Kim Chan ပါဝင်သော ဇာတ်ကားများ

ဂျက်ကီချန်း ပရိသတ်တွေအတွက် ဇာတ်ကားကောင်းတစ်ကားနဲ့မိတ်ဆက်ပေးပါရစေ Shanghai Knights ဇာတ်ကားဟာ 2003 ခုနှစ်ကထွက်ရှိထားတဲ့ တရုတ်အမေရိကန်အက်ရှင်ကားတစ်ကားဖြစ်ပါတယ် IMDb rating 6.2/10 ရရှိထားပြီး Jackie Chan ၊ Owen Wilson ၊ Donnie Yan ၊ Aaron Taylor စတဲ့သရုပ်ဆောင်ကြီးတွေပါဝင်သရုပ်ဆောင်ထားပါတယ် ဇာတ်လမ်းအကျဉ်းကတော့ Chon Wang ဟာ အမိမြေတရုတ်နိုင်ငံကိုစွန့်ခွာပြီး အမေရိကန်နိုင်ငံ Carson မြို့လေးမှာ အရာရှိတစ်ယောက်အဖြစ်အသက်မွေးဝမ်းကျောင်းသူပါ....ဖခင်ဖြစ်သူကတော့ တရုတ်တော်ဝင်နန်းတွင်းတံံဆိပ်ကိုထိန်းသိမ်းရသူတစ်ဦးဖြစ်ပြီး သားလုပ်သူကိုမနှစ်မြို့သူတစ်ဦးဖြစ်ပါတယ်.... တော်လှန်ပုန်ကန်မှုတွေဖြစ်တဲ့အချိန်မှာ သူပုန်တွေက Chon Wang အဖေ့ကိုသတ်ပြီး တံဆိပ်တုံးလုယူသွားခဲ့ပါတယ်.....ဒီဖြစ်ရပ်ကြောင့် Chon Wang ဟာ ပါတနာRoy O'Bannonနဲ့ပူးပေါင်းပြီး လူသတ်သမားတွေထွက်ပြေးရာလန်ဒန်ကို လိုက်သွားပါတော့တယ်..... နောက်ဆုံးမှာ အဖေ့အတွက်ကလဲ့စားချေနိုင်မှာလား....တရားခံတွေကရောဘယ်သူတွေလဲဆိုတာ ဆက်လက်ကြည့်ရှုလိုက်ပါ.... File size…(2.1 GB)/(1.2 GB) Quality….. Blu-Ray 1080p / 720p Format…mp4 Duration….01:54:00 Genre...Action, Adventure, Comedy Subtitle….Myanmar Subtitle (Hardsub) Encoder….Garfield Translated by Min Khant Kyi Win

ဖဲမင်းသားကြီး ချောင်ယွင်ဖတ်နဲ့ အက်ရှင်မင်းသားကြီး Mark Wahlbergတို့ ပူးတွဲသရုပ်ဆောင်ထားတဲ့ ရဲစုံထောက်ကားဖြစ်တာမို့ မကောင်းမှာမပူရဘူးဗျ...။ ဇာတ်လမ်းဇာတ်အိမ်ကိုတော့ နယူးယောက်က ရာဇဝတ်ဂိုဏ်းသားတွေ ခြေဆန့်ရာ တရုတ်တန်းမှာ ဇာတ်အိမ်တည်ထားပါတယ်....။ ရဲသားတစ်ဦးဖြစ်တဲ့ ချန်းဟာ တရုတ်တန်းမှာတာဝန်ကျရင်း နေ့စဥ်ပဲ လူမိုက်ဂိုဏ်းတွေရဲ့ နေ့စဥ်နယ်မြေလုမှုတွေ၊မူးယစ်ဆေးမှုတွေ ဒုစရိုက်မှုအစုံကို တိုက်ဖျက်နေရတယ်ပေါ့.... မှန်မှန်ကန်ကန်နေထိုင်တာလည်းရှိသလို အခြေအနေအရ လူမိုက်တွေနဲ့ တွဲဖက်ပြီး အမှုလိုက်ရတာလည်းရှိတဲ့ တရုတ်တန်းကရဲဘဝကို မြင်တွေ့ရမှာပါ...။ ဒါကြောင့် ဇာတ်လမ်းနာမည်က The Corruptor(ချစားသူ)ဖြစ်နေတာပါ...။ ဒါပေမဲ့ ဒီအခြေအနေတွေက တရုတ်တန်းကို လူဖြူရဲအရာရှိတစ်ယောက် တာဝန်ကျလာတဲ့အချိန်မှာပြောင်းလဲသွားပါတော့တယ်... ဘာတွေဆက်ဖြစ်ကြမလဲဆိုတာကို ဇာတ်လမ်းလေးထဲမှာကြည့်ရှုလို့ရပါပြီ...။ File size…2.38 GB / 1 GB Quality…Blu-Ray 1080p 5.1 CH/ 720p Format…mp4 Duration….1h 50m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Themes

