Lin Boyang ပါဝင်သော ဇာတ်ကားများ

ဒီတစ်ခါမှာတော့ “Scare Out”ဆိုတဲ့ spy thriller ကားလေးတစ်ကားနဲ့မိတ်ဆက်ပေးချင်ပါတယ်…ဒီကားရဲ့ ထူးခြားချက်က Ministry of State Security ရဲ့ public backing ရထားတဲ့ ပထမဆုံး Chinese film ဖြစ်ပါတယ် အဓိကသရုပ်ဆောင်အနေနဲ့ Jackson Yee ၊ Zhu Yilong တို့ပါဝင်ထားပြီး Supporting cast တွေအနေနဲ့ မမ Yang Mi၊ Lei Jiayin၊ Zhang Yi၊ Liu Shishi နဲ့ Liu Yaowen တို့လိုဝါရင့်ကြီးတွေလည်း ပါဝင်ထားပါသေးတယ် ဒီရုပ်ရှင်လေးဟာ ခေါင်းဆောင်ဟွမ်ခိုင် ခေါင်းဆောင်ယန်တီတို့ ဦးဆောင်တဲ့ နိုင်ငံတော်လုံခြုံရေးအဖွဲ့က နိုင်ငံခြားသူလျှိုအဖွဲ့တစ်ဖွဲ့ကို လိုက်ဖမ်းရင်း ဖြစ်ပေါ်လာတဲ့ အန္တရာယ်များတဲ့ စစ်ဆင်ရေးအကြောင်းကို ရိုက်ကူးထားတာပဲဖြစ်ပါတယ် အစမှာတော့ နေသန် ဆိုတဲ့ သံသယရှိသူတစ်ယောက် ပေါ်လာပြီး ဟွမ်ခိုင်တို့အဖွဲ့က ဒရုန်းတွေ စောင့်ကြည့်ကင်မရာတွေ သုံးပြီး လိုက်ဖမ်းကြပါတယ် နေသန်ပို့နေတဲ့ ပါဆယ်ထဲမှာ လျှို့ဝှက်နည်းပညာပစ္စည်းတွေ ပါနေပြီး ဒါဟာ နိုင်ငံခြားထောက်လှမ်းရေးအဖွဲ့တွေရဲ့ လက်ချက်ဖြစ်နိုင်ကြောင်း သိလာရတဲ့အခါ ယန်တီက အဖွဲ့ထဲမှာ တော်တဲ့အရာရှိတစ်ယောက်ဖြစ်ပြီး စိတ်တည်ငြိမ်တယ် အန္တရာယ်ကြားထဲမှာတောင် ဆုံးဖြတ်ချက်မြန်တယ် ဟွမ်ခိုင်ကတော့ အဖွဲ့ခေါင်းဆောင်တစ်ယောက်အနေနဲ့ လူတိုင်းကို ဦးဆောင်ပြီး စစ်ဆင်ရေးတစ်ခုချင်းစီကို တင်းတင်းကျပ်ကျပ် လုပ်ဆောင်တယ် ဒါပေမဲ့ လိုက်ဖမ်းနေတုန်း ဒရုန်းလိုင်းတွေ အနှောင့်အယှက်ခံရပြီး ဟွမ်ခိုင်တို့ တိုက်ခိုက်ခံလိုက်ရတဲ့အခါမှာတော့ အဲဒီကနေစပြီး ဒီအမှုက သာမန်သူလျှိုအမှုမဟုတ်ဘဲ နောက်ကွယ်မှာ အင်အားကြီးအဖွဲ့ရှိနေကြောင်း သိလာရပါတယ် နောက်ပိုင်းမှာတော့ ယန်တီတို့က ရန်သူအဖွဲ့ထဲ ဝင်ရောက်စုံစမ်းရင်း သစ္စာဖောက်သူတွေ အတွင်းလူတွေ ရှိနေကြောင်း တဖြည်းဖြည်းဖော်ထုတ်လာရင်း ကိုယ့်ဘက်ကလူလား ရန်သူလားဆိုတာ ခွဲမရတဲ့အခြေအနေတွေ များလာပြီး လူတိုင်းကို သံသယဝင်လာကြတဲ့အခါဟွမ်ခိုင်နဲ့ ယန်တီတို့လည်း မစ်ရှင်အတွက် အသက်စွန့်ပြီး လှုပ်ရှားရသလို ကိုယ့်ခံစားချက်တွေတောင် ဖုံးကွယ်ထားရတဲ့အခြေအနေမျိုး ရောက်လာခဲ့ပါတယ်အထူးသဖြင့် ယန်တီက ရန်သူအဖွဲ့ထဲမှာ ကြာကြာနေရင်း ကိုယ့်ကိုယ်ကိုယ်တောင် ပျောက်ဆုံးသွားသလို ခံစားလာရတဲ့အခါ နိဂုံးမှာတော့ သူတို့ ဖမ်းလိုက်တဲ့လူတွေက အကုန်မဟုတ်သေးဘဲ နောက်ကွယ်မှာ ပိုကြီးတဲ့ခေါင်းဆောင်တစ်ယောက် ရှိနေသေးကြောင်း သိရှိရတဲ့အခါ နောက်ဘာတွေ ဆက်ဖြစ်လာမလဲ ဘယ်သူက တကယ့်အကြီးစားနောက်ကွယ်ကလူလဲဆိုတာ ရင်တထိတ်ထိတ်နဲ့ကြည့်ရှုရမှာပဲဖြစ်ပါတယ် Filesize : 3.91 GB / 1.44 GB / 833 MB Quality : WEB-DL 4K HEVC , 1080p HEVC , 720p HEVC Format : mp4 Genres : Crime, Thriller, and Action Runtime : 1h 44 min Subtitle : Myanmar Subtitle ( Hardsub )

"တစ်ခါတလေတော့လည်း ဒီလိုမျိုးပါပဲ။ ကိုယ် မင်းကို မချစ်ဝောာ့လို့ မဟုတ်ပါဘူး။ တကယ့်လက်တွေ့မှာ လောကမှာရှိသမျှ အရာရာက ငွေကြောင့်ဖြစ်နေလို့ပါ" ဒီတစ်ခါမှာ CM ပရိသတ်ကြီးတို့အတွက် လူငယ်အချစ်ကားလေးတစ်ကား ယူဆောင်လာပါပြီ။ 2022 မှာ Lighter and Princess ဇာတ်ကားနဲ့ ပျိုမေတွေရဲ့ နှလုံးသားကို သိမ်းပိုက်ခဲ့တဲ့ မင်းသား Chen Feiyu နဲ့ Legend of Condor Heroes ရုပ်ရှင်မှာ ပါဝင်ခဲ့တဲ့ မင်းသမီး Zhuang Dafei တို့ရဲ့ တက္ကသိုလ်+လုပ်ငန်းခွင် အချစ်ဇာတ်လမ်းလေးပဲ ဖြစ်ပါတယ်။ ကန်းယန်က ဖိနပ်တွေ ဖန်တီးရတာကို သဘောကျတဲ့ ကောင်လေးတစ်ယောက်ပါ။ ရုပ်လည်းချော ချမ်းလည်းချမ်းသာတော့ သူ့ကို ကျောင်းသားအများစုက သိကြတယ်။ တစ်ဖက်မှာတော့ တင်းကျစ်ထုန်ဆိုတဲ့ ကောင်မလေးက ‌ငွေနဲ့ အချိန်က သူ့ဘဝမှာ အရေးကြီးဆုံးလို့ သတ်မှတ်ထားသူပါ။ သူ့ရည်ရွယ်ချက်ကတော့ ကျောင်းပြီးတဲ့အခါ လစာများများရမယ့် အလုပ်တစ်နေရာ ရဖို့ပါပဲ။ သူတို့နှစ်ယောက်က online survey test တစ်ခုမှာ ရမှတ်တူတာကနေ တစ်ယောက်ကိုတစ်ယောက် စပြီးသတိထားမိခဲ့ကြတယ်။ တင်းကျစ်ထုန်က ကန်းယန်အကြောင်း အစကတည်းက ကြားဖူးတာမလို့ ဒီကိစ္စအပေါ် အများကြီးအာရုံထားမနေခဲ့ဘူး။ ဒါပေမဲ့ ကန်းယန်ဘက်က "ဟယ်လို" ဆိုတဲ့ မက်ဆေ့လေးတစ်ခု ဝင်လာတာကနေ သူတို့နှစ်ယောက်ရဲ့ အခြေအနေက သူစိမ်းတွေကနေ ရင်းနှီးတဲ့မိတ်ဆွေတွေ ဖြစ်သွားကြတယ်။ အချိန်တစ်ခုကြာအောင် အတူရှိလာပြီးချိန်မှာတော့ နှစ်ယောက်လုံးက သူငယ်ချင်းဆိုတာထက်ပိုတဲ့ ခံစားချက်တွေရှိလာကြပြီး ချစ်သူတွေ ဖြစ်သွားခဲ့တယ်။ ကန်းယန်ရဲ့ စိတ်ကူးအိပ်မက်က ဖိနပ်စက်ရုံထောင်ပြီး သူချစ်ရတဲ့ကောင်မလေးနဲ့ ဘဝကို အတူဖြတ်သန်းဖို့ပါပဲ။ ဒါပေမဲ့လည်း ကန်းယန်ရဲ့ မိသားစုစီးပွားရေးက ဒေဝါလီခံသွားရပြီး ညတွင်းချင်း အကြွေးတင်သွားခဲ့တယ်။ ကန်းယန်ဟာ သူချစ်ရတဲ့ကောင်မလေးကို ဒုက္ခတွေထဲ ဆွဲမသွင်းချင်ခဲ့တာမလို့ ‌သူ့ဘက်ကနေ စလမ်းခွဲခဲ့တယ်။ ဖြစ်ကြောင်းကုန်စင်ကို မသိရတဲ့ တင်းကျစ်ထုန်ကလည်း ကန်းယန်ကို အထင်လွဲသွားပြီး အမုန်းကြီး မုန်းသွားခဲ့ပါတယ်။ ဒီလိုနဲ့ပဲ အချစ်ဦးဟာ နှစ်တွေအများကြီး ကွဲသွားခဲ့တော့တာပေါ့။ ၁၀ နှစ်ကြာပြီးနောက် လုပ်ငန်းခွင်မှာ ပြန်တွေ့ကြတဲ့အခါ ချစ်သူနှစ်ဦးဟာ အရင်လိုမဟုတ်ခဲ့တော့ဘူး။ အချစ်ကြီးရင် အမုန်းကြီးတယ်ဆိုတဲ့အတိုင်း တင်းကျစ်ထုန်က ကန်းယန်ကို အမုန်းကြီးမုန်းပြီး ပြိုင်ဖက်တွေဖြစ်လာခဲ့တယ်။ ဒါပေမဲ့ ကန်းယန်ကတော့ အဲ့လိုမဟုတ်ခဲ့ပါဘူး။ "ဒီတစ်လျှောက်လုံး ကိုယ် မင်းကို ချစ်နေခဲ့တာပါ" ကန်းယန်က တင်းကျစ်ထုန်ရဲ့ အချစ်တွေကို ပြန်လည်အရယူနိုင်မလား၊ သူတို့နှစ်ဦးကြားက အထင်လွဲမှုတွေကိုရော ဖြေရှင်းနိုင်သွားမလား၊ သူတို့နှစ်ဦးလုံး အရင်အချိန်တွေကို ပြန်သွားနိုင်မလားဆိုတာကိုတော့ ပရိသတ်ကြီးတို့ကိုယ်တိုင် ဇာတ်ကားလေးထဲမှာ ကြည့်ရှုလိုက်ကြပါနော်။ Quality : WEB-DL 1080p, 720p Total Episodes : 28 Format : mp4 Genres : Romance, Modern Runtime : 40 min Subtitle : Myanmar Subtitle ( Hardsub ) Translated by CM Team Reviewed By Elizabeth Khant Encoded by LK

