Larry Cedar ပါဝင်သော ဇာတ်ကားများ

Abraham's Boys: A Dracula Story (2025) ဒီဇာတ်ကားဟာ Bram Stoker ရဲ့ Dracula ဇာတ်လမ်းနောက်ပိုင်း နှစ် ၂၀ ကာလကိုအခြေခံထားပါတယ်။ အေဘရာဟမ် ဗန်ဟဲဆင်းနဲ့ ဇနီး မီနာတို့ဟာ သားနှစ်ယောက်ဖြစ်တဲ့ မက်စ်နဲ့ ရူဒီတို့နဲ့အတူ အမေရိကားကိုပြောင်းရွှေ့လာခဲ့ကြပါတယ်။ သားနှစ်ယောက်ကို သူတို့နားသွင်းထားတာကတော့ သူတို့ရဲ့အပြုအမူတွေ စည်းကမ်းချက်တွေဟာ တစ်မိသားစုလုံးအန္တရာယ်ကင်းစေဖို့ဆိုတဲ့ ရည်ရွယ်ချက်နဲ့ဆိုတာပါပဲ။ ဒါပေမယ့် ဆယ်ကျော်သက်အရွယ်ဖြစ်တဲ့ သားကြီးဖြစ်သူ မက်စ်နဲ့ အေဘရာဟမ်ရဲ့ယုံမှားသံသယလွန်သယောင်၊ ထူးဆန်းတဲ့အပြုအမူတွေကြောင့် ထိပ်တိုက်တွေ့ဖို့ဖြစ်လာသလို သူတို့ရှောင်ပုန်းခဲ့တဲ့ အတိတ်ဆိုးဟာလည်း သူတို့နောက်ကိုထပ်ကြပ်လိုက်လာပါတော့တယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (5 GB) / (1 GB) / (800 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror Duration…. 01:29:20 Subtitle…. Myanmar Subtitle (Hardsub) Encoder…. Benjamin Translated by Alias

အမေရိကန်နိုင်ငံမှာ ဒုတိယပြည်တွင်းစစ် ဖြစ်လာခဲ့ရင်ဆိုတဲ့ စိတ်ကူးနဲ့ ဇာတ်အိမ်တည်ထားပါတယ်။ ဒီဇာတ်လမ်းထဲက အမေရိကန်အစိုးရဟာ ဖက်ဆစ်ဆန်လာပြီး အစိုးရဆန့်ကျင်သူတွေကို နှိမ်နင်းဖို့ ကိုယ့်လွှတ်တော်အဆောက်အဦးကို ကိုယ်တိုင်ဗုံးခွဲလိုက်တယ်။ ပြီးတော့ ဆန့်ကျင်သူတွေလက်ချက်လို့ စွပ်စွဲကာ လိုက်လံဖမ်းဆီးပါတော့တယ်။ ဒီလိုနဲ့ အစိုးရကို ဆန့်ကျင်သူတွေ တောထဲကို ထွက်ပြေးခိုလှုံကြရတယ်။ မတရားတဲ့အစိုးရကို ဆန့်ကျင်ရင်း တောကြီးမျက်မည်းထဲ ရောက်လာသူတွေရဲ့ အဖြစ်အပျက်တွေနဲ့ တောတွင်းမှာ ပေါ်လာတဲ့ လူ့သဘောသဘာဝတွေကို ရိုက်ကူးထားတဲ့ သည်းထိတ်ရင်ဖိုဇာတ်ကားပါ။

စာရေးဆရာကြီး ဂျက်လန်ဒန်ရဲ့ နာမည်ကျော်စာအုပ်ကိုရုပ်ရှင်အဖြစ် ရိုက်ကူးထားတာပါ။ ခေတ်ကတော့ ၁၉ရာစုနှောင်းပေါင်း ရွှေမုဆိုးတွေရဲ့ ခေတ်ပါပဲ။ မင်းသားကြီး ဟယ်ရစ်ဆန်ဖို့ဒ် ပါဝင်ထားပါတယ်။ အဓိကဇာတ်ကောင်ကတော့ အင်မတန်လိမ္မာတဲ့ ဘက်ခ်ဆိုတဲ့ ဧရာမခွေးကြီးတစ်ကောင်ပါပဲ။ ဘက်ခ်ဟာ သခင်နဲ့အတူ ပျော်ရွှင်စွာနေထိုင်တဲ့ ဘဝကနေ စွပ်ဖားလှည်းဆွဲတဲ့ခွေးအဖြစ် ရောင်းစားခံခဲ့ရတယ်။ စွပ်ဖားလှည်းတစ်စီးနဲ့အတူ စွန့်စားခန်းတွေ ဖွင့်ခဲ့ရင်း သခင်မဲ့သွားချိန်မှာ အဘိုးကြီး တစ်ယောက်နဲ့ မိတ်ဆွေဖြစ်ခဲ့ရပြန်ပါရော။ အဲဒီအဘိုးကြီးနဲ့အတူ ဘက်ခ်ဟာ လူသူမရောက်ဖူးတဲ့နေရာတွေကို စွန့်စားခန်းတွေထွက်ရင်း သူ့ဘဝအပြောင်းလဲကြီးပြောင်းလဲစရာတွေ ဆက်တိုက်ကြုံလာရပါတော့တယ်။ ဒီရုပ်ရှင်ဟာ တိရစ္ဆာန်ချစ်သူတွေ၊ စွန့်စားခန်းတွေနဲ့ စိတ်ကူးယဉ်ရတာ ချစ်သူတွေအတွက်တော့ အကောင်းစားရုပ်ရှင်တစ်ကားပါပဲ။ File size…(1.7 GB)/(970 Mb) Quality….Blu-Ray 1080p / 720p Format… mp4 Duration…. 01:40:00 Genre... Adventure, Drama, Family Subtitle….Myanmar Subtitle (Hardsub) Encoder….Garfield Translated by Wai Yan Maung

