Kate del Castillo ပါဝင်သော ဇာတ်ကားများ

Trap House (2025) ++++++++ မင်းသားကြီး Dave Bautista ရဲ့ မက္ကဆီကန် ကာတဲလ်တွေနဲ့ ပွဲကြမ်းတဲ့ အက်ရှင်ကားလေးပါ.. အယ်ပါဆိုတဲ့ မြို့လေးမှာ ဆောက်လုပ်ရေးလုပ်သားအဖြစ် အသွင်ယူထားပြီး မူးယစ်တိုက်ဖျက်အဖွဲ့ဝင်လုပ်နေတဲ့ ရေးလ်ဟာ.. သားဖြစ်သူကိုပါ ဒီမြို့ကို ခေါ်လာရပါတယ်.. တစ်နေ့တော့ သားဖြစ်သူ ကိုဒီက ကာတဲလ်ဂိုဏ်းတွေဆီက ပိုက်ဆံကို သွားခိုးပြီး ပြဿနာရှာခဲ့တာကြောင့် ..အသွင်ယူဟန်ဆောင်ထားတဲ့ ရေးလ်လည်း ကာတဲလ်ဂိုဏ်းကြီးနဲ့ ထိပ်တိုက်ရင်ဆိုင်ရဖို့ ဖြစ်လာပါတော့တယ်... File Size… (1.23GB) / (760MB) Quality… WEB-DL 1080p HEVC /720p Format…mkv / mp4 Duration…2h 7m Genre … Action Subtitle….Myanmar Subtitle (Hard Sub)

Instintos (2025) IMDb Rating (5.0) မက်ဂီနဲ့လီယိုတို့က စပိန်ကနေ အမေရိကားကိုလာရောက်အခြေချသူတွေဖြစ်ပြီး မက်ဂီက အခုချိန်မှာ ကိုယ်ဝန်နေ့စေ့လစေ့ဖြစ်နေပါပြီ။ တစ်နေ့မှာတော့ လူသူမနီးတဲ့သူတို့ရဲ့အိမ်ကြီးကို မျက်နှာဖုံးစွပ်လူနှစ်ယောက်က ဝင်ရောက်ဓားပြတိုက်ခဲ့ပြီး သူတို့အိမ်မှာ ငွေသားမရှိတဲ့အတွက် သူတို့နှစ်ယောက်ကို ဓားစာခံအဖြစ်ဖမ်းဆီးထားရင်း တနင်္လာနေ့ဘဏ်ဖွင့်ရက်ကိုစောင့်ဖို့ဆုံးဖြတ်လိုက်ကြပါတယ်။ သူတို့မသိခင် မက်ဂီယူဆောင်လာနိုင်ခဲ့တဲ့ စောင့်ကြည့်ကိရိယာကတစ်ဆင့်သိလိုက်ရတာကတော့ ဒီလူနှစ်ယောက်ဟာ သူတို့လက်ထဲကိုငွေရောက်တာနဲ့ မျက်မြင်သက်သေမချန်ပဲ သူတို့လင်မယားကိုအပြတ်ရှင်းတော့မယ်ဆိုတာပါပဲ။ နေ့စေ့လစေ့မိန်းမတစ်ယောက်၊ အသက်ကြီးကြီးစိတ်ကုဆရာဝန်တစ်ယောက်တို့ လူငယ်လူရွယ်လက်နက်ကိုင်နှစ်ယောက်လက်က ဘယ်လိုလွတ်အောင်ရုန်းထွက်ကြမလဲ? စပိန် Thriller တို့ထုံးစံ ဇာတ်လမ်းက ဒီလောက်ရိုးရှင်းမနေပါဘူး။ ထုံးစံအတိုင်း လှည့်ကွက်တွေအထပ်ထပ်နဲ့ သဲထိတ်ရင်ဖိုခံစားကြည့်ရှုရမယ့်ဇာတ်ကားပါပဲ။ File size… (800 MB) / (500 MB) Quality…. WEB-Rip 1080p HEVC / 720p Format…. mkv/mp4 Genre…. Thriller Duration…. 01:22:35 Subtitle…. Myanmar Subtitle (Hardsub)

