Lizzy Caplan ပါဝင်သော ဇာတ်ကားများ

Season 1 အပိုင်း ( ၁ မှ ၆ ) အထိ စ / ဆုံး နည်းပညာတွေတိုးတက်လာတဲ့အခုလိုခေတ်ကြီးထဲမှာ ဆိုက်ဘာ တိုက်ခိုက်မှုတွေဆိုတာကလည်း နိုင်ငံတော်တော်များများမှာ တွေ့ကြုံလာရတဲ့ အကြမ်းဖက်သမားတွေအကြိုက်တိုက်ခိုက်နည်း တစ်ခုဖြစ်လာခဲ့ပါတော့တယ်။အပြင်မှာသက်စွန့်ဆံဖျားလိုက် အကြမ်းဖက်နေစရာမလိုဘဲ ခလုတ်လေးတစ်ချက်နှိပ်လိုက်ရုံနဲ့တင် နိုင်ငံနဲ့ချီပြီး ထိခိုက်နိုင်တဲ့ အဖြစ်ဆိုးတွေကိုဖန်တီးနိုင်တဲ့အတွက် မကြာခဏဆိုသလိုဖြစ်နေတာကို မြင်နေကြားနေရမှာဖြစ်ပါတယ်။ အဓိကအားဖြင့်တော့ အမေရိကန်လိုနည်းပညာတိုးတက်ပြီး အင်အားကြီးမားတဲ့နိုင်ငံမှာအဖြစ်အများဆုံးဖြစ်တဲ့အတွက် နိုင်ငံရေးနဲ့ဆိုက်ဘာတိုက်ခိုက်မှုကိုပေါင်းစပ်ပြီး စိတ်ဝင်စားစရာ ကောင်းတဲ့ သည်းထိပ်ရင်ဖိုဖွယ် Mini Series တစ်ခုကို ပညာပေး ဖျော်ဖြေရေးအနေနဲ့တင်ဆက်ပေးလိုက်ပါတယ်။ သရုပ်ဆောင်တွေအနေနဲ့ကလည်း Cape Fear တို Raging Bull တို The Irishman တိုလိုနာမည်ကြီးရုပ်ရှင်တွေအပြင် တခြားသော ဇာတ်ကားကောင်းများစွာမှာလည်းသရုပ်ဆောင်ခဲ့တဲ့ မင်းသားကြီး Robert De Niro ကအဓိကဇာတ်ကောင်နေရာကသရုပ်ဆောင် ထားတဲ့အပြင် တခြားသောနာမည်ကြီးသရုပ်ဆောင်ပေါင်း များစွာလည်းပါဝင်ထားတဲ့အတွက် Casting ပိုင်းကလည်း ပြောစရာကိုမရှိပါဘူး။စိတ်ကူးယဉ်ဆိုပေမဲ့တကယ်တမ်းဖြစ်ခဲ့တဲ့ အဖြစ်အပျက်ကြီးတွေလောက် ဆိုးဝါးပြီး စိတ်ဝင်စားစရာကောင်းတဲ့ အတွက် ပရိသတ်အာရုံကိုဖမ်းစားထားနိုင်မှာပဲဖြစ်ပါတယ်။ ဒီ Series ရဲ့နာမည်ကတော့ Zero Day ဖြစ်ပြီး လက်ရှိ IMDb 6.0 အထိရရှိထားပါတယ်။ အမေရိကန်နိုင်ငံရဲ့သမ္မတဟောင်း ဂျော့ဂျ်မော်လင်က သမ္မတရာထူး ကနေရပ်နားပြီးနောက်မှာ နိုင်ငံရေးလောကထဲလုံး၀ပြန်မဝင်တော့ဘဲ စာရေးဆရာတစ်ယောက်အနေနဲ့ ဘ၀ကိုအေးအေးလူလူဖြတ်သန်း နေပါတော့တယ်။ဒါပေမယ့်သိပ်ကြာကြာတောင် အနားမယူလိုက်ရဘဲ အမေရိကန်နိုင်ငံမှာ ဆိုက်ဘာတိုက်ခိုက်မှုကြီးဖြစ်ပြီး ရထားတွေတိုက်မိ ကုန်တဲ့အတွက် အသက်ပေါင်းထောင်နဲ့ချီဆုံးရှုးခဲ့ရတဲ့အတွက် အိမ်ဖြူ တော်က သူ့ကိုပြန်ဆင့်ခေါ်ပါတော့တယ်။ အဲ့လိုတိုက်ခိုက်မှုကို ဇီးရိုးဒေးလိုခေါ်ဆိုခဲ့ကြပြီး ဒီကိစ္စကိုဘယ်သူလုပ်ခဲ့ တယ်ဆိုတာကို အစအနလေးတောင်မသိရတဲ့အတွက် ဒီပြဿနာကြီးကို ဖြေရှင်းဖို တစ်နိုင်ငံလုံးရဲ့အခွင့်အာဏာလုပ်ပိုင်ခွင့်တွေကိုပေါင်းစည်း ထားတဲ့အဖွဲအစည်းတစ်ခုမှာ အသင့်တော်ဆုံးဖြစ်တဲ့သမ္မတဟောင်းကြီးကို ပြန်ဦးဆောင်ခိုင်းရင်း ဘယ်လိုမျိုးနိုင်ငံရေးလှည့်ကွက်တွေနဲ့ စိတ်ဝင် စားစရာအကြောင်းအရာတွေ တွေ့ရဦးမယ်ဆိုတာကို ရှုစားရမဲ့ Series ကောင်းတစ်ခုဖြစ်ပါတယ်။ File Size –557B  / 336MB Quality –WEB-DL 1080p HEVC / 720p Episodes -  6 Eps Duration -  50 min Subtitle – Myanmar Hardsub Format – mkv /mp4 Genre :  Drama , Thriller Translator – Saw Lay , Austin , Wil & July Encoder – Min Wai

Now You See Me: Now You Don't (2025) IMDb Rating (6.2) / Rotten Tomatoes (61%) ( WEB-DL ကြည်တောက်ရှင်း 4K လဲ ထပ်ထည့်ထားပါတယ်။ ) Now You See Me ရုပ်ရှင် သုံးကားမြောက်လည်း HDrip ထွက်လာလို့ တင်ပေးထားလိုက်ပါပြီ။ မူလ မြင်းသည်တော်လေးဦးနဲ့ မော်ဂန်ဖရီးမန်းကြီး ပြန်ပါလာပါတယ်။ Mark တစ်ယောက်တော့ မပါပါဘူး။ နောက်ပြီးတော့ မျိုးဆက်သစ်လေးယောက်နဲ့ ပေါင်းပြီး The Eye အတွက် စစ်ဆင်ရေးတစ်ခုလုပ်ပေးတဲ့ဇာတ်လမ်းမျိုးဖြစ်လို့ လူစုံတက်စုံပါပဲ။ ဗီလိန်အနေနဲ့လည်း မင်းသမီးကြီး Rosamund Pike ပါ ပါဝင်ထားပါတယ်။ ဇာတ်လမ်းအကျဉ်း မြင်းသည်တော်လေးဦးဟာ အဖွဲ့ကွဲပြီးနောက် တစ်ယောက်နဲ့တစ်ယောက်ပါ မတည့်ကြတော့ဘဲ ကိုယ့်ဘဝနဲ့ကိုယ် ဖြတ်သန်းနေကြပါပြီ။ အဲဒီအချိန်မှာပဲ သူတို့အယောင်ဆောင်ပြီး သူတို့လုပ်ခဲ့သလို မသမာသူတွေကို မျက်လှည့်နဲ့ ဆုံးမမဲ့ လူငယ်လေးတွေ ပေါ်ပေါက်လာခဲ့ပါတယ်။ အဲဒီလူငယ်လေးတွေကို အက်လက်စ်က စည်းရုံးပြီး ဒုစရိုက်ခေါင်းဆောင်တွေအတွက် ငွေခဝါချပေးနေတဲ့ ဘီလီယံနာကြီးဆီက စိန်တုံးကြီးကို ခိုးယူဖို့ ကြိုးစားပါတော့တယ်။ ဒါပေမဲ့အဲဒီအစီအစဉ်မှာပဲ The Eye နဲ့ မြင်းသည်တော်ဟောင်းတွေ ပါဝင်လာပြီး အင်အားအရမ်းကြီးတဲ့ ဘီလီယံ ဗရိုနီကာ့ကို ဘယ်လိုတွေ မျက်လှည့်ပြသွားမလဲဆိုတာကို ကြည့်ရမှာပါ။ Filesize : (4.2 GB) / (1.5 GB) / (980 MB) Quality : WEB-DL 4K HEVC / 1080p HEVC / 720p Format : mkv / mp4 Genres : Thriller, Crime, Mystery Runtime : 1h 52 min Subtitle : Myanmar Subtitle ( Hardsub )

