Kat Graham ပါဝင်သော ဇာတ်ကားများ

ဟောလိဝုဒ်နာမည်ကြီးထုတ်လုပ်သူ၊သရုပ်ဆောင်ဖြစ်တဲ့ တိုင်လာပယ်ရီကိုယ်တိုင် ဇာတ်ညွှန်းရေးရိုက်ကူးတဲ့နောက်ဆုံးထွက်မှုခင်းကားသစ်လေး လာပါပြီ။ ဒီကားရဲ့ဇာတ်အိမ်က အမေရိကန်နိုင်ငံမှာ ၂၀၂၀ခုနှစ်က ဟိုလေးတစ်ကျော်ကျော်ဖြစ်သွားတဲ့ လူဖြူရဲတစ်ဦးက အာဖရိကနွယ်ဖွားGeorge Flyodကို အလွန်အကျွံအင်အားသုံး သတ်ဖြတ်ခဲ့တဲ့ ဖြစ်ရပ်နဲ့ ပုံစံတူ‌နေတာကြောင့် George Flyod ဖြစ်ရပ်ကို စိတ်ဝင်စားရင် ကြည့်သင့်တယ့်ကားလေးဖြစ်ပါတယ်။ ဇာတ်လမ်းအညွှန်း ရှေ့နေတစ်ဦးဖြစ်တဲ့ မာလေဝဲလ်ဟာ လူဖြူရဲတစ်ဦးရဲ့ အသေပစ်ခတ်ခြင်းခံလိုက်ရတဲ့ သူငယ်ချင်းဖြစ်သူ ရော့နေးဘလက်ဘန်းအတွက် တရားမျှတမှု ယူပေးဖို့ကြိုးစားရင်း ငွေကြေးအခက်အခဲဖြစ်နေတဲ့ ရော့နေး ရဲ့ဇနီးသည်ဖဲလာအတွက်ပါ ကျေအေးငွေလုံလောက်အောင်ရရှိရေး အမှုလိုက်ပေးဖို့ ဖြစ်လာပါတယ်။ ရော့နေးဟာအပြေးလေ့ကျင့်နေတုန်း သံသယဖြစ်ဖွယ်သေနတ်ကိုင်ဆောင်ထားသူလို့ ရဲတိုင်ခြင်းခံလိုက်ရပြီး ရဲတစ်ဦးရဲ့အသေပစ်ခတ်ခြင်းခံလိုက်ရပါတယ်။မာလေဟာ ဒီအမှုကိုကွင်းဆင်းစစ်ဆေးရာမှာ တော့ ကိစ္စတွေဟာ ထင်သလောက်မရိုးရှင်းပဲတစ်ယောက်ယောက်ကကြိုးကိုင်နေတာ သိလိုက်ရပါတယ်။ ဒီလိုနဲ့ မာလေဟာ ဖုံးကွယ်ထားတဲ့ဖြစ်ရပ်မှန်ကိုရည်းစားဖြစ်သူနဲ့ လုပ်ဖော်ကိုင်ဖက်တွေဖြစ်သူရဲ့အကူအညီနဲ့ ဖော်ထုတ်ဖို့ကြိုးစားပါ တော့တယ်။ ဒီဖြစ်ရပ်ရဲ့နောက်ကွယ်မှာ ဘယ်သူတွေရှိနေမှာလဲ ဘာလို့ဒီလိုလုပ်ရတာလဲဆိုတာတော့.... IMDB Rating ကသိပ်အားရစရာမကောင်းပေမယ့် ၂၀၂၅ထွက်ဒီအသစ်စက်စက်မှုခင်းကားဟာ ကြည့်သင့်တဲ့ ကားတစ်ကားဖြစ်ပါတယ်။အမေရိကန်ခေတ်သစ်လူ့အဖွဲ့အစည်းရဲ့ ပြသာနာဖြစ်တဲ့ လူမှုရေးဖောက်ပြန်မှု‌ တွေကို မီးမောင်းထိုးပြထားပြီး သာမာန်လူတွေရဲ့လူမှုရေးပြသာနာကနေ နိုင်ငံရေး အထိပါလာရောက်ရိုက်ခတ်ပုံကို ရိုက်ပြထားပါတယ်။ ဒါအပြင်လူဖြူရဲတွေရဲ့ လူမည်းတွေအပေါ်အလွန်အကျွံအင်အားသုံးမှုတွေရဲ့သက်ရောက်မှုနဲ့ ဒီလုပ်ရပ်တွေရဲ့အကျိုးဆက်တွေဟာ မသမာသူတွေအတွက် ဘယ်လိုအသုံးချစရာဖြစ်လာလဲ ဒီကားမှာ ကြည့်ရပါလိမ့်မယ်။ File size… (1.4 GB) / (820 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre... Drama  Subtitle….Myanmar Subtitle (Hardsub) Encoder….Swan Min Htet Translated by Swan Yee Myo Thant

Love in the Villa (2022) အချစ်ဟာ ဆန်းကြယ်ပါတယ်။ နဖူးစာရွာလည်ဆိုသလိုမျိုးတစ်ခါတရံ ကမ္ဘာ့မြောက်ဘက်အခြမ်းကလူနဲ့ တောင်ဘက်အခြမ်းကလူလည်း ဆုံစည်းနိုင်တယ်။ ဒါပေမဲ့ ဆန်းကြယ်တဲ့အချစ်တွေမှာ ရှုပ်ထွေးခြင်းနဲ့ ခက်ခဲခြင်းတွေက နှောင့်ယှက်တတ်စမြဲပဲမဟုတ်လား။ ဒီ Love in the Villa ဆိုတဲ့ ဇာတ်ကားလေးမှာတော့ ကလေးတွေကိုစာသင်တဲ့ ဆရာမလေး ဂျူးလီဟာ ရိုမီရိုနဲ့ ဂျူးလိယက်ရဲ့ပင်တိုင်ပရိသတ်တစ်ယောက်၊ ရူးသွပ်လွန်းလို့ အီတလီနိုင်ငံအထိခြေဆန့်ပြီး ခရီးထွက်ချင်သူ။ တစ်နေ့ ခရီးထွက်ဖို့ စီစဥ်ပြီးချိန်မှာအတူမျှဝေလို့ရမယ့် ချစ်သူကလည်း အသင့်ရှိနေပါတယ်။ ခရီးမှာဘယ်တွေသွားမယ်၊ ဘယ်လိုသွားမယ်၊ ဘယ်လိုရိုမယ် သေချာစီစဉ်ထားတာပေါ့။ ကံဆိုးချင်တော့ ခရီးမထွက်ခင်လေးတင် ချစ်သူက ပြတ်စဲသွားတဲ့အခါအချစ်မြို့တော်ကိုသွားမယ့် ဂျူးလီတစ်ယောက် ကံဆိုးခြင်းများစွာကိုဆက်တိုက်ကြုံရင်း ငှားနေမယ့် အချစ်စံအိမ်လေးမှာ လွဲချော်မှုတစ်ခုကြောင့်ချာလီဆိုသူတစ်ဦးနဲ့ ဆုံကြတဲ့အခါ။ ဟာသလေးတွေ၊ အလွဲလေးတွေနဲ့ချစ်ကြည်နူးခြင်းတွေ အစရှိတာတွေအားလုံးကို ဒီကားထဲမှာ စောင်ကိုက်ရင်းကြည့်ရမှာ ဖြစ်ပါကြောင်းပြောရင်းတင်ဆက်လိုက်ပါရစေ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Mugiwara Ya ဖြစ်ပါတယ်) File Size..........(1.95 GB) / (850 MB) / (520 MB) Quality............WEB-DL 1080p / 720p / 480p Duration.........1Hr 54mins Subtitle...........Myanmar Hardsub Format............MP4 Genre..............Comedy, Romance Translator.......Mugiwara Ya Encoder..........SWM

ကလဲရ်ဆိုတဲ့ကောင်မလေးဟာ ငယ်စဉ်က အိမ်ရှင်ရဲ့ပေါ့ဆမှုကြောင့် တစ်မိသားစုလုံးမီးလောင်သေဆုံးခဲ့တဲ့အဖြစ်ကိုအခုချိန်ထိမမေ့နိုင် သေးတဲ့သူပါ။ လက်ရှိအချိန်မှာတော့ ဆောက်လုပ်ရေးလုပ်ငန်းရှင် စကော့ရဲ့ လက်အောက်မှာလက်ထောက်အဖြစ်အလုပ်လုပ်နေပြီး ရည်မှန်းချက်လည်းကြီးကြီးမားမားရှိထားပါတယ်။သူတို့နေထိုင်ရာ မြို့ကိုအပူလှိုင်းရိုက်ခတ်နေပြီးမခံနိုင်လောက်အောင်ဖြစ်လာတဲ့အ ခါမှာ သူငယ်ချင်းဖြစ်သူအလုပ်လုပ်နေတဲ့ ကွန်ဒိုတစ်ခုက ရေကူးကန် မှာခိုးပြီးသွားအပန်းဖြေလေ့ရှိပါတယ်။ တစ်နေ့တော့ အဲ့ဒီရေကူးကန် ဘေးမှာ အိဗ်ဆိုတဲ့မိန်းမလှလေးတစ်ယောက်နဲ့ဆုံတွေ့ရာကနေချစ် ဇာတ်လမ်းစခဲ့ကြပါတယ်။ သူ့အလုပ်ရှင် စကော့က အိမ်ကိုညစာဖိတ်ကျွေးတဲ့ညတစ်ညမှာတော့ သူ့ချစ်သူအိဗ်နဲ့အလုပ်ရှင်ရဲ့ဇနီးဂျနဗီးတို့ဟာ တစ်ဦးတည်းဖြစ်တယ်ဆို တာသိသွားတဲ့နောက် သူ့ဘက်က အိဗ်ကို အဆက်ဖြတ်ဖို့ကြိုးစားပေမယ့် မအောင်မြင်ခဲ့ပါဘူး။ အဲ့ဒီလိုရှုပ်ထွေးနေတဲ့အခြေအနေတွေကြားမှာမှ စကော့တစ်ယောက် ရုံးကနေဒေါသူပုန်ထအိမ်ပြန်သွားတဲ့နေ့ကစပြီး ပျောက်ကွယ်နေတဲ့အတွက် စုံစမ်းစစ်ဆေးမှုတွေရှိလာပြီး အခြေအနေ တွေက သူ့ကိုပဲ တရားခံအဖြစ်ညွှန်ပြနေတဲ့အခါမှာတော့ ကလဲရ်တစ် ယောက်သူ့မှာအပြစ်မရှိဘူးဆိုတာသက်သေပြနိုင်ဖို့ ပြေးရင်းလွှားရင်း စုံစမ်းရပါတော့တယ်။ Thriller ကြိုက်ပရိသတ်တွေအတွက် ဇာတ်ကား ကောင်းတစ်ကားပါ။ plot hole တစ်ချို့ရှိနေပေမယ့် သရုပ်ဆောင်တွေရဲ့ သေသပ်မှုနဲ့တင်ဆက်ပုံတို့ကြောင့် လှည့်ကွက်တွေနဲ့အဆုံးထိဆွဲခေါ်သွား မယ့် ဇာတ်ကားပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size..........(1.1 GB) / (570 MB) Quality............WEB-DL 1080p / 720p Duration.........1Hr 40Min Subtitle...........Myanmar Hardsub Format............MP4 Genre..............Thriller Translator.......Alias Encoder..........SWM