IMDb Rating (7/10) / Rotten Tomatoes (92%) ဒီလန် အိုဘရိုင်ယန်ပါတယ်၊ ဂျက်ဆီကာ ဟန်းဝစ်ပါတယ်၊ ခွေးလိမ္မာလေး တစ်ကောင်ပါတယ်။ အကောင်ကြီးတွေပါတယ် ဒီလောက်ဆို ကြည့်ချင်ကြမယ်ထင်ပါတယ်။ ဇာတ်လမ်းအကျဉ်းကတော့ ဒီလိုပါ။ ကမ္ဘာကြီးကို ဝင်တိုက်မယ့် ဥက္ကာခဲကြီးတစ်ခု ပျံလာတယ်။ လူတွေက သူတို့ အတော်ဆုံး အလုပ်ကို လုပ်လိုက်ကြတယ်။ ဥက္ကာခဲကြီးကို ဒုံးကျည်ပေါင်းစုံနဲ့ ပစ်တာပေါ့။ ဥက္ကာခဲကြီးကတော့ ကွဲသွားပါတယ်။ ဒုံးကျည်ထဲမှာပါတဲ့ ဓာတုပစ္စည်းတွေက ကမ္ဘာပေါ်ကို ကျလာပါလေရော။ လူတွေက ကံကောင်းကြပါတယ် ဓာတုအဆိပ်မသင့်ကြဘူး။ အင်းဆက်ပိုးတွေ၊ ဖားတွေ၊ ပုတ်သင်တွေကတော့ ကံမကောင်းကြရှာဘူး သန္ဓေပြောင်းပြီး ဧရာမကြီးတွေ ဖြစ်သွားတယ်။ လူတွေကို ပြန်စားကုန်ကြတယ်။ အဲဒီဧရာမအကောင်ကြီးတွေနဲ့ တိုက်ပွဲမှာလူသား ၉၅% လောက် သေသွားလေရဲ့။ နောက်ဆုံးကျန်တဲ့ သူတွေက အဖွဲ့လိုက်လေး မြေအောက်မှာ ကိုယ်စီပုန်းနေရင်း ကျူးကျော်လာတဲ့ အကောင်တွေနဲ့ တိုက်နေရတယ်။ အဲဒီထဲမှာ မင်းသားက အကောင်ကြီးတွေဆို ကြက်သေသေလောက်အောင် အသေကြောက်တဲ့ကောင်၊ ဘာလက်နက်မှလည်း မပစ်တတ်ဘူး။ သူတို့စခန်းမှာလည်းအကုန်လုံးက အတွဲတွေချည်းပဲ။ ဒီတစ်ကောင်ပဲ FA ကောင်ဖြစ်နေတာ။ ဒါပေမယ့် ဒီကောင့်မှာ အားကြီးတာ တစ်ခု ရှိတယ်။ ဖွန်ကြောင်တဲ့အားပါ။ သူနဲ့ လွန်ခဲ့တဲ့ ၇ နှစ်လောက်က လူချင်းကွဲသွားတဲ့ ဆော်က အခြား စခန်းတစ်ခုမှာ အသက်ရှင်သေးတာကို သိတဲ့အခါ မြေမျက်နှာပြင်ပေါ်က ၈၅မိုင်ဝေးတဲ့ အဲဒီခရီးကို အသက်စွန့်ပီး ဖွန်သွားကြောင်ဖို့ ဆုံးဖြတ်လိုက်ပါတော့တယ်။ အထူးပြုလုပ်ချက်တွေကောင်းတယ်၊ ဇာတ်လမ်းကောင်းတယ်၊ အက်မင်တော့ ကြိုက်ပါတယ်။ အကြိုက်တူသူတွေ ကြည့်ကြပါ။ File size…(5.7 GB)/(2.3 GB) / (1.3 GB)/ (1.2 GB) / (800 MB) Quality….Blu-Ray 4K HEVC/1080p HEVC & 720p Format…mkv/mp4 Duration….01:49:00 Subtitle….Myanmar Subtitle (Hardsub) Encoder….Ka Naung Translated by Littleneo