ယခုဇာတ်လမ်းတွဲဟာ ၁၉၈၇ က ထွက်ရှိခဲ့တဲ့ Fatal Attraction အမည်ရ ရုပ်ရှင်ကို ပြန်လည်ဆန်းသစ် ပုံဖော်ထားတာပါ။ Erotic Psychological Thriller အမျိုးအစားဖြစ်တာမို့ မထင်ထားတဲ့ ဇာတ်ကွက်တွေ၊ မြှုပ်ကွက်တွေကို သည်းထိတ်ရင်ဖို ကြည့်ရှု့ရမှာ ဖြစ်တာမို့ လက်လွတ်မခံဖို့ အကြံပေးချင်ပါတယ်။ Erotic အမျိုးအစားလည်းဖြစ်တာမို့ မိသားစုနဲ့အတူ မကြည့်သင့်တဲ့ ဇာတ်ဝင်ခန်းတစ်ချို့ ပါဝင်လာနိုင်တာမို့ ညိုကီတို့ ဒုက္ခမရောက်ရလေအောင် ကြိုပြီး သတိပေးလိုက်ချင်ပါတယ်။ ဇာတ်လမ်းအကျဉ်းကတော့ ဒန်ဟာ အောင်မြင်နေတဲ့ အစိုးရ ခရိုင်ရှေ့နေတစ်ယောက်ပါ။ လှပတဲ့ ဇနီးရယ်၊ ချစ်စရာကောင်းတဲ့ သမီးလေးရယ်၊ သာယာတဲ့ အိမ်ထောင်ရေးရယ် ၊ အဆင်ပြေတဲ့ အလုပ်အကိုင်နဲ့ ဒန်ရဲ့ ဘဝဟာ ပြီးပြည့်စုံနေခဲ့ပါတယ်။ အဲလို ပြီးပြည့်စုံနေတဲ့ ဒန်ရဲ့ ဘဝကို မုန်တိုင်းလိုမွှေမယ့် မိန်းကလေး အဲလက်စ် ဖောရက်စ်နဲ့ တရားခွင်တစ်ခုမှာ ဆုံခဲ့ပါတယ်။ အဲလက်စ်ဟာဆိုရင် တရားလိုမိသားစုတွေကို အား‌ပေးရတဲ့ ဝန်ထမ်းဖြစ်ပြီး ဒန်ဟာလည်း ရှေ့နေဖြစ်တာမို့ သူတို့ချင်း မကြာခဏဆိုသလို တွေ့လာရာကနေ မလိုလားအပ်တဲ့ စွဲလန်းမှုတွေဖြစ်လာပါတော့တယ်....... အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Drama Quality…. 1080p | 720p File size… 600MB | 300MB Format… mp4 Duration…. 40min Subtitle…. Myanmar Subtitle (Hardsub) Translator ..... Leonard Lin Encoder ..... Aaron

The Boys, Banshee စီးရီးတို့နဲ့ လူသိများတဲ့ မင်းသား Antony Starr ရဲ့ ဟော်ရာ ရုပ်ရှင်အသစ်လာပါပြီ။ ဇာတ်လမ်းကောင်းသလို ကြောက်ဖို့လည်း ကောင်းပါတယ်။ မင်းသမီးကတော့ Now You See Me ထဲက Lula အဖြစ် သရုပ်ဆောင်ခဲ့တဲ့ Lizzy Caplan ပါပဲ။ ဇာတ်လမ်းအကျဉ်း - မာ့ခ် နဲ့ ကယ်ရိုးဆိုတဲ့ လင်မယားမှာ ပီတာ ဆိုတဲ့သားလေး တစ်ယောက်ရှိ တယ်။ သူတို့မိသားစုက အိမ်ဟောင်းတစ်ခုထဲမှာ နေကြတယ်။ ပီတာက ညတိုင်း နံရံထဲကနေ ကောင်မလေးတစ်ယောက်ရဲ့ အသံကို ကြားနေရတယ်။ ကြားပြီး လန့်နိုးတိုင်း သူ့မိဘတွေက အိပ်မက်ဆိုးဖြစ်ကြောင်း ပြောပြီး ပြန်သိပ် ပေးကြတယ်။ ဒါပေမဲ့ အဲဒီအသံနဲ့သူနဲ့ ပိုပိုပြီး ဆက်သွယ်မိလာတဲ့အခါ အသံ ရှင်က ပီတာ့ကို ကြောက်စရာလျှို့ဝှက်ချက်ကြီးတွေတွေ ပြောပြပြီး အကူအညီ တောင်းပါတော့တယ်... (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(1.7 