Kinaryosih ပါဝင်သော ဇာတ်ကားများ

Narik Sukmo (2025) "ဝိညာဉ်ထွက်အက" အခုတစ်ခါမှာတော့ သည်းထိတ်ရင်ဖိုဇာတ်လမ်းတွေကိုကြိုက်တဲ့ ပရိသတ်တို့အတွက် အင်ဒိုဇာတ်ကားကောင်းတစ်ပုဒ်နဲ့မိတ်ဆက်ပေးချင်ပါတယ်။ အကဝါသနာပါတဲ့ ကောလိပ်ကျောင်းသူ ကေနာရ်ရဲ့ဇာတ်လမ်းကို အခြေပြုပြီးရိုက်ကူးထားတာဖြစ်ပါတယ်။ ကေနာရ်ကို သူ့ရဲ့သူငယ်ချင်းအာယူရဲ့ဇာတိမြို့ကို သွားရောက်ဖို့ ဖိတ်ကြားခံခဲ့ရပါတယ်။ ထိုရွာကတော့ ဂျာဗားအလယ်ပိုင်းနဲ့အရှေ့ပိုင်းနယ်နိမိတ်ကြားမှာတည်ရှိပြီး ဒေသခံများက အကအစဉ်အလာများ၊ယုံကြည်ကိုးကွယ်မှုများနဲ့ နက်နဲသော လျှို့ဝှက်ချက်တွေများတဲ့ တောင်ပေါ်ရွာလေးတစ်ရွာဖြစ်ပါတယ်။ အဲဒီရွာကိုရောက်သွားတဲ့ ပထမညကစပြီး ကေနာရ်ထူးဆန်းတာတွေနဲ့ကြုံတွေ့ရပါတယ်။ ရွာသားတွေရဲ့ မသင်္ကာဖွယ်ရာအကြည့်တွေခံရတဲ့အပြင် သူမကိုဝါးမျိုဖို့ကြိုးစားနေတဲ့ အရိပ်မဲကြီးဆိုတဲ့ အိပ်မက်ဆိုးကလည်း အမြဲခြောက်လှန့်နေခဲ့ပါတယ်။ ကေနာရ်အကြောက်ဆုံးအဓိကအချက်ကတော့ သူမရဲ့ခန္ဓာကိုယ်က သူမသတိမပြုမိဘဲ အလိုလိုနေရင်းကခုန်လာတာဖြစ်ပါတယ် ။ တစ်နေ့မှာတော့ ကေနာရ် အာယူတို့အိမ်ရဲ့တားမြစ်ထားတဲ့အခန်းထဲကို မတော်တဆဝင်ရောက်မိသွားရာမှ သူမကြုံတွေ့နေရတဲ့ သဘာဝလွန်ဖြစ်ရပ်တွေ ပိုမိုဆိုးရွာလာပါတော့တယ်။ နောက်ပိုင်းဘာတွေဆက်ဖြစ်မလဲ။ ဒီသဘာဝလွန်ဖြစ်ရပ်နောက်ကွယ်က အမှန်တရားကို ကေနာရ်တို့ဘယ်လိုရှာဖွေဖော်ပြကြမလဲဆိုတာ စိတ်လှုပ်ရှားစွာကြည့်ရှုခံစားပေးကြပါဦး။ File size… 1 GB / 500 MB Quality…WEB DL 1080p HEVC/ 720p Format…mkv/ mp4 Duration….1h 35m Subtitle….Myanmar Subtitle (Hard Sub)

The Verge of Death / Di Ambang Kematian [2023] (IMDb 6.7/10) ဇာတ်လမ်းအစမှာ နာဒီယာဟာ သူ ၇နှစ်သမီးတုန်းက မိသားစုလိုက် ကြုံတွေ့ခဲ့ရတဲ့ အဖြစ်အပျက်ကို ပြန်ပြောင်းပြောလို့ နေခဲ့ပါတယ်... သူ့အမေဟာ နာတာရှည်ရောဂါဆိုးကြီးကို ရင်ဆိုင်နေရရင်းက ရုတ်တရက်ပြန်ကောင်းလာပြီးနောက်မှပဲ သတ်သေသွားခဲ့ပါတယ်... အသေဆိုးနဲ့ သေခဲ့ရပြီးတဲ့နောက်မှာ သူ့အစ်ကိုဟာ ထူးဆန်းတာတွေကို စတင်မြင်တွေ့လာပါတော့တယ်... အဲ့လိုနဲ့ နှစ်အတန်ကြာတဲ့ နောက်မှာတော့ အစ်ကိုဖြစ်သူ ယိုဂက နာဒီယာကို အမေသေရတာဟာ အဖေ့ကြောင့်ဖြစ်ကြောင်း ပြောပြလာပါတော့တယ်.. ဒီလိုနဲ့ သူတို့အဖေရဲ့ လှုပ်ရှားမှုကို စောင့်ကြည့်ရင်းက သူတို့အဖေ ယစ်ပူဇော်နေတာကို တွေ့ရပါတော့တယ်... ဒီတော့မှ ဖြစ်ကြောင်းကုန်စင်ကို သိလိုက်ရပြီးတော့ သူတို့ရထားတဲ့ ချမ်းသာကြွယ်ဝမှု မှန်သမျှဟာ အရာတစ်ခုဆီမှာ အလဲအလှယ်ပြုလုပ်ပြီး ရထားကြောင်းနဲ့ အပြန်အလှန်အနေနဲ့ မအေလုပ်သူက အသက်ပေးလိုက်ရတယ်ဆိုတာပါပဲ... နာဒီယာ့အဖေဟာ ကျန်တဲ့သူတွေ အသက်မပျောက်စေရေးအတွက် ယစ်ပူဇော်မှုတွေ ဆက်လုပ်နေခဲ့ရတာပါ... ဒါပေမယ့် အရာမထင်ခဲ့ပါဘူး... ဘယ်သူတွေ ဆုံးပါးသွားပြီး ဘယ်သူတွေ အသက်ဆက်ရှင်ဖို့ ကြိုးစားသွားမလဲဆိုတာကို ရှုစားရမှာပဲဖြစ်ပါတယ် အညွှန်း နဲ့ ဘာသာပြန်ကတော့ Tun Aung Kyaw ပဲ ဖြစ်ပါတယ်။ Genre..... Horror, Drama, Mystery Quality…. 1080p | 720p File size… 1.2GB | 542MB Format… mp4 Duration…. 1h 37min Subtitle…. Myanmar Subtitle (Hardsub) Translator ..... Tun Aung Kyaw Encoder ..... Aaron

Why Do You Love Me (2023) "ဘာလို့ချစ်တာလဲ" IMDb - 5.8/10 လူ့အခွင့်အရေးဆိုတာ လူတိုင်းရဖို့ထိုက်တန်တယ်ဆိုရင် မသန်စွမ်းတဲ့သူတွေမှာလည်း အိမ်ထောင်ရေးသုခဆိုတဲ့အရာကိုရဖို့ ထိုက်တန်တယ်မဟုတ်ဘူးလားတဲ့။ ဒီအတွေးကို ပထမဆုံးချပြရင်း အကောင်အထည်‌ဖော်ခဲ့တဲ့သူကတော့ Asta Anthony Philpotဆိုတဲ့ အမေရိကန်နိုင်ငံသားproducerပေါ့။ ကိုယ်တိုင် physical disabilityရှိသူတစ်ယောက်အနေနဲ့ မသန်စွမ်းတွေအတွက်လည်း အခကြေးငွေပေးပြီး ပျော်ပါးတဲ့ဝန်ဆောင်မှုမျိုးရသင့်တယ်လို့ ချပြခဲ့သူပေါ့။ Asta Philpotကို အကြောင်းပြုလို့ Come as you areတို့ Hasta La Vista တို့လို ရုပ်ရှင်တွေရိုက်ဖြစ်သွားပြီး အခုတစ်ခါတင်ဆက်ပေးမှာကတော့ Hasta La Vista