Lisa Gaye ပါဝင်သော ဇာတ်ကားများ

IMDb 5.8, Rotten Tomatoes 64% ဒီရုပ်ရှင်ကတော့ ၁၉၈၄ ခုနှစ်မှာထွက်ရှိခဲ့တဲ့ ပထမဦးဆုံး တော့စစ်အဗန်ဂျာရုပ်ရှင်နဲ့ ချိတ်ဆက်ထားတာပါ။ ကြားထဲက Part II/ Part III နဲ့လုံးဝမသက်ဆိုင်ပါဘူး။ ပထမဇာတ်ကားမှာ တော့စီရဲ့ ကောင်မလေးနာမည်က ဆယ်ရာဖြစ်ခဲ့ပြီး Part II နဲ့ Part III မှာတော့ ကလဲရ်ဆိုတဲ့ မျက်မမြင်မလေး ဖြစ်နေခဲ့တာပါ။ ဒီဇာတ်ကားမှာ တော့စီရဲ့ ကောင်မလေးနာမည်ကစလို့ ပထမဆုံးဇာတ်ကားနဲ့ ပြန်တူသွားတာကို မြင်တွေ့ရမှာပါ။ ဇာတ်လမ်းအကျဉ်း အထူးလိုအပ်ချက်ရှိကလေးများအတွက် စာသင်ကျောင်းတစ်ကျောင်းကို အကြမ်းဖက်အဖွဲ့တစ်ခုက ဝင်ရောက်စီးနင်းထားတဲ့အတွက် တော့စီက ကလေးတွေကိုဝင်ကယ်ပေးရင်း တခြားဒိုင်မန်းရှင်းထဲကို ရောက်သွားပါတယ်။ အဲဒီဒိုင်မန်းရှင်းမှာက တော့စစ်အဗန်ဂျာမဟုတ်ဘဲ နော့ရှက်စ်အော်ဖန်ဒါဆိုပြီး လုံးဝကိုဆိုးသွမ်းတဲ့ပုံစံတူ တစ်ဦးရှိပါတယ်။ ကမ္ဘာနှစ်ခုမှာ ပြင်းအားတူတဲ့ပေါက်ကွဲမှုတစ်ခု တပြိုင်နက်တည်း ဖြစ်ပေါ်လာတဲ့အတွက် နှစ်ယောက်သားက တစ်ယောက်ရဲ့ကမ္ဘာထဲ တစ်ယောက် ဝင်သွားခဲ့ပါတယ်။ တော့စီက ဆိုးဝါးတဲ့ကမ္ဘာထဲဝင်သွားတဲ့အခါ သူ့ထုံးစံအတိုင်း ရာဇဝတ်မှုတွေကို လိုက်လံနှိမ်နင်းပေးပေမယ့်လို့ သူချစ်မြတ်နိုးရတဲ့ ထရွန်မာဗီလ်ကတော့ နော့စီကြောင့် မြို့သားတိုင်း ကျီးလန့်စာစားရတဲ့ အခြေအနေကို ရောက်သွားပါတယ်။ ဒီတော့ တော့စီတစ်ယောက် သူ့ရဲ့ကမ္ဘာဆီ၊ သူ့ရဲ့ချစ်သူဆီကို ပြန်နိုင်မလား။ ထရွန်မာဗီလ်ကရော ဘယ်လောက်အတိုင်းအတာထိ ပျက်စီးသွားဦးမှာလဲ။ File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

