Lisa Zane ပါဝင်သော ဇာတ်ကားများ

The Mummy [2026] ++++++++++ လူတွေဟာ ဘယ်လောက်ပဲ အာဏာနဲ့စည်းစိမ်တွေ ကြီးမားနေပါစေဦးတော့ သေခြင်းတရားကို ရင်ဆိုင်ရမယ့်အချိန်ရောက်လာပြီဆိုရင် ထာဝရအသက်ရှင်ဖို့အတွက် ဘာမဆိုလုပ်တတ်ကြစမြဲပါပဲ။ ဒါရိုက်တာ Maurice Chauvet ရိုက်ကူးပြီး နာမည်ကျော် The Asylum ရဲ့ ၂၀၂၆ ခုနှစ် ဧပြီလမှာဖြန့်ချိခဲ့တဲ့ ဒီဇာတ်ကားထဲမှာတော့ အဲဒီလိုလောဘနဲ့အတ္တကြီးတဲ့အစပျိုးမှုကနေ ဇာတ်လမ်းစတင်ခဲ့တာပါ။ ဇာတ်လမ်းထဲမှာ သေခါနီးဖြစ်နေတဲ့ဘီလျံနာသူဌေးကြီးရဲ့ဇနီးဖြစ်သူ ရှာလော့က ခင်ပွန်းဖြစ်သူ အသက်ဆက်ရှင်နိုင်ဖို့အတွက် ထာဝရရှင်သန်မှုကိုပေးနိုင်တယ်ဆိုတဲ့ ရှေးဟောင်းရုပ်တုတစ်ခုကိုလိုက်လံရှာဖွေရင်းနဲ့ အီဂျစ်ဗေဒပညာရှင် ရောဘတ်ဆီ ရောက်ရှိသွားခဲ့ပါတယ်။ ရောဘတ်ဆီမှာရောက်နေတဲ့မမ်မီက သာမန်ရှေးဟောင်းရုပ်တုမဟုတ်ဘဲ သူ့အဘေးလက်ထက်ကတည်းက အမွေအနေနဲ့ဆက်ခံသိမ်းဆည်းလာခဲ့ပြီး ယဇ်ပူဇော်ခံခဲ့ရတဲ့ရှေးဟောင်းကျိန်စာသင့်မမ်မီတစ်ခုဖြစ်နေခဲ့တာပါ။ ရှာလော့နဲ့အဖွဲ့ဟာ အဲဒီရှေးဟောင်းရုပ်တုနဲ့ မမ်မီရဲ့တားမြစ်ထားတဲ့မှော်အစွမ်းတွေထဲမှာ ထာဝရအသက်ကိုပေးနိုင်မယ့်လျှို့ဝှက်ချက်တွေပါတယ်လို့ ယုံကြည်ပြီး အတင်းအကျပ်ရယူဖို့လုပ်ပါတော့တယ်။ အဲဒီနောက်မှာတော့ အဲဒီကျိန်စာသင့်မမ်မီက ရှေးအတိတ်က သူ့ကိုယဇ်ပူဇော်ခဲ့သူတွေရဲ့သွေးစက်တွေအတိုင်း လက်ရှိမှာ သူ့ကိုနှောင့်ယှက်လာသူမှန်သမျှကို တစ်ယောက်မကျန် လိုက်လံသုတ်သင်ဖို့ကြိုးစားပါတော့တယ်။ အဲဒီလိုသတ်ဖြတ်တဲ့နေရာမှာ ရောဘတ်ရဲ့သမီးဖြစ်သူ အစ္စဘယ်လ်ရဲ့ကိုယ်ခန္ဓာထဲကို အဲဒီမမ်မီက ဝင်ရောက်ပူးကပ်ပြီးလုပ်ဆောင်တတ်တဲ့အတွက် ရောဘတ်ကို သွေးပျက်စေခဲ့ပါတယ်။ Jon Jacobs ၊ Lisa Zane ၊ Apoorva Mittra နဲ့ Siena Goines တို့ အဓိကပါဝင်သရုပ်ဆောင်ထားကြတဲ့ ဒီဇာတ်ကားထဲမှာ ကိုယ်ချစ်ရတဲ့သမီးလေးကို မကောင်းဆိုးဝါးပူးကပ်နေပြီး ကိုယ်တိုင်လည်း အသက်အန္တရာယ်ကြုံလာရတဲ့အခါ အဲဒီသေမင်းရဲ့သတို့သမီးရုပ်တုရန်ကနေ ဘယ်လိုများလွတ်မြောက်အောင် တိုက်ပွဲဝင်ကြရမလဲဆိုတာကို ရင်တထိတ်ထိတ်နဲ့ ခံစားကြည့်ရှုရမှာ ဖြစ်ပါတယ်။ File Size… (1.38GB) / (781MB) Quality… WEB-DL 1080p HEVC / 720p Format…mkv / mp4 Duration…1h 35m Genre …Horror Subtitle….Myanmar Subtitle (Hard Sub)

