Kit Connor ပါဝင်သော ဇာတ်ကားများ

Heartstopper Forever (2026) ++++++++++++++++ Netflix ရဲ့ နာမည်ကျော် BL Series Heartstopper ပရိသတ်တွေအတွက် အားလုံး မျှော်နေကြတဲ့ Nick နဲ့ Charlie တို့ရဲ့ ဇာတ်သိမ်းပိုင်း ရုပ်ရှင်ကားကြီး ထွက်ရှိလာခဲ့ပါပြီ။ ဒီရုပ်ရှင်ဟာ အထက်တန်းကျောင်းသားဘဝကနေ အရွယ်ရောက်လာပြီး တက္ကသိုလ်တက်ရတော့မယ့် Nick နဲ့ Charlie တို့ရဲ့ ဆက်ဆံရေးကို အချိုးအကွေ့ အဓိကအနေနဲ့ ပြသသွားမှာပါ။ Nick တစ်ယောက် တက္ကသိုလ်တက်ဖို့ ပြင်ဆင်နေချိန်မှာ Charlie ကတော့ ကျောင်းမှာ တာဝန်အသစ်တွေနဲ့ လမ်းကြောင်းသစ်တစ်ခုကို လျှောက်လှမ်းဖို့ ကြိုးစားလာပါတယ်။ သူတို့နှစ်ဦးကြားထဲကို အဝေးရောက်ချစ်သူတွေ ကြုံတွေ့ရလေ့ရှိတဲ့ LDRS (Long-Distance Relationship) ရဲ့ အခက်အခဲတွေနဲ့ စိုးရိမ်ပူပန်မှုတွေက ဝင်ရောက် လွှမ်းမိုးလာပါတယ်။ ဒီတစ်ခါမှာ ဇာတ်လမ်းတွဲ မဟုတ်ဘဲ ရုပ်ရှင်အဖြစ် ဖန်တီးထားတာမို့ ပိုပြီးတော့လည်း ရင့်ကျက်တဲ့ အချစ်ဇာတ်ဝင်ခန်းတွေ ပါဝင်လာသလို၊ သူတို့သူငယ်ချင်းတစ်သိုက်ရဲ့ အနာဂတ် ရုန်းကန်ရမှုတွေကိုပါ ရသစုံစုံလင်လင် ခံစားရမှာပါ။ ကလေးဘဝကနေ လူကြီးဘဝကို ကူးပြောင်းချိန်မှာ ပထမဆုံး အချစ်စစ်ဟာ ထာဝရ တည်မြဲနိုင်ပါ့မလားဆိုတာကို မျက်ရည်ဝဲစရာ၊ ကြည်နူးစရာတွေနဲ့အတူ အဖြေရှာကြည့်ရမှာ ဖြစ်ပါတယ်။ အချစ်အလွမ်းနဲ့ ဘဝအဓိပ္ပာယ်ကို ဖော်ညွှန်းထားတဲ့ ဒီရုပ်ရှင်ဇာတ်ကားကောင်းလေးကို လက်မလွှတ်တမ်း စောင့်မျှော်ကြည့်ရှုဖို့ ညွှန်းဆိုပေးလိုက်ချင်ပါတယ်။ File Size… (1.68GB) / (959MB) Quality… WEB-DL 1080p HEVC / 720p Format…mkv / mp4 Duration…1h 54m Genre ….Drama , Romance Subtitle….Myanmar Subtitle (Hard Sub)

A24 က ထုတ်တဲ့ စစ်ကားအသစ်ပါ.. အရမ်းကြမ်းတယ် အလွတ်မခံပါနဲ့။ ဒီရုပ်ရှင်ထဲက ဇာတ်ကွက်တွေကို တကယ့် စစ်ဆင်ရေး အချိန်အတိုင်း ရိုက်ပြထားတာပါ။ ဒါရိုက်တာက Ex Machina၊ Annihilation၊ Civil War တွေကို ရိုက်ခဲ့တဲ့ Alex Garland ပါ။ သူနဲ့အတူ တွဲရိုက်တဲ့ ဒါရိုက်တာ Ray Mendoza က နေဗီဆီးလ်ဟောင်းဖြစ်ပြီး သူကြုံခဲ့တဲ့တိုက်ပွဲကို အခြေခံထားတဲ့ ရာမဒီ၊ အီရတ်မှာ ရန်သူတွေ အများကြီး ဝိုင်းတိုက်ခံရတဲ့ နေဗီဆီးလ် တပ်စိတ် တစ်စိတ်အကြောင်းကို ရိုက်ထားတာပါ။ တကယ်ပါဝင်ခဲ့သူတွေကိုပါ အင်တာဗြူးပြီး ဇာတ်လမ်းတည်ဆောက်ခဲ့တာပါဖြစ်ပါတယ်။ စတိုက်ခံရတဲ့အချိန်ကနေ နောက်ဆုံးဖောက်ထွက် ချိန်အထိဆက်တိုက်ကျုံးနေတာကို တစ်နာရီကျော် အချိန်အစစ်အတိုင်း ရိုက်ပြထားတာပါ။ နာမည်အများစုကတော့ နာမည်လွှဲတွေပဲ ဖြစ်ပါတယ်။ Ray Mendoza နဲ့ Elliott Miller ဆိုတဲ့နာမည်ပဲ နာမည်ရင်း ပါခဲ့တာပါ။ ကျန်တာအများကြီးတော့ ပြောစရာမရှိပါဘူး။ စစ်ကားကောင်းရှားနေတဲ့အချိန်မှာ ရွှေထွက် လာတာပါပဲ။ ကြည့်လိုက်ကြပါ........... File size… (5.82GB ) /(1.72 GB) / (789 MB) Quality… WEB-DL 4K HEVC / 1080p / 720p Format…mkv / mp4 Duration….1h 35m Genre …..Action , Drama , War Subtitle….Myanmar Subtitle (Hard Sub) Encoder….Min Wai , Benjamin Translated by Mr.Anderson

DreamWorks Animation ရဲ့ အကောင်းဆုံးလက်ရာတွေထဲက တစ်ခုဖြစ်တဲ့ တောရိုင်းစက်ရုပ်ဆိုတဲ့ ကာတွန်းရုပ်ရှင်ပါ။ Mulan, How to Train your dragon တို့လို အကောင်းဆုံး ကာတွန်းတွေကို ဖန်တီးခဲ့တဲ့ Chris Sanders ရဲ့ လက်ရာပဲ ဖြစ်ပါတယ်။ စက်ရုပ် ရော့ဇ် အဖြစ် Black Panther ထဲက Lupita Nyong'o ပါဝင်ထားပြီး၊ မြေခွေး ဖင့်အဖြစ် Pedro Pascal က ပါဝင်ထားပါတယ်။ ဇာတ်လမ်းအကျဉ်း လူသားတွေအတွက် အကူအညီပေးတဲ့ စက်ရုပ်အမျိုးအစားတစ်ခုဖြစ်တဲ့ ရော့ဇမ်အမျိုးအစား စက်ရုပ်တစ်ရုပ်ဟာ လူမရှိတဲ့ ကျွန်းတစ်ကျွန်းအပေါ်ကို ပြုတ်ကျလာခဲ့ပါတယ်။ အဲဒီကျွန်းပေါ်က တိရစ္ဆာန်တွေနဲ့ ဆက်သွယ်ဖို့ ကြိုးစားရင်းကနေ မတော်တဆ ငန်းမိသားစုတစ်စုကို သေစေမိလိုက်ပါတယ်။ အဲဒီငန်းမိသားစုမှာ ငန်းပေါက်လေးတစ်ကောင် ကျန်ခဲ့ပြီး အဲဒီငန်းလေးကို မသေအောင်စောင့်ရှောက်ရမဲ့ တာဝန်ကို ပရိုဂရမ်ကနေ လက်ခံမိလိုက်ပါတယ်။ အဲဒီငန်းကို သူနဲ့အတူစောင့်ရှောက်ချင်ယောင်ဆောင်ပြီး အမြတ်ထုတ်ဖို့ ကြိုးစားတဲ့ မြေခွေးတစ်ကောင်နဲ့လည်း တွေ့လိုက်ရပါတယ်။ စက်ရုပ်နဲ့မြေခွေးဟာ ငန်းပေါက်လေးကို အတူစောင့်ရှောက်ရင်းနဲ့ အချိန်တွေကြာလာတဲ့အခါ ဘာတွေဆက်ဖြစ်လာမလဲဆိုတာရယ်... စက်ရုပ်ရဲ့ မူလကုမ္ပဏီက ဘယ်လိုတွေ တုံ့ပြန်လာမလဲဆိုတာရယ်ကို ကြည့်ရမှာပါ။ ကာတွန်းကောင်းတွေရဲ့ ထုံးစံအတိုင်း အသေငိုခိုင်းလိုက် ပြန်ပြုံးခိုင်းလိုက် ဖြစ်မှာမို့ တစ်ရှုးလေးတွေ ဆောင်ပြပြီး ကြည့်ကြဖို့ မမေ့ကြပါနဲ့လို့ ပြောချင်ပါတယ်။ File size… 5.2 GB / 2.7 GB / 1.3 GB Quality… Web-Rip 4K / 1080p / 720p Format… mp4, mkv Audio... AAC , E-AC3 Duration…. 1h 42m Genre ..... Family/Adventure Subtitle…. Myanmar Subtitle (Hard Sub) Encoder…. Thit San Khant Translated by Mr.Anderson

Heartstopper ( Season 1 + 2 +3) Alice Oseman ရဲ့ ရုပ်ပြဝတ္ထုကနေ စီးရီးအဖြစ်ရိုက်ကူးခဲ့တဲ့ Heartstopper စီးရီး..... season1 မှာပရိသတ်တွေရဲ့တစ်ခဲနက်အားပေးမှု ရခဲ့သလိုအခု Season2 လဲထွက်လာပါပြီ။ S2 အစမှာ အဓိကဇာတ်ကောင်တွေဖြစ်တဲ့ နစ်ခ်နဲ့ချာလီတို့ ချစ်မဝဖြစ်နေကြလေရဲ့။ Good Morning Good Night မက်ဆေ့ချ်တွေမှန်မှန်ပို့ကြ လူအလစ်မှာခိုးခိုးတွေ့ကြ နှစ်လအန်နီတွေဘာတွေဆင်နွဲကြ ပျော်မဆုံးပေါ့။ ဒါပေမဲ့သူတို့က ဆယ်ကျော်သက်လေးတွေပဲလေ။ ချစ်ကြညားကြတော့ဘယ်ဟုတ်မလဲ Happily Ever After လဲလုပ်လို့မရဘူး။ သူတို့ချစ်ခြင်းကအခုမှအစရှိသေးတယ် အနိမ့်အမြင့်အတက်အကျ ပြသနာတွေကိုသူတို့ရင်ဆိုင်ရဦးမှာတော့ အသေအချာပဲပေါ့။ ဒီ Season မှာ နစ်ခ်တစ်ယောက် Come out လုပ်မှာကလဲစိတ်ဝင်စားစရာပဲ။ နစ်ခ်လို အားကစားသမားတစ်ယောက် ယောကျ်ားဆန်ဆန်ကောင်လေးက ဂေးလို့ဘယ်သူမှထင်မထားဘူးလေ။ ချာလီကတော့ သူ့အလှည့်တုန်းက သူများတွေဆီကအနိုင်ကျင့်ခံခဲ့ရသလို သူ့ကောင်လေးတော့မခံရစေရဘူး သူတတ်နိုင်သမျှတားမယ် နစ်ခ်ကို support လုပ်မယ်လို့ ဆုံးဖြတ်ထားလေရဲ့။ တကယ်ချစ်စရာကောင်းတဲ့ချာလီပါပဲ။ Heartstopper က ချာလီနဲ့နစ်ခ်တို့ ဇာတ်လမ်းဖြစ်ပေမယ့် အချစ်အကြောင်းပဲသီးသန့်မဟုတ်ပါဘူး။ သူငယ်ချင်းတွေကြားကခင်မင်မှု၊ LGBTQ+ လူငယ်လေးတွေရဲ့ ရုန်းကန်ရမှု၊ သူတို့ကိုယ်သူတို့ လက်ခံနားလည်မှု၊ သူတို့ကိုမိသားစုသူငယ်ချင်းတွေရဲ့လက်ခံမှုလက်မခံမှု၊ ဘေးကလူတွေရဲ့အထင်အမြင်ဖိအားတွေအတွက် သတ္တိရှိမှု စတာတွေကို