Li Landy ပါဝင်သော ဇာတ်ကားများ

Lin Yi ကိုချစ်ကြတဲ့ ပရိသတ်တွေအတွက် March လကတော့ တကယ်ကို ပျော်စရာအကောင်းဆုံးလဖြစ်နေတော့မှာပါပဲ ။ Every one loves me ကိုပြနေတုန်းမှာပဲ လင်ယိကောကောရဲ့ Angels fall sometime ဆိုတဲ့နောက်ထပ်ဇာတ်ကားအသစ်လေး ထွက်ရှိလို့လာပြန်ပါပြီ ။ ဒီကားလေးထဲမှာ လင်ယိက Lin Tuo ဆိုတဲ့ကောင်လေးအနေနဲ့ ပါဝင်သရုပ်ဆောင်ထားပါတယ် ။ ဇာတ်လမ်းအကျဉ်းလေးအနေနဲ့ - Lin Tuo ဆိုတဲ့ကောင်လေးက သူ့ရဲ့လူငယ်ဘဝအစပြုနေတဲ့အချိန်မှာ ဂျူနီယာနှစ် နွေရာသီအလုပ်သင်ခေါ်ယူခြင်း အစီအစဉ်မှာ ပါဝင်ရင်း An Zhi Yue ဆိုတဲ့ကောင်မလေးနဲ့တွေ့ဆုံခဲ့ပါတယ် ။ နှစ်ယောက်လုံးက တစ်ယောက်ကိုတစ်ယောက် မြင်မြင်ချင်းမှာပဲ ချစ်မိသွားခဲ့ကြပါတယ် ။ ဒီလိုနဲ့ ဘွဲ့ယူရမဲ့အချိန်ကလည်းနီးလာပြီး နှစ်ယောက်လုံးကလည်း ခံစားချက်တွေတည်ဆောက်ရင်း တကယ့်လက်တွေ့ဘဝထဲမှာ အလုပ်တွေလုပ်ရင်းနဲ့ အနာဂတ်ကိုပုံဖော်အစပျိုးနေကြတဲ့အချိန်ပေါ့ ။ ဒါပေမဲ့ ဘဝကအမြဲတမ်း သာယာမနေတတ်ခဲ့ပါဘူး ။ အရာအားလုံးအဆင်ပြေနေပြီလို့ ထင်နေတဲ့အချိန်မှာပဲ Lin Tuo မှာ ALS လို့ခေါ်တဲ့ အာရုံကြောရောဂါတစ်မျိုးရှိနေကြောင်း ဆေးစစ်ချက်အဖြေထွက်လာခဲ့ပါတယ် ။ ဒါပေမဲ့ စိတ်ဓာတ်မာကျောတဲ့ Lin Tuo က ‌ ရောဂါကသူ့ဘဝကို ဘယ်လောက်ပဲ အညွန့်တုံးသွားပါစေ သူကတော့ ရဲရဲဝံ့ဝံ့ရင်ဆိုင်ဖို့ဆုံးဖြတ်လိုက်ပါတယ် ။ ဒီလိုရောဂါဖြစ်နေတဲ့ Lin Tuo တစ်ယောက် ကံကြမ္မာကိုအလျော့မပေးဘဲ ဘယ်လိုရှေ့ဆက်သွားမလဲ ? ချစ်သူလေးကရော သူ့ကိုဘယ်လိုအဖော်ပြုပေးမလဲ ဒါမှမဟုတ် နှစ်ယောက်ကြားက တည်ဆောက်ထားတဲ့အချစ်တွေကရော တည်မြဲနိုင်ပါ့မလားဆိုတာကို ဇာတ်လမ်းလေးထဲမှာ စိတ်ဝင်စားစွာ ကြည့်ရှုရမှာပဲဖြစ်ပါတယ်ရှင့် ။ စောင့်ကြည့်ကြဖို့ မမေ့ပါနဲ့နော် ။ Quality : WEB-DL 1080p , 720p Total Episodes : 24 Format : mp4 Genres : Drama, Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Kay Thwe Phyo Encoded by LK

