Lee Hanee ပါဝင်သော ဇာတ်ကားများ

Aema (2025) အပိုင်းသစ် (1 မှ 6) စ/ဆုံး (18+ ဇာတ်ဝင်ခန်းများ ပါဝင်ပါသဖြင့် မိသားစုနှင့်အတူ ကြည့်ရှုရန် မသင့်တော်ပါ။) ဒီတစ်ခေါက်မှာတော့ Netflix ကနေ တစ်ရက်တည်းနဲ့ အစအဆုံး ၆ ပိုင်းလုံး ထွက်ရှိလာမယ့် Aema ဆိုတဲ့ Comedy, Drama အမျိုးအစားလေးဖြစ်တဲ့ ကိုရီးယား ဇာတ်လမ်းတွဲလေးကို တင်ဆက်ပေးလိုက်ပါတယ်။ သရုပ်ဆောင်တွေအနေနဲ့ကတော့ The Fiery Priest နဲ့ One The Woman တို့ထဲက မင်းသမီးကြီး Lee Honey, Knock-Off ထဲမှ မင်းသမီး Bang Hyo Rin, Through the darkness ထဲမှ မင်းသားကြီး Jin Seon Kyu နဲ့  D.Pထဲမှ မင်းသား Cho Hyun Chul တို့က အဓိကပါဝင်ထားပါတယ်။ ဇာတ်လမ်းအညွှန်း ဂျောင်ဟီးရန် (Lee Honey) ကတော့ 1980 ကာလတွေတုန်းက နာမည်ကြီး ထိပ်တန်းမင်းသမီးတစ်ဦးဖြစ်ပေမဲ့ သူ့စိတ်ခံစားချက်တွေ မတရားခံရမှုတွေကို ပွင့်ပွင့်လင်းလင်း ပြောတတ်တဲ့ တွန့်ဆုတ်မှုမရှိတဲ့ သူဖြစ်တယ်။ ပရိုဂျူဆာ ဂူဂျောင်းဟို (Jim Seon Kyu) ကတော့ ရုပ်ရှင်လောကမှာ နှစ်ရှည်လများရှိနေခဲ့တဲ့ ဆရာကြီးတစ်ယောက်ဖြစ်ပြီး သူ့ရဲ့နောက်ဆုံးရုပ်ရှင် “Madame Aema” အတွက် ခေါင်းဆောင်မင်းသမီးအဖြစ် မင်းသမီးဂျောင်ဟီးရန်ကို လျာထားခဲ့တယ်။ ဒါပေမဲ့ ထိန်းချုပ်ရခက်ခဲတဲ့ ဟီးရန်ကြောင့် ပရိုဂျူတာ ဂူဂျောင်းဟိုက ဟီးရန်နေရာမှာ တခြားမင်းသမီးတစ်ယောက်နဲ့ လူစားထိုးဖို့အတွက် လူရွေးပွဲလုပ်ရာကနေ မင်းသမီးဖြစ်ဖို့ အိပ်မက်ရှိတဲ့  နိုက်ကလပ်အကသမားတစ်ယောက်ဖြစ်တဲ့ ရှင်းဂျူအယ် (Bang Hyo Rin) နဲ့ တွေ့ဆုံဖြစ်သွားခဲ့တယ်။ တစ်ဖက်မှာတော့ “Madame Aema” ကို ပုံဖော်ရိုက်ကူးမယ့်သူကတော့ တက်သစ်စ ဒါရိုက်တာ ဂွက်အင်ယူ (Cho Hyun Chul) ကနေပြီး လက်ရဲဇက်ရဲနိုင်တဲ့ မင်းသမီးကြီး၊ ထိပ်ဆုံးမှာအမြဲရောက်ဖို့ ကြိုးစားနေတဲ့ ပရိုဂျူဆာ၊ တက်သစ်စမင်းသမီး သူတို့သုံးယောက်ကြားမှာ ရုပ်ရှင်ကို ဘယ်လို ပုံဖော်ပြီး ရိုက်ကူးသွားမလဲဆိုတာ ဟာသလေးတွေနှောပြီး စိတ်အပန်းဖြေကြည့်လိုက်ကြပါဦးနော်။ Aired: Aug 22, 2025 Aired On: Friday Genres: Comedy, Drama Episodes: 6 Original Network: Netflix

