Linus Roache ပါဝင်သော ဇာတ်ကားများ

The Dresden Sun (2026) +++++++++ ဒီတစ်‌ခေါက်တင်ဆက်ပေးမှာကတော့ Sci-fi နဲ့ Action ကို အခြေခံထားတဲ့ Cyberpunk အမျိုးအစား ရုပ်ရှင်ဖြစ်ပါတယ်။ နည်းပညာတွေ အရမ်းကို တိုးတက်နေတဲ့ အနာဂတ်ကာလမှာ အဖိုးတန်လွန်းတဲ့ "C-Ram" လို့ခေါ်တဲ့ စွမ်းအားမြင့်ပစ္စည်းတစ်ခုကို နည်းပညာ ကုမ္ပဏီကြီး 2ခုက အပြိုင်အဆိုင် ရယူဖို့ကြိုးစားပုံနဲ့ ဇာတ်လမ်းကို အစချီထားပါတယ်။ အဲဒီ "C-Ram" ဆိုတဲ့ပစ္စည်းက လူသားတွေရဲ့ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ နယ်နိမိတ်တွေကို ချိတ်ဆက်ပေးနိုင်တဲ့ အစွမ်းရှိတာကြောင့် လူတွေရဲ့ စီးပွားရေး၊ လူမှုရေး၊ ငွေကြေး၊ လူနေမှုဘဝ စတာတွေကို အဘက်ဘက်ကနေ လက်ဝါးကြီးအုပ်ချင်နေတဲ့ ကုမ္ပဏီကြီးတွေအတွက် မျက်စိကျစရာ စွမ်းအင်အရင်းအမြစ်တစ်ခုဖြစ်လို့နေပါတယ်။ အဓိကဇာတ်ဆောင်ကတော့ စိတ်ဒဏ်ရာတွေရှိနေတဲ့ မှောင်ခိုသမား (Heist specialist) တစ်ယောက်ဖြစ်ပြီး သူဟာ ရန်သူတွေကြားထဲကနေ အဲဒီပစ္စည်းကို ရအောင်ယူဖို့ စွန့်စားရတာတွေကို မြင်တွေ့ရမှာပဲဖြစ်ပါတယ်။ မကောင်းတဲ့ရည်ရွယ်ချက်တွေနဲ့ လူတွေရဲ့စိတ်ကို ထိန်းချုပ်ချယ်လှယ်ဖို့ကြိုးစားနေတဲ့ အကြံအစည်ကပဲ အကောင်အထည်ပေါ်သွားမလား၊ ဘယ်လို အလှည့်အပြောင်းတွေနဲ့အဆုံးသတ်သွားမလဲဆိုတာကို ဇာတ်လမ်းထဲမှာပဲဆက်လက်ကြည့်ရှုလိုက်ကြပါဦး။ File Size… (1.53GB) / (948MB) Quality… WEB-DL 1080p HEVC /720p Format…mkv / mp4 Duration…2h 9m Genre ….Action , Sci-Fi , Thriller Subtitle….Myanmar Subtitle (Hard Sub)

ဒုတိယ ကမ္ဘာစစ်ကြီးအပြီး စစ်အေးခေတ်ကာလ ၁၉၅၀ ဝန်းကျင် မက်ကာသီစင်ကာလလို့ ခေါ်ဆိုရမယ့် အချိန်ကာလကို အမှီပြုပြီး အကျင့်စရိုက်မတူကွဲပြား ရည်မှန်းချက်ကြီးမားတဲ့ ဟော့ကင်းနဲ့ ကျောင်းဆင်းပြီးကာစ ကတ်သလစ်ဘာသာဝင် လူငယ်လေးဖြစ်တဲ့ တင်မိုသီ ဒီအမျိုးသားနှစ်ဦးရဲ့ အချိန်ကာလ အခက်အခဲမျိုးစုံကြားထဲက အချစ်ဇာတ်လမ်းအကြောင်းကို ရိုက်ကူးထားတာပါ။ အမေရိကန်-ဗီယက်နမ် စစ်ပွဲခေတ်ကာလ နိုင်ငံတဝှမ်း ဆန္ဒပြမှုတွေ ဖြစ်ပေါ်ချိန် ဒစ်စကိုဂီတ တစ်ခေတ်ဆန်းချိန်၊ အေအိုင်ဒီအက်စ် ကူးစက်ရောဂါ အမေရိကားမှာ စတင်ရောက်ရှိ ပြန့်ပွားချိန်တွေကိုနောက်ခံထားပြီး အပိုင်း(၈)ပိုင်းပါဝင်မယ့် ဒီမီနီစီးရီးက ၂၀၂၃ အောက်တိုဘာ ၂၉ ကမှ ပူပူနွေးနွေး အပိုင်း (၁) ထွက်ရှိလာတာပါ။ (18+ scences) အချို့ ပါဝင်တာမို့လို့ မိသားစုနဲ့အတူကြည့်ဖို့တော့ မသင့်တော်ပါဘူး