နာမည်ကျော် တရုတ်ရှေးဟောင်း ပန်းချီကားချပ်ကြီးတစ်ခုကို အလုအယက် ရယူချင်နေကြတဲ့ နိုင်ငံတကာက မှုခင်းဂိုဏ်းတွေ၊ အလှည့်အပြောင်းတွေနဲ့ ပြည့်နှက်နေတဲ့ သူလျှို အက်ရှင် ဇာတ်ကားကို ကြည့်ချင်တဲ့သူတွေအတွက် အကြိုက်တွေ့စေမယ့် ဇာတ်ကားကောင်းတစ်ကားနဲ့ မိတ်ဆက်ပေးပါရစေ။ ဇာတ်လမ်းအညွှန်း >>> တရုတ်နိုင်ငံရဲ့ တန်ဖိုးမဖြတ်နိုင်တဲ့ သမိုင်းဝင် ရှေးဟောင်းပန်းချီကားချပ်ကြီးဖြစ်တဲ့ "ဖူချွန်းတောင်တန်းမှ နေအိမ် (Dwelling in the Fuchun Mountains)" ဟာ ပြပွဲမစတင်ခင်မှာပဲ နိုင်ငံတကာ မှောင်ခိုဈေးကွက်မှာ ဈေးကောင်းပေးပြီး အဝယ်လိုက်ခြင်းကို ခံလိုက်ရပါတယ်။ ဒီသတင်းကြောင့် ဂျပန်ယာကူဇာ ဂိုဏ်းတွေ၊ ဗြိတိန်က ကြေးစားသူခိုးတွေဟာ ပန်းချီကားကြီးကို ခိုးယူဖို့ အလုအယက် လှုပ်ရှားလာကြပါတော့တယ်။ဒီလိုရှုပ်ထွေးနေတဲ့ အခြေအနေမှာ အရင်က အမှုတစ်ခုကြောင့် နာမည်ပျက်ပြီး အနားယူထားတဲ့ အထူးအေးဂျင့် 'ရှောင်းကျင်းဟန်' (Andy Lau) ဟာ သူ့ရဲ့အပြစ်ကင်းစင်ကြောင်း သက်သေပြဖို့အတွက် ဒီပန်းချီကားချပ်ကြီးကို ပြန်လည်ရယူဖို့ လျှို့ဝှက်တာဝန်တစ်ခုနဲ့ ပြန်လည်ဝင်ရောက်လာပါတော့တယ်။ တစ်ဖက်မှာလည်း ပန်းချီကားကို ကာကွယ်ဖို့ တာဝန်ယူထားတဲ့ အာမခံအရာရှိ 'လင်းယွီယန်း' (Zhang Jingchu) ဟာလည်း မျှော်လင့်မထားတဲ့ အန္တရာယ်တွေနဲ့ ရင်ဆိုင်လာရပါတယ်။ အေးဂျင့် ရှောင်းကျင်းဟန် ဟာ ဒူဘိုင်း၊ တိုကျို နဲ့ ဟန်ကျိုး မြို့တွေကို ဖြတ်သန်းပြီး ပန်းချီကားကို လိုက်လံရှာဖွေရင်းနဲ့ ဆွဲဆောင်မှုရှိပြီး အန္တရာယ်များတဲ့ လျှို့ဝှက်ဆန်းကြယ် အမျိုးသမီး 'လီရှား' (Lin Chi-ling) နဲ့ ထိပ်တိုက်တွေ့ဆုံတဲ့အခါမှာတော့... ဘယ်သူက ရန်သူလဲ၊ ဘယ်သူက မိတ်ဆွေလဲဆိုတာ ခွဲခြားရခက်တဲ့ အခြေအနေတွေကို ရင်ဆိုင်ရပါတော့တယ်။ Filesize : 1.97 GB / 1.02 GB Quality : WEB-DL 1080p HEVC , 720p HEVC Format : mp4 Genres : Action, Adventure, Thriller, and Crime Runtime : 2h 2 min Subtitle : Myanmar Subtitle ( Hardsub )

တရုတ်ရုပ်ရှင်လည်း ကြည့်ချင်တယ် ဂျင်းမိမှာလည်း ကြောက်တဲ့ CM ပရိသတ်ကြီးတို့ကို ဂျင်းမဟုတ်တဲ့ တကယ်ဇာတ်ကားကောင်းနဲ့ မိတ်ဆက်ပေးပါဦးမယ်။ Silent Witness လို့ခေါ်တဲ့ ဒီရုပ်ရှင်က ၂၀၁၃ ခုနှစ်က ထွက်ခဲ့တာပါ။ အဓိကသရုပ်ဆောင်တွေအဖြစ် Aaron Kwok, Sun Honglei, Yu Nan နဲ့ Ji Zihan တို့က ပါဝင်ထားပါတယ်။ ဇာတ်လမ်းအကျဉ်းကိုပြောပြရရင်တော့ လင်းမုန့်မုန့်ဆိုတဲ့ အသက် ၂၀ အရွယ် ကောင်မလေးက အောင်မြင်ကျော်ကြားတဲ့ စီးပွားရေးလုပ်ငန်းရှင် လင်းထိုက်ရဲ့သမီးဖြစ်သူပါ။ လင်းထိုက်က ဇနီးဖြစ်သူ ဆုံးသွားပြီး ၆ နှစ်အကြာမှာ နာမည်ကျော်အဆိုတော် ယန်းသန်းနဲ့ မေတ္တာမျှခဲ့ကြတယ်။ တစ်နေ့မှာ ယန်းသန်းက နာမည်ကြီးမင်းသားတစ်ယောက်နဲ့ ဖောက်ပြန်နေတာကို မီဒီယာတွေက ဖော်ထုတ်ခဲ့ပါတယ်။ သတင်းထွက်ပေါ်လာပြီး ရက်အနည်းငယ်အကြာမှာပဲ ယန်းသန်းက ကားနဲ့တိုက်အသတ်ခံခဲ့ရပါတယ်။ သံသယတရားခံကတော့ လင်းမုန့်မုန့် ဖြစ်နေခဲ့တယ်။ ဒီအမှုကို တရားလိုရှေ့နေအဖြစ် ဆောင်ရွက်သူက ထုန်ထောက်လို့ခေါ်တဲ့ နာမည်ကြီး အစိုးရရှေ့နေပါ။ သူက လင်းထိုက်ကို အပြစ်ရှာဖို့ ၁၀ နှစ်ကျော် ကြိုးစားနေခဲ့တဲ့ ရှေ့နေဆိုလည်း မမှားပါဘူး။ တစ်ဖက်မှာလည်း လင်းထိုက်က ဒီအမှုအတွက် တရုတ်ပြည်ရဲ့ ဈေးအကြီးဆုံး ရှေ့နေဖြစ်သူ ကျိုးလိကို ငှားထားခဲ့ပါတယ်။ နာမည်ကြီးရှေ့နေနှစ်ယောက် အမှုကို အပြိုင်ဖြေရှင်းကြမှာပေါ့နော်။ ဆိုတော့ ဒီရှေ့နေနှစ်ယောက်မှာ ဘယ်သူက အနိုင်ရသွားမလဲ၊ အသက် ၂၀ ပဲရှိသေးတဲ့ လင်းမုန့်မုန့်ကရော တကယ်ပဲ လူသတ်တရားခံလား၊ ဒီအမှုက လူတွေထင်ထားသလို ရိုးရှင်းလား၊ နောက်ကွယ်မှာ ဘာတွေရှိနေမလဲဆိုတာကိုတော့ ပရိသတ်ကြီးတို့ ကိုယ်တိုင်ကြည့်ရှုလိုက်ကြပါ။ ဘာသာပြန်သူကိုယ်တိုင်လည်း ဒီဇာတ်ကားလေးကို တကယ် သဘောကျမိပါတယ်။ အမှုတစ်ခုတည်းကို လှည့်ကွက်ပေါင်းများစွာနဲ့ ဟာခနဲ ဟင်ခနဲဖြစ်အောင် ရိုက်ပြသွားသလို လူသတ်သမားက ဟိုလူလား ဒီလူလားဆိုပြီး ခန့်မှန်းရတာမလို့ ရင်လည်းခုန်ရပါတယ်။ အချိန်ကုန်ခံရကျိုးနပ်စေမယ့် ရုပ်ရှင်တစ်ကားလို့ မြင်မိတာမလို့ အားလုံးကြည့်ကြဖို့ recommend ပေးလိုက်ပါတယ်။ File size…    3.3 GB /   1 GB Quality… BluRay 1080p / 720p Format… mp4 Duration…. 1h 59m Genre .....  Drama, Crime Subtitle…. Myanmar Subtitle (Hard Sub) Encoder…. Thit San Khant Translated by Elizabeth Khant