Kyosuke Yabe ပါဝင်သော ဇာတ်ကားများ

The Honest Realtor (2026) ဒီဇာတ်ကားကတော့ ၂၀၂၅ ခုနှစ်မှာ ထွက်ရှိခဲ့တဲ့ The Honest Realtor MINERVA Special ရဲ့အဆက်လို့လည်း ပြောလို့ရတဲ့ Comedy-Drama ဖြစ်ပါတယ်။ ဒါရိုက်တာ Taisuke Kawamura က ရိုက်ကူးထားပြီး Tomohisa Yamashitaနဲ့ Haruka Fukuhara တို့နဲ့ The Honest Realtor MINERVA Special က သရုပ်ဆောင်များ ပြန်လည်ပါဝင်ထားကြပါတယ်။ တိုဆာကာအိမ်ခြံမြေကုမ္ပဏီက ယာယီအရောင်းမန်နေဂျာ နာဂါဆဲ ဆအိချီဟာဟာ လူလိမ်ကြီးနာဂါဆဲဆိုတဲ့ အမည်ပြောင်ပါရတဲ့အထိ လိမ်ညာပြောပြီး အိမ်ခြံမြေအကျိုးဆောင်အလုပ်ကို လုပ်ကိုင်နေခဲ့သူပါ။ ဒါပေမဲ့ သူ တာဝန်ယူထားတဲ့နေရာက အဆောက်အဦ စတင်ဆောက်လုပ်တဲ့အခမ်းအနားမှာ ရှေးဟောင်းနတ်ကွန်းတစ်ခုကို မထင်မှတ်ဘဲ ဖျက်ဆီးမိခဲ့ပါတယ်။ အဲဒီနောက်ပိုင်းမှာတော့ သူဟာ ကျိန်စာမိပြီး လိမ်ညာပြောဆိုလို့မရတဲ့ အရမ်းကို ရိုးသားတဲ့အကျိုးဆောင်မန်နေဂျာဖြစ်လာခဲ့ရပါတယ်။ ဆုကိရှီတာကတော့ နာဂါဆဲလက်အောက်က နံပါတ် ၁ ဖြစ်လာတဲ့ အရောင်းဝန်ထမ်းပါ။ ကုမ္ပဏီတစ်ခုတည်းကဖြစ်တဲ့ နာဂါဆဲရဲ့ သူငယ်ချင်းကီရိယာမာဆိုတဲ့ သူငယ်ချင်းဟာ ကုမ္ပဏီကနေထွက်သွားပြီး တစ်ကိုယ်တော်အကျိုးဆောင်လုပ်နေခဲ့ပါတယ်။ အဲဒီနောက်မှာတော့ သူဟာ စီမံကိန်းအကြီးကြီးတစ်ခုကို လုပ်ကိုင်ချင်လာတဲ့အတွက် တိုဆာကာကုမ္ပဏီဥက္ကဋ္ဌဆီကို အကူအညီလာတောင်းခဲ့ပါတယ်။ ဥက္ကဋ္ဌက ကီရိယာမာရဲ့စီမံကိန်းကို လက်ဦးမှုရယူနိုင်အောင် စကားနှိုက်ဖို့ နာဂါဆဲကို တာဝန်ပေးခဲ့ပါတယ်။ စီမံကိန်းအကြီးကြီးကို ကြံစည်နေတဲ့ တစ်ကိုယ်တော် အကျိုးဆောင် ကီရိယာမာ၊ တစ်ခွန်းမှ အလိမ်အညာ ပြောဆိုလို့မရတော့တဲ့ နာဂါဆဲနဲ့ အကျိုးဆောင်အရောင်းဝန်ထမ်းအလုပ်ကို ရိုးရိုးသားသားလုပ်ကိုင်ပြီး ဖောက်သည်တွေကို အဆင်ပြေအောင် ကူညီပေးချင်သူ ဆုကိရှီတာတို့ဟာ .. ပြိုင်ဘက်အိမ်ခြံမြေကုမ္ပဏီ အကျိုးဆောင်တွေက အိမ်ရှင်တွေ အိမ်ငှားတွေ မြေပိုင်ရှင်တွေအပေါ် ဖျံကြတာ ဖိအားပေးတာ ကလိမ်ကျတာတွေ မလုပ်နိုင်အောင် ဘယ်လိုကြိုးစားပေးကြမလဲဆိုတာ... File size…1.66GB / 757MB Quality… WEB-DL 1080p/ 720p Format…mp4 Duration….2h 00m Genre ….. Business, Comedy, Drama Subtitle….Myanmar Subtitle (Hard Sub)

