Kit Young ပါဝင်သော ဇာတ်ကားများ

IMDb Rating (6.0) / Rotten Tomatoes (85%) ဗြိတိသျှဒါရိုက်တာ Andrew Cumming ရဲ့ ပထမဆုံးရုပ်ရှင်ဖြစ်ပြီး၊ Ruth Greenberg ရေးသားထားတဲ့ စိတ္တဇသည်းထိတ်ရင်ဖိုနဲ့ စွန့်စားခန်းရုပ်ရှင်ဖြစ်ပါတယ်။ ဇာတ်လမ်းဟာ ဘီစီ ၄၅,၀၀၀ ခန့်က အထက်ပိုလီသို့စ်ခ်ခေတ်မှာ ဖြစ်ပေါ်ပြီး၊ လူသားခြောက်ဦးပါဝင်တဲ့ အုပ်စုတစ်စုဟာ ပိုမိုကောင်းမွန်တဲ့ ဘဝတစ်ခုရှာဖွေဖို့ အမည်မသိတဲ့ ကမ်းခြေတစ်ခုကို ရောက်ရှိလာရာက စတင်ပါတယ်။ ဒီအုပ်စုမှာ အုပ်စုခေါင်းဆောင် အာဒမ်၊ သူ့ရဲ့ ကိုယ်ဝန်ဆောင်ဇနီး အာဗီ၊ အဒမ်ရဲ့ ညီငယ် ဂျီးရာ၊ အာဒမ်ရဲ့သားငယ် ဟယ်ရွန်၊ လူငယ်မိန်းကလေး ဘီးယားနဲ့ သက်ကြီးပိုင်း အိုဒယ်တို့ ပါဝင်ပါတယ်။ သူတို့ဟာ နေထိုင်ဖို့ ဂူတစ်ခုရှာဖွေရင်း တောင်တန်းတွေဆီ ခရီးဆက်ကြပေမယ့်၊ ညအချိန်မှာ ထူးဆန်းတဲ့ သတ္တဝါတစ်ကောင်နဲ့ ကြုံတွေ့ပြီး ဟယ်ရွန်ကို ညဘက်မှာ သတ္တဝါကြီးရဲ့ဆွဲသွားခြင်းခံလိုက်ရတဲ့အခါမှာတော့... File Size… (830 MB) / (518 MB) Quality… WEB-DL 1080p HEVC /720p Format…mkv / mp4 Duration…1h 28m Genre ….Horror , Mystery , Thriller Subtitle….Myanmar Subtitle (Hard Sub)

The Beautiful Game (2024) IMDB 6.3/10, Rt 88% ရရှိထားတဲ့ Sport/Drama ကားသစ်လေးနဲ့ မိတ်ဆက်ပေးပါရစေ။ မင်းသားကြီး Bill Nighy (Pirates of the Caribbean film ထဲက ရေဘဝဲလူသားကြီး Davy Jones) နဲ့ Micheal Ward (Top Boy ထဲက Jamie) တို့က အဓိက ပါဝင်သရုပ်ဆောင်ထားကြပါတယ်။ နည်းပြ မယ်လ်က အကျော်ဇေယျ ဘောလုံးနည်းပြတစ်ယောက်ဖြစ်ပြီး သူ့ရဲ့ ဘောလုံးအသင်းကို ရောမမှာပြုလုပ်တဲ့ နှစ်စဉ် အိမ်ခြေမဲ့ကမ္ဘာ့ဖလားဆု ရရှိအောင် အစွမ်းကုန် ကြိုးစားနေသူပါ။ အိမ်ခြေမဲ့ကမ္ဘာ့ဖလားဆိုတာကတော့ နိုင်ငံအနှံ့က အိမ်ခြေမဲ့တွေကပဲ ဝင်ပြိုင်နိုင်တဲ့ ပုံမှန် ဘောလုံးပွဲနဲ့ မတူတဲ့ ၄ယောက်တစ်သင်း ဘောလုံးပြိုင်ပွဲပါ။ နှစ်စဉ်ယှဉ်ပြိုင်ခဲ့ပေမဲ့လည်း တစ်ခါမှ အနိုင်မရဖူးဘဲ ရှုံးပဲရှုံးနေလို့ အပူတပြင်း နိုင်လိုစိတ်ပြင်းပြနေတဲ့ နည်းပြမယ်လ်က နဂိုလေ့ကျင့်နေတဲ့ကစားသမားတွေအပြင် နောက်ထပ် ကစားသမားအသစ်တစ်ယောက်ကိုပါ ဝင်ပြိုင်စေခဲ့ပါတယ်။ သူကတော့ ဗင်နီဖြစ်ပြီး သူမတူ ထူးချွန်တဲ့ အရည်အချင်းတွေရှိသူပါ။ ရုတ်တရက်ကြီး ပြိုင်ပွဲနီးမှ အဖွဲ့ဝင်အသစ်ရောက်လာတာမို့ အသင်းသားတွေနဲ့ အံဝင်ဂွင်ကျမဖြစ်ဘဲ အချင်းတွေများ ကတောက်ကဆတွေဖြစ်ကာ အခက်ကြုံရမယ့်အခြေအနေတွေကို ရင်ဆိုင်လာခဲ့ရချိန်မှာတော့.. မယ်လ်က ဘာဖြစ်လို့များ ဗင်နီ့ကို ရုတ်တရက်ကြီး ခေါ်သွင်းခဲ့တာလဲ.. ဗင်နီကရော သူမတူတဲ့ အရည်အချင်းတွေရှိပါလျက် ဘာလို့ အတည်တကျ ဘောလုံးအသင်း မရှိရတာလဲ.. အသင်းသားတွေနဲ့ အဆင်ပြေပြေနေနိုင်ပြီး အိမ်ခြေမဲ့ကမ္ဘာ့ဖလားကိုရော အရယူနိုင်ပါ့မလား.. ဆိုတာကိုတော့ ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ။)

ဟိုးရှေးရှေး ပုံပြင်ကမ္ဘာထဲမှာ အစွမ်းထက်တဲ့ ညီအစ်ကိုနှစ်ယောက်က သူတော်ကောင်းနဲ့ မိစ္ဆာကြား ဟန်ချက်ညီနေစေဖို့ မှော်ကျောင်းတစ်ကျောင်း တည်ထောင်ခဲ့ကြပါတယ်။ နှစ်တွေကြာလာတော့ မိစ္ဆာဘက်က ညီဖြစ်သူဟာ စွမ်းအားအားလုံးကို သိမ်းယူချင်လာပြီး အစ်ကိုကို သတ်ဖို့ ကြိုးစားခဲ့တယ်။ ဒါပေမယ့် မအောင်မြင်ဘဲ သူကိုယ်တိုင် သေဆုံးသွားခဲ့ပါတယ်။ အဲဒီနောက် ကျောင်းမှာ သူတော်ကောင်းဘက်ကပဲ အရေးသာလာခဲ့တာ နှစ် ၂၀၀ လောက် ရှိနေပါပြီ။ ဒီကျောင်းရဲ့ မိစ္ဆာဘက်မှာ ပုံပြင်ထဲက နာမည်ကြီးလူဆိုးတွေရဲ့ သားသမီးတွေ တက်ကြသလို သူတော်ကောင်းဘက်မှာလည်း ဘုရင်အာသာရဲ့သား၊ စနှိုးဝိုက်ရဲ့သမီးတို့လို ပုံပြင်ဇာတ်လိုက်တွေရဲ့ မျိုးဆက်တွေ တက်နေကြပါတယ်။ ပုံပြင်မျိုးရိုးထဲက မဟုတ်တဲ့ အပြင်လောကသားတွေလည်း တစ်ခါတလေ တက်ခွင့်ရပြီး သူတို့ကိုတော့ စာဖတ်သူတွေလို့ ခေါ်ကြတယ်။ တစ်နေ့မှာ စိတ်ထားကောင်းတဲ့ ဆိုဖီနဲ့ ဂျစ်ကန်ကန်နိုင်တဲ့ အက်ဂ်သာတို့ ဒီကျောင်းဆီ စာဖတ်သူတွေအဖြစ် ရောက်လာကြပါတယ်။ သူတို့နှစ်ယောက် ရောက်လာပြီးနောက် သူတော်ကောင်းနဲ့ မိစ္ဆာတို့ရဲ့ အားပြိုင်မှု ဘယ်လိုပြောင်းသွားမလဲဆိုတာကို ဆက်ပြထားတဲ့ Netflix ရဲ့ မှော်စိတ်ကူးယဉ်ရုပ်ရှင်ဖြစ်ပြီး ကြာချိန် နှစ်နာရီခွဲခန့် ရှိပါတယ်။

