Lisa Delamar ပါဝင်သော ဇာတ်ကားများ

Influencers (2025) IMDb Rating (6.2) / Rotten Tomatoes (94%) ၂၀၂၂ တုန်းက နာမည်ကျော်ခဲ့တဲ့ Influencer ရဲ့နောက်ဆက်တွဲဇာတ်ကားဖြစ်ပါတယ်။ ဒီဇာတ်ကားမှာတော့ CW ကိုသူ့ရဲ့ပြင်သစ်သူရည်းစားလေးနဲ့ပထမနှစ်ပတ်လည် အထိမ်းအမှတ်ခရီးထွက်နေတာကိုမြင်တွေ့ရမှာပါ။ ပြဿနာက သူတို့တည်းရမယ့်ဟိုတယ်မှာ ကြေငြာကမ်ပိန်း ကိစ္စနဲ့မှာထားတဲ့အခန်းမရပဲ တစ်ခြားအခန်းကိုရွှေ့ပေးလိုက်ရတာက စပါတယ်။ သူတို့နဂိုမှာထားတဲ့အခန်းကတော့ နာမည်ကျော်ဗြိတိန်အင်ဖလူယန်ဆာတစ်ယောက်ကိုပေးလိုက်ရပါတယ်။ အဲ့ဒီတစ်ယောက်ကလည်း သူတို့နှစ်ယောက်ကိုမှခင်မင်ပြီး အတင်းလိုက်လျောအဖွဲ့ကျနေတော့ CW ကိုဆွပေးသလိုဖြစ်လာခဲ့ပါတယ်။ အဲ့ဒီအချိန်မှာ မက်ဒီဆင်တစ်ယောက်ကတော့ထိုင်းနိုင်ငံမှာဖြစ်ခဲ့တဲ့ ကိစ္စတွေကြောင့် လူကြားသူကြားထဲမတိုးနိုင်ပဲ ပုန်လျှိုးကွယ်လျှိုးနေနေရပါတယ်။ ခြိမ်းခြောက်မှုတွေ နှောင့်ယှက်မှုတွေကမခံမရပ်နိုင်အောင် တိုးပွားလာတဲ့နောက်မှာတော့ တရားခံအစစ်ကိုဖမ်းမှဖြစ်တော့မယ်ဆိုပြီး CW ကိုခြေရာခံပါတော့တယ်။ ဝေဖန်သူတွေရော ပရိသတ်တွေပါကြိုက်နှစ်သက်ကြတဲ့ ဇာတ်ကားဖြစ်ပြီး ပထမဇာတ်ကားကိုမှီတဲ့ ခြေရာထပ်တူနင်းနိုင်တဲ့ Sequel ဖြစ်တယ်လို့ဆိုကြပါတယ်။ပထမဇာတ်ကားအတိုင်းပဲ နောက်ခံတေးဂီတကောင်းကောင်း၊ ရှူခင်းလှလှ မျက်စိပသာဒဖြစ်စရာ မြင်ကွင်းတွေနဲ့ပေါ့ပါးသွက်လက်စွာ ဆွဲဆောင်နိုင်တဲ့ ‌Horror/Thriller ကားကောင်းတစ်ကားပါပဲ။ (18+ အခန်းတချို့နှင့် ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.4 GB) / (940 MB) Quality…. WEB-Rip 1080p HEVC / 720p Format…. mkv/mp4 Genre…. Horror,Thriller Duration…. 01:50:32 Subtitle…. Myanmar Subtitle (Hardsub)

