Leo Fitzpatrick ပါဝင်သော ဇာတ်ကားများ

The Mend (2014) IMDb Rating (5.6) / Rotten Tomatoes (78%) ဒီကားထဲက စကားပြောခန်းတွေ၊ ပြဿနာတွေက ကြည့်ရတာ ရုပ်ရှင်ဆန်မနေဘဲ ကိုယ့်ပတ်ဝန်းကျင်က လူတွေရဲ့ ရန်ပွဲတွေကို ချောင်းကြည့်နေရသလိုမျိုး တကယ့်အရှိအတိုင်း ရှိပါတယ်။ တကယ့်ကို ထူးခြားတဲ့ Indie ဇာတ်ကားတစ်ကားပါ။ ပုံမှန် မြင်နေကျ ဟောလိဝုဒ် ဇာတ်လမ်းတွေလို မဟုတ်ဘဲ လူတွေရဲ့ ပရမ်းပတာဖြစ်နေတဲ့ ဘဝတွေကို အစစ်အတိုင်း ရိုက်ပြထားတာမျိုးပါ။ ဇာတ်လမ်းက ညီအစ်ကိုနှစ်ယောက်အကြောင်းပါ။ တစ်ယောက်ကတော့ ဘဝကို ပုံမှန်အတိုင်း လျှောက်လှမ်းနေတဲ့ Alan၊ နောက်တစ်ယောက်ကတော့ စိတ်ကူးပေါက်ရာ လုပ်တတ်ပြီး ဘဝမှာ ဘာမှ သေချာရေရာမရှိတဲ့ Mat။ Mat က သူ့ရဲ့ ရည်းစားနဲ့ လမ်းခွဲပြီးတဲ့နောက်မှာ အစ်ကိုဖြစ်သူ Alan ရဲ့ အိမ်ကို ရုတ်တရက် ရောက်လာပါတော့တယ်။ အစ်ကိုဖြစ်သူ Alan ကလည်း သူ့ရဲ့ ချစ်သူနဲ့အတူ အေးအေးဆေးဆေး နေချင်နေချိန်မှာပဲ အလိုက်မသိတဲ့ ညီဖြစ်သူ Mat ရောက်လာတော့ အိမ်ထဲမှာ မီးစတောက်ပါတော့တယ်။ သူတို့ညီအစ်ကိုနှစ်ယောက်ကြားက အငြင်းပွားမှုတွေ၊ အရက်မူးပြီး ရန်ဖြစ်ကြတာတွေ၊ ပြီးတော့ တစ်ယောက်ရဲ့ ဘဝထဲကို တစ်ယောက် ဝင်နှောင့်ယှက်မိတာတွေကို အရမ်းသဘာဝကျကျ ရိုက်ပြထားပါတယ်။ ညီအစ်ကိုတွေကြားက အေးစက်စက် ဆက်ဆံရေးတွေအကြောင်း ရိုက်ပြထားတာမို့လို့ ခံစားချက်တစ်ခုခုတော့ ကျန်ခဲ့စေမယ့် ကားမျိုးပါ။ File size… (1.1 GB) / (680 MB) Quality…. WEB-Rip 1080p HEVC / 720p Format…. mkv/mp4 Genre…. Comedy Duration…. 01:49:20 Subtitle…. Myanmar Subtitle (Hardsub)

Blue Caprice (2013) ဒီဇာတ်ကားဟာ ဖြစ်ရပ်မှန် မှုခင်းတစ်ခုကို အခြေခံပြီး ရိုက်ကူးထားတဲ့ Crime Drama ဇာတ်ကားကောင်လေးတစ်ကား ဖြစ်ပါတယ်... မိခင်ရဲ့ စွန့်ပစ်ခြင်းကို ခံထားရတဲ့ လူမည်းကောင်လေးတစ်ယောက် လမ်းပျောက်ပြီး ဘဝကို ရေစုန်မျှောဖို့ လုပ်နေချိန်မှာ အိမ်အနီးက လူတစ်ယောက်က ကယ်တင်ပြီး သားအရင်းလို မွေးစားထားခဲ့ပါတယ်... အဲဒီလူမှာလည်း လူမှုရေးပြဿနာတွေနဲ့ လုံးပမ်းနေရပြီး လောကဓံရဲ့ ရိုက်ချက်တွေကို အလူးအလိမ့်ခံနေရပါတယ်...လောကကြီးကို စိတ်နာသွားတဲ့မွေးစားမိဘနဲ့ သူ့ရဲ့မွေးစားသားတို့နှစ်ယောက် ဘယ်လိုတွေ ရည်မှန်းချက်ထားပြီး ဒီလောကကို အဖြေရှာမလဲဆိုတာ ရိုက်ပြထားတဲ့ ကားကောင်လေးတစ်ကားဖြစ်လို့ ကြည့်ဖြစ်အောင် ကြည့်ဖို့ တိုက်တွန်းလိုက်ပါတယ်နော်... ဇာတ်လမ်းအညွှန်းကို Lin Aung မှ ရေးသားပေးထားပါတယ်... File Size : 1.58GB / 615MB Quality : WEB-DL 1080p 5.1ch / 720p Duration: 1 hr. 35 min. Genres: Crime, Drama Subtitle : Myanmar Subtitle (Hard Sub) Translated by Lin Aung Encoded by Heather Oo

"ဘဏ်ဘယ်လိုဖောက်ရမလဲ" ၂၀၀၇ တုန်းကထွက်ရှိခဲ့တဲ့ Thriller/Comedy ရုပ်ရှင်ပါ။ ခရမ်းချဉ်သီးပုပ်မှာ မျက်နှာပန်းမလှရှာပေမဲ့ IMDbမှာတော့ 6 အထိရရှိထားပါတယ်။ ကျွန်တော့်အတွက်ကတော့ ၂၀၀၇ လို ခုနှစ်တုန်းက ထွက်ရှိထားတဲ့ ရုပ်ရှင်တစ်ကားအနေနဲ့ စိတ်၀င်စားစရာကောင်းပြီး လက်ခံပေးလို့ရတဲ့ အဆင့်မှာရှိတယ်လို့ မြင်ပါတယ်။ ဒီရုပ်ရှင်က ရိုက်ကွင်း နှစ်ခုသုံးခုလောက်နဲ့ ပတ်ရိုက်ထားတဲ့ ရုပ်ရှင်တွေထဲက တစ်ကားပါ။ ဇာတ်လမ်းအစမှာ ဂျေဆန်တေလာဆိုတဲ့ဘဲက ဘဏ်တစ်ခု အနုကြမ်းစီးခံနေရချိန်မှာ ငွေတိုက်ထဲမှာ ဂျက်စီကာလို့‌ခေါ်တဲ့ စော်လေးတစ်ပွေနဲ့ပိတ်မိနေတယ်။ တကယ်တော့ ဒီဘဲက အနုကြမ်းစီးတဲ့အဖွဲ့နဲ့ လားလားမှမဆိုင်ဘူး။ သူ့ အေတီအမ်ကဒ်ကနေ ငွေထုတ်ရင်း အပိုကြေးထပ်ဖြတ်ခံလိုက်ရလို့ ဘဏ်မှာမကျေမနပ်နဲ့ ကွန်ပလိန်းလာတက်ရင်းကနေ အနုကြမ်းစီးတဲ့အချိန်နဲ့ တည့်တည့်တိုးပြီး ထီပေါက်သွားတာ။ ဂျေဆန်နဲ့ ဂျက်စီကာတို့ပိတ်မိနေတဲ့ ငွေတိုက်ခန်းထဲမှာ ကွန်ပြူတာတစ်လုံးရှိတယ်။ ဒီကွန်ပြူတာကို ဆယ်တန်လောက်လေးတဲ့ သံတံခါးကြီးနဲ့ပိတ်ထားတဲ့ ငွေတိုက်ထဲမှာ ထည့်ထားရခြင်း အကြောင်းရင်းတစ်ခုရှိပါတယ်။ ဒီလိုနဲ့ ဂျေဆန်တို့ဆီကို အပြင်မှာ အနုကြမ်းစီးနေတဲ့ လက်နက်ကိုင်အဖွဲ့ရယ်၊ ဓားစာခံကယ်ထုတ်ဖို့ ကြိုးစားနေတဲ့ ရဲတပ်ဖွဲ့ရယ်ဆီကနေ ဖုန်းတွေ တဂွမ်ဂွမ်လာပါတော့တယ်။ ဂျေဆန်တို့နှစ်ယောက် လိုင်းပြတ်တောင်း‌ပြတ်တောင်းဖြစ်‌တဲ့နေရာမှာ နိုကီရာဖုန်းလေးကိုသုံးပြီး ငွေတိုက်အပြင်ကနေလူတွေနဲ့ ဘယ်လိုတွေညှိနှိုင်းဆွေးနွေးပြီး အပြင်ပြန်ထွက်နိုင်ဖို့အရေး ဘယ်လိုကြံဖန်ကြိုးစားကြမလဲ၊ ဂျက်စီကာကရော ဘယ်သူလဲ ဘာကိစ္စ ဂျေဆန်နဲ့အတူ ငွေတိုက်ထဲရောက်နေဝာလဲဆိုတာကိုတော့ ဆက်လက်ကြည့်ရှုလိုက်ကြပါဦး။ File size…(1.4 GB)/(705 Mb) Quality….Webrip 1080p / 720p Format…mp4 Duration….01:21:00 Genre...Comedy, Crime, Mystery Subtitle….Myanmar Subtitle (Hardsub) Encoder….Garfield Translated by Steven Khant

ပြင်ပက ဝင်လာတဲ့ ရောဂါတွေကို ပြန်တိုက်ထုတ်ဖို့ ကိုယ်ခံအား စနစ်ဆိုတာ ရှိပါတယ်။ ဒီကောင်လေးကတော့ မွေးကတည်းက ဘာကိုယ်ခံအားမှ ပါမလာတဲ့အတွက် ရောဂါပိုး အသေးလေးဝင်ရင်တောင် သေသွားနိုင်တာမို့ လေပူဖောင်းထဲမှာပဲ အမြဲနေနေရပါတယ်။ လေပူဖောင်းလူသားရဲ့ စွန့်စားခန်းတွေ အချစ်ဇာတ်လမ်းတွေကို ခွီးနေရအောင် ရိုက်ထားတာပါ။ ကြည့်ချင်ကြမယ်ထင်ပါတယ်။ File Size : 600Mb / 300 Mb Quality : Bluray 720p Format…mp4 Duration…02:01:00 Genre : Comedy, Crime, Biography Subtitle : Myanmar Subtitle (Hard Sub) Translated by Elizabeth Encoded by Littleneo

Bully (2001) IMDb: 6.9/10 Rotten Tomatoes: 54% Genre: Biography, Crime, Drama Bully ရုပ်ရှင်ဟာ ၁၉၉၃ ခုနှစ် ဇူလိုင်လ ၁၄ရက်နေ့တုန်းက ဖလော်ရီဒါမှာဖြစ်ခဲ့တဲ့ ဘော်ဘီကန့်တ်ဆိုတဲ့ ဆယ်ကျော်သက်တစ်ယောက်အသတ်ခံရတဲ့အမှုကို အ‌ခြေခံထားတဲ့ ဖြစ်ရပ်မှန်ဇာတ်လမ်းတစ်ပုဒ်ဖြစ်ပါတယ်။ အဖော်အချွတ်များပါပြီး စကားပြောတွေလည်းရိုင်းသောကြောင့် မိသားစုနဲ့ကြည့်ရန်မသင့်တော်ပါ။ ဇာတ်ညွှန်း ခင်ဗျားတို့လူတစ်ယောက်ကိုမုန်းလွန်းလို့ သတ်ပစ်ချင်လောက်တဲ့အထိဖြစ်ဖူးလား။ ဒါပေမယ့်စိတ်အေးတဲ့အချိန်ခင်ဗျားပြန်တွေးကြည့်လိုက်ရင် သတ်မယ်သာပြောတာ အစီအစဉ်မရှိ၊ သတ်ပြီးဘယ်လိုလုပ်မှာလဲဆိုတဲ့ အရံအတွေးမရှိ၊ လူသတ်ရတာဟာမလွယ်တဲ့အလုပ်ဆိုတာကိုသိလာပါလိမ့်မယ်။ ခုဒီအဖြစ်အပျက်မှာလည်းအဲလိုပဲဖြစ်ပါတယ်။ ဘော်ဘီဆိုတဲ့ကောင်လေးဟာရိုင်းစိုင်းပြီးအတော်လေးကို မောက်မာပါတယ်။ အထူးသဖြင့်ငယ်သူငယ်ချင်း မာတီကို အရမ်းအနိုင်ကျင့်ပါတယ်။ လက်ပါတယ်၊ လူကြားထဲအရှက်ခွဲတယ်။ ဘော်ဘီဟာအရမ်းကိုဆိုးပါတယ်။ သူ့ကြောင့်နစ်နာခဲ့တဲ့လူတွေလည်းများနေပါပြီ။ အဲဒါကိုမကျေနပ်တဲ့ ဘော်ဘီရဲ့ကောင်မလေး လီဆာ ဟာ ဘော်ဘီကိုသတ်ရအောင်ဆိုပြီး ပြောလာပါတယ်။ နှစ်ယောက်ထဲနဲ့လုပ်လို့မရဘူးဆိုတာကိုသိတော့ ဘော်ဘီမုဒိန်းကျင့်တာကိုခံဖူးတဲ့ အယ်လီကိုခေါ်ခဲ့ပါတယ်။ ဒီလိုနဲ့ သူတို့အဆက်အသွယ်တွေနဲ့အုပ်စုကတောင့်လာပါတယ်။ ဘော်ဘီကိုသူတို့ဘယ်လိုများဆက်ကိုင်တွယ်မှာလဲ။ ဖြစ်ရပ်မှန်ဇာတ်လမ်းမလို့ကြည့်နေရင်း စိတ်မသက်မသာဖြစ်ရသလို၊ သံဝေဂလည်းရစေမှာသေချာပါတယ်။ File size…    2.4 GB /  1.1 GB Quality… BluRay 1080p / 720p Format… mp4 Duration…. 1h 48m Genre ..... Biography, Crime, Drama Subtitle…. Myanmar Subtitle (Hard Sub) Encoder…. LegoHeart Translated by LuciferMaximoff

ခရစ်စမတ်ရာသီ နယူးယောက်မြို့က Bloomingdale ကုန်တိုက်မှာ ဂျိုနာသန်နဲ့ ဆာရာတို့ စတွေ့ကြပါတယ်။ ကတ်ရှ်မဲလက်အိတ်အနက်တစ်စုံကို ဝယ်ဖို့ နှစ်ယောက်လုံး တစ်ပြိုင်တည်း လှမ်းကိုင်မိကြတာပါ။ ချစ်သူကိုယ်စီရှိနေကြပေမယ့် စကားပြောရင်း အဆင်ပြေသွားကြပြီး Serendipity 3 ဆိုတဲ့ဆိုင်မှာ အတူထိုင်ဖြစ်ကြတယ်။ ဆာရာကလည်း သူ့ဘဝရဲ့ ဆုံးဖြတ်ချက်တွေအကြောင်း ပြောပြဖြစ်ပါတယ်။ ဆိုင်မှာ ကျန်ခဲ့တဲ့ပစ္စည်းတွေကို ပြန်ယူဖို့ လာကြတဲ့အခါ နှစ်ယောက်သား ထပ်ဆုံကြပြန်တယ်။ ဒီလိုပြန်တွေ့ရတာကို ရေစက်လို့ ယူဆပြီး ဖုန်းနံပါတ်တွေ ဖလှယ်ကြပေမယ့် ဆာရာ့လက်ထဲက နံပါတ်ရေးထားတဲ့စာရွက် လေထဲလွင့်သွားတော့ ဆာရာက နမိတ်မကောင်းဘူးလို့ ယူဆလိုက်ပါတယ်။ ဒါကြောင့် တခြားနည်းနဲ့ အဆက်အသွယ်ချန်ခဲ့ဖို့ ဆုံးဖြတ်ကြတယ်။ တစ်ယောက်က ငါးဒေါ်လာတန်ပေါ်မှာ ဖုန်းနံပါတ်ရေးပြီး နောက်တစ်ယောက်က နောက်နေ့ရောင်းမယ့် စာအုပ်တစ်အုပ်ရဲ့ အတွင်းဖုံးမှာ ရေးထားလိုက်ကြပါတယ်။ တကယ်ဖူးစာပါရင် အဲဒီပိုက်ဆံ ဒါမှမဟုတ် စာအုပ်ကို တစ်ယောက်ယောက် ပြန်တွေ့ပြီး အဆက်အသွယ်ရလာမယ်ဆိုတဲ့ မျှော်လင့်ချက်နဲ့ပါ။