ရဲ့ အင်ဒိုremakeလေးပါ။ နိစ္စဓူဝ ကိစ္စအဝဝကို မိဘကိုအားကိုးရင်းနေရတဲ့ မသန်စွမ်း ၃ ယောက်ဖြစ်တဲ့ ဒန်တွန် ဘာစ်ကာရာနဲ့ မီကိုတို့အတွက်တော့ ချစ်သူဆိုတဲ့အရာက မူးလို့တောင်ရှူစရာမရှိပါဘူး။ ဒီပုံစံအတိုင်း အမေအဖေတွေနဲ့ ဆက်နေနေရင်တော့ နှစ်တစ်ထောင်အက်ဖ်အေဘဝက ကျွတ်ဖို့လွတ်ဖို့ကလည်းမရှိတဲ့ လူပျိုစစ်စစ် ရေမရောဘဝနဲ့ ငှက်ပျောတုံးဖက်သေရမယ့်ကိန်းစိုက်နေလေတော့ လူကအားမသန်ပေမဲ့ ဦးနှောက်ကတော့ အတော်လေးစွမ်းတဲ့ ဆရာသမားဘာစ်ကာရာက သူ့လိုပဲ လူပျိုသိုးနံ့ထွက်နေတဲ့ သူငယ်ချင်းနှစ်‌ယောက်ကို မဟာအကြံထူးပေးပါတော့တယ်။ ဒီအကြံကတော့ ဆူရာဘာယာမှာရှိတဲ့ ဒိုလီအာလီဆိုတဲ့ မသန်စွမ်းတွေအတွက်ပါ အထူးဝန်ဆောင်မှုပေးတဲ့ အပျော်ဂေဟာကို ဂျာဗားကနေဖြတ်ပြီး ကုန်းလမ်းခရီးနဲ့သွားဖို့ပါပဲ။ မိဘတွေကတော့ တစ်ယောက်ကဦးနှောက်အကျိတ်ကြောင့် မသွားလာနိုင်တဲ့သူ၊ တစ်ယောက်ကလည်း အကြောသေပြီး မလှုပ်ရှားနိုင်တဲ့သူ၊ တစ်ယောက်က မျက်မမြင်ဆိုတော့ စိတ်မချဖြစ်ပြီး မလွှတ်ချင်‌ပေမဲ့ တစ်ကောင့်သား ၃ ယောက်ကလည်း မိဘတွေကို အပျော်ဂေဟာပို့ပေးလို့လည်း ထုတ်ပြောမရ၊ ပါကင်ပိတ်ဘဝကကျွတ်လွတ်ရေး တို့အရေးကလည်းရှိနေတော့ လှည့်ပတ်ပြောရင်း သူတို့ကိုစောင့်ရှောက်ပေးမယ့်သူလည်းဖြစ် ယာဉ်မောင်းလည်းလုပ်မယ့်လူတစ်ယောက်နဲ့ ခရီးစထွက်ဖို့ ဖြစ်လာပါတော့တယ်။ ခရီးစဉ်တစ်လျှောက် တစ်ယောက်နဲ့တစ်ယောက်အားကိုးရင်း အခက်အခဲတွေကိုဖြတ်ကျော်လို့ သုခတွေခံစားချင်တဲ့ သူတို့ရဲ့မဟာဆန္ဒကြီး ပြည့်မြောက်နိုင်ပါ့မလားဆိုတာ အားလုံးအတူ ရှုစားကြပါဦး။ (အညွှန်းနဲ့ဘာသာပြန်ကတော့ Yunni ~ V ~ ToMo ~ Zwe ~ Alex တို့ပဲဖြစ်ပါတယ်) File size…1.1GB / 525MB Quality…WEB DL 1080p / 720p Format…mp4 Duration….1h 24m Subtitle….Myanmar Subtitle (Hard Sub) Encoder….YK Translated by Yunni ~ V ~ ToMo ~ Zwe ~ Alex