လိပ်နင်ဂျာညီအစ်ကိုလေးဦးက Shredder ကို နှိမ်နင်းပြီး နှစ်နှစ်အကြာမှာ ဇာတ်လမ်းကို ဆက်ထားပါတယ်။ အနာဂတ်ကနေ ပြန်ရောက်လာတဲ့ Casay Jones နဲ့ ပူးပေါင်းပြီး အစွမ်းထက်တဲ့ Krang ဂြိုဟ်သားတွေကို တားဆီးဖို့ ကြိုးစားကြရတယ်။ ဒီအန်နီမေးရှင်းရုပ်ရှင်က ၂၀၁၈ ခုနှစ်မှာ စတင်ခဲ့တဲ့ Nickelodeon ရဲ့ ပြန်လည်ဆန်းသစ်ထားသော တီဗီစီးရီးအဆက်ပါ။ ဒီဗားရှင်းမှာ မိသားစုအတွင်း ဆက်ဆံရေးနဲ့ ဇာတ်ကောင်တချို့ရဲ့ ပုံစံကို ပြောင်းလဲထားပြီး Leo က အစ်ကိုအကြီးဆုံး မဟုတ်တော့ဘဲ Ralph က အကြီးဆုံးဖြစ်နေပါတယ်။ ပေါ့ပါးတဲ့ အန်နီမေးရှင်းပုံစံနဲ့ အက်ရှင်ခန်းတွေကြားမှာ ညီအစ်ကိုတွေရဲ့ ဆက်ဆံရေးကိုပါ တွဲဖော်ပြထားပါတယ်။

ခရစ္စမတ်အငွေ့အသက်တွေပါတဲ့ ကြည်နူးစရာအချစ်ဇာတ်လမ်းလေးတစ်ပုဒ်ကို The Knight Before Christma (2019) မှာမြင်တွေ့ရမှာပါ။ အချစ်ဟာသဇာတ်မြူးလေးဖြစ်ပြီး IMDb Rating 5.6 ရရှိထားပါတယ်။ ဆရာမလေး ဘရွတ်ဝင်းတားတစ်ယောက် နတ်သမီးပုံပြင်တွေထဲကလို မြင်းစီးလာတဲ့ တောက်ပနေတဲ့ချပ်ဝတ်တန်ဆာတွေနဲ့ မင်းသားလေးကိုမတွေ့ဘဲ ၁၄ရာစုက သူရဲကောင်းတစ်ယောက်ကို ၂၀၁၉ မှာ ကားနဲ့ဝင်တိုက်မိပါတယ်။ သူ့ကားနဲ့တိုက်မိလို့ အတိတ်မေ့သွားတယ်လို့ ယူဆပြီး အိမ်မှာ ခဏတည်းစေပါတယ်။ ခရစ္စမတ်ပွဲအတွက် ပြင်ဆင်ရင်း သူတို့နှစ်ဦးကြားမှာ စိတ်ကူးယဉ်ဆန်ဆန်အချစ်ဇာတ်လမ်းတွေဖြစ်သွားတာကို ဟာသနှောပြီး မြင်တွေ့ရမှာပါ။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ May Tharaphi Lwin ပါ) File Size : (750 MB ) Quality : NF WEB-DL 720p Running Time : 1hr 32min Format : Mp4 Genre : Adventure, Comedy, Drama Subtitle : Myanmar Subtitle (Hard Sub) Source : 720p.NF.WEB-DL.DDP5.1.H.264-TOMMY Translated by May Tharaphi Lwin Encoded by Thanhtike Zaw

The Poison Rose(2019) "ကျွန်တော်က PI တစ်ယောက်ပါ" တဲ့ ပြောလိုက်တဲ့သူကို ကြည့်လိုက်တော့ အရက်ပုလင်း တစ်ပုလင်းကိုကိုင်ထားတယ်. .. အလွတ်စုံထောက်ဆိုတဲ့အတိုင်း သူ့ကို သတ်ချင်နေတဲ့ လူဆိုးတွေလည်း ရှိတာပေါ့..... . လိုက်သတ်နေတဲ့လူတွေဆီကနေ ထွက်ပြေးရင် သူ့ကြောင်ကြီးကို လှောင်အိမ်ထဲထည့်ပြီး မ ပြေးတတ်တယ်..... သူ့နာမည်က ကာဆင်ဖီးလစ်တဲ့ သူဟာ တစ်ချိန်က တက္ကဆက်မြို့ရဲ့ နာမည်ကျော် American Football ကစားသမား... အကြောင်းတစ်ခုကြောင့် သူ ကစားသမားဘဝကို အဆုံးသတ်လိုက်ရတဲ့အချိန်မှာတော့ သူဟာ တက္ကဆက်မြို့ကို ကျောခိုင်းခဲ့တယ်... သို့သော်လည်း အလွတ်စုံထောက်တစ်ဦးဖြစ်တဲ့သူ့ကို လူပျောက်အမှုတစ်ခုအတွက် ငှားယမ်းလိုက်တဲ့သူ ရောက်ရှိလာပြီး သူ့ရဲ့ တက္ကဆက်ပြည်နယ်လေးကို ပြန်လာရဖို့ ဖြစ်လာခဲ့ပါတယ်...... တကယ်တမ်းအမှုလိုက်တဲ့အခါမှာတော့ လူပျောက်အမှုဆိုတာထက် ပိုပြီးနက်နဲတဲ့ မှုခင်းကွင်းဆက်တွေကို တွေ့ရှိလာရာမှာတော့.. မင်းသားကြီး John Travolta နဲ့ Morgan Freeman တို့ ပါဝင်ထားပါတယ်..... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်.... File Size : (900 MB) and (353 MB) Quality : WEBDL 720p, Format…mp4 Duration…01:33:00 Genre :  Thriller Subtitle : Myanmar Subtitle (Hard Sub) Translated by Paing Encoded by Phyo Pyae