IMDB 7 နဲ့ Rotten Tomatoes 88% ရထားတဲ့ ဒီဇာတ်ကားကတော့ ကျွန်တော်တို့မြင်တွေ့နေကျ Justice League မဟုတ်ဘဲ တခြားစကြာဝဠာက Justice League အကြောင်းကို ရိုက်ကူးထားတဲ့ ရုပ်ရှင်ဖြစ်ပါတယ်။ ဇာတ်လမ်းအကျဉ်းကတော့ ဒီစကြာဝဠာမှာ Superman က Jor-El နဲ့ Lara တို့ရဲ့သားမဟုတ်ဘဲ General Zod က အဖေဖြစ်နေပါတယ်။ Batman ဟာလည်း လမ်းကြားထဲမှာအသတ်ခံလိုက်ရတဲ့ မိဘနှစ်ပါးရဲ့သားမဟုတ်ဘဲ သွေးစုပ်ဖုတ်ကောင်ဆရာဝန်ဖြစ်နေသလို Wonder Woman ဟာလည်း အမေဇုန်ကျွန်းပေါ်က စစ်သည်တစ်ယောက်မဟုတ်ဘဲ မုဆိုးမဘုရင်မတစ်ယောက်ဖြစ်နေပါတယ်။ Lex Luthor ကလည်း Justice League ကိုအမြဲဒုက္ခပေးဖို့ ကြိုးစားနေတဲ့လူတစ်ယောက်မဟုတ်တာကြောင့် တစ်ယောက်ချင်းစီမှာ မတူညီတဲ့စရိုက်နဲ့ နောက်ခံဇာတ်လမ်းတွေရှိနေပါတယ်။ Superman, Batman နဲ့ Wonder Woman ဟာ Luthor နဲ့ပြည်သူတွေဆန္ဒပြနေတဲ့ကြားက Justice League ကိုဖွဲ့လိုက်ကြပြီး စစ်ဆင်ရေးလုပ်တဲ့အခါမှာ တရားဥပဒေဘောင်ကိုကျော်ပြီး လူဆိုးတွေကို သတ်ပစ်ကြတတ်တယ်ဆိုပေမဲ့ သူတို့တွေက ပြည်သူတွေကို မသတ်ကြတာကြောင့် အမေရိကန်အစိုးရက သတင်းဖုံးပေးခဲ့တယ်။ ဒါပေမဲ့ သူတို့ရဲ့လုပ်ထုံးလုပ်နည်းကိုသဘောမကျလို့ ဆန္ဒပြတာတွေများလာသလို ပိုဆိုးချင်တော့ အစိုးရအတွက် အလုပ်လုပ်ပေးနေတဲ့ အတော်ဆုံးသိပ္ပံပညာရှင်တွေကို သတ်တာကို Justice League ကလုပ်တယ်ဆိုပြီး ချောက်ချခံရပါတယ်။ ဒါကြောင့်ပဲ သမ္မတကြီးက သူတို့ကိုဖမ်းဖို့အမိန့်ချမှတ်လိုက်တဲ့အချိန်မှာ သူတို့သုံးယောက်က အဖမ်းမခံရအောင်ကြိုးစားကြရင်း တရားခံအစစ်ကိုဖော်ထုတ်ကြတာကို တခြား Justice League ဇာတ်ကားတွေနဲ့မတူတဲ့ အရသာနဲ့ကြည့်ရှုရမှာဖြစ်ပါတယ်။ File size…    1  GB /  508 MB Quality… BluRay 1080p / 720p Format… mp4 Duration…. 1h 16m Genre ..... Action/Adventure Subtitle…. Myanmar Subtitle (Hard Sub) Encoder…. Thit San Khant Translated by Kasashi

IMDB 6.3 နဲ့ Rotten Tomatoes 63% ရရှိထားပါတယ်။ Aquaman ရဲ့နောက်ခံဇာတ်လမ်းကို ရိုက်ကူးထားတဲ့ဇာတ်ကားဖြစ်ပါတယ်။ Justice League: War အပြီးမှာ အရာအားလုံးငြိမ်းချမ်းသွားပြီလို့ထင်ရပေမဲ့ ဒဏ္ဍာရီလာကျွန်းမြို့တစ်မြို့ဖြစ်တဲ့ အတ္တလန်တစ်ရဲ့ပြဿနာတွေက ကုန်းမြေပြင်ပေါ်ကို ရောက်ဖို့အကြောင်းဖန်လာပါတယ်။ အဲဒီပြဿနာတွေထဲကတစ်ခုကတော့ လူနဲ့အတ္တလန်တစ်သူနဲ့စပ်ပြီး မွေးလာတဲ့ အာသာကာရီကိုမုန်းတဲ့ သူ့ရဲ့ညီဖြစ်သူ မင်းမျိုးမင်းနွယ်သွေးအပြည့်ပါတဲ့ မင်းသားအော်မ်ပါပဲ။ အာသာရဲ့အမေဖြစ်တဲ့ ဘုရင်မအတ္တလာနာဟာ ငြိမ်းချမ်းရေးကိုလိုလားပေမဲ့ ကုန်းမြေပြင်သားတွေကြောင့် ဘုရင်ဖြစ်သူသေရတယ်လို့ယုံကြည်ထားတဲ့ မင်းသားအော်မ်ကတော့ သူ့အမေနဲ့ဆန့်ကျင်ဘက်ပါ။ ဒါကိုဘုရင်မအတ္တလာနာကသိတာကြောင့် ကမ္ဘာနှစ်ခုလုံးမှာနေဖူးတဲ့သူကို ခေါင်းဆောင်အဖြစ်ထားချင်ခဲ့တယ်။ ဒါကြောင့်ပဲ အာသာကာရီကိုခေါ်ဖို့ စေလွှတ်လိုက်ပေမဲ့ မင်းသားအော်မ်ရဲ့ အကြံအစည်တွေကြောင့် အခြေအနေတွေက ပြောင်းပြန်ဖြစ်ကုန်ပါတော့တယ်။ File size…    1.1 GB /  462 MB Quality… BluRay 1080p / 720p Format… mp4 Duration…. 1h 12m Genre ..... Action/Animation Subtitle…. Myanmar Subtitle (Hard Sub) Encoder…. Thit San Khant Translated by Kasashi