The People Upstairs (2025) IMDb Rating (6.8) * စကားပြော အသုံးအနှုန်းလေးတွေ အနည်းငယ် ကြမ်းတမ်းပါသဖြင့် အသက်ပြည့်မှသာ ကြည့်ရှုပေးကြဖို့ ကြိုတင်မေတ္တာရပ်ခံပါရစေခင်ဗျ * ဒီတစ်ခေါက်မှာတော့ Ha Jung-Woo, Kong Hyo-Jin, Kim Dong-Wook နဲ့ Lee Ha-Nee တို့လို နာမည်ကြီး မင်းသား၊ မင်းသမီးတွေ အပြိုင်အဆိုင် သရုပ်ဆောင်ပညာပြထားတဲ့ ရုံတင်ဟာသကားသစ်လေးကို တင်ဆက်ပေးလိုက်ပါတယ်။ - ဇာတ်လမ်းအကျဉ်း - အိုဟျွန်းဆူ (Kim Dong-Wook) နဲ့ ဂင်ဂျောင်အာ (Kong Hyo-Jin) တို့က တစ်ချိန်က မီးလျှံလို ပူပြင်းတဲ့ အိမ်ထောင်ရေးဘဝမျိုး ရှိခဲ့ပေမဲ့ လက်ရှိမှာတော့ အချစ်တွေ အေးစက်သွားပြီး ခြောက်ကပ်တဲ့ နေ့စဉ်ဘဝကိုပဲ ဖြတ်သန်းနေရတဲ့ ဇနီးမောင်နှံတွေပါ။ အခုရက်ပိုင်း သူတို့နှစ်ယောက်ကို စိတ်ဒုက္ခပေးနေတာကတော့ ညတိုင်း အားအင်အပြည့်နဲ့ အသံတွေ ထွက်ထွက်နေတဲ့ အပေါ်ထပ်အိမ်က ဂင်ဘုမ်းရုံး (Ha Jung-Woo) နဲ့ ချွဲဆူဂယောင်း (Lee Ha-Nee) တို့ ဇနီးမောင်နှံပဲဖြစ်ပါတယ်။ အဲဒီလိုနဲ့ တစ်နေ့မှာ ဂျောင်အာက အိမ်ပြင်ဆင်တဲ့ ဆူညံသံတွေကို သည်းခံပေးခဲ့တဲ့ အပေါ်ထပ်အိမ်က ဇနီးမောင်နှံကို ကျေးဇူးတင်တဲ့အနေနဲ့ ညစာဖိတ်ကျွေးဖြစ်ခဲ့ပြီး အဲဒီနေ့ည ထမင်းစားပွဲဝိုင်းမှာ အပေါ်ထပ်အိမ်က ဇနီးမောင်နှံက ဂျောင်အာတို့ ဇနီးမောင်နှံကို အံ့အားသင့်ဖွယ် ကမ်းလှမ်းချက်တစ်ခု လုပ်လာတဲ့အခါမှာတော့... တကယ်ပဲ အဲဒီကမ်းလှမ်းချက်က ဘာများဖြစ်နေမလဲ...... ဒီညစာစားပွဲလေးကနေတစ်ဆင့် ဟျွန်းဆူနဲ့ ဂျောင်အာတို့ရဲ့ ဆက်ဆံရေးမှာ ဘယ်လို အပြောင်းအလဲလေးတွေ ရှိလာမလဲဆိုတာကိုတော့ ဇာတ်လမ်းလေးထဲမှာ ဆက်လက် ရှုစားပေးကြပါဦး။ File Size : 1.38GB/ 600MB Quality : WEB-DL1080p/ 720p Format…mp4 Duration…1hr 48m Genre : Comedy, Drama Subtitle : Myanmar Subtitle (Hard Sub)

Knight Flower(2024) အပိုင်း ( ၁ မှ ၁၂) ထိ စ/ဆုံး မမ Lee Ha Neeနဲ့ Lee Jong wonတို့ အဓိက ပါဝင်သရုပ်ဆောင်ထားတဲ့ ဂျိုဆွန်းနောက်ခံ နန်းတွင်း ဟာသစီးရီးသစ်ဖြစ်ပါတယ်... ဂျိုယောဟွာဆိုတဲ့ အမျိုးသမီးဟာ မျိုးရိုးမြင့် ဂုဏ်သရေအကြီးအမားဆုံး အိမ်တော်ရဲ့ ချွေးမဖြစ်ခဲ့ပြီး ခင်ပွန်းဖြစ်သူ ဆုံးပါးခဲ့တာ ၁၅နှစ်ကျော်ပြီဖြစ်တဲ့ မုဆိုးမတစ်ယောက်ဖြစ်ပါတယ်။ အိမ်ထဲက အိမ်ပြင်လုံးဝမထွက်ဘဲ အေးဆေးတည်ငြိမ်ပြီး အိန္ဒြေကြီးသူအဖြစ် သတင်းကြီးသူလည်းဖြစ်ပါတယ်။ အိန္ဒြေကြီးလှပါတယ်ဆိုတဲ့ မုဆိုးမလေး ဂျိုယောဟွာရဲ့ လူတွေမသိတဲ့ နောက်ထပ် ပုံစံတစ်မျိုးကတော့ ညဘက်တွေမှာ အိမ်ခေါင်မိုးတွေပေါ်၊ အုတ်နံရံတွေပေါ်မှာ ခုန်ပျံကျော်လွှားရင်း ဒုက္ခရောက်နေသူတွေကို ကူညီပေးနေတဲ့ အမျိုးသမီးသူရဲကောင်းတစ်ဦးလည်း ဖြစ်ပါတယ်။ နေ့ဘက်ဆို အိမ်တွင်းပုန်း၊ ညဘက်ဆို လူမသိအောင် ဖိုက်တာထွက်လုပ်ပြီး ကူညီတတ်တဲ့ မုဆိုးမလေးဟာ တစ်နေ့မှာတော့ ရုပ်ရည်ချောမောပြီး အလုပ်မှာလည်း ထူးချွန်ထက်မြက်တဲ့ အရာရှိ ဆူဟို နဲ့ တွေ့ဆုံပြီး သဘောကျခဲ့ပေမယ့် မိသားစုအရှုပ်အထွေးတွေ၊လျှို့ဝှက်ချက်တွေနဲ့ အခက်အခဲတွေကြားမှာ သူတို့ရဲ့ အချစ်ရေးဟာ ဖြောင့်ဖြူးပါ့မလားဆိုတာကို ဟာသလေးတွေနဲ့ စိတ်ဝင်စားဖွယ်ကြည့်ရှုရမှာ ဖြစ်ပါတယ်..... Episodes: 12 Aired:Jan 12, 2024 - Feb 17, 2024 Aired On:  Friday, Saturday Original Network:  MBC Duration: 1 hr. 10 min. Genres: Historical, Mystery, Comedy, Drama Subtitle__Myanmar Subtitle (Hardsub) Translated by  Hsu Lae,  Song Song, Ei Chaw Su & Toe Toe Aung Encoded by  Phyo Pyae

Black Money (2019) အခုတစ်ခေါက် တင်ဆက်ပေးမဲ့ ရုပ်ရှင်ကားလေးကတော့ ကေဒရာမာတွေ ချစ်သူတွေနဲ့ မစိမ်းတဲ့ Signal ဇာတ်လမ်းတွဲက မင်းသား Cho Jin-Woongနဲ့အတူ The Fiery Priestထဲက မင်းသမီး Lee Ha-Neeတို့က အဓိကပါဝင် သရုပ်ဆောင်ထားတဲ့ Black Money ဆိုတဲ့ ကားလေးပဲဖြစ်ပါတယ်။ ဇာတ်လမ်းအညွှန်း ယန်းမင်ဟျော့(Cho Jin-woong)ဟာ ဆိုးလ်ဗဟိုခရိုင် အမှုစစ်ရုံးက ခေါင်းမာပြီး တစ်ဇွတ်ထိုး လုပ်တတ်တဲ့ အမှုစစ်တစ်ဦးဖြစ်ပါတယ်။ တစ်ရက်မှာတော့ သူ စုံစမ်းနေတဲ့ အမှုတစ်ခုထဲက သံသယရှိသူဟာ ကိုယ့်ကိုယ်ကိုယ် သတ်သေသွားခဲ့ပါတယ်။ သတ်သေသူဟာ မသေဆုံးခင်မှာ အမှုစစ်ယန်းဟာ သူ့ကို လိင်ပိုင်းဆိုင်ရာ စော်ကားခဲ့တယ်လို့ စွပ်စွဲထားတဲ့ စာတိုတစ်စောင်ကို ချန်ထားခဲ့တာကြောင့်အမှုစစ်ယန်းတစ်ယောက် အကျပ်အတည်းနဲ့ ရင်ဆိုင်နေရပါတော့တယ်။ အမှုစစ်ယန်းဟာ သူ့ရဲ့ နာမည်ကောင်းကို ပြန်လည်ရရှိဖို့အတွက် သတ်သေမှုရဲ့ အကြောင်းအရင်းကို စုံစမ်းထောက်လှမ်းရင်း သတ်သေသူဟာ ဒယ်ဟန်းဘဏ်ရောင်းချမှုနဲ့ ပတ်သက်တဲ့ ငွေကြေးအရှုပ်တော်ပုံတစ်ခုရဲ့ အဓိက သက်သေတစ်ဦးဖြစ်တယ်ဆိုတာကို သိရှိလိုက်ရပါတယ်။ ဒီလိုနဲ့ အမှုစစ်ယန်းဟာ ဒယ်ဟန်းဘဏ်ဘက်က ရှေ့နေဖြစ်သူ ဂင်နာရီ(Lee Ha-Nee)နဲ့ တွေ့ဆုံပြီး နိုင်ငံတော်အဆင့်အထိ လွှမ်းခြုံနေတဲ့ ကြီးမားတဲ့ အကျင့်ပျက်ခြစားမှု၊ လျှို့ဝှက်ချက်တွေနဲ့ ဖုံးကွယ်ထားတဲ့ အမှန်တရားတွေကို ဖော်ထုတ်ဖို့ ကြိုးပမ်းရင်း သူ့ရဲ့ အသက်အန္တရာယ်ပါ ကျရောက်လာမဲ့ အခြေအနေကို ရင်ဆိုင်လိုက်ရတဲ့အခါမှာတော့... နောက်ဆုံးမှာ အမှုစစ်ယန်းတစ်ယောက် အမှန်တရားကို ဖော်ထုတ်နိုင်မှာလား.... ငွေများ တရားနိုင်ဆိုတဲ့ စကားအတိုင်း အကျင့်ပျက်ခြစားမှုတွေကပဲ ဆက်ပြီး ကြီးစိုးနေမှာလားဆိုတာကို တော့ ဇာတ်လမ်းလေးထဲမှာ ဆက်လက်ကြည့်ရှုလိုက်ပါဦးနော်... File size…1.49GB / 724MB Quality… WEB-DL 1080p/ 720p Format…mp4 Duration….1 hr. 53 min. Genre ….. Mystery, Crime, Drama Subtitle….Myanmar Subtitle (Hard Sub)

The Bros (2017) ဒီတစ်ခါမှာတော့ အားလုံးရဲ့ အချစ်တော်မင်းသားကြီး မာဒုံဆော့ နဲ့ တကွ အီဟန်နီ ၊ အီဒုံဟွီ နဲ့ ဆောယယ်ဂျီတို့လို နာမည်ကြီး မင်းသားမင်းသမီးတွေ မြိုင်မြိုင်ဆိုင်ဆိုင်ပါဝင်ထားတဲ့ The Bros ဆိုတဲ့ ဟာသရုပ်ရှင်ကားလေးကို ဘာသာပြန်တင်ဆက်ပေးလိုက်ရပါတယ် ။ ဇာတ်လမ်းအကျဉ်းကတော့ .. အကျိုးလိုလို့ ညောင်ရေလောင်းမယ့်ရည်ရွယ်ချက်နဲ့ မိဘအိမ်ပြန်ဆိုက်လာကြတဲ့ ညီအစ်ကိုနှစ်ယောက်အကြောင်းပဲ ဖြစ်ပါတယ် ။ အီဆော့ဘုံး ( မာဒုံဆော့ ) ကတော့ ဆရာတစ်ယောက်ဖြစ်သလို ရှေးဟောင်းအမွေအနှစ်တူးဖော်ရေးကို အရမ်းစိတ်ဝင်စားသူလည်းဖြစ်ပါတယ် ။ တိုင်းတစ်ပါးမှာ ရတနာတွေကို တူးမယ်ဆိုတဲ့ ရည်ရွယ်ချက်နဲ့ တူးဖော်ရေးကိရိယာတွေ ဝယ်စုထားရာကနေ စစ်ပွဲဖြစ်သွားတာကြောင့် အကြွေးတွေအဖတ်တင်သွားတဲ့ အီဆော့ဘုံးဟာ .. ဖခင်ဖြစ်သူ ဆုံးပါးသွားတဲ့အခါ စျာပနကို အကြောင်းပြပြီး အိမ်က ရှေးဟောင်းပစ္စည်းတွေကို ခိုးဖို့ ပြန်လာခဲ့ပါတယ် ။ ညီဖြစ်သူ အီဂျူဘုံး ( အီဒုံဟွီ ) ကတော့ ဆောက်လုပ်ရေးလုပ်ငန်းစုတစ်ခုက အဖွဲ့မှုး ဖြစ်ပြီး အဝေးပြေးလမ်းမသစ်ဖောက်လုပ်ရေးအတွက် သူတို့မိသားစုပိုင် တောင်ကုန်းကို ဝယ်ဖို့ တာဝန်ပေးခံထားရသူပါ ။ ဒီလိုမျိုး ရည်ရွယ်ချက်ကိုယ်စီနဲ့ ညီအစ်ကိုနှစ်ယောက်ဟာ အိမ်ပြန်လာတဲ့လမ်းမှာတင် အိုရိုရာ ( အီဟန်နီ ) ဆိုတဲ့ အမျိုးသမီးတစ်ယောက်ကို ကားနဲ့ ဝင်တိုက်မိပါတော့တယ် ။ ရှေးရိုးစွဲမိသားစု နဲ့ စျာပနကနေ အမြတ်ထုတ်ဖို့လာတဲ့ ညီအစ်ကိုနှစ်ယောက်ကြားမှာ ဘယ်လိုပဋိပက္ခတွေဖြစ်ကြမလဲ သူတို့ ရည်မှန်းချက်တွေ တကယ်ပဲ ပြည့်ဝသွားမှာလား ။ အတိတ်မေ့သလိုလိုနဲ့ ထူးဆန်းတဲ့စကားတွေ ပြောနေတတ်တဲ့ အိုရိုရာကရော ဘယ်သူလဲ ဆိုတာတွေကိုတော့ The Bros 2017 ရုပ်ရှင်မှာ ဟာသလေးနှောပြီး ဆက်လက်ကြည့်ရှုခံစားလိုက်ရအောင်နော် ။ File size…1.90GB / 933MB Quality… WEB-DL 1080p/ 720p Format…mp4 Duration….1 hr. 42 min. Genre ….. Comedy, Family, Drama Subtitle….Myanmar Subtitle (Hard Sub)

Fabricated City (2017) လက်ရှိထွက်နေတဲ့ The Manipulated စီးရီးကို အပိုင်းသစ်စောင့်ရတာ အားမရသူတွေအတွက် မင်းသားချောလေး Ji Chang Wook ရဲ့ 2017 ခုနှစ်က ထွက်ရှိခဲ့တဲ့ Fabricated City ဆိုတဲ့ အက်ရှင်ကားလေးနဲ့ မိတ်ဆက်ပေးချင်ပါတယ် .. The Manipulated စီးရီးကတော့ ဒီရုပ်ရှင်လေးကို ကျောရိုးယူပြီး remake စီးရီးအဖြစ် ပြန်လည် ရိုက်ကူးထားတာဖြစ်ပါတယ်။ ဇာတ်လမ်းထဲမှာ .. ဂွမ်ယူ (Ji Chang Wook)ဟာ နိုင်ငံ့လက်ရွေးစင် တိုက်ကွမ်ဒိုကစားသမားဟောင်းတစ်ယောက် ဖြစ်ခဲ့ပေမဲ့ လက်ရှိမှာတော့ ကစားသမားဘဝကနေ ထွက်လိုက်ပြီး အင်တာနက်ဂိမ်းကို စွဲလန်းနေတဲ့ အလုပ်လက်မဲ့လူငယ်တစ်ယောက်ပါ။ ဂိမ်းထဲမှာ ဂွမ်ယူဟာ သူ့အဖွဲ့ရဲ့ခေါင်းဆောင်ဖြစ်ပြီး ဂိမ်းကစားတဲ့စွမ်းရည်ကြောင့် နောက်လိုက်အဖွဲ့ရဲ့လေးစားမှုလည်း ရရှိထားပါတယ်။ တစ်နေ့မှာ သူ ဂိမ်းကစားနေတုန်း သူ့နားမှာ ကျန်ခဲ့တဲ့ဖုန်းတစ်ခုကနေ .. ဖုန်းကိုပြန်လာပေးဖို့ အကူအညီတောင်းခဲ့ပြီး ဖုန်းပြန်လာပေးတဲ့အနေနဲ့ ကျေးဇူးဆပ်ပါ့မယ်ဆိုပြီး ဂွမ်ယူကို ကမ်းလှမ်းခဲ့ပါတယ်။ ဒါကြောင့် ဖုန်းပြန်ပေးဖို့အတွက် ချိန်းထားတဲ့နေရာကို သွားရာကနေ ချက်ချင်းဆိုသလို အသက်မပြည့်သေးတဲ့မိန်းကလေးတစ်ယောက်ကို မုဒိမ်းကျင့် သတ်ဖြတ်ခဲ့တဲ့ တရားခံ ဖြစ်သွားခဲ့ရပါတယ်။ မိခင်ကလည်း သားဖြစ်သူ ဂွမ်ယူ မတရားစွပ်စွဲခံရတာကို ဖော်ထုတ်ဖို့အတွက် ကြိုးစားရင်းက ဆုံးပါးသွားခဲ့ပါတယ်။ သူ့ကို ကူညီပေးနိုင်တဲ့ တစ်ဦးတည်းသောသူဖြစ်တဲ့ မိခင် သေဆုံးသွားတဲ့အခါ ဂွမ်ယူတစ်ယောက် ဘယ်လိုဖြစ်သွားမလဲ။ ဂိမ်းကစားဖော်တွေကရော ဂွမ်ယူရဲ့နာမည်၊ဂုဏ်သိက္ခာကို အဖတ်ဆယ်ပြီး အမှန်တရားကို ဘယ်လိုဖော်ထုတ်သွားကြမလဲဆိုတာ ဆက်လက်ကြည့်ရှုလိုက်ကြပါဦးနော် .. File size…1.91GB / 880MB Quality… BluRay 1080p/ 720p Format…mp4 Duration….2 hr. 6 min. Genre ….. Action, Thriller, Crime, Drama Subtitle….Myanmar Subtitle (Hard Sub)

Heart Blackened (2017) ဒီတစ်ခါမှာတော့ ၂၀၁၇ ခုနှစ်က ထွက်ရှိခဲ့ပြီး ထိတ်ထိတ်ကြဲ သရုပ်ဆောင်တွေဖြစ်တဲ့ Choi Min Sik, Park Shin Hye, Ryu Jun Yeol, Lee Hanee နဲ့ Lee Soo Kyung တို့ ပါဝင်ထားတဲ့ Heart Blackened ဆိုတဲ့ မှုခင်းဇာတ်ကားလေးနဲ့ မိတ်ဆက်ပေးချင်ပါတယ်။ ဒီဇာတ်ကားလေးဟာ Silent Witness ဆိုတဲ့ တရုတ်ကားကို ပြန်လည်ရိုက်ကူးထားတာဖြစ်ပြီးတော့ ဖခင်တစ်ယောက်ရဲ့ သမီးအပေါ် ထားရှိတဲ့မေတ္တာကို အလေးပေးရိုက်ကူးပြသထားတာဖြစ်ပါတယ်.. ဇာတ်လမ်းလေးထဲမှာတော့ .. အင်ထယ်ဆန်း (Choi Min Sik)ဟာ ငွေကြေးဥစ္စာ၊ အောင်မြင်မှုတို့ကို ရရှိထားတဲ့ ထယ်ဆန်းလုပ်ငန်းစုရဲ့ ဥက္ကဌဖြစ်ပြီး .. ဘတ်ယူနာ (Lee Hanee) ဟာ မကြာခင်မှာ အင်ထယ်ဆန်းနဲ့ လက်ထပ်မယ့် နာမည်ကြီးအဆိုတော်မလေး ဖြစ်ပါတယ်။ ဒါကြောင့် အင်ထယ်ဆန်းဟာ သူ့ရဲ့ဇနီလောင်းကို သမီးဖြစ်သူ အင်မီရာ (Lee Soo Kyun)နဲ့ မိတ်ဆက်ပေးခဲ့ပါတယ် .. သူတို့နှစ်ယောက် လက်ထပ်ခါနီးမှာ အင်မီရာက ဘတ်ယူနာရဲ့အတိတ်ကကိစ္စတစ်ခုကို သိသွားခဲ့လို့ နှစ်ယောက်သား တွေ့ဖို့ ချိန်းခဲ့ကြပါတယ်။ ဒါပေမဲ့ အဲဒီနေ့မှာ ဘတ်ယူနာဟာ သေဆုံးသွားခဲ့ပြီး အင်မီရာကို တရားခံအနေနဲ့ ဖမ်းဆီးခဲ့ပါတယ်။ အင်ထယ်ဆန်းဟာ သမီးဖြစ်သူမှာ အပြစ်မရှိကြောင်း သကသေပြဖို့အတွက် ကြိုးစားနေခဲ့ပြီး မီရာဟာ အဲဒီနေ့ညက ဖြစ်ရပ်တွေကို မမှတ်မိကြောင်းပဲ ထွက်ဆိုနေခဲ့ပါတယ်။ ဘာကိုမှ သက်သေမပြနိုင်တာကြောင့် ရှေနေချွဲဟီဂျောင်( Park Shin Hye)ကို မီရာ့အတွက် အမှုလိုက်ပေးဖို့ ငှားရမ်းခဲ့ပါတယ်။ တစ်ဖက်မှာလည်း ဘတ်ယူနာရဲ့ပရိသတ်ဖြစ်တဲ့ ဂင်ဒုံမြောင်( Ryu Jun Yeol)ဟာ စီစီတီဗွီကို ရရှိထားကြောင်း သတင်းရသွားတဲ့အခါ .. အမှုနဲ့ ပတ်သက်တဲ့လမ်ကြောင်းတွေဟာ ဘယ်လိုတွေပြောင်းလဲသွားမလဲ။ ဘတ်ယူနာကို သတ်ခဲ့တဲ့ တရားခံဟာ ဘယ်သူဖြစ်မလဲဆိုတာကို ကိုယ်တိုင်ကြည့်ရှုလိုက်ကြပါဦနော် .. File size…2.01 GB / 908 MB Quality… WEB-DL 1080p/ 720p Format…mp4 Duration….2 hr. 5 min. Genre ….. Thriller, Mystery, Law, Drama Subtitle….Myanmar Subtitle (Hard Sub)