ရောင်စုံသက်တန့်လိုပဲချိတ်ဆက်တင်ဆက်ထားသေးတာကြောင့် ကြည်နူးစရာကောင်းတဲ့လူငယ်ဇာတ်လမ်းလေးအပြင် LGBTQ+ တွေအပေါ် နားလည်ပေးနိုင်စွမ်းတွေကိုပါ ဖန်တီးပေးမယ့်စီးရီးကောင်းလေးပါပဲ။ အညွှန်းကိုတော့ Rashida က ရေးထားပေးပြီးတော့ ဘာသာပြန်ထားတာကတော့ Rashida, Mary Christ, Hnin Oo Wai, Phyu Phyu Thant တို့ပဲ ဖြစ်ပါတယ်။ Genre.....Drama, Family, LGBTQ+ Quality….WEB-DL 1080p | 720p File size…500MB | 200MB Format…mp4 Duration….30min Subtitle….Myanmar Subtitle (Hardsub) Translator .....Rashida, Mary Christ, Hnin Oo Wai, Phyu Phyu Than Encoder ..... Aaron

ဒါကတော့ ဇာတ်လမ်းတွေကို သူ့ရဲ့ကိုယ်ပိုင်ဟန်နဲ့ဖန်တီးလေ့ရှိတဲ့ Austrianအမျိုးသမီးဒါရိုက်တာ Jessica Hausnerရဲ့ လက်ရာဇာတ်ကားလေးပါ။ Cannes film festivalရဲ့ မြင့်မားတဲ့ဆုတွေမှာ ဇကာတင်စာရင်းဝင်ထားပြီး ခေါင်းဆောင်မင်းသမီးက Cannes Best Actress Awardရထားပါတယ်။ ဇာတ်လမ်းကတော့ Aliceဆိုတဲ့ singleမေမေ အမျိုးသမီးတစ်ယောက်က အပင်မျိုးစိတ်သစ်တွေကို ဖန်တီးပြီး သူ့အလုပ်ကိုအင်မတန်ရူးသွပ်သူပါ။ လူတွေကိုပျော်ရွှင်စေဖို့ အနံ့အရမ်းကောင်းမွန်အောင်ပြုလုပ်ထားတဲ့ အပင်မျိုးစိတ်သစ်တစ်ခုကို ဖန်တီးအောင်မြင်ပြီးတဲ့နောက် အဲ့အပင်လေးကို သူ့သားJoeရဲ့နာမည်ကိုအစွဲပြုပြီး Little Joeလို့နာမည်ပေးလိုက်တယ်။ ဒါပေမယ့် သူ့ရဲ့လုပ်ဖော်ကိုင်ဖက် ဘယ်လာဆိုတဲ့ အမျိုးသမီးကြီးက Little Joeဟာ လူတွေကိုပျော်ရွှင်စေရုံတင်မဟုတ်ပဲ သူ့ရဲ့ဝတ်မှုန်ဟာလူ့ဦးနှောက်ထဲဝင်သွားပြီး လူတွေကိုအပင်ကလွဲရင် တခြားအရာကိုဂရုမစိုက်အောင်ပြောင်းလဲပစ်နေတယ်လို့ အခိုင်အမာပြောဆိုပါတယ်။ Aliceလည်း အစကမယုံကြည်ပေမယ့် သူ့ရဲ့သားကပါ ထူးထူးဆန်းဆန်းတွေပြုမူလာတဲ့အခါမှာတော့.... ဒီဇာတ်လမ်းမှာ ဒါရိုက်တာရဲ့ဝသီအတိုင်း အရောင်တွေကိုသေချာသုံးထားလို့ Displayတွေလှတယ်။ ဇာတ်လမ်းကို ကိုယ်ပါဝင်ပြီး စဉ်းစားစရာတွေဖြစ်လာတယ်။ ဇာတ်လမ်းပြီးသွားတဲ့နောက်မှာလည်း ဒွဟတွေကျန်ခဲ့တယ်။ လူတော်တော်များများအတွက် ကြောင်တောင်တောင်ကားလို့ ထင်နိုင်တယ်။ လူတိုင်းအကြိုက်ကားမျိုးတော့မဟုတ်ဖူးပေါ့။ နောက်ခံအသံတွေကလည်း