ဒီတစ်ခေါက်တော့ CM ပရိသတ်ကြီးအတွက် Netflix ကတင်ဆက်ပေးလိုက်တဲ့ Sci-Fi ကားကောင်းလေးတစ်ကားကိုတင်ဆက်ပေးလိုက်ပါတယ်။ ဇာတ်လမ်းလေးနာမည်ကတော့ How it ends (2018)ပါ။ ဒီဇာတ်လမ်းလေးဟာ သဲထိတ်ရင်ဖိုကားတွေကိုမျှော်လင့်နေတဲ့ ပရိသတ်ကြီးအတွက်တော့ အရမ်းကိုအကြိုက်တွေ့စေမယ့်ကားလေးပါ။ နာမည်ကျော်မင်းသားကြီး Forest Whitakerရဲ့သဘာဝကျကျသရုပ်ဆောင်မှုတွေရယ်၊ ထူးဆန်းတဲ့ဇာတ်လမ်းကျောရိုးရယ် ကြောင့်ဇာတ်လမ်းအဆုံးအထိဆွဲခေါ်သွားနိုင်မှာမလွဲမသွေပါပဲ။ ဒီဇာတ်လမ်းလေးရဲ့အကျဉ်းကတော့.... ဥပဒေအကျိုးတော်ဆောင်ဖြစ်တဲ့ ဝီလ်တစ်ယောက် သူနဲ့ဆက်ဆံရေးသိပ်မပြေလည်လှတဲ့ ယောက္ခမလောင်းဖြစ်သူ တွမ်ဆီကို သမီးတောင်းဖို့ တစ်ကိုယ်တည်းခရီးထွက်လာခဲ့ပါတော့တယ်။ ယောက္ခမလောင်းမိသားစုနဲ့ အဆင်မပြေဖြစ်ပြီး အိမ်ကိုပြန်အလာမှာ ထူးဆန်းတာတွေဖြစ်ပေါ်လာခဲ့ပါတော့တယ်။ သူ့ကောင်မလေးဖြစ်သူဆမ်နေထိုင်ရာဆီးယက်တဲလ်မှာတစ်ခုခုတော့ဖြစ်နေပြီလို့သိကာ အပြေးအလွှားပြန်ပေမယ့် လျှပ်စစ်ဓာတ်အားလိုင်းတွေပြတ်တောက် ဆက်သွယ်ရေးလိုင်းတွေပြတ်တောက်ကာ လေယာဉ်တွေလဲမထွက်တော့ပါဘူး။ အဲ့ဒီအခါမှာသူ့နဲ့ဆက်ဆံရေးမပြေလည်တဲ့စစ်သားဟောင်းယောက္ခမဖြစ်သူနဲ့ သူ့ကောင်မလေးဆီကိုခရီးနှင်ပါတော့တယ်... အစစအရာရာပြတ်တောက်သွားတဲ့အခြေအနေတစ်ခုမှာ သူတို့နှစ်ယောက်ရောအောင်မြင်ပါ့မလား? ဒီလိုရုတ်တရက်ဖြစ်လာတာတွေကဘာကြောင့်လဲ? မိုင်ပေါင်းထောင်သောင်းချီတဲ့ခရီးလမ်းတစ်ခုမှာဘာတွေတွေ့ကြုံရဦးမှာလဲ? စတဲ့မေးခွန်းပေါင်းများစွာနဲ့ဇာတ်လမ်းအဆုံးထိဆွဲခေါ်သွားနိုင်မယ့်ဇာတ်လမ်းလေးပါလို့ပဲညွှန်းလိုက်ပါရစေ။ (ဇာတ်လမ်းအညွှန်း နဲ့ ဘာသာပြန်သူကတော့ Aye Mon Kyaw ပါ) File Size : (860 MB) and (380 MB) Quality : WEBRip 720p Running Time : 1hr 53min Format : Mp4 Genre : Action, Adventure, Sci-Fi Subtitle : Myanmar Subtitle (Hard Sub) Source : 720p.WEBRip.XviD.AC3-FGT Translated by Aye Mon Kyaw Encoded by Thanhtike Zaw

အခုတစ်ခေါက်တင်ဆက်ပေးမယ့်ကားလေးကတော့ IMDb 5.8 နဲ့ Rotten Tomatoes 18% ရရှိထားတဲ့ကားလေးဘဲဖြစ်ပါတယ်။ ဇာတ်လမ်းကတော့ တူးပက်ဆိုတဲ့ ရက်ပ်ပါတစ်ယောက်ရဲ့ Biographyကို အခြေပြုထားတာဖြစ်ပါတယ်။ ဇာတ်လမ်းအကျဉ်းချုပ်ကတော့ လူမဲလူမျိုုးတွေကို အသားရောင်ခွဲခြားခံနေခဲ့ရတဲ့ အမေရိကန်ပြည်ထောင်စုမှာ တူးပက်ဆိုတဲ့ မြေအောက်ဟစ်ဟော့လောကကတက်လာခဲ့တဲ့ Rapperတစ်ယောက်ဟာ သူ့ရဲ့စာသားတွေနဲ့ လူမဲလူမျိုးတွေအတွက် အမှန်တရားတွေကို သီချင်းလုပ်ပြီးဆိုခဲ့တာကြောင့် အစိုးရဘက်ကလူတွေက အမြင်မကြည်ပါဘူး။ ထို့နောက်မှာတော့ သူနဲ့အတူ အလုပ်တွဲလုပ်ခဲ့တဲ့ သူငယ်ချင်းက သူ့ကိုဇာတ်လမ်းဆင်ပြီး ထောင်ထဲရောက်အောင်လုပ်လိုက်ချိန်မှာတော့ တူးပက်တစ်ယောက် ဘာတွေဆက်ဖြစ်သလဲ ဘယ်လိုတုန့်ပြန်မလဲဆိုတာကတော့...... (ဇာတ်လမ်းအညွှန်းနဲ့ ဘာသာပြန်ပေးထားသူကတော့ Zaya Phyoe  ဖြစ်ပါတယ်) File Size : (1.1 GB) Quality : Blu-Ray 720p Running Time : 2hr 19min Format : Mp4 Genre : Biography, Drama, Music Subtitle : Myanmar Subtitle (Hard Sub) Source : REPACK.720p.BluRay.x264-GECKOS Translated by Zaya Phyoe Encoded by Thanhtike Zaw