The First Shot 雪迷宫 Brightness In The Dark ထဲမှာ အ တွဲညီခဲ့ကြတဲ့ မင်းသားချော ၂ယောက်ဖြစ်တဲ့ Huang Jingyu နဲ့ WangZiqi တို့ teammate တွေအဖြစ် အတွဲညီညီ သရုပ်ဆောင်ထားတဲ့ နောက်ထပ်ကားကောင်းလေးတစ်ကားနဲ့ မိတ်ဆက်ပေးမယ်နော် ဇာတ်လမ်းအညွှန်း မူးယစ်ဆေးဝါးထိန်းချုပ်ရေးဗျူရိုမတည်ထောင်ခင် ၁၉၉၇ ခုနှစ်အချိန် တရုတ်နိုင်ငံအရှေ့မြောက်ဒေသမှာရှိတဲ့ ဟားလန်မြို့မှာ မူးယစ်ဆေးဝါးအများအပြား ပေါ်ထွက်လာတဲ့ အခြေအနေမျိုးနဲ့ ရင်ဆိုင်လိုက်ရတာကြောင့် အသစ်ထွက်လာတဲ့ မူးယစ်ဆေးဝါးတွေနဲ့ ပတ်သက်ပြီး စုံစမ်းစစ်ဆေးဖို့အတွက် မှုခင်းစုံစမ်းစစ်ဆေးရေးအဖွဲ့သစ်တစ်ဖွဲ့ကို ဖွဲ့စည်းခဲ့ပါတယ်။ ဒါပေမဲ့ အဖွဲ့ဝင်တွေဖြစ်တဲ့ အဖွဲ့ခေါင်းဆောင် ကျန့်ပေ၊ ဓာတုဗေဒပညာရှင် ကုယိရန်၊ အတိုက်အခိုက်တော်သူ ကျန်းရွှယ်ယောင်၊ မှုခင်းနည်းပညာရှင် တင်းကော်ကျူ့နဲ့ အဖွဲ့ဝင် ကျောက်ရှောင်ကွမ်းတို့ ပါဝင်တဲ့ မှုခင်းစုံစမ်းစစ်ဆေးရေးအဖွဲ့သစ်လေးဟာ အသစ်ထွက်လာတဲ့ မူးယစ်ဆေးတွေအကြောင်း လုံးဝနားမလည်ခဲ့ပါဘူး ငယ်ရွယ်တဲ့လူငယ်လေးတွေနဲ့ ဖွဲ့စည်းထားတဲ့မှုခင်းစုံစမ်းဆေးရေးအဖွဲ့လေးဟာ ရက်စက်ကြမ်းကြုတ်တဲ့ မူးယစ်ဆေးဝါးရောင်းဝယ်ဖောက်ကားသူတွေနဲ့ မူ းယစ်ဆေးဝါးသယ်ယူပို့ဆောင်မှုအမျိုးမျိုးကို ရင်ဆိုင်ရမှာဖြစ်တဲ့အပြင် တရားဥပဒေနဲ့ ခံစားချက်ကြား၊ တရားမျှတမှုနဲ့ လူသားဆန်မှုကြားမှာ လွန်ဆွဲမှုတွေကိုပါ ရင်ဆိုင်ရင်း အတားအဆီးနဲ့ စိန်ခေါ်မှုအားလုံးကို ကျော်လွှားပြီး မကောင်းမှုဒုစရိုက်တွေကို ဘယ်လိုတိုက်ဖျက်ကြမလဲဆိုတာ ဒီဇာတ်လမ်းတွဲမှာ အားပေးကြပါဦး Quality : WEB-DL 720p, 1080p Total Episodes : 32 Format : mp4 Genres : Thriller, Mystery, Drama Runtime : 40 min Subtitle : Myanmar Subtitle ( Hardsub ) Translated by CM Team Reviewed By  MeeMee JueJue Encoded by LK