GB) / (810 MB) / (330 MB) Quality............WEB-DL 4K / 1080p / 720p Duration.........1Hr 28Min Subtitle...........Myanmar Hardsub Format............MP4 Genre..............Horror, Thriller Translator......Mr.Anderson Encoder..........Zin Phyo Aung

Castle Rock 2018 (အဆုံးစီရင်ခြင်းနယ်မြေ) ၇ လပိုင်း ၂၅ ရက်နေ့ က Hulu TV ရုပ်သံလိုင်းမှာ စတင်ပြသခဲ့ပြီး အောင်မြင်ခဲ့တဲ့ TV Series တစ်ခုနဲ့ မိတ်ဆက်ပေးချင်ပါတယ်... တစ်ပတ်မှာ တစ်ပိုင်း ထုတ်လွင့်ပြနေဆဲ ဖြစ်ပြီး ယခု ဆိုရင် ၄ ပိုင်းထိ ပြသပြီးသွားခဲ့ပါပြီ... Stephen King ရဲ့ ဝတ္တုကို အခြေခံထားတဲ့ ဇတ်လမ်းတွဲ ဆိုတော့ ဘယ်လောက်တောင် ကြည့်လို့ကောင်းမလဲ ဆိုတာ စဉ်းစားကြည့်ပေါ့ဗျာ ဇတ်လမ်းပုံစံကတော့ ကတ်စတယ်ရော့ခ် ဆိုတဲ့ မြို့လေးဟာ ဘာစီးပွားရေးလုပ်ငန်းမှ ကောင်းကောင်းမွန်မွန် မရှိပါဘူး မြို့ ရဲ့ အချက်အချာ ဆိုလို့ အကျဉ်းထောင်ကြီးပဲ ရှိပါတယ် မြို့ ရဲ့ လူ အားလုံးနီးပါးဟာ ရွေးချယ်စရာ သိပ်မရခဲ့ပါဘူး အရွယ်ရောက်တာနဲ့ အဲ့ဒီ အကျဉ်း ထောင်ရဲ့ ဝန်ထမ်းတွေ ဖြစ်ကြရတာပါပဲ.... အဲ့ဒီမြို့ဟာ ထူးထူးဆန်းဆန်းတွေပဲ ဖြစ်ခဲ့ပါတယ်... လူဖြူ မိသားစု က မွေးစားထားတဲ့ ဟင်နရီ ဆိုတဲ့ လူမဲကလေးလေး ဟာ တစ်ရက်သော နေ့မှာ ပျောက်ဆုံးသွားခဲ့ပြီး သူ့ရဲ့ မွေးစား အဖေကိုလဲ သေလုနီးပါး ဒဏ်ရာများနဲ့ ရှာတွေ့ခဲ့ပေမယ့် ကလေးကတော့ ပျောက်ဆုံးသွားခဲ့ပါတယ.်.... ၁၀ ရက်ကျော် ကြာပြီးနောက်မှာ အဲ့ဒီ ကလေးကို ပြန်ရှာတွေ့ခဲ့ပေမယ့် သူ ပျောက်နေခဲ့တဲ့ ကာလ ကို မှတ်မိနိုင်ခြင်း မရှိတော့ပါဘူး.... ပိုပြီးဆိုးတာက သူ့ရဲ့ မွေးစားအဖေ သေဆုံးသွားတာပါပဲ အဲ့ဒီကလေး ဟာလဲ မွေးစား အဖေကို သတ်တဲ့ တရားခံလို့ တစ်မြို့လုံးက သက်မှတ်တာ ခံလိုက်ရပါတယ်... ဒီမြို့မှာ စိတ်ဖိစီးမှု ကို ဖြေရှင်းကြတာက ကိုယ့်ကိုကိုယ် သတ်သေကြတာပါပဲ... မြို့ဟာ စိတ်ဆင်းရဲ ဖွယ် အတိနဲ့ ခြောက်တိ ခြောက်ကပ် ဖြစ်နေလျက်ပါပဲ.... တစ်ချို့ ပြောကြတာကတော့ မကောင်းဆိုးဝါး တစ်ကောင် နေထိုင်နေလို့ ဒီမြို့ဟာ ကပ်ဘေးသင့်နေတယ်ပေါ့... အဲ့ဒီယုံတမ်းစကားဟာ တကယ်များ ဖြစ်လာမလားဆိုတာကိုတော့.... CM က တင်တဲ့အခါ ဆက်လက်ကြည့်ရှုလိုက်ကြပါ....