ဒဲလ်က တစ်နေ့တစ်နေ့ ရပ်ကွက်ထဲမှာ သူငယ်ချင်းဂျု့စ်နဲ့ ပေါက်ကရလုပ်လိုက်၊ သူငယ်ချင်းမလေးကို ပိုးပန်းလိုက်နဲ့ ပေါ့ပေါ့ပါးပါး နေတတ်တဲ့လူငယ်တစ်ယောက်ပါ။ တစ်နေ့ သူတို့ရဲ့ အားကစားရုံကို ဘဏ်က သိမ်းတော့မယ်ဆိုတာ သိလိုက်ရတဲ့အခါမှာတော့ စိတ်ညစ်ရပါတော့တယ်။ အဲဒီအချိန်မှာ ဘဏ်ဓားပြတိုက်မှုနဲ့ အဖမ်းခံထားရတဲ့ သူ့အဖေက ဖွက်ထားတဲ့ပိုက်ဆံတွေ ဘယ်မှာရှိတယ်ဆိုတာ ပြောပြလာတယ်။ ဒဲလ်လည်း အဲဒီငွေတွေကို လိုက်ရှာဖို့ ဖြစ်လာပါတယ်။ ပိုက်ဆံတွေက တကယ်ရှိရဲ့လား၊ ရှာတွေ့ပြီး အဆင်ပြေသွားမလား၊ ဒါမှမဟုတ် အဖေ့လိုပဲ ထောင်ထဲရောက်သွားမလားဆိုတဲ့ အဖြစ်တွေကို ဟာသနဲ့ ဆက်ပြထားပါတယ်။

အများအမြင်မှာ ဇိုဝီရဲ့ဘဝက ပြည့်စုံနေပါတယ်။ သူကိုယ်တိုင်က အောင်မြင်တဲ့ စီးပွားရေးလုပ်ငန်းရှင်တစ်ယောက်ဖြစ်ပြီး ဗိသုကာပညာရှင် ခင်ပွန်းနဲ့လည်း ချစ်ခင်ကြတဲ့ ငယ်လင်ငယ်မယားတွေပါ။ သားတစ်ယောက်၊ သမီးတစ်ယောက်လည်း ရှိကြတယ်။ ဒါပေမယ့် ဇိုဝီမှာ လိင်မှုကိစ္စကို အလွန်အမင်း စွဲလမ်းနေတဲ့ ဝေဒနာရှိပါတယ်။ ခင်ပွန်းနဲ့တင် သူ့ဆန္ဒတွေ မပြည့်ဝနိုင်ဘဲ အပြင်မှာ အပျော်ရှာမိရာက မိသားစုဘဝကိုပါ ထိခိုက်လာတော့တယ်။ သူ့ဘဝကို ထိခိုက်နေတဲ့ ဒီစွဲလမ်းမှုကနေ ဇိုဝီ ရုန်းထွက်နိုင်ပါ့မလား။

နာမည်ကြီး သွေးစုပ်ဖုတ်ကောင်စီးရီးဖြစ်တဲ့ The Vampire Diaries ကို App Only ( Exclusive ) အနေနဲ့တင်ဆက်ပေးလိုက်ရပါတယ် L.J. Smith ရဲ့ ဝတ္ထုစီးရီးကို ပဲ့ကိုင်ရှင်တွေဖြစ်တဲ့ Kevin Williamson နဲ့ Julie Plec တို့ကနေ ပရိသတ်တွေရဲ့ နှလုံးသားကို ၈ နှစ်ကြာ သိမ်းပိုက်နိုင်ခဲ့တဲ့ Masterpiece တစ်ခုအဖြစ် ပုံဖော်ခဲ့ပါတယ်။ ဒီကားမှာတော့ အဓိကဇာတ်ဆောင်တွေအဖြစ် Nina Dobrev၊ Paul Wesley နဲ့ Ian Somerhalder တို့ကနေပြီး အချစ်၊ အမုန်း၊ နာကျင်မှုတွေနဲ့ ရောယှက်နေတဲ့ သုံးပွင့်ဆိုင်ဇာတ်လမ်းကို အသက်ဝင်အောင် သရုပ်ဆောင်ထားပါတယ် ဇာတ်လမ်းအစမှာတော့ အယ်လီနာဂေးလ်ဘတ်ဟာ မိဘနှစ်ပါးကို ကားမတော်တဆမှုတစ်ခုမှာ ဆုံးရှုံးလိုက်ရပြီးနောက်မှာ သူ့ရဲ့မောင်ဖြစ်သူ ဂျယ်ရမီနဲ့အတူ ဝမ်းနည်းပူဆွေးမှုတွေကြားမှာ ရှင်သန်နေရတဲ့ သာမန်ကျောင်းသူလေးတစ်ယောက်ပါ ဒါပေမဲ့ ကံကြမ္မာက သူမရဲ့ ငြီးငွေ့ဖွယ်ဘဝထဲကို လျှို့ဝှက်ဆန်းကြယ်တဲ့ ကျောင်းသားသစ် စတက်ဖန်ဆယ်လ်ဗာတိုးကို ပို့ဆောင်ပေးလိုက်တဲ့အခါမှာတော့ အရာအားလုံးက ပြောင်းလဲသွားပါတော့တယ်..