The Biggest Fan (2025) ဒီရုပ်ရှင်လေးကတော့ 2025 ထွက် မက္ကစီကိုဟာသကားလေးပဲဖြစ်ပါတယ်။ လာရာခရုဇ်ဟာ မက္ကဆီကန်လူမျိုး ဟောလိဝုဒ်နာမည်ကြီး သရုပ်ဆောင်မင်းသမီးတစ်ဦးဖြစ်ပြီး နာမည်ကြီး "Special Crimes" ဇာတ်လမ်းတွဲရဲ့ ပင်တိုင်စံမင်းသမီး တစ်ဦးဖြစ်ပါတယ် ။ တစ်ရက်သူဟာ ပွဲတစ်ခုကို တက်ရောက်ရင်း ပရိတ်သတ်တစ်ဦးကို မတော်တဆရိုက်မိလိုက်ရာကနေ အဆိုပါဗီဒီယိုဟာ အင်တာနက်မှာ Viral ဖြစ်သွားပြီး အားလုံးကမုန်းကာ ဘွိုင်းကော့ ဝိုင်းလုပ်ကြလို့ "Special Crimes" ကနေလည်း အထုတ်ခံလိုက်ရပြီး နာမည်ကြီး မင်းသမီးအဖြစ်ကနေ နေ့ခြင်းညခြင်း အလုပ်လက်မဲ့ ဘဝကို ရောက်သွားပါတော့တယ်။ ထို့သို့နေထိုင်ရင်း တစ်ရက်မှာတော့ သူမရဲ့မွေးရပ်မြေ မက္ကဆီကိုက ရုပ်ရှင်တစ်ကားမှာ ပါဝင်ဖို့ ကမ်းလှမ်းခံခဲ့ရပါတယ်။ ဒီလိုနဲ့ လာနာလည်း သူမရဲ့နာမည်ကို ပြန်အဖတ်ဆယ်နိုင်ဖို့ရည်ရွယ်ချက်နဲ့ မက္ကဆီကိုနိုင်ငံကို ခရီးထွက်လာပါတော့တယ်။ တည်းခိုရာ ဟိုတယ်ရောက်ရောက်ခြင်း ဟိုတယ်က ပိုလီဆိုတဲ့ ရေကန်သန့်ရှင်းရေးမိန်းကလေးက သူမရဲ့အမာခံပရိတ်သတ်ပါဆိုပြီး လာနာကိုနှုတ်ဆက်လာပါတယ်။ နောက်ရက်တွေမှာလည်း ပိုလီဟာ လာနာကို ဇွတ်ဝင်ရောပြီး သူမရဲ့ မိသားစုတစ်ခုလုံးကိုပါ ရိုက်ကွင်းကို‌ ခေါ်ချလာပါတယ်။ အဲ့လိုနဲ့ တစ်ရက်မှာတော့ လာနာဟာ အွန်လိုင်းဆယ်လီတစ်ဦးဖြစ်တဲ့ပိုလီကို သူမရဲ့နာမည်ကို ဆိုရှယ်မီဒီယာကို သုံးပြီး ပြန်မြင့်တင်ပေးရမယ်ဆိုတဲ့ သဘောတူညီချက်နဲ့ လက်ထောက်ခန့်လိုက်ပါတော့တယ်။ သူမရဲ့နာမည်ကို အဖက်ပြန်ဆယ်မယ့် နာမည်ကြီးထမင်းငတ်လာနာနဲ့ ရေကူးကန်သန့်ရှင်းရေး ဘဝကနေ မင်းသမီးရဲ့လက်ထောက်ဖြစ်လာတဲ့ ပိုလီတို့ ဘယ်လို ဆက်စခန်းသွားကြမလဲ ဒီဟာသကားလေးမှာ ဆက်ကြည့်နိုင်ပါတယ်။ (အညွှန်းနဲ့ ဘာသာပြန်ကို Swan Yee Myo Thant မှတင်ဆက်ထားပါတယ်။) File size… (1.7 GB) / (930 MB) Quality…. WEB-DL 1080p HEVC / 720p Format…. mkv/mp4 Genre…. Comedy Duration…. 01:33:44 Subtitle…. Myanmar Subtitle (Hardsub) Encoder…. Benjamin Translated by Swan Yee Myo Thant

ပေါ့ပေါ့ပါးပါး မက္ကဆီကန်/စပိန် ဟာသရုပ်ရှင်လေးကို တင်ဆက်ပေးလိုက်ပါတယ် သက်လတ်ပိုင်းအရွယ် ယောင်းမသုံးယောက် Clara, Matis နဲ့ Nena တို့မှာ တူညီတဲ့အချက်ကတော့ တစ်ဦးတည်းသော သားတစ်ယောက်စီ ကိုယ်စီပိုင်ဆိုင်ကြတာပါပဲ Clara ရဲ့ သားဖြစ်သူဟာ မဟုတ်မခံတဲ့ အမျိုးသမီးဝါဒီ feminist ကောင်မလေးနဲ့ တွဲတာကို အမေဖြစ်သူ Clara က တစ်စက်လေးမှ သဘောမကျပါဘူး Matis ရဲ့ သားဖြစ်သူကလည်း အသက်ပိုကြီးတဲ့ တစ်ခုလပ်မိခင်နဲ့ တွဲနေတာဖြစ်ပြီး Nena ရဲ့ ဆယ်ကျော်သက် သားလေးကတော့ သူ့ရည်းစားကောင်မလေးကို အိမ်ခေါ်ပြီး လူလစ်တိုင်း တဂျိန်းဂျိန်းလုပ်နေတာ ဖြစ်ပါတယ် ဒါကြောင့် အမေသုံးယောက်သား တိုင်ပင်ပြီး သားတွေရဲ့ ကောင်မလေးတွေနဲ့ ဝေးအောင်လို့အစွမ်းကုန်ကြိုးစားကြရာမှာတော့ ... File size…(1.8 GB)/(883 MB) Quality….Webrip 1080p / 720p Format…mp4 Duration….01:18:00 Genre... Comedy Subtitle….Myanmar Subtitle (Hardsub) Encoder….Mr. Anderson Translated by Sike Tan

The Casagrandes Movie (2024) netflix က အသစ်ထွက်ရှိလာတဲ့ 2D ကာတွန်းကားလေးဖြစ်ပြီး အတော်လေးရယ်ရမယ့် family comedy ပါ ဇာတ်လမ်းအကျဥ်းကတော့ ဆယ်ကျော်သက်အရွယ် (နှစ်ပေါင်း ၁၂၀၀၀) သက်တမ်းရှိတဲ့ demigod မင်းသမီးလေး ပွန်ဂွာရီ က နတ်ဘုရားတစ်ပါး ဖြစ်ချင်ပေမယ့် သူ့မယ်တော်က မရင့်ကျက်သေးဘူးဆိုပြီး တားမြစ်တာကို လက်မခံပဲ မျက်နှာတစ်ထောင်မျက်နှာဖုံးကို ခိုးယူပြီး နတ်ဘုရားအသွင် ပြောင်းလိုက်ရာမှာ ကမ္ဘာမြေ ဟက်တက်ကွဲပြီး ကမ္ဘာပျက်မယ့် အရေးကနေ ကာကွယ်ဖို့အတွက် မင်းသမီးလေးကို မိခင်ဖြစ်သူက "တောင်တစ်လုံး" အသွင် ဖန်ဆင်းထားခဲ့တယ် ၁၂ နှစ်ပြည့်သွားတဲ့ ကောင်မလေး ရိုနီအန်းန်က ၁၂ နှစ်ပြည့်ပြီဆိုပြီး သူငယ်ချင်းနဲ့အတူ လွတ်လွတ်လပ်လပ် လုပ်ချင်တာလုပ်ဖို့ ကြံရွယ်နေတဲ့ ဂျစ်ကန်ကန် ကောင်မလေး တစ်ယောက်ပါ ဒါပေမဲ့ သူ့အမေက သူတို့ Casagrandes တစ်မိသားစုလုံး မက္ကဆီကိုက မွေးရပ်မြေဒေသလေးကို ခရီးထွက်ဖို့ အမိန့်ချတာနဲ့ ရိုနီအန်းန် တစ်ယောက် မငြင်းသာပဲ အမေ့စကားကို နားထောင်လိုက်ရတယ် ဒါပေမဲ့ သူတို့မိသားစုခရီးထွက်မယ့် နေရာလေးက တောင်နတ်သမီးလေး ပိတ်မိနေတဲ့ နေရာဖြစ်နေတဲ့အခါမှာ ဘယ်လိုတွေ ဆက်ဖြစ်မလဲ ရယ်ရယ်မောမော ကြည့်ရမှာဖြစ်သလို အမေနဲ့ သမီး ပဋိပက္ခတွေကိုလည်း သားသားမီးမီးတို့ မေမေတို့အတူတူ ခံစားလို့ရဦးမှာပါ

Netflix က ထွက်ရှိလာတဲ့ animation series တစ်ခု တင်ဆက်ပေးချင်ပါတယ်။ Animation ဆိုပေမဲ့ ကလေးကြိုက်ဇာတ်လမ်းမျိုးမဟုတ်ဘဲ ဇာတ်လမ်းဇာတ်အိမ်ခိုင်ခိုင်နဲ့ ရိုက်ကူးထားတာမို့ သေချာပေါက် ကြည့်ရှုခံစားသင့်တဲ့ series လေးပါ အညွှန်းလေးကို ဆက်လက်ဖတ်ရှုပေးပါဦး။ ရှေးလူကြီးတွေ ထားခဲ့တဲ့ ဗျာဒိတ်တော်အရ ဧရာမလင်းယုန်ကြီးတစ်ကောင်နဲ့ ရဲရင့်သောဂျာဂွာသုံးကောင်သာ လူ့လောကကြီးကို ကယ်တင်ဖို့အတွက် အမှောင်နတ်ဘုရားကို ရှင်းလင်းသုတ်သင်နိုင်ပါလိမ့်မယ်တဲ့။ တက်ကာပြည်ကြီးရဲ့ မင်းသမီးတစ်ပါးဖြစ်သူ မာယာဟာ ထိုလင်းယုန်ကြီးအဖြစ် တိုက်ခိုက်နိုင်ဖို့ စစ်သူရဲကောင်းဖြစ်ချင်နေပါတယ်။ မင်းသမီးတစ်ပါးလို မပြုမူနိုင်ဘဲ တိုက်ခိုက်ဖို့ကိုသာ စိတ်ပါနေတဲ့အတွက် မင်းသမီးအဖြစ် နန်းတက်ရမဲ့နေ့မှာပဲ မိခင်ဖြစ်သူ ဘုရင်မကြီးနဲ့ ကတောက်ကဆဖြစ်ပြီး မတတ်သာတဲ့အဆုံး နန်းတက်ပွဲကို လက်ခံလိုက်ရတယ်။ ပွဲတော်ကျင်းပနေတုန်းမှာပဲ အမှောင်မြေအောက်တိုင်းပြည်က သံတမန်တစ်ယောက်ရောက်ရှိလာပြီး မင်းသမီးကို ခေါ်ဆောင်သွားဖို့ ကြိုးပမ်းပါတော့တယ်။ ဒါကို ဘယ်လိုတားဆီးပြီး ဘယ်လိုရင်ဆိုင်ကြမလဲဆိုတာကိုတော့ CM ပရိသတ်ကြီးတို့ကိုယ်တိုင် ဆက်လက်ကြည့်ရှုသင့်ပါတယ်။ အပိုင်း ၉ ပိုင်း ပါဝင်ပြီး IMDB 8.5 ရရှိထားပါတယ်။ လှပ သစ်ဆန်းလှတဲ့ animation ရိုက်ချက်တွေကြောင့် စိတ်ဝင်တစားကြည့်ရှုရမှာမို့ လက်မလွတ်သင့်ကြောင်း တိုက်တွန်းလိုက်ရပါတယ်။ ဇာတ်လမ်းအညွှန်းကို Thet Hnin Hsu မှ ရေးသားထားပါတယ်။ File Size – 480MB@Episode Quality –1080p NF WEB DL Duration – 33minute (@Episode) Total Episodes:9 Episodes Subtitle – Myanmar Hardsub Format – Mp4 Genre : Animation, Family, Action & Adventure, Comedy Translator – Thet Hnin Hsu , Shwe Pyae Sone , Shwe Pwint , ThuRa Hein , Honeyey Encoder – YK

Bad Boys for Life (2020) IMDb Rating - 7.1/10 Bad Boys ရုပ်ရှင်တွေကို ရုပ်ရှင်ချစ်သူအတော်များများ သိကြမှာပါ။ ကျွန်တော်တို့ ငယ်ငယ်ကတည်းက ကြိုက်ခဲ့ရတဲ့ အက်ရှင်ခပ်မြူးမြူး တွေပါပဲ။ အခုလည်း ဆရာကြီးနှစ်ယောက် အသက်ကြီးမှ တကြော့ ပြန်လာပါပြီး။ အခုချိန်မှာဆို မားကတ်စ်ကလည်း အဘိုးဖြစ်လာပြီး အငြိမ်းစားယူဖို့ဆုံးဖြတ်လိုက်ပါပြီ။ မိုက်ခ် (ဝယ်လ်စမစ်) တော့ လူ ပျိုကြီးအဖြစ် သေတဲ့အထိ လူဆိုးဖမ်းချင်နေတုန်းပါပဲ။ ဒါပေမယ့် သူ တို့ရဲ့အတိတ်က