သမိုင်းကြောင်းဝတ္ထုတွေရေးရာမှာ နာမည်ကြီး စာရေးဆရာဖြစ်တဲ့ သောမတ်စ်မယ်လွန် ၂၀၀၇ ခုနှစ်က ရေးသားထုတ်ဝေထားတဲ့ စာအုပ်ကို ရိုက်ကူးထားခြင်းဖြစ်ပါတယ်။ File Size –  843 MB /343 MB Quality –WEB-DL 1080p 5.1 CH , 720p Duration – 1h 2m  (@Episode) Total Episodes: 8Eps Subtitle – Myanmar Hardsub Format – Mp4 Genre : Drama / Romance Translator – Aoi Encoder – Min Wai

My Policeman (2022) IMDb Rating - 6.3/10 One Direction အဖွဲ့က ဟယ်ရီစတိုင် ခေါင်းဆောင်မင်းသားအဖြစ် ပါဝင်ထားတဲ့ BL ရုပ်ရှင်အသစ်တစ်ကားဖြစ်ပါတယ်။ ကျွန်တော့်ရဲ့ ရဲသားကြီးဆိုတဲ့နာမည်နဲ့ နာမည်ကျော်ဝတ္ထုကို ပြန်ရိုက်ကူးထားတာပါ။ Firebird ဇာတ်လမ်းနဲ့ဆင်သလိုလိုပဲလို့ ပြောရမှာပါပဲ။ Call Me by Your Name ကိုမမီပေမဲ့ အတော်လေးကောင်းတဲ့ ဗြိတိန်အချစ်ဇာတ်လမ်းပါပဲ။ ဇာတ်လမ်းအကျဉ်း တွမ်ဟာ စိတ်ထားကောင်းပြီး ယဉ်ကျေးတဲ့ ရဲတပ်သားလေးတစ်ယောက် ပါပဲ။  တွမ့်ကိုအရမ်းကြိုက်နေတဲ့ မာရီရွန်ဆိုတဲ့ကောင်မလေးကတော့ ကျောင်းဆရာမလေးပေါ့။ သူတို့နှစ်ယောက်ရဲ့ အရင်းနှီးဆုံး သူငယ်ချင်း ဖြစ်လာသူကတော့ ပြတိုက်မှူး ပန်းချီဆရာ ပတ်ထရစ်ပါပဲ။ ဇာတ်အိမ်တည်ထားတာက ဗြိတိန်ရဲ့ ၁၉၅၀ ကျော်ကာလဖြစ်လို့ လိင်တူ ချစ်ကြိုက်မှုဟာ ပြစ်မှုမြောက်ပါတယ်။ ထောင်ကျပါတယ်။ ဒီတော့ သူတို့ သုံးယောက်ဘာတွေဘယ်လိုဆက်ဖြစ်ကြမလဲဆိုတာ ဆက်ကြည့်ရမှာပါပဲ။ သိုင်းချခန်းအချို့ပါဝင်လို့ မိသားစုနဲ့တော့ ကြည့်လို့မသင့်တော်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Mr.Anderson ဖြစ်ပါတယ်) File Size..........(500 MB) Quality............Web-DL 720p Duration.........1Hr 53mins Subtitle...........Myanmar Hardsub Format............MP4 Genre..............Drama, Romance Translator.......Mr.Anderson Encoder..........SWM

ဒါလင်းရဲ့သမီး ပျောက်ဆုံးသွားတာ နှစ်နှစ်ဆယ် ရှိနေပါပြီ။ နှစ်တွေ ဘယ်လောက်ကြာသွားပါစေ တစ်နေ့နေ့တော့ သမီးကို ပြန်ရှာတွေ့မှာပါဆိုတဲ့ မျှော်လင့်ချက်နဲ့ သူ နေထိုင်လာခဲ့ပါတယ်။ နှစ်နှစ်ဆယ်အတွင်း ပထမဆုံးအကြိမ် ခရစ်စမတ်စားသောက်ပွဲလုပ်ဖို့ စီစဉ်နေချိန်မှာ အရင်က သူ့ခဲအိုဖြစ်ခဲ့သူက အိမ်ကို မမျှော်လင့်ဘဲ ရောက်လာပါတယ်။ ဒီနှစ်တွေတစ်လျှောက် သမီးအတွက် ခံစားလာရတဲ့ ဒါလင်းဟာ တရားခံကို ဘာလုပ်ချင်နေမလဲ။ သတ်ပစ်ချင်လောက်အောင် နာကျည်းနေမလား၊ ဒါမှမဟုတ် တောင်းပန်စကားတစ်ခွန်းကိုပဲ လိုချင်တာလား။ ဒီသည်းထိတ်ရင်ဖိုကားမှာ Breaking Bad ထဲက မင်းသမီး Anna Gunn ပါဝင်သရုပ်ဆောင်ထားပါတယ်။