သဘောမကျတဲ့သူတွေအတွက် စိတ်အနှောက်အယှက်ဖြစ်နိုင်တယ် အဲ့တာကိုချီးကျုးတဲ့သူတွေကလည်းရှိတယ်။ ဒါရိုက်တာပြချင်တာကို တကယ်ခံစားနိုင်ပြီး ဒီလိုကားတွေကိုသဘောတွေ့သူအတွက်တွေတော့ ကောင်းတဲ့ကားလေးပါ။ ဒီတော့ ကိုယ်တိုင်ပဲ ကြည့်ရှုအကဲဖြတ်ကြည့်လိုက်ပါ။ File Size : ( 985 MB ) Quality :  WEB-DL 720p Running Time : 1 hr 45 min Format : Mp4 Genre : Drama , Sci-Fi Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

ဒီရုပ်ရှင်ကတော့ Bohemian Rhapsody လိုပဲ ကမ္ဘာကျော် အဆိုတော်တစ်ယောက်ရဲ့ ဘဝဇာတ်ကြောင်းကို ရိုက်ကူးထားတာဖြစ်မှာပါ။ သရုပ်ဆောင်ကတော့ Kingsman ရဲ့ မင်းသားTaron Egerton ဖြစ်နေတာ တိုက်ဆိုင်တာပါပဲ။ Kingsman ရုပ်ရှင်ထဲမှာ အယ်လ်တန်ဂျွန်ပါခဲ့တာကိုး။ သူ့နာမည်ကတော့ အယ်လ်တန် ဂျွန်ပါ။ လူအများကြားဖူးကြမယ်ထင်ပါတယ်။ အပြည့်အစုံဆိုရင်တော့ ဆာ အယ်လ်တန် ဟာကျူလီ ဂျွန် ဖြစ်ပါတယ်။ သူဟာ အမေရိကရဲ့ ရော့ခ်ဂီတသမိုင်းမှာ အအောင်မြင်ဆုံး တစ်ကိုယ်တော်ဂီတသမားဖြစ်ပြီး ကမ္ဘာ့ဂီတသမိုင်းမှာ တတိယမြောက် အအောင်မြင်ဆုံး ဖြစ်ပါတယ်။ သူ့ရှေ့မှာ မက်ဒေါနား နဲ့ ဘီတယ်စ် ပဲ ရှိပါတော့တယ်။ (မကြာခင် ဘီတယ်စ်ရဲ့အကြောင်းဖြစ်တဲ့ Yesterday ရုပ်ရှင်လည်း ရုံတင်တော့မှာပါ) အယ်လ်တန်ဟာ ဂရမ်မီဆု 5ကြိမ်ရရှိခဲ့ပြီး အခြားသော ဆုကြီးတွေလည်း အများအပြားကို ရရှိခဲ့တာပါ။ Gold album 26 ခု၊ ပလက်တီနမ် နဲ့ မာလ်တိုင်ပလက်တီနမ် ၃၈ ခု၊ ဒိုင်းမွန်း တစ်ခု ရရှိဖူးပြီး ကမ္ဘာ့အခွေရောင်းရမှုအရေအတွက် သန်း ၃၀၀ ကျော်ရှိပါတယ်။ ဒီရုပ်ရှင်မှာတော့ သူ့ရဲ့ ငယ်ဘဝ၊ အောင်မြင်အောင် ရုန်းကန်ရပုံ၊ အောင်မြင်ပြီးနောက် ထုံးစံအတိုင်းခံစားရတဲ့ အောင်မြင်မှုဒဏ်တွေ၊ အထီးကျန်မှုတွေ၊ ဆေးနဲ့အရက်ပြဿနာတွေ၊ လိင်ကိစ္စအရှုပ်အရှင်းတွေ ကနေ ရုန်းထွက်ပြီး သာယာတဲ့ ဘဝကို တည်ဆောက်နိုင်ခဲ့ပုံအထိ ပြထားတာပါပဲ။ သူက ဖရက်ဒီမာကျူရီထက်တော့ ကံကောင်းခဲ့တယ်ပဲ ပြောလို့ရမလား မသိပါဘူး။ ဂီတရုပ်ရှင် ကြိုက်သူတွေအတွက်တော့ သီချင်းတွေနဲ့တင် တန်လှပါပြီလို့ ပြောရမှာပါပဲ။ ဇာတ်လမ်းအညွှန်းနဲ့ ဘာသာပြန်သူကတော့ Littleneo ပဲဖြစ်ပါတယ်...