ရန်ငြိုးက သူတို့ကို အေးအေးဆေးဆေးအနားယူခွင့် မပေးလာပါဘူး။ မိုက်ခ် နဲ့အတူ တရားသူကြီး၊ရှေ့နေ၊သတင်းပေး၊ ရဲ အရာရှိ စတဲ့သူတွေအကုန် လုပ်ကြံခံလာရပါတယ်။ ဒီတော့ နောက်ဆုံး မှာ Bad Boys ကြီးနှစ်ယောက် နောက်ဆုံးအကြိမ်အဖြစ် ဆိုးကြ ကြမ်း ကြပါတော့တယ်။ ဇာတ်လမ်းရယ် အက်ရှင်တွေရယ် အကုန်အဆင်ပြေ တာမို့ ကြည့်ရတာ ကျေနပ်ကြမှာပါ။ Bad Boys ရုပ်ရှင်အားလုံးကို ဒီမှာ https://www.channelmyanmar.to/?s=bad+boys  ကြည့်ပါ။ File size…(6.7 GB)/(2 GB ) / (900 MB) Quality….BluRay 4K HEVC/ 1080p / 720p Format…mkv/mp4 Duration….02:03:59 Subtitle….Myanmar Subtitle (Hardsub) Encoder….SWM,Ka Naung Translated by Littleneo

CM ပရိတ်သတ် ကြီးအတွက် 2015 ခုနှစ်ထွက် The 33 ဆိုတဲ့ ဖြစ်ရပ်မှန် ကားကောင်းလေးတစ်ကားကို တင်ဆက်ပေးလိုက်ရပါတယ်။ ဒီဇာတ်လမ်း လေးဟာ ၂၀၁၀ ခုနှစ်က ကျော်ကြားခဲ့တဲ့ Copiapó မိုင်းတွင်း မတော်တဆ မှု့အကြောင်းကို ပြန်လည် ရိုက်ကူးထားတာဖြစ်ပါတယ်။ ချီလီ ကြေးနီ မိုင်းတွင်းလုပ်သား ၃၃ ယောက်ဟာ မြေအောက် ၇၀၀ မီတာ အနက် (ပေ ၂၃၀၀)မှာ ၆၉ ရက်ကြာ ပိတ် မိနေခဲ့တာပဲ ဖြစ်ပါတယ်။ သူတို့ကို ကယ်တင်ဖို့ အမေရိကန်က NASA အပါအဝင် ကမ္ဘာ တစ်လွှားက အဖွဲ့ အစည်းပေါင်း မြောက်မြားစွာက ပါဝင်ကူညီခဲ့ကြပါတယ်။ဒီလိုနဲ့ အောက်တိုဘာလ ၁၃ ရက် ၂၀၁၀ ခုနှစ်မှာမှ အထူးတည်ဆောက်ထားတဲ့ ကယ်ဆယ်ရေး ပစ္စည်းတွေနဲ့ သူတို့ကို ကယ်တင်နိုင်ခဲ့ပါတယ်။ သူတို့ ၃၃ ယောက်ကို ကယ်တင်ဖို့ အတွက် စုစုပေါင်း ဒေါ်လာ သန်းနှစ်ဆယ်ခန့် ကုန်ကျခဲ့ပြီး ကုမ္ပဏီပေါင်းများစွာက ပညာရှင် ရာနဲ့ချီပြီး ကယ်ဆယ်ရေး အစီအစဉ်တွေဒီဇိုင်းဆွဲခဲ့ရတာပါ သူတို့ကို ကယ်ဆယ် နေတဲ့ ဖြစ်စဉ် ကို ကမ္ဘာ တစ်ဝှမ်းက လူ တစ်ဘီလီယံ ကျော်က စောင့် ကြည့်ခဲ့ကြပါတယ်။သူတို့ရဲ့ ဖြစ်ရပ်ကို ဒီရုပ်ရှင် ပြန်ရိုက်ရာမှာလည်း ဆုပေါင်းများစွာ ရခဲ့ပြီး ဝေဖန်သူတွေက ချီးကျုးခဲ့ကြပါတယ်။ဒီရုပ်ရှင် မှာဆိုရင်လည်း သူတို့ ရဲ့ ကြိုးစားအားထုတ်ပုံတွေ ဇွဲမလျှော့ပဲ ရှင်သန်ခဲ့ကြပုံတွေ ကို အထင်းသားမြင်ရမှာ ဖြစ်လို့ ကြည့်ရှု့သင့်တဲ့ ကားကောင်း တစ်ကားဖြစ်တယ်ဆိုတာကို တိုက်တွန်းလိုက်ပါရစေ။ File Size : (910 MB) Quality : BluRay 720p Running Time : 2h 7min Format : Mp4 Genre : Biography, Drama, History Subtitle : Myanmar Subtitle (Hard Sub) Source : 1080p BluRay x264 YTS.AG Encoded by A_Z

တော်တော်ကြည့်ကောင်းတဲ့ ကာတွန်းကားဖြစ်သလို ပေးချင်တဲ့ မက်ဆေ့တွေကလဲ တကယ်ကို ကောင်းမွန်လှပါတယ် မကြည့်ရသေးသူများ ကြည့်လိုက်ကြပါဦး ဇာတ်လမ်းအညွန်းကတော့... ဇာတ်ကားဟာ မိသားစုရဲ့ မျှော်လင့်ချက်တွေပြည့်မှီအောင်လုပ်ဖို့နဲ့ သူ့စိတ်ဆန္ဒအတိုင်း နေထိုင်ဖို့ ဆိုတဲ့အရာနှစ်ခုအကြား ရွေးချယ်ရခက်နေတဲ့ လူငယ်လေး Manolo (Diego Luna) ရဲ့ ခရီးလမ်းကိုတင်ဆက်တာဖြစ်ပါတယ်။ ချောမောလှပတဲ့ Maria (Zoe Saldana) ကိုချစ်မိသွားပြီး ဆွဲဆောင်မှုရှိတဲ့ ပြိုင်ဘက် Joaquin (Channing Tatum) နဲ့ အချစ်ရေးယှဉ်ပြိုင်ရာမှာဖြစ်တဲ့အတွက် ဝိဉာဉ်တွေဖြစ်တဲ့ La Muerte (Kate del Castillo) နဲ့ Xibalba (Ron Perlman) တို့က Maria ကိုဘယ်သူရမလဲ အလောင်းအစားလုပ်ကြပါတယ်။ Maria က Manolo ဘက်ကိုယိမ်းသွားတဲ့အခါ အလောင်းအစားကိုရူံးနိမ့်မှာစိုးရိမ်တဲ့အတွက် Joaquin ကို Maria ရဲ့ချစ်သူဖြစ်စေနိုင်ဖို့မျှော်လင့်ပြီး Xibalba က Manolo ကိုသတ်ဖို့ မြွေတစ်ကောင်ကိုလွှတ်လိုက်ပါတယ်။ Maria ရှိရာ လူသားတွေနေတဲ့ ကမ္ဘာကိုပြန်လာဖို့အတွက် Manolo တစ်ယောက် အကြီးမားဆုံးအကြောက်တရားနဲ့ ရင်ဆိုင်ရမယ့် စိတ်ကူးယဉ်ကမ္ဘာသုံးခုပါဝင်တဲ့ မယုံနိုင်ဖွယ် ခရီးစဉ်တစ်ခုကိုစတင်ရတာဖြစ်ပါတယ်။ အမေရိကန် 3D computer-animated အချစ်၊ စွန့်စားခန်း၊ ဟာသဇာတ်ကား The Book of Life ကို ဒါရိုက်တာ Jorge Gutierrez က ရိုက်ကူးပေးထားပြီး Channing Tatum, Zoe Saldana, Diego Luna နဲ့ Christina Applegate တို့ကအသံနဲ့သရုပ်ဆောင်ထားပါတယ်။ IMDb Rating (7.4/10) Rotten Tomatoes (82%) ရရှိထားလို့ ကြည့်ဖို့တိုက်တွန်းပါတယ်။ File size… 7 GB / 1.7 GB / 1.2 GB Quality… WEB-DL 4K HEVC / 1080p / 720p Format…  mp4 Duration…. 1h 35m Genre ..... Animation / Adventure / Comedy / Family Subtitle…. Myanmar Subtitle (Hard Sub) Encoder…. Thit San Khant Translated by Nyi Than Lwin