ဒီတစ်ခါတင်ဆက်ပေးမယ့် ရုပ်ရှင်လေးကတော့ မီးသတ်တပ်ဖွဲ့အကြောင်းကို ရိုက်ကူးထားတဲ့ ဟောင်ကောင်ကားလေးပဲဖြစ်ပါတယ် ဟောင်ကောင်ကားကြည့်နေကျသူတွေအဖို့ကတော့ ဇာတ်ဆောင်တွေနဲ့မစိမ်းလောက်တဲ့အနေအထားမှာရှိတဲ့ cast တွေနဲ့ရိုက်ထားတာပဲဖြစ်ပါတယ်ဇာတ်လမ်းလေးကိုပြောပြရမယ်ဆိုရင် ချီဝမ်ရှန်းမီးသတ်တပ်ဖွဲ့ရဲ့ အဖွဲ့မှူးဖြစ်သူ အရာရှိဖုံဟာ လုပ်ငန်းခွင်သုံးဓာတ်လှေကားပျက်ကျမှုမှာ ကယ်ဆယ်ရေးလုပ်ရင်း မတော်တဆမှုဖြစ်ပြီး အောက်ပိုင်းသေသွားတာကြောင့် ရာထူးကနေ နားလိုက်ရပါတယ် သူ့နေရာမှာ အသစ်ခန့်လိုက်တဲ့အဖွဲ့မှူးကတော့ စည်းကမ်း အရမ်းတင်းကြပ်လွန်းလို့ လက်အောက်ငယ်သားတောင် သေသွားခဲ့ရတယ်ဆိုပြီး နာမည်ဆိုးနဲ့ကျော်ကြားတဲ့ ကျန်းဝန်ကျဲပဲဖြစ်ပါတယ် အဲ့ဒါကြောင့် အဆင့်မြင့်အဖွဲ့မှူးကို လူတွေကကြောက်ကြပေမယ့် အဖွဲ့ခေါင်းဆောင်ဖြစ်သူကိုတော့ ချစ်ကြပါတယ် အဖွဲ့ခေါင်းဆောင်က ဘယ်လိုအခြေအနေမျိူးမှာပဲဖြစ်ဖြစ် လူ့အသက်ကိုရအောင်ကယ်ဖို့ အရဲစွန့်မယ်ဆိုတဲ့ ခံယူချက်ကြောင့် အင်တာဗျူးတိုင်းမအောင်ဘဲ အဖွဲ့ခေါင်းဆောင်ရာထူးနဲ့ပဲ ဆက်ရှိနေတာပဲဖြစ်ပါတယ် အဲ့တော့ စာအုပ်ကြီးအတိုင်းလုပ်တဲ့ အဆင့်မြင့်အဖွဲ့မှူးကျန်းဝန်ကျဲနဲ့ လူ့အသက်ကိုပထမထားပြီး ကယ်ဆယ်မယ့် အဖွဲ့ခေါင်းဆောင်တို့က အစပိုင်းမှာတော့ အမြဲလိုလိုသဘောထားကွဲလွဲနေကြပေမယ့် ကယ်ဆယ်ရေးတွေ ခဏခဏ အတူတူတွဲလုပ်ရင်း ကျန်းဝန်ကျဲတစ်ယောက်လည်း အဖွဲ့ခေါင်းဆောင်ရဲ့ ခံယူချက်ကို လက်ခံလာပါတော့တယ် ဒီကားလေးက မီးသတ်တပ်ဖွဲ့‌အကြောင်းကိုရိုက်ကူးထားတာဖြစ်လို့ သည်းထိတ်ရင်ဖိုစရာကောင်းပေမယ့်လည်း mission တစ်ခုပြီးတိုင်းပြီးတိုင်းမှာ ကြည်နူးစရာကောင်းတာတော့ အမှန်ပါပဲ အဲ့ဒါကြောင့်မို့လို့ ဟောင်ကောင်ကားကြည့်နေကျပရိသတ်တွေအဖို့ ဒီကားလေးကိုလည်း ကြည့်ကြည့်ဖို့ ညွှန်းလိုက်ပါတယ်နော် Filesize : 2.02 GB / 1.12 GB Quality : WEB-DL 1080p HEVC , 720p HEVC Format : mp4 Genres : Drama Runtime : 1h 59 min Subtitle : Myanmar Subtitle ( Hardsub )

စုန့်မင်းဆက်ကာလ စစ်သူကြီးယွဲ့ဖေး ကွယ်လွန်ပြီးနောက်မှာ ဇာတ်လမ်းစထားပါတယ်။ စုန့်နဲ့ ကျင်းတို့ စစ်ဖြစ်နေချိန်မှာ ရန်သူတွေ ကြောက်ရတဲ့ စစ်သူကြီးယွဲ့ဖေးဟာ အမတ်ချုပ်ချင်ဟွေရဲ့ သစ္စာဖောက်မှုစွပ်စွဲချက်နဲ့ ကွပ်မျက်ခံခဲ့ရသူပါ။ သူ့မိခင်ကိုယ်တိုင် ကျောပေါ်မှာ ထိုးပေးထားတဲ့ နိုင်ငံအပေါ် သစ္စာစောင့်သိဖို့ ဆုံးမတဲ့ ဆေးမင်ကြောင်အတိုင်း သစ္စာရှိခဲ့သူဖြစ်ပြီး သူ့တပ်သားတွေကလည်း အဲဒီဆေးမင်ကြောင်ကို လိုက်ထိုးထားကြတယ်။ ပြည်သူတွေကတော့ ကျင်းနိုင်ငံနဲ့ ပူးပေါင်းနေတဲ့ သစ္စာဖောက်ဟာ ချင်ဟွေသာ ဖြစ်တယ်လို့ စွပ်စွဲကြပါတယ်။ ဒီနောက်ခံကို အခြေခံပြီး စိတ်ကူးယဉ်ဇာတ်ကောင်တွေနဲ့ ဇာတ်လမ်းဆက်ထားတာပါ။ ချင်ဟွေက နယ်စပ်တပ်စခန်းတစ်ခုမှာ ကျင်းသံတမန်တွေနဲ့ တွေ့ဖို့ ရောက်လာချိန်မှာပဲ ကျင်းသံအမတ်တစ်ယောက် လုပ်ကြံခံလိုက်ရတယ်။ သံအမတ်သေဆုံးသွားသလို သူယူလာတဲ့ စာလွှာလည်း ပျောက်သွားပါတယ်။ ဒီအမှုထဲမှာ တူဝရီးတော်စပ်ကြတဲ့ သာမန်စစ်သည် ကျန်းတနဲ့ တပ်မှူးချုပ် စွင်းကျွင်းတို့ပါ တရားခံအဖြစ် ဆွဲသွင်းခံလိုက်ရတယ်။ လျှို့ဝှက်ချက်တွေပါတဲ့ စာတစ်စောင်ကြောင့် လူတွေ တစ်ယောက်ပြီးတစ်ယောက် သေဒဏ်ပေးခံနေရတဲ့ကြားက သူတို့နှစ်ယောက်ဟာ အမှန်တရားကို ရှာပြီး အားလုံးအတွက် လက်စားချေဖို့ ကြိုးစားလာကြပါတယ်။ ကျန်းတက လောင်းကစားလုပ်၊ ပျော်ပါးရင်း သာမန်ပြည်သူအဖြစ် နေခဲ့ရာက စစ်တပ်ထဲ ဝင်လာသူပါ။ ကိုယ့်ကိုယ်ကိုယ် အရေးမပါတဲ့လူလို့ ယူဆပြီး သေရမှာကို ကြောက်ပေမယ့် ယုံကြည်ထားတဲ့အရာကိုတော့ မစွန့်လွှတ်တတ်ဘူး။ စွင်းကျွင်းကတော့ နောက်ခံအင်အားမရှိဘဲ ကိုယ့်ခြေထောက်ပေါ်ကိုယ် ရပ်တည်လာသူဖြစ်ပြီး စိတ်မြန်လက်မြန်နဲ့ ဓားထုတ်ဖို့ ဝန်မလေးတတ်သူပါ။ အရေးကြုံလာရင်လည်း အဆုံးအထိ တောင့်ခံတတ်တယ်။ သူတို့ အသက်နဲ့ရင်းပြီး ကာကွယ်နေတဲ့ စာလွှာထဲမှာ ဘာတွေပါနေလဲ၊ ဒီအမှုက ကွယ်လွန်သွားတဲ့ ယွဲ့ဖေးနဲ့ ဘယ်လိုပတ်သက်နေလဲဆိုတာတွေက မေးခွန်းဖြစ်နေပါတယ်။ တူဝရီးနှစ်ယောက် အမှုထဲပါလာတာကလည်း မတော်တဆပဲလား၊ နဂိုကတည်းက ပတ်သက်မှုတစ်ခုခု ရှိနေတာလားဆိုတာ မသိရသေးဘူး။ Hero နဲ့ House of the Flying Daggers တို့ကို ရိုက်ကူးခဲ့တဲ့ ဒါရိုက်တာ ကျန်းရိမိုရဲ့ ရုပ်ရှင်ဖြစ်ပြီး ကျန်းတအဖြစ် ရှန်ထန်၊ စွင်းကျွင်းအဖြစ် ရိယန်ချန်းရှီတို့ ပါဝင်ထားပါတယ်။ ကျန်းယိ၊ လေကျားယင်း၊ ယွဲ့ယွင်ဖုန်နဲ့ ဝမ်ကျားယီတို့လည်း သရုပ်ဆောင်ထားကြပါတယ်။