အိုင်းရစ်ဟာ ငွေရေးကြေးရေးအခက်အခဲတွေကြားကနေ နာမကျန်းဖြစ်နေတဲ့ မောင်လေးကို တစ်ယောက်တည်း ပြုစုစောင့်ရှောက်နေရသူပါ။ မောင်လေးအတွက် ရိုးတွင်းခြင်ဆီအစားထိုးကုသဖို့ ငွေလိုနေချိန်မှာ လန်ဘရစ်ခ်ဖောင်ဒေးရှင်းက ကူညီပေးနိုင်တယ်ဆိုပြီး ညစာစားပွဲတစ်ခုကို ဖိတ်ခေါ်လာပါတယ်။ ညစာစားပွဲကို ရောက်တော့ သူ့လိုပဲ ငွေကြေးအကျပ်အတည်းကြုံနေရတဲ့ နောက်ထပ်လူခုနစ်ယောက်ကို တွေ့ရတယ်။ အဲဒီမှာ လိုအပ်တဲ့ငွေကြေးအထောက်အပံ့ကို ရဖို့ ရက်စက်တဲ့ကစားပွဲတွေကို ဆက်တိုက်ကစားရမှာဖြစ်ပြီး နောက်ဆုံး အသက်ရှင်ကျန်သူတစ်ယောက်တည်းသာ ရနိုင်မယ်ဆိုတာ သိလိုက်ရပါတယ်။ ကလေးတွေကစားကြတဲ့ ရွေးချယ်စရာနှစ်ခုထဲက တစ်ခုကိုရွေးရတဲ့ “မင်းသာဆိုရင် ဘာလုပ်မလဲ” ကစားနည်းကို ဒီမှာတော့ လူတွေကို ဘေးကျပ်နံကျပ်ရောက်အောင် ဖန်တီးတဲ့ပုံစံနဲ့ အသုံးပြုထားတယ်။ အသက်ရှင်ဖို့ ရွေးချယ်ကြရတဲ့အခါ ကိုယ်ကျင့်တရား၊ သစ္စာဖောက်မှုနဲ့ တစ်ကိုယ်ကောင်းဆန်မှုတို့ ပေါ်လာကြပါတယ်။ ဘယ်သူက ကိုယ့်သိက္ခာကို စောင့်ထိန်းပြီး အနစ်နာခံမလဲ၊ ဘယ်သူက သူတစ်ပါးကို ချနင်းမလဲ၊ နောက်ဆုံးမှာ ဘယ်သူ အသက်ရှင်ကျန်မလဲဆိုတာကို ဆက်ကြည့်ရမှာပါ။

Midnight Sun ဆိုတဲ့နေရောင်နဲ့ ထိတွေ့လို့မရတဲ့ကောင်မလေးရဲ့ အချစ်ဇာတ်လမ်းကိုရိုက်ထားတဲ့ ရုပ်ရှင်ကိုတော့တော်တော်များများ ကြည့်ဖူးကြမှာပါ။အခုတင်ဆက်ပေးမဲ့ Midnight Son ဆိုတဲ့ ဇာတ်ကားကတော့ နာမည်ချင်းဆင်သလို ဒီကားထဲကမင်းသားကလည်း နေရောင်နဲ့ထိတွေ့လို့မရပါဘူး။ဒါပေမယ့် ဒီကားကအချစ်ဇာတ်လမ်းဆိုတာထက် နည်းနည်း Dark ပိုဖြစ်တဲ့သွေးထွက်သံယိုတွေ သည်းထိပ်ရင်ဖိုတွေဖက် သွားပါတယ်။IMDb မှာ Rating 5.8 ရထားပြီး အဲ့လိုထူးထူးဆန်းဆန်း လူတွေအကြောင်းကြည့်ချင်တဲ့လူတွေအတွက်တော့ ကြည့်လို့ကောင်းမှာပဲ ဖြစ်ပါတယ်။ ဇာတ်လမ်းအကျဉ်း ဂျေကော့ဘ်ဆိုတဲ့ ကောင်လေးတစ်ယောက်က အမြဲတမ်းဖြူဖတ်ဖြူရော် ဖြစ်နေပြီး သူ့မှာသွေးအားနည်းတတ်တဲ့ရောဂါရှိပါတယ်။အဲ့ဒီအပြင်ကိုမှ သူ့အရေပြားက မူမမှန်တဲ့အတွက် နေရောင်နဲ့ထိရင်အလွယ်တကူ လောင် ကျွမ်းတတ်ပါတယ်။ဒီတော့တစ်နေကုန် အိမ်ထဲမှာပဲနေပြီး ညဘက်မှာလုံခြုံရေး အဖြစ် အလုပ်လုပ်ရင်းအသက်မွေးနေပါတော့တယ်။တစ်နေ့မှာ ညဘက် လျှောက်သွားရင်း ကောင်မလေးတစ်ယောက်နဲ့တွေ့ခဲ့ပြီး သူငယ်ချင်းတွေ ဖြစ်သွားခဲ့ပါတော့တယ်။အဲ့ဒီနောက်ပိုင်းဂျေကော့ဘ်ရဲ့ ကျန်းမာရေးက ဆိုးသထက် ပိုဆိုးလာပြီး ကြံရာမရဖြစ်နေတဲ့အချိန်မှာ လူသွေးသောက်ကြည့်ဖို့ဆုံးဖြတ်ခဲ့ ပါတော့တယ်။ထူးဆန်းစွာနဲ့ပဲ လူသွေးသောက်ပြီးသက်သာသွားတဲ့အတွက် နောက်ပိုင်း ရဖို့ခက်ခဲတဲ့လူသွေးတွေကို အဆက်မပြတ်လိုလာတဲ့အခါမှာ ဂျေကော့ဘ်တစ်ယောက်ဘယ်လိုကြံဖန်ပြီးတော့ ဘယ်လိုနောက်ဆက်တွဲတွေ ဖြစ်လာမယ်ဆိုတာကို ကြည့်ရမယ့် ဇာတ်ကားပဲဖြစ်ပါတယ်။ File size…1.68 GB / 749 MB Quality…Blu-Ray 1080p 5.1 CH/ 720p Format…mp4 Duration….1h 28m Genre ….. Horror Subtitle….Myanmar Subtitle (Hard Sub) Encoder….Min Wai Translated by Saw Lay