ညဆို စောင်ခေါင်းမြီးခြုံပြီး သရဲကားလေးကြည့်ရမှဇိမ်ရှိသူတွေအတွက် 2023ထွက် အင်ဒိုသရဲကားလေးတစ်ကား တင်ဆက်ပေးလိုက်ပါပြီ။ အင်ဒိုသရဲကားတွေ နောက်ပိုင်းမှာ အဆင့်မြင့်လာပြီး ratingကောင်းလာကြပြီဆိုတော့ ဒီကားလေးလည်း ဘယ်လိုလာမလဲဆိုတာ ရှုစားကြပါဦး။ အန်ဒရီနဲ့ဝတီတို့လင်မယားဟာ စိတ်တူကိုယ်တူရှိတဲ့လင်မယားနှစ်ယောက်ပီပီ ဖြတ်လမ်းနည်းနဲ့ချမ်းသာချင်တာကအစတူညီပြီး ချမ်းသာဖို့ဆို သင်္ချိုင်းသွားပြီး အုတ်ဂူပေါ်ဆုတောင်းဖို့ပါ ဝန်မလေးသူတွေပါ။ ခိုးဖို့လည်း လက်ယဉ်နေလေးတော့ အလောင်းဆီကပိုက်ဆံအိတ်အနှိုက်ကောင်းပြီး အန်ဒရီတစ်ယောက် ရင်ခွဲရုံသန့်ရှင်းရေးအလုပ်ကပါ ပြုတ်သွားပါတော့တယ်။ အိမ်လခကမပေးနိုင် အလုပ်ကပြုတ်နဲ့ လမ်းဘေးရောက်တော့မယ့်လင်မယားနှစ်ယောက် တိုက်တိုက်ဆိုင်ဆိုင်ပဲ ထူးထူးဆန်းဆန်းလခအရမ်းများနေတဲ့ အဘွားအိုကိုစောင့်ရှောက်ပေးရမယ့်အလုပ်ကို မျက်စိကျပြီး အလုပ်လျှောက်ဖို့သွားရာက အိမ်ကြီးတစ်လုံး‌ဆီ ရောက်လာတဲ့အခါ တိုက်တိုက်ဆိုင်ဆိုင်ပဲ စောင့်ရှောက်ပေးရမယ့်အဘွားကြီးကလည်း သူတို့စနက်မကင်းစွာနဲ့ ရုတ်တရက်ဆုံးသွားတဲ့အပြင် လက်စလက်နကလည်းရှိကြတဲ့လင်မယားနှစ်ယောက် ဗီဇလေးတွေပေါ်လာပြီး အိမ်ကတန်ဖိုးရှိတာတွေခိုးပြီးထွက်ပြေးကြဖို့ ဆုံးဖြတ်လိုက်ပါတော့တယ်။ အဲဒီနောက်မှာ ဘာတွေဆက်ဖြစ်ကြမလဲဆိုတာ ကိုယ်တိုင်ပဲကြည့်ရှုခံစားလိုက်ရအောင်ပါ။ (အညွှန်းကို Alexမှရေးသားပြီး ဘာသာပြန်ကတော့ ToMo ~ Yunni ~ Alexတို့ပဲဖြစ်ပါတယ်) File size…611MB Quality…720p WEB DL Format…mp4 Duration….1h 42m Subtitle….Myanmar Subtitle (Hard Sub) Encoder….YK Translated by ToMo ~ Yunni ~ Alex

Demon ဆိုတဲ့ မိစ္ဆာတွေအကြောင်းရိုက်တဲ့ ကားတော်တော်များများ ကြည့်ဖူးကြမှာပါ ကျွန်တော်သိသလောက်ပြောရ ရင် Conjuring Universe ရှိမယ် The Nun ရှိမယ် 2015 ကရိုက်ထားတဲ့ Poltergeist ဆိုတဲ့ကားလဲရှိမယ် ဒါပေမယ့် ဒီကားတွေတော်တော်များများ သူ့ဟာနဲ့ သူတော့ ကောင်းကြပေမယ့် Demon ဆိုတဲ့ သရုပ်ကိုတော့ ပီပြင်အောင်မပြနိုင်ဘူး ထင်မိပါတယ် အခုကျွန်တော် review ရေးတဲ့ May