Lily ပါဝင်သော ဇာတ်ကားများ

အချစ်ဟာ သိပ်ကို ဆန်းကြယ်လှပါတယ်. တခါတလေ နေ့ခင်းဘက်ကြီး မီးထိုးလိုက်ရှာရင်းတောင် မတွေ့တက်ပေမယ့် တခါတလေမှာတော့ အချစ်ဟာ မှာ ဝှီးချဲပေါ်ကနေ ကိုယ့်ဆီကို ဒိုင်ဗင်ပစ်ပြီးလည်း ရောက်လာတတ်ပါတယ် မိဘတွေရဲ့ အလိုလိုက်ခြင်းကို ခံထားရတဲ့ ခပ်ဆိုးဆိုးကောင်မလေးနဲ့ ခပ်ရိုးရိုးတက္ကသိုလ်ကျောင်းသားလေးတို့ရဲ့ အချစ်ဇာတ်လမ်းကို Animeရုပ်ထွက်လှလှလေးနဲ့ ကြည့်ရမှာပါ............. ဇာတ်လမ်းအကျဉ်း အိပ်မက်တွေကို လက်တွေ့အကောင်ထည်ဖော်ဖို့အတွက် အလုပ်ကြိုးစားနေတဲ့ Suneo ဆိုတဲ့တက္ကသိုလ်ကျောင်းသားလေးဟာ တစ်နေ့အလုပ်ကအပြန် ဝှီးချဲပေါ်ကနေသူ့အပေါ်ကိုပြုတ်ကျလာတဲ့ကောင်မလေးနဲ့ အမှတ်မထင်တွေ့ဆုံမိရာကနေ အဲ့ကောင်မလေးအိမ်မှာ အလုပ်လုပ်ဖို့အကြောင်းဖန်လာပါတော့တယ် အလိုလိုက်ခံထားရလို့ ဆိုးနေတဲ့ကောင်မလေးရဲ့ အနိုင်ကျင့်ဗိုလ်ကျမှုတွေကို Suneo တစ်ယောက်သည်းခံရင်းနဲ့ နောက်ဆုံးမှာ အားငယ်စိတ်ကိုဖုံးကွယ်ထားတဲ့ သူမရဲ့ပုံစံအမှန်ကို သိသွားမလား စာအုပ်တွေအရမ်းဖတ်ပြီး ပုံဆွဲတော်တဲ့ Josee နဲ့ ငါးလေးတွေကိုချစ်ပြီး စာတော်တဲ့ Suneo တို့နှစ်ယောက်ကို နီးစပ်သွားစေတဲ့အရာကရောဘာများဖြစ်မလဲဆိုတာကို ရင်ထဲနွေးထွေးသွားအောင် ရိုက်ကူးပြသထားတဲ့ Anime ဇာတ်လမ်းတပုဒ်ဖြစ်တာကြောင့် တင်ဆက်ပေးလိုက်ပါတယ် File size…1.45GB / 700MB / 400MB Quality…1080p / 720p / 480p Format…Mp4 Duration….1h 39mins Subtitle….Myanmar Subtitle (Hard Sub) Encoder….YK Translated by Moe Pwint Phyu

Her Love Boils Bathwater (2016) IMDb Rating (7.4)/ Rotten Tomatoes (100) ဒီတစ်ခေါက် တင်ဆက်ပေးမဲ့ ဂျပန်ရုပ်ရှင်ကားကတော့ IMDb rating 7.4/10 ရရှိထားပြီး ဆုပေါင်း ၁၃ ဆုအထိ ရရှိခဲ့တဲ့ မိသားစု ဒရာမာဖြစ်ပါတယ်။ အဓိက သရုပ်ဆောင်တွေ အနေနဲ့ Rie Miyazawa၊ Hana Sugisaki နဲ့ Aoi Itô တို့ ပါဝင်ထားကြပြီး မိသားစုရဲ့ တကယ့်အနှစ်သာရ အစစ်အမှန်ကို ပရိသတ်တွေ ခံစားမိစေမယ့် ဇာတ်ကောင်းကားတစ်ကားမို့ ကိုယ်တိုင်ကိုယ်ကျ ကြည့်ရှု ခံစားကြည့်လိုက်ပါဦးနော်။ -ဇာတ်လမ်းအကျဉ်း- ဖူတာဘာဟာ ယောက်ျားဖြစ်သူ အိမ်ကနေ ထွက်သွားတဲ့အတွက် ရေချိုးခန်းကို လုပ်ငန်းကို ခဏရပ်ထားပြီး သမီးလေး အာဇူမီနဲ့ ရုန်းကန်နေရတဲ့သူပါ။ အဲဒီအပြင် အာဇူမီလေးဟာလည်း ကျောင်းက မိန်းကလေးသူငယ်ချင်းတွေ ဝိုင်းအနိုင်ကျင့်တာကို ခံနေရရှာပါ‌သေးတယ်။ တစ်နေ့ မုန့်ဆိုင်မှာ အလုပ်လုပ်နေရင်း မေ့လဲသွားရာက ဖူတာဘာဟာ သူ့မှာ ပန်ကရိယကင်ဆာ နောက်ဆုံးအဆင့်ဖြစ်နေပြီး အချိန် သိပ်မကျန်တော့တာကို သိသွားခဲ့ပါတယ်။ ဒါကြောင့်ပဲ တစ်ယောက်တည်း ကျန်ရစ်ခဲ့မဲ့ လူမမည် သမီးလေးအတွက် ယောက်ျားဖြစ်သူကို အိမ်ကို ပြန်ခေါ်ရပါတော့တယ်။ ကင်ဆာရောဂါကို ခံစားနေရပေမယ့် ဖူတာဘာက သူ လှုပ်ရှားနိုင်သေးတဲ့အချိန်အတွင်းလေးမှာ သမီးလေးကို အရာရာကို ကိုယ်တိုင် ရင်ဆိုင်ဖြေရှင်းတတ်အောင်၊ မိသားစုကို တန်ဖိုးထားကာ ထိန်းသိမ်းစောင့်ရှောက်နိုင်အောင်၊ မိခင်တစ်ယောက်အနေနဲ့ ဘယ်လိုတွေ လက်တွေ့သင်ကြားပေးသွားမလဲဆိုတာကို မိခင်မေတ္တာတွေ ပေါ်လွင်အောင် သေချာရိုက်ကူးပြထားတာမို့ တစ်ရှူးလေးဆောင်ပြီး ကြည့်လိုက်ကြပါဦးနော်။ File Size : 1.21GB/ 570MB Quality : BluRay 1080p 5.1 CH/ 720p Format : mp4 Duration : 2hr 07m Genre : Life, Drama Subtitle : Myanmar Subtitle (Hard Sub)

CM ပရိသတ်ကြီးတို့ကို လူတစ်ယောက်ရဲ့ လက်တွေ့ဘဝကို အသားပေးရိုက်ကူးထားတဲ့ ဂျပန်ရုပ်ရှင်ကားတစ်ကားနဲ့ မိတ်ဆက်ပေးချင်ပါတယ်။ ဇာတ်ကားနာမည်ကတော့ A bride for Rip Van Winkle လို့ ခေါပြီးတော့ ၂၀၁၆ ခုနှစ်က ထွက်ရှိခဲ့တဲ့ ရုပ်ရှင်ဖြစ်ပါတယ်။ ဇာတ်လမ်းကတော့ နာနာမီလို့ခေါ်တဲ့ ကောင်မလေးတစ်ယောက်ရဲ့ ဘဝအကြောင်းကို လက်တွေ့နဲ့ထင်ဟပ်အောင် ရိုက်ကူးပြထားတာ ဖြစ်ပါတယ်။ ဇာတ်လမ်းအကျဉ်းလေးကို ပြောရရင်တော့ နာနာမီဆိုတဲ့ ကောင်မလေးက စားဝတ်နေရေးအတွက် အချိန်ပိုင်းဆရာမအဖြစ် လုပ်ကိုင်နေသူ တစ်ဦးပါ။ သူဟာ အွန်လိုင်းဒိတ်တင်း app ကနေ ကောင်လေးတစ်ယောက်နဲ့ စတွေ့ခဲ့တယ်။ နှစ်ယောက်အတူ ချိန်းတွေ့ဖြစ်ကြပြီး အဆင့်တွေတက်သွားရင်းနဲ့ နောက်ဆုံးမှာ နှစ်ဦးဟာ မင်္ဂလာဆောင်ဖို့ ဆုံးဖြတ်လိုက်ကြတယ်။ နာနာမီဟာ အွန်လိုင်းကတွေ့တဲ့သူနဲ့ အိမ်ထောင်တစ်ခုကို ထူထောင်ရတာ မယုံကြည်နိုင်စရာလို့ ထင်ပေမဲ့ လက်တွေ့မှာ သူဟာ ဒီအိမ်ထောင်ကို တန်ဖိုးထားသူပါ။ အိမ်ထောင်မှုနိုင်ဖို့အတွက် နာနာမီဟာ ဆရာမအလုပ်ကနေတောင် ထွက်ခဲ့ပြီးတော့ အိမ်ရှင်မကောင်းပီသအောင် နေထိုင်ခဲ့ပါတယ်။ ဒါပေမဲ့ နောက်ပိုင်းမှာတော့ ယောက်ျားဖြစ်သူက တစ်ပတ်ကို နှစ်ရက်လောက် အပြင်မှာ ထမင်းထွက်စားတာမျိုးရှိလာသလို အိမ်ထဲမှာလည်း မိန်းကလေးနားဆွဲတစ်ဖက်ကိုပါ တွေ့ခဲ့တယ်။ ဒါကို သိခဲ့တဲ့ နာနာမီဟာ သူ့ယောက်ျားအကြောင်းကို စုံစမ်းဖို့ လူတစ်ယောက်ကို စေခိုင်းခဲ့ပါတယ်။ အဲဒီနောက်မှာတော့ နာနာမီ မထင်မှတ်ထားတဲ့ အပြောင်းအလဲတွေ ရောက်လာမှာ ဖြစ်ပါတယ်။ ဘယ်လိုမျိုး plot twist တွေ ရောက်လာမလဲဆိုတာကိုတော့ ပရိသတ်ကြီးတို့ကိုယ်တိုင် ကြည့်ရှုလိုက်ပါ။ ဒီဇာတ်ကားက နာနာမီရဲ့ ဘဝအပိုင်းအခြားတစ်ခုမှာ ကြုံတွေ့ရတဲ့ လောကဓံတွေကို ရိုက်ပြထားတာ ဖြစ်တာမလို့ သူ့ရဲ့ စားဝတ်နေရေးအတွက် ရုန်းကန်ရပုံတွေ၊ အချစ်ရေးရဲ့ အတက်အကျတွေကို ကြည့်ရှုရမှာ ဖြစ်ပါတယ်။ လူတစ်ယောက်ရဲ့ ဘဝမှာ ဝင်လာသူတွေလည်းရှိသလို ထွက်လာသူတွေလည်း ရှိတယ်။ အရင်းနှီးဆုံးလို့ထင်ရသူတွေက သူစိမ်းဖြစ်နေသလို သူစိမ်းလို့ထင်ရသူတွေ အရင်းနှီးဆုံးလူ ဖြစ်နေတတ်ပြန်တယ်။ ဒီလိုမျိုး လူ့သဘောသဘာဝတွေကို ဒီဇာတ်ကားလေးထဲမှာ ကြည့်ရှုရမှာမလို့ လက်တွေ့ဆန်တဲ့ ဇာတ်လမ်းမျိုးတွေကို ကြည့်ရှုရတာ ကြိုက်နှစ်သက်တဲ့ ပရိသတ်ကြီးတွေ လက်မလွှတ်သင့်တဲ့ ဇာတ်ကားလေးတစ်ကားဖြစ်ပါတယ်။ File size…    2.4 GB /  1.1 GB Quality… BluRay director's cut 1080p / 720p Format… mp4 Duration…. 2h 59m Genre ..... Drama Subtitle…. Myanmar Subtitle (Hard Sub) Encoder…. Thit San Khant Translated by Elizabeth Khant

Linda Linda Linda (2005) IMDb Rating (7.5)/ Rotten Tomatoes (88%) ဒီတစ်ခါ တင်ဆက်ပေးချင်တဲ့ ဇာတ်ကားလေးကတော့ ကိုရီးယားမင်းသမီး Bae Doo Na၊ ဂျပန်မင်းသမီး Kashii Yuu၊ Maeda Aki နဲ့ Sekine Shiori တို့ အဓိကပါဝင်ထားတဲ့ ဂျပန်ကျောင်းသားကားလေးဖြစ်ပါတယ်။ ရှီဘာ အထက်တန်းကျောင်းပွဲတော် စတင်ဖို့အတွက် ရက်အနည်းငယ်အလိုမှာတင်ပဲ ကျောင်းသူလေးတွေချည်းပဲ စုပြီးဖွဲ့ထားတဲ့ တီးဝိုင်းအဖွဲ့ဟာ ပြဿနာတွေ တက်ပြီးတော့ အဖွဲ့ဝင်တွေ လျော့သွားတဲ့အတွက် ကျန်တဲ့အဖွဲ့ဝင်တွေဟာ ပွဲတော်မှာ ဖျော်ဖြေနိုင်ဖို့အတွက် အဆိုတော်အသစ်ကို အသည်းအသန်ရှာဖွေရပါတော့တယ်။ နောက်ဆုံး ကြံရာမရတဲ့အဆုံး ကိုရီးယားကနေ ကျောင်းလာတက်တဲ့ ဆွန်းဆိုတဲ့ကောင်မလေးကို အဆိုတော်အဖြစ် ဖိတ်ခေါ်လိုက်မိသွားပါတော့တယ်။ ဒါပေမဲ့လည်း ဆွန်းဟာ ဂျပန်စကားကို သိပ်မကျွမ်းကျင်သလို သီချင်းဆိုဖို့အတွက်လည်း အတွေ့အကြုံက ရှိမနေပြန်ပါဘူး။ အဲဒီလို ပြဿနာပေါင်းစုံနဲ့ ကျောင်းသူ‌လေးတွေ ကျန်ရှိတဲ့ ရက်အတွင်းလေးမှာပဲ Blue Hearts အဖွဲ့ရဲ့ နာမည်ကြီးသီချင်းဖြစ်တဲ့ "Linda Linda" ဆိုတဲ့ သီချင်းနဲ့ ဖျော်ဖြေနိုင်ဖို့အတွက် ဘယ်လိုကြိုးစားကြမလဲဆိုတာကို ရင်ခုန်စိတ်လှုပ်ရှားဖွယ်ရာ ကြည့်ရှုရမဲ့ ဇာတ်ကားလေးဖြစ်ပါတယ်။ File Size : 3.83GB/ 1.45GB Quality : BluRay 1080p 5.1CH/ 720p Format : mp4 Duration : 1hr 57m Genre : Music, Life, Youth Subtitle : Myanmar Subtitle (Hard Sub)

နင်ဂျာတွေထဲမှာ အစွမ်းထက်ဆုံး အုပ်စု ၂ စု ရှိပြီး ထိုအုပ်စု ၂ ခုလုံးဟာ လုံး၀ မတည့်ကြပါဘူး တောင် တစ်ဖက် တစ်ခြမ်း စီမှာ နေထိုင်ကြပြီး အမြဲတမ်း သက်ဖြတ်နေခဲ့တာ ရန်ငြိုးတွေက နှစ်ပေါင်း ၄၀၀ တိုင်ခဲ့ပါတယ်... ထို အုပ်စု နှစ်ခုပေါင်းစည်းပြီး တော်လှန်လာမှာကို ကြောက်လန့်လာတဲ့ အစိုးရကတော့ ထိုအခွင့်အရေးကို လက်လွှတ်မခံပဲ အုပ်စု ၂ စုကို အသေအကြေ တိုက်ခိုက်စေပြီး အနိုင်ရရှိသူကို အခွင့်အလမ်း ပေးဖို့ကြေညာပေးလိုကပါတယ်.. ထို ရန်ငြိုးတွေကြားမှာတော့ နှစ်ဖက် အုပ်စု နှစ်ခုက လူကြီးတွေ ရဲ့ သားနှင့်သမီး ကတော့ ချစ်ကြိုက်နေကြပါတယ်... ထို တိုက်ခိုက်ရမည့် အမိန့်ကြေညာစာတမ်း ရောက်ရှိလာချိန်မှာတော့ သူတို့ ချစ်သူ နှစ်ဦးဟာ စစ်မြေပြင်မှာ ရန်သူတွေအဖြစ် ပြန်လည်ရင်ဆိုင်ရတော့မှာပါ... နှစ်ဖက်လုံး အသေအကြေတိုက်ခိုက်ပြီး ဘယ်သူတွေ နိုင်ကြမှာလဲ ချစ်သူနှစ်ဦးကရော လက်တွဲခွင့်ရနိုင်မှာလား... ဆိုတာ ဆက်လက်ကြည့်ရှုလိုက်ကြပါ.... ဒီဇတ်လမ်းကို ဘာသာပြန်ပေးထားသူကတော့ Tariq L Walker ပဲ ဖြစ်ပါတယ်... (သစ်ဆန်းခန့်) Quality -   720P Format - MP4 Subtitle - Myanmar Subtitle Encoder - Thit San Khant