တော့စီဟာ ဂျပန်ကနေပြန်ရောက်လာပြီးနောက် ဖရိုဖရဲဖြစ်နေတဲ့ ထရွန်မာဗီလ်ကို နေချင့်စဖွယ်မြို့လေးဖြစ်အောင် ပြန်လည်တည်ဆောက်ပေးလိုက်တယ်။ လက်ကျန်ဗီလိန်တွေကို ရှင်းထုတ်ပေးပြီးတဲ့နောက် ထုံးစံအတိုင်း လုပ်စရာအလုပ် မရှိတော့တဲ့အတွက် စိတ်ဓာတ်ကကျချင်သလိုလို .. ထမင်းစားလည်းတစ်မျိုးလို အိပ်ရာဝင်လည်းတစ်မျိုးလိုနဲ့ ပြန်ဖြစ်ပါတော့တယ်။ ဒီကြားထဲ သူ့ချစ်သူ မျက်မမြင်မလေးက မျက်စိခွဲစိတ်လိုက်ရင် ပြန်မြင်လာနိုင်တယ်ဆိုတာကို သိလိုက်ရတော့ မျက်စိကုသစရိတ်အတွက် တော့စီတစ်ယောက် ပိုက်ဆံရှာရပါတော့တယ်။ ဒေါ်လာ ၃သိန်းကျော်ဆိုတော့ ရရာအလုပ်လုပ်ပြီး ပိုက်ဆံစုမယ်လို့ စိတ်ပိုင်းဖြတ်လိုက်တဲ့အချိန် မျက်စိကုသစရိတ်ကိုကွက်တိလာပေးတဲ့သူ ရှိနေပါတယ်။ သူကတော့ နတ်ဆိုးပါ။ နတ်ဆိုးက ထရွန်မာဗီလ်တစ်မြို့လုံးကို ဓာတုပစ္စည်းတွေကို အဆိပ်သင့်ညစ်ညမ်းအောင် လုပ်ချင်တော့ တော့စီကို ဖြားယောင်းတာဖြစ်တယ်။ ကဲ .. ဒီတော့ တော့စီတစ်ယောက် နတ်ဆိုးရဲ့ ဖြားယောင်းမှုအောက်က လွတ်ပါ့မလား။ သူ့ချစ်ချစ်ကရော မျက်စိပြန်မြင်သွားမလား။ File size…(2.6 GB)/(1.3 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

၁၉၈၄ ခုနှစ်မှာ ထွက်ရှိခဲ့တဲ့ The Toxic Avenger ဟာ ငါးနှစ်အကြာမှာ Part II နဲ့ Part III ဆိုပြီး ရုပ်ရှင်နှစ်ကားက ဆက်တိုက်ဆိုသလို ရှေ့ဆင့်နောက်ဆင့် ထွက်လာခဲ့ပါတယ်။ ယခု ဒီ Part II မှာတော့ Toxic Avenger ခေါ် Toxie ကြောင့် ထရွန်မာဗီလ်မြို့ကြီးတစ်မြို့လုံး အေးချမ်းသာယာဝပြောလာတဲ့အတွက် သူ့ကိုမည်သူကမျှ မလိုအပ်တော့ဘူးဆိုပြီး Toxie က စိတ်ကျရောဂါ ခံစားလာရပါတယ်။ ဒါကြောင့် စိတ်ကျန်းမာရေးဆရာဝန်ဆီသွားပြတော့ စိတ်ကျရောဂါဖြစ်ရတဲ့အကြောင်းရင်းက ဖခင်မရှိဘဲ မိခင်တစ်ဦးတည်းကသာပျိုးထောင်ခဲ့လို့ဖြစ်တာပါတဲ့။ ဖခင်ကိုရှာလိုက်ရင် စိတ်ကျရောဂါသက်သာမှာ ဖြစ်ပြီး သူ့ဖခင်က လက်ရှိတိုကျိုကို ရောက်နေတာဆိုပြီး ပြောလာတော့ သူ့လည်း တိုကျိုကို ရွက်လွှင့်ပြီးထွက်လာလိုက်တယ်။ ကမ်းဆိုက်တော့ ဂေါ်ဇီလာစတိုင်နဲ့ ရေကူးနေတဲ့ ဂျပန်တွေကို တဂါးဂါးနဲ့ ခြောက်လှန့်လိုက်ပါသေးတယ်။ သူ့ရဲ့ ဆရာဝန်မက သူ့ကို ဂျပန်လွှတ်လိုက်တာ တကယ်တော့ အကြံဆိုးကြီးနဲ့ရယ်။ ဒီတော့ Toxie တစ်ယောက် ဂျပန်မှာသူ့ရဲ့ ဖခင်ကို ရှာတွေ့မလား။ ဖခင်ရှာပုံတော်ထွက်ရင်း ဂျပန်မလေးတွေနဲ့ ဘယ်လိုအကြောင်းပါဦးမလဲ။ စိတ်ကျန်းမာရေးဆရာဝန်ရဲ့ အကြံအစည်က ဘာများဖြစ်နေမလဲ။ ပထမရုပ်ရှင်လိုပဲ ဆင်းရဲသားခန်းတွေပါဝင်လို့ ကလေးငယ်တွေမကြည့်ရှုသင့်ပါကြောင်း။ File size…(2.7 GB)/(1.4 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)