Lethal Weapon ရဲ့ စတုတ္ထကားမှာတော့ ရစ်ဂ်စ်က ဆံပင်ညှပ်ထားပြီး သူရော မာတော့ဖ်ပါ အသက်အရွယ်ရလာတဲ့ဒဏ်ကို နည်းနည်းချင်း ခံစားနေကြရပါပြီ။ ဒါပေမဲ့ ရစ်ဂ်စ်ကတော့ ကိုယ့်ကိုယ်ကိုယ် မအိုသေးဘူးလို့ ယူဆနေဆဲဖြစ်ပြီး မိုက်မိုက်ကန်းကန်း စွန့်စားတာတွေ လုပ်တုန်းပါပဲ။ ဒီတစ်ခါလည်း နှစ်ယောက်သား ကိုယ့်ဘာသာနေကြရင်း ပြဿနာက သူတို့ဆီ ရောက်လာပြန်ပါတယ်။ ဒီကားမှာ ဂျက်လီနဲ့ ဟာသသရုပ်ဆောင် Chris Rock တို့ပါ ပါဝင်လာကြပါတယ်။ Mel Gibson တို့နဲ့ ဂျက်လီတို့ အပြိုင်သရုပ်ဆောင်ထားတဲ့ အက်ရှင်ခန်းတွေအပြင် Chris Rock ပါဝင်တဲ့ ဟာသခန်းတွေလည်း ပါရှိပါတယ်။

အခုတလော အင်တာနက်မှာ အရမ်းကို နာမည်ကြီးနေတဲ့ မင်းသား Keaneu Reeve ရဲ့ 1997 က Supernatural, Mystery ဇာတ်ကားလေးဖြစ်တဲ့ The Devil's advocate ကို တင်ဆက်ပေးလိုက်ပါတယ်။ ဇာတ်ကားလေးရဲ့နာမည်က Devil မကောင်းဆိုးရွား Advocate ကိုယ်စားပြောပေးသူတဲ့ ဒါပေမဲ့ Devil's Advocate ဆိုတာ ရှေ့နေလို့ ဘာသာပြန်ပါတယ်။ ဒီဇာတ်ကားမှာ Charlize Theron, Al Pacino တို့လို နာမည်ကြီး သရုပ်ဆောင်တွေကလည်း အားဖြည့်ထားကြပါတယ်။ ဇာတ်လမ်းအကျဉ်းကတော့ Spoiler ဖြစ်သွားမှာစိုးလို့ သိပ်မပြောတော့ပါဘူး။ Florida က မြို့လေးတစ်မြို့မှာ အမှုရှုံးဖူးတာမရှိ စံချိန်တင်ထားတဲ့ ရှေ့နေလေးတစ်ယောက် ကျင့်ဝတ်နဲ့ အောင်မြင်မှုမှာ အောင်မြင်မှုကို ရွေးပြီးတော့ အမြင့်ဆုံးကိုတဖြည်းဖြည်းတက်သွားရင်း ကြုံရတဲ့အကြောင်းတွေပါ။ သဘာဝလွန် ဆန်းပြားတဲ့ ကိစ္စတွေကို ထည့်သွင်းရိုက်ကူးထားပါတယ်။ လူတွေကို အသက်ရှင်နေထိုင်ချင်အောင် မောင်းနှင်နေတဲ့ အရာတွေရှိပါတယ်။ ဒီရှေ့နေလေး ရဲ့ ဘယ်အရာက သူ့အတွက် အသက်ရှင်ချင်အောင် မောင်းနှင်နေလဲဆိုတာတော့..... (d3mon ဘာသာပြန်တင်ဆက်ပေးထားပါတယ်) File Size : (1.30 GB) Quality : Blu-Ray 720p Running Time : 2hr 24min Format : Mp4 Genre : Drama, Mystery, Thriller Subtitle : Myanmar Subtitle (Hard Sub) Source : iNTERNAL.1080p.BluRay.x264-MOOVEE Translated by d3mon Encoded by Thanhtike Zaw

Kundun (1997) IMDb Rating - 7.0/10 တိဗက်ကို ဗမာစိတ်ကူးယဉ်၀တ္တုတွေမှာ ကျွန်တော်တို့ တော်တော်ရင်းနှီးပြီးသားဖြစ်မှာပါပဲ။သိသလောက်ဆို သေသေချာချာ စာအုပ်ထဲ စပါတာက မောင်ထွန်းသူ ဘာသာပြန်ထားတဲ့ The Lost Horizon, ရှန်ဂရီလာထဲကစတယ် ထင်ပါတယ်။ အဲဒီစာအုပ်ထဲက တစ်ချို့အခန်းတွေကိုပဲ မင်းသိင်္ခကကူးပြီး မှတ်မိသလောက် နှစ်အုပ်လောက်ထွက်ဖူးပါသေးတယ်။တခြားစာရေးဆရာတွေလည်း ရေးကြတော့ ခုတိဗက်ဟာ ကျွန်တော်တို့နဲ့ မစိမ်းတဲ့နေရာပါပဲ။ တိဗက်အကြောင်းရေးကြတဲ့ အဲဒီစာအုပ်တွေမှာ လားမားတွေကလည်း မပါမဖြစ်ပေါ့။ ဒီရုပ်ရှင်ကတော့ စိတ်ကူးယဉ်မဟုတ်တဲ့ တိဗက်ပြည်ရဲ့ လက်ရှိနောက်ဆုံး ဒလိုင်းလားမားရဲ့ ထေရုပ္ပတ္တိကို ပြန်ရိုက်ကူးထားတာပါ။ ၁၄ဆက်မြောက်ဒလိုင်း လားမားရဲ့ ဘ၀ကို မွေးစကနေ တရုတ်တွေလက်က ပြေးတဲ့အထိ ရိုက်ပြထားပြီး တိဗက်ရဲ့ဘာသာရေးကို ထဲထဲ၀င်၀င်ကို ပုံဖော််ထားတဲ့ ရုပ်ရှင်ပါပဲ။နောက် အပြိုင်အနေနဲ့ မြင်ရမှာတော့ တိဘက်ကို တရုတ်တွေရဲ့ ဖျက်စီးခဲ့မှုကိုပေါ့။ ခုတလောတင် kundunကားထဲ မော်စီတုန်းက ၁၄ဆက်မြောက် ဒလိုင်းလားမားကို ပြောခဲ့တဲ့ " ဘာသာရေးဟာ အဆိပ်ပဲ။ တိဗက်တွေဟာ ဘာသာရေး အဆိပ်သင့်နေကြတယ်"ဆိုတဲ့ ဒိုင်ယာလော့တစ်ခုကို ချဲ့ထွင်တွေးပြီး ဆရာလေးတစ်ပါးရေးတဲ့ စာတစ်ပုဒ်ဟာ ‌ အတော်ပျံ့ခဲ့တယ်။အဲဒီစာထဲမှာတင် မော်စီတုန်းရဲ့ ဒီစကားကို တိဗက်‌တွေ ဆတ်ဆတ်ခါအောင် နာခဲ့ကြတယ်ဆိုတဲ့ စကားပါပါတယ်။ ဒီရုပ်ရှင်မှာတော့ တိဘက်နဲ့တရုတ်ရဲ့ ပြဿနာကို ၂နာရီကျော် အချိန်နဲ့ ကောင်းကောင်းကြီး ရှင်းပြသွားခဲ့တယ်။ တိဗက်ဟာ ၈ရာစုကတည်းက ဗုဒ္ဓဘာသာကို ကိုးကွယ်ခဲ့တဲ့ နိုင်ငံပါ။သို့ပေမဲ့ သူတို့ဗုဒ္ဓဘာသာဟာထေရဝါဒရော မဟာယနရောမဟုတ်ပါဘူး။ တိဗက်ဗုဒ္ဓ ဘာသာလို့ သီးခြားခေါ်တွင်ပါတယ်။နှစ်ခုလုံးနဲ့ ကွဲပြားနေတယ်လို့တော့ဆိုတယ်။ သူတို့ဘာသာရေးခေါင်းဆောင်ဖြစ်တဲ့ ဒလိုင်းလားမားတွေကို သက်ရှိ ကရုဏာဗောဓိသတ္တတွေလို့ဆိုပါတယ်။ ဒလိုင်းလားမားတွေဟာ ဘ၀နတ်ထံပျံပြီးရင်လည်း တိဘက်ပတ်၀န်းကျင်မှာပဲ ပြန်၀င်စားပြီး ဒလိုင်းလားမားအဖြစ် ပြန်တာ၀န်ထမ်းဆောင်ကြပါတယ်။ဒလိုင်းလားမားတွေဟာ ဘာသာရေးတင်မကဘဲ နိုင်ငံရေးခေါင်းဆောင်တွေလည်း ဟုတ်ပါတယ်။ ဒီဇာတ်ကိုတော့ ၁၃ဆက်မြောက် ဒလိုင်းလားမား ပျံလွန်သွားပြီး သူကနေ ပြန်၀င်စားမယ့် ၁၄ဆက်မြောက်ဒလိုင်းလားမားကို ယာယီဒလိုင်းလားမားအဖြစ် တာ၀န်ယူထားရတဲ့ ရင်းဖို့ချေ (Reting Rinpoche)က ရှာဖွေတွေ့ရှိသွားတာကနေ စထားတယ်။ အဲဒီကနေမှ ဒလိုင်းလားမားဖြစ်ဖို့ သင်ယူရတာတွေ လေ့လာရတာတွေကနေ ဒလိုင်းလားမားဖြစ်တဲ့အထိ သေချာပြသွားတယ်။ဒလိုင်းလားမားကို သာ၀ကတွေက ကွန်ဒွန်လို့ လေးစာသမှုနဲ့ ခေါ်ဆိုကြတယ်။ ဗမာလိုဆို ကိုယ်ထင်ပြသူပေါ့။ ၁၄ဆက်မြောက် ဒလိုင်းလားမားဟာ ဒလိုင်းလားမားတွေထဲ ကံအဆိုးဆုံးလို့ပြောရမယ်။ဆယ်ကျော်သက်အရွယ်မှာတင် တရုတ်ရဲ့ တိဗက်ကို ကျုးကျော်မှုနဲ့ ရင်ဆိုင်ဖြေရှင်းခဲ့ရပြီး မော်စီတုန်းနဲ့ပါ ထိပ်တိုက်တွေ့ခဲ့ရတယ်။ အခုလက်ရှိလည်း တိဗက်ကိုမပြန်နိုင်ဘဲ ပြည်ပြေးဘ၀နဲ့ အနောက်နိုင်ငံတွေမှာ ခိုလှုံနေရတယ်။ ဒီရုပ်ရှင်မှာတော့ သူတိဗက်ကနေ အိန္ဒိယကို ထွက်ပြေး လွတ်မြောက်သွားတဲ့အထိပဲ ပြထားခဲ့တယ်။ပြောရရင် ဒလိုင်းလားမားရဲ့ တိဗက်မှာ နေခဲ့တဲ့ အချိန်တွေကိုပဲ ပြသွားတယ်။ သို့ပေမဲ့လည်း ပြထားသလောက် မှာတင် နိုင်ငံရေး ဘာသာရေး အုပ်ချုပ်ရေး တရုတ်နဲ့အခြေအနေစသဖြင့် တိဗက်အကြောင်း အတော်လေးစုံစေ့နေပါပြီ။ တစ်ချို့ကတော့ စကောဆေးစိကို ဒိုကူမန်ထရီအဖြစ် ရိုက်ကူးသင့်တယ်ဆိုကြတယ်။သို့ပေမဲ့ စကောဆေးစိကလည်း စီနီမာတိုဂရပ်ဖာကို ဒိုကူမန်ထရီရိုက်ကူးဖူးတဲ့ အတွေ့အကြုံရှိတဲ့ စီနီမာတိုဂရပ်ဖာကို သုံးထားတယ်။ စီနီမာတိုဂရပ်ဖီလည်း အတော်လေးလှပြီး စီနီမာတိုဂရပ်ဖီဆုတွေလည်း ရထားခဲ့တယ်။သရုပ်ဆောင် မဟုတ်တဲ့ ကလေးတွေကိုပါ ပညာသားပါပါနဲ့ သုံးနိုင်ခဲ့တဲ့အထိလည်း စကောဆေးစိက အားစိုက်ထုတ်ထားခဲ့တယ်။ တိဘက်မှာရိုက်တာမဟုတ်ပေမဲ့ တိဘက် အရသာရအောင် settingလည်း သေချာပြင်ထားခဲ့တယ်။ စကောဆေးစိဟာ ဒီရုပ်ရှင်မှာ သရုပ်ဆောင်အစစ်တွေ မပါသလောက်ဖြစ်အောင် ရိုက်ထားပြီး သရုပ်ဆောင်တွေဟာ တိဗက်ဗုဒ္ဓဘာသာအစစ်တွေများပါတယ်။ ဒလိုင်းလားမားနဲ့ သူ့မိသားစုတွေ နေရာကနေ ဒလိုင်းလားမားရဲ့ အမျိုးတွေကပဲ ပြန်သရုပ်ဆောင်ထားခဲ့တယ်။ဒလိုင်းလားမား အရွယ်ရောက်‌တဲ့နေရာက သရုပ်ဆောင်တာလည်း ဒလိုင်းလားမားရဲ့ မွေးချင်းတွေကမွေးတဲ့ မြေးပါပဲ။မူရင်းစာအုပ်ကိုလည်း အတော်သစ္စာရှိပြီး သမိုင်းအများစု မှန်ကန်တယ်ဆိုပါတယ်။ ဇာတ်ညွှန်းကို ၁၄ခါတိတိပြင်ရေးခဲ့ရပါတယ်။ ၁၄ဆက်မြောက်ဒလိုင်းလားမားဟာ အတော်နှိမ့်ချတတ်တဲ့သူပါ။ သို့ပေမဲ့ ဇာတ်ကားအစက ဒလိုင်းလားမားမဖြစ်ခင် ကလေးဘ၀မှာတော့ ဒလိုင်းလားမားဟာ ပစားပေးခံရတော့ အတော်အထက်စီးဆန်‌ နေတဲ့သူတစ်ယောက်အဖြစ် မာတင်က ပုံဖော်ထားပါတယ်။ဆိုတော့ကာ သူပုံဖော်ထားတာနဲ့ လိုက်ဖက်ညီအောင် ကလေးဘ၀ကပြောတဲ့ စကားတွေမှာ ငါနာမ်စား တစ်ချို့သုံးပြီး ကြီးလာလေ သူ့စကားတွေ နူးညံ့လာလေ ဖြစ်လာတဲ့သဘောကို တတ်နိုင်သလောက် ပုံဖော်ပေး ထားပါတယ်။ ဒီလိုထည့်ပြောရတာက ကလေးလေးက တစ်ချို့အခန်းတွေမှာ ငါနဲ့ ပြောထားရတဲ့အကြောင်း ကြိုရှင်းထားချင်ရုံပါပဲ။ ရုပ်ရှင်အဆုံးမှာ ၁၅ဆက်မြောက်ဒလိုင်းလားမားအစစ် ရှိလာနိုင်လားဆိုတာကို ကျွန်တော်တော့ သိချင်မိသွားတယ်။ ဒလိုင်းလားမားတွေဟာ ကရုဏာဗုဒ္ဓက ၀င်စားတာဆိုတော့ ထပ်ရှိဖို့က အတော်လေး မလွယ်တဲ့ကိစ္စလို့တော့ ထင်မိသား။ သို့ပေမဲ့ နှစ်ပေါင်းများစွာ အခြေတည်လာခဲ့တဲ့ ယုံကြည်မှုတစ်ခုဟာ ပျက်နိုင်ခဲ့ တယ်ဆိုတော့ ပေါ်လာဦးမယ်ထင်တာပါပဲ။ နောက်နှစ်တွေမှာ ဘယ်လိုပုံစံနဲ့ ပေါ်လာဦးမလဲဆိုတာကိုတော့ သိချင်မိသွားတယ်။ ဒီလိုပုံစံ ယုံကြည်မှုဟာ ကျွန်တော့် အတွက်တော့ အတော်ဖြစ်နိုင်ခဲ‌တဲ့ ယုံကြည်မှုဆိုတော့ အတော်လေးတော့ မှင်သက်စရာကောင်းခဲ့တယ်။သို့ပေမဲ့ မော်စီတုန်းပြောသလို အဆိပ်လို့တော့ မထင်မိပါဘူး။ အကုန်လုံးဟာ သူ့ကောင်းကွက် သူ့ဆိုးကွက်တွေနဲ့ပဲ မို့လား။ ဘာဖြစ်ဖြစ် ဗုဒ္ဓဘာသာရဲ့ ကိုင်းကွဲတစ်ခုအကြောင်း တီးမိခေါက်မိရှိချင်ရင်တော့ ဒီရုပ်ရှင်ဟာ ကြည့်ကို ကြည့်သင့်တဲ့ ရုပ်ရှင်ပါပဲ။ Kundunကို တိဘက်ဘက်ကနေပြီး ရိုက်ခဲ့တာကြောင့် မာတင်စကောဆေးစိရဲ့ ရုပ်ရှင်တွေကို တရုတ်မှာလုံး၀ ရုံတင်ခွင့်မပြုတာ ဒီနေ့ထိထက်တိုင်ပါပဲ။မဆီမဆိုင် တိဗက်ဘာသာ‌ရေးကားကို စကောဆေးစိရိုက်တော့ အတော်ပေါ့သွားမယ် ထင်ခဲ့မိပေမဲ့ တက်တက်စင်အောင် လွဲသွားပါတယ်။ စကောဆေးစိဟာ စကောဆေးစိပါပဲ။ အစစ်အမှန်အရာတွေကို ချစ်တတ်တဲ့ တကယ့် အနုပညာသမားပါပဲ။သစ္စာလေးပါးမှာ သုံးပါးကို ရှေ့မှာထည့်ပြီး နောက်ဆုံးတစ်ပါးကို နောက်ဆုံးမှ အချိန်ကိုက် အခါကိုက် ထည့်သွားတာကိုလည်း