ကျနော်တို့ အရမ်းရင်းနှီးတဲ့ သူတစ်ယောက်နဲ့ မိတ်ဆက်ပေးပါရစေ... ဟုတ်ပါတယ် Michael Peña ပါ သူကတော့ Ant Man ရုပ်ရှင်တွေမှာ စကားအင်မတန်များပြီး ဟာသ ဇတ်ရုပ်နဲ့ လူတိုင်းချစ်ကြတဲ့ သူပါ အခု Netflix ရဲ့ ဇတ်လမ်းတစ်ခုမှာ ခေါင်းဆောင်သရုပ်ဆောင် တစ်ဦးအဖြစ် ပါဝင်လာခဲ့ပါပြီ Michael Peña ကို ဒီဇတ်လမ်းမှာ Ant Man ထဲက မျက်နှာပြောင်ချော်ချော် နဲ့ စကား အင်မတန်များတဲ့ သူ အဖြစ်မြင်တွေ့ရမှာမဟုတ်ပဲ အိမ်ထောင်ဦးစီးယောကျင်္ားတစ်ယောက် သမီး ၂ ဦးရဲ့ ဖခင် အလုပ်မှာ တာဝန်ကျေတဲ့ ဝန်ထမ်းကောင်း တစ်ဦးအဖြစ်တွေ့ရမှာ ဖြစ်ပြီး သူ့ကာရိုက်တာ ကတော့ အေးဆေးတဲ့ လူတစ်ဦးအဖြစ်ပါ Netflix က ထွက်လာတဲ့ ဇတ်လမ်းမှန်သမျှ ဟာ အမှိုက်တောင်းထဲ ပစ်လိုက်ရတယ် မရှိအောင် ကောင်းတာတွေ များပြီး အခုနောက်ပိုင်း သိပ္ပံဘက် နွယ်တဲ့ ရုပ်ရှင်တွေ များလာပါတယ် ပြီးတော့ တွေးစရာတွေ အများကြီးပေးပြီး လူတွေ ရဲ့ စိတ်သဘောထားကို ဖောက်ထုတ်ပြသတဲ့ ရုပ်ရှင်တွေ များပါတယ် ဒီ Extinction ဆိုတဲ့ ရုပ်ရှင်ကားမှာတော့ ပီတာဆိုတဲ့ လူတစ်ဦးဟာ အိပ်မက်ဆိုး တစ်ခုကို အမြဲလိုလို မြင်မက်နေပါတယ် သူတို့ နေထိုင်တဲ့ ကမ္ဘာကြီးဟာ ကမ္ဘာတစ်ဖက်က ဂြိုလ်သားတွေ ရန်ကြောင့် ပျက်စီးပြီး သူတို့ အားလုံးသေကြရတာကို မြင်မက်နေတာပါ သူ့ဇနီး ရော အလုပ်က လုပ်ဖော်ကိုင်ဖက်တွေကပါ သူရူးနေတယ်လို့ သက်မှတ်ထားကြပြီး ဆရာဝန် နဲ့ ပြဖို့သာ တွင်တွင် ပြောနေခဲ့ပါတယ် ဒီလိုနဲ့ ပီတာဟာ လူတွေ နဲ့ ခပ်ကင်းကင်း နေဖြစ်ခဲ့ပြီး သူ့ အိပ်မက်ထဲက အဖြစ်အပျက်ကိုပဲ စိုးရိမ်ထိတ်လန့်နေခဲ့တယ် တစ်ရက်မှာ ပီတာ ရဲ့ ဇနီးဖြစ်သူက ပီတာ စိတ်သက်သာစေဖို့ သူငယ်ချင်းတွေ မိတ်ဆွေတွေကို ခေါ်ပြီး ပါတီ လုပ်ခဲ့ကြတယ် အဲ့ဒီ ပါတီလုပ်နေတဲ့ ညမှာပဲ မိုးပေါ်က ကြယ်တွေ တဖြုတ်ဖြုတ်ကြွေပြီး ကမ္ဘာပေါ်ကို ဆင်းလာခဲ့တယ် ပီတာ အိပ်မက်တွေ အမှန်တကယ်ဖြစ်လာတာလား သူတို့ အားလုံး တကယ်သေရတော့မှာလား ဆိုတာနဲ့ ပီတာ အိပ်မက်ထဲက အရာတွေကို ရင်ဆိုင်ဖို့ ကြိုတင်ပြင်ဆင်ထားခဲ့သလားဆိုတာ ဆက်လက်ကြည့်ရှုလိုက်ရအောင်လား ခင်ဗျာ.... File Size :  2.3 GB, 835 MB, 468 MB Quality : WEB-DL HEVC 4K / 1080p / 720p Running Time : 1hr 40min Format : Mkv and Mp4 Audio : AAC and E-AC-3 Genre : Action, Sci-Fi Subtitle : Myanmar Subtitle (Hard Sub) Translated by : Wai Zin Encode by : Thit San Khant

IMDb - 7.4/10 Rotten - 91% နိုင်ငံတိုင်းမှာ ရုပ်ရှင်လောကတိုင်းမှာ ပေါကားဆိုတာရှိစမြဲပါ။ ပေါတဲ့ခံယူချက်ကတော့ တူကြမှာမဟုတ်ပါဘူး။ သရုပ်ဆောင်မကောင်းလို့၊ ဇာတ်အိမ်မကောင်းလို့၊ ကိုယ့်အနုပညာကို ပရိသတ်မြင်လာအောင်မချပြနိုင်လို့ပေါကားဖြစ်သွားကြတာတွေရှိသလို သူများနဲ့မတူအောင် ရိုက်ရာကနေ ပေါသွားတာမျိုး၊ ပိုက်ဆံရရင်ပြီးရော ပရိသတ်ကိုနားလည်ပါးရိုက်လုပ်နေတဲ့ ပေါကားတွေလဲ ဒုနဲ့ဒေးပါပဲ။ ဒီ Disaster Artist ဆိုတဲ့ရုပ်ရှင်ကားကတော့၂၀၀၃ ခုနှစ်မှာထွက်ရှိခဲ့တဲ့ ကမ္ဘာ့အဆိုးဆုံးရုပ်ရှင်၊ အပေါဆုံးရုပ်ရှင်ဆိုတဲ့ ဂုဏ်ပုဒ်တွေရယူထားနိုင်တဲ့ The Room ဇာတ်ကားရဲ့ပဲ့ကိုင်ရှင် Tommy Wiseau အကြောင်းကို ရိုက်ကူးပြထားတာပဲဖြစ်ပါတယ်။ ဘယ်ကလာတယ်၊ အသက်ဘယ်နှနှစ်လဲ၊ ဘယ်မှာမွေးတာလဲ၊ ပိုက်ဆံတွေဘယ်လိုရလာသလဲဆိုတဲ့ နောက်ကြောင်းရာဇဝင် ဘာဆိုဘာမှမသိရတဲ့ Tommy Wiseau နဲ့ သရုပ်ဆောင်ဖြစ်ရရင်၊ အောင်မြင်ရရင် ကျေနပ်ပါပြီဆိုတဲ့ Greg။ သူတို့နှစ်ယောက် လော့အိန်ဂျလိစ်ရဲ့လမ်းမထက်မှာ အိပ်မက်ကိုယ်စီမက်ခဲ့ကြတယ်။ တစ်ယောက်ကိုတစ်ယောက် အားပေးဖို့၊ ကိုယ့်အိပ်မက်ကို ဘယ်တော့မှလက်မလျှော့ဖို့ ကတိပေးခဲ့ကြတယ်။ ဟောလိဝုဒ်မှာ နေရာတစ်နေရာရလာဖို့ အမျိုးစုံကြိုးစားခဲ့ပေမယ့် ဟောလိဝုဒ်က သူတို့ကိုငြင်းပယ်လာတဲ့အခါ..... သူတို့နှစ်ယောက်မှာ ကမ္ဘာ့အဆိုးဆုံးရုပ်ရှင်တစ်ကားဖြစ်လာဖို့ ကမ္ဘာ့အကောင်းဆုံးအကြံတစ်ခုထွက်လာကြပါတယ်။ အဲ့ဒါကတော့ ကိုယ့်ပိုက်ဆံနဲ့ကိုယ် ရုပ်ရှင်တစ်ကားရိုက်ဖို့ပါတဲ့။ ပိုက်ဆံနဲ့လုပ်ချင်စိတ်ကလွဲပြီး ဘာဆို ဘာမှမသိနားမလည်ပေမယ့် Tommy