စတက်ဖန်ရဲ့ နက်နဲတဲ့အကြည့်တွေ လျှို့ဝှက်ချက်များစွာနဲ့ ပြည့်နှက်နေတဲ့ အပြုအမူတွေက အယ်လီနာ့ရဲ့ နှလုံးသားကို လှုပ်ခတ်စေခဲ့ပါတယ် ဒါပေမဲ့ သူမမသိခဲ့တာကတော့ စတက်ဖန်ဟာ ရာစုနှစ်တစ်ခုကျော်တိုင်အောင် အသက်ရှင်နေခဲ့တဲ့ သွေးစုပ်ဖုတ်ကောင်တစ်ယောက် ဖြစ်နေတယ်ဆိုတာပါပဲ သူတို့နှစ်ယောက်ရဲ့ အချစ်ဇာတ်လမ်းလေး အစပျိုးခါစမှာပဲ စတက်ဖန်ရဲ့ အစ်ကိုဖြစ်သူ၊ ရက်စက်ပြီး ဆွဲဆောင်မှုရှိတဲ့ ဒေးမွန်ဆယ်လ်ဗာတိုး ရောက်ရှိလာပါတယ်.. ဒေးမွန်ဟာ စတက်ဖန်နဲ့ ဆန့်ကျင်ဘက်စရိုက်ရှိပြီး သူတို့ညီအစ်ကိုနှစ်ယောက်လုံးဟာ လွန်ခဲ့တဲ့ ရာစုနှစ်တစ်ခုက သူတို့နှစ်ယောက်လုံး ချစ်ခဲ့ရတဲ့ ကက်သရင်းဆိုတဲ့ မိန်းကလေးတစ်ယောက်ကြောင့် ထာဝရ ရန်သူတွေ ဖြစ်ခဲ့ကြပါတယ်.. အခုတော့ အယ်လီနာ့ရဲ့ ရုပ်သွင်က ကက်သရင်းနဲ့ တစ်ပုံစံတည်း တူညီနေချိန်မှာ ညီအစ်ကိုနှစ်ယောက်ကြားက သူတို့ရဲ့ရန်ငြိုးတွေဟာ အယ်လီနာ့ကို ဗဟိုပြုပြီး ပြန်လည်နိုးထလာပါတော့တယ် ဒီဇာတ်လမ်းဟာ သာမန်သုံးပွင့်ဆိုင် အချစ်ဇာတ်လမ်းတစ်ခုမဟုတ်ဘဲ၊ သွေးစုပ်ဖုတ်ကောင်တွေ၊ စုန်းကဝေတွေ၊ သွေးစပ်ဝံပုလွေတွေနဲ့ ပြည့်နှက်နေတဲ့ Mystic Falls မြို့ငယ်လေးရဲ့ လျှို့ဝှက်ချက်တွေကို ဖော်ထုတ်ရင်း အန္တရာယ်တွေကြားကနေ သူတို့ရဲ့ အချစ်၊ မိသားစုနဲ့ သူငယ်ချင်းတွေကို ကာကွယ်ဖို့ ကြိုးစားကြရမယ့် သည်းထိတ်ရင်ဖို ခရီးရှည်ကြီးတစ်ခုပါပဲ Main Lead သုံးယောက်ရဲ့ အချိတ်အဆက်မိလွန်းတဲ့ သရုပ်ဆောင်မှုတွေ၊ ကြည့်ရှုသူကို တစ်ပိုင်းပြီးတစ်ပိုင်း ဆက်ကြည့်ချင်အောင် ဆွဲခေါ်သွားနိုင်တဲ့ ဇာတ်အိမ်ခိုင်မာမှုတွေကြောင့် Western Series ကြည့်ဖူးသူတိုင်းရဲ့ ထိပ်ဆုံးက ညွှန်းဆိုခြင်းခံရတဲ့ ဇာတ်လမ်းတွဲဖြစ်ကြောင်း အာမခံလိုက်ရပါတယ် Quality : Bluray 1080p, 720p  Total Season : 8 Total Episodes : 171 Format : mp4 Genres : Drama, Sci-Fi & Fantasy Runtime : 45 min Subtitle : Myanmar Subtitle ( Hardsub )

ဒီဇာတ်ကားလေးကိုတော့ အတော်လေးသဘောကျမိပါတယ်..ပေါ့ပေါ့ပါးပါးရိုက်ကူးထားပြီးကြည့်ရှုသူရဲ့ ရင်ထဲမှာလည်း စိတ်လက်ပေါ့ပါးသွားစေမယ့်ဇာတ်ကားမျိုးလေးပါ..တစ်နေ့တာအတွက်စိတ်ပင်ပန်းသူတွေ စိတ်အပန်းဖြေ အပျင်းပြေ ကြည့်ဖို့အတွက် အထူးသင့်တော်တဲ့ကားလေးတစ်ကားဖြစ်ပါတယ်... မင်းသား Zac Efron နဲ့ Friends စီးရီးထဲက ချန်ဒလာဘင်း တဖြစ်လဲ Matthew Perry , Eurotrip မင်းသမီး Michelle Trachtenberg,The Other Woman မင်းသမီး Leslie Mann တို့ပါဝင်သရုပ်ဆောင်ထားပြီး...IMDb Rating မှာ 6.4 ရရှိထားတဲ့ Comedy, Drama, Fantasy အမျိုးအစားဇာတ်ကားလေးပါ။ ဇာတ်လမ်းလေးကစိတ်ဝင်စားဖို့ကောင်းပါတယ်... ပထမဆုံးဇာတ်လမ်းစစချင်းမှာ မိုက်ခ် က ဘတ်စကတ်ဘောကစားသမားတစ်ယောက်ပေါ့ အဲဒီ့ အားကစားမှာသူဟာထူးလည်းထူးချွန်တယ်..ဝါသနာလည်းအရမ်းပါတယ်..သူတို့ကျောင်းပွဲတစ်ပွဲက ကစားရမယ့်ပွဲက သူ့ရဲ့အနာဂတ်အတွက်ပေါ့..ဖြစ်ချင်တဲ့အဲ့နေ့ ကစားတဲ့ပွဲမစခင်လေးမှာ သူ့ချစ်သူ စတားလက် ရောက်လာပါတယ်..အဝေးကိုထွက်သွားရတော့မယ့်အကြောင်းပြောတယ်..မိုက်ခ်မှာလည်း သူ့ရဲ့အရမ်းဝါသနာပါတဲ့အားကစားနဲ့သူချစ်ရတဲ့ချစ်သူကို ရွေးချယ်ရမယ့်အချိန်မှာတော့ စတားလက် ကိုသာ ရွေးချယ်ခဲ့ပါတယ်..... နှစ်ပေါင်း 20 ကြာပြီးတဲ့နောက်မှာတော့ မိုက်ခ်တစ်ယောက် အလုပ်တွေကအဆင်မပြေ.. ဇနီးဖြစ်သူနဲ့လည်းအဆင်တော့ပါဘူး..