ်ဖို့ အမျိုးမျိုးကြိုးစားပေမယ့် သူလုပ်သမျှတလွဲတွေဖြစ် ပြသနာတွေတက်ကာ နီးဖို့ကြိုးစားလေ ပိုပိုဝေးလာလေလေ ဖြစ်နေပါတယ်။ ဒီထက်ပိုဆိုးတာကတော့ သူတို့နှစ်ယောက်ကြားကို စန်နီဆိုတဲ့ ပြိုင်ဖက်တစ်ယောက် ဝင်လာတဲ့ အခါမှာတော့ (ဇာတ်လမ်းအညွှန်းနဲ.ဘာသာပြန်သူကတော့ ကိုဇော်ထူးပဲဖြစ်ပါတယ်) File Size : 0.99 GB/600MB Quality : Bluray 720P Running Time : 2hr 43minutes Format : Mp4 Genre : Comedy,Romance Translator :  Zaw Htoo Encoder :Thanhtike Zaw