Apocalypse ကမ္ဘာပျက်ကားတွေကို ကြိုက်နှစ်သက် သူများအတွက် အသစ်ထွက်ရှိထားတဲ့ Survive ဆိုတဲ့ ဇာတ်ကားလေးကိုတင်ဆက်ပေးလိုက်ပါပြီ။ ဒါမျိုးကားတွေမတွေ့ရတာကြာပြီဖြစ်တဲ့အတွက် စောင့်မျှော် နေသူတွေအတွက်လည်း အကြိုက်တွေ့စေမဲ့ဇာတ်ကားပဲ ဖြစ်ပါတယ်။ဘက်ဂျက်ကြီးကြီးမားမားနဲ့ အကြမ်းစားကြီး ရိုက်ကူးထားတာမျိုးမဟုတ်ပေမဲ့ သူ့အနေအထားနဲ့သူတော့ အဆင်ပြေပြီး အရင်ဇာတ်ကားတွေနဲ့မတူတဲ့ ကမ္ဘာ့ကပ်ဘေးကို ကြုံတွေ့ရမှာပဲဖြစ်ပါတယ်။ ဇာတ်လမ်းအကျဉ်း ဂျူလီယာနဲ့တွမ်တို့က သားသမီးတွေဖြစ်တဲ့ ကက်စီနဲ့ ဘန်တို့နဲ့အတူတူ အပျော်စီးရွက်လှေတစ်စီးနဲ့ခရီးထွက်လာခဲ့ ကြပါတယ်။အစပိုင်းမှာထူးဆန်းတဲ့အရာတစ်ခုကြောင့် အမေဖြစ်သူ ရေနစ်တော့မလိုဖြစ်ခဲ့ပေမဲ့ ဘန့်မွေးနေ့တွေဘာတွေလုပ်ပေးပြီး ပျော်ပျော်ရွှင်ရွှင်နေဖြစ်ခဲ့ကြပါသေးတယ်။ ဒါပေမယ့် သိပ်မကြာခင်မှာပဲ ကောင်းကင်မှာထူးဆန်းတဲ့ တိမ်တိုက်ကြီးတွေပေါ်ထွက်လာပြီး ရေပြင်ကလည်း၀ုန်းဒိုင်းကြဲ လာပါတော့တယ်။ဒီလိုနဲ့ ပင်လယ်ထဲမှာလှိုင်းလူးပြီး ခက်ခဲတဲ့ည တစ်ညကိုရင်ဆိုင်ခဲ့ရပြီး မနက်ရောက်တဲ့အခါမှာတော့ သူတို့လှေက သဲကန္တာရလိုခြောက်ကပ်နေတဲ့ မြေပြင်ပေါ်ကိုရောက်နေမှန်း တွေ့လိုက်ရပါတော့တယ်။နောက်မှရေဒီယိုက ရေငုပ်သမား တစ်ယောက်နဲ့အဆက်အသွယ်ရပြီး ပင်လယ်က ကုန်းပေါ်ကို ရောက်သွားပြီး ပင်လယ်ထဲမှာဘာရေမှမရှိတော့တာဖြစ်ကြောင်းကို သိလိုက်ရပါတော့တယ်။ ဒီလိုဖြစ်နေတဲ့အချိန်မှာလှေနဲ့ ခရီးထွက်နေတဲ့သူတို့မိသားစုအတွက် ကံကောင်းသွားတယ်ဆိုပေမဲ့ ပျောက်သွားတဲ့ပင်လယ်ရေတွေက တစ်ပတ်အတွင်း၀ုန်းဒိုင်းကြဲပြီးပြန်ရောက်လာမှာဖြစ်တဲ့အတွက် ရေငုပ်သမားရှိတဲ့ ရေငုပ်သင်္ဘောဆီကို မိသားစုခရီးနှင်ကြရင်း ဘယ်လိုအခက်အခဲတွေရင်ဆိုင်သွားရဦးမလဲဆိုတာကို ရှုစားရမဲ့ ဇာတ်ကားကောင်းလေးတစ်ကားပဲဖြစ်ပါတယ်။ File size…  (2.04GB) / (1.03GB) Quality… WEB-DL 1080p HEVC  / 720p Format…mkv / mp4 Duration….1h 30m Genre ….. Adventure , Sci-Fi Subtitle….Myanmar Subtitle (Hard Sub) Encoder….Min Wai Translated by Saw Lay