Lesley Sharp ပါဝင်သော ဇာတ်ကားများ

Pillion (2025) +++++ IMDb Rating (7.0) / Rotten Tomatoes (100%) မင်းသားကြီး Alexander Skarsgård နဲ့ Harry Potter ရုပ်ရှင်တွေထဲမှာ ဒက်ဒလေအဖြစ်သရုပ်ဆောင်ခဲ့တဲ့ မင်းသား Harry Mellingတို့ အဓိကပါဝင်ထားတဲ့ Queer/BL ရုပ်ရှင်ဇာတ်ကားကို တင်ဆက်ပေးလိုက်ချင်ပါတယ်။ ဒီဇာတ်ကားဟာ သမားရိုးကျ အချစ်ကားတွေနဲ့မတူဘဲ နာမည်ကျော် Call Me by Your Name ရုပ်ရှင်လိုမျိုး စိတ်ခံစားချက်ကို အသားပေးရိုက်ကူးထားတာပါ။ ဘဝကို ပုံစံခွက်ထဲမှာပဲ ဖြတ်သန်းနေတဲ့ Colin ဟာ တစ်နေ့မှာတော့ သူနဲ့ လုံးဝဆန့်ကျင်ဘက်ဖြစ်တဲ့၊ လွတ်လပ်ပြီး အရိုင်းဆန်တဲ့ ဆိုင်ကယ်သမား Ray နဲ့ ဆုံတွေ့ခဲ့ပါတယ်။ Ray ရဲ့ ဆိုင်ကယ်နောက်ထိုင်ခုံမှာ လိုက်ပါရင်း တဖြည်းဖြည်းနဲ့ Colinရဲ့‌ အေးစက်‌‌နေတဲ့ ဘဝဟာလည်း ပိုမိုအသက်ဝင်လှုပ်ရှားလာခဲ့ပါတယ်။ မြို့ပြရဲ့ မီးရောင်အောက်မှာ ဆိုင်ကယ်စီးရင်း သူတို့နှစ်ယောက်ကြားက သံယောဇဉ်ဟာ စကားလုံးတွေမလိုဘဲ ရိုးရှင်းစွာ အမြစ်တွယ်လာပုံကို ရိုက်ကူးထားတာပဲဖြစ်ပါတယ်။ ဒီဇာတ်ကားဟာ အက်ရှင်တွေ၊ ဟာသတွေထက် လူသားနှစ်ယောက်ကြားက "စစ်မှန်တဲ့ နားလည်မှု" နဲ့ "လွတ်လပ်မှု" ကို အဓိကဖော်ပြထားတာပါ။ ရုပ်ရှင်ရဲ့ ရိုက်ချက်တွေ (Cinematography) နဲ့ နောက်ခံ တေးဂီတတွေကလည်း အထီးကျန်ဆန်သလိုလိုနဲ့ နွေးထွေးတဲ့ ခံစားချက်တစ်ခုဆီ ခေါ်ဆောင်သွားပေးမှာဖြစ်လို့ Ray နဲ့ Colinနှစ်ယောက် ဘယ်လို ဇာတ်သိမ်းမျိုးရရှိသွားမလဲဆိုတာကို ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။ File Size… (2.03GB) / (810 MB) Quality… WEB-DL 1080p HEVC /720p Format…mkv / mp4 Duration…1h 47m Genre … Comedy , Drama , Romance Subtitle….Myanmar Subtitle (Hard Sub)

