Ken Cheeseman ပါဝင်သော ဇာတ်ကားများ

The Drama (2026) +++++++++++ IMDb Rating (7.5) / Rotten Tomatoes (77%) ဒီကားလေးအကြောင်း ပြောပြရမယ်ဆိုရင်တော့ A24 က ထုတ်တဲ့ကားဆိုတော့ ရိုးရိုးအချစ်ကားလေးလို့ ထင်ရပေမယ့် တကယ်တမ်းကျတော့ တော်တော်လေးကို အသည်းယားစရာကောင်းတဲ့ ကားမျိုးပဲ။ ဇာတ်လမ်းက Emma (Zendaya) နဲ့ Charlie (Robert Pattinson) တို့ စုံတွဲက မင်္ဂလာဆောင်ဖို့ ပြင်ဆင်နေကြတဲ့ အချိန်ကနေ စထားတယ်။ အပေါ်ယံကြည့်ရင်တော့ သူတို့နှစ်ယောက်က အရမ်းချစ်ကြပြီး အရာအားလုံး Perfect ဖြစ်နေတယ်လို့ ထင်ရတာပေါ့။ ဒါပေမဲ့ မင်္ဂလာဆောင်ဖို့ ၁ ပတ်လောက်ပဲ လိုတော့တဲ့အချိန် သူတို့ သူငယ်ချင်းတွေနဲ့ ဆုံရင်း "ကိုယ့်ဘဝမှာ လုပ်ဖူးသမျှ အဆိုးဆုံးကိစ္စက ဘာလဲ" ဆိုပြီး ကစားကြရာကနေ ပြဿနာစတော့တာပဲ။ အဲဒီမှာ Emma က သူ့ရဲ့ငယ်ဘဝက တော်တော်လေးကို ထိတ်လန့်စရာကောင်းတဲ့ လျှို့ဝှက်ချက်ကြီးတစ်ခုကို ဖွင့်ပြောချလိုက်တယ်။ အဲဒါလည်းပြီးရော မင်္ဂလာဆောင်ဖို့ စီစဉ်ထားတာတွေရော၊ သူတို့ရဲ့ ဆက်ဆံရေးရော အကုန်လုံး ဇောက်ထိုးမိုးမျှော်တွေ ဖြစ်သွားတော့တာပဲ။ ဘာလျှို့ဝှက်ချက်လဲဆိုတာတော့ ဇာတ်ကားထဲမှာပဲ ကိုယ်တိုင် ကြည့်လိုက်တော့နော်။ ဒီကားက သာမန် RomCom တွေလို ကြည်နူးစရာကောင်းတာထက် စိတ်ဖိစီးစရာ၊ စိတ်အိုက်စရာ အခြေအနေတွေကို အတော်လေး ပီပြင်အောင် ရိုက်ပြထားတယ်။ ဇာတ်ကောင်တွေက အခြေအနေတွေ ရှုပ်ထွေးလာတဲ့အခါ ချက်ချင်း ဆုံးဖြတ်ချက်တွေ လွဲကြ၊ မှားကြနဲ့ တကယ့် ငတုံး ငတုံးမတွေလို ပြုမူမိတာတွေကိုလည်း မြင်ရမှာပါ။ Zendaya ရော Robert Pattinson ရောက သူတို့ရဲ့ စိတ်လှုပ်ရှားမှုတွေ၊ အကြပ်အတည်းတွေကို သရုပ်ဆောင်သွားတာ တကယ်မိုက်တယ်။ ကြည့်နေရင်းနဲ့ အနေရခက်စရာ၊ အိုက်စရာ အခန်းတွေ ပါပေမယ့် အဲဒါတွေကပဲ ဒီကားကို ပိုပြီး ဆွဲဆောင်မှုရှိစေတာ။ ရိုးရိုးအချစ်ကားတွေ ကြည့်ရတာ ရိုးအီနေပြီ၊ နည်းနည်း Dark ဖြစ်ပြီး ကြည့်ပြီးရင်တောင် ခေါင်းထဲမှာ ဆက်တွေးနေရမယ့် ကားမျိုးကို ကြိုက်တယ်ဆိုရင်တော့ ဒါလေးက သေချာပေါက် ကြည့်သင့်တဲ့ ကားပါပဲ။ File Size… (7.40GB)/(1.90GB) / (762MB) Quality… WEB-DL 4K HEVC / 1080p HEVC / 720p Format…mkv / mp4 Duration…1h 45m Genre ….Comedy , Drama , Romance Subtitle….Myanmar Subtitle (Hard Sub)

Professor Marston and the Wonder Women (2017) IMDb - 7.1/10 Rotten - 86% ကျွန်တော်တို့အားလုံး Wonder Woman ဆိုတဲ့စူပါဟီးရိုးကို သိကြပါတယ်။ မပေါ့်တပေါ် အဝတ်အစားရယ်၊ ဆွဲဆောင်နိုင်လွန်းတဲ့ ခန္ဓာကိုယ်အချိုးအစားရယ်၊ သူ့ရဲ့ စွမ်းအားတွေရယ်က အတော်လေးကို ရေပန်းစားပါတယ်။ ဒီကားလေးကတော့ Batman, Superman တို့လို ဒိတ်ဒိတ်ကြဲဇာတ်ကောင်တွေနဲ့ တန်းတူရင်ဘောင်တန်းနိုင်တဲ့ ဒီ Wonder Woman ဇာတ်ကောင်ကို ဖန်တီးခဲ့သူ စိတ်ပညာပရော်ဖက်ဆာ မာစတန်အကြောင်း ရိုက်ကူးထားတာဖြစ်ပါတယ်။ အချစ်ကို အဓိပ္ပါယ်ဖွင့်ဆိုဖို့ဆိုတာ အရမ်းခက်ခဲပါတယ်။ လူတိုင်းဟာ အချစ်ကို တစ်ယောက်တစ်မျိုးစီ လက်ခံထားကြပါတယ်။ တစ်ချို့က လိင်ကွဲပဲ ကြိုက်သလို၊ လိင်တူပဲ စိတ်ဝင်စားသူလဲရှိပါတယ်။ ဒါပေမယ့် 20 ရာစုအစောပိုင်း၊ အချစ်နဲ့ပတ်သက်ပြီး အမြင်ကျဉ်းမြောင်းခဲ့ကြတဲ့ခေတ်မှာ လိင်တူချစ်သူတွေ၊ အမျိုးသမီးရေးရာ လှုပ်ရှားသူတွေ အတော်အကျပ်ရိုက်ခဲ့ပါတယ်။ ထူးခြားတာက ပရော်ဖက်ဆာ မာစတန်ရဲ့ မိန်းမဖြစ်သူ အက်လီဇဘတ်ကိုယ်တိုင်က လိင်တူချစ်သူတစ်ဦးဖြစ်နေတာပါပဲ။ Wonder Woman ဇာတ်ကောင်ကလဲ Bisexual တစ်ယောက်ပါ။ မာစတန်ဟာ Wonder Woman ဇာတ်ကောင်ကို သူ့ဘဝမှာ အချစ်ရဆုံးအမျိုးသမီးနှစ်ယောက်ပေါ် အခြေခံပြီး ဖန်တီးထားတာဖြစ်ပါတယ်။ Wonder Woman ရဲ့အဝတ်အစားကလဲ အဖော်အချွတ်ဝတ်စုံဒီဇိုင်းဖြစ်သလို သူ့ရဲ့ Lasso of Truth ကလဲ လိင်ဆက်ဆံရာမှာသုံးတဲ့ ကြိုးကို အခြေခံထားတာဖြစ်ပါတယ်။ ဒါပေမယ့် လူတွေက အဲ့ဒီလိုပုံဖော်မှုနောက်ကွယ်က Wonder Woman ဇာတ်ကောင်ရဲ့ တကယ်ပေးချင်တဲ့ Message ကို မသိခဲ့ပါဘူး။ ဒါတွေကို ပရော်ဖက်ဆာ မာစတန် ဘယ်လိုရင်ဆိုင်ခဲ့ရလဲ၊ သူ့ရဲ့ လင်မယားဘဝအြခေအနေကရော ဘယ်လိုမျိုးလဲဆိုတာတော့ ဇာတ်ကားထဲမှာ ဆက်လက်ကြည့်ရှူကြပါခင်ဗျ။ စူပါဟီးရိုး ဂိဆရာတို့အတွက်ကတော့ ဂိသထက်ဂိအောင် ကြည့်ကိုကြည့်သင့်တဲ့ကားပါ ? File Size : (903 MB) Quality : Blu-Ray 720p Running Time : 1hr 48min Format : Mp4 Genre :Biography, Drama Subtitle : Myanmar Subtitle (Hard Sub) Source : 720p.BluRay.x264-DRONES Translated by Arkar Phyo Encoded by Thanhtike Zaw

ဒီဇာတ်ကားက Joy Manganoဆိုတဲ့ အမျိုးသမီးတစ်ယောက်ရဲ့ ဘဝဇာတ်ကြောင်းကို ပြန်ရိုက်ထားတဲ့ Biographical Comedy-Dramaအမျိုးအစား ဇာတ်ကားပဲ ဖြစ်ပါတယ် Joyက ယောက်ကျားနဲ့ ကွဲထားတဲ့ ကလေးနှစ်ယောက် အမေ ဖြစ်သလို သူရဲ့ အဖေနဲ့ အမေကလဲ ကွာရှင်းထားတာကြောင့် အိမ်စီးပွားရေးက သူရဲ့ ခေါင်းပေါ်ကို ရောက်လာပါတော့တယ် အဲဒီလိုနဲ့ စီးပွားရေး အဆင်ပြေဖို့အတွက် အလုပ်သစ်တစ်ခုကို စတင်တီထွင်ဖို့ ကြိုးစားပါတော့တယ်။ ဒီဇာတ်ကားက အလုပ်သစ် စတင်မဲ့ လူတစ်ယောက်အတွက် ဘယ်လိုမျိုး အခက်အခဲတွေ ကြုံတွေ့ရတတ်တယ်၊ မအောင်မြင်ခင် ဘယ်လို ဝေဖန်တိုက်ခိုက်ခံရတယ်ဆိုတာတွေကို တွေ့ရမှာပါ။ အဲဒီ အခက်အခဲတွေကို ဘယ်လို အင်အားမျိုးနဲ့ ကျော်ဖြတ်မှာလဲ၊ ကျရံှူးမှူတွေကိုရော လက်မြောက် အရံှူးပေးမှာလား ဒါမှမဟုတ် မဖြစ် ဖြစ်တဲ့ နည်းနဲ့ ကျော်လွှားမှာလားဆိုတာကို ကောင်းကောင်းသင်ယူနိူင်မဲ့ ဇာတ်ကား တစ်ကားမှာပါ။ အလုပ်သစ်တစ်ခု စတင်မဲ့လူတွေအတွက် ကြည့်ကို ကြည့်သင့်တဲ့ ဇာတ်ကားတစ်ကားလို့ ညွန်းပါရစေ Jennifer Lawrence  ရဲ့ အကောင်းဆုံး သရုပ်ဆောင်မှူနဲ့အတူ IMDB Rating 6.6 အထိ ရထားတဲ့ ဒီဇာတ်ကားက ကြည့်ရှူတဲ့လူတွေအတွက် အကျိုးရှိတဲ့ အတွေးမျိုးကို ပေးနိူင်မှာ သေချာပါတယ်။ File Size         : 930 MB Quality           : Blu ray 720P Running Time : 2hr 04 minute Format           : Mp4 Genre             : Biographical, Comedy, Drama Encoder         : Joker.phs

Shutter Island (2010) IMDb Rating (8.1) / Rotten Tomatoes (69 %) Shutter Island က ဒါရိုက်တာ Martin Scorsese အကောင်းဆုံးကားတွေထဲက တစ်ကားပါ။ Shutter Island လို့ခေါ်တဲ့ကျွန်းတစ်ကျွန်းက အရူးဆေးရုံကို Teddy ( Leonardo ) နဲ့ Chuck ( Mark Ruffalo ) အရာရှိ ၂ ယောက် ရောက်လာတယ်။ သူတို့အလုပ်က Rachel Solando လို့ခေါ်တဲ့ လူနာပျောက်သွားတဲ့အမှုကို လာစစ်ဆေးဖို့။ အဲဒီအရုးဆေးရုံ တစ်နည်းအားဖြင့် စိတ်ဝေဒနာရှင်အပြင်းစားတွေကို ကုတဲ့ဆေးရုံမှာ Dr. John Cawley စိတ်ရောဂါအထူးကု ဆရာ၀န်ခေါင်းဆောင်။ သူ့အထက်မှာ ဆေးရုံအုပ်နဲ့ ဘုတ်အဖွဲ့ပဲ ရှိတော့တယ်။ မာရှယ်အရာရှိဖြစ်တဲ့ Teddy ( Leo ) က ပျောက်သွားတဲ့လူနာ Rachel Solando ကို ရှာဖွေဖို့ Chuck က သူ့လက်ထောက်အဖြစ် အနီးကပ်လိုက်ပါ ကူညီပေးရတယ်။ Spoiler Alert* ဒီကားဟာ Plot Twist နဲ့ ကြည့်တဲ့သူကို ရှုတ်ထွေးသွားစေတယ်။ သေချာမကြည့်ရင် နားလည်မှာမဟုတ်ဘူး။ ဒီကားမှာ Teddy ( Leo ) က ရူးနေတာပါ။ သူရူးသွားတဲ့အကြောင်းရင်းလည်း ရှိတယ်။ အဲဒီရူးသွားတဲ့အကြောင်းကိုပဲ Plot Twist လုပ်ထားတာဖြစ်ပါတယ်။ Teddy ရူးနေတဲ့အကြောင်းကို သူ မီးပြတိုက်သွားပြီး Dr. John Cawley နဲ့ တွေ့သွားချိန်မှာ အားလုံးရှင်းရှင်း လင်းလင်း ပြောပြသွားပြီးပါပြီ။ ဇတ်ကားက အဲမှာတင် ရှင်းနေပြီးပါပြီ။ Teddy ( Leo ) ဘာကြောင့်ရူးသွားလဲ။ Teddy ( Leo ) ရဲ့ နာမည်အရင်းက Andrew Laeddis ပါ။ သူ့မှာ Dolores Chanal လို့ခေါ်တဲ့ မိန်းမနဲ့ သားသမီး ၃ ယောက်ရှိတယ်။ သူ မရူးခင်ကတည်းက သူ့မိန်းမ Dolores Chanal က စိတ်ဖောက်ပြီးအရင်ရူးနေတာပါ။ ရူးသွားတဲ့ သူ့မိန်းမဟာ တစ်နေ့မှာ သူ့တို့အိမ်၀င်းထဲက ကန်ထဲမှာ သူ့သားသမီး ၃ ယောက်လုံးကို ရေနစ်သတ်လိုက်ပါတယ်။ သူပြန်လာချိန်မှာ သူ့ကလေးတွေ ရေထဲနစ်သေနေတာတွေ့ပြီး ဒေါသနဲ့ သူ့မိန်းမကိုပါ ပစ်သတ်လိုက်တယ်။ သူကိုယ်တိုင်လည်း စိတ်အကြီးအကျယ်ထိခိုက်၊ စ်ိတ်ဒဏ်ရာရ Trauma ဖြစ်ပြီး ရူးသွားပါတယ်။ သူ့နာမည်ရင်းနဲ့ သူ့မိန်းမ၊ သူ့သားသမီး အားလုံးကိုလည်း မေ့သွားပါတယ်။ တစ်ခါတခါတော့သတိရတတ်ပါတယ်။ သူရူးတာက အများနဲ့မတူ အန္တရာယ်ရှိတဲ့အတွက် Shutter ကျွန်းပေါ်က Ashecliffe လို့ခေါ်တဲ့ အရူးဆေးရုံ၊ စိတ္တဇဆေးရုံကို ပို့ခံရတာပါ။ ဒါပေမယ့် သူ့ကို ဒီအတိုင်းတန်းပို့လို့မရပါဘူး။ ဇတ်လမ်းတစ်ခုထွင်ပြီး သူ့ကိုယ်သူ ဘယ်သူဆိုတာ သိလာအောင် ပြန်ရှာခိုင်းတာပါ။ သူ့အတွက် ဆရာ၀န်တွေ ထွင်လိုက်တဲ့လုပ်ဇတ်(ဇတ်လမ်း) ကိုလည်း ကြည့်ပါဦး။ ဆေးရုံက ပျောက်သွားတဲ့လူနာရဲ့ နာမည်က Rachel Solando တဲ့ Rachel ဆိုတာ သူ့သမီးရဲ့ နာမည် ဖြစ်နေတယ်။ Leonardo ရဲ့ စိတ်ကူးယဉ်ကမ္ဘာ Leonardo ဟာ သူ့ရဲ့ စိတ်ကူးယဉ်ကမ္ဘာ Fantasy World မှာ အသက်ရှင်နေတာပါ။ ဒါကို ဆ၇ာ၀န်တွေက သူပြန်အမှတ်ရလာအောင် Reality လက်တွေ့ကမ္ဘာထဲရောက်လာအောင် ကူညီပေးနေတာပါ။ စိတ်ကူးယဉ်ကမ္ဘာထဲကလူတွေနဲ့ စကားပြောမယ် လက်တွေ့ဘ၀ကလူတွေနဲ့လည်း ပေါင်းမယ်ဆိုတဲ့ စ်ိတ်ဝေဒနာရှင်တစ်မျိုးပါ။ ကြုံလို့ ပြောရရင် ပြီးခဲ့တဲ့ သူစိမ်းအိမ် ဇတ်ကားကြည့်နေုတုန်းက လူသတ်မိသားစု ဖြစ်ပျက်နေပုံကို ကြည့်ပြီး ချက်ချင်းသွားသတိရတာ Shutter Island နဲ့ A Beautiful Mind ဇတ်ကားကပါ။ မရှိတာ ( စိတ်ကူးကမ္ဘာ )ကို အရှိ ( reality ) ဆိုပြီး ယုံကြည်နေတဲ့ psycho character ချင်း အတူတူပါပဲ။ ဇတ်ကားအကြောင်း ပြန်ဆက်မယ်။ Leo ရဲ့ စိတ်ကူးယဉ်ကမ္ဘာထဲမှာ သူ့ကိုယ်သူ Teddy Daniels အဖြစ် ခံယူထားပြီး သူန့ တတွဲတွဲ သွားလာနေတဲ့ ( သူ့ကို အနီးကပ်စောင့်ကြည့်ဖို့ထားတဲ့ ) ဆရာ၀န် Sheehan ကိုတော့ Chuck အဖြစ်ပဲ သိထားတယ်။ သူ့မိန်းမဟာ သူ့အိမ်မက်မှာဖြစ်စေ၊ သူ့စိတ်ကူးကမ္ဘာမှာ ဖြစ်စေ တစ်ခါတရံပေါ်လာတတ်ပြီး သူ့မိန်းမနာမည် ဘယ်သူဆိုတော့ မေ့နေတယ်။ သူ့စိတ်ကူးမ္ဘာမှာ သူ့မိန်းမက အသတ်ခံရတယ်လို့ ပုံဖော်ထားပြီး သတ်လိုက်တဲ့သူက Andrew Laeddis ( သူမဟုတ်ဘူး တစ်ခြားတစ်ယောက် ) လို့ မှတ်ယူထားပြန်တယ်။ သူ့စိတ်ကူးမှာ သူ့မိန်းမကို မီးတောက်လောင်နေတဲ့ ပုံစံနဲ့ တွေ့တွေ့နေရတာက သူ့မိန်းမ Dolores Chanal က သူတို့နေအိမ်ကို စိတ်ဖောက်ပြီး မီးရှို့ခဲ့တဲ့အတွက်ကြောင့်ပါ။ ဒီအကြောင်းကို မီးပြတိုက်မှာ Chuck က ပြောသွားပါတယ်။ ဇတ်အိမ်အရ ဆက်စပ်၊ ဆီလျော်မှုလည်း ရှိပါတယ်။ Teddy ( Leo ) ရူးနေကြောင်း အခန်းတော်တော်များမှာ သတိထားကြည့်ရင် သိနိုင်ပါတယ်။ ဆရာ၀န် John Cawley နဲ့ ပထမဆုံး တွေ့တော့ ပျောက်သွားတဲ့ Rachel Solando အကြောင်းရှင်းပြချိန်မှာ Teddy က သူ့စိတ်ကူးထဲ ပုံဖော်ပြီး ခေါင်းကိုက်သွားလို့ အက်စ်ပရင် တောင်းပါတယ်။ နောက်ဒါရိုက်တာက အရိပ်အမွက်တစ်ခု ထပ်ပြပါတယ်။ Solando အခန်းထဲရှာတော့ "The law of 4; who is 67? ဆိုတဲ့စာတွေ့တယ်။ ဆေးရုံမှာ စိတ္တဇ လူနာ ၆၆ ယောက်ရှိတယ်။ Who is 67? တဲ့။ ၆၇ ယောက်မြောက်လူနာက သူ့ကိုယ်သူ Andrew Laeddis လို့မသိဘဲ Teddy ထင်နေတဲ့ Leo ကိုယ်တိုင်ပါပဲ။ သူရူးနေကြောင်း ပိုသိသာတာက မီးပြတိုက်မှာ Dr. John Cawley ကို သေနတ်နဲ့ ပစ်လိုက်တဲ့အခန်းပါ။ သူကတော့ သူ့စ်ိတ်ကူးနဲ့ သေနတ်အစစ်ထင်ပြီး ပစ်လိုက်တာ သွေးတွေတောင်ထွက်သွားတယ်။ တကယ်တမ်းက သေနတ်က ကလေးကစားစရာ သေနတ်ဖြစ်နေတာ သိသွားမှ Reality ကို ပြန်ရောက်လာတယ်။ နောက်ပြီး မီးပြတိုက်မသွားခင် ကားအနီကို မီးရှို့လိုက်တာလည်း သူရူးနေတယ်ဆိုတာကို ဖော်ပြနေတာပဲ။ မီးပြတိုက်မှာ ဟိုဒေါက်တာ John Cawley က စိတ်မရှည်တော့ဘဲ Leo ကို White Board က နာမည်တွေသေချာကြည့်လို့ပြောပြီး သေချာရှင်းပြလိုက်တော့မှ သူ့စိတ်ဖောက်နေတာ နားလည်သွားတော့တယ်။ ဒါပေမယ့် သိပ်မကြာဘူး။ နောက်နေ့ရောက်တော့ ဒုံရင်းပြန်ဆိုက်သွားတာပဲ။ ဘာလို့အဲလိုပြောရတာလဲဆိုရင် Leo က ဒေါက်တာ Sheehan ကို chuck လို့ခေါ်လိုက်တာကြောင့် ဒေါက်တာ Sheehan က အခြေအနေ မထူးဘူးဆိုတဲ့အထာနဲ့ ခေါင်းခါပြပါတယ်။ဒါပေမယ် နောက်ဆုံး Leo ပြောသွားတဲ့ စကားတစ်ခွန်းကြောင့် ဒေါက်တာ Sheehan ရော ကြည့်နေတဲ့ပရိတ်သတ်ရော ခေါင်းစားသွားပါတယ်။ သူပြောသွားတာက "Which would be worse to live as a monster or to die as a good man." စိတ်တ္တဇလူသတ်ကောင် မကောင်းဆိုးဝါလို အသက်ရှင်နေတာနဲ့ လူကောင်းတစ်ယောက်လို သေသွားတာ ဘယ်ဟာက ပိုဆိုးမလဲ။ တဲ့။ သူဆက်ရူးနေတာဆိုရင် သူ့ကို Lobotomized လုပ်တော့မှာပါ။ သူ့ကို ၂ နှစ်တာ အချိန်ပေးပြီး