ဒီတစ်ခါမှာတော့ ကြည့်ရှုသူပရိတ်သတ်ကြီးကို ၂၀၁၄ ခုနှစ်က ထွက်ရှိထားတဲ့ No Good Deed ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ် ဒီဇာတ်ကားကို ဒါရိုက်တာ Sam Miller ကရိုက်ကူးပုံဖော်ထားပြီး rating 5.6/10 အထိရရှိထားပါတယ် ဒီဇာတ်ကားမှာ ကော်လင်းအဖြစ်သရုပ်ဆောင်ထားတဲ့ မင်းသား Idris Elba ကအကောင်းဆုံးအမျိုးသားသရုပ်ဆောင်ဆုကို ရရှိထားပြီး မင်းသမီး Taraji Henson ကအကောင်းဆုံး အမျိုးသမီး သရုပ်ဆောင်ဆုကိုဆွတ်ခူးရရှိထားပါတယ်... ဇာတ်လမ်းအစမှာလူသတ်မှုနဲ့ ထောင်ငါးနှစ်ကျနေတဲ့ ကော်လင်းဆိုတဲ့လူသတ်သမားတစ်ယောက် အယူခံဝင်ဖို့ တရားရုံးကို သွားနေပုံနဲ့စတင်ထားပါတယ် ဒီဇာတ်ကားက လူ့လောကမှာအိမ်ထောင်ရေးဖောက်ပြန်သူတွေဟာ နောက်ဆုံးမှာ ဘယ်လို အဆုံးသတ် သွားမလဲဆိုတာကို ထောက်ပြထားပါတယ် ဒီလိုနဲ့ကော်လင်းတစ်ယောက် အယူခံဝင်တာမအောင်မြင်တဲ့အဆုံး ထောင်ကိုပြန်တဲ့လမ်းမှာ ကားပေါ်ကနေထွက်ပြေးလွတ်မြောက် သွားပါတယ် အဲ့ဒီနောက် လက်ထပ်ဖို့အထိရည်ရွယ်ထားတဲ့ ချစ်သူကောင်မလေးဆီကို အရောက်ပြန်ပါတော့တယ် အချစ်ကြီးတဲ့ကောလင်းတစ်ယောက် မိမိချစ်လှပါတယ်ဆိုတဲ့ ကောင်မလေးက မိမိထောင်ကျနေတဲ့အချိန်မှာ အခြားတစ်ယောက်နဲ့ ဖောက်ပြန်နေတာကို သိလိုက်တဲ့အချိန်မှာ ဘယ်လိုတွေ ဆက်ဖြစ်ကြမလဲ.... ကော်လင်းတစ်ယောက် ဒီအဖြစ်မှန်ကိုရင်ဆိုင်နိုင်ပါ့မလား ကောလင်းတစ်ယောက်ဘယ်လိုမျိုးတွေဂလဲ့စားချေဖို့ ကြိုးစားမလဲ.. တစ်ဖက်မှာလည်း တယ်ရီဆိုတဲ့ ကလေးနှစ်ယောက်နဲ့ နပန်းလုံးနေရတဲ့ အိမ်ထောင်ရှင်မ အမျိုးသမီးတစ်ယောက်က မိမိယောကျ်ားရဲ့အရေးမထားမှုတွေ ဂရုမစိုက်မှုတွေကို ခါးစီးခံနေရပါတယ် ဒီလိုနဲ့ တစ်နေ့မှာတယ်ရီရဲ့အမျိုးသား ဂျက်ဖ်ရီက သူ့အဖေမွေးနေ့မလို့ ဂေါက်ရိုက်သွားမယ်ဆိုပြီး ပြောကာ အထုပ်အပိုးတွေနဲ့ မိုးထဲရေထဲကိုထွက်သွားပါတယ် တိုက်တိုက်ဆိုင်ဆိုင် အဲ့ဒီအချိန်မှာပဲ ကော်လင်းတစ်ယောက် ကားပျက်ပြီး တယ်ရီတို့အိမ်ကိုရောက်လာခဲ့ပါတယ် အဲ့ဒီနောက်တော့ ဘာတွေဆက်ဖြစ်ကြမလဲ... ကော်လင်းကရော အစစအရာရာ သဘောကောင်းပြီး ကူညီပေးနေတဲ့ တယ်ရီတို့သားအမိသုံးယောက်ကိုဘာလို့ ပြန်ပေးဆွဲဖမ်းသွားတာလဲ ဘာကြောင့်လဲ ဘယ်နေရာကို ဖမ်းခေါ်သွားတာလည်း ဆိုတာကို ဒီဇာတ်ကားလေးထဲမှာ ပရိတ်သတ်ကြီးကိုယ်တိုင် လိုက်ပါစီးမျောကြည့်ရှုလိုက်ပါဦး... ဒီဇာတ်ကားက