ဒွန်ဝဲလေ့စ်ဟာ ကျောင်းသားသစ်အနေနဲ့Slaughterhouseကိုရောက်လာခဲ့ပါတယ် ကျောင်းဟာစာပဲသင်တဲ့ကျွန်တော်တို့သိနေကျစာသင်ကျောင်းတော့မဟုတ်ပါဘူး အသက်ရှင်ကျန်နေဖို့သင်ထားသင့်တဲ့အရာအားလုံးကိုသင်ပေးတဲ့ကျောင်းပါ အနိုင်ကျင့်တာတွေကကျောင်းသားတွေသတ်သေတာမျိုးအထိပါဖြစ်လေ့ဖြစ်ထရှိပါတယ် ကျောင်းအုပ်ကပိုက်ဆံကလွဲပြီးအခြားအရာတွေကိုသိပ်ဂရုမစိုက်တတ်ပေမယ့် အများအမြင်မှာတော့စည်းကမ်းကြီးတဲ့ကျောင်းအုပ်ကြီးဆိုတဲ့မျက်နှာဖုံးနဲ့ သူ့ကိုယ်သူဖုံးထားပါတယ် ကျောင်းဝင်အတွင်းရဲ့ အောက်ခြေမှာရှိတဲ့မီသိန်းဓာတ်ငွေ့သိုက်ကို ပြင်ပအဖွဲ့အစည်းတစ်ခုဆီရောင်းစားလိုက်ပြီး စိတ်ကြိုက်လုပ်ခိုင်းပါတော့တယ် မီသိန်းယိုစိမ့်မှုဖြစ်ပြီးမြို့ပြင်ရောက်နေတဲ့စာသင်ကျောင်းမှာ ဘယ်လိုမျိုးူပြသနာတွေနဲ့ဒွန်တစ်ယောက်ရင်ဆိုင်ရမလဲဆိုတာ မကြာသေးခင်ကမှnetflixကထွက်ရှိထားတဲ့sex educationရဲ့ဇာတ်ကောင်အိုတစ်အဖြစ် သရုပ်ဆောင်ထားတဲ့Asa Butterfieldကို မတူညီတဲ့ကျောင်းသားပုံစံနဲ့လည်းမြင်ရမှာပဲဖြစ်ပါတယ် Translated by Noe Encoded by sithu

ဟောလိဝုဒ်ရုပ်ရှင်လောကမှာ ရုပ်ရှင်တစ်ကားရိုက်တိုင်း အမြင်သစ်တစ်မျိုးနဲ့တင်ဆက်တတ်တဲ့ စတီဗင်စပီးဘတ်က ၂၀၁၈ မှာတော့ 80s, 90s born တွေအတွက်အမှတ်တရဖြစ်သွားစေမယ့် ကားတစ်ကားကို ချပြသွားခဲ့ပါတယ်။ ဒီ Ready Player One ရုပ်ရှင်ဟာ Ernest Cline ရဲ့ Ready Player One ဆိုတဲ့ဝတ္ထုကိုအခြေခံရိုက်ကူးထားတာဖြစ်ပြီး ဒီရုပ်ရှင်ဟာ ယနေ့ခေတ်မှာ လူသုံးများလာတဲ့ VR စနစ်နဲ့1980 ကနေ 2000 ခုနှစ်ကြားမှာ ရေပန်းကျော်ကြားခဲ့တဲ့ ရုပ်ရှင်၊ ကာတွန်း၊ စာအုပ်၊ ဂိမ်း၊ သီချင်းတို့ကိုအချိုးကျကျ ပေါင်းစပ်ပြသနိုင်ခဲ့တဲ့အတွက် ဝေဖန်ရေးဆရာတွေချီးကျူးထားတဲ့ ရုံတင်ကားကောင်းတစ်ကားဖြစ်ပါတယ်။ ၂၀၄၅ ခုနှစ်အရောက်မှာ ကမ္ဘာပေါ်က လူတွေဟာ လက်တွေ့ဘဝက ပြဿနာတွေကို ရင်ဆိုင်ဖြေရှင်းဖို့မကြိုးစားတော့ပဲ ထွက်ပေါက်အဖြစ် လွတ်မြောက်ဖို့နေရာတစ်ခုအဖြစ် အိုအေစစ်လို့ခေါ်တဲ့ Visual Worldထဲမှာပဲ အိပ်ချိန်၊ စားချိန်နဲ့ သန့်စင်ခန်းသွားချိန်တွေကလွဲလို့ ကျန်တဲ့အချိန်တွေကို ကုန်ဆုံးကြပါတော့တယ်။ ဒီ အိုအေစစ်ကြီးကို ဖန်တီးခဲ့သူကတော့ ဂျိမ်းစ်ဟာလီဒေးဖြစ်ပြီး သူမသေဆုံးခင် အိုအေစစ်ထဲမှာ အီစတာဥလို့ခေါ်တဲ့ပစ္စည်းတစ်ခုကိုထားခဲ့ပါတယ်။ အဲ့ဒီဥကို ရှာဖွေတွေ့ရှိသူဟာ ဟာလီဒေးရဲ့ ပိုင်ဆိုင်မှုတွေအားလုံးနဲ့ အိုအေစစ်ကိုထိန်းချုပ်ခွင့်ပါ ရရှိမှာဖြစ်တဲ့အတွက် အိုအေစစ်ထဲက လူအားလုံးက အဲ့ဒီဥကို အသည်းအသန်လိုက်ရှာကြပါတော့တယ်။ အဲ့ဒီလိုလိုက်ရှာနေကြတဲ့သူတွေထဲမှာ Ready Player One ရုပ်ရှင်ရဲ့ အဓိကဇာတ်ကောင်ဖြစ်တဲ့ ဝိတ်ဝက်စ်လဲ ပါဝင်သလိုIOI ဆိုတဲ့ ကုမ္ပဏီကြီးကလဲ အဲ့ဥနောက်ကိုသဲသဲမဲမဲလိုက်နေတာပါ။ ဥကို ရဖို့အတွက် သော့ ၃ ချောင်းအရင်ရှာရမှာဖြစ်ပြီးသဲလွန်စတွေကို ဘယ်လိုအဖြေဖော်ကြမလဲ၊ ဘယ်သူ အဲ့ဥကိုရသွားမလဲ၊ ဟာလီဒေးရဲ့ အစီအစဉ်ကရော ဘယ်လိုလဲဆိုတာတော့ ပရိသတ်တွေအနေနဲ့ ဖိုင်ဆိုဒ်အကြီးကိုသာဒေါင်းပြီး အလှပဆုံး CGI တွေနဲ့ အမြူးကြွဆုံး 80s Rock သီချင်းတွေပါဝင်တဲ့ ဒီရုပ်ရှင်ကို ဇိမ်နဲ့ခံစားကြည့်ရှူလိုက်ကြပါ။ ဒီရုပ်ရှင်ထဲမှာ 80s, 90s ခေတ်က ရုပ်ရှင်တွေ ဂိမ်းတွေ သီချင်းတွေကို ကိုးကားထားတာတွေ မရေတွက်နိုင်အောင်ပါဝင်ပါတယ်။ ဇာတ်ကောင်တွေရဲ့ ဒိုင်ယာလော့တွေကအစ ဒီကိုးကားချက်တွေမပါရင် မပြီးဘူးလို့တောင် ပြောလို့ရလောက်တဲ့အထိပါပဲ။ ဖြစ်နိုင်ရင် ဒီရုပ်ရှင်ကို နှစ်ခေါက်တော့အနည်းဆုံးကြည့်စေချင်ပါတယ်။ ပထမတစ်ခေါက် ဇာတ်လမ်းကိုခံစားပြီးကြည့်ပါ။ ဟောင်းပေမယ့်ကောင်းနေဆဲ သီချင်းတွေကို ခံစားကြည့်ပါ။ ဒုတိယတစ်ခေါက်မှာ သူတို့ရဲ့ကိုးကားချက်တွေကိုခံစားကြည့်ပါ။ ကိုးကားချက်တွေကို ရှာဖွေရလွယ်အောင် ဘာသာပြန်ကတည်းက ကွင်းစကွင်းပိတ်နဲ့ ရှင်းချက်တွေထည့်ပေးထားပြီးရုပ်ရှင်၊ ဂိမ်း နာမည်တွေကို English လိုသာ တမင်ချန်ထားပေးခဲ့ပါတယ်။ အားလုံးပဲ ဒီရုပ်ရှင်ကို ၂ ခါမြောက်ကြည့်ပြီးရင် Google ဂုဏော အနေန္ဒောနိုင်ကြပါစေ။ တစ်ခုတော့ပြောပါရစေ။ Ready Player One ရုပ်ရှင်ဟာ ဖျော်ဖြေရေးဇာတ်ကားသက်သက်မဟုတ်ပါဘူး။ သိပ်မကြာတော့တဲ့အနာဂတ်မှာ ကျွန်တော်တို့ကိုယ်တိုင်ကြုံတွေ့ရနိုင်တဲ့ နည်းပညာလွှမ်းမိုးမှုပြဿနာတွေကို ကြိုပြီး သတိထားကြဖို့အတွက်၊ ကာကွယ်နိုင်ဖို့အတွက်၊ Pop Culture တွေကိုလဲ ထိန်းသိမ်းနိုင်ဖို့အတွက်ရည်ရွယ်ပြီး တင်ဆက်ထားတဲ့ ဇာတ်ကားတစ်ကားပါ။ လူကြီးတွေအနေနဲ့ ဒီရုပ်ရှင်ကိုကြည့်ပြီး ဂျိမ်းစ်ဟာလီဒေးကို နှစ်သက်ကြမှာဖြစ်သလို လူငယ်တွေကလဲရဲ ၅ ဖော်ကို သဘောကျသွားကြမှာသေချာပါတယ်။ ပြီးတော့ အမျိုးသမီးချောများ မမေ့ပါနဲ့၊ ဒီရုပ်ရှင်မှာ မိုရီဆာကီဝင်း (အဝင်း) ပါပါတယ်ခင်ဗျ။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုအာကာပါ) File Size : (6.9 GB) / (2.3 GB) / (1.2 GB) Quality : Blu-Ray 4K HEVC /1080p / 720p Running Time : 2hr 20min Format : mkv/mp4 Genre : Action, Adventure, Sci-Fi Subtitle : Myanmar Subtitle (Hard Sub) Translated by Arkar Phyo Encoded by Thanhtike Zaw,Nyeinsaeya Aung

Mr. Holmes(2015) IMDb....6.9 ရာစုနှစ်တစ်စုနီးပါး အချိန်ကာလကိုဖြတ်သန်းလာခဲ့ရ၍ အသက်အရွယ်ကြီးရင့်လာသော ကျွနု်ပ်တို့မိတ်ဆွေကြီး မစ္စတာဟုမ်းစ်သည်လည်း ဇရာ၏နှိပ်စက်မှုဒဏ်ကို ကောင်းကောင်းကြီးခံစား နေရပြီဖြစ်သည်။ သို့သော်လည်း သူ့၏ ထက်မြက်မှုကိုကား ဇရာက အနိုင်မတိုက်နိုင်သေးသည်မှာထင်ရှားသည်။ သို့သော် မစ္စတာ ဟုမ်းစ် စုံထောက်အလုပ်မှအနားယူလိုက်ရသည် အထိ စိတ်ဆင်းရဲကိုယ်ဆင်းရဲဖြစ်စေရသော အကြောင်းမှာ မည်သို့မည်ပုံဖြစ်သည်ကို IMDB Rating 6.9 ရရှိထားသော Mr.Holmes(2015) တွင် ဖော်ပြထားလေသည်။ အကျဉ်းမှာ ကျွနု်ပ်တို့မိတ်ဆွေကြီး မစ္စတာ ဟုမ်းစ်တစ်ယောက် သတိမေ့ရောဂါစွဲကပ်လာ၍ မိမိ၏နောက်ဆုံးအမှုမှ အဘယ်ကြောင့်အနားယူခဲ့သည်ကို မမှတ်မိသည်ကို ပြန်လည် အမှတ်ရအောင် ကြိုးစားရင်း နောက်ဆုံးမှာ မစ္စတာဟုမ်းစ်၏ အမှန်စင်စစ် နောက်ဆုံးအမှုကို မည်သို့မည်ပုံဖြေရှင်းခဲ့သည်ကို မိတ်ဆွေတို့ စိတ်ပါဝင်စားစွာနဲ့ ကြည့်ရှုရမှာဖြစ်ပါတယ်။ ဇာတ်လမ်းအညွှန်းနဲ့ ဘာသာပြန်သူကတော့ Ko D3monပဲဖြစ်ပါတယ်... File Size : (900 MB) and (325 MB) Quality : Blu-Ray 720p Format…mp4 Duration…01:44:00 Genre :  Drama , Mystery Subtitle : Myanmar Subtitle (Hard Sub) Translated by D3mon Encoded by Phyo Pyae