အနီးကပ်စောင့်ကြည့်ပြီးခဲ့ပြီးပြီလေ။ IMDb 8.1 , Rotten Tomatoes 68% Metacritic 63% Mind Fuck Level 6/10 ( Cinemanto ) Written by TMA #Shutter_island #Mind_Blowing_movie #Cinemanto (ရုပ်ရှင်အညွှန်းကို Cinemanto FB Page မှ ကူးယူဖော်ပြပါသည်။) File size…(8.6 GB)/ (2.5 GB )/(1.5 GB) Quality…WEB-DL  4K HEVC/ 1080p HEVC / 720p Format…mkv/mp4 Duration….02:12:00 Subtitle….Myanmar Subtitle (Hardsub) Encoder….Ka Naung

The Invention of Lying (2009) ~ IMDb - 6.4/10, Rotten Tomatoes - 55% ~ မုသားမရှိတဲ့ကမ္ဘာမှာနေချင်တယ် ဘာညာ စာတိုလေးတွေ ရေးကြ ပြောကြတာတွေ တွေ့ဖူးမယ်ထင်ပါတယ်။ ကိုယ်တိုင်ရော ပြောမိကြဖူးပါသလား။ တကယ်ပဲ အဲဒီလိုကမ္ဘာထဲရောက်သွားရင်ကော ဘယ်လိုနေမယ်ထင်ပါသလဲ။ ဒီဇာတ်ကားထဲမှာတော့ အဲလိုမျိုးကမ္ဘာတစ်ခုထဲက ဇာတ်လမ်းလေးတစ်ပုဒ်အကြောင်း ပြောပြထားတာ ဖြစ်ပါတယ်။ ဇာတ်လမ်းထဲကလူတွေဟာ ခင်ဗျားတို့ ကျွန်တော်တို့လို သာမန်လူတွေပါပဲ။ ကွာခြားမှုတစ်ခုတည်းရှိတာက သူတို့ဟာ မုသားဆိုတဲ့ သဘောတရားကို နားမလည်ကြဘူး၊ သိလည်းမသိ၊ ပြောလည်းမပြောတတ်ကြဘူး။ ဒီတော့ မြှောက်ပင့်ပြီးညာပြောတာမျိုး၊ အားနာလို့လိမ်ပြောတာမျိုး၊ လိုချင်တာရဖို့လိမ်ညာတာမျိုး လုံးဝမရှိပါဘူး။ သူတို့က သူတို့စိတ်ထဲရှိတာကိုပဲ အရှိအတိုင်းပြောတတ်ကြပါတယ်။ အဲလိုဆိုတော့ တစ်ခါတလေမှာ အပြောခံရသူမှာ စပ်ဖျင်းဖျင်းတော့ ဖြစ်တာပေါ့လေ။ မာ့ခ် ဘယ်လီဆင်လို အသက်ကလေးဆယ်ကျော် ပိုက်ဆံကမရှိ လူက ဝပြဲပြဲ ရွက်ကြမ်းရေကျိုရုပ်နဲ့ လူ ဆိုရင် ပိုခံရခက်တာပေါ့။ သူ့ကို အရှုံးသမားလို့ပဲ အားလုံးကခေါ်ကြတာဆိုတော့ကာ... တနေ့မှာတော့ မာ့ခ် တယောက် မရည်ရွယ်ဘဲ မုသားစကားတစ်ခွန်းကို ပါးစပ်ကပြောမိသွားတယ်။ကမ္ဘာ့ပထမဆုံးမုသားကို တီထွင်မိသူပေါ့လေ။ လူတွေကလည်း မုသားဆိုတဲ့ အဓိပ္ပာယ်အစစ်ကို မသိကြသူတွေဆိုတော့ သူပြောသမျှကို အမှန်လို့ပဲလက်ခံပြီး ယုံကြည်ပေးကြတာကို သိလိုက်ရတဲ့အခါ သူဟာ စူပါပါဝါတစ်ခုကို ရလိုက်သလို ဖြစ်သွားပါတော့တယ်။ အဲဒီနောက် သူ ဘာတွေဆက်လုပ်မလဲဆိုတာကိုတော့ ဇာတ်ကားကိုကြည့်ရင်း ဆက်လက်ရှုစားကြပါ။ ဒီကားရဲ့အဓိကသရုပ်ဆောင် အင်္ဂလိပ် ဟာသ သရုပ်ဆောင် Ricky Gervais (ရစ်ကီ ဂျာဗေးဇ်) ကိုတော့ ဒီကပရိသတ်တွေ သိတာနည်းမယ်ထင်ပါတယ်။ Night at the Museum ထဲက ပြတိုက်မှူးကြီးဆိုရင်တော့ should ring a bell ဖြစ်နိုင်ပါလိမ့်မယ်။ ဇာတ်ကားတလျောက်လုံးမှာ သူ့ရဲ့ British English accent ကို ကြားရမှာပါ။ အမေရိကန်တွေစကားပြောပုံနဲ့တော့ မတူလှဘူးပေါ့ခင်ဗျာ။ မင်းသမီး ဂျနီဖာ ဂါနာ (Jennifer Garner) ကိုတော့ သူ့ရဲ့ Elektra ဇာတ်ကားကနေ နောက်ဆုံးထွက် The Adam Project ဇာတ်ကားထိအောင် ကြည့်ဖူးကြသူတွေ သိကြမှာပါ။ ဒီဇာတ်ကားဟာ IMDb rating 6.4 ရရှိထားပါတယ်။ Romance/Comedy လို့ဆိုပေမယ့် ကြည့်ရတဲ့အခါ လူ့သဘာဝနဲ့ ခေတ်စနစ်တွေကို သရော်တဲ့ dark humour ဆန်‌ဆန် ပြကွက်တွေလည်း တွေ့ရပါလိမ့်မယ်။ ကလိထိုးပြီးရယ်ခိုင်းတဲ့အကွက်မျိုးတွေတော့ မပါပါဘူး။ တစိမ့်စိမ့်နဲ့ တွေးပြီး ရယ်ရမယ့် ဇာတ်လမ်းမျိုးပါ။ နှစ်ခြိုက်ကြလိမ့်မယ်လို့ မျှော်လင့်ပါတယ်။ (ဇာတ်ကားနဲ့အညွှန်းကို Thaman Myint မှ ပြန်ဆိုရေးသားထားပါတယ်) Size - 2.5GB, 800MB Quality - Blu-ray 1080p, 720p IMDb Rating - 6.4/10 Format - mp4 Duration - 1H 40Min Genre - Comedy, Fantasy, Romance Subtitle - Myanmar Subtitle (Hardsub) Translated by Thaman Myint Encoded by Y