ကြည့်ရှုသူပရိတ်သတ်ကြီးကို ဇာတ်လမ်းအစအလည်အဆုံး ထိုင်ရာကနေမထချင်လောက်အောင် စွဲဆောင်ထားနိုင်မှာ အမှန်ပါပဲ ဒီဇာတ်ကားက Crime , Drama & Horror ဇာတ်လမ်းအမျိုးအစားကိုမှကြိုက်နှစ်သက်ပါတယ်ဆိုတဲ့ သူတွေ လက်မလွတ်စတမ်းကြည့်ရှုသင့်တဲ့ ဇာတ်ကားလေးတစ်ကား ဖြစ်ပါတယ်........... File size…1.18GB / 565MB Quality…Blu -Ray 1080p 5.1CH  / 720p Format…mp4 Duration….1h 24m Genre ….. Crime , Drama , Horror Subtitle….Myanmar Subtitle (Hard Sub) Encoder….Min Wai Translated by Eh Phaw

Bordertown (2006) Bordertown ဆိုတဲ့ကားလေးက JLo ရဲ့ နာမည်ကျော်ကားလေးတစ်ကားဖြစ်သလို တကယ့်အဖြစ်မှန်တွေ ပြည့်နှက်နေတဲ့ စိတ်ဝင်စားစရာကောင်းတဲ့ ကားလေးတစ်ကားဖြစ်ပါတယ်။ အကျင့်ပျက်ချစားမှုတွေနဲ့ ပြည့်နှက်နေတဲ့ မက္ကဆီကိုနိုင်ငံက Juarez ဆိုတဲ့နယ်စပ်မြို့လေးမှာ မိန်းကလေးတွေကို မုဒိန်းကျင့် လူသတ်မှုတွေက ထောင်နဲ့ချီပြီးရှိလို့နေတယ်။ တစ်ရက်တော့ အဲဒီလို မုဒိန်းကျင့်ပြီး သတ်ဖြတ်ခံရတဲ့ မိန်းကလေးတစ်ယောက်က မသေပဲ ပြန်ရှင်လာခဲ့တယ်။ JLo ကတော့ အမေရိကန်က သတင်းထောက်တစ်ယောက်​ပေါ့... သတင်းထောက်ဆိုတဲ့အတိုင်း စပ်စပ်စုစုနိုင်ပြီး ဒီကိစ္စကို အတော်လေးလိုက်ရတယ်။ ကြားထဲမှာလည်း အရင်က သူနဲ့ ဇာတ်လမ်းတွေရှိခဲ့ဖူးတဲ့ နယ်ခံသတင်းထောက်တစ်ယောက်နဲ့ ပေါင်းပြီး ကောင်မလေးကိုလည်း ကာကွယ်ရင်း အသက်နဲ့စတေးပြီး ဒီသတင်းကို လိုက်ခဲ့ရတဲ့အကြောင်းတွေကို စိတ်ဝင်တစားကြည့်ရမှာပါ။ မ​​ကောင်းတဲ့ အစိုးရရဲ့ လက်​အောက်မှာ အမျိုးသမီး​တွေ ​ ခေါင်းပုံဖြတ်ခံရမှု အကာအကွယ်မဲ့မှု​အသက်​တွေ တန်ဖိုးမဲ့မှုတွေကို CM ပရိသတ်တို့ စာနာမိမှာပါ... Jennifer Lopez နဲ့ Antonio Banderas တို့ရဲ့ ငယ်ဘဝ သရုပ်ဆောင်ပုံတွေကလည်း ထိထိမိမိဖြစ်နေတာကြောင့် ကြည့်သင့်တဲ့ကားလေးတစ်ကားဖြစ်တဲ့အကြောင်း ညွှန်းဆိုလိုက်ပါရစေ။ (ဇာတ်ကားနဲ့အညွှန်းကို Mugiwara Ya မှ ပြန်ဆိုရေးသားထားပါတယ်) Size - 1.56GB, 990MB Quality - 1080p, 720p IMDb Rating - 6.1/10 Format - mp4 Duration - 1H 52Min Type - Crime, Mystery, Thriller Subtitle - Myanmar Subtitle (Hardsub) Translated by Mugiwara Ya Encoded by Y