နာမည်ကျော် မင်းသားကြီး နီကိုးလက်စ် ကေ့ဂျ်  အကြာကြီးပျောက်နေပြီးမှ ပြန်ပေါ်လာတဲ့ ရုပ်ရှင်ကားလို့ပဲ ပြောရမလား မင်းသားကြီးကို လွမ်းနေတဲ့သူတွေ အတွက် အကောင်းဆုံး သရုပ်ဆောင်ထားပေးပါတယ် ဒီ Mandy ဆိုတဲ့ ရုပ်ရှင်ကားဟာ ဘာသာရေး အစွန်းရောက် တဲ့ ပုံစံမျိုးကို ပြသထားပြီး သွေးထွက်သံယို အခန်းတွေ ၊ ညစ်ညမ်းတဲ့ အခန်းတွေ အတော်များများ ပါဝင်လို့ နှလုံးရောဂါ ရှိသူများ ကလေးသူငယ်များ မကြည့်သင့်ပါ မိသားစု အတူ ကြည့်ရှုရန် မသင့်တော်ပါ ဇတ်လမ်းကို ၁၉၈၃ ခုနှစ် ဝန်းကျင် ပုံစံဖန်တီးထားပြီး ရဒ် နဲ့ မန်ဒီ ဆိုတဲ့ လင်မယား ၂ ယောက် ဟာ လူတွေ နဲ့ ဝေးတဲ့ နေရာတစ်ခုမှာ အိမ်လေး ဆောက်ပြီး ပျော်ပျော်ရွှင်ရွှင် နေကြတာပေါ့... ဒါပေမယ့် တစ်ရက်မှာတော့ ရဒ် ရဲ့ အမျိုးသမီး မန်ဒီ ကို ဘာသာရေးအစွန်းရောက် ခေါင်းဆောင် တစ်ဦးက လမ်းတစ်နေရာမှာ ဖြတ်ခနဲ မြင်ပြီးနောက် မနေနိုင် မထိုင်နိုင်တွေ ဖြစ်ပြီး သူ့ အနား ခေါ်ထားချင်တာနဲ့ လူသတ် သမား အုပ်စု ကို ရဒ် နဲ့ မန်ဒီ တို့ဆီ လွှတ်ပြီး ဖမ်းခိုင်းပါတော့တယ်... XP Powerbank များကို  —-> ဒီနေရာ မှာ ဈေးသက်သာစွာဝယ်နိုင်ပါပြီ။ ရဒ် နဲ့ မန်ဒီ တို့ဟာ ငရဲခန်း တမျှ ဆိုးရွားလှတဲ့ ဘာသာရေး အရူးတွေလက်က လွတ်မလား သေပဲ သွားကြမလား ဆိုတာတော့ CM Fan တို့ ဆက်လက်ကြည့်ရှုလိုက်ကြပါအုံး ဒီရုပ်ရှင်ကားကို ဘာသာပြန်ပေးထားတာကတော့ Shain Htet Naing ဖြစ်ပြီး Thit San Khant မှ Encode ၍ တင်ဆက်ပေးထားပါတယ်....

ဒီဇာတ်ကားက မင်းသားကြီး Liam Neesonရဲ့ အက်ရှင် ကားကောင်းတွေထဲက တစ်ကားဖြစ်ပြီး IMDb 6.9နဲ့ RT 62%အထိ ရထားပါတယ်။ ဒီဇာတ်ကားမှာ မင်းသားကြီး အနေနဲ့ လေကြောင်းအရာရှိ ဘေလ်မက်ဇ်အဖြစ် ပါဝင် ထားတာပါ။ နယူးယောက်ရဲဌာနကနေ စိတ်ကျရောဂါနဲ့ အရက်စွဲပြဿနာကြောင့် တာဝန်က ရပ်နားခံထားရတဲ့ ဘေလ်ဟာ လေကြောင်းလိုင်းတစ်ခုမှာ အရာရှိအနေနဲ့ လုံခြုံရေးတာဝန်ကို ထမ်းဆောင်နေတာပါ။ တစ်နေ့မှာ သူ့ရဲ့လေယာဉ်ပေါ်မှာ ဘဏ်အကောင့်ထဲ သန်း၁၅၀အတိ လွှဲမပေးမချင်း မိနစ်၂၀ပြည့်တိုင်း ခရီးသည်တစ်ဦးကို သတ်ပစ်မယ်ဆိုတဲ့ ခြိမ်းခြောက်စာတစ်ခုဝင်လာပါတယ်၊ ခြိမ်းခြောက်ထားတဲ့အတိုင်းပဲ မိနစ်၂၀တိုင်းမှာ ခရီးသည် တစ်ယောက်ပြီးတစ်ယောက် သေလာတဲ့အခါ သန်း၁၅၀ လွှဲပေးဖို့ အာဏာပိုင်တွေနဲ့ ဘဏ်အကောင့်ကို စစ်ကြည့်မှ ဘေလ်ရဲ့နာမည်နဲ့ဖွင့်ထားတဲ့ အကောင့် ဖြစ်နေခဲ့ပါတယ်၊ ဒါကြောင့် အစိုးရဘက်ကလည်း စိတ်ကျရောဂါရာဇဝင် ရှိထားတဲ့ ဘေလ်ကို မယုံတော့ဘဲ လူသတ်မှုနဲ့ လေယာဉ် ပြန်ပေးဆွဲမှုတွေကို ကျူးလွန်နေတဲ့ သံသယတရားခံလို့ တထစ်ချ သတ်မှတ်လိုက်တဲ့အခါ တရားခံအစစ်တွေနဲ့ အစိုးရအာဏာပိုင်တွေရဲ့ ဖိအားတွေကြားကနေ ဘေလ် တစ်ယောက် ခရီးသည်တွေကို ကယ်တင်နိုင်ပါ့မလား။ တရားခံအစစ်ကို ဖော်ထုတ်နိုင်ပြီး သူ့အပေါ်ကို ကျနေတဲ့ သံသယအမြင်တွေကို ဖယ်ရှားနိုင်မလားဆိုတာ ဇာတ်ရှိန် မကျတမ်းကြည့်ရမယ့် အက်ရှင်ဇာတ်ကားပဲဖြစ်ပါတယ်။ File Size : 1.5 GB, 745 MB Quality : Blu-Ray 1080p / 720p Running Time : 1hr 46min Format : Mp4 Genre : Action, Mystery, Thriller Subtitle : Myanmar Subtitle (Hard Sub) Translated by : JimX Encoded by : Thit San Khant

Namesake (2007) "နိုင်ငံရပ်ခြား တိုင်းတစ်ပါး" မင်းသား Irrfan Khan ရဲ့ အင်္ဂလိပ်စကားပြော အိန္ဒိယဇာတ်ကားဟောင်းလေး တစ်ပုဒ်ကို ပြန်လည်တင်ဆက်လိုက်ပါတယ် နယူးယောက်မှာနေတာ ၂ နှစ်ရှိပြီဖြစ်တဲ့ အာရှုတ်ခ်ဟာ ရိုးရိုးအေးအေး အိန္ဒိယသူလေး အာရှီမာနဲ့ မိဘသဘောတူလက်ထပ်လိုက်ပြီးနောက် အာရှီမာတစ်ယောက် အမေရိကားကို ယောင်လည်လည်နဲ့ လိုက်လာရပါတယ် နိုင်ငံရပ်ခြားမှာ ယဉ်ကျေးမှုမတူညီတာကို အသားမကျနိုင်တဲ့ အာရှီမာရဲ့ ဒုက္ခနဲ့ အထီးကျန်ဝေဒနာကို ဘယ်လိုကုစားမလဲ သားကလေး ဂိုဂေါ် မွေးလာတဲ့အခါမှာလည်း အမေရိကန်ဖွား အိန္ဒိယလူမျိုး ကလေးတစ်ယောက်ရဲ့ ဘဝမှာရော ဘယ်လိုအခက်အခဲတွေကြုံရမလဲ ဒီရုပ်ရှင်လေးမှာ ခံစားကြည့်ရှုကြပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…2.6 GB / 1.2 GB Quality…WEB DL 1080p HEVC / 720p Format…mkv/mp4 Duration….2h 2min Subtitle….Myanmar Subtitle (Hard Sub) Encoder….YK Translated by CM Bollywood Team

Bruce Wayne ဟာ ငယ်ငယ်က လင်းနို့တွေကို ကြောက်တတ်တဲ့ကလေးတစ်ယောက်ပါ။ သူ့မိဘတွေဖြစ်တဲ့ Thomas Wayne နဲ့ Martha Wayne တို့က Wayne Enterprises ကို ပိုင်ဆိုင်တဲ့ သန်းကြွယ်သူဌေးတွေ ဖြစ်ပါတယ်။ တစ်နေ့ ကပွဲသွားကြည့်ရာမှာ Bruce ကြောက်လာလို့ မိသားစုလိုက် စောစောပြန်ခဲ့ကြတယ်။ အပြန်လမ်းမှာ Joe Chill ဆိုသူက ဓားပြတိုက်ပြီး သူ့မိဘနှစ်ပါးကို သတ်သွားခဲ့တာကြောင့် Bruce ဟာ ဝိန်းမိသားစုရဲ့ အိမ်တော်ထိန်း Alfred Pennyworth ရဲ့ လက်ပေါ်မှာ ကြီးပြင်းလာခဲ့ရပါတယ်။ မိဘတွေကို ဆုံးရှုံးခဲ့ရတဲ့ Bruce က ဒုစရိုက်လောကကို ချေမှုန်းဖို့ ရည်ရွယ်ပြီး မြေအောက်လောကထဲ ကိုယ်တိုင်ဝင်ရောက်သွားတယ်။ အဲဒီမှာ အရိပ်အဖွဲ့ရဲ့ခေါင်းဆောင် Ra’s al Ghul နဲ့ တွေ့ပြီး ပညာသင်ယူခဲ့ပါတယ်။ လူတစ်ယောက်ဖြစ်တဲ့ Bruce Wayne အနေနဲ့ အမြဲရှိနေနိုင်မှာ မဟုတ်လို့ တစ်ချိန်က ကိုယ်ကြောက်ခဲ့တဲ့ လင်းနို့ကို သင်္ကေတအဖြစ် ရွေးချယ်လိုက်တယ်။ နောက်ပိုင်း အရိပ်အဖွဲ့ရဲ့ လုပ်ရပ်တွေကို နားလည်လာတဲ့အခါမှာတော့ ကိုယ့်မြို့ကို ကာကွယ်ဖို့ ရင်ဆိုင်ရပါတော့တယ်။ Batman မှာ ထူးခြားတဲ့ သဘာဝလွန်စွမ်းအားမရှိဘဲ တိုက်ခိုက်ရေးစွမ်းရည်၊ ဉာဏ်ရည်နဲ့ နည်းဗျူဟာတွေကို အားကိုးရပါတယ်။ သူ့ဘေးမှာ အိမ်တော်ထိန်းနဲ့ လူယုံဖြစ်တဲ့ Alfred Pennyworth၊ နည်းပညာပိုင်း ကူညီပေးတဲ့ Lucius Fox၊ ငယ်သူငယ်ချင်း Rachel Dawes နဲ့ နောင်မှာ ရဲမင်းကြီးဖြစ်လာမယ့် James Gordon တို့ ရှိနေကြတယ်။ DC Comics ဇာတ်ကောင်ကို အခြေခံပြီး Batman စတင်ဖြစ်ပေါ်လာပုံကို ရိုက်ကူးထားတဲ့ ဒီကားဟာ The Dark Knight Trilogy ရဲ့ ပထမဆုံးကားဖြစ်ပါတယ်။ Christopher Nolan က ရိုက်ကူးထားပြီး Christian Bale က Batman အဖြစ် ပါဝင်ထားကာ Michael Caine၊ Liam Neeson နဲ့ Morgan Freeman တို့လည်း သရုပ်ဆောင်ထားကြပါတယ်။ ၂၀၀၅ ခုနှစ် ဇွန်လ ၁၇ ရက်မှာ ထွက်ရှိခဲ့ပြီး ရုံဝင်ငွေ ဒေါ်လာ ၃၇၄.၂ သန်း ရရှိခဲ့ပါတယ်။

IMDb (6.7/10) မင်းသားကြီး Vin Diesel ရဲ့ နာမည်ကျော် အာကာသဖိုက်တာ Riddick ဇာတ်ကားတွေပါ။ Sci-Fi အမျိုးအစားဇာတ်ကားတွေထဲမှာတော့ Action အသားပေးအနေနဲ့ အမြဲအမှတ်ရနေမိမယ့်ဇာတ်ကားမျိုးတွေပါ။ ဒီဇာတ်ကားတွေကို ကြည့်မိတိုင်း ကျွန်တော်ဟာ အာခေါင်ခြောက်ကပ်ပြီး အနာဂတ်ကိုလှမ်းမြင်နေရသလို ရင်ထိတ်လာတယ်။ အထွေထွေပျက်စီးနေတာကို တရားကျရင်း ဘာအတွက်မှန်းမသိတဲ့ အတ္တတွေ အစဉ်အဆက်ကြီးထွားနေတာကို ရွံ့မုန်းလာမိရဲ့။ တစ်ခါတစ်ခါတော့ ရှင်သန်ခြင်းကို ဇယားချကြည့်တယ်...သေခြင်းကလွဲလို့အားလုံးက မှုန်ဝါးနေရော။ ဒီလိုအချိန်မှာ Riddick ရဲ့ ဝိဉာဉ်ကို မြင်မိတာအကြိမ်ကြိမ်အခါခါ။ Riddick ဟာ တစ်စုံတစ်ခုကို ဆုပ်ကိုင်လမ်းပြထားတယ်..ကျွန်တော်တို့ ခံစားကြည့်ပါစို့။ Riddick ဇာတ်ကားအားလုံးကို   Riddick   မှာကြည့်ပါ။ File size…    3.1 GB /  1.3 GB Quality… BluRay 1080p / 720p Format… mp4 Duration…. 2h 15m Genre ..... Action / Sci-Fi Subtitle…. Myanmar Subtitle (Hard Sub) Encoder…. Thit San Khant Translated... by Ko Wunna