ဒီတစ်ခါCM ကနေပြသ‌‌ေပးမဲ့ဇာတ်လမ်းတွဲလေးကတော့ love and Redemptionမှာ second leadအဖြစ် ပါဝင်သရုပ်ဆောင်ထားတဲ့ မင်းသားချော Liu Xue Yi ရဲ့ဇာတ်ကားသစ်ဖြစ်တဲ့ နာမည်ကြီးကာတွန်းဇာတ်လမ်းတွဲ The Blood of Youth ကို live action ရိုက်ကူးထားတဲ့ဇာတ်လမ်းလေးပဲဖြစ်ပါတယ်။ ဒီဇာတ်လမ်းတွဲမှာတော့ ရဲရင့်တက်ကြွတဲ့သွေးအပြည့်ရှိတဲ့ လေ့ဝူကျဲဟာ သိုင်းလောကမှာနာမည်ကြီးထိပ်တန်းမြိုကြီးဖြစ်တဲ့ ရှဲယွဲမြိုကိုသွားရောက်ရင်း ရှဲလော့ဥယျာဉ်ကိုလမ်းမှားရောက်မိသွားတယ်။သူဟာသိုင်းလောကတစ်ခုလုံးကို တုန်လှုပ်စေနိုင်တဲ့ကိစ္စရပ်ကြီးထဲကို ပါဝင်ပတ်သက်မိပါတော့တယ်။ လူငယ်ပီပီရဲရင့်တက်ကြွတဲ့လေ့ဝူကျဲဟာ ပထမဦးစွာသိုင်းလောကထဲကိုခြေဆန့်ရင်းနဲ့ အဘက်ဘက်ကအန္တရာယ်‌‌ေတွဝိုင်းရံ‌‌ေနတဲ့သိုင်းလောကအတွင်း လမ်းခရီးမှာ‌တွေ့ဆုံတဲ့ သိုင်းညီနောင်‌ဖြစ်တဲ့ မင်းသားတစ်ပါးဖြစ်လျက်နဲ့‌ဆိုင်စုတ်‌ေလးဖွင့်ထားတဲ့‌ေရှာင်းစက်၊ အကောင်းနဲ့အဆိုးဒွန်တွဲလျက်ရှိသော ဝူရှင်းဘုန်းကြီးနဲ့‌ေတွ့ဆုံပြီး အတူတူခရီးဆက်ကြကာ သိုင်းပညာမြင့်မားတဲ့ သိုင်းဆရာတွေနဲ့ဘယ်လိုယှဉ်ပြိုင်တိုက်ခိုက်မလဲ နောက်ကွယ်မှာသေချာအကွက်ချခံထားရတဲ့နန်းတွင်း‌ေရးရာအရှုပ်အရှင်းကြား ဖြစ်ပွားလာတဲ့ရန်ပွဲတွေကိုရော ဒီလူငယ်သိုင်းညီနောင်တစ်စုဟာဘယ်လိုရင်ဆိုင်ကြမလဲ ထူးခြားဆန်းပြားလှတဲ့သိုင်းကွက်အဆန်းတွေကိုခံစားကြည့်ရူရမဲ့ ဒီလူငယ်သိုင်းဇာတ်လမ်းလေးကို CM နဲ့အတူစောင့်မျှော်ကြည့်ရူကြဖိုဖိတ်ခေါ်လိုက်ပါတယ် (အညွှန်းရေးသားထားသူကတော့ Tsuki Mon ဖြစ်ပါတယ်) Quality : WEB-DL 720p,1080p Total Episodes : 40 Format : mp4 Genres : Wuxia, Youth, Fantasy Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK