Kate Kiddo ပါဝင်သော ဇာတ်ကားများ

Round the Decay (2025) IMDb Rating (6.7) လွန်ခဲ့တဲ့ နှစ်နှစ်က လျှို့ဝှက်ဆန်းကြယ်စွာပျောက်ဆုံးသွားတဲ့ ခင်ပွန်းလောင်းဖြစ်သူကိစ္စကိုအဖြေရှာဖို့အတွက် ကန်ဇီဟာ Newport’s Valley ဆိုတဲ့တောင်ပေါ်ခရီးသွားမြို့လေးကိုပြန်ရောက်လာခဲ့ပါတယ်။ အဲ့ဒီအချိန်မှာပဲ တောင်တက်သမား သူငယ်ချင်းတစ်စုဟာ တောင်ကုန်းတွေပေါ်က အဝင်အထွက်ပိတ်ထားတဲ့ဂူတစ်ခုထဲကို မတော်တဆရောက်ရှိသွားပြီးWrexsoul လို့ခေါ်တဲ့ အိပ်ပျော်နေတဲ့ လူသားစားမိစ္ဆာကြီးကို သွားပြီး နှိုးမိလိုက်ကြပါတယ်။ အဲ့ဒီမိစ္ဆာကြီးက လာရောက်လည်ပတ်သူတွေကိုရော မြို့ခံတွေကိုပါ မချန်တစ်ယောက်ပြီးတစ်ယောက် ဖမ်းဆီးစားသောက်လာချိန်မှာတော့ ဧည့်သည်တွေရော အိမ်ရှင်တွေပါ ပူးပေါင်းပြီး အသက်ရှင်သန်ရေး၊ ဒီသတ္တဝါကြီးကိုနှိမ်နင်းဖို့အရေးအတွက်နဲ့ပူးပေါင်းဆောင်ရွက်ရင်းနောက်ကွယ်က အကြောင်းရင်းတွေကို ဖော်ထုတ်ဖို့ပါ အသည်းအသန်တိုက်ပွဲဝင်ကြရပါတော့တယ်။ အင်ဒီရုပ်ရှင်တစ်ကားအနေနဲ့ မိစ္ဆာကိုပုံဖော်ထားပုံ၊ သွေးထွက်သံယို Practical effects တွေမှာတကယ်ပီပြင်ထိရောက်ပြီး ဇာတ်လမ်းဇာတ်အိမ်ရော မိစ္ဆာရဲ့နောက်ကြောင်းတွေကပါ ခိုင်မာသဘာ၀ကျပါတယ်။ဇာတ်ကောင်တွေများပြားလွန်းတာနဲ့အစပိုင်းဇာတ်ရှိန်အတက်နှေးတာတွေရှိပေမယ့် ဇာတ်လမ်းရုပ်လုံးပေါ်လာချိန်ကစပြီး တောက်လျှောက်ကြမ်းလို့ အချိန်ပေးရကျိုးနပ်မှာပါ။ File size… (1.2 GB) / (760 MB) Quality…. WEB-DL 1080p HEVC / 720p Format…. mkv/mp4 Genre…. Adeventure,Horror Duration…. 01:46:33 Subtitle…. Myanmar Subtitle (Hardsub)

Black Eyed Susan (2024) IMDb Rating (5.0) / Rotten Tomatoes (100%) ဒဲရတ်ခ်က ကိုယ်မောင်းတဲ့ကားကိုအိမ်လုပ်နေပြီး ကားဆွဲလို့ရတဲ့ငွေနဲ့ဇနီးနဲ့သမီးဖြစ်သူကိုထောက်ပံ့နေရတဲ့အိမ်ခြေယာမဲ့တစ်ယောက်ပါ။ ဒီလိုအခြေအနေမျိုးမှာ သူ့မိတ်ဆွေဟောင်းတစ်ယောက်ရဲ့ဈာပနမှာ သိကျွမ်းခဲ့ဖူးတဲ့သိပ္ပံပညာရှင်တစ်ဦးဖြစ်တဲ့ ဂီလ်ဘတ်နဲ့ပြန်ဆုံမိပြီး စကားစပ်မိရာကနေ သူ့အတွက်အတည်တကျအလုပ်ရဖို့ဖြစ်လာခဲ့ပါတယ်။ သူလုပ်ရမယ့်အလုပ်ကတော့ ဆူဇန်လို့အမည်ပေးထားတဲ့ လူတစ်ယောက်နဲ့အနီးစပ်ဆုံးဖန်တီးထားတဲ့ အဆင့်မြင့်ဉာဏ်ရည်တုလိင်ကျွန်စက်ရုပ်တစ်ရုပ်ကိုစမ်းသပ်ဖို့ပါပဲ။ တစ်ခုရှိတာက ဒီလိင်အရုပ်ဟာလိင်ဆက်ဆံဖို့အဓိကထက် အမျိုးသမီးတွေကိုအကြမ်းဖက်လိုတဲ့ Fetish ပိုင်ရှင်တွေအတွက်အထူးပုံစံထုတ်ထားတာဖြစ်ပြီး ကိုယ်ထိလက်ရောက်ပြုမူတဲ့အခါ သွေးထွက်တာ ပွန်းပဲ့တာ မျက်ရည်ကျတာအစရှိတဲ့ တုန့်ပြန်မှုမျိုးတွေကိုပါအနီးစပ်ဆုံးတုန့်ပြန်နိုင်တာပါပဲ။ သူ့အတွက် နစ်နာထိခိုက်စရာ ဘာမှမရှိဘူးလို့ထင်စရာဖြစ်တဲ့ ဒီအလုပ်ကို ဒဲရတ်ခ် လက်ခံလိုက်ပြီးနောက်ပိုင်းမှာသူမမျှော်လင့်ထားတဲ့ အမှောင်လျှို့ဝှက်ချက်တွေက သူ့ကိုစောင့်ကြိုနေမယ်ဆိုတာ သူမသိခဲ့ရပါဘူး။ စိတ်မသက်သာစရာမြင်ကွင်းတွေ၊ စကားပြောခန်းတွေ၊ စည်းဘောင်တွေကိုကျော်လွန်ပြထားတဲ့ ဇာတ်ကားဖြစ်ပြီးလိင်အင်္ဂါတွေကို ကွက်ကွက်ကွင်းကွင်းပြသမှုတွေနဲ့ကြမ်းတမ်းတဲ့စကားပြောတွေကြောင့် မိသားစုနဲ့ကြည့်လို့အဆင်မပြေတဲ့ဇာတ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (2.8 GB) / (1.3 GB) Quality…. Blu-Ray 1080p HEVC / 720p Format…. mkv/mp4 Genre…. Horror,Science Fiction Duration…. 01:25:57 Subtitle…. Myanmar Subtitle (Hardsub) Encoder…. Double K Translated by Alias

သူငယ်ချင်းတစ်စုက သရဲကားတွေ ရိုက်ကူးလေ့ရှိတဲ့ နေရာတွေကို လိုက်လည်ချင်နေကြပါတယ်။ ဒီလိုနဲ့ Friday the 13th ရုပ်ရှင်ထဲကလို နေရာတစ်ခုဆီ သွားရောက်လည်ပတ်ကြရာက ဇာတ်လမ်းစထားတာပါ။ သရဲကားထဲကလို နေရာကို ကိုယ်တိုင်ရောက်သွားတဲ့ သူတို့ ဘာတွေကြုံရမလဲ၊ ဒုက္ခရောက်ကြမလား၊ လွတ်မြောက်နိုင်ကြမလားဆိုတာကို သည်းထိတ်ရင်ဖိုပုံစံနဲ့ ဆက်ပြထားပါတယ်။