Horror/Thriller ပရိတ်သတ်တွေအတွက် ဇာတ်ကားကောင်း တစ်ကားပါ။ ၁၉၇၃တုန်းက ရုပ်ရှင်ကို ပြန်လည် ရိုက်ကူးထားတာဖြစ်ပြီး Remake တွေထဲမှာ ရှားရှားပါးပါး Original ထပ်ပိုကောင်းတယ်လို့ သတ်မှတ်ခံထားရပါတယ်။ သရုပ်ဆောင်တွေ အနေနဲ့ Deadwood (2004) စီးရီးက ရဲအရာရှိအဖြစ် လူသိများခဲ့တဲ့ Timothy Olyphant။ Silent Hill (2006) ရဲ့ မင်းသမီး Radha Mitchell။ The Flash စီးရီးထဲက Killer Frost အဖြစ် သရုပ်ဆောင်ထားတဲ့ Danielle Panabaker တို့ပါ။ အော့ဂ်ဒန်မက်ရှ်မြို့လေးရဲ့ ဘေ့စ်ဘောပွဲနဲ့ ဇာတ်လမ်းစပါတယ်။ ကွင်းထဲကို သေနတ်ကြီးကိုင်ပြီး ဝင်လာလို့ ရဲအရာရှိ ဒေးဗစ်က ဟန့်တားရင်း ပစ်ခတ်မှုဖြစ်သွားပါတယ်။ အရက်မူးနေလို့ စိတ်လွတ်နေတယ်လို့ ယူဆခဲ့ပေမယ့် စစ်ကြည့်တဲ့အခါ ဘာမှ ရှိမနေပါဘူး။ အဲဒီအချိန်က စပြီး ၄၈နာရီအတွင်း အလောင်းတွေ များလာပါတော့တယ်။ လူတွေက စိတ်လွတ်နေတဲ့ ပုံရှိပြီး ရန်လိုလာကြပါတယ်။ စစ်တပ်က ရောက်လာပြီး မြို့ကို quarantine လုပ်ပါတော့တယ်။ ဒါပေမယ့် quarantine ထပ်ပိုလာတဲ့ အခါ မြို့ကနေ ထွက်ပြေးဖို့ လုပ်ရပါတော့တယ်။ လွတ်မြောက်အောင် ပြေးနိုင်မှာလားဆိုတာကို action အပြည့်နဲ့ ကြည့်လိုက်ကြပါဦး File size…(1.6 GB)/(820 Mb) Quality….Webrip 1080p / 720p Format… mp4 Duration…. 01:41:00 Genre... Horror Subtitle….Myanmar Subtitle (Hardsub) Encoder….Garfield Translated by Boomer

ဘန်ဂိတ်စ်တို့ရဲ့ ဘိုးဘေး သောမတ်စ်ဂိတ်စ်ဟာ ပြည်တွင်းစစ်ခေတ်က လင်ကွန်းလုပ်ကြံမှုကို ကြိုးကိုင်ခဲ့သူဆိုပြီး စွပ်စွဲခံရပါတယ်။ လုပ်ကြံသူရဲ့ ပျောက်ဆုံးနေတဲ့ ဒိုင်ယာရီစာမျက်နှာတစ်ရွက် ပြန်ပေါ်လာပြီး အဲဒီပေါ်မှာ သောမတ်စ်ဂိတ်စ်ရဲ့အမည် ပါနေလို့ပါ။ မိသားစုနာမည်ပျက်ကို ရှင်းဖို့အတွက် သောမတ်စ်ဂိတ်စ် ဖျက်ဆီးဖို့ ကြိုးစားခဲ့တဲ့ အဲဒီစာရွက်ဟာ ရတနာမြေပုံဖြစ်ကြောင်း သက်သေပြရတော့မယ်။ ဒီလိုနဲ့ ဘန်တို့အဖွဲ့ ရတနာရှာဖို့ ခရီးထွက်လာကြပါတယ်။ National Treasure ရဲ့ ပထမကားလိုပဲ သမိုင်းနဲ့ ပဟေဠိတွေကို အခြေခံပြီး သဲလွန်စတစ်ခုနောက်တစ်ခု လိုက်ရှာကြရတဲ့ဇာတ်လမ်းပါ။ ဒီတစ်ခါမှာတော့ အထင်ကရနေရာတွေ ပိုပါလာပြီး သမ္မတအဆင့်အထိ ပတ်သက်လာတယ်။ ရတနာသိုက်ရှာဖွေမှုကို နိုင်ငံ့သမိုင်း၊ သမ္မတတွေနဲ့ နိုင်ငံရေးရာကိစ္စတွေကြား ချိတ်ဆက်ထားပြီး အက်ရှင်ခန်းတချို့လည်း ရောနှောထားပါတယ်။ နစ်ကေ့ သရုပ်ဆောင်တဲ့ ဘန်ဂိတ်စ်က ခပ်တည်တည်နေပြီး ကိုယ့်ကိုယ်ကို အထင်ကြီးတတ်သူပါ။ ဂျက်စတင်ရဲ့ ဇာတ်ကောင်ကတော့ ဟာသလေးတွေ ပြောတတ်သူဖြစ်တယ်။ ခရူဂါရဲ့ ဇာတ်ကောင်အပါအဝင် အဓိကဇာတ်ကောင်တွေ အပေးအယူမိပုံကို မူရင်းက အလေးထားဖော်ပြထားပါတယ်။ အခွေငှားဆိုင်ခေတ်ကတည်းက လူသိများခဲ့တဲ့ National Treasure ဟာ နစ်ကေ့ရဲ့ အောင်မြင်တဲ့ ရုပ်ရှင်တွဲတွေထဲက တစ်ခုဖြစ်ပြီး ဆက်စပ်စာအုပ်တွေလည်း ထွက်ရှိခဲ့ပါတယ်။ မူရင်းစာမှာတော့ အဲဒီခေတ်က ပုတက်၊ ကစ်ဇုန်လို ကာတွန်းဂျာနယ်တွေ၊ သုတစာအုပ်တွေကတစ်ဆင့် သမိုင်းဝင်ပုဂ္ဂိုလ်တွေနဲ့ နေရာတွေကို ရင်းနှီးခဲ့ကြပုံ၊ မင်းသိင်္ခရဲ့စာတွေကနေ ဖရီးမေဆင်အကြောင်း ကြားဖူးခဲ့ကြပုံကိုလည်း ပြန်ပြောထားတယ်။ အရင်က ဖတ်ဖူးကြားဖူးတဲ့အရာတွေကို ရတနာရှာဇာတ်လမ်းထဲမှာ ပြန်တွေ့ရတဲ့အရသာနဲ့ ဒီကားတွေကို ကြည့်ခဲ့ရတဲ့အချိန်ကို လွမ်းဆွတ်မိပုံတို့ကို ရေးထားပါတယ်။