စတားလက်ကလည်း တရားရုံးကနေ တဆင့်ကွာရှင်းခွင့်တောင်းထားသလို မိုက်ခ်ကလည်း သားသမီးတွေနဲ့ နွေးထွေးတဲ့ဆက်ဆံမှုမျိုးသိပ်မရှိဘူး...တစ်နေ့သူ့သားနဲ့သမီးတက်နေတဲ့ ကျောင်းကိုရောက်သွားတော့ ဟိုးအရင်လူငယ်ဘဝတုန်းက အဲ့ကျောင်းမှာ ဘတ်စကတ်ဘောကစားခါနီး ရိုက်ထားခဲ့တဲ့သူ့ပုံကိုပြန်လည်တွေ့သွားတော့ မိုက်ခ်တစ်ယောက်အတိတ်ကို လွမ်းဆွတ်ဟန်နဲ့ပြန်စဉ်းစား မိသွားတယ်..သူ့စိတ်ထဲမှာတွေးနေခဲ့တဲ့အရာတခုက အဲ့အချိန်တုန်းက သူက စတားလက်နောက်ကို ပြေးမလိုက်ခဲ့ဘူးဆိုရင် ဒီလိုတွေဖြစ်လာစရာလိုမှာမဟုတ်ဘူးလို့ပေါ့...ဘေးနားက သန့်ရှင်းရေးလုပ် နေတဲ့သူတစ်ယောက်က မထင်မှတ်ပဲ " မင်းဒီကိုမကြာခင်ပြန်လာရမှာပါ " ဆိုတဲ့စကားကြောင့် မိုက်ခ်တစ်ယောက်ကြောင်တောင်တောင်ဖြစ်သွားတယ်..ဒီလိုပဲဂရုမထားပဲပြန်လာခဲ့တယ်.. နောက်ပိုင်းအလုပ်တွေကလည်းအဆင်မပြေ..ဇနီးနဲ့လည်းအဆင်မပြေဖြစ်ပြီးစိတ်ညစ်ကာ မိုက်ခ် တစ်ယောက်ကားကို အသားကုန်မောင်းလာခဲ့ပါတယ်..တံတားပေါ်ကိုရောက်တော့ လူတစ်ယောက် ခုန်ချဖို့ကြိုးစားနေတာကိုတွေ့တဲ့အတွက် ကယ်တင်ဖို့ ပြေးလာခဲ့တယ်..ဒါပေမယ့် သူရောက်တော့ အဲ့လူက မရှိတော့ဘူး..အောက်ကျသွားသလားလို့ ငုံ့ကြည့်မိရင်းနဲ့ သူ ပါ တံတားပေါ်ကနေပြုတ်ကျသွား ပါတယ်...တံတားပေါ်က ပြန်တက်လာပြီး အိမ်မှာသူ့ကိုယ်သူရေချိုးရင်း နဲ့ ရေချိုးခန်းက မှန်ကိုကြည့် မိတဲ့အခါ သူ့အရွယ်ဟာ 17 နှစ် အရွယ်သို့ပြန်ရောက်နေတဲ့အခါမှာတော့............................... 17 နှစ်သား တစ်ယောက်ရဲ့ လွတ်လပ်မှုတွေ ပျော်ပျော်ပါးပါး မိုက်ခ်တစ်ယောက်ပြန်လည်ခံစားပုံတွေ ပျော်စရာကောင်းတဲ့ကိစ္စတွေ..ဟာသအကြောင်းအရာတွေကို ဆက်လက်ရှုစားကြပါ။ File size…(1.6 GB)/(700 MB) Quality….BluRay 1080p/720p Format…mp4 Duration….01:41:56 Subtitle….Myanmar Subtitle (Hardsub) Encoder….Ka Naung

Johnson Family Vacation 2004 (IMDb 4.5/10) Director Christopher Erskin ရဲ့လက်ရာကောင်းလေးတစ်ကားဖြစ်တဲ့ Comedy Movie လေးပါ Best Comedy Award Nomination ၃ ခုလည်းရခဲ့ပါသေးတယ် မင်းသားကြီး Cedric The Entertainer နဲ့ US ရဲ့ နာမည်ကြီး The Steve Harvey Show ရဲ့ Host ဖြစ်တဲ့ Steve Harvey တို့ပါဝင်သရုပ်ဆောင်ထားပြီး မင်းသမီးကြီး Vanessa Williams နဲ့ အမေရိကန် Rapper နဲ့ Actor ဖြစ်တဲ့ Shad Moss(Bow wow) ကလည်း ပါဝင်အားဖြည့်ပေးထားပါသေးတယ် ဇာတ်လမ်းလေးကတော့ ဂျွန်ဆင်မိသားစုတွေ ပြန်လည်ဆုံတွေ့ပြီး "တစ်နှစ်တာအကောင်းဆုံးမိသားစု" ဆုဖလား ပြိုင်ပွဲကိုပြုလုပ်ဖို့အတွက် နိတ်ဂျွန်ဆင် တို့မိသားစုဟာ သူ့အမေရှိတဲ့မြို့ကို မိုင် ၂၀၀၀ လောက်နီးပါး ခရီးထွက်ခဲ့ရင်း တစ်လမ်လုံး ဘယ်လိုဟာသတွေကြုံရမလဲ....... အမြဲတမ်း နိတ် နဲ့ဆုဖလား လုဖော်လုဖက် သူ့ရဲ့အစ်ကိုဖြစ်တဲ့ မက် တို့မိသားစုနဲ့ ဘယ်လိုပြိုင်ဆိုင်မှုတွေလုပ်ပြီး ဘယ်လို အခွီဇယားတွေဖြစ်ကြဦးမလဲဆိုတာကိုတော့........ ဒီဇာတ်ကားလေးကိုအညွှန်းရေးပြီး ဘာသာပြန်ပေးထားတာကတော့ Leo ပဲဖြစ်ပါတယ် File size…(2.1 GB)/(1.2 GB) Quality….Webrip 1080p / 720p Format…mp4 Duration….01:33:00 Genre... Comedy, Family  Subtitle….Myanmar Subtitle (Hardsub) Encoder….Mr. Anderson Translated by Leo