Mystic River (2003) IMDb....7.9,,,,Rotten...88% ဒီဇာတ်ကားကတော့ စာအုပ်လည်း ထွက်ထားပါတယ် ..... ဇာတ်လမ်းကလည်း ၂နာရီလောက်ကြာပါတယ် ..... တော်တော်များများရုပ်ရှင်တွေက စာအုပ်ကို မမှီဘူးလို့ဝေဖန်ခံရလေ့ရှိပါတယ် .... ဒါပေမယ့်ဒီရုပ်ရှင်ကတော့ စာအုပ်ဖတ်ဖူးသူတိုင်းက ရုပ်ရှင်ကပိုကောင်းတယ် ပိုပြီးခံစားရတယ် .... သာမန် Thriller ရုပ်ရှင်တွေထက်ကိုသာလွန်တယ်လို့ review ကောင်းတွေရထားတဲ့ဇာတ်ကားပါ... Thriller fan တွေတကယ်ကို လက်မလွတ်သင့်တဲ့ဇာတ်ကားပါပဲ.. ထောင်ထွက် Jimmy ရဲ့သမီးလေး အသတ်ခံရတော့ သူ့ရဲ့ငယ်သူငယ်ချင်း၂ယောက်ပါ ဒီကိစ္စထဲပါလာတယ်... တစ်ယောက်က Daveက သာမန်အလုပ်သမား ဒါပေမယ့်အတိတ်ဆိုးနဲ့လူ .... သူက Jimmy သမီးကိုမသေခင်နောက်ဆုံးတွေ့ခဲ့တဲ့လူဖြစ်နေတယ်.. နောက်တစ်ယောက်က Sean လူသတ်မှုတွေရဲ့စုံထောက်ပေါ့ သူကဒီအမှုကိုတာဝန်ယူထားရတဲ့လူ... သူငယ်ချင်း၃ယောက်ပြန်ဆုံဖြစ်ကြတယ်ပေါ့ ... တဖြည်းဖြည်းနဲ့ အမှုနဲ့ပတ်သက်လို့သိလာရတာတွေရှိလာတော့ Jimmy က Dave ကိုသံသယဝင်လာတယ်... ဘယ်လိုဖြေရှင်းကြတယ် သူငယ်ချင်း၃ယောက်ရဲ့ဇာတ်လမ်းကဘယ်လိုလဲဆိုတာတော့ ဆက်ကြည့်ကြဖို့ပဲတိုက်တွန်းချင်ပါတယ်... ဒါရိုက်တာ Clint Eastwood ရိုက်ကူးထားတာဖြစ်ပြီး နာမည်ကျော်မင်းသားကြီးတွေဖြစ်တဲ့ Sean Penn,Tim Robbins, Kevin Bacon တို့ ပါဝင်သရုပ်ဆောင်ထားပါတယ်... အညွှန်းနဲ့ဘာသာပြန်သူကတော့ Jthekoala ပဲ ဖြစ်ပါတယ်... File Size : 1.96 GB, 813 MB Quality : Blu-Ray 1080p, 720p Format…mp4 Duration…02:18:00 Genre : Crime, Drama, Mystery Subtitle : Myanmar Subtitle (Hard Sub) Translated by Jthekoala Encoded by AHtet

State and Main (2000) IMDb Rating (6.7) / Rotten Tomatoes (85%) ဒါရိုက်တာ David Mamet မှ ရိုက်ကူးထားတဲ့ ဟာသဒရာမာဇာတ်ကားဖြစ်ပါတယ်။ ရုပ်ရှင်ရိုက်ကူးဖို့အတွက် မြို့ငယ်လေးတစ်မြို့ကို ရောက်လာခဲ့တယ် ရုပ်ရှင်အဖွဲ့သားတစ်ဦးက ဒေသခံတွေ နှင့် သူတို့ရဲ့ ထူးဆန်းတဲ့ ပြဿနာတွေကြားမှာ နှောက်ယှက်တဲ့ ဇာတ်လမ်းဖြစ်ပါတယ် ။ ဒီဇာတ်ကားက ရယ်စရာ ဒိုင်ယာလော့တွေနဲ့ ပြည့်နေတာပါပဲ။ ဒီဇာတ်ကားမှာ William H. Macy၊ Alec Baldwin နဲ့ Philip Seymour Hoffman တို့ ပါဝင်ပါတယ်။ သူတို့အားလုံးဟာ ဖျော်ဖြေမှုကောင်းကောင်းနဲ့တင်ဆက်နိုင်ပါတယ်၊ Macy က ရုန်းကန်နေရတဲ့ ဒါရိုက်တာအဖြစ် သရုပ်ဆောင်ထားပြီး Baldwin က ထင်ရှားကျော်ကြားသော သရုပ်ဆောင်တစ်ဦးဖြစ်ပြီး Hoffman သည် ပြည်တွင်းပြဇာတ်ရေးဆရာအဖြစ် သရုပ်ဆောင်ထားကြတယ်။ ဒီဇာတ်ကားက ဟောလိဝုဒ်မှာ ရယ်စရာကောင်းတဲ့ ဇာတ်ကားတစ်ကားဖြစ်ပြီး ရုပ်ရှင်ဖန်တီးမှုနောက်ကွယ်က