Red Eye ဒီစီးရီးလေးကတော့ ၂၀၂၄ မှာ ပူပူနွေးနွေးထွက်ရှိလာတဲ့ လူသတ်မှုတွေရဲ့ နောက်ကွယ်ကလက်သည်ကို စိတ်ဝင်စားစွာ အဖြေရှာရမယ့် ဗြိတိန် Thriller စီးရီးလေးဖြစ်ပါတယ်။ ဒေါက်တာမက်သရူးနိုလန်ဟာ အရည်အချင်းရှိတဲ့ ဆရာဝန်တစ်ယောက်ဖြစ်ပြီးတော့ သူဟာ အလုပ်ခရီးပြီးလို့ တရုတ်နိုင်ငံ ပေကျင်းမြို့ကနေ လန်ဒန်ကို ပြန်လာတဲ့အခါမှာ ပေကျင်းမြို့က ကောင်မလေးတစ်ယောက်ကို သတ်ဖြတ်မှုနဲ့ ဆိုင်းမဆင့်ဗုံမဆင့် လေဆိပ်မှာတင် ဖမ်းခံလိုက်ရပြီး ဗြိတိန်အစိုးရက သူ့ကို လူသတ်တရားခံအနေနဲ့ တရားရင်ဆိုင်ခိုင်းဖို့ တရုတ်အစိုးရလက်ထဲကို အပ်လိုက်တဲ့အတွက် တရုတ်ကို သွားမယ့်လေယာဉ်ပေါ်မှာ သူ့ကိုစောင့်ကြည့်ဖို့ တာဝန်ကျတဲ့ စုံထောက်ဖြစ်သူ ဟန်နာနဲ့အတူ ပြန်ပါလာခဲ့ပါတယ်။ ဒီလိုနဲ့ လန်ဒန်ကနေ ပေကျင်းကို သွားမယ့် လေယာဉ်ပေါ်မှာ ဒေါက်တာမက်သရူးကို လုပ်ကြံနှုတ်ပိတ်ဖို ကြိုးစားလာတဲ့အခါမှာ နောက်ကွယ်မှာ တကယ့်လက်သည်က တခြားလူဖြစ်နေမလား၊ ဘာလို့ သာမန်ဒေါက်တာ မက်သရူးက ဒီလိုရှုပ်ထွေးတဲ့ကိစ္စမှာ ဘယ်လိုကြားညှပ်ပါလာတာလဲ၊ ဒီလူသတ်မှုအပြင် ပိုကြီးမားတဲ့ကိစ္စများရှိနေမလားဆိုတာကို ရင်ခုန်စိတ်လှုပ်ရှားဖွယ်ရာ အဖြေရှာရမယ့် စီရီးကောင်းလေးဖြစ်ပါတယ်။ File size…(772 MB) Quality….Webrip 1080p Format…mp4 Duration….00:57:00 Genre...Action And Adventure Subtitle….Myanmar Subtitle (Hardsub) Encoder….Mr. Anderson Translated by Matteo

အင်္ဂလန်အလယ်ခေတ်မှာ ဘာဒီလို့ ချစ်စနိုးခေါ်ကြတဲ့ အသက်ဆယ့်လေးနှစ်အရွယ် ကတ်သရင်းဟာ သခင်ရိုလိုနဲ့ လေဒီအက်ရှ်လင်းတို့ရဲ့ တစ်ဦးတည်းသော သမီးပါ။ သူ့မှာ အက်ဒဝပ်နဲ့ ရောဘတ်ဆိုတဲ့ အစ်ကိုနှစ်ယောက်လည်း ရှိပါတယ်။ စီးပွားကျနေတဲ့ စံအိမ်သခင်ရိုလိုက ဘေးစကားတွေကို နားယောင်ပြီး ခေတ်ထုံးစံအတိုင်း သမီးကို သူဌေးတစ်ယောက်နဲ့ ပေးစားဖို့ ကြံနေတယ်။ ကလေးသာသာရှိသေးတဲ့ ဘာဒီကတော့ အိမ်ထောင်ပြု၊ ကလေးမွေးရမယ့်အရေးကို ကြောက်နေသူပါ။ ဒါကြောင့် လာပိုးပန်းသူတွေကို နည်းမျိုးစုံနဲ့ လန့်ပြေးအောင် လုပ်တယ်။ အဖေက ရိုက်နှက်ပေမဲ့လည်း အလျှော့မပေးသလို သူအပျိုဖြစ်လာတာကိုပါ ဖုံးကွယ်ထားခဲ့ပါတယ်။ ဒါပေမဲ့ တစ်နေ့မှာ သူ့အဘိုးအရွယ်လောက်ရှိတဲ့ သခင်ကြီးတစ်ယောက်ကို လက်ထပ်ရမယ့် အခြေအနေ ဖြစ်လာတော့တယ်။ ဦးလေးဂျော့ဂ်ျက သူ့ကို ကယ်ပေးနိုင်မယ်လို့ ဘာဒီ ထင်ထားပေမဲ့ မျှော်လင့်သလို ဖြစ်မလာပါဘူး။ ဘဝအပြောင်းအလဲတွေကို သူဘယ်လိုရင်ဆိုင်မလဲဆိုတဲ့အကြောင်းကနေ အဲဒီခေတ်က ကျားမခွဲခြားမှုနဲ့ မိန်းကလေးတွေကို ရောင်းကုန်လို သဘောထားမှုတွေကို ဟာသ၊ ဒရမ်မာရောပြီး ပြထားပါတယ်။ ဘာဒီအဖြစ် Bella Ramsey သရုပ်ဆောင်ထားပြီး Sherlock စီးရီးမှာ ဂျင်မ်မိုရီရာတီအဖြစ် ပါဝင်ခဲ့တဲ့ Andrew Scott လည်း ဒီကားမှာ ပါဝင်ထားပါတယ်။

Inkheart (2008) တချို့ပုံပြင်တွေဟာ ဖတ်ရုံပဲဆိုပေမယ့် တချို့ပုံပြင်တွေဟာ အသက်ဝင်လာနိုင်ပါတယ်.... အဲ့လို အသက်ဝင်အောင် လုပ်နိုင်စွမ်းရှိတဲ့ ပုံပြောဆရာတွေလည်း ရှိခဲ့တယ်... အသံထွက်ဖတ်ပြီး ဇာတ်ကောင်တွေ၊ အဖြစ်အပျက်တွေကို ဆင့်ခေါ်နိုင်တဲ့သူတွေပေါ့။ မော်တီမာလည်း အဲဒီအစွမ်းကို မွေးရာပါ လက်ဆောင်အနေနဲ့ ရရှိခဲ့ပါတယ်။ ဒါပေမဲ့ သူက အဲဒီအစွမ်းကိုမသိပဲ အသံထွက်ဖတ်ပြီး ပုံပြင်ထဲက လူဆိုးတွေကို ဆင့်ခေါ်မိတဲ့အခါမှာ လူဆိုးတွေရဲ့တိုက်ခိုက်တာလည်းခံရ၊ သူ့ဇနီးလည်း ပုံပြင်စာအုပ်ထဲကိုရောက်ရှိသွားပြီး မော်တီမာ တစ်ယောက်ဒုက္ခရောက်သွားတယ်။ သူ့ဇနီးရောက်သွားတဲ့ပုံပြင်စာအုပ်ကို နှစ်နဲ့ချီ လိုက်ရှာနေရင်း တစ်နေ့မှာတော့ အတိတ်ရဲ့ တစ္ဆေတွေဟာ သူ့အိမ်တံခါးကို လာခေါက်ပါတော့တယ်။ သူ့ရဲ့ဇနီးကို စာအုပ်ထဲကနေ ပြန်ခေါ်နိုင်မလား၊ စာအုပ်ထဲက လူဆိုးတွေကပဲ တကယ့်လောကကြီးမှာ ကြီးစိုးသွားမလား ဆိုတာတော့ Mummy ကားတွေနဲ့ နာမည်ကြီးခဲ့တဲ့ မင်းသား Brendan Fraser ဦးဆောင်ပါဝင်ထားတဲ့ ဒီ Old but Gold ဇာတ်ကားကောင်းလေးကိုကြည့်ရင်း အဖြေထုတ်ကြတာပေါ့ဗျာ...... (ဇာတ်ကားနဲ့အညွှန်းကို Sai Thurein Lynn မှ ပြန်ဆိုရေးသားထားပါတယ်) Size - 1.6GB, 1.1GB Quality - 1080p, 720p IMDb Rating - 6.1/10 Format - mp4 Duration - 1H 46Min Type - Adventure, Family, Fantasy Subtitle - Myanmar Subtitle (Hardsub) Translated by Sai Thurein Lynn Encoded by Y