The Devil Take You မိစ္ဆာခေါ်ဆောင်ခြင်းခံရပါစေ ဆိုတဲ့ အင်ဒို ကားလေးကတော့ Demon ဇာတ်ရုပ်ကိုတော်တော်လေး အသားပေးဖော်ပြ ထားပါတယ် နတ်ဆိုးတစ် ကောင်ရဲ့ ရုပ်လုံးရုပ်ထည် သူ့တန်ခိုးစွမ်းအား တွေကို သေချာမြင်ရမှာပါ ဇာတ်လမ်း အစမှာ လတ်စမန် ဆိုတဲ့ လူတစ် ယောက်က နတ်ဆိုးတစ်ကောင်ကို အနက်ရောင်သီလရှင်ဆိုတဲ့ ကိုယ်စားလှယ် တစ်ယောက်အကူညီနဲ့ ဆင့်ခေါ်ခဲ့ပါတယ် ပြီးတော့ အပေးအယူတစ်ခု လုပ်ခဲ့ပါတယ် ဒါပေမယ့် နတ်ဆိုးဆိုတဲ့အမျိုးက သူ့ဘက် ကတစ်ဗန်းမသာပဲ အပေးအယူမလုပ်တတ် ဘူးဆိုတာ သိတဲ့သူတွေသိကြမှာပါ ဒီလိုနဲ့ လတ်စမန်ကအရမ်းအောင်မြင်တဲ့စွန့်ဦးတီထွင်လုပ်ငန်းရှင် တစ်ဦးဖြစ်လာတယ် ပြီးတော့သူ့အရင် ဇနီးမယားနဲ့ သမီးလေးကို ပစ်ပြီး နာမည်ကြီးရုပ်ရှင်မင်းသမီးဟောင်း တစ်ဦးနဲ့ လက်ထပ်ခဲ့တယ် သိပ်မကြာပါဘူး ရုတ်ချည်းလက်ထဲရောက်လာတဲ့အောင်မြင်မှု က တစ္ဆေတစ်ကောင် လာရောက်ခိုးယူသွား သလိုပဲ ရုတ်ချည်းဆိုသလိုဒေဝါလီခံရတဲ့ ဘဝပါရောက်သွားခဲ့တယ် ဒီလိုနဲ့ လတ်စမန်လဲ သူအရင်နတ်ဆိုးနဲ့အပေးအယူ လုပ်တဲ့ အပန်းဖြေအိမ်ကိုပြန်သွားခဲ့တယ် အဲ့နောက်ပိုင်း ဘာသံမှမကြားရပဲနဲ့ တစ်ကိုယ်လုံး ကိုယ်အရေပြားရောဂါတွေစွဲ ကပ်နေတဲ့လတ်စမန်ကို အပန်းဖြေအိမ်နား မှာ ရုပ်ပျက်ဆင်းပျက်နဲ့တွေ့ခဲ့ကြတယ် ဆေးရုံထက်က ကုတင်မှာမလှုပ်မယှက် သတိလစ်နေတဲ့ လတ်စမန်တစ်ယောက် သူနတ်ဆိုးနဲ့ဘာတွေများ လုပ်ခဲ့တာလဲ ဘယ်လို သူတော်စင်တွေခွင့်မလွှတ်နိုင်တဲ့အမှုကိုပြု ခဲ့တာလဲ ဆိုတာတော့သူ့ သမီးအရင်းလေးရော နောက်မယားသားသမီးတွေပါ ကံဆိုးစွာနဲ့ မသိခဲ့ကြပါဘူး ထိုကံဆိုးမှုရဲ့နောက်ကွယ်မှာ ဘယ်သူကကြိုးကိုင်နေတာလဲ ဘယ်လိုရွံရှာစက်ဆုပ်ဖွယ်ရာ နာနာဘာဝ ကလက်ဝါးကြီးအုပ်ထားတာလဲ ဆိုတာတော့ ကိုယ်တိုင်ပဲကြည့်ရှုခံစားမှ သိရမှာပါ ဒီဇာတ်ကား rating က Rotten Tomatoes မှာ 80% ရထားတာအံ့သြစရာမရှိပါဘူး Jumpscare အများကြီးမပါပေမယ့် သမားရိုးကျသရဲခြောက်မှုတွေက ကွဲထွက်ပြီး အသွင်သစ်တစ်မျိုးနဲ့ horror ရသကိုခံစားရစေမှာပါ ကျွန်တော့်အမြင်ပြောရ ရင် The Nun ကြီးကိုတောင် ဒီသရဲကားလိုဖြစ်စေချင်တယ် Demon ဆိုတာ ဘယ်တော့မှ ကိုယ်တိုင်ဝင်မပါတတ်ပါဘူး ပရလောကနယ်ပယ်မှာ သြဇာညောင်းနေတဲ့ ဝိညာဉ်ထိန်းတွေအနေနဲ့ သူတို့လက်အောင်က တစ္ဆေသရဲ အသူရကယ်တွေကိုပဲ လက်ပါးစေခိုင်းတတ်ပါတယ် Demon ကြီးရုပ်လုံးကိုအထင်းသားကြီးမပြထားပေမယ့် လို့ ရေးတရေးလေးနဲ့ညသံခေါင်မှာ ကြက်သီးထရလောက်အောင် ကျောချမ်းစရာကောင်းပါတယ် IMDb မှာလဲ 6.9 ရထားတဲ့ သရဲကားဆိုတော့ ကြောက်ရွံ့ခြင်းတွေခြုံလှုံထားတဲ့ရသကိုခံစားချင်တဲ့ သူတွေအတွက် တကယ့်ကိုကြည့်သင့်တဲ့ကားပါ ဒီ အင်ဒိုနီးရှား သရဲကားကို ဟိန်းသက်နိုင် က ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်

Danur (2017) ဒီတစ်ခေါက်ကိုတော့ ''Danur : I can See Ghosts ''ဆိုတဲ့သရဲကားလေးနဲ့မိတ်ဆက်ပေးချင်ပါတယ် Risa ဆိုတဲ့ကလေးမလေးဟာမိိဘတွေကအမြဲတမ်း အချိန်မပေးနိုင်ကြဘဲအလုပ်များနေလို့ အထီးကျန်နေတဲ့ကလေးမလေးပါ တစ်နေ့မှာတော့Risa ရဲ့မိဘတွေကသူ့တို့သမီးလေးဟာ နေ့တိုင်းလိုလိုတစ်ယောက်တည်းကစားရင်း တခြားသူတွေကိုကြည့်ပြီးစကားပြောနေတာကို တွေ့သွားကြပါတယ် အဲ့ဒါနဲ့ Risa ရဲ့မေမေကပရောဂဆရာရှာပြီးသရဲနှင်ခိုင်းလိုက်ပြီးနောက်ပိုင်း Risaဟာသူ့ ရဲ့သရဲသူငယ်ချင်းတွေကိုထပ်မတွေ့ရတော့ပါဘူး Risa ဟာအဲ့အတိုင်းပဲကြီးပြင်းလာတဲ့အချိန်မှာ တစ်နေ့တော့ သူ့အဘွားကိုစောင့်ရှောက်ပေးတဲ့သူနာပြုမိန်းမကသူ့ညီမလေးကိုခေါ်သွားပါတော့တယ် Risaတစ်ယောက်သူ့ညီမလေးကိုပြန်ရဖို့ဘယ်လိုလုပ်မလဲ သူနာပြုရဲ့သရုပ်မှန်ကရောဘာလဲဆိုတာရင်တထိတ်ထိတ်နဲ့စောင့်ကြည့်ရမယ့်ရုပ်ရှင်ကားလေးမို့လက်မလွှတ်သင့်တဲ့ကားလေးပါနော် အညွှန်း နဲ့ ဘာသာပြန်ကတော့ ThaeThae ပဲ ဖြစ်ပါတယ်။ Genre..... Horror, Mystery, Thriller Quality…. 1080p | 720p File size… 815MB | 392MB Format… mp4 Duration…. 1h 52min Subtitle…. Myanmar Subtitle (Hardsub) Translator ..... Thae Thae Encoder ..... Aaron