The Parent Trap (1998) IMDb Rating (6.7) / Rotten Tomatoes (87%) လူကြီးမင်းတို့ အောင်သွယ်ဇာတ်လမ်းတွေ ကြားဖူးကြလားဗျ။ မပြောမရှိနဲ့ ကိုယ့်ဘေးက ကိုယ့်ရည်းစားကတောင် သူများအောင်သွယ်ပေးထားလို့ စွံခဲ့တာ ဖြစ်ချင်ဖြစ်နေမှာ။ ဘာပဲဖြစ်ဖြစ်ပါလေ အောင်သွယ်ဇာတ်လမ်းတွေက နားမဆန့်အောင် ကြားခဲ့ရတာပါပဲ။ ဒါပေမဲ့ လူကြီးမင်းတို့ကို တစ်ခုမေးပါရစေ။ သမီးနှစ်ယောက်က သူတို့ အဖေနဲ့အမေအရင်းခေါက်ခေါက်နှစ်ယောက်ကို ညားကြပါစေတော့ရယ်လို့ အောင်သွယ်ပေးခဲ့ကြတဲ့ ဇာတ်လမ်းတော့ ကြားဖူးမယ်တော့ မထင်ပေါင်ဗျာ။ စိတ်ဝင်စားရင်တော့ ဟောဒီဇာတ်လမ်းကိုသာ ကြည့်လိုက်ပါ။ နွေရာသီကျောင်းကြိုစခန်းတစ်ခုကို အတူလာမိကြတဲ့ ၁၁ နှစ်အရွယ် ကောင်မလေးနှစ်ယောက် တစ်ယောက်က ဓားရေးကောင်းတယ်၊ တစ်ယောက်က ဖဲရိုက်တာတော်တယ်။ ဘုရင်မနှစ်ပါးဆိုတော့ အချင်းချင်း ငြိကြတာပေါ့လေ။ ဒီလိုနဲ့ တစ်ယောက်နဲ့တစ်ယောက် ဘတပြန် ကျားတပြန် အနိုင်ယူကြရင်း ‌သောင်းကျန်းကြလွန်းလို့ သီးသန့်အိမ်တစ်ခုတည်းမှာ ခွဲထားခံရတဲ့အဖြစ်ရောက်သွားလေရဲ့။ ဒါပေမဲ့ သူတို့သိသွားကြတာက သူတို့တွေဟာ တစ်အူထုံဆင်း မောင်နှမအရင်းဖြစ်ရုံမက၊ တစ်နေ့တည်းမွေးတဲ့ အမွှာတွေပါ ဖြစ်နေတာပါပဲ။ အဖေနဲ့ပဲ ကြီးပြင်းလာရသူနဲ့ အမေသာ တစ်ကမ္ဘာထင်ခဲ့သူနှစ်ယောက်တို့ မမြင်ဖူးသေးတဲ့မိဘကို မြင်ချင်ရှာလွန်းလို့ ကလေးဉာဏ်လေးတွေနဲ့ ကြိုးစားကြပုံလေးတွေပါ။ The Parent Trap ဇာတ်ကားက ဂျာမန်ဝတ္ထုတစ်ပုဒ်ကို အသက်သွင်းထားတာဖြစ်ပြီး ၁၉၆၁ ခုနှစ်မှာ ရိုက်ကူးတင်ဆက်ခဲ့ပါတယ်။ အခု တင်ဆက်လိုက်တဲ့ဇာတ်ကားကတော့ သူ့ရဲ့ Remake ဇာတ်ကားဖြစ်ပြီး ၁၉၉၈ ခုနှစ်မှာ ရိုက်ကူးပြသခဲ့တာပါ။ ကုန်ကျငွေရဲ့ လေးဆကျော်ပြန်ရခဲ့ပြီး ကောင်းမွန်တဲ့ ဝေဖန်ချက်တွေနဲ့အတူ အောင်မြင်တဲ့ဇာတ်ကားတစ်ကား ဖြစ်ခဲ့ပါတယ်။ သရုပ်ဆောင်တွေထဲကမှ အမွှာညီအစ်မ ဟယ်လီ နဲ့ အန်နီ အဖြစ် နှစ်ကိုယ်ခွဲသရုပ်ဆောင်ခဲ့သူ Lindsay Lohan ကိုတော့ လူကြီးမင်းတို့ ကြားဖူးမယ်ထင်ပါတယ်။ အမေရိကားရဲ့ အောင်မြင်ကျော်ကြားလှတဲ့ သရုပ်ဆောင် အဆိုတော် မိန်းမလှလေးပေါ့။ သူ့ရဲ့ဇာတ်ကားဖြစ်တာနဲ့အညီ သူ့ရဲ့ဇာတ်ရုပ်နဲ့ ဇာတ်လမ်းကို သယ်တဲ့နေရာမှာ ပိုင်နိုင်မှုရှိပြီး ကြည်နူးဖွယ်ရသကို ပေးစွမ်းနိုင်သူလေးပါ။ ငယ်ရွယ်စဉ်မာန်မာနနဲ့ အချင်းချင်း ကျောခိုင်းခဲ့ကြတဲ့ မိဘနှစ်ပါးကို အမွှာညီအစ်မလေးနှစ်ယောက်က ပြန်လည်ပေါင်းထုပ်နိုင်ဖို့အရေး ပြန်အောင်သွယ်ပေးရတဲ့ ဟောဒီဇာတ်လမ်းလေးက Drama Comedy နှစ်သက်ကြသူတွေအတွက် မလွတ်တမ်းကြည့်ရှုသင့်တဲ့ ဇာတ်လမ်းလေးဖြစ်ပါတယ်။ File size… (2.6 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Family,Romance Duration…. 02:08:17 Subtitle…. Myanmar Subtitle (Hardsub)