ဒီကားကတော့ ဇာတ်ကားနာမည်အတိုင်းပဲဗယ်ရာဒရိတ်ဆိုတဲ့ အမျိုးသမီးတစ်ယောက်အကြောင်းကို အဓိကဦးစားပေးပြီး ရိုက်ပေးထားတာပါ။ ဇာတ်လမ်းအညွှန်းကိုပြောရရင် ၁၉၅၀ခုနှစ်ဝန်းကျင်က လန်ဒန်မှာ ဗယ်ရာဒရိတ်ဆိုတဲ့ အမျိုးသမီးတစ်ယောက်ရှိတယ်။ သူမက ကြင်နာတတ်ပြီး တစ်ကိုယ်ကောင်းဆန်မှုလုံးဝမရှိတဲ့ သဘောအကောင်းဆုံးလူပေါ့။ သူက သူများအိမ်တွေမှာ သန့်ရှင်းရေးလုပ်ရပေမယ့် အိမ်ရှင်တွေကရော သူ့မိသားစုကရော ချစ်ခင်တာကိုခံရတဲ့သူတစ်ယောက်ပါ။ ဒါပေမယ့် သူနဲ့ရင်းနှီးတဲ့သူတွေမသိကြတာတစ်ခုက သူမဟာ ကိုယ်ဝန်မလိုချင်တဲ့မိန်းကလေးတွေကို သူတို့သဘောအတိုင်း ကိုယ်ဝန်ဖျက်ချပေးတာတွေကို လျို့ဝှက်စွာလုပ်နေခဲ့တာပါ။ သူမအနေနဲ့ကတော့ ကောင်းစေချင်တဲ့စိတ်နဲ့ ပိုက်ဆံတောင်မယူဘဲ မိန်းကလေးတွေကိုအခမဲ့ဖျက်ချပေးပြီး ကူညီပေးနေတာပေါ့။ တစ်ကယ်တမ်း အဲဒီလိုဖြစ်သလိုဖျက်ချတာက အရမ်းအန္တရာယ်ရှိကြောင်းကို အရမ်းနောက်ကျပြီးမှသိလိုက်ရတဲ့အပြင် ရဲတွေကပါလိုက်ပြီးစုံစမ်းနေတာကို သိလိုက်ရတဲ့အချိန်မှာတော့ ဘယ်လိုဖြစ်သွားမလဲ? တစ်သက်လုံးချစ်ခင်လေးစားလာတဲ့ သူ့မိသားစုကရော ခွင့်လွှတ်နိုင်မလားဆိုတာကို ကြည့်ရှုခံစားပေးကြပါဦး။ File size…(2.4 GB)/(1.5 GB) Quality….Webrip 1080p / 720p Format…mp4 Duration….02:05:00 Genre...Drama Subtitle….Myanmar Subtitle (Hardsub) Encoder….Mr. Anderson Translated by Mastero

CM Fan တွေ အတွက် မင်းသားကြီး Johnny Depp ငယ်စဉ်က သရုပ်ဆောင်ခဲ့တဲ့ ရုပ်ရှင်ကားကောင်း တစ်ခုနဲ့ မိတ်ဆက်ပေးချင်ပါတယ် ၂၀၀၁ ခုနှစ်က ထွက်ရှိခဲ့တဲ့ From Hell ဆိုတဲ့ သည်းထိတ်ရင်ဖို စုံထောက် ရုပ်ရှင်ကားဖြစ်ပါတယ် IMDb Rating 6.8 ထိ ရရှိထားပါတယ် Johnny Depp နဲ့ အတူ မင်းသမီး Heather Graham ပါ သရုပ်ဆောင်ထားပါတယ် ဇတ်လမ်းပုံစံကတော့ ဒုစရိုက်မှုတွေ ကြီးစိုးတဲ့ မြို့တစ်ခုမှာ ရဲစုံထောက် နာမည်ကျော် အက်ဗာလိုင်း ဆိုတဲ့ လူတစ်ယောက်ရှိတယ် သူက ဘယ်လောက်ထိ နာမည်ကြီးလဲဆိုရင် သေနေတဲ့သူရဲ့ အလောင်းကို ကိုင်ကြည့်ရုံနဲ့ လူသတ်မှုကို ခြေရာခံနိုင်ပါသတဲ့ စိတ်စွမ်းအင်လဲ ရှိပြီး လူသတ်မှုတွေ မဖြစ်ခင် ကြိုတင်အာရုံရတက်ပါတယ် သူက လူထူးလူဆန်းလို ဖြစ်နေပြီး