လူးကတ်စ်ဟာ လူကောင်သေးလို့ မကြာခဏ အနိုင်ကျင့်ခံရတဲ့ ကောင်လေးတစ်ယောက်ပါ။ အနိုင်ကျင့်ခံရတိုင်း သူ့ဒေါသကို အိမ်နားက မြက်ပင်တွေကြားမှာရှိတဲ့ ပုရွက်ဆိတ်အုံပေါ် ပုံချတတ်တယ်။ ရေလောင်းလိုက်၊ အုံကို ထိုးဆွလိုက်နဲ့ ပုရွက်ဆိတ်တွေကို နည်းမျိုးစုံ ဒုက္ခပေးနေခဲ့တာပါ။ ဒါကို မကျေနပ်တဲ့ ပုရွက်ဆိတ်တွေက တစ်နေ့မှာ လူးကတ်စ်ကို သူတို့အရွယ်အစားလောက်အထိ သေးသွားအောင် ပြောင်းလိုက်ကြပါတယ်။ ပုရွက်ဆိတ်တွေကို အနိုင်ကျင့်နေကျ ကောင်လေးနဲ့ လူတွေကို ကြောက်လည်းကြောက်၊ မုန်းလည်းမုန်းနေတဲ့ ပုရွက်ဆိတ်တွေ အခုလို ရင်ဆိုင်တွေ့ကြတဲ့အခါ ဘာတွေ ဆက်ဖြစ်လာမလဲဆိုတာကို ဟာသနဲ့ စွန့်စားခန်းတွေပါတဲ့ ကာတွန်းဇာတ်ကားအဖြစ် ပြထားပါတယ်။

ဒီနေ့တင်ပေးမယ့် ဇာတ်ကားကတော့ CM ပရိတ်သတ်တို့ ဂွတ်ရှယ်အကြိုက်တွေ့မယ့်ဇာတ်ကားပါပဲ မက်ထရစ်နဲ့ speed စတဲ့ ဇာတ်ကားတို့အပြင် မကြာသေးခင်ကထွက်ထားတဲ့ John Wick ဇာတ်ကားတို့ရဲ့သရုပ်ဆောင် ကမ္ဘာကျော်မင်းသား Keanu Reeves ရဲ့ ခပ်မိုက်မိုက်ဇာတ်ကားတစ်ကားပါ 2005 ခု နှစ်မှာထွက်ရှိထားပြီး ဒါရိုက်တာ Francis Lawrence က ရိုက်ကူးပြီး ဒေါ်လာ သန်း ၁၀၀ အကုန်အကျခံကာရိုက်ကူးခဲ့တာ ရုပ်ရှင်အတွက် ပြန်ရတဲ့ငွေကတော့ ဒေါ်လာ သန်း ၂၃၀ ပဲဖြစ်ပါတယ် IMDb Rating မှာလည်း 7.0 ရရှိထားပါတယ်.. ဇာတ်လမ်းပုံစံကတော့ ဂျွန်ကွန်စတန်တင်းဟာ နတ်ဆိုးတွေကိုအမဲလိုက်တဲ့သူတစ်ဦးဖြစ်ပါတယ်.. မကောင်းဆိုးဝါးတွေ..ကြားထဲမှာပဲ သူ့ဘဝကိုရှင်သန်ပြီး..သူလုပ်ခဲ့တဲ့ အရာတွေကြောင့်သူသေရင် ငရဲကိုသာ သွားရလိမ့်မယ်ဆိုတာကို သူကိုယ်တိုင်လည်းသိပါတယ်..ဆေးလိပ်အရမ်းသောက်တာကြောင့် အဆုတ်တခုလုံးစုတ်ပြတ်သတ်နေပြီး သေဖို့အချိန်ကလည်းနီးကပ်နေပါပြီ..ကွန်စတန်တင်းဟာ သူသေရင် ငရဲအစားကောင်းကင်ဘုံကို တက်ရဖို့အတွက်..စွန့်စားမှုတခုကို အမြဲတမ်းလိုက်ရှာပြီး လုပ်ဖို့ကြိုးစားနေပါတယ်..သူ့ရဲ့ဝိဉာဉ်ဟာငရဲနဲ့ပဲသက်ဆိုင်တယ်လို့ မကောင်းဆိုးဝါးတွေကလည်း ယူဆတဲ့အတွက် သူ့ကိုအမျိုးမျိုးသတ်ဖို့ကြိုးစား..စိတ်အနှောက်အယှက်ပေးနေကြပါတယ်. တစ်နေ့မှာ ကိုယ့်ကိုကိုယ်သတ်သေသွားတဲ့ အမျိုးသမီးတစ်ယောက်ရဲ့ညီမဖြစ်သူကို မကောင်းဆိုးဝါး နတ်ဆိုးတွေလိုက်လံနှောက်ယှက်တဲ့အခါမှာ..ဂျွန်ဟာ အဲ့အမျိုးသမီးဘက်ကနေ ကူပါတော့တယ်.. ကောင်းကင်တမန် ..နဲ့..နတ်ဆိုးတွေ..အပြင်..နတ်ဆိုးဘုရင် လူစီဖာ နဲ့ပါ..ပါဝင်ပတ်သတ်မှုတွေနဲ့အတူ ဂျွန် ကွန်စတန်တင်းရဲ့ စွန့်စားမှုတွေ..ခပ်မိုက်မိုက်ရိုက်ချက်တွေကို ဆက်လက်ရှုစားကြပါ File size…  2 GB /  855 MB Quality… BluRay 1080p / 720p Format… mp4 Duration…. 2h 1m Genre .....  Action , Horror Subtitle…. Myanmar Subtitle (Hard Sub) Encoder…. Thit San Khant Translated by XCode

