"ဘရိုင်ယန်" ဆိုတဲ့ လူငယ်လေးဟာ သူ့အဖေ မီးဘေးထဲ ကွယ်လွန်သွားခဲ့တာကို မြင်တွေ့ခဲ့ရသူပါ။ ဒီလိုနဲ့ အဖေဖြစ်သူရဲ့ ခြေရာကိုနင်းပြီး မီးသတ်သမားတစ်ယောက် ဖြစ်လာဖို့ သင်တန်းကျောင်းကနေ အောင်မြင်စွာ ကျောင်းဆင်းလာခဲ့ပါတယ်။ တစ်နေ့မှာတော့ ဘရိုင်ယန်ဟာ မြို့ထဲမှာ အကြမ်းဆုံးနဲ့ သတ္တိအရှိဆုံးလို့ နာမည်ကြီးတဲ့ စခန်းအမှတ် ၁၇ ကို တာဝန်ကျခဲ့ပြီး အဲဒီစခန်းရဲ့ ဗိုလ်ကြီးဖြစ်သူ သူ့ရဲ့ အစ်ကိုအရင်း "စတီဖင် " နဲ့ ပြန်လည်ဆုံတွေ့ကာ စိတ်ဝမ်းကွဲမှုတွေကြားက အတူတူ လက်တွဲလုပ်ကိုင်ရမယ့် အခြေအနေ ဖြစ်လာပါတယ်။ တစ်ဖက်မှာလည်း မြို့ထဲမှာ ထူးဆန်းပြီး လျှို့ဝှက်ဆန်းပြားတဲ့ "ဘက်ဒရက်ဖ် " မီးလောင်မှုတွေ ဆက်တိုက်ဖြစ်ပွားလာတာကြောင့် ဒါဟာ သာမန်မီးလောင်မှုမဟုတ်ဘဲ ကွက်တိစီစဉ်ထားတဲ့ ရှို့မီးဖြစ်ကြောင်း စစ်ဆေးရေးမှူး "ဒွန် ရင်မ်ဂေးလ်" နဲ့အတူ ဘရိုင်ယန်တစ်ယောက် လိုက်လံစုံစမ်းရပါတော့တယ်။ မပြေလည်မှုတွေကို ကျော်လွှားပြီး ကြောက်မက်ဖွယ် မီးငရဲရဲ့ အန္တရာယ်ကြားကနေ တရားခံအစစ်အမှန်ကို ဖော်ထုတ်နိုင်မလား ဆိုတာကိုတော့.........
ဇာတ်ကားကြည့်ရန်