Lin Peng ပါဝင်သော ဇာတ်ကားများ

Love on Turquoise Land (ကျိန်စာသင့် ချစ်ပဋိညာဉ်) ဝူရှ၊ ရှန်းရှ၊ အလံနီတွေပဲကြည့်နေရလို့ ပျင်းနေပြီလား...? အဲလိုကြည့်နေကျစီးရီးတွေနဲ့မတူတဲ့ စီးရီးတစ်ခုကို C drama fan တို့အတွက် ယူဆောင်လာပေးပါတယ်။ ဒီစီးရီးက Modern ခေတ်ကားဆိုပေမဲ့ Fantasy အမျိုးအစားဖြစ်ပြီး Fantasy ထဲမှာမှ Dark Fantasy ဘက်ပိုရောက်ပါတယ်။ ဒီစီးရီးထဲမှာ Dilraba လို့ ပရိတ်သတ်သိထားတဲ့မင်းသမီးချော Dilraba Dilmurat နဲ့ A Beautiful Lie မှာ MC အဖြစ်ပိုင်နိုင်စွာသရုပ်ဆောင်နိုင်ခဲ့တဲ့ မင်းသား Chen Xing Xu တို့က တွဲဖက်သရုပ်ဆောင်ထားပေးပါတယ်။ ပါဝင်တဲ့ Main Lead နှစ်ယောက်လုံးက S အဆင့်တွေချည်းပဲအပြင်ကိုမှ မင်းသမီးကြီးတစ်လက်ဖြစ်တဲ့ Zhang Li ကလဲ ဗီလိန်အဖြစ်ပါဝင်ထားတာမို့ ဒီစီးရီးမှမကြည့်ရင်တော့ ကိုယ့်ထက်မိုက်သူမရှိ ဖြစ်သွားပါလိမ့်မယ်! ဇာတ်လမ်းအညွှန်း >>> ရှေးခေတ်ချင်မင်းဆက်ခေတ်မှာ ချင်ရှစ်ဟွမ်ဟာ ထာဝရအသက်ရှည်တဲ့ဘဝ (အမတဘဝ)ကို ရူးသွပ်စွဲလမ်းခဲ့ပါတယ်။ ဒါကြောင့် သူဟာ "ရှုပ်ထွေးနက်နဲတဲ့စစ်တပ်" (The Tangled Army) ဟု ခေါ်တဲ့စစ်တပ်တစ်ဖွဲ့ကို မသေနိုင်ခြင်းရဲ့လျှို့ဝှက်ချက်ကိုရှာဖွေဖို့ စေလွှတ်ခဲ့ပါတယ်။ ဒါပေမဲ့ အချိန်တွေသာကြာလာတယ်၊ ဘာသတင်းအစအနမှမရသလို နောက်ဆုံး ခြေရာလက်ရာတွေပါ လျှို့ဝှက်ဆန်းကြယ်စွာ ပျောက်ကွယ်သွားခဲ့ပါတယ်။ အတိတ်ရဲ့ဇာတ်လမ်းအကြွင်းအကျန်ဟာ အချစ်ဦးကို မမေ့နိုင်ကြသူတွေလိုပဲ လက်ရှိကာလမှာ ရုတ်တရက် ပြန်လည်အသက်ဝင်လာခဲ့ပါတော့တယ်။ ခေတ်သစ်ရဲ့အထူးချွန်ဆုံးပန်းပုဆရာမဖြစ်တဲ့ Nie Jiu Luoက Tangled Army ရဲ့မျိုးဆက်ဖြစ်ပေမဲ့ သာမန်ဘဝမှာသာ နေထိုင်နေသူတစ်ယောက်ပါ။ ဒါပေမဲ့ မူလဇာတိအမှတ်လက္ခဏာ ကြောင့် အတိတ်နဲ့ ဆက်နွယ်မှုတွေကို ရှောင်လွှဲလို့မရဖြစ်လာခဲ့ပါတယ်။ တစ်ချိန်တည်းမှာပဲ Yan Tuo ဆိုတဲ့ လူငယ်သူ‌ဌေးတစ်ဦးကလဲ Lin Xi Rou အမည်ရှိအမျိုးသမီးတစ်ဦး ထိန်းချုပ်ထားတဲ့ သူ့မိသားစုနဲ့ပတ်သက်ရာပတ်သက်ကြောင်းအမှန်တရားကို မရမကရှာဖွေနေပါတယ်။ ဒီလိုမျိုးဘဝဇာတ်ကြောင်းက နက်နဲဆန်းကြယ်တဲ့သူတို့နှစ်ဦးတွေ့ဆုံမိရာကနေ ကံကြမ္မာတွေဟာ ယှက်နွယ်လာပြီး တစ်ဦးနဲ့တစ်ဦးငြိတွယ်တွန်းကန်မိသွားပါ‌တော့တယ်။ နှစ်ဦးသားပူးပေါင်းပြီး Tangled Army ရဲ့လျှို့ဝှက်ချက်တွေနဲ့ Lin Xi Rou နောက်ကွယ်ကအမှန်တရားကိုစတင်စူးစမ်းကြရာမှ သူတို့စိတ်ကူးထက် ကျော်လွန်တဲ့ကမ္ဘာတစ်ခု earth owl ဆိုတဲ့သတ္တဝါတွေရဲ့လျှို့ဝှက်ချက်၊ နက်နဲလှတဲ့စွမ်းအားတွေနဲ့ ထာဝရရှင်သန်ခြင်းတို့ကြားထဲရောက်ရှိသွားချိန်မှာတော့... လျှို့ဝှက်ချက်တွေက သူတို့ကို အကူအညီဖြစ်စေမှာလား? Yan Tuo ကရော သူ့မိသားစုရဲ့နောက်ကြောင်းကို ရှာနိုင်ပါ့မလား?? နက်နဲဆန်းကြယ်မှုတွေကြားမှာ နှစ်ဦးသားရဲ့နှလုံးသားဟာလဲ ပကတိဖြူစင်နိုင်ပါအုံးမလား??? စတဲ့စိတ်ဝင်စားဖွယ်ရာအကြောင်းအရာတွေနဲ့ ကြည့်ရှုသူရဲ့စိတ်အာရုံကိုဆွဲငင်သွားမှာမို့ Love on Turquoise Land ဆိုတဲ့ series ကို မဖြစ်မနေစောင့်မျှော်အားပေးကြဖို့ ညွှန်းလိုက်ရပါတယ်...။ Quality : WEB-DL 1080p, 720p  Total Episodes : 32 Format : mp4 Genres : Thriller, Romance, Fantasy, Supernatural Runtime : 45 min Subtitle : Myanmar Subtitle ( Hardsub )

CM ချစ်သူတို့ကို ပေါက်စီမြေမှာ ဘလိန်းတစ်သိန်းနဲ့ ပွဲဖြစ်ခဲ့တဲ့ Dream of the Red Chamber ကားလေးကို ဘာသာပြန်တင်ဆက်ပေးလိုက်ပါတော့တယ်... ဇာတ်ကားလေးကတော့ ဗားရှင်းမျိုးစုံနဲ့ကို ထွက်နေတဲ့ 红楼梦 ဆိုတဲ့ ဇာတ်ကားဖြစ်နေလို့ပါပဲ... ဒီကားလေးကလေ ၁၉၈၇ ခုနှစ် စီးရီးဗားရှင်းအပြီးမှာတော့ ... ၂၀၁၀ ခုနှစ် yang yang တို့ရိုက်တဲ့ ဗားရှင်းမှာလည်း များစွာ အပြစ်ပြောခံရပြီး... အခု ၂၀၂၄ ရုပ်ရှင်မှာ... သရုပ်ဆောင်တွေရဲ့ ရူပါ၊ သရုပ်ဆောင်မှု၊ ကာရိုက်တာပေါ် သိနားလည်မှုတွေအပြင် ဒါရိုက်တာကြီးရဲ့ ဇာတ်ညွှန်းပြောင်းလဲမှုတွေ ပြောဆိုနေကြပြန်တယ်... ဇာတ်လမ်းအကျဉ်းလေးကတော့.... လင်သိုက်ယွီဆိုတဲ့ မွေးရာပါ ကိုယ်ခံအားနည်းသူ၊ ကံဆိုးသူလေးက သူ့မိဘနှစ်ပါး ဆုံးပါးသွားချိန်မှာတော့ အားကိုးမဲ့စွာနဲ့ ကျာမိသားစုစံအိမ်ကြီးကိုရောက်လာတာပေါ့... 红楼梦ဖတ်ဖူးသူတိုင်း သိပါတယ်... လင်သိုက်ယွီက ကျာပေါင်ယွီကို မျက်ရည်တွေပြန်လာဆပ်ရသူပါ... ဒီဗားရှင်းမှာလဲ မိုးပေါ်ကကျလာတဲ့ လင်ညီမလေး ဆိုပြီး ပေါင်ယွီဟာ အတိတ်ကံကြောင့်လား နတ်ဖူးစာလားတော့မသိ လင်ညီမလေးကို အချစ်ပို မေတ္တာလျှံကာ အလေးပေးနေခဲ့သလို... လင်ညီမလေးကလည်း ပေါင်ကိုကိုအပေါ် အချစ်ကြီးရင် အမျက်ကြီးတယ်ဆိုသလို သဝန်တိုအူတိုတာလေးတွေကို မြင်တွေ့ရမှာပါ... တစ်ဖက်မှာလည်း ပေါင်ယွီရဲ့ နတ်ရေးတဲ့ဖူးစာရှင် ပေါင်ချိုင်လည်း ပေါ်လာပြန်တယ်... ဗားရှင်းအားလုံးနဲ့ အတူတူနီးပါးမလို့ ထူးထူးထွေထွေမပြောတော့ဘူး... ဒီကားလေးမှာ ထူးခြားတာကတော့ ဒီစံအိမ်ကြီးထဲက အရှုပ်တော်ပုံတွေပါပဲ... လူမှုရေးပတ်သက်ပုံတွေနဲ့ ငွေကြေးရှုပ်ထွေးမှုတွေကြားမှာ ပေါင်ယွီနဲ့ လင်သိုက်ယွီတို့ရဲ့ အချစ်ခရီးလေး ဘယ်လိုတွေ ကြမ်းတမ်းရတယ်ဆိုတာကို ကြည့်ဖို့ ဖိတ်ခေါ်လိုက်ပါတယ်နော် Filesize : 1.89 GB / 1.02 GB Quality : WEB-DL 1080p HEVC , 720p HEVC Format : mkv Genres : Drama Runtime : 2h Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

နှလုံးသားရဲ့ရင်ခုန်သံတွေက ဆယ်ကျော်သက်တိုင်းရဲ့ စိတ်မှတ်ဉာဏ်မှာ တစ်စိတ်တစ်ပိုင်း နေရာယူထားစမြဲပါပဲ... ဒီတစ်ခါမှာတော့ ကျောင်းသားအရွယ်ဘဝကို ပြန်တမ်းတစေမဲ့ လူငယ်ဒရာမာလေးကို CMက တင်ဆက်ပေးလိုက်ပါပြီနော် လင်းယွီကျင့်ဟာ မိဘ‌နှစ်ပါးရဲ့ကွာရှင်းမှုအပြီးမှာတော့ ဖခင်နဲ့အတူ မြို့သစ်တစ်မြို့ကို လိုက်ပါခဲ့ရပြီး ကျောင်းလည်းပြောင်းခဲ့ရပါတယ်၊ မိခင်သစ်ဖြစ်သူမှာ "ဖုမင်ရှိုး"လို့ခေါ်တဲ့ သားတစ်ယောက်လည်း ရှိပြီး ကိုယ်စီကိုယ်စီမာန်မာနနဲ့၊တစ်ဦးတည်းသော သားသမီးတွေလည်းဖြစ်တော့ အမြဲလိုလို အတိုက်ခံအချေအတင် ဖြစ်နေရပါတော့တယ်။ နောက်ဆုံးမှာတော့ စိမ်းကားပြီး သူစိမ်းဆန်တဲ့ နေရာသစ်မှာ လင်းယွီကျင့်တစ်ယောက် နွေးထွေးရာရပ်ဝန်းလေးကို ခြေလှမ်းမိပါတော့တယ်။ ကျောင်းမှာ အနိုင်ကျင့်သူလို့နာမည်ကျော်တဲ့ ရှန်ကျွမ်နဲ့ တွေ့ဆုံခဲ့ရတဲ့အခါ... အချင်းချင်း အမြင်စောင်းနေတဲ့ဆက်ဆံရေးကနေ အတန်းဖော်၊ အတန်းဖော်ကနေ သူငယ်ချင်းဆက်ဆံရေးထိ တစ်ဆင့်စီရင်းနှီးကျွမ်းဝင်လာပြီးနောက်မှာ... အရင်မိခင်ဖြစ်သူဟာ ဖခင်ဆီကနေ လင်းယွီကျင့်ကို ပြန်ခေါ်ဖို့ ရောက်လာခဲ့ပါတော့တယ် မြို့သစ်ကိုစလာစဉ် မိုးသဲမဲစွာရွာနေတဲ့ထိုနေ့ ...ပထမဆုံးမြင်လိုက်ရတဲ့ လူတစ်ယောက်၊အတိုတောင်းဆုံးတဒဂလေးမှာတင် မှတ်ဉာဏ်ထဲ နေရာယူသွားခဲ့တဲ့ ထိုမျက်ဝန်းတစ်စုံ... ဒါတွေအားလုံးကို အဆုံးသတ်ဖို့ဖြစ်လာတဲ့အချိန်ရောက်လာတော့မယ့်အချိန်မှာတော့... Quality : WEB-DL 1080p , 720p Total Episodes : 30 Format : mp4 Genres : Drama , Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Clytie Encoded by LK

ဒီတစ်ခါမှာတော့ CM ပရိသတ်တိုအတွက် စုံထောက်စတိုင်ဇာတ်ကားလေးတစ်ကားကို မိတ်ဆက်ပေးချင်ပါတယ် ။ Bro type စတိုင်နဲ့ ပရိတ်သတ်ရင်ကို ဖမ်းစားခဲ့တဲ့ My Roommate is a detective ဇာတ်ကားမှ မင်းသားချော Hu Yitian နဲ့Leon Zhang တိုကပဲ ပါဝင်သရုပ်ဆောင်ထားပါတယ်နော်။ ဇာတ်လမ်းအကျဥ်းလေးကတော့ ပီကင်းက ရှေ့နေငယ်လေး Si Tu Yan တစ်ယောက် အလုပ်ထုတ်ခံရပြီး စုံထောက်တစ်ယောက်ဖြစ်လာဖို ဟာပင်းကို ရောက်လာခဲ့တယ်။ အမှုတစ်ခု နောက်ကိုလိုက်ရင်း ဟာပင်းမှာ သူဌေးသားလေး Luo Shao Chuan နဲ့ သူငယ်ချင်းတွေဖြစ်ခဲ့ကြသလို Zhou Mo Wanနဲ့ အချစ်အမုန်းသံယောဇဉ်တွေဖြစ်ခဲ့ကြပါတယ်။ သူတိုသုံးယောက်ဆုံကြတဲ့အခါမှာ ပြဿနာတွေကို ဘယ်လိုတွေအဖြေရှာကြရင်း ဘယ်လိုခံစားချက်တွေပြောင်းလဲလာကြမလဲ။ ဦးတည်ချက်လမ်းကြောင်း, ကွင်းဆက်တစ်ခုစီနောက်ကိုလိုက်ရင်း လျှိဝှက်ဆန်းကြယ် အမှုတွေကို ဘယ်လိုဖော်ထုတ်ကြမလဲ။ "လူတိုင်းမှာ လျှိဝှက်ချက်ရှိတယ်" ဆိုတဲ့အတိုင်း သူတိုရဲ့ လျှိဝှက်ချက်ကရော ဘာတွေလဲဆိုတာကို ရင်ခုန်စိတ်လှုပ်ရှားဖွယ် ကြည့်ရှုရဦးမှာပါနော်။ (အညွှန်းရေးသားထားသူကတော့ Minnie Leon Silva နဲ့ Chan Mya Mya Thein ဖြစ်ပါတယ်) Quality : WEB-DL 720p Total Episodes : 24 Format : mp4 Genres : Thriller, Mystery, Historical, Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ဒီတစ်ခါ CMကနေ ဘာသာပြန်တင်ဆက်ပေးဖို့ ရွေးချယ်ထားတဲ့ ဇာတ်ကားလေးကတော့ ခေတ်လူငယ် အချစ်ကားလေးဖြစ်တဲ့ Hello, the Sharpshooterပဲဖြစ်ပါတယ်။ ဒီကားလေးမှာဆိုရင်တော့ A Love So Beautiful ထဲက မင်းသားချောလေး Hu Yi Tian က သေနတ်ပစ်ကစားသမားလေး (ရှန်ချင်းယွမ်)အဖြစ် Put Your Head On My Shoulder ထဲက မင်းသမီးချောလေး Xing Fei က ရုပ်သံလွှင့်ဌာနမှ သတင်းထောက်မလေး (ထန်ရှင်း) အဖြစ် အဓိကပါဝင် သရုပ်ဆောင်ထားကြတာပဲ ဖြစ်ပါတယ် ဇာတ်လမ်းလေးကတော့ အမျိုးသားအားကစားပြိုင်ပွဲမှာ ရုပ်သံလွှင့်ဌာန Sports Channelမှ အလုပ်သင်သတင်းထောက်မလေး ထန်ရှင်းက ပစ္စတိုသေနတ်ပစ်ပြိုင်ပွဲချန်ပီယံကို အင်တာဗျူးဖို့ တာဝန်ပေးခံရတယ်။ အင်တာဗျူးဖို့ လုပ်တဲ့အချိန်မှာ တစ်ဖက်သူက လွန်ခဲ့တဲ့ ၄နှစ်တုန်းက ထန်ရှင်း တိတ်တခိုးသဘောကျခဲ့တဲ့ ရှန်ချင်းယွမ်ဖြစ်နေတယ်။ ဒါပေမဲ့လည်း ထန်ရှင်းက အင်တာဗျူးတဲ့အခါ ရှန်ချင်းယွမ်ရဲ့ အေးတိအေးစက် တုံ့ပြန်မှုတွေကြောင့် ထိတ်လန့်သွားပြီး စကားထစ်သွားတာကြောင့် အလုပ်ပြုတ်လုနီးပါးဖြစ်ခဲ့ရတယ်။ အဲ့ဒီနောက်မှာတော့ အိုလံပစ်ရွေးချယ်ပွဲကို ဦးတည်ပြီး ကြိုးစားပြင်ဆင်နေတဲ့ သေနတ်ပစ်အဖွဲ့ရဲ့ နေ့စဉ်မှတ်တမ်းကို ရိုက်ကူးဖို့ဖြစ်လာတဲ့အခါမှာတော့ ရှန်ချင်းယွမ်နဲ့ ထန်ရှင်းတို့ တဖြည့်ဖြည်းနီးကပ်လာပြီး ရှန်ချင်းယွမ်လည်း ထန်ရှင်းအပေါ် အာရုံစိုက်မိလာတယ်။ ဘယ်လောက်ပဲ အခက်အခဲတွေ အဟန့်အတားတွေရှိရှိ မဆုပ်မနစ်ကြိုးစားတဲ့ အားကစားသမားတွေရဲ့ စိတ်ဓာတ် ၊ သေနတ်ပစ်အားသစားရဲ့ ရင်ခုန်စရာ အခိုက်အတန့်လေးတွေနဲ့ အချိန်တွေကြာလာတာနဲ့အမျှ ရှန်ချင်းယွမ်နဲ့ ထန်ရှင်းတို့ တစ်ယောက်နဲ့တစ်ယောက် အိမ်မက်တွေနဲ့ ချစ်ခြင်းမေတ္တာတွေကို အကောင်အထည်ဖော်နိုင်မလားဆိုတာကိုတော့ CMကနေ စောင့်မျှော်ကြည့်ရှု အားပေးကြပါဦးနော်~ File Size – @Episode Quality – 720p Duration – minute (@Episode) Total Episodes: Subtitle – Myanmar Hardsub Format – Mp4 Encoder – Lu Khint

ီတစ်ခေါက်မှာတော့ ကျွန်မတို ယင်းပေါင်တစ်ယောက် ရှင့်ဖူ အပြီးမှာ ၁၉၉၀ ဝန်းကျင်က ရွှီသူဌေးမအနေနဲ့ ရောက်လာပါပြီ... ဒီကားလေက ၁၉၉၀ ဝန်းကျင်ကာလမှာ ရွှပန့်ရှ ဆိုတဲ့ အမျိုးသမီးဟာ အမျိုးသားတွေနဲ့ ရင်ဘောင်တန်းပြီး အမျိုးသားတွေကြီးစိုးနေတဲ့ ဆောက်လုပ်ရေးလောကမှာ နေရာတစ်ခုရအောင်ကြိုးစားခဲ့တဲ့ အကြောင်းလေးပေါ့... ရွှီပန့်ရှဟာဆိုရင် သူ့မွေးချိန်မှာပဲ မိခင်ဟာ မီးတွင်းတည်းဆုံးခဲ့ပြီး ဖခင်ဟာလည်း ဂရုမစိုက် ပစ်ထားခံရသူလေးမို အချစ်ငတ်နေသူလေးပေါ့... ရွှီပန့်ရှက ဒီလို ခက်ခက်ခဲခဲ ကြီးပြင်းလာပေမယ့်လည်း အခက်ခဲကြုံရင် လာမယ့်ဘေး ပြေးတွေ့တတ်သူလေးတစ်ယောက်ပေါ့... ရွှီပန့်ရှမှာ ရှောင်ချန်နဲ့ ထုံရှောင်းချီဆိုတဲ့ သူငယ်ချင်းကောင်း ၂ ယောက် သူဝင်ဖိုကြိုးစားနေတဲ့ ဆောက်လုပ်ရေးလောကထဲကလူတွေပေါ့... ရွှပန့်ရှဟာ သူ့ရဲ့ မလျှော့သော စိတ်ဓာတ်ကို အရင်းခံပြီး အခက်ခဲတွေကို ထိပ်တိုက်ရင်ဆိုင်ပြီး သေဘေးတောင်မကြောက် ဆက်ကြိုးစားခဲ့တာကြောင့် နိုင်ငံတကာ ပိုကုန်လုပ်ငန်းအထိ ဖွင့်နိုင်ခဲ့တယ်... ဒီလိုနဲ့ အဆုံးသတ်မှာ ရွှပန့်ရှတစ်ယောက် သူလိုချင်တဲ့ ဆောက်လုပ်ရေး ဈေးကွက်ထဲက နေရာတစ်ခုအပြင် သူတောင့်တနေခဲ့တဲ့ အချစ်လည်း ရှာဖွေတွေ့ခဲ့လေသတည်းပေါ့... ဒီကားလေးကလည်း ရှင့်ဖူလိုပဲ အချစ်ရေးကို အသားပေးရိုက်ထားတာမျိုးမဟုတ်ဘဲ အမျိုးသမီးဆို နေရာမပေးချင်တဲ့ စီးပွားရေးလောကထဲ အမျိုးသမီးတစ်ဦး ကျားကန်ရုန်းကန်ရတဲ့အကြောင်းလေးကို အသားပေးရိုက်ကူးထားတာမို စာအုပ်နဲ့ ဘော်ပင်လေးကိုင်ပြီး ကြည့်ဖို တိုက်တွန်းလိုက်ပါတယ်.. (အညွှန်းရေးသားထားသူကတော့ Chu Chu ဖြစ်ပါတယ်) Quality : WEB-DL 1080p Total Episodes : 36 Format : mp4 Genres : Bussiness, Romance, Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

❏ ခပ်ဆိုးဆိုး/ခပ်မိုက်မိုက်ကောင်လေး - လီရွှင် နဲ့ ❏ စာတော်တဲ့ တက္ကသိုလ်ကျောင်းသူလေး - ကျူးယွင့် တိုရဲ့ အချစ် အမုန်း ဆုံးရှုးမှုတွေ ပေးဆပ်မှုတွေ ကြားထဲမှ ပေါက်ဖွားလာမဲ့ အချစ်ဇာတ်လမ်းလေးတစ်ပုဒ်...! တက္ကသိုလ်ကျောင်းသူဘဝကို ပထမဆုံးခြေလှမ်းခါစပြုနေတဲ့ ကျူးယွင့်ဟာ ခပ်ဆိုးဆိုးကောင်လေး လီရွှင်နဲ့ တွေ့ဆုံခဲ့ပြီး သူမရဲ့ဘဝဟာ ဇောက်ထိုးမိုးမျှော်ဖြစ်ခဲ့ရပါတော့တယ် ဘာကိုမှမသိနားမလည် ပိုက်ဆံဖြုန်းဖိုသာသိတဲ့ သူဌေးသားတစ်ယောက်လို ကျူးယွင့်ရဲ့ အထင်မှားခြင်းကို ခံထားရတဲ့ "သူ" ဟာ တကယ်တမ်းတော့ Programming ပိုင်းမှာ တစ်ဖက်ကမ်းခပ်ကျွမ်းကျင်တဲ့ ပညာရှင်လေးတစ်ဦးဖြစ်နေခဲ့ပါတယ် နှစ်ယောက်သားဟာ အကြိမ်ပေါင်းများစွာ တွေ့ဆုံပြီးတဲ့နောက်မှာတော့ တစ်ဦးနဲ့ တစ်ဦး လေးနက်မှူတွေ/တန်ဖိုးထားမှုတွေ ဖြစ်ပေါ်လိုလာခဲ့ပါတယ် ကျူးယွင့်အခက်အခဲတွေနဲ့ ရင်ဆိုင်ကြုံတွေ့ရတဲ့ အချိန်မှာလဲ လီရွှင်ဟာ သူမရှေ့ကနေပြီး မားမားမက်မက် ရပ်တည်ကာကွယ်ပေးခဲ့ပါတယ် ဒီလိုနဲ့ နှစ်ယောက်သားရဲ့ ရိုးရှင်းတဲ့ဆက်ဆံရေးကြားမှာ ချစ်ခြင်းမေတ္တာတွေ တစ်ဖြည်းဖြည်းပေါက်ဖွားလာခဲ့ပြီးတော့ မိသားစုအခြေအနေ ကွာခြားမှုတွေကိုတောင် ဂရုမပြုပဲ သတ္တိရှိရှိနဲ့ ရှေ့ဆက်လျှောက်လှမ်းခဲ့ပါတယ် ဒါပေမဲ့လို သူတိုနှစ်ဦးရဲ့ အချစ်ရေးလမ်းကြောင်းဟာ ဖြောင့်ဖြူးဖိုအတွက် ကံပါမလာခဲ့ပါဘူး ကံကြမ္မာရဲ့အလှည့်အပြောင်းတွေ ကံကြမ္မာရဲ့မျက်နှာသာမပေးမှုတွေကြောင့် လီရွှင်ရဲ့အစ်မဖြစ်သူဟာ မသမာသူတစ်ဦးကြောင့် ကားတိုက်မှုမတော်တဆဖြစ်ပွားခဲ့ပြီး အစ်မဇောနဲ့ စိတ်မထိန်းနိုင်တဲ့ လီရွှင်ဟာ တရားခံဖြစ်သူကို ထိခိုက်မှုဖြစ်စေခဲ့တာကြောင့် ထောင်ဒဏ်ချမှတ်ခံလိုက်ရတဲ့အချိန်မှာတော့...? ❐ သူတိုနှစ်ဦးရဲ့ အချစ်ဇာတ်လမ်းလေးဟာ ဘယ်လိုဆက်ဖြစ်သွားမှာလဲ ? ❐ ကြုံလာတဲ့ အခက်အခဲတွေကိုရော သူတိုနှစ်ဦး ရင်ဆိုင်ကျော်ဖြတ်နိုင်ပါ့မလား ? ❐ သူတိုအပေါ် မသမာခဲ့တဲ့ လူတစ်စုအပေါ်ကိုရော ပြန်လည်ချေပါ့နိုင်ပါ့မလား ? ❐ လီရွှင်ခံစားနေရတဲ့ မိသားစုနဲ့သက်ဆိုင်တဲ့နာကျင်မှုတွေကို ကျူးယွင့်က အထိန်းအကွပ်မဲ့ပေးဆပ်ပြီး ကုစားနိုင်ပါ့မလား ? ❐ သူတိုနှစ်ဦး မျှော်လင့်ထားတဲ့ချစ်ခြင်မေတ္တာလေးကိုရော ပိုင်ဆိုင်နိုင်ပါ့မလား ? ဆိုတာ ဒီဇာတ်ကားလေးထဲမှာ အဖြေရှာလိုက်ရအောင်လားရှင် အချစ် / အမုန်း / ဒေါသ / မာန်မာန / ၆ပအညှ်းအတေးတွေ အစရှိတဲ့ ရသမျိူးစုံကို ပေးစွမ်းနိုင်မဲ့ဇာတ်ကားကောင်းလေးတစ်ကားဖြစ်လို အခုပဲကြည့်ရှုလိုက်ရအောင်ပါနော် [Reviewed By Chit Mya Mya Hmwe] Quality : WEB-DL 720p,1080p Total Episodes : 22 Format : mp4 Genres : Bussiness, Youth, Romance, Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

Hello…အခု မိတ်ဆက်ပေးမှာကတော့ (Ashes Of Love) ထဲက မင်းသမီး Yang Ziက အမျိုးသမီးစိတ်ပညာရှင် ဟဲ့သွမ့်အနေနဲ့ (Monster Hunt)ထဲက မင်းသား Jing Boranက ရေဒီယိုအသံလွှင့် စီစဉ်တင်ဆက်သူ ချန်ခိုင်ယိအနေနဲ့ အဓိကပါဝင်သရုပ်ဆောင်ထားတဲ့ The Psychologist ဆိုတဲ့ကားလေးပဲဖြစ်ပါတယ်။ ဇာတ်လမ်းလေးကတော့ အမျိုးသမီးစိတ်ပညာရှင်ဖြစ်တဲ့ ဟဲ့သွမ့်က မိမိကိုယ်ကိုသေကြောင်းကြံစည်မှုအသိပေးတားမြစ်ရေးကြော်ငြာကြောင့် သူရဲ့အသက်မွေးဝမ်းကြောင်းအကြပ်ရိုက်ခဲ့တယ်။ စိတ်ဓာတ်ကျနေတဲ့ ဟဲ့သွမ့်က သူ့အချစ်ဆုံးသူငယ်ချင်းနဲ့ စားသောက်ဆိုင်မှာတူတူရှိချိန်မှာဘဲ အမှတ်မထင် ရဲ့ကျားဝေးနဲ့ ရေဒီယိုအသံလွှင့်ဌာနက တင်ဆက်သူ ချန်ခိုင်ယိနဲ့ ဆုံတွေ့သွားကြတယ်။ ချန်ခိုင်ယိက ဟဲ့သွမ့်ကို စိတ်ပညာရေးဆိုင်ရာရေဒီယိုအစီအစဉ်လုပ်ဖို့ ကမ်းလှမ်းရာကနေ တူတူလုပ်ဖြစ်သွားကြတယ်။ အဲ့အစီအစဉ်က လူသိများလားပြီး ဟဲ့သွမ့်လည်း အလုပ်တွေများလာသလို ဟဲ့သွမ့်အပေါ်ချန်ခိုင်ယိရဲ့ လျှို့ဝှက်တဲ့ချစ်ခြင်းမေတ္တာတွေရှိလာပြီး နောက်ပိုင်းတော့……. အဲ့အချိန်မှာဘဲ ဟဲ့သွမ့်ရဲ့ကျေးဇူးရှင်ဆရာ ကျိမင်ချုံးက အရှုပ်တော်ပုံတွေနဲ့ရင်ဆိုင်ရတဲ့အခါ…. ဟဲ့သွမ့်က ပြဿနာ ဖြစ်ရပ်မှန်ကိုရှာဖွေရင်း သူ့ဆရာရဲ့လျှို့ဝှက်ချက်ကိုသိသွားတဲ့နောက်မှာ….. နောက်ပြီး အချစ်ဆုံးသူငယ်ချင်းရဲ့ အိမ်တွင်းရေးပြဿနာတွေ…… ရဲ့ကျားဝေးက သူ့ကိုအသုံးချပြီး ကျေးဇူးရှင်ဆရာကို ကလဲ့စားချေတာကို ဟဲ့သွမ့်သိသွားတဲ့အခါ….. မထင်ထားတဲ့ အဖြစ်ပျက်တွေကြားမှာ စိုးရိမ်ပူပန်လွန်းတာကြောင့် စိတ်ဖိစီးလာတဲ့ ဟဲ့သွမ့်ဟာ ငယ်ငယ်ကမကောင်းတဲ့အတိတ်တွေပြန်နိုးလာပြီး Sleepwalkingရောဂါပြန်ပေါ်လာတဲ့နောက်….. ကျောက်ရှီးဖင်(ဟဲ့သွမ့် အမေ)နဲ့ ဟဲ့သွမ့်တို့ရဲ့ သားအမိကြား ငယ်ဘဝကအထင်လွဲမှုတွေကို ဘယ်လိုရင်ဆိုင်ကျော်လွှားကြမလဲ…… ချန်ခိုင်ယိနဲ့ ဟဲ့သွမ့်တို့ကြားက ချစ်ခြင်းမေတ္တာတွေဘယ်လိုဆက်ဖြစ်ကြမလဲ…… နှစ်ဦးကြားချစ်ခြင်းမေတ္တာတွေ…..မိသားစုကြားနွေးထွေးမှုတွေနဲ့ စိတ်ပညာရပ်ဆိုင်ရာ ဗဟုသုတလေးတွေရော ခုခေတ်လူငယ်တွေကြုံနေရတဲ့စိတ်ပိုင်းဆိုင်ရာပြဿနာတွေအတွက် အားဆေးဖြစ်စေပြီး နွေးထွေးပြီး စိတ်အပန်းပြေစေမယ့် ဇာတ်ကားကောင်းလေးကိုတော့ CM ကနေစောင့်မျှော်ကြည့်ရှုအားပေးကြဦးနော်… Total Episodes : 48 Quality : WEBRip 720p Format : mp4 During : 45 mins ( Per Episode ) Genres : Romance , Drama Subtitle : Myanmar Subtitle ( hardsub ) Translated By CCF Team Encoded By LK

Go ahead ထဲက အစ်ကိုလေးကို Steven Zhangအခုဒီကားမှာ စမတ်ကျပြီး တကယ့်ကို ပျိုတိုင်းကြွေမယ့်ပုံစံလေးနဲ့ တွေ့ရတာတင် အတော်တန်နေပါပြီ ဇာတ်လမ်းအကျဉ်းကိုပြောရမယ်ဆိုရင် ဒီဇာတ်လမ်းက ၁၉၃၀ နောက်ခံဌားပြီး ရှန်ဟိုင်းမြို့ကို အခြေခံထားတာပေါ့... ဒီဇာတ်လမ်းထဲမှာ ချန်ယိကျီက ဆင်းရဲတဲ့မိသားစုမှာမွေးဖွားလာခဲ့သူဖြစ်ပြီး ဝူရူဖုဆိုတဲ့ ဘဏ်ပိုင်ရှင်နဲ့ သူ့သမီးလေး ဝူလီကျီနဲ့ ရေစက်ဆုံတွေ့ခဲ့တယ်.... ဝူမိသားစုရဲ့ အားပေးမှုကြောင့် ချန်ယိကျီက သာမန်အလုပ်ကနေထွက်ပြီးစီးပွားရေးလုပ်ငန်းရှင်အနေနဲ့ စီးပွားရေးလောက ငွေကြေးပိုင်းထဲဝင်လာခဲ့ပြီး ဟွမ်သူဌေးရဲ့ မသမာမှုကြောင့် ဝူရူဖုဆုံးသွားတဲ့အခါ သူနောက်ကွယ်က ငွေမည်းတွေအကြောင်းသိသွားခဲ့တယ်.. ဒါကြောင့်လည်း ဟွမ်သူဌေးနဲ့ လက်တွဲဖြုတ်ပြီး လီကျီနဲ့အတူပူးပေါင်းပြီး ဘဏ်လုပ်ငန်းသွေးသစ်လောင်းဖို့ကြိုးစားခဲ့တယ်...ဒီဇာတ်လမ်းက အခု လက်တွေ့ဘဝနဲ့ အတော်လေးနီးစပ်သလို ဘဏ်လုပ်ငန်းနဲ့ ငွေကြေးလုပ်ငန်းတွေလည်ပတ်ပုံကို ဇာတ်ကားကြည့်ရင်းနားလည်ပြီး ဇာတ်ကားထဲကနေ အတွေ့အကြုံတွေ လုပ်ပုံကိုင်ပုံတွေ လုပ်ငန်းစဉ်တွေကိုကြည့်ပြီး လေ့လာနိုင်တဲ့ ဇာတ်ကားကောင်းလေးဖို့ ပညာရပ်အသစ်လေ့လာနိုင်တာမို့ ကြည့်ဖြစ်အောင်ကြည့်လိုက်နော် Quality : WEB-DL 720p Format : mp4 Total Episodes : 41 Gernes : Drama , Romance During : 45min Per Episode Subtitle : Myanmar Subtitle ( Hardsub ) Translated By CM Team Encoded By LK

သိုင်းပညာရှင်ဖူဆောင်လင်(Jackie Chan)က လူသားတွေကိုရန်ပြုတဲ့မိစ္ဆာတွေကို ဖမ်းဆီးနှိမ်နင်းသူဖြစ်တယ်။ မိစ္ဆာဖမ်းဆီးသူပီပီ ဝေယျာဝစ္စခိုင်းတဲ့မိစ္ဆာတပည့်လေးကောင်လည်းရှိတယ်။ ဆရာဖူက မိစ္ဆာတစ်ကောင်ဖမ်းပြီးတိုင်း မိစ္ဆာဖမ်းရင်းကြုံရတဲ့အဖြစ်အပျက်တွေကို ဇာတ်လမ်းပြန်ရေးပြီး စာအုပ်ထုတ်ရောင်းလေ့ရှိတယ်။ ဒီဇာတ်လမ်းထဲမှာတော့ ဆရာဖူရဲ့စွန့်စားခန်းထဲမှာမှကြုံတွေ့ရမဲ့ လူသားနဲ့မိစ္ဆာကြားကလွမ်းဆွေးဆွတ်ပျံ့ဖွယ်အချစ်ဇာတ်လမ်းတစ်ပုဒ်နဲ့အတူ ဟာသနဲ့အဆွေး ဆန့်ကျင်ဘက်ခံစားချက်နှစ်မျိုးကိုပေါင်းစပ်ခံစားလို့ရမယ့်ကားတစ်ကားဖြစ်ပါတယ်။ Comedy/ Fantasy Action/ Romance Fanတွေအတွက် အကြိုက်တွေ့မယ့်ဇာတ်ကားတစ်ကားလည်းဖြစ်ပါတယ်။ File size…(3.2 GB)/(1.4 GB) Quality….Blu-Ray 1080p / 720p Format…mp4 Duration….01:49:00 Genre... Action, Adventure, Family Subtitle….Myanmar Subtitle (Hardsub) Encoder….Garfield Translated by Su Eaindra

Meteor Garden(2018)ဇာတ်လမ်းတွဲအညွှန်း အပိုင်း( ၁ မှ ၄၉) စ/ဆုံး (WEB-DL 1080P ဖြင့် တင်ဆက်ပေးထားပါသည်...) တုံရှင်းချိုင်ဆိုတဲ့ကောင်မလေးဟာ အခြေခံလူတန်းစားကမွေးဖွားခဲ့တဲ့ကောင်မလေးတစ်ယောက်... သူမရဲ့ရည်မှန်းချက်က မင်ဒဲ တက္ကသိုလ်ကို ဝင်ပြီး သူမ ဝါသနာပါတဲ့ မေဂျာယူရင်း အအောင်မြင်ဆုံးဖြစ်အောင်ကြိုးစားဖို့ပါ... မင်ဒဲတက္ကသိုလ်က တော်ရုံလူတော့ ဝင်နိုင်ဖို့မလွယ်..ဒါကြောင့် တုံရှင်းချိုင်တစ်ယောက်အရမ်းပျော်နေခဲ့တာပေါ့... သူငယ်ချင်းအသစ်တွေ အတွေ့အကြုံသစ်တွေနဲ့ ကျောင်းပျော်ကြီးဖြစ်မယ်လို့ ထင်ခဲ့ပေမဲ့ ကျောင်းရဲ့ အထင်ကရ F4 လေးယောက်နဲ့တွေ့တဲ့အခါမှာတော့ သူမ ထင်ထားခဲ့သလိုဖြစ်မလာတော့ပါဘူး... ဒီတရုတ်စီးရီးက ကွီးယားF4 ကိုအဓိက ကျောရိုးယူရိုက်ကူးထားတာပါ...တရုတ်ရဲ့ ဓလေ့ထုံးတမ်းတွေပြင်ဆင်ရိုက်ကူးခဲ့တဲ့အပြင် ရှုခင်းတွေလည်းအတော်ကြီးကိုလှပါတယ်....မျက်စိတော့ အတော်အေးပါတယ်.... အပိုင်း (၄၉)ပိုင်းရှိပြီး သူလည်း တစ်မျိုးလေးခံစားလို့ကောင်းပါတယ်.... ဒါ့ကြောင့် တရုတ်ပုံစံလေးသဘောကျတဲ့သူတွေအတွက်ရော ခံစားချင်လို့ရအောင် တင်ဆက်ပေးထားပါတယ်..... Quality –1080 WEB-DL  Duration – 45Min (@Episode) Subtitle – Myanmar Hardsub Format – Mp4 Genre : Comedy, Drama, Romance  Translator – CM Team Encoder –  Phyo Pyae

IMDb Rating - 5.9/10 ဒီကားကို ငွေရှာဖို့ရည်ရွယ်ချက် ခပ်များများနဲ့ ရိုက်ကူးခဲ့သလို ငွေလည်း တော်တော်ပြန်ရလိုက်တဲ့ဇာတ်ကားပါ။ Battle Scene တွေ တော်တော်ကောင်းတယ်လို့ ပြောနိုင်သလို တဆိတ်ရှိရင် ဖုန်တလုံးလုံးထ CGI တွေပဲ တွင်တွင်သုံးထားတယ်လို့လည်း ပြောလို့ရပါရဲ့။ ဘယ်လိုပဲပြောပြော တရုတ်ကားတွေထဲမှာ သူတို့ ယဉ်ကျေးမှုပဲအ‌ကောင်း၊ သူတို့ပဲ အာဇာနည်၊ သူတို့ပဲ ပညာရှိတဲ့ ဇာတ်ကွက်ကသွေဖည်လို့ နှစ်ဖက်မျှမျှတတ သမိုင်းစစ်စစ်ကို ထုတ် ပြသွားတယ်လို့ ယူဆရပါလိမ့်မယ်။ တရုတ်သိုင်းနဲ့ ရောမအသတ် အပုတ်ကို ယှဉ်ပြတဲ့အခါ အလှအပဟန်ကဲတဲ့ တရုတ်သိုင်းဟန်နဲ့ အင်အားသုံးပြီး ရန်သူကို အချိန်တိုအတွင်း အပြီးသတ်လိုတဲ့ ရောမ ဂလက်ဒီယေတာဟန်ကိုလည်း ကွဲကွဲပြားပြား မြင်ခဲ့ရပါတယ်။ မြို့တော်တည်ဆောက်ရေးလုပ်ငန်းမှာ ဗိသုကာပညာပိုင်းယှဉ်လာတော့ ရောမမြို့ကြီးကို လှပခံ့ညားစွာဆောက်ခဲ့တဲ့ ရောမသားတွေရဲ့ သိပ္ပံနည်း စနစ်ကျကျ တည်ဆောက်ရေးပညာက တရုတ်တို့ ရက် ၁၀၀ စီမံကိန်းကို ၁၅ ရက်နဲ့ အပြီးသတ်တည်နိုင်ခဲ့တာမျိုး။ ကျောက်တုံးကြီးတွေနေရာမှာ ကျောက်စရစ်ခဲသံသေတ္တာနဲ့ အစားထိုးပြီး မြို့တံတိုင်းထိုးခဲ့ပုံတွေ။ တရုတ် တွေ အလေးအပင်တွေကို လူအားနဲ့ ကြိုးဆွဲပြီး မချိမဆန့်တင်နေရချိန်မှာ ရောမသားတွေရဲ့ အားပြောင်းအားလွှဲဝန်ချီစက်ကြောင့် အချိန်လုပ်အား သက်သာရတာတွေကို အသားပေးထားလို့ တရုတ်ကားမှ ဟုတ်ပါလေစလို့ ထင်မှတ်ရတဲ့အထိပါပဲ။ တရုတ်တို့ရဲ့ အသောက်အစား ရေမြေတောတောင်ကိုဖွဲ့တဲ့ ဂီတသံအပြီးမှာ ရောမတို့ရဲ့ နိုင်ငံချစ်စိတ်၊ သူရဲကောင်းစိတ်ဓာတ်၊ အမှန်တရားကို မြတ်နိုး တတ်ပုံတွေကို အတိုင်းသားမြင်ရတဲ့ ဂီတသံကို တရုတ်တို့ အံ့ဩဘနန်းဖြစ် ရပုံလည်း မြင်ရပါဦးမယ်။ ဒီဇာတ်ကားဟာ ဖြစ်ရပ်မှန်ကို ရိုက်ကူးတင်ဆက်ထားတာပါတဲ့။ ရောမအင် ပါယာကြီးကနေ ထွက်ပြေးလာတဲ့ အိမ်ပြေး ဗိုလ်ချုပ်တစ်ယောက်နဲ့ ပိုးလမ်း မကြီးထက်က နိုင်ငံရာဇဝတ်သား ရဲဘက်အလုပ်သမား တရုတ်ဗိုလ်မင်းတစ် ယောက်တို့ရဲ့ ၁၅ ရက်တာ ခင်မင်မှုကနေ အသက်ပေး ချစ်ခင်ရသူ မိတ်ဆွေ ကြီးတွေ ဖြစ်ခဲ့ရတဲ့ဇာတ်လမ်းပါ။ ရောမအင်ပါယာမှာ လက်ရှိတရားသူကြီး ချုပ် (ဘုရင်) ရဲ့ အကြီးဆုံးသားက ထီးနန်းဆက်ခံသူ ညီအငယ်ဆုံးကို မျက် ကန်းဖြစ်အောင် အဆိပ်ခပ်လိုက်တဲ့အခါ သစ္စာရှိဗိုလ်ချုပ် လူစီးယက်စ်က သားတော်လေးကို ကယ်တင်ထွက်ပြေးလာပြီး တရုတ်နဲ့ အနောက်ဒေသနယ် စပ် ပိုးလမ်းမကြီးထက်က ငန်းရိုင်းဂိတ်တံခါးကို ရောက်လာပါတယ်။ တရုတ်အင်ပါယာ ဟန် မင်းဆက် ပိုးလမ်းမကြီးကာကွယ်ရေး တပ်ခွဲလေးတစ် ခုက ခေါင်းဆောင်ဗိုလ်မင်း ဟိုအန် က သူ့ရဲ့လက်ထောက် သစ္စာဖောက်တဲ့ အတွက် ရွှေမှောင်ခိုလုပ်တဲ့အမှုတွဲတပ်ခံရပြီး ရာဇဝတ်သားဖြစ်ခဲ့ရတယ်။ သူ့ကို ငန်းရိုင်းဂိတ်တံခါးမှာ ရဲဘက်အလုပ်သမားအဖြစ် တာဝန်ပေးခံရချိန် ဂိတ်တံခါးကို ခြိမ်းခြောက်လာတဲ့ ရောမတပ်မဟာကြီးကို ရင်ဆိုင်လိုက်ရပါ တယ်။ နောက်ဆုံး လူစီးယက်စ် နဲ့ ဟိုအန် စီးချင်းထိုးဖို့ဖြစ်လာပြီး တိုက်ပွဲဝင် နေစဉ်မှာ သဲမုန်တိုင်းတိုက်လာတဲ့အတွက် ဟိုအန် က လူစီးယက်စ် ကို မြို့ထဲ အဝင်ခံပြီး တစ်ညတာ တည်းခိုခွင့်ပေးခဲ့ပါတယ်။ နောက်ပိုင်း ဟိုအန် ရဲ့ မြို့ တော်တည်ဆောက်ရေးလုပ်ငန်းမှာ လူစီးယက်စ် ကဝင်ကူရင်း သွေးချင်းညီ နောင်သဖွယ် ညီအစ်ကိုရင်းချာလို မိတ်ဆွေတွေဖြစ်လာခဲ့ပါတယ်။ အဲဒီအချိန် မှာပဲ ရောမအင်ပါယာက ကောက်ကျစ်တဲ့ သားကြီးဩရသက ညီငယ်နောက် လိုက်လာပြီး သူ့ရဲ့တပ်မဟာကြီးနဲ့ ငန်းရိုင်းဂိတ်တံခါးကို ဝိုင်းလိုက်တဲ့အချိန်မှာတော့ ... Jackie Chan ရယ်၊ 2012 ကမ္ဘာပျက်ကားထဲမှာ သရုပ်ဆောင်ခဲ့တဲ့ John Cusack တို့က ခေါင်းဆောင်မင်းသားတွေဖြစ်ပြီး The Pianist ဇာတ်ကား ထဲက မင်းသားကြီး Adrien Brody က ဗီလိန်အဖြစ် ဝေဝေဆာဆာ ပါဝင် သရုပ်ဆောင်ထားတာမလို့ ကြည့်သင့်တဲ့ဇာတ်ကားတစ်ကားဖြစ်ပါကြောင်း ပြောကြားရင်း တင်ဆက်ပေးလိုက်ပါပြီ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Arr Khun Winchester ဖြစ်ပါတယ်) File Size..........(2.66 GB) / (1.53 GB) Quality............BLU-RAY 1080p / 720p Duration.........2Hr 07Min Subtitle...........Myanmar Hardsub Format............MP4 Genre..............Action, Drama, Fantasy Translator.......Arr Khun Winchester Encoder..........Zin Phyo Aung

ဂျက်ကီချန်းရဲ့ ၂၀၁၂ က ဂင်းနစ်စံချိန်တွေတင်ခဲ့တဲ့ အက်ရှင်ကားလေးပါ Armour of God(1986) နဲ့ Armour of God II: Operation Condor(1991) တို့ရဲ့ အဆက်ဖြစ်ပေမယ့် ဒီတစ်ကားတည်း ကြည့်လို့လည်း အဆင်ပြေပါတယ် ဂျက်ကီချန်းအနေနဲ့ "စတန့်အများဆုံး" နဲ့ "ရုပ်ရှင်တစ်ကားတည်းမှာ Credit အများဆုံး" ဆိုတဲ့ ဂင်းနစ်စံချိန်နှစ်ခု တင်နိုင်ခဲ့ပါတယ် ဇာတ်လမ်းအကျဉ်းကတော့ ဒုတိယဘိန်းစစ်ပွဲကာလမှာ ပြင်သစ်-အင်္ဂလိပ်လူမျိုးတွေက တရုတ်နိုင်ငံရဲ့ အထင်ကရ Old Summer Palace ကို ဝင်စီးခဲ့ပြီး တရုတ်ရာသီခွင် ကြေးခေါင်းရုပ် ၁၂ ရုပ်ကို ခိုးသွားခဲ့ပါတယ် မျက်မှောက်ခေတ်မှာ MP လုပ်ငန်းစုက ကြေးရုပ်တွေကို လေလံတင်ဖို့ JC (ဂျက်ကီချန်း) ကို ကျန်ရှိနေတဲ့ ကြေးရုပ်တွေ ရှာပေးနိုင်ရင် ဘောနပ်စ် ၁၀ ဆ ပေးမယ်ဆိုပြီး တာဝန်ပေးပါတယ် ဒီလိုကနေ JC တို့အဖွဲ့က ရှေးဟောင်းပစ္စည်းကျွမ်းကျင်တဲ့ ကောင်မလေးဖြစ်တဲ့ Coco ရှိတဲ့ ပဲရစ်ကို ရောက်လာခဲ့ပြီး ကြေးခေါင်းတွေပိုင်ထားတဲ့ ပြင်သစ်သူလေး ကတ်သရင်းရဲ့ စံအိမ်ကိုပါ ရောက်သွားပါတယ် ဒီကနေ သူတို့တွေလူစုပြီး ကျွန်းတစ်ကျွန်းပေါ်မှာ ရွှေတုံးတွေရှာတဲ့ဇာတ်လမ်းနဲ့ ကြေးခေါင်းအရှုပ်တော်ပုံ စွန့်စားခန်းတွေကို တစ်ဝကြီးခံစားရမှာဖြစ်ပြီး... နာမည်ကြီးကားမို့လို့ ကြည့်ပြီးသားဆိုတဲ့ သူတွေကိုလည်း နောက်တစ်ခေါက် ပြန်ကြည့်ဖို့ တိုက်တွန်းလိုက်ပါတယ် File size…(2.6 GB)/(1 GB) Quality….Blu-Ray 1080p / 720p Format…mp4 Duration….01:49:00 Genre...Action, Adventure, Comedy Subtitle….Myanmar Subtitle (Hardsub) Encoder….Garfield Translated by Sike Tan

မိစ္ဆာမလေးနဲ့ ခပ်အအ လူငယ်လေးရဲ့ လောကတစ်ဖက်ခြား အချစ်ဇာတ်လမ်းလေးဟာ သိပ်ကိုလှပပြီး လွမ်းတရင်ဆို့ဖွယ်လေးပေါ့ဗျာ။ ကဝေမကြီးရဲ့ ထိန်းချုပ်မှုအောက်မှာ ယောက်ျားတွေကို မြူစွယ်လို့ ဝိညာဉ်အာဟာရ ရှာပေးရတဲ့ မိစ္ဆာမလေးတွေရဲ့ ဂန္ဓာလရာဇ် တစ်ထောင့်တစ်ညပုံပြင်လေးတစ်ခု။ ဒီဇာတ်ကားကို Joey Wong နဲ့ စတင်ရင်းနှီးခဲ့ရတာ။ လေပေါ်မှာလွင့်မြောနေပြီး ပိတ်စပါးပါးလေးတွေတလွင့်လွင့်နဲ့ သူ့ရဲ့အလှက ရွှေစင်ကို သကြားမင်းကိုယ်တိုင် ထုဆစ်ထားသလိုပါပဲ။ အဲဒီဇာတ်ကားဟာ သိပ်ကိုအောင်မြင်လွန်းလို့ ဟောင်ကောင်ရုပ်ရှင် ဂန္ထဝင်ဇာတ်ကား ၁၀၀ ထဲမှာ နံပါတ် ၅၀ ချိတ်ခဲ့တာပေါ့။ ဒါနဲ့ပဲ အဆက် ၂ ကား၊ animated ရုပ်ရှင်တစ်ကား၊ တီဗီ series တစ်ခုနဲ့ အခုတင်ဆက်ပေးမယ့် ၂၀၁၁ remake ဇာတ်ကားတို့ အဆင့်ဆင့်ရိုက်ကူးခဲ့ပါတယ်။ ဒီဇာတ်ကားမှာတော့ မကောင်းဆိုးဝါးမလေး စုစင်း နေရာမှာ Lui Yifei (ဂူးဂူး) ပါဝင်သရုပ်ဆောင်ထားပါတယ်။ ဂူဂူးရယ်လို့ ထင်ရှားလှတဲ့ ကျွန်တော်တို့ရဲ့ အိပ်မက်မင်းသမီးလေးဟာ ဒီဇာတ်ကားမှာတော့ Joey Wong ရဲ့လောင်းရိပ်အောက်က ဖောက်မထွက်နိုင်ခဲ့ပါဘူး။ ဘယ်လိုပဲပြောပြော၊ မူလ A Chinese Ghost Story ရဲ့ဇာတ်ကွက်နဲ့ ကျောရိုးကိုဖောက်ထွက်ပြီး ရသအသစ်တွေကို ထပ်ပေးနိုင်တဲ့ကားဖြစ်ပါတယ်။ အချစ်မှာကန့်သတ်ချက်တွေမရှိဘူးဆိုကြပေမယ့် သဘာဝခြင်း ကွာခြားလှတဲ့လူသားနဲ့မိစ္ဆာလောက ၂ခုကြားမှာ လွမ်းမောဖွယ်အဖြစ် တည်ရှိနေမယ့် အချစ်တစ်ခုကိုမြင်တွေ့ရတာဟာ လက်တွေ့ဘဝတွေထဲမှာ အချစ်ကိုဖွေရှာခြင်းလို ရင်ကိုထိရှစေခဲ့ပါတယ်။ ဇာတ်လမ်းကတော့ အားလုံးသိထားပြီးသားပါ။ မကောင်းဆိုးဝါးမလေးတွေကို ကဝေမကြီးကထိန်းချုပ်ပြီးခိုင်းစား။ ခပ်အအ လူငယ်လေး သူတို့ဆီရောက်လာ။ စုစင်း နဲ့တွေ့။ ချစ်မိသွား။ စုစင်း က သူ့ကိုကာကွယ်။ တာအိုဆရာတွေနဲ့ ကဝေမကြီးနဲ့ချ။ နိုင်ချွေးစန် ဆိုတဲ့ ခပ်အအလူငယ်လေး ကဝေမကြီးလက်က စုစင်းရဲ့ ခန္ဓာကိုယ်ကို ခိုးယူပြီး ထွက်ပြေးကြတဲ့ဇာတ်လမ်းပါပဲ။ ကဲ။ သရဲကားကို စောင်ကိုက်ပြီး ကြည့်ကြရအောင်လား‌ဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်) File size…(4.2 GB)/ (1.3 GB) Quality….BluRay 1080p /720p Format…mp4 Duration….01:41:00 Subtitle….Myanmar Subtitle(Hardsub) Encoder….Ka Naung Translated by Arr Khun Winchester

တရုတ်ပြည်တစ်ခုတည်းအဖြစ် မပေါင်းစည်းနိုင်သေးဘဲ နိုင်ငံငယ်တွေ အချင်းချင်း စစ်ဖြစ်နေတဲ့ခေတ်မှာ ဇာတ်လမ်းစထားပါတယ်။ ဝေနဲ့ လီအန်းတို့ တိုက်ကြတဲ့ တိုက်ပွဲတစ်ပွဲမှာ နှစ်ဖက်စလုံး အထိအခိုက်များခဲ့ပေမယ့် လီအန်းဘက်က သာမန်စစ်သားတစ်ယောက်တော့ အသက်ရှင်ကျန်ခဲ့တယ်။ ဂျက်ကီချမ်း သရုပ်ဆောင်ထားတဲ့ ဒီစစ်သားလေးက ဒဏ်ရာရနေတဲ့ ရန်သူဗိုလ်ချုပ်ကို တွေ့လိုက်တဲ့အခါ အရှင်ဖမ်းပြီး ပြန်ခေါ်သွားဖို့ ဆုံးဖြတ်လိုက်ပါတယ်။ ဗိုလ်ချုပ်ကို အပ်နိုင်ရင် ဆုကြေးအပြင် မြေငါးဧကပါ ရမှာကိုး။ ဒီလိုနဲ့ စစ်သားတစ်ယောက်နဲ့ သူဖမ်းလာတဲ့ ရန်သူဗိုလ်ချုပ်တို့ လီအန်းဆီ အပြန်ခရီး ထွက်လာကြတယ်။ ဖမ်းမိထားပေမယ့် ကိုယ့်နိုင်ငံအရောက် ပြန်ခေါ်သွားနိုင်ဖို့က မလွယ်ပါဘူး။ လမ်းတစ်လျှောက် အခက်အခဲတွေနဲ့ ရန်သူတွေကို ရင်ဆိုင်ကြရသလို ပြန်သွားမယ့် နိုင်ငံငယ်လေးအတွက်လည်း ပူရသေးတယ်။ ဂျက်ကီချမ်းရဲ့ သိုင်းချခန်းတွေကြားမှာ အလွဲလေးတွေ ရောပါလာတဲ့အတွက် ရယ်နေရင်း ဒီနှစ်ယောက် အိမ်ပြန်ရောက်ပါ့မလားဆိုတာကို လိုက်ကြည့်ရမယ့် ဇာတ်ကားပါ။