ဒီနှစ်အတွက် မှော်စီးရီး ကောင်းကောင်းလေး ကြည့်ချင်နေတဲ့သူတွေအတွက် Shadow and Bone က တကယ် ကျေနပ်စေမှာပါ။ ဒီဇာတ်လမ်းဟာ စိတ်ကူးယဉ်နိုင်ငံနဲ့ တိုင်းပြည်တွေအပေါ် အခြေခံပြီး တည်ဆောက်ထားပါတယ်။ ရက်ဗ်ကာဆိုတဲ့ ကြီးကျယ်ခမ်းနားတဲ့ နိုင်ငံကြီးတစ်ခုဟာ နိုင်ငံအလယ်မှာ ဘယ်လိုမှ ဖျက်ဆီးလို့မရတဲ့ အမှောင်တံတိုင်းကြီးနဲ့ ကာဆီးနေပြီး ကွဲပြားနေပါတယ်။ အရှေ့ဘက်နဲ့ အနောက်ဘက်ကို ခရီးသွားဖို့ အမှောင်တံတိုင်းကြီးကိုဖြတ်ဖို့ကလည်း အထဲက သတ္တဝါဆိုးကြီးတွေကြောင့် အန္တရယ်များလွန်းပါတယ်။ တံတိုင်းကြီးကို ဘေးကပတ်သွားတော့လည်း လမ်းတွေက ကြမ်းတမ်းပြီး ရန်သူတွေ ဝိုင်းနေတာပါပဲ။ ဒီတော့ ဒီတံတိုင်းကိုသာ ဘေးကင်းကင်း ဖြတ်ကူးနေနိုင်သူက နိုင်ငံရဲ့ အချမ်းသာဆုံးအဖြစ် လွယ်လွယ်ဖြစ်လာနိုင်ပါတယ်။ ဒါပေမယ့် ရက်ဗ်ကာနိုင်ငံက လူတွေကလည်း သာမန်တွေမဟုတ်ပါဘူး။ မှော်အစွမ်းကိုယ်စီရှိတယ်သူတွေလည်း ပါပါတယ်။ မီး၊ရေ၊လေ၊အမှောင်ကို ထိန်းနိုင်သူတွေ၊ လူကို ထိန်းချုပ်နိုင်သူတွေ စသည်ဖြင့် မျိုးစုံရှိပါတယ်။ ဒါပေမယ့် သူတို့တွေမှာ မရှိသေးတာက နေဖန်ဆင်းသူဆိုတဲ့ အလင်းကို ထိန်းချုပ်နိုင်သူပါပဲ။ အဲဒီလို အစွမ်းနဲ့သူတစ်ယောက်သာရှိရင် အမှောင်တံတိုင်းကို ကောင်းကောင်းအံတုနိုင်ပြီ ဖြစ်ပေမယ့် နေဖန်ဆင်းသူဆိုတာ ဒဏ္ဍာရီလိုပဲ ဖြစ်နေခဲ့တာပါ။ ဒါ့အပြင် ရက်ဗ်ကာနိုင်ငံရဲ့ မှော်အစွမ်းမရှိတဲ့သူတွေကို စစ်တပ်အဖွဲ့ ဖွဲ့ထားပြီး တိုက်ခိုက်ရေးသမားတွေ၊ မြေပုံဆွဲသူတွေ စသည်ဖြင့် တာဝန်ပေးထားပါတယ်။ အဲဒီတပ်ကိုတော့ ပထမတပ်ဖွဲ့လို့ခေါ်ပြီး မှော်ဆရာတပ်ကိုတော့ ဒုတိယတပ်လို့ ခေါ်ပါတယ်။ ဒုတိယတပ်ဟာ ပထမတပ်တွေကို ကြုံတိုင်း နှိမ်တတ် အနိုင်ကျင့်တတ်တာပါပဲ။ ဒီလိုနေ့ တစ်နေ့မှာတော့နေဖန်ဆင်းသူ တစ်ယောက်ရှိလာတယ်ဆိုတဲ့ သတင်းထွက်လာတဲ့အခါ.... ဒီ Mini-Series မှာ အပိုင်း(၈)ပိုင်းပါဝင်ပြီး တစ်ပြိုင်တည်းထွက်ရှိထားပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Mr. Anderson ပဲဖြစ်ပါတယ်။)