အတော်လေး သဘောကျမိတယ်။ ရုံ၀င်ငွေတော်တော့်ကို နည်းခဲ့ပေမဲ့လည်း Kundunဟာ ဟိုရုပ်ရှင်ဝေဖန်ရေးဆရာတွေ ကြည့်ပြီး သေသွားတဲ့ မသေခင်ကြည့်သင့်သော ၁၀၀၁ကားထဲလည်း ပါပါတယ်။‌ဗုဒ္ဓဘာသာအကြောင်းသိချင်ရင် ဒီရုပ်ရှင်ကိုကြည့်သင့်တယ် ဆိုပြီးလည်း အရှေ့အာရှရုပ်ရှင် ဂရုတွေမှာ ညွှန်းဆိုကြပါတယ်။ ထေရဝါဒရော မဟာယန‌ရောမဟုတ်တဲ့ တိဗက်ဗုဒ္ဓဘာသာအကြောင်းပေမဲ့ အခြေခံဖြစ်တဲ့ သစ္စာလေးပါးမှာတော့ တူညီ‌တဲ့အတွက် သူတို့ညွှန်းကြတာလည်း မမှားဘူးဆိုရမှာပါပဲ။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ WiRa Aung ပဲ ဖြစ်ပါတယ်။ File Size - (2.2 GB)/(1.1 GB)/(750 MB) Quality – BluRay- (1080p) / (720p) / (480p) Duration - 2hrs 14min Subtitle – Myanmar Hardsub Format – MP4 Genre : Biography, Drama, History Translator – WiRa Aung Encoder – SWM

စစ်တပ်ကနေ အငြိမ်းစားယူထားတဲ့ ကော်ဘန်ဒဲလပ်စ်ဟာ အငှားယာဉ်မောင်းအဖြစ် အသက်မွေးနေပါတယ်။ တစ်နေ့မှာတော့ ကမ္ဘာကြီးကို မိစ္ဆာတွေလက်က ကယ်တင်ဖို့ ဓာတ်ကြီးငါးပါးကို သွားယူရမယ့် တာဝန်တစ်ခု သူ့ဆီရောက်လာတယ်။ အဲဒီဓာတ်ကြီးငါးပါးထဲက တစ်ပါးဖြစ်တဲ့ လီလူကိုလည်း ချစ်မိသွားပြီး သူ့ကို ကယ်တင်ဖို့ပါ ကြိုးစားရပါတယ်။ ဓာတ်ကြီးငါးပါးကို လိုက်လံရှာဖွေရတဲ့ ခရီးမှာ အခက်အခဲတွေ ရှိနေသလို အပြိုင်လိုက်စုနေတဲ့ အဖွဲ့တွေနဲ့လည်း တိုက်ခိုက်ကြရတယ်။ ဒီခရီးစဉ်နဲ့အတူ ကော်ဘန်က လီလူအပေါ်ထားတဲ့ ခံစားချက်တွေကိုပါ ဖော်ပြထားပါတယ်။ Luc Besson ရိုက်ကူးထားတဲ့ သိပ္ပံအက်ရှင်ဇာတ်ကားမှာ Bruce Willis နဲ့ Milla Jovovich တို့က အဓိကသရုပ်ဆောင်ထားပြီး Chris Tucker၊ Gary Oldman နဲ့ Ian Holm တို့လည်း ပါဝင်ထားပါတယ်။

Nine 1/2 Weeks က အရွယ်ရောက်သူတွေအတွက် ရည်ရွယ်ထားတဲ့ ဇာတ်ကားဖြစ်ပြီး ရင်းနှီးတဲ့ဆက်ဆံရေးအတွင်းက စိတ်လှုပ်ရှားမှု၊ သာယာမှုနဲ့ လွှမ်းမိုးလိုစိတ်တို့အကြောင်းကို တင်ပြထားပါတယ်။ ၁၉၈၆ ခုနှစ်က ရိုက်ကူးပုံနဲ့ ခန္ဓာကိုယ်အလှကို ပုံဖော်ထားပုံတွေကိုလည်း တွေ့ရမှာပါ။ အချိန်ကြာလာလို့ တစ်ယောက်နဲ့တစ်ယောက်ကြား စိတ်လှုပ်ရှားမှုတွေ လျော့လာတဲ့အခါ သာယာမှုကို ဘယ်လိုပြန်ရှာကြမလဲ။ ကိုယ့်လက်တွဲဖော်အပေါ် လွှမ်းမိုးမှုက ဘယ်အတိုင်းအတာအထိ ရှိသင့်သလဲ။ သာယာမှုနောက်မှာ ဘယ်လိုဆိုးကျိုးတွေ လိုက်လာနိုင်သလဲဆိုတဲ့ မေးခွန်းတွေကို ဇာတ်ကားက တင်ပြထားပါတယ်။

Cotton Club 1984 IMDb Rating (6.5) / Rotten Tomatoes (74%) ဟာလမ်ရဲ့ နာမည်ကျော် "Cotton Club" ဆိုတာကတော့ လူမည်းဂီတပညာရှင်တွေတီးခတ်ပြီး လူဖြူလူကုံထံတွေအများဆုံးလာရောက် အပန်းဖြေလေ့ရှိတဲ့ နိုက်ကလပ်တစ်ခုပဲ ဖြစ်ပါတယ် ။ ဒစ်စီဒွိုင်ရာကတော့ "Cotton Club" ရဲ့ ဂျက်ဇ်ကော်နက်တီးတဲ့ တစ်ဦးတည်းသော လူဖြူတစ်ယောက်ပါ။ တစ်နေ့မှာတော့ ကလပ်ကိုလာတဲ့ ဒတ်ချ်ရှော့ဇ်ဆိုတဲ့ လူဖြူသူဌေးတစ်ယောက်ကို ကယ်လိုက်ရာကနေ သူ့လက်အောက်မှာ အလုပ်ဝင်ဖို့ ဖြစ်သွားပါတယ်။ အဲဒီအလုပ်ကတော့ ဒတ်ချ်ရဲ့ ရည်းစားကောင်မလေးဖြစ်တဲ့ ဗယ်ရာ့ကို အဖော်လိုက်လုပ်ပေးရမှာပါ။ တကယ်တော့ ဒစ်စီကလည်း ဗယ်ရာ့ကို သဘောကျနေတာပါ။ နောက်ပြီးတော့ ဒီကားလေးထဲမှာ ဒစ်စီတို့သုံးပွင့်ဆိုင်အပြင် တခြားသောဇာတ်ဆောင်တွေရဲ့အခန်းလည်း အများကြီးထည့်ထားပါသေးတယ်။ လူဖြူ-လူမည်း ဇာတ်ကားတို့ထုံးစံအတိုင်း ဒီကားထဲမှာ လူမျိုးရေးခွဲခြားမှုတွေပါပြီးတော့ လူမည်းတွေရဲ့ ဂီတပါရမီထူးချွန်ပုံတို့ကို မြင်တွေ့ရမှာဖြစ်ပါတယ်။ ၈၀ခုနှစ်ကျော်က ထွက်ခဲ့တဲ့ musical film တစ်ပုဒ်ဖြစ်ပြီးတော့ အချစ်၊ အကြမ်း၊ အရမ်း ရသအစုံပါဝင်တာမလို့ ဒီကားလေးကို ကြည့်ရှုခံစားပေးကြပါဦးနော်။ (အညွှန်းနဲ့ဘာသာပြန်ကတော့ Kar Lotte ဖြစ်ပါတယ်။) File size…(5.1 GB) / (2.2 GB) Quality….Director Cut Version, Blu-Ray 1080p HEVC / 720p Format…. mkv/mp4 Genre….Crime, Drama, Music Duration….02:19:40 Subtitle….Myanmar Subtitle (Hardsub) Encoder….Benjamin Translated by Kar Lotte

The King of Comedy (1982) မကြည့်ဖူးရင်တောင် မာတင်စကောစဲစီရဲ့ မာစတာပိစ်ကားဖြစ်တဲ့ The King Of Comedyကို အများစု သိပြီးသားဖြစ်မှာပါပဲ။ ဂန္တ၀င်စာရင်း၀င်တဲ့ နှောင်းလူတွေ မကြာမကြာမှီငြမ်းခံရတဲ့ ရုပ်ရှင်ဆိုလည်း မမှားပါဘူး။ အမျိုးအစားက Black Comedyဆိုတော့ အဲဒီ Black Comedyဆိုတာ ဘာလဲ အရင်ရှင်းတာ ကောင်းပါလိမ့်မယ်။ BC ဘာလဲဆိုတာကို မောင်သာရ စာတစ်ပုဒ်ရဲ့ ခေါင်းစဉ်ဖြစ်တဲ့ အမာရွတ်ကြည့်ကာ ရယ်ရသည်ဆိုတဲ့ စကားလုံးနဲ့ ဥပမာပေးရင် အကောင်းဆုံးဖြစ်မယ်ထင်ပါတယ်။ “ စိတ္တဇဆေးရုံတစ်ခုမှာ ဆေးရုံခေါင်မိုးပေါ်ကနေ လူနာတွေ တစ်ယောက်ပြီးတစ်ယောက် ခုန်ချနေကြတယ်။ အဲဒီမှာ ဆေးရုံအုပ်ကြီးရောက်လာပြီး "ဘာလို့ ခုန်ချနေကြတာလဲ"လို့မေးတော့ လူနာတစ်ယောက်ကပြန်ဖြေတယ်။ လေယာဉ်ပျံစီးတမ်း ကစားနေကြတာတဲ့။ အဲဒါနဲ့ တာဝန်ကျဆရာဝန်ရော မတွေ့ပါလား။ ဘယ်ရောက်သွားလဲဆိုတော့ လူနာက ပြန်ဖြေတယ်။ ပထမ Flight နဲ့ ထည့်ပေးလိုက်ပြီ‌လေတဲ့...” အဲဒီဟာသလေးကို ကြားဖူးကြလားမသိဘူး။ ရယ်ရလားဆိုတော့ ရယ်ရတယ်လို့ပြောလို့ရတယ်။ဒါပေမဲ့ တကယ့်အဖြစ်မှန်က ဆရာဝန်တစ်ယောက်သေသွားတယ်။ လူနာတွေ ကိုယ့်ဘာသာသတ်သေနေကြတယ်။ အဲဒီလို စိတ်ညစ်ညူးစရာတွေကို ရယ်ရအောင်ဖန်တီးထားတဲ့ ဟာသတွေက Dark Comedy တွေပါပဲ။ Dark Comedyဆိုတာ ဒီလို အမာရွတ်ကြည့်ပြီး ရယ်ရတဲ့ဟာတွေပါပဲ။ The King Of Comedyဟာ Comedy အမည်ခံပြီး အတော်လေး နာကျင်စရာစရာကောင်းတဲ့ ဒဏ်ရာတွေအပြည့်နဲ့ Dark Comedy တစ်ကားပါပဲ။ ဒါပေမယ့် ဒါရိုက်တာကြီး မာတင်စကော့စဲစီရဲ့ Storytelling နဲ့ ရောဘတ်ဒီနဲရိုးရဲ့ သရုပ်ဆောင်ချက်တွေကြောင့် အဓိကဇာတ်ကောင် ရူးပတ်ပက်ပ်ကင်ရဲ့ ရာဇဝတ်မှုတွေကို မေ့ထားမိပြီး ရယ်ဖြစ်ကြမှာပါ။ သူ့ရဲ့ ဇာတ်ကြောင်းကို ပြန်ပြောတဲ့ နောက်ဆုံးဇာတ်ဝင်ခန်းမှာလည်း စိတ်ညစ်စရာသူ့ရဲ့ကလေးဘဝအကြောင်းကို ကြားပြီး ရယ်မိကြမယ်ထင်ပါတယ်။ " အလျဉ်းသင့်ခြင်းကြောင့် ရယ်စရာ ဟူသော ဝေါဟာရ ကိုလည်း ရှင်းလိုသေးသည်။ စာပေရသ အရာတွင်မူ ဟာသရသဟူ၍ တင်စားဆိုကြသည်။ ဟာသရသ မြောက်သည် ဟူသော စာရေးဆရာ များကို ဟာသဝိဇ္ဇာဟု တင်စားကြ၏။ ကောင်းပြီ၊ စာပေအရာ၌ ဟာသကို ထပ်မံခွဲခြမ်း စိတ်ဖြာကြပါစို့။ ကျွန်တော့် အမြင်တွင်မူ ဟာသသည် သုံးမျိုးသုံးစား ရှိ၏။ ခက်တာက ဤနေရာတွင် အင်္ဂလိပ်လို ပြောမှ ပိုရှင်းသည်ဟု စကားပလ္လင်ခံရမည်ကဲ့သို့ ဖြစ်နေ၏။ အမှန်ကလည်း ယနေ့ သိပ္ပံခေတ်တွင် စာရေးခြင်း အတတ်ပညာများ၌ ဟာသစာရေး ဆရာကို ဤနည်းအားဖြင့်သာ ခွဲခြမ်းစိတ်ဖြာရမည်ဖြစ်သည်။ ပထမမူလ အဆင့်မှာ Comedy ကော်မယ်ဒီ ပင် ဖြစ်သည်။ ဇာတ်စင်ပေါ်တွင် ဇာတ်လူရွှင်တော် Comedian တစ်ဦးက အခြားတစ်ဦးအား အကြောင် မရှိဘဲ ဦးခေါင်းကို ဝါးခြမ်းပြားချပ်နှင့် ရိုက်သော အခါ၌ ပရိသတ်များ ဝါးခနဲ ရယ်ကြသည့် ပြက်လုံး ဟာသများ၊ Slap-stick Comedy (ဝါ) ဝါးချပ်ရိုက် ပြက်လုံးဟု ခေါ်ရပေမည်။ ကလေးတွေ သဘောကျခြင်းကြောင့် လက်ခုပ်တီးကြသည်။ ရယ်စရာများတွင် အဆင့်အနိမ့်ဆုံးသော ပြက်လုံးရေးသည့် ဟာသ စာရေးဆရာများ ရှိကြသည်။ ဒုတိယအားဖြင့် Humour ခေါ် ရွှင်လုံး၊ သောလုံး ရေးသားသည့် စာရေးဆရာများ၊ Humourist အဆင့်ဝင် ဟာသ စာရေးဆရာများ၏ အရေးအသားသည် ရွှင်သည်၊ သွက်သည်၊ မြူးသည်။ ဇာတ်လမ်းဇာတ်ကွက်အရလည်း ပေါ့ပါးသွက် လက်သည်။ သို့သော် အဓိပ္ပာယ် ကင်းမဲ့သော ဟားကွက်များနှင့် အတင်း ကလိမထိုး၊ ကလေးကလား မရေးသား။ ဥပမာ အဘိုးကြီးတောင်ရှည် ပုဆိုး ကျွတ်ကျခြင်းကို အရယ်ခိုင်းပုံ။ နွားနို့သည် ကုလားတစ်ဦး ငှက်ပျောသီးခွံ တက်နင်းမိ၍ ချော်လဲ ကာ နို့ပုံးကြီး မှောက်သွားပုံ တို့ကို ရယ်စရာ အဖြစ်နှင့် ထည့်သွင်း ခြင်းမျိုး ကင်းနိုင်သမျှ ကင်းပေမည်။ ရုပ်ရှင်အားဖြင့် ဥပမာပြရလျှင် အင်္ဂလိပ်ရုပ်ရှင်၌ လော်ရယ်နှင့်ဟာဒီ၊ ဘတ်အဘော့နှင့် လူကော်စတဲလို၊ ဂျယ်ရီလူးဝစ္စတို့၏ ဟာသ ဇာတ်လမ်းများ နှယ်ဖြစ်သည်။ ရယ်ဖွယ်ဇာတ်လမ်းတွင် သောလုံးညှပ်ထားခြင်းကြောင့် တစ်လျှောက်လုံး၌ ရေရေလည်လည် ဟားရတယ် ဟူသတည်း။ မြန်မာစာပေတွင် ဤနှစ်မျိုးသော စာရေးဆရာ များသာလျှင် များကြပေသည်။ တတိယအမျိုးအစား အားဖြင့် Satire ခေါ် သရော်စာပေရေးသားသည့် Satirist ခေါ် စာရေးဆရာများ။ ဤအမျိုးအစား ဟာသ စာရေးဆရာများတွင် တစ်မျိုးတစ်စား အဖြစ် သီးခြားတည်ရှိ နေကြသည်။ အလွန် နည်းပါးသော အရေအတွက်မျှသာလျှင် ရှိပေသည်။ သရော်စာပေသည် လူ့ဘဝ၊ လူ့လောက တွင် ဖြစ်ပျက် တွေ့မြင် နေကြရသည့် အကြောင်းအရပ်မှန်သမျှကို ခနဲ့တဲ့တဲ့နှင့် ကျီစယ်သည်။ သရော်သည်။ တစေ့တစောင်း ပြောပြသည်။ စကားလုံးအသုံးအနှုန်းအရာတွင် ကော်သည်၊ ခတ်သည်၊ ကလော်သည်။ လက်ရှိခေတ်၏ လူမှုရေးသရုပ်များကို ဖော်ထုတ်ရေးသားရာ၌ စကားလုံး အသုံးအနှုန်းများမှာ ပိဿာလေးနှင့် ဘေးပစ် ခဲ့ရသည့်သဖွယ် ရှိခြင်းကြောင့် ခံရသူမှာ မသက်မသာ ရှိတတ်ကြသည်။ " " လမ်းထိပ် ကွမ်းယာဆိုင်က သကြားလုံးဟာ ချိုတယ် ။ ဂျယ်ရီလူးဝစ္စနဲ့ သန်းနွဲ့ကရယ်ရတယ်" -သုခမိန်လှိုင် ဒီကားရဲ့ အဓိကသရုပ်ဆောင်က ဂျယ်ရီလူး၀စ္စနဲ့ ရောဘတ်ဒီနဲရိုးပါ။ ရောဘတ်ဒီနဲရိုးကိုတော့ ဒီဘက်ခေတ်လူတွေအတွက် ထွေထွေထူးထူး မိတ်ဆက်စရာမလိုပါဘူး။ ဂျယ်ရီလူး၀စ္စကတော့ တစ်ချို့တွေ သိချင်မှသိမှာပေမဲ့ ချာလီချက်ပလင်နဲ့ပါ တွဲတွဲအပြောခံရတဲ့ ရှေးက King Of Comedy တစ်ပါးပါပဲ။ ဒီကားကို စီအမ်မှာ သူ့ကြောင့် တင်ဖြစ်တယ်ဆိုလည်း မမှားပါဘူး။ ဒီကားဟာ ကျွန်တော့်အတွက်တော့ တစ်ချိန်က ဂျယ်ရီလူး၀စ္စကို ကျွန်တော်တို့တမ်းတသမှုနဲ့ ဖြစ်တည်လာခဲ့တဲ့ တမ်းခြင်းရုပ်ရှင်ပါပဲ။ သို့ပေမဲ့ ဒီရုပ်ရှင်က ဟာသတွေက ဂျယ်ရီလူး၀စ္စလုပ်နေကျပုံစံတွေ မဟုတ်ဘဲ Black Comedyတွေပါ။ ကျွန်တော်တို့တွေလည်း Dark Comedy တွေနဲ့တော့ မစိမ်းတော့ပါဘူး။ စိတ်ညစ်စရာတွေ စိတ်ပျက်စရာတွေကို ကျွန်တော်တို့ ဟာသလုပ်ပြီး ရယ်နေကြရတာပဲလေ။ ဘယ်လိုစိတ်ညစ်စရာတွေ ကြုံလာပါစေ... ဟာသဓာတ်ခံလေးနဲ့ကြည့်ပြီး ရယ်လိုက်ကြရင် ကျွန်တော်တို့တွေ ကြုံတွေ့နေရတဲ့ စိတ်ညစ်စရာတွေကို ရင်ဆိုင်နိုင်ဖို့ အားတစ်ရပ်ဖြစ်လာနိုင်မှာပါ။“ ပျော်ပျော်နေတတ်တဲ့သူတွေဟာ ကမ္ဘာပေါ်မှာအလွတ်လပ်ဆုံး လူသားတွေပဲ"ဆိုတဲ့ Bruce Almighty ထဲမှာ Morgan Freeman က Jim Carrey ကို ပြောခဲ့တဲ့စကားလေးတစ်ခွန်းလိုပေါ့။ အခုတော့ ဂျယ်ရီလူးဝစ္စကြီးလည်း ဒီကမ္ဘာမှာ မပျော်မွေ့ခဲ့တော့တာ ကြာပါပြီ။ " ဟစ်တလာကိုရတော့ ကမ္ဘာကြီးက အောက်စီဂျင်ကျသွားတယ် အောက်စီဂျင်အစား ချာလီချက်ပလင်ကိုရတယ် ရယ်မောကြ အသက်ဝဝရှုကြ အသက်ဝဝရှုပြီး ချစ်ခဲ့ကြ..." ဆိုတဲ့ သုခမိန်လှိုင်ရဲ့ကဗျာလေးလိုပေါ့။ ကျွန်တော်တို့အတွက် နာကျင်စရာတွေများလှတဲ့ ကမ္ဘာကြီးထဲမှာ ဒီ King Of Comedyဟာ ဒီနာကျင်စရာတွေကို အမာရွတ်ကြည့်ကာ ရယ်ရစေမယ့် ကျွန်တော်တို့ရဲ့ မျက်ရည်တွေအတွက် မာတင်စကောစဲစီက လောကကြီးကိုယ်စား အစားပြန်ပေးလိုက်တဲ့အရာပါပဲ။ ဒီရုပ်ရှင်လေးကိုကြည့်ပြီး ခေတ်ကြီးဘယ်လောက်ပဲ ဆိုးနေပါစေ ရယ်မောရင်း အသက်၀၀ရှုရင်း အချစ်တွေကို ပိုချစ်တတ်ကြပါစေလို့......,။ Ref -မောင်သာရ - အမာရွတ်ကြည့်ကာ ရယ်ရသည်။ သုခမိန်လှိုင် - တနင်္ဂနွေတစ်ခုရဲ့ ခံစားမှု။ (အညွှန်းကိုတော့ WiRa Aung နဲ့ d3mon မှ ရေးထားပေးပြီး ဇာတ်ကားကိုတော့ d3mon မှ ပြန်ဆိုပေးထားပါတယ်) Size - 1.8GB, 1GB Quality - 1080p, 720p IMDb Rating - 7.8/10 Format - mp4 Duration - 1H 49Min Type - Drama, Comedy Subtitle - Myanmar Subtitle (Hardsub) Translated by d3mon Encoded by Y