ရူးသွပ်မှုတွေကို ပြသထားပါတယ်။ ရုပ်ရှင်လုပ်ငန်းနဲ့ မြို့ငယ်လေးအကြောင်း စိတ်ဝင်စားစရာကောင်းတဲ့ စိတ်ကူးစိတ်သန်းတွေနဲ့ ဟာသတွေ ရောစပ်ထားပါတယ်။ ယေဘူယျအားဖြင့်၊ State and Main သည် စာရေးကောင်းပြီး အရမ်းကောင်းတဲ့ သရုပ်ဆောင်မှုတွေနဲ့အရမ်းကြိုက်ချင်စရာဖြစ်နေတဲ့ ရုပ်ရှင်ဖြစ်ပါတယ်။ ရုပ်ရှင်နောက်ကွယ်အရာတွေကို ကြည့်ရတာ ပျော်စရာကောင်းတဲ့အတွက်စိတ်အပန်းဖြေဖို့အတွက်ဆိုကြည့်သင့်ပါတယ်။ (အညွှန်းနဲ့ဘာသာပြန်ကတော့ Banyar Aung ဖြစ်ပါတယ်။) File size…(2.2 GB) / (1.2 GB) Quality….WEB-Rip 1080p HEVC / 720p Format…. mkv/mp4 Genre….Comedy, Drama Duration….01:46:05 Subtitle….Myanmar Subtitle (Hardsub) Encoder….Benjamin Translated by Banyar Aung

အက်ဘီဂေးဝီလီယမ်နဲ့ မိန်းကလေးတစ်စုဟာ ကိုယ်တစ်ဖက်သတ်ချစ်နေတဲ့ ယောက်ျားတွေရဲ့အချစ်ကို ရချင်လို့ တောထဲမှာ ဂါထာရွတ်ပြီး ကခုန်နေကြပါတယ်။ အဲဒီအချိန် ခရစ်ယာန်ဘုန်းတော်ကြီး ပါးရစ်က သူ့တူမ အက်ဘီဂေးနဲ့ သမီး ဘတ်တီတို့ကို တွေ့သွားတယ်။ အသက်ငယ်သေးတဲ့ ဘတ်တီက ကြောက်လန့်ပြီး မေ့လဲသွားရာကနေ စုန်းပြုစားခံရတယ်ဆိုတဲ့ သတင်း တစ်ရွာလုံး ပျံ့သွားပါတော့တယ်။ အက်ဘီဂေးက ဒီအခြေအနေကို အခွင့်ကောင်းယူပြီး အိမ်ထောင်သည် ဂျွန်ပရော့တာနဲ့ ပေါင်းဖက်ရဖို့ ကြိုးစားလာတယ်။ သူနဲ့ တခြားမိန်းကလေးတွေက စေတန်လက်က လွတ်လာသူတွေဖြစ်လို့ စေတန်နဲ့ ပတ်သက်နေသူတွေကို သိတယ်လို့ ပြောကြတဲ့အခါ ဆေလန်က လူတွေလည်း အက်ဘီဂေးရဲ့ စကားတွေနောက် ပါသွားကြပါတယ်။ စုန်းအတတ်ကျင့်သုံးတယ်ဆိုတဲ့ စွပ်စွဲမှုတွေ ဖြစ်ခဲ့တဲ့ ဆေလန်ဖြစ်ရပ်ကို ကျောရိုးယူပြီး အယူသီးမှုရဲ့ အကျိုးဆက်တွေကို တင်ဆက်ထားတာပါ။ Arthur Miller က ၁၉၅၃ ခုနှစ်မှာ ရေးသားခဲ့တဲ့ The Crucible ပြဇာတ်ကို ဒါရိုက်တာ Nicholas Hytner က ၁၉၉၆ ခုနှစ်မှာ ရုပ်ရှင်အဖြစ် ပြန်လည်ရိုက်ကူးထားပါတယ်။

ထရေစီ (Nicole Kidman) နဲ့ အန်ဒီ (Bill Pullman) တို့ဟာ အချစ်တွေလျှံနေသေးတဲ့ သာမန် ပညာတတ်လူရည်မွန် ဇနီးမောင်နှံဖြစ်ကြပါတယ်။ ငယ်ရွယ်ချောမောတက်ကြွပြီး ပျော်ပျော်နေတတ်တဲ့ ထရေစီဟာ ကောလိပ်မှာလက်ထောက်ဌာနမှူးဖြစ်သူ အန်ဒီရဲ့ တပည့်ကျောင်းသူဖြစ်ခဲ့ဖူးသူလေးပါ။ တစ်ပတ်မှာ ငါးရက်လောက် ဆေးရုံရဲ့ ကလေးအထူးကုဌာနမှာ လုပ်အားပေးနေသူ ကျောင်းသူ ထရေစီရယ်၊ အနှစ်၁၀၀လောက် သက်တမ်းရှိနေတဲ့ ဝိတိုရိယခေတ်လက်ရာ အိမ်အိုကြီးမှာနေပြီး သမိုင်းဝင်အိမ်ဆိုတဲ့အပေါ်ဂုဏ်ယူနေတတ်တဲ့ ကျောင်းဆရာအန်ဒီတို့ဟာ အိမ်အတွက် အခြေခံလိုအပ်တဲ့ ပြင်ဆင်စရိတ်ကိုတောင် မတတ်နိုင်ကြတဲ့ လူလတ်တန်းစားဇနီးမောင်နှံပေါ့။ ဒါပေမယ့် “အသက်တစ်ရာ မနေရ၊ အမှုတစ်ရာပွေရ”ဆိုတဲ့ ဆိုရိုးရှိတယ်မလား။ အန်ဒီအလုပ်လုပ်တဲ့ကောလိပ်မှာ မုဒိမ်းမှုတွေကို ဆက်တိုက်ကျူးလွန်နေသူ တရားခံတစ်ယောက်ပေါ်ပေါက်လာပြီး တိုက်ခိုက်ခံရသူကျောင်းသူတွေမှာ ထိခိုက်ဒဏ်ရာရ အသက်သေဆုံးတဲ့အထိဖြစ်လာကြတယ်။ တစ်ဖက်မှာလည်း ထရေစီအလုပ်လုပ်နေတဲ့ ဆေးရုံကို ဂျက်ဒ် (Alec Baldwin)ဆိုတဲ့ ခွဲစိတ်ဆရာဝန်ပြောင်းလာခဲ့ပြီး အန်ဒီနဲ့တွေ့ဆုံခဲ့ကြတယ်။ အထက်တန်းကျောင်းနေဘက်တွေ ဖြစ်ခဲ့ကြလို့ အန်ဒီကဝမ်းပမ်းတသာရှိလှပေမဲ့ ထက်မြတ်ပြီးမောက်မာတဲ့ အတွက် ဂျက်ဒ်ကို ထရေစီကတော့ မျက်စိဆံမွှေးစူးစရာအဖြစ်ပဲမြင်ခဲ့ပါတယ်။ တစ်ရက်မှာတော့ အန်ဒီဟာ မုဒိမ်းမှုတွေအတွက် သံသရှိသူစာရင်းဝင်အဖြစ် ရဲစခန်းမှာသွားရောက်အစစ်ဆေးခံခဲ့ရသလို ထရေစီရဲ့ အရေးပေါက်ခွဲစိတ်ကုသမှုတစ်ခုအတွက် အုပ်ထိန်းသူအနေနဲ့သဘောတူပေးလိုက်ရာမှာ မှားယွင်းခွဲစိတ်မှုဖြစ်သွားတဲ့အတွက် ထရေစီရဲ့ နာနာကျည်းကျည်းလမ်းခွဲမှုကိုပါ ကြုံလိုက်ရတယ်။ ခွဲစိတ်ပေးခဲ့တဲ့ သူငယ်ချင်းဖြစ်သူဂျက်ဒ်မှာ တရားစွဲခံခဲ့ရရင်း အန်ဒီတစ်ယောက် မမျှော်လင့်ထားတဲ့ အမှန်တရားတွေ သိလာရဖို့ဖြစ်လာပါတော့တယ်။ File size…(2.5 GB)/(1.1 GB) Quality….Blu-Ray 1080p / 720p Format… mp4 Duration…. 01:47:00 Genre... Crime, Mystery, Thriller Subtitle….Myanmar Subtitle (Hardsub) Encoder….Garfield Translated by Khatar Aung

Housesitter (1992) IMDb Rating (6.2) / Rotten Tomatoes (36%) 90s comedy ကောင်းကောင်းလေး ကြည့်ချင်သူတွေအတွက် မင်းသားကြီး Steve Martin ရဲ့ 1992 ခုနှစ်ထွက် Housesitter ဆိုတဲ့ကားလေး တင်ဆက်ပေးချင်ပါတယ်။ ဇာတ်လမ်းလေးကတော့ Gwen ဆိုတဲ့ လူလိမ်မလေးဟာ Budapest ဆိုတဲ့ စားသောက်ဆိုင်မှာ စားပွဲထိုးရင်း Davis ဆိုတဲ့ ဗိသုကာပညာရှင်တစ်ယောက်နဲ့ အမှတ်မထင်ဆုံခဲ့ပါတယ်။ Davis က မကြာခင်ကမှ ရည်းစားဖြစ်သူကို သူ ဆောက်ထားတဲ့ အိမ်အသစ်စက်စက်လေးကို ခေါ်သွားပြီး လက်ထပ်ခွင့် တောင်းခဲ့ပေမယ့် ငြင်းခံခဲ့ရတာပါ။ Gwen နဲ့ တွေ့တဲ့အချိန်မှာ Davis က သူ့ရဲ့ နေရပ်ဖြစ်တဲ့ Dobb's Mill မှာ အိမ်လေးက လူမနေဘဲ ဒီအတိုင်း ရှိနေကြောင်း ပြောပြခဲ့ပါတယ်။ ဒီလိုနဲ့ Gwen တစ်ယောက် Davis မသိအောင် သူ့နေရပ်က အိမ်အသစ်လေးမှာ သွားပြီး နေခဲ့ပါတယ်။ Davisရဲ့ မြို့လေးမှာ Gwen တစ်ယောက် လိုအပ်တဲ့ ပစ္စည်းတွေ စျေးဝယ်ထွက်ရင်း ရှင်းစရာ ငွေကြေးမရှိတဲ့အခါ Davis ဘဏ်အကောင့်ထဲကနေ ဆိုင်ကို ဖြတ်ခိုင်းလိုက်ပါတယ်။ ဆိုင်ရှင်က သူနဲ့ Davis နဲ့ ဘယ်လိုတော်စပ်လဲ မေးတဲ့အခါ သူက Davis ရဲ့ မိန်းမပါဆိုပြီး လိမ်လည်ပြီး ဖြေခဲ့ပါတယ်။ ပစ္စည်းတွေ လိုက်ဝယ်ရင်း Davis ရဲ့ မိဘတွေနဲ့ပါ ဆုံခဲ့ပြီး သားဖြစ်သူက အိမ်ထောင်ကျနေမှန်းမသိသေးတဲ့ မိဘတွေက အံ့အားသင့်ခဲ့ရပါတယ်။ မကြာခင်မှာ Davis က အိမ်ကို ရောင်းဖို့ ဆုံးဖြတ်ပြီး ကိုယ်တိုင် လာကြည့်တဲ့အချိန် အိမ်ထဲမှာ ပရိဘောဂအပြည့်နဲ့ ဟင်းချက်နေတဲ့ Gwen ကိုတွေ့သွားပါတယ်။ Gwen နဲ့ Davis နဲ့ကို မိဘတွေကရော တစ်မြို့လုံးကရော လင်မယားတွေလို့ ထင်ထားပြီးသား ဖြစ်တဲ့အတွက် ဆက်ပြီး ဟန်ဆောင်ကြမှာလား၊ Davis က Gwen ကို သူ့အိမ်ကနေ ထွက်သွားခိုင်းမှာလား ရုပ်ရှင်ထဲမှာ ဆက်လက်ကြည့်ရှုရမှာ ဖြစ်ပါတယ်။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size…(4.7 GB) / (2 GB) Quality….Blu-Ray 1080p HEVC / 720p Format…. mkv/mp4 Genre….Comeddy,Romance Duration….01:42:30 Subtitle….Myanmar Subtitle (Hardsub) Encoder….Double K Translated by Leonie