မြို့နယ် ရဲတပ်ဖွဲ့ရဲ့ အားကိုးရာလဲဖြစ်ပါတယ် ပုံစံ အရ ပြောရရင် မင်းသိင်္ခ ဝတ္တုထဲက ဆားပုလင်း နှင်းမောင် လိုပေါ့... တစ်ရက်မှာတော့ အဲ့ဒီ မြို့သေးသေးလေးမှာ အမှုအခင်း ထူးထူးဆန်းဆန်း တစ်ခုဖြစ်ခဲ့ပါတယ်... အဲ့ဒါကတော့ ပြည့်တန်ဆာ တွေကို လိုက်သတ်နေတဲ့ ကွင်းဆက်လူသတ်သမား တစ်ယောက် ရှိနေပြီး ပြည့်တန်ဆာတွေကို သတ်ပြီးရင် လိင်အင်္ဂါကို လှီးယူသွားတက်ပါတယ် ရဲတွေလဲ အတော် ခေါင်းစားနေပါပြီ ဒီအမှု ကို ဖြေရှင်းနိုင်မယ့်သူကလဲ တစ်ယောက်ပဲ ရှိပါတယ် သူကတော့ အက်ဗာလိုင်း ပေါ့.... ဇတ်လမ်းက စကြည့်ကတည်းကနေ အဆုံးထိ အင်မတန် စိတ်ဝင်စားဖို့ကောင်းပါတယ် အင်္ဂလန်ဘုရင်မကြီး နဲ့ တော်ဝင်မျိုးဆက်တွေ အပါအဝင် မြန်မာပြည်မှာနာမည်ကြီးတဲ့ ပလျှူးခေါင်းဖြတ် ဂိုဏ်းလို့ နာမည်ကြီးတဲ့ ဖရီးမေဆင် လို ဂိုဏ်းတွေပါ ပါဝင်လာခဲ့ပါတယ် Firday ည အတွက် ညစာ လို့ သက်မှတ်ပြီး ကြည့်ရှုနိုင်ပါပြီ... ဇတ်လမ်းကို မေသူ က ဘာသာပြန်ပေးထားပါတယ်

The Full Monty (1997) comedy, drama ဇာတ်လမ်းအမျိုးအစားဖြစ်ပြီးတော့ imdb rating 7.2 ရရှိထားတဲ့ဇာတ်ကားတစ်ကားဖြစ်ပါတယ်။ ဇာတ်လမ်းအကျဉ်း တစ်ချိန်ကဖွံ့ဖြိုးတိုးတက်ခဲ့တဲ့မြို့လေးထဲက သံမဏိစက်ရုံတစ်ရုံပိတ်သိမ်းသွားချိန်မှာ အလုပ်လက်မဲ့ဖြစ်သွားတဲ့အလုပ်သမားပေါင်းများစွာဟာအချိန်အတော်ကြာတဲ့အထိဒုက္ခရောက်ကုန်ကြပါတယ်။ အဲဒီလူတွေထဲမှာအိမ်ထောင်ကွဲထားတဲ့ ဂယ်ရီဆိုတဲ့အမျိုးသားတစ်ဦးပါဝင်ပြီး သူ့ရဲ့သားကိုအုပ်ထိန်းပိုင်ခွင့်အတွက် ပိုက်ဆံလိုနေချိန်မှာ ပိုက်ဆံရလွယ်တဲ့ အမျိုးသား stripper လုပ်ဖို့အကြံရလာပါတော့တယ်။ အဲဒီမှာသူ့သူငယ်ချင်းနဲ့ပူးပေါင်းပြီး အဖွဲ့တစ်ဖွဲ့ဖြစ်အောင်လူစုကာ ပိုက်ဆံရှာဖို့ကြိုးစားရင်း ဘယ်လိုအလွဲတွေနဲ့ကြုံရမလဲ သူ့အဖွဲ့ထဲကိုဘယ်လိုလူတွေပါလာမလဲဆိုတာ ဇာတ်လမ်းလေးထဲမှာကြည့်ရှုခံစားကြည့်လိုက်ပါဦး။ File size… (1.6 GB) / (850 MB) Quality…. Blu-Ray 1080p HEVC / 720p Format…. mp4 Genre…. Comedy, Drama Duration…. 01:31:45 Subtitle…. Myanmar Subtitle (Hardsub)