Shine or Be Mad (2015) အပိုင်း (1 မှ 24) စ/ဆုံး Tazza, The Slave Hunters ထဲက မင်းသား Jang Hyuk , Positively Yours ထဲက မင်းသမီး Oh Yeon Seo, The Fiery Priest ထဲမှ Lee Hanee, တို့အပြင် မင်းသား Na In Woo, Lim Ju Hwan အစရှိတဲ့ နာမည်ကြီး မင်းသား၊ မင်းသမီးတွေ ပါဝင်သရုပ်ဆောင်ထားတဲ့ ဂိုလျောခေတ် နန်းတွင်းကားဟောင်းလေးကို ပြန်လည် တင်ဆက်ပေးလိုက်ပါတယ်။ - ဇာတ်လမ်းအကျဉ်း - ဝမ်ဆို (Jang-Hyuk) ဟာဆိုရင်တော့ "ဂိုလျောကို သွေးချောင်းစီးစေလိမ့်မယ်"ဆိုတဲ့ ဟောကိန်းနဲ့အတူ မွေးဖွားလာတဲ့ ဂိုလျောမင်းသားတစ်ပါးဆိုပေမဲ့လည်း အသက် ၈ နှစ်အရွယ်မှာ နန်းတော်တွင်းကနေ နှင်ထုတ်ခံခဲ့ရပြီး ဂွန်းဂန်းတောင်ပေါ်မှာ ကြီးပြင်းခဲ့ရတဲ့သူပါ။ ရှင်းယူးလ်ကတော့ ဘားဟယ်နိုင်ငံရဲ့ နောက်ဆုံးမင်းသမီးလေးဖြစ်ပါတယ်။ ငယ်စဉ်က "တခြားနိုင်ငံအတွက် အလင်းရောင်ဖြစ်ပေးလိမ့်မယ်"ဆိုတဲ့ ဟောကိန်းကြောင့် မိခင်ရင်းကိုယ်တိုင်က ရေခဲကန်ထဲ ပစ်ချတာကို ခံခဲ့ရပြီး အစေခံအမျိုးသမီးရဲ့ ကယ်တင်မှုကြောင့် အသက်ဘေးကနေ သီသီလေး လွတ်မြောက်လာခဲ့သူပါ။ တစ်နေ့မှာ ဝမ်ဆိုဟာ ဖခင်ဖြစ်သူကို လုပ်ကြံတဲ့သူတွေအကြောင်း လိုက်လံစုံစမ်းရင်း ဂယ်ဘုံးမြို့ကို ရောက်ရှိသွားခဲ့ပါတယ်။ အဲဒီမှာ ကုန်သည်ဂိုဏ်းကို ဦးဆောင်နေတဲ့ ရှင်းယူးလ်က အတင်းအဓမ္မ လက်ထပ်ခိုင်းမယ့် ဘေးကနေ လွတ်မြောက်ဖို့အတွက် ဝမ်ဆိုကို တစ်ညတာ သတို့သားအဖြစ် ဟန်ဆောင်ပေးဖို့ အကူအညီတောင်းဖြစ်ရာကနေ သူတို့နှစ်ဦး ပတ်သက်ယှက်နွယ်မိခဲ့ကြတာပေါ့။ အဲဒီလိုနဲ့ နှစ်အနည်းငယ်ကြာတဲ့အခါ ဂိုလျောမှာ ယောကျ်ားလေးလို ဝတ်စားဆင်ယင်ပြီး ကုန်သည်လုပ်ငန်း လုပ်ကိုင်နေတဲ့ ရှင်းယူးလ်နဲ့ မင်းသားဝမ်ဆိုတို့ ပြန်လည် ဆုံတွေ့ကြတဲ့အခါမှာတော့... သွေးချောင်းစီး ကျိန်စာသင့်နေတဲ့ ဂိုလျောမင်းသားလေးက ရှင်းယူလ်ဆိုတဲ့ မိန်းကလေးရဲ့ အလင်းပြပေးမှုကြားကနေ ဘယ်လိုဘယ်ပုံ တောက်ပလင်းလက်တဲ့ ဧကရာဇ်တစ်ပါးဖြစ်လာမလဲဆိုတာကို ဇာတ်လမ်းလေးထဲမှာ ဆက်လက်ကြည့်ရှုပေးကြပါဦးနော်။ Aired: Jan 19, 2015 - Apr 7, 2015 Aired On: Monday, Tuesday Genres: Historical, Romance, Supernatural, Political Episodes: 24 Original Network: MBC