Wiseau နဲ့ Greg တို့ The Room ရုပ်ရှင်ကို အခက်အခဲပေါင်းများစွာကြားထဲကနေ မရရအောင် ဖန်တီးကြပါတော့တယ်။ Shakespeare, Tennessee Williams တို့ခေတ်နောက်ပိုင်း အကောင်းဆုံးဒရမ်မာရုပ်ရှင်လို့တောင် ကြွေးကြော်ခဲ့တဲ့ Tommy Wiseau နဲ့ Greg တို့ ဒီရုပ်ရှင်ကို ဘယ်လိုဖန်တီးရိုက်ကူးခဲ့ကြသလဲ၊ ရုပ်ရှင်ပရိသတ်တွေကရော ဘယ်လိုထင်မြင်ကြသလဲ။ ဒါတွေကိုတော့ The Disaster Artist ရုပ်ရှင်ထဲမှာအဖြေပေးသွားပါလိမ့်မယ်။ ဒီရုပ်ရှင်ကိုတော့ Spiderman 1,2,3 , 127 Hours ဇာတ်ကားတွေနဲ့လူသိများတဲ့ James Franco က ဒါရိုက်တာအဖြစ်၊ Tommy Wiseau အဖြစ်ပါဝင်သရုပ်ဆောင်ထားပြီး Now You See Me ကားထဲက မင်းသားချောလဲဖြစ်၊ James Franco ရဲ့ ညီအရင်းလဲဖြစ်တဲ့ Dave Franco က Greg အဖြစ် ပါဝင်ထားပါတယ်။ ပေါလှပါတယ်ဆိုတဲ့ကားက ဘာကြောင့်များ အတ္ထုပတ္တိရုပ်ရှင်တစ်ကားအဖြစ် ပြန်ရိုက်ရလောက်အောင် အောင်မြင်သွားတာပါလဲ၊ The Disaster Artist ရုပ်ရှင်ထွက်လာအပြီးမှာ The Room ရုပ်ရှင်ကို လူတွေက ဘာကြောင့်သဘောကျသွားကြတာပါလဲ။ အဖြေကတော့ ရှင်းပါတယ်။ Tommy Wiseau ဟာ အနုပညာချစ်စိတ်အပြည့်အဝနဲ့ စိတ်ရောကိုယ်ပါနှစ်ပြီး ပေါကားတစ်ကားကို ရိုက်မှန်းမသိ ရိုက်ခဲ့တာပါ။ ဒါကို ဘယ်လောက်ပဲ ဆိုးဝါးတဲ့ရုပ်ရှင်လို့ပြောပြော Tommy Wiseau ရဲ့လက်ရာ The Room ရုပ်ရှင်ဟာ အခုခေတ် မင်းသား၊မင်းသမီးဗန်းပြပြီး အောက်လုံးတွေနဲ့ပြက်လုံးထုတ်နေ၊ ပရိသတ်ကို ကလိထိုးရယ်ခိုင်းပြီး ပိုက်ဆံညာယူနေတဲ့ရုပ်ရှင်ကားတွေထက်စာရင် အပုံကြီးသာပါတယ်။ The Disaster Artist ရုပ်ရှင်ဟာ ဒီအချက်ကို ကောင်းကောင်း မီးမောင်းထိုးပြသွားနိုင်ခဲ့ပါတယ်။ ယခုနှစ် အော်စကာ အကောင်းဆုံးရုပ်ရှင်ဆုအတွက်လဲ ဆန်ကာတင်စာရင်းမှာ ရွေးချယ်ခံထားရတဲ့ရုပ်ရှင်ကားဖြစ်ပြီး ဆုပေါင်းများစွာလဲ ဆွတ်ခူးထားပါတယ်။ အနုပညာပါတဲ့ရုပ်ရှင်နဲ့ ပိုက်ဆံရရုံရိုက်တဲ့ရုပ်ရှင်ရဲ့ ကွာခြားချက်ကို သိလာဖို့၊ပေါကားနွံနစ်နေတဲ့ ရုပ်ရှင်ချစ်ပရိသတ်တွေ ပေါတာနