Lin Yanrou ပါဝင်သော ဇာတ်ကားများ

ရုတ်တရက် လှုပ်ခတ်သွားတဲ့ ငလျင်ကြောင့် ကွမ့်ချိန်ဓာတုခြံကြီးထဲမှာ ဓာတုပစ္စည်းတွေ ယိုစိမ့်ပြီး ပေါက်ကွဲမှုတွေ ဆက်တိုက်ဖြစ်လာပါတယ်။ မီးခိုးနဲ့ မီးတောက်တွေကြားမှာ အန္တရာယ်က တဖြည်းဖြည်း ပိုကြီးလာနေပြီး မထိန်းနိုင်ရင် တစ်မြို့လုံး ဒုက္ခရောက်နိုင်တဲ့ အခြေအနေပါ။ မီးသတ်တပ်ဖွဲ့က အခင်းဖြစ်တဲ့နေရာကို ချက်ချင်း ရောက်လာကြတယ်။ တစ်ဖက်မှာ မီးငြှိမ်းသတ်ရင်း တစ်ဖက်မှာလည်း လူတွေကို ကယ်ထုတ်ကြရပါတယ်။ မီးလောင်နေတဲ့ခြံထဲက အန္တရာယ်ရှိတဲ့ ဓာတုပစ္စည်းတွေကြားမှာ စက္ကန့်တိုင်း အရေးကြီးနေပြီး ကယ်ဆယ်ရေးသမားတွေဟာ ကိုယ့်အသက်ကို ရင်းကာ လူတွေရဲ့အသက်ကို ကယ်ဖို့ ကြိုးစားနေကြပါတယ်။

ယွဲ့နွီတိုင်းပြည်မှာ ငယ်စဉ်ကတည်းက ကြီးပြင်းလာတဲ့ သိုင်းလောကသူရဲကောင်း နင့်ဝူစူးနဲ့ သူ့အဖော် မြောင့်ခုန်းခုန်းတို့ဟာ ချမ်းသာသူတွေဆီက လုယူခိုးယူပြီး ဆင်းရဲသူတွေကို ကူညီပေးတတ်ကြပါတယ်။ တစ်နေ့တော့ ကျားယဲတိုင်းပြည်က မင်းသားကျားလွိထူရဲ့ ပစ္စည်းတချို့ကို လုယူမိရာကနေ လိုက်လံဖမ်းဆီးခံရပါတော့တယ်။ ထွက်ပြေးနေတဲ့ လမ်းမှာ ယွဲ့နွီတိုင်းပြည်ရဲ့ မင်းသမီးနဲ့ တွေ့ဆုံကြတယ်။ နောက်တော့ မသင်္ကာစရာတွေကို လိုက်စုံစမ်းရင်း အန္တရာယ်ကြားကို မသိမသာ ရောက်လာကြပါတယ်။ သူတို့ ဘယ်လိုအန္တရာယ်တွေ ကြုံရဦးမလဲ၊ ဒါတွေကို ဘယ်လိုကျော်ဖြတ်ပြီး တိုင်းပြည်နဲ့ လူမျိုးကို အကျိုးပြုတဲ့ သူရဲကောင်းတွေအဖြစ် ရပ်တည်လာနိုင်မလဲဆိုတာ ဆက်ကြည့်ရမှာပါ။

ပင်လယ်ရေနက်ပိုင်းက ရေပူစမ်းထွက်တဲ့နေရာမှာ ရှိနေတဲ့ သတ္တုနဲ့ ဒြပ်ပစ္စည်းတွေကို လေ့လာဖို့ ရေငုပ်သင်္ဘောတစ်စီး ငုပ်ဆင်းလာပါတယ်။ ဒါပေမယ့် ပင်လယ်အောက်ခြေ မြေဆီလွှာ မမျှော်လင့်ဘဲ ပြောင်းလဲသွားတာကြောင့် ရေငုပ်သင်္ဘောဟာ ရေအောက်ရေတံခွန်ထဲ ကျသွားတယ်။ အဲဒီမှာ သင်္ဘောပျက်တစ်စီးက ကြိုးတွေနဲ့ ငြိနေပြီး ရေပြင်ပေါ် ပြန်တက်လို့မရတော့ပါဘူး။ သင်္ဘောထဲက လူလေးယောက်အတွက် ရွေးချယ်စရာက ကယ်ဆယ်ရေးအဖွဲ့ ရောက်လာမယ့်အချိန်ကို စောင့်ဖို့ပဲ ရှိပါတော့တယ်။ ဒါပေမယ့် သူတို့မှာရှိတဲ့ အောက်စီဂျင်နဲ့ လျှပ်စစ်ဓာတ်အားက အကန့်အသတ်နဲ့ပါ။ ရေအောက်မှာ ပိတ်မိနေချိန် ကြာလာတာနဲ့အမျှ အသက်ရှူလိုက်တိုင်း၊ စက္ကန့်တစ်စက္ကန့် ကုန်သွားတိုင်း သူတို့အတွက် ပိုအရေးကြီးလာပါတယ်။

ဒီကားကတော့ "မက်မွန်မြေက ချစ်တေးတစ်ပုဒ်" ကို အကျဉ်းချုံးရိုက်ကူးထားတဲ့ ၂၀၂၁ ထွက် ဇာတ်လမ်းအသစ်စက်စက်ဖြစ်ပါတယ်။ ဒီဇာတ်လမ်းမှာတော့ ကျန်းနန် ၇ဖော် ဆီက ထွက်လာတဲ့ ကောကျင့် နဲ့ မက်မွန်ကျွန်းကထွက်ပြေးလာတဲ့ ယုံးအာတို့ စတွေ့တဲ့အချိန်က အစပြုထားပါတယ်။ နဂါးနိုင်သိုင်း ၁၈ ကွက် ကို ယုံးအာရဲ့ဉာဏ်ရည်ဉာဏ်စွမ်း နဲ့သင်နိုင်ခဲ့တာ ..... ကျိုးယင်နတ်သိုင်းကို လူပျော်ကြီးဆီက အမှတ်မထင်ရခဲ့တာ ..... အဆိပ်အိုကြီး အိုးရန်ဖုန်း နဲ့ တိုက်ခိုက်တဲ့ဇာတ်ကွက်တွေကို Effects သိပ်မသုံးဘဲ ရိုက်ထားတာမို့ သဘောကျစရာကောင်းသလို အရမ်းနုမနေတဲ့ သရုပ်ဆောင်တွေကြောင့် ငယ်ဘ၀ကို ခဏပြန်ရောက်သလိုခံစားရမှာပါ။ ဇာတ်လမ်းအညွှန်း နဲ့ ဘာသာပြန်ကတော့ Lwin Htoo Aung ပဲ ဖြစ်ပါတယ်။ Quality….WEB-DL 1080p and 720p and 480p File size… 1.86GB and 1GB and 500 MB Format…mp4 Duration….1h  34min Subtitle….Myanmar Subtitle (Hardsub) Translator ..... Lwin Htoo Aung Encoder ..... August

အပြင်ပန်းကြည့်ရင် အေးချမ်းနေသလိုထင်ရတဲ့ လောကမှာ လူသားတွေသာ နေထိုင်နေတာမဟုတ်ပါဘူး။ မိစ္ဆာကြီးငယ်တွေကလည်း လူယောင်ဆောင်ပြီး လူတွေကြားမှာ ရှင်သန်နေကြတယ်။ ကောင်းတဲ့မိစ္ဆာရှိသလို ဆိုးတဲ့မိစ္ဆာတွေလည်းရှိပြီး ဒီအခြေအနေတွေကို ထိန်းသိမ်းပေးနေတာက လျှို့ဝှက်ရပ်တည်နေတဲ့ ဝုယင်ဂိုဏ်းပါ။ မိစ္ဆာမကြီး ထျန်းရှဲကတော့ မကောင်းဆိုးဝါးနတ်စွမ်းအင် ထိုက်ဆွေ့ကို အသုံးချပြီး မိစ္ဆာတိုင်းပြည်တစ်ခု တည်ထောင်ဖို့ ကြံနေပါတယ်။ ဒါပေမယ့် ထိုက်ဆွေ့က မထင်မှတ်ဘဲ ဝူရင်းဆိုတဲ့ ကလေကချေတစ်ယောက်ရဲ့ ကိုယ်ထဲကို ဝင်သွားတယ်။ ဝုယင်ဂိုဏ်းသား ဖုန်းရှောင်ရှောင်က ဝူရင်းကိုရှာတွေ့ပြီး သူ့ကိုယ်ထဲက ထိုက်ဆွေ့ကို ထုတ်ဖို့ ကြိုးစားပါတယ်။ ဝူရင်းကတော့ စိတ်ကူးပြောင်းပြီး ဒီစွမ်းအားကို ထိန်းချုပ်ကာ လောကကိုကယ်တင်မယ့် သူရဲကောင်းလုပ်ဖို့ ဆုံးဖြတ်လိုက်တယ်။ သာမန်လူသား ဝူရင်းက ထိုက်ဆွေ့ရဲ့စွမ်းအားကို ထိန်းချုပ်နိုင်ပါ့မလား၊ ထျန်းရှဲကို ဘယ်လိုရင်ဆိုင်အနိုင်ယူကြမလဲဆိုတာ စောင့်ကြည့်ရမှာပါ။ ဝူရင်းနဲ့ ဖုန်းရှောင်ရှောင်တို့ကြားမှာ ဘယ်လိုဇာတ်ကြောင်းရှိခဲ့သလဲဆိုတာကိုလည်း CGI နဲ့ ပုံဖော်ထားတဲ့ မိစ္ဆာလောကနဲ့အတူ ပြသထားပါတယ်။