Deranged (2012) Sci-fi Horror ဇာတ်ကား ချစ်သူတို့အတွက် 2012 တုန်းကထွက်ရှိထားတဲ့ Korea ဇာတ်ကားကောင်းလေး Deranged နဲ့မိတ်ဆက်ပေးပါရစေ။ ဇာတ်ဆောင်တွေအနေနဲ့လည်း မင်းသားကြီး Kim Myung Min နဲ့အတူ မင်းသမီးကြီး Moon Jeong Hee, Extreme Job ဇာတ်ကားထဲက လူသိများတဲ့ ရဲမေ Lee Hanee အပြင် Shinwa အဖွဲ့ရဲ့ Kim Dong Wan တို့ကပါ အားဖြည့်ပါဝင်ပေးထားတဲ့ ဇာတ်ကားကောင်းလေးပဲဖြစ်ပါတယ်။ ဇာတ်လမ်းအညွှန်း ညီဖြစ်သူ Jae Pil ရဲ့ အဆွယ်ကောင်းမှုနဲ့ Share စျေးကွက်ထဲကို ဝင်ပါခဲ့ပြီးမှ ဘဝပျက်သွားခဲ့ရတဲ့ Jae Hyuk ဟာ မိသားစုကို လောက်ငအောင် ရှာကျွေးနိုင်ဖို့အတွက် ဆေးကုမ္မဏီတစ်ခုမှာ အလုပ်လုပ်ပြီး ခက်ခက်ခဲခဲ ရုန်းကန်ရင်းကနေ အဆိုးမြင်ဝါဒီသမား ဖြစ်လာခဲ့တဲ့သူပါ။ Jae Pil ကလည်း အစ်ကိုကြီး အပေါ်အပြစ်ရှိစိတ်နဲ့ တောင်းပန်ဖို့ကြိုးစားနေပေမဲ့လည်း သူကိုယ်တိုင်က Share စျေးကွက်ထဲကနေ ရုန်းမထွက်နိုင်ဖြစ်နေရတဲ့ ရဲဝန်ထမ်းတစ်ယောက်ဖြစ်ပါတယ်။ တစ်နေ့ ရေထဲမှာ အစာငတ်ပြီး သေဆုံးထားသလိုဖြစ်နေတဲ့ အလောင်းကောင်တွေကို လူတွေ တစ်စတစ်စ ရှာတွေ့လာကြပါတယ်။ အာဏာပိုင်တွေကလည်း ဒီကိစ္စက ဘာကြောင့်မှန်း မသိနိုင်ဖြစ်နေပြီး အခြေနေတွေကတော့ ပိုပိုဆိုးရွားလာခဲ့ပါတယ်။ Jae Hyuk ရဲ့မိသားစုကပါ ဒီရောဂါ ကူးစက်ခံထားရတာဖြစ်လို့ Jae Hyuk တစ်ယောက် သူ့မိန်းမနဲ့ ကလေးနှစ်ယောက်ကို ကယ်တင်ဖို့ အသည်းအသန်ကြိုးစားရပုံကို ရင်တထိတ်ထိတ် အံတကြိတ်ကြိတ်နဲ့ ကြည့်ရှု့ရမယ့် ဇာတ်ကားလေးဖြစ်ပါတယ်။ ဆိုတော့ ဒီရောဂါဖြစ်ရတဲ့အကြောင်းရင်းက ဘာကြောင့်များဖြစ်မလဲ… ဘယ်ကစသလဲ… စတဲ့ ပဟေဠိတွေအပြင် နိုင်ငံရေးလှည့်ကွက်တွေကိုပါ သေချာရိုက်ပြထားတဲ့အတွက်ကြောင့် Survival Horror ဇာတ်ကားကောင်းကြိုက်သူတို့အတွက် အကြိုက်တွေ့စေမယ့် ဇာတ်ကားလေးပဲဖြစ်လို့ ညွှန်းဆိုပေးလိုက်ရပါတယ်။ File Size - 769 MB/ 1.7 GB Quality - BluRay 1080p/ 720p Duration - 1h 49m Format - mp4 Genre - Drama, Thriller Subtitle - Myanmar Subtitle (Hard Sub)