Another Day in Paradise ဇာတ်ကားကို 1998 ခုနှစ် မှာဒါရိုက်တာ Larry Clark ကရိုက်ကူးခဲ့ပြီး James Woods၊ Melanie Griffith၊ Vincent Kartheiser နဲ့ Natasha Gregson Wagner တို့ပါဝင်ထားတဲ့ အမေရိကန်မှုခင်းဒရာမာဇာတ်ကားလေးပဲ ဖြစ်ပါတယ် Eddie Little နာမည်တူ 1997 ဝတ္ထုကိုအခြေခံထားကာဒါရိုက်တာ Clark ရဲ့ ဒုတိယမြောက်ကားဖြစ်ပြီး 1999 Festival du Film Policier de Cognac မှာ Grand Prix ဆုကိုလည်း ရရှိထားတဲ့ကားလေးဖြစ်ပါတယ် ၁၉၇၀ ခုနှစ်အနောက်အလယ်ပိုင်းကာလမှာ စိတ်ကြွဆေးစွဲနေတဲ့ ဆယ်ကျော်သက်လူငယ် Bobbie ဟာ ဒေသတွင်းကောလိပ်တစ်ခုရဲ့အရောင်းစက်ကိုခိုးယူရာ ညစောင့်တစ်ဦးရဲ့ရိုက်နှက်မှုကိုခံခဲ့ရပြီး ဒဏ်ရာအပြင်းအထန်ရရှိခဲ့တယ် Bobbie ဒဏ်ရာသက်သာဖို့ သူ့ချစ်သူ Rosie က ဆေး‌အရောင်းအ၀ယ်လုပ်သူ Mel ကိုခေါ်ပြီးကုသပေးခဲ့တယ် အဲဒီကနေ Mel ကကောင်လေးကိုသဘောကျသွားပြီး သူနဲ့သူ့ချစ်သူ Sid တို့က ကလေးသာသာရှိသေးတဲ့ Bobbie တို့ချစ်သူစုံတွဲကို အတူတူအလုပ်လုပ်ဖို့ ခေါ်ထားရင်း မိသားစုလိုသံဃောဇဉ်ဖြစ်လာကြတယ် ပထမဆုံး ဆေးခန်းငယ်တစ်ခုက မူးယစ်ဆေးတွေခိုးယူနိုင်ခဲ့ကြပြီး ပြန်ရောင်းချတဲ့အလုပ်ကို အတူတူလုပ်လာကြတယ် မူးယစ်‌ဆေးရောင်းတာဖြစ်လို့ လူကြမ်းမျိုးစုံ လူမိုက်မျိုးစုံနဲ့ကြုံလာရကာ Mel နဲ့ Bobbie တို့ ဘယ်လိုအခက်အခဲတွေကြုံလာရမလဲ လူမိုက်တွေရဲ့ သတ်ဖြတ်မှုကို ခံရမလား ရဲလက်ထဲအဖမ်းခံရမလား ဆေးတွေရောင်းထွက်ပြီး ကောင်းမွန်တဲ့ဘ၀တစ်ခုမှာ နေထိုင်သွားနိုင်ကြမလားဆိုတာ ရင်ခုန်စိတ်လှုပ်ရှားဖွယ်စောင့်ကြည့်ရမယ့် ကားလေးပဲဖြစ်ပါတယ် File size…(2.1 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Crime, Drama Subtitle….Myanmar Subtitle (Hardsub) Encoder….Swan Min Htet