Paparazzi ၂၀၀၄ ခုနှစ်ထွက် စုံထောက်ဆန်ဆန်အက်ရှင်ကားလေးတင်ဆက်ပေးလိုက်ပါတယ်... ဇာတ်လမ်းကတော့ နာမည်အတိုင်းပဲပါပါရာဇီတွေကြောင့် အောင်မြင်ခါစရုပ်ရှင်မင်းသားတစ်ယောက်ဒုက္ခရောက်ရပုံကိုရိုက်ထားတာပါ...ပါပါရာဇီဆိုတာကတော့ နာမည်ကြီးတဲ့လူတွေနောက် တကောက်ကောက်လိုက်နေတဲ့သတင်းထောက်တွေကိုပြောတာပါ... ဇာတ်လမ်းအကြောင်းပြောရရင် ဘိုလာရာမီးဟာ အောင်မြင်ခါစရုပ်ရှင်မင်းသားတစ်ဦးပါ...သူဟာမိသားစုကိုအလေးထားသူပါ....ဘိုလာရာမီးဟာ တရှိန်ထိုးအောင်မြင်လာသူဖြစ်လေတော့ သူ့နောက်ကိုပါပါရာဇီတွေလိုက်ကြပါတယ်....အဲ့ထဲကမှပါပါရာဇီတစ်အုပ်စုဟာ ဘိုလာရာမီးရဲ့မိန်းမနဲ့သူ့သားပုံတွေကိုပါချောင်းရိုက်ပြီး မဂ္ဂဇင်းမှာတင်တဲ့အခါ ဘိုလာရာမီးနဲ့ညှိပါတော့တယ်... တစ်ရက်ကျ ထိုပါပါရာဇီအုပ်စုကြောင့် ဘိုလာရာမီးတို့မိသားစုမောင်းနှင်လာတဲ့ကားတိမ်းမှောက်သွားပြီး ဘိုလာရာမီးရဲ့သားလေးဟာကိုမာဝင်သွားပါတယ်.... ထိုအခါဘိုလာရာမီးဘယ်လိုပြန်လက်စားချေမလဲ... ကားတိမ်းမှောက်မှုကိုစုံစမ်းတဲ့စုံထောက်ဘာတွန်ကရော ဘယ်လိုမျိုးဆက်စုံစမ်းမလဲဆိုတာ ဆက်လက်ကြည့်ရှုကြပါခင်ဗျာ.... File size…(1.69 GB)/(924 MB) Quality….Webrip 1080p / 720p Format…mp4 Duration….01:40:00 Genre... Action, Drama, Thriller Subtitle….Myanmar Subtitle (Hardsub) Encoder….Mr. Anderson Translated by AKM

အားလုံးရဲ့အချစ်တော် ဂျွန်နီဒက်ပ်ရဲ့ Las Vegasမှာကြမ်းတဲ့ ရုပ်ရှင်လာပါပြီ။ ကျွန်တော်တို့တွေ အရမ်းကြိုက်ကြတဲ့ Spidermanသရုပ်ဆောင် တိုဘီမက်ဂွိုင်းယားလည်းပါဝင်အားဖြည့်ထားတဲ့အပြင် Cars animationမှာပါဝင်ခဲ့တဲ့ကက်သရင်း ဟယ်မွန်လည်းပါတော့ သိပ်ကိုကောင်းပေါ့။ ဂျွန်နီဒက်ပ်က ဒီကားနဲ့ Best Foreign Actorဆုကိုရထားပါသေးတယ်။ ဇာတ်လမ်းကတော့ ရာအိုးဒု(ဂျွန်နီဒက်ပ်)က သတင်းစာပညာပါရဂူတစ်ယောက်ပါ။ သူ့မှာ သွားအတူတူ၊လာအတူတူ၊စားအတူတူ၊ဆေးအတူတူသုံးနေကြ ဒေါက်တာဂွန်ဇွန်လို့ခေါ်တဲ့ သူငယ်ချင်းတစ်ယောက်ရှိပါတယ်။ သူငယ်ချင်း၂ယောက် သုံးစားနေကြတုန်း ဆိုင်ကယ်ပြိုင်ပွဲသတင်းသွားယူဖို့ Las Vegasဆီသွားဖို့ အကြောင်းဖန်လာပါတော့တယ်။ဆေးသမား၂ယောက် Las Vegasမှာ ဘာတွေမွှေကြမလဲ၊ ဘယ်လိုတွေဖြေရှင်းကြမလဲ၊ ဘယ်လိုတိုင်တွေပတ်ကြမလဲဆိုတာ စောင့်ကြည့်ရမှာဖြစ်ပါတယ်။ Personallyအရဆိုရင် Story Buildပိုင်းဖြစ်တဲ့ ရှေ့ပိုင်းမိနစ်၃၀လောက်တော့ စမ်းတဝါးဝါးဖြစ်နေပင်မယ့် အဲ့နောက်ပိုင်းမှာတော့ ရုပ်ရှင်က ကြည့်ရတာတော်တော်ကောင်းပါတယ်။ ဆေးသမား၂ယောက် ဆေးမူးပြီး တိုင်ပတ်ကြတာတွေ ပလပ်ကျွတ်နေတာတွေနဲ့ကို တစ်ခါတလေရယ်ရတဲ့အခန်းလေးတွေပါပါသေးတယ်။ ညဘက် Beerလေးသောက်ရင်း ဆေးလိပ်လေးဖွာရင်းနဲ့ chillရင် အတော်ကိုကောင်းဖို့ရုပ်ရှင်တစ်ကားဖြစ်ပါတယ်။ File size…(2.83GB)  / (1.5GB) / (761.39MB) Quality…. Web 1080P / 720p / 480p Format…mp4 Duration….01:58:00 Genre... Adventure / Comedy / Drama Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

မှုခင်းဆိုင်ရာ စိတ်ပညာရှင် Alex Cross ဟာ တူမဖြစ်သူ ပျောက်ဆုံးနေကြောင်း သိလိုက်တာနဲ့ သူနေထိုင်တဲ့ဒေသဆီ လိုက်သွားပါတယ်။ ဒေသခံရဲတွေဆီကနေ Casanova လို့ခေါ်တဲ့ ကွင်းဆက်လူသတ်သမားက ပြန်ပေးဆွဲသွားတာ ဖြစ်နိုင်ကြောင်း သိလိုက်ရတယ်။ အဲဒီအချိန်မှာပဲ တက္ကသိုလ်ဆေးရုံက ဒေါက်တာ Kate McTiernan ဟာ Casanova ရဲ့ ဖမ်းဆီးခြင်းကို ခံလိုက်ရပါတယ်။ သူ့ကိုချုပ်ထားတဲ့နေရာမှာ တခြားအမျိုးသမီးတွေလည်း ရှိနေကြောင်း တွေ့ခဲ့ရတယ်။ Kate က ထွက်ပြေးလွတ်မြောက်လာနိုင်ခဲ့ပြီးနောက် Casanova ကို ဖမ်းနိုင်ဖို့ Alex Cross နဲ့ ပူးပေါင်းကြိုးစားပါတော့တယ်။ James Patterson ရဲ့ အရောင်းရဆုံး မှုခင်းဝတ္တု Kiss the Girls ကို ဒါရိုက်တာ Gary Fleder က ရုပ်ရှင်အဖြစ် ပြန်လည်ရိုက်ကူးထားတာပါ။ Alex Cross အဖြစ် Morgan Freeman နဲ့ Kate McTiernan အဖြစ် Ashley Judd တို့ ပါဝင်သရုပ်ဆောင်ထားပါတယ်။

ဒီဇာတ်လမ်း‌‌လေးရဲ့အစမှာ‌တော့ ဘဏ်ဓားပြတစ်‌ယောက်ကိုလိုက်ဖမ်းတဲ့‌နေရာကနေစထားပါတယ် အဲဒီမြို့နယ်ရဲစခန်းရဲ့အကျော်အမော်ဖြစ်တဲ့ ဘက်လို့‌ခေါ်တဲ့ စုံထောက်ကိုယ်တိုင် ဦးဆောင်ပြီးဖမ်းနေကြတာပါ အဲဒီလိုနဲ့ဓားပြကိုအသေရရအရှင်ရရဖမ်းရင်းနဲ့ ဓားပြဖြစ်တဲ့‌ကောင်က accidentဖြစ်ပြီး မီးလောင်သွားခဲ့ပါတယ် ‌‌ အဲဒီလိုနဲ့ ဆေးရုံတင်ထားတုန်းမှာ FBIကအ့ဂျင့်ဖြစ်သူ လွိုက်တစ်ယောက်ဟာ ဘက်ဆီကိုရောက်လာပါတော့တယ် လွိုက်ကအဲဒီဓားပြဟာသူရှာနေတဲ့သူဖြစ်တာကြောင့်အမှုကိုတူတူကိုင်ချင်တယ်လို့ပြောပြီး ဆေးရုံကိုသွားကြည့်ချိန်မှာပဲ ဓားပြဖြစ်တဲ့ကောင်က‌သေသွားပြီး သူ့ဘေးကလူမမာက ပျောက်ခြင်းမလှ‌ပျောက်သွားပါတော့တယ် အဲဒါကိုလွိုက်က အဲဒီပျောက်သွားတဲ့လူနာကဘဏ်ဓားပြပဲဆိုပြီးပြောတော့ ဘက်တစ်‌ယောက်ဘယ်လိုမှနားမလည်နိုင်‌တွေဖြစ်ရပါတော့တယ် အဲဒီပျောက်သွားတဲ့သူဟာလည်းအရင်ဘဏ်ဓားပြလိုပဲ ကား‌တွေခိုးလူတွေသတ်နဲ့ ‌‌‌‌‌‌‌‌‌‌‌‌‌‌‌‌‌‌‌‌‌‌လုပ်နေခဲ့တာပါ အဲဒီလိုနဲ့စုံထောက်ဘက်က အရင်ဓားပြနဲ့အခုဆေးရုံကပျောက်သွားတဲ့လူနာတို့ရဲ့နောက်ကြောင်းကိုစုံစမ်းကြည့်တော့ သူတို့နှစ်ယောက်လုံးဟာ ပြစ်မှုဘာဆိုဘာမှအရင်ကလုပ်ထားတာမရှိတာကိုသွားတွေ့ရပါတယ် အဲဒီတော့ ဒီလူနှစ်ယောက်ဘယ်ကနဘယ်လိုစိတ်ရိုင်း‌‌တွေဝင်ပြီးအခုလို‌တွေဖြစ်သွားတာလဲ အေးဂျင့်လွိုက်‌ရော ဘာတွေလျှို့ဝှက်ထားလည်းဆိုတာကိုတော့ ဒီကားလေးကိုကြည့်ပြီးအရင်‌ခေတ် စိတ်ကူးယဉ်ဆန်ဆန်စုံထောက်ဇာတ်လမ်း‌လေးကို ကြည့်ကြည့်လိုက်ကြပါဦးဗျာ File size…(1.8 GB)/(1 GB) Quality….Blu-Ray 1080p / 720p Format… mp4 Duration…. 01:37:00 Genre... Crime, Horro, Sci-Fi, Thriller Subtitle….Myanmar Subtitle (Hardsub) Encoder….Garfield Translated by Chan Myae Min Htike