သမိုင်းဝင် ဇာတ်လမ်းကောင်းတွေနဲ့ အတ္ထုပ္ပတ္တိ ရုပ်ရှင်တွေကို နှစ်သက်တဲ့ ပရိသတ်ကြီးအတွက် ဒီနေ့တော့ HBO နဲ့ BBC တို့ ပူးပေါင်းထုတ်လုပ်ထားတဲ့ ဂန္ထဝင်မြောက် တီဗီရုပ်ရှင် "The Gathering Storm (၂၀၀၂)" ကို Review လုပ်ပေးချင်ပါတယ်။ ဗြိတိန်ဝန်ကြီးချုပ်ဟောင်း ဝင်စတန် ချာချီ ရဲ့ ဒုတိယကမ္ဘာစစ် မတိုင်ခင်ကာလ ဖြတ်သန်းမှုတွေကို အကောင်းဆုံး ပုံဖော်ထားတဲ့ ဇာတ်ကားဖြစ်ပါတယ်။ ဇာတ်လမ်းဟာ ၁၉၃၄ ခုနှစ်ကနေ ၁၉၃၉ ခုနှစ် ကြားကာလ ဒုတိယကမ္ဘာစစ် မစတင်မီ အချိန် ကို အခြေခံထားပါတယ်။ ဒီအချိန်ဟာ ဝင်စတန် ချာချီ ရဲ့ နိုင်ငံရေးဘဝမှာ ရာထူးအာဏာမရှိဘဲ ဖယ်ကြဉ်ခံထားရတဲ့ "Wilderness Years" (တောတောင်ထဲ လမ်းပျောက်နေတဲ့ နှစ်များ) လို့ တင်စားခေါ်ဝေါ်ကြတဲ့ အချိန်ပါ။ ဂျာမနီမှာ ဟစ်တလာ အာဏာရလာပြီး စစ်ရေးပြင်ဆင်မှုတွေ လုပ်နေတာကို ချာချီ တစ်ယောက်တည်းက ကြိုတင်မြင်တွေ့ပြီး သတိပေးနေပေမယ့်၊ ဗြိတိန်အစိုးရနဲ့ ပြည်သူတွေကတော့ စစ်ကိုမလိုလားတာကြောင့် သူ့ရဲ့စကားတွေကို လျစ်လျူရှုထားကြပါတယ်။ တစ်ဖက်မှာလည်း ချာချီဟာ ဝင်ငွေနည်းပါးမှုကြောင့် ကြုံတွေ့လာရတဲ့ ငွေကြေးအခက်အခဲ၊ စိတ်ဓာတ်ကျဆင်းမှု တွေနဲ့ ဇနီးဖြစ်သူ ကလီမန်တိုင်း (Clementine - သရုပ်ဆောင် Vanessa Redgrave) နဲ့ကြားက အိမ်ထောင်ရေး ပြဿနာတွေကို ဘယ်လို ကြံ့ကြံ့ခံ ရင်ဆိုင်ခဲ့ရလဲ ဆိုတာကို ရိုက်ကူးတင်ဆက်ထားတာပါ။ မင်းသားကြီး Albert Finney ဟာ ဝင်စတန် ချာချီ အဖြစ် အကောင်းဆုံး အသက်သွင်းနိုင်ခဲ့ပါတယ်။ ချာချီရဲ့ အသံထွက်၊ လမ်းလျှောက်ပုံကအစ သူ့ရဲ့ ဒေါသတကြီး ဖြစ်တတ်တဲ့ စရိုက်၊ ဒါပေမယ့် နိုင်ငံအပေါ် ချစ်မြတ်နိုးတဲ့ စိတ်ဓာတ်တွေကို ပီပြင်စွာ သရုပ်ဆောင်ထားလို့ ဒီဇာတ်ကားနဲ့ Emmy ဆုရော၊ Golden Globe ဆုကိုပါ ထိုက်ထိုက်တန်တန် ရရှိခဲ့ပါတယ်။ ဇနီးဖြစ်သူ နေရာက သရုပ်ဆောင်တဲ့ Vanessa Redgrave ရဲ့ သည်းခံမှုနဲ့ ခွန်အားကို ပြသသွားတဲ့ သရုပ်ဆောင်မှုတွေကလည်း ဇာတ်ကားရဲ့ အသက်ပါပဲ။ သမိုင်းဝင် နိုင်ငံရေးဇာတ်ကား ဆိုပေမယ့် ပျင်းစရာကောင်းမနေပါဘူး။ အစိုးရရဲ့ လျှို့ဝှက်ချက်တွေကို ဖော်ထုတ်ဖို့ ကြိုးစားရတဲ့ နိုင်ငံရေး အားပြိုင်မှုတွေကို ပြသထားသလို၊ ကြီးမြတ်တဲ့ ခေါင်းဆောင်တစ်ယောက်ရဲ့ နောက်ကွယ်မှာ အခက်အခဲတွေကို အတူတူ ဖြတ်သန်းပေးခဲ့တဲ့ ဇနီးသည်တစ်ယောက်ရဲ့ အခန်းကဏ္ဍကို အချိုးကျကျ ပေါင်းစပ်တင်ဆက်ထားပါတယ်။ "The Gathering Storm" ဟာ သေနတ်ပစ်ခတ်တဲ့ တိုက်ပွဲတွေ မပါဝင်ပေမယ့်၊ စစ်ပွဲမတိုင်မီ နိုင်ငံရေး တိုက်ပွဲနဲ့ စိတ်ပိုင်းဆိုင်ရာ တိုက်ပွဲတွေကို စိတ်ဝင်စားဖွယ် ရိုက်ကူးထားတဲ့ ဇာတ်ကားကောင်း တစ်ကားဖြစ်ပါတယ်။ ဒုတိယကမ္ဘာစစ် နောက်ခံဇာတ်ကားတွေကို သဘောကျသူတွေနဲ့ ခေါင်းဆောင်မှု၊ နိုင်ငံရေးသမိုင်းကြောင်းတွေကို စိတ်ဝင်စားသူတွေအတွက် အချိန်ပေးကြည့်ရှုသင့်တဲ့ လက်ရာတစ်ခု ဖြစ်ပါတယ်။ File size… 2.13 GB / 1 GB Quality… Blu-ray 1080p / 720p Format… mp4 Duration…. 1h 36m Genre ..... Biography, Drama, History Subtitle…. Myanmar Subtitle (Hard Sub)

ဒုတိယကမ္ဘာစစ်ကာလ တပ်သားစုဆောင်းရေးမှာ ဥပဒေဒုတိယနှစ်ကျောင်းသား သောမတ်စ်ဟာ့တ်လည်း ပါဝင်သွားပါတယ်။ အဖေက တပ်ထဲမှာ ထူးချွန်တဲ့ အရာရှိကြီးတစ်ယောက်ဖြစ်ပေမယ့် ဟာ့တ်ကိုယ်တိုင်ကတော့ စစ်ပွဲနဲ့ အကျွမ်းတဝင်မရှိဘဲ လက်ဖ်တင်နင်ဘဝနဲ့ပဲ ကျေနပ်နေသူပါ။ တစ်နေ့ အထက်အရာရှိတစ်ယောက်ကို လိုက်ပို့ရင်း ဂျာမန်တွေရဲ့ ဖမ်းဆီးခြင်းကို ခံလိုက်ရတယ်။ အဲဒီနောက် ဟာ့တ်ဟာ စစ်သုံ့ပန်းစခန်းကို ရောက်သွားပြီး Bruce Willis သရုပ်ဆောင်ထားတဲ့ ဇာတ်ကောင်တို့နဲ့ ဆုံတွေ့ရပါတယ်။ အဲဒီကနေ သုံ့ပန်းဘဝမှာ သူကြုံရမယ့် ပြဿနာတွေအကြောင်း ဆက်ပြထားတယ်။ အပြင်လောကမှာတင်မက စစ်တပ်အတွင်းမှာပါ ရှိနေတဲ့ လူဖြူ၊ လူမည်း ဆက်ဆံရေးကိုလည်း ထည့်သွင်းဖော်ပြထားပါတယ်။ Bruce Willis နဲ့ Collin Ferrell တို့ ပါဝင်ထားတဲ့ စစ်ဒရာမာကားပါ။ ဖြစ်ရပ်မှန်ဇာတ်လမ်းလို့ အပြည့်အဝမဆိုနိုင်ပေမယ့် စာရေးဆရာ John Katzenbach က အဖေဖြစ်သူ Nicholas ရဲ့ စစ်တွင်းအတွေ့အကြုံတွေကို မှီငြမ်းထားပါတယ်။

The Wings of the Dove (1997) ~ IMDb - 7.6/10, Rotten Tomatoes - 100% ~ မီလီ - "ကျွန်မတို့တွေ တစ်ယောက်နဲ့တစ်ယောက် ဆက်တိုက်ကို လွဲနေကြတယ်ထင်ပါရဲ့… ရှင်က တခြားလမ်းကို သွားလိုက်တဲ့အချိန် ကျွန်မက လမ်းချိုးကို ကွေ့လိုက်မိသလိုမျိုးပေါ့" မာတွန် - "ကိုယ်လည်း အဲ့ဒီလိုတွေးမိလို့ တစ်နေရာတည်းမှာပဲ နာရီနဲ့ချီပြီး နေ,နေခဲ့သေးတာ" မီလီ - "ဒါနဲ့တောင် ကျွန်မတို့အချင်းချင်း မတွေ့နိုင်ကြဘူးနော်" "ငါတို့ဟာ ဘယ်ရထားမှာ လွဲခဲ့လဲ တစ်ခါလွဲရင် နှစ်ပေါင်းဘယ်လောက်ကြာတတ်လဲ ခင်ခင်ပျိုရေ ငါစောင့်ခဲ့တယ်။" မဟုတ်တော့ဘဲ မီလီရေ ကိုယ်တို့ ဘယ်ရထားမှာ လွဲခဲ့လဲပေါ့။ တစ်ခါလွဲရင် ဘယ်လောက်ကြာမလဲဆိုတာကတော့… ဇာတ်လမ်အကျဉ်းလေးကို ပြောဖို့လိုလာပါပြီ။ ဇာတ်လမ်းရဲ့ အဓိက ဇာတ်လိုက်ကတော့ ကိတ်ဆိုတဲ့ မိန်းကလေးပါ။ ကိတ်ရဲ့ မိခင်ဖြစ်သူဟာ ဆွေကြီးမျိုးကြီး လူကုံထံအသိုင်းအဝိုင်းကဖြစ်ပေမယ့် အရာအားလုံးကို စွန့်လွှတ်လို့ ကိတ်ရဲ့ဖခင်ဖြစ်သူ နင်းပြားဘိန်းစွဲနဲ့ အကြောင်းပါပြီး ကိတ်လေးကို မွေးခဲ့ကာ ဆင်းရဲရာဘဝမှာ သက်ဆိုးမရှည်နိုင်ခဲ့ရှာပါဘူး။ ဒီလိုနဲ့ ကိတ်လေး အရွယ်ရောက်လာချိန်မှာတော့ သူ့အမေ စွန့်လွှတ်ခဲ့တဲ့ လူကုံထံဘဝကို ပြန်သွားဖို့ အခွင့်အရေးပေါ်လာခဲ့ပါတယ်။ အဲ့ဒါကတော့ အဒေါ်ဖြစ်သူက ကိတ်လေးကို "အားလုံးကို အဆက်ဖြတ်ပစ်ရမယ်" ဆိုတဲ့ ကတိတစ်ခုနဲ့အတူ မိသားစုထဲ ပြန်ခေါ်ပြီး ရှိသင့်တဲ့စည်းစိမ်ဥစ္စာနတွေကို အမွေပြန်ဆက်ခံစေဖို့ ဆုံးဖြတ်လိုက်တာပဲဖြစ်ပါတယ်။ အဆက်ဖြတ်ပစ်ရမယ့်အရာထဲမှာ ဘိန်းစားဖခင်ကြီး ပါသလို အသပြာမဲ့ စာနယ်ဇင်းသမား ချစ်သူလည်းပါနေပါတယ်။ ကျောမွဲ သတင်းသမားတစ်ယောက်ဟာ ဆွေကြီးမျိုးကြီးက မိန်းမငယ်တစ်ယောက်အတွက် ခင်ပွန်းလောင်း ဖြစ်မလာနိုင်ပါဘူး။ ကိတ်ဟာ သူ့အမေလိုပဲ အရာအားလုံး စွန့်လွှတ်ပြီး ချစ်သူဆီ ပြန်သွားရင်သွား၊ မဟုတ်ရင် သူ့ချစ်သူဟာ သူနဲ့အခြေတူအောင် ချမ်းသာလာဖို့ လိုလာတာပါပဲ။ ဒီလိုအကြပ်ရိုက်နေတုန်းမှာပဲ ကိတ်ဟာ မီလီလို့ခေါ်တဲ့ ရောဂါသည် သူကြွယ်မလေးနဲ့ ခင်မင်ခွင့်ရလိုက်ပါတော့တယ်။ မီလီဟာတော့ သူ့ကျန်းမာရေးကလွဲလို့ သူ့ဘဝသူ သေချာပိုင်သူမို့ ချစ်ရသူဟာ အဆင့်မတူလည်း မေတ္တာသာကြည်ဖြူရင် တူ၂ကိုယ်ပေါင်းဖို့ ဝန်မလေးဘူးဆိုတဲ့ အချစ်ကို ရဲရဲဝံ့ဝံ့ရှေ့တန်းတင်တဲ့မိန်းကလေးမျိုးပါ။ လူလည်းလှသလောက် ဦးနှောက်လည်းကြီးတဲ့ ကိတ်ဟာ မီလီ့ရဲ့ချစ်ခြင်းကို အခွင့်ကောင်းယူပြီး သူ့ချစ်သူနဲ့ သူနဲ့ပေါင်းနိုင်ဖို့ ဇာတ်ကွက်တစ်ခုကို စပြီးခင်းပါတော့တယ်။ အော်စကာတို့ ရွှေကမ္ဘာလုံးဆုတို့အတွက် ဆန်ကာတင်ဝင်ခဲ့ဖူးတဲ့ တစ်ခေတ်တစ်ခါက ကားကောင်းတစ်ကားပါ။ နာမည်ကျော် စာရေးဆရာကြီး Henry James ရဲ့ ဝတ္ထုကို ပြန်ရိုက်ထားတာပဲ ဖြစ်ပါတယ်။ ကြေးငွေဓနကလွဲလို့ အားလုံးပြည့်စုံနေတဲ့ စုံတွဲနဲ့မေတ္တာကလွဲလို့ အားလုံးကို ဆက်ခံရရှိထားတဲ့ သူကြွယ်မလေးပေါ့... ကိတ်ကတော့ ပြောပါတယ်... “သူ ပြုံးလိုက်တိုင်းမှာ ကျွန်မက ရှင့်ကို ပိုချစ်မှန်းသာ သတိရပါ” တဲ့။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size - 1.9GB, 845MB Quality - 1080p, 720p IMDb Rating - 7.1/10 Format - mp4 Duration - 1H 42Min Genre - Drama, Romance Subtitle - Myanmar Subtitle (Hardsub) Translated by Z Encoded by Y