Blazing Fists (2025) // Blue Fight: The Breaking Down of Young Blue Warriors (2025) ကိုယ်ခံပညာရှင် မီကူရု အဆာကူရာရဲ့ ကိုယ်ရေးအတ္ထုပတ္တိဖြစ်တဲ့ Street Legend ကို အခြေခံ ရိုက်ကူးထားပြီး နာမည်ကြီး ဒါရိုက်တာ Takashi Miike ဖန်တီးထားတဲ့ ဂျပန်အက်ရှင်ကားတစ်ကားကို တင်ဆက်ပေးလိုက်ပါတယ်ရှင်။ သရုပ်ဆောင်တွေအနေနဲ့ Gackt, Wataru Ichinose နဲ့ Nobuaki Kaneko တို့ပါဝင်ထားပါတယ်။ ဇာတ်လမ်းအကျဉ်းကတော့ ရိုမာနဲ့ အီကူတိုတို့ လူငယ်နှစ်ယောက်က လူငယ်ထိန်းသိမ်းရေးစခန်းမှာ ပထမဆုံး ဆုံဖြစ်ခဲ့ကြပါတယ်…။ ဒီလိုနဲ့ တစ်ရက်မှာ သူတို့စခန်းကို MMA ဖိုက်တာတစ်ယောက်ဖြစ်တဲ့ မီကူရု အဆာကူရာက ရောက်ရှိလာခဲ့ပြီး စခန်းက ဆိုးသွမ်းတဲ့လူငယ်တွေကို စိတ်အားတက်ကြွစေတဲ့ ဟောပြောမှုတစ်ခု လုပ်ခဲ့တယ်။ အဲဒီအချိန်မှာ ရိုမာနဲ့ အီကူတိုတို့နှစ်ယောက်လည်း စိတ်ဓာတ်တက်ကြွလာပြီး ထိန်းသိမ်းရေးစခန်းက လွတ်တဲ့အခါမှာ မီကုရု လျှောက်လှမ်းခဲ့တဲ့လမ်းကြောင်းအတိုင်း လိုက်လျှောက်ဖို့အတွက် ဆုံးဖြတ်ခဲ့ပါတယ်။ ပြန်လွတ်လာတဲ့အခါမှာ Breaking Down ဆိုတဲ့ ကိုယ်ခံပညာပြိုင်ပွဲတစ်ခုမှာ ယှဉ်ပြိုင်ပြီး သူတို့အိပ်မက်တွေကို အကောင်အထည်ဖော်ဖို့ ကြိုးစားခဲ့တဲ့အခါမှာတော့ .. ယှဉ်ပြိုင်မှုကြားမှာ သူတို့ရဲ့ အိပ်မက်တွေက မမျှော်လင့်ထားတဲ့ ပဋိပက္ခတွေအဖြစ် ဘယ်လိုပြောင်းလဲသွားမလဲဆိုတာကို ကြည့်ရှုခံစားရမှာပဲဖြစ်ပါတယ်။ File size…1.89GB / 923MB Quality… WEB-DL 1080p/ 720p Format…mp4 Duration….2h 00m Genre ….. Action, Youth, Drama Subtitle….Myanmar Subtitle (Hard Sub)

High & Low The Worst X ကတော့ ၂၀၂၂ တုန်းကနောက်ဆုံးထွက်ထားတဲ့ ၇ ကားမြောက်ဇာတ်ကားဖြစ်ပြီး High & Low The Worst အပြီး ၃ နှစ်အကြာမှာ ဇာတ်လမ်းတည်ထားတာပါ။ အိုယာကျောင်းဂိုဏ်းဟာ ခေါင်းဆောင်အသစ်နဲ့အတူ ဂိုဏ်းအားလုံးထဲမှာ အတောင့်တင်းဆုံးနီးပါးအထိဖြစ်လာပြီး ဒါကို ပြဿနာရှာချင်တဲ့ ဆဲနိုမွန်ကျောင်းဂိုဏ်းက တခြားအဖွဲ့နှစ်ဖွဲ့နဲ့ပေါင်းပြီး အိုယာကျောင်းဂိုဏ်းကိုဖျက်ဆီးကြတဲ့အခါမှာ သုံးဖွဲ့တစ်ဖွဲ့ချကြပါတယ်။ ဇာတ်ကောင်အဟောင်းအနေနဲ့ကတော့ တိုဒိုရိုကီ၊ ဖူဂျီအို၊ ဆာချီအိုနဲ့ တခြားဇာတ်ပို့တွေပြန်ပါမှာဖြစ်ပြီး ဇာတ်ကောင်အသစ်တွေအများကြီးနဲ့ ကျစ်လစ်တဲ့ဇာတ်အိမ်ကြောင့် ကြည့်ဖို့နှစ်ခါမစဉ်းစားသင့်တဲ့ဇာတ်ကားပါ။ File size…2.26GB / 1.12GB Quality…Blu-Ray 1080p 5.1CH / 720p Format…mp4 Duration….1h 59m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Kasashi

Your Eyes Tell (2020) မိုးအေးနေတဲ့ဒီလိုအချိန်တွေမှာ ကြည့်လို့ကောင်းမဲ့ Melo Drama ဇာတ်ကားတစ်ခုပါ။ Ryusei Yokohama နဲ့ Yuriko Yoshitakaတို့က ပါဝင်သရုပ်ဆောင်ထားပါတယ်။ နာမည်ကြီး Kpop group ဖြစ်တဲ့ BTS အဖွဲ့ရဲ့ "Your Eyes Tell" သီချင်းကို Theme Song အဖြစ်အသုံးပြုထားပါတယ်။ အန်တိုနီယို ရေးက လက်ဝှေ့သမားဖြစ်ခဲ့ဖူးပေမဲ့ အတိတ်ကလုပ်ရပ်အမှားကြောင့် အတိတ်ကိုပြန်မပြောချင်တဲ့အထိ သူ့ကိုယ်သူ စိတ်နာနေတဲ့သူပါ။ "အကရီ"ကတော့ သူ့မိဘတွေနဲ့ခရီးသွားရင်း ကားမတော်တဆဖြစ်ပြီး အမြင်အာရုံဆုံးရှုံးခဲ့ရသူပါ။ ထောင်ကထွက်လာပြီးတဲ့နောက် ရေးက လက်ဝှေ့ဆရာတွေဆီပြန်မသွားဘဲ ဇာတ်မြှုပ်ရင်း ကားပါကင်စောင့်တဲ့အလုပ်ကိုဝင်လုပ်ပါတယ်။ အကရီက ရေးကို ကားပါကင်စောင့်တဲ့ဦးလေးလို့အထင်မှားပြီး ရေးနဲ့စကားပြောမိရာကနေ သူတို့နှစ်ဦးစပြီးဆုံကြပါတယ်။ ဘဝကိုအရှုံးပေးထားတဲ့ ရေး က အမြင်ဆုံးရှုံးထားပေမဲ့ ဘဝမှာ ပျော်ပျော်နေနိုင်အောင်ကြိုးစားနေတဲ့ အကရီကိုကြည့်ပြီး ပြောင်းလဲလာပါတယ်။ တစ်ဖက်မှာလည်း သူ့ရဲ့အတိတ်ဟောင်းတွေနဲ့အတူ အကရီရဲ့မျက်စိကွယ်ရတဲ့အကြောင်းအရင်းက ဆက်စပ်နေတဲ့အခါ... ရေးနဲ့အကရီတို့နှစ်ယောက် ဘာတွေဆက်ပြီးကြုံတွေ့ကြရမလဲ... ဒဏ်ရာတွေကို ဘယ်လိုကုစားဖေးမပေးကြမှာလဲဆိုတာကို ဇာတ်လမ်းထဲမှာဆက်ပြီးကြည့်ရှုပေးပါဦး။ ( အညွှန်းရေးသားထားသူကတော့ Ingyin San ပါ ) Quality__1080p, 720p IMDb Rating__7.1/10 Format__mp4 Duration__02:03:00 Type__Drama , Romance Subtitle__Myanmar Subtitle (Hardsub) Translated by Ingyin San Encoded by Naing Aung Latt

Gintama (2017) IMDb  Rating (6.1) ၂၀၁၇ ခုနှစ်မှာထွက်ရှိထားတဲ့ Live action လေးတစ်ကားကို တင်ဆက်ပေးလိုက်ပါတယ်။ ဇာတ်ကားလေးက ဂျပန်မှာ အောင်မြင်မှုရရှိထားတဲ့ Gintama ဆိုတဲ့ manga ကို ပြန်လည်ရိုက်ကူးထားတာဖြစ်ပြီးတော့ ဒီဇာတ်ကားဟာလဲ ဝင်ငွေစံချိန်တင်ရရှိထား ပြီး ဂျပန်မှာ အောင်မြင်ခဲ့ တဲ့ ဇာတ်ကားတစ်ကားဖြစ်ပါတယ်။ ဇာတ်လမ်းလေးကတော့ တိုကျိုမြို့ပေါ်ကို ဂြိုဟ်သားတွေကျူးကျော်လာပြီးတော့ ကမ္ဘာမြေပေါ်ကို နယ်ချဲ့ သိမ်းပိုက်ဖို့ ကြံစည်လာပါတယ်.. အဲ့ဒီဂြိုဟ်သားတွေကို ဆာမူရိုင်းတွေက ပြန်လည်ခုခံပြီး တိုကျိုမြို့ကိုကာကွယ်ဖို့ ကြိုးစားတဲ့အခါမှာ ဂြိုဟ်သားတွေကိုခုခံနိုင်မှာလား ဘာတွေဆက်ဖြစ်မှာလဲဆိုတာတွေကိုတော့ ပရိတ်သတ်ကြီးကဆက်လက်ကြည့်ကြရမှာပါ.. File size…(3.4 GB) / (1.4 GB) Quality….Blu-Ray 1080p HEVC / 720p Format…. mkv/mp4 Duration….02:11:19 Subtitle….Myanmar Subtitle (Hardsub) Encoder….Benjamin Translated by Ngwe Zin

Crows Zero II (2009) IMDb Rating (7.2) / Rotten Tomatoes (77%) ဂျပန်ရဲ့ high school delinquent မန်ဂါတွေရဲ့ စတိုင်ကိုလည်း ဒီနေ့ခေတ် ကိုရီးယားမန်ဟွာတွေ ဇာတ်လမ်းတွဲတွေက ယူသုံးကြ အောင်မြင်ကြတာပဲ။ Crowsကတေ့ high school delinquent မန်ဂါတွေထဲ မန်ဂါ အန်နမဲပရိသတ်တွေကြား တော်တော်အောင်မြင်ခဲ့သလို အဆက်တွေ အတွဲတွေပေါင်းများစွာလည်း ထွက်ခဲ့တယ်။ ရုပ်ရှင်မှာဆိုလည်း High and Low တွေနဲ့ပါ ချိတ်ထားခဲ့သေးတယ်။ ပြီးခဲ့တဲ့လတွေက နာမည်ကြီးခဲ့တဲ့ Study Groupတို့ဆိုလည်း ဒီ Crowsတွေနဲ့ ကျောရိုးတော့ တော်တော်ဆင်တယ်ပြောရမယ်။ Crowsဟာ မန်ဂါအနေနဲ့ တော်တော်အောင်မြင်ခဲ့ပြီး ရုပ်ရှင်အနေနဲ့တော့ Crows Zeros 1, 2 ပြီးတော့ Crows Explode ဆိုပြီး သုံးကားထွက်ခဲ့တယ်။ Crowsရဲ့ ဇာတ်လမ်းမတိုင်ခင် အဓိကဇာတ်ကောင် Bōyaမတိုင်ခင် ဖြစ်ခဲ့တာတွေကို ပြထားတာပါပဲ။ မူရင်းမန်ဂါဇာတ်ကို တိုက်ရိုက် ရိုက်ပြထားတာမဟုတ်ဘူး။ ဒါကြောင့်လည်း Crows: Episode 0 လို့ ပေးထားတာနေမယ်။ ဒီ၂ကားက တော်တော်တော့ ကြမ်းတဲ့ လန်းတဲ့ထဲတော့ ပါတယ်ပြောရမယ်။ လန်းဆို ရိုက်တာကလည်းTakashi Miike။ Auditionလို ကားမျိုးရဲ့ ဒါရိုက်တာကိုး။ ၃ကတော့ သူရိုက်တာမဟုတ်တော့သလို အဓိကဇာတ်ကောင်တောင်မတူတော့ဘူး။ ဒီ၂ကားလောက်လည်း မအောင်မြင်ခဲ့ပါဘူး။ Crows Zero ရဲ့ ဒုတိယကားမှာတော့ ပထမကားမှာ ဆုဇူရန်ကျောင်းရဲ့ ခေါင်းဆောင်နေရာကို သိမ်းလိုက်နိုင်ပြီဖြစ်တဲ့ ဂန်ဂျိရဲ့ ခေါင်းဆောင်မှုအပိုင်း အားသာချက် အားနည်းချက်တွေနဲ့ သူတို့ကျောင်းနဲ့ အတိတ်ကရန်ညှိုးရှိတဲ့ ဟိုစန်ကျောင်းက သူတို့ကျောင်းနဲ့ ပြဿနာထပ်ဖြစ်လာတာကို ပြထားတယ်။ပြောရရင် နယ်တော့ကျယ်သွားတယ်ပေါ့။ ပထမကကျောင်းတွင်း အခုက တခြားကျောင်းနဲ့။ တခြားကျောင်းနဲ့ဖြစ်သွားပေမဲ့ သူတို့ရဲ့ ပြိုင်ဘက်ကို လေးစားစိတ်တွေ မျှတတဲ့တိုက်ပွဲ ဖြစ်ချင်စိတ်တွေကတော့ မပြောင်းဘူးလို့ပြောရမယ်။ ဂန်ဂျိရဲ့ ခေါင်းဆောင်ကောင်းပီသတဲ့စိတ်ကိုတော့ ဒီမှာ ပိုထင်ရှားအောင် ပြသွားသလို သူ့ကိုခေါင်းဆောင်အဖြစ် လက်ခံကြခြင်း လက်မခံကြခြင်းတွေကိုလည်းပြသွားတယ်။ ဇာတ်ကတော့ အများကြီးဆက်လာစရာရှိသေးသလိုလို နောက်မျိုးဆက်သစ်တွေရဲ့ခေတ်ဖြစ်သွားသလိုသလို သိမ်းသွားပြီး အဆက်လာချင်လည်းရ မလာချင်လည်းရတဲ့ ပုံစံနဲ့သိမ်းသွားပေမဲ့ ကြည့်လို့တော့ တော်တော်မဝအောင်လုပ်သွားခဲ့တယ်။ ၃တော့ ဆက်ထွက်ပေမဲ့ အဓိကဇာတ်ကောင်တော့ မတူတော့ပါဘူး။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(3.3 GB) / (1.5 GB) Quality….Blu-Ray 1080p HEVC / 720p Format…. mkv/mp4 Genre….Action,Adventure,Comedy,Crime Duration….02:13:26 Subtitle….Myanmar Subtitle (Hardsub) Encoder….Double K Translated by W

Crows Zero (2007) IMDb Rating (7.0) / Rotten Tomatoes (78%) ဘယ်လိုပဲ ခေတ်ကိုစိုးထားစိုးထား ရှေ့သမိုင်းနဲ့တော့ ကင်းကြတာ မရှိဘူးမဟုတ်လား။ ရုပ်ရှင်တွေမှာ ရှေ့သမိုင်းမကင်းကြပုံကလည်း အဆက်ဆက်အနွယ်နွယ်တွေချည်း။ ဂျပန်ရဲ့နာမည်ကျော်မန်ဂါတွေကို ပြန်အသက်သွင်းကြတာတွေလည်းမနည်းဘူး။ အဲဒီမန်ဂါတွေကိုယ်တိုင်ကလည်း တရုတ်ရဲ့ တစ်ချို့ဇာတ်လမ်းတွေက အနည်းနဲ့အများ ပါလာတာလည်းရှိတယ်။ ဟောင်ကောင်တွေကျတော့လည်း အနောက်ကိုယူလိုက် အနောက်ကနေ ဟောင်ကောင်ကိုပြန်ယူလိုက် သံသရာလည်။ ကေတွေကျလည်း စီးရီးတွေဆို အနောက်က နာမည်တွေယူလိုက် ဇာတ်လမ်းကျောရိုးတွေယူလိုက် ဂျပန်တွေရဲ့ ဇာတ်လမ်းကျောရိုးတွေယူလိုက် မူဗီတွေဆိုလည်း အများအားဖြင့် မှုခင်းကားတွေမှာ ဟောင်ကောင်ကိုပြန်ယူလိုက် ။ တရုတ်ကလည်း ဟိုးတုန်းကတော့ ဂျပန်ကနေယူလိုက် ခုတော့ မိန်းစထွမ်းမှာတော့ ကေဟာတွေပါ ပြန်ယူတာလည်းရှိတယ်။ အိန္ဒိယတို့ ဘာတို့ကတော့ ကိုယ်ပိုင်လည်းရှိပေမဲ့ ပတ်ယူတာလည်း ကုန်သလောက်ပဲ။ ဒါက ဒီအရှေ့အာရှနားကိုပဲ ဝေ့ပြီးပြောရုံပါပဲ။ တကယ်တမ်းဆို တစ်ကမ္ဘာလုံးမကုန်ဘူး။ ဂျပန်ရဲ့ high school delinquent မန်ဂါတွေရဲ့ စတိုင်ကိုလည်း ဒီနေ့ခေတ် ကိုရီးယားမန်ဟွာတွေ ဇာတ်လမ်းတွဲတွေက ယူသုံးကြ အောင်မြင်ကြတာပဲ။ Crowsကတေ့ high school delinquent မန်ဂါတွေထဲ မန်ဂါ အန်နမဲပရိသတ်တွေကြား တော်တော်အောင်မြင်ခဲ့သလို အဆက်တွေ အတွဲတွေပေါင်းများစွာလည်း ထွက်ခဲ့တယ်။ ရုပ်ရှင်မှာဆိုလည်း High and Low တွေနဲ့ပါ ချိတ်ထားခဲ့သေးတယ်။ ပြီးခဲ့တဲ့လတွေက နာမည်ကြီးခဲ့တဲ့ Study Groupတို့ဆိုလည်း ဒီ Crowsတွေနဲ့ ကျောရိုးတော့ တော်တော်ဆင်တယ်ပြောရမယ်။ Crowsဟာ မန်ဂါအနေနဲ့ တော်တော်အောင်မြင်ခဲ့ပြီး ရုပ်ရှင်အနေနဲ့တော့ Crows Zeros 1, 2 ပြီးတော့ Crows Explode ဆိုပြီး သုံးကားထွက်ခဲ့တယ်။ Crowsရဲ့ ဇာတ်လမ်းမတိုင်ခင် အဓိကဇာတ်ကောင် Bōyaမတိုင်ခင် ဖြစ်ခဲ့တာတွေကို ပြထားတာပါပဲ။ မူရင်းမန်ဂါဇာတ်ကို တိုက်ရိုက် ရိုက်ပြထားတာမဟုတ်ဘူး။ ဒါကြောင့်လည်း Crows: Episode 0 လို့ ပေးထားတာနေမယ်။ ဒီ၂ကားက တော်တော်တော့ ကြမ်းတဲ့ လန်းတဲ့ထဲတော့ ပါတယ်ပြောရမယ်။ လန်းဆို ရိုက်တာကလည်းTakashi Miike။ Auditionလို ကားမျိုးရဲ့ ဒါရိုက်တာကိုး။ ၃ကတော့ သူရိုက်တာမဟုတ်တော့သလို အဓိကဇာတ်ကောင်တောင်မတူတော့ဘူး။ ဒီ၂ကားလောက်လည်း မအောင်မြင်ခဲ့ပါဘူး။ ဇာတ်လမ်းကတော့ ဆိုးသွမ်းလူငယ်တွေနဲ့ ပြည့်နေတဲ့ ကျောင်းတစ်ကျောင်းရှိတယ်။ အဲဒီကျောင်းမှာ ကျောင်းရဲ့ခေါင်းဆောင်နေရာ ထိပ်ဆုံးကိုရောက်ဖို့ တစ်ခန်းပြီးတစ်ခန်း တစ်နှစ်ပြီးတစ်နှစ် လိုက်စိန်ခေါ်ပြီး ချလိုက် အခန်းသိမ်းလိုက် လုပ်ကြတဲ့ ကျောင်းရဲ့ထိပ်ဆုံးဖြစ်ချင်တဲ့ လူငယ်တွေရော။ အခန်းပေါင်းစုံက ဂိုဏ်းပေါင်းစုံရောရှိတယ်။ အဓိကဇာတ်ကောင် ဂန်ဂျိ ကျောင်းကိုအသစ်ရောက်လာပြီး ကျောင်းရဲ့ထိပ်ဆုံးဖြစ်ဖို့ လိုက်တိုက်ခိုက်ရာကနေ ဒီဇာတ်လမ်းကိုစထားတယ်။ ဒီကျောင်းကိုသိမ်းနိုင်ရင် သူ့အဖေယာကူဇာကြီးရဲ့နေရာကို ဆက်ခံရမယ်ဆိုပြီး လာသိမ်းတာပေါ့။ တိုက်ပွဲပေါင်းစုံကို မင်းသားပေါင်းစုံရဲ့ ခပ်မိုက်မိုက်မျက်နှာပေးတွေနဲ့ ကြည့်ရတာ အရသာတော်တော်ရှိတဲ့ ရုပ်ရှင်ပါပဲ။ ကျွန်တော့်ပုဂ္ဂလိကအမြင်အရတော့ သရုပ်ဆောင်တွေရဲ့ လိုက်ဖက်မှုတင် ကေစီးရီးတွေက ဂျပန်တွေကို ဘယ်လိုမှ မမှီလောက်ဘူး။ ဒီထဲမှာ Crowsမန်ဂါထဲက အဓိကဇာတ်ကောင်တော့ မပါဝင်ပေမဲ့ Crows ယူနီဗာ့စ်ရဲ့ အသန်မာဆုံးလို့ပြောကြတဲ့ Rindamanနဲ့ အခန်းတွေတော့ တစ်ဖြတ်နှစ်ဖြတ်တော့ ထည့်ပေးထားတယ်။ ဆက်ကြည့်ချင်ရင်တော့ ၁၉၉၄မှာထုတ်ထားတဲ့ Original Video Animations၂ကားရှိပြီး ဒါလည်း မန်ဂါမတိုင်ခင်ပဲပြထားတာပါ။ ဒီထက်စိတ်ဝင်စားရင်တော့ မန်ဂါဖတ်ဖို့ပဲရှိပါတယ်။ စာရေးဆရာက သူ့တခြားမန်ဂါတွေနဲ့လည်း ချိတ်ထားတယ်။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(3.5 GB) / (1.5 GB) Quality….Blu-Ray 1080p HEVC / 720p Format…. mkv/mp4 Genre….Action,Comedy,Crime Duration….02:10:28 Subtitle….Myanmar Subtitle (Hardsub) Encoder….Double K Translated by W

ယခုတစ်ခေါက်တင်ဆက်ပေးမယ့် ဇာတ်ကားလေးကတော့ ၁၉၉၆က ထွက်ရှိခဲ့တဲ့ Kids returnဆိုတဲ့ဂျပန်ကားလေးဖြစ်ပါတယ်။ မာဆာရုနဲ့ရှင်းဂျီဆိုတဲ့ သူငယ်ချင်းနှစ်ယောက်ဟာ ကျောင်းမှာ အမြဲအလေလိုက်နေတတ်တဲ့သူတွေပါ။ ဒါ့အပြင် အခြားကျောင်းသားတွေကိုလည်း အမြဲအနိုင်ကျင့်‌တတ်တာမို့ ကျောင်းရဲ့အော့ကြောလန်ဇိုးလေးတွေဆိုလည်း မမှားပါဘူး။ တရက်မှာတော့ မာဆာရုတိုအမြဲအနိုင်ကျင့်နေကြဖြစ်တဲ့ ကျောင်းသား‌တွေက လက်ဝှေ့သမားတစ်ယောက်ကိုခေါ်လာပြီး မာဆာရုတို့ကို ပြန်သင်ခန်းစာပေးသွားပါတယ်။ ဇိုးပီပီ မကျေနပ်တဲ့မာဆာရုဟာ ပြန်လက်စားချေဖို့အတွက် လက်ဝှေ့သင်တန်းတက်ပြီး ရှင်းဂျီကိုပါ တက်ဖို့ခေါ်ပါတယ်။ ဒါပေမယ့် ပုံမှန်ဆို အမြဲ‌တထောင်ထောင်ဖြစ်နေတဲ့ မာဆာရုဟာ ရှင်းဂျီလောက် သူ့ကိုယ်သူ လက်ဝှေ့မှာမတော်တာကို သိလိုက်ရတော့ စိတ်ဓာတ်ကျပြီး သင်တန်းကနေထွက်ကာ ယာကူဇာဂိုဏ်းထဲ၀င်လိုက်ပါတယ်။ တစ်ဖက်မှာလည်း ရှင်းဂျီဟာ ပါရမီပါတဲ့အလျောက် တဖြည်းဖြည်းနဲ့လက်ဝှေ့လောကမှာ နာမည်ရလာသလို မာဆာရုလည်း ဂိုဏ်းမှာ နေရာအတန်အသင့်ရလာပါတယ်။ ငယ်စဉ်က အတူတူပေါင်းလာတဲ့သူငယ်ချင်းနှစ်ယောက်ဟာ အခုတော့ လမ်းစဉ်တွေမတူတော့သလို သူတို့လျှောက်နေကြတဲ့လမ်းတွေမှာ ဘယ်လိုကိစ္စတွေကြုံတွေ့လာမလဲ သူတိုနှစ်ယောက်သံယောဇဉ်ကရော တည်မြဲပါဦးမလား။ ဘ၀ကို ဒေါင်ကျကျပြားကျကျ ဖြတ်သန်းမယ်လို့ငယ်စဉ်က စိတ်ကူးထားတဲ့သူတိုနှစ်ယောက် တကယ်ရော ဘ၀ကြီးကသူတို့အတွက် လွယ်ကူပါ့မလား ဆိုတာကိုတော့ အတူစောင့်ကြည့်လိုက်ရအောင်။ Quality.....Blu-Ray 1080p / 720p File Size.....(2 GB) / (1 GB) Duration.....01:50:00