Later Days (2021) IMDb Rating - 6.8/10 အားလုံးအတွက် စိတ်အပန်းဖြေစရာ Comedy ဇာတ်ကားလေးတစ်ကားကို တင်ဆက်ပေးလိုက်ရပါတယ်။ ကိုယ့်ရဲ့ ငယ်ဘ၀နေ့ရက်တွေကို ကျွန်တော်တို့တွေ အမြဲလိုလို ပြန်လည်တမ်းတမိကြမှာပါ ကျောင်းသားဘ၀က အမှတ်တရတွေ အရင်ခေတ်က သီချင်းတွေ ပစ္စည်းတွေ တစ်ခုခုကိုတော့ အမြဲလိုလို အမှတ်ရနေတတ်ကြတာပဲ မဟုတ်လား။ ဒီဇာတ်ကားလေးက ဒါမျိုးလေးတွေကို အဓိက ရိုက်ကူးပေးထားတဲ့ ဇာတ်လမ်းလေးတစ်ပုဒ်ပါပဲ . . . ဇာတ်လမ်းရဲ့ အဓိကဇာတ်ရုပ်တွေကတော့ မိုက်ခ် နဲ့ ပမ် လို့ခေါ်တဲ့ ဇနီးမောင်နှံနှစ်ယောက်...အများသူငါတွေလိုပဲ အိမ်ထောင်အတွက် အပတ်တကုပ် ကြိုးစားနေကြတယ်၊၊ ဇနီးဖြစ်သူ ပမ်ဟာ ကုမ္ပဏီ၀န်ထမ်းတစ်ယောက်ဖြစ်ပြီး လက်ရှိလုပ်နေတဲ့ စာချုပ်ဖြစ်မြောက်ရေးအတွက် နေ့ညမပျက် အားကုန်ကြိုးစားနေတဲ့သူတစ်ယောက်၊ မိုက်ခ်ကတော့ ပမ်တစ်ယောက် လစ်လပ်နေတဲ့ နေရာကိုဖြည့်ရင်း သားလေးနှစ်ယောက်ကို ထိန်းကျောင်းနေတဲ့ ဖခင်တစ်ယောက်..ပမ်ရဲ့ အလုပ်ကိစ္စကိုလည်း အမြဲအားပေးနေတဲ့ ခင်ပွန်းကောင်းတစ်ယောက်ပါ။ ဒီလိုနဲ့ မိုက်ခ်တစ်ယောက် ပမ်ရဲ့မွေးနေ့ပွဲလေးနဲ့ အတူ သူ့စာချုပ်ကိစ္စပါ အောင်မြင်မယ့်နေ့ကို တစ်ပါတည်းပူးတွဲပြီး ဂုဏ်ပြုပေးဖို့ စီစဥ်နေပါတယ်၊ မိုက်ခ်တစ်ယောက် လုပ်လိုက်တာကတော့ သူတို့ငယ်စဥ်ဘ၀ ၈၀ ခုနှစ်တွေကလို ပုံစံနဲ့ ပြင်ဆင်ကျင်းပပြီး ကျောင်းတုန်းက ရှိသမျှ သူငယ်ချင်းတွေ အကုန်လုံးကို ပါတီပွဲကို ဖိတ်လိုက်တာပါ။ ဒါပေမဲ့ ပမ်ရဲ့ စာချုပ်က ထင်သလိုအပြီးမသတ်နိုင်ခဲ့ပဲ မွေးနေ့ပွဲပါတီကလည်း စပရိုက်စ်မဖြစ်ခဲ့တဲ့အတွက် မိုက်ခ် စီစဥ်တဲ့ ပါတီကို ပမ် ခမျာ စိတ်ပျက်လက်ပျက်နဲ့ လိုက်ခဲ့ရပါတယ်၊ ဒီတော့ အရင်တုန်းက ရွှေရောင်နေ့ရက်တွေကို ပြန်ခံစားချင်နေတဲ့ မိုက်ခ် ရယ်..ဘ၀ကိုရှေ့ဆက်ဖို့သာ စိတ်စောနေတဲ့ ပမ် တို့ကြားမှာ အဆင်မပြေမှုလေးတွေ ရှိလာမလား။ ဒီပါတီပွဲလေးကပဲ သူတို့တွေကို အခုထက် ပိုပြီး နီးစပ်စေမလားဆိုတာရယ် ကျောင်းသားဘ၀တုန်းက သူငယ်ချင်းတွေကြား ဖြစ်ခဲ့တဲ့ အဆင်မပြေမှုလေးတွေ အထင်လွဲမှုလေးတွေကို ဒီ ၈၀ ခုနှစ်ပါတီလေးကပဲ ပြန်ပြီး နားလည်မှုပေးနိုင်မလား ဆိုတာကို nostalgic ဖြစ်စေမယ့် ပုံစံနဲ့ တင်ဆက်ထားတဲ့ ဒီဇာတ်ကားလေးပေါ်မှာ ခံစားကြည့်ရှု လိုက်ကြပါဦး။ (ဒီဇာတ်လမ်းရဲ့ အညွှန်းကို Chuck Chuck မှရေးသားပေးပြီး၊ ဘာသာပြန်ရေးသားပေးသူကတော့ CM Team မှပဲဖြစ်ပါတယ်။) Quality – 1080p, 720p, 360p WebRip Duration - 52min Subtitle – Myanmar Hardsub Format – Mp4 Genre : Comdey Source : 1080p.WebRip Translator – CM Team Encoder – SWM

Monkeybone (2001) ကျွန်တော့်အတွက် ငယ်ဘဝ ၂၀၀၀ ပြည့်နှစ်ဝန်းကျင်က ရုပ်ရှင်တွေက အတော်လွှမ်းမိုးမှု ရှိခဲ့တယ်ပြောရမယ်။ The Mummy ထွက်လာတော့ အရမ်းကြိုက်ခဲ့တာ ရတနာသိုက်ရှာသလို စွန့်စားခန်းလည်းပါ ကြောက်စရာတွေလည်းပါ ထူးဆန်းတာတွေရောဆိုတော့ ဘာပြောကောင်းမလဲပေါ့ဗျာ။ ဒီတော့ Brendan Fraser ကြီးကို မံမီမင်းသားဆိုပြီး မှတ်မိသွားတော့တာပဲ။ သူ့ရဲ့ တာဇံဟာသကား George of the Jungle တို့ နတ်ဆိုးဆီက ဆုတွေတောင်းတဲ့ Bedazzled တို့ဆို အရမ်းကိုရယ်ခဲ့ရတာ။ ဒီတော့ အဲဒီငယ်ဘဝတုန်းက ဒီ Monkeybone ဆိုတဲ့ကားလေးကိုလည်း သူ့အစွဲကြောင့် ကြည့်ခဲ့မိရော။ ရှေ့ကကားတွေကို မမှီဘူးဆိုပေမဲ့လည်း 2000 ကာလ Brendan ကြီးရဲ့ သရုပ်ဆောင်မှု ဇာတ်လမ်းဇာတ်အိမ် ထူးဆန်းပြီး ရယ်ရတာတွေကြောင့် တော်တော်လေး Fun ဖြစ်ပြီး Nostalgia ဖြစ်စေမှာ သေချာတယ်။ ကဲ ဇာတ်လမ်းအကျဉ်းလေးကတော့ Monkeybone ဆိုတဲ့ ပရမ်းပတာ ဟာသကာတွန်းလေး ဖန်တီးပြီး အောင်မြင်နေတဲ့ စတူးဆိုတာက လူတွေရှုပ်ရှုပ်ရှက်ရှက်နဲ့ အောင်မြင်လာတာတောင်မှ သူ့ဘာသာသူ ချစ်သူဖြစ်သူ ဒေါက်တာဂျူလီနဲ့ အေးအေးဆေးဆေးနေချင်တဲ့ ကာတွန်းအနုပညာရှင်။ တစ်ညကျ ကားမတော်မဆမှုဖြစ်ပြီး စတူးတစ်ကောင် ကိုမာဝင်ပြီး တမလွန်လို အိပ်မက်ဆိုးကမ္ဘာရောက်သွားရော။ အဲဒီမှာ သူဖန်တီးထားတဲ့ မန်းကီးဘုန်းဆိုတဲ့ အရိုင်းအစိုင်းမျောက်နဲ့လည်း သွားတွေ့နေသေးတယ်။ အဲဒီမှာ ပြဿနာက လူ့ကမ္ဘာဖက်က စတူးအစ်မက မောင်နှမချင်းပေးထားတဲ့ ကတိစကားကြောင့် ကိုမာဝင်နေတာကို အသက်မဆက်ပေးတော့ပဲ ၃ လနေရင် ပလပ်ဆွဲဖြုတ်ပြီး ပေးသေလိုက်တော့မယ်ဆိုတာကို စတူးတစ်ကောင် အောက်ကနေ သိလိုက်ရတော့ အိပ်မက်ဆိုး နတ်ဘုရားအကူအညီယူပြီး သူ့ဘော်ဒါ မျောက်ရိုင်းလေးနဲ့ လူ့ပြည် ဘယ်လိုပြန်တက်ကြမလဲဆိုတာကို စိတ်ကူးယဉ်ဆန်ဆန် ရယ်မောစရာလေးတွေနဲ့ ကြည့်ရမှာပါ။ ဒီဇာတ်ကားက ရယ်စရာလည်းကောင်းသလို အဲဒီခေတ်တုန်းက ကြည့်ခဲ့ရတာ Creepy လည်း ဖြစ်ပါတယ်။ အကောင်တွေ ဖန်တီးထားတာ စိတ်ကူးယဉ်တာ ပုံရိပ်တွေက ကျောချမ်းစရာလည်းကောင်းခဲ့တယ်။ အခုမှ သေချာပြန်ကြည့်မိတော့ ဒီကား ဒါရိုက်တာ Henry Selick ဆိုတာက အဲဒီလို Creepy ဆန်ဆန် Animation ရုပ်ရှင်တွေဖြစ်တဲ့ Coraline တို့ The Nightmare Before Christmas တို့ James and the Giant Peach တို့ကို ဖန်တီးထားတဲ့ ဆရာကြီးဖြစ်နေရောဗျာ။ တစ်ခုတော့ပြောချင်ပါတယ် ဒီကားကို ကြည့်မယ်ဆို Rating ကို တစ်ချက်လောက် ခေါက်ပစ်ထားလိုက်ပါ။ 2000 ကာလတုန်းက လက်ရာတစ်ခုကို ပြန်စီးမျောတဲ့အနေနဲ့ပဲ အေးဆေးသာယာစွာ ခံစားကြည့်ရှုလိုက်ပါဦးလို့ ပြောကြားရင်း နိဂုံးချုပ်လိုက်ပါရစေဗျာ။ (အညွန်းနဲ့ ဘာသာပြန်ကတော့ Thura Aung ဖြစ်ပါတယ်) File size…  1.8 GB / 880 MB Quality… Blu-ray 1080p / 720p Format… mp4 Duration…. 1h 33m Genre ..... Comedy, Fantasy Subtitle…. Myanmar Subtitle (Hard Sub) Encoder…. Thit San Khant Translated... by Thura Aung

Freddy's Dead: The Final Nightmare (1991) တစ် နှစ်... ဖရက်ဒီ မင်းဆီလာတဲ့အဖြစ် သုံး လေး... မဝင်နိုင်အောင် တံခါးပိတ်ပေး ငါး ခြောက်... လက်ဝါးကပ်တိုင် ပြေးပြီးကောက် ခုနှစ် ရှစ်... ညနက်တဲ့ထိ မအိပ်ဖြစ် ကိုး တစ်ဆယ်... မအိပ်ဖြစ်အောင် ကြိုးစားကွယ် ဒီကဗျာလေးကို ကောင်မလေးတစ်သိုက် ကြိုးခုန်ရင်း ဆိုနေကြပြီဆိုရင် မိတ်ဆွေရဲ့ အိပ်မက်ဆိုးကနေ နိုးထဖို့ အစွမ်းကုန် ကြိုးစားပါ။ Freddy ရဲ့ Razor Gloves (လက်အိတ်ဓား) ကတော့ သွေးဆာနေပါပြီ။ မကြာခင်မှာ မိတ်ဆွေရဲ့ အိပ်မက်ဆိုးကနေ ထာဝရ နိုးထလာခွင့်မရှိတော့တဲ့ အဖြစ်ဆိုးကြီး ရောက်လာတော့မှာ မလို့ပါ။ အခု Part 5 Freddy's Dead: The Final Nightmare ဇာတ်ကားမှာတော့ Freddy ကို Supernatural Spiritual Murderer (သဘာဝလွန် ဝိညာဉ်လူသတ်သမားကြီး) အဖြစ် ဘယ်အရာတွေက ပုံသွင်းခဲ့တယ် ဆိုတာကို သိရှိရပါတော့မယ်။ ဇာတ်ကားရဲ့ နာမည်အတိုင်း Freddy တစ်ယောက် ဘယ်လို မရှုမလှ သေဆုံးဇာတ်သိမ်းကမယ်ဆိုတာလည်း ကြည့်ရှုရမှာပါနော်။ ထူးခြားတာကတော့ သူ့ကို အနိုင်ယူခဲ့တာက သူ့ရဲ့ သွေးရင်းသားရင်း ဖြစ်နေတာပါပဲ။ (ဇာတ်ကားနဲ့ အညွှန်းကို Arr Khun Winchester မှ ပြန်ဆိုရေးသားထားပါတယ်) Size - 1.43GB, 884MB Quality - 1080p, 720p IMDb Rating - 4.1/10 Format - mp4 Duration - 1H 29Min Type - Horror, Fantasy Subtitle - Myanmar Subtitle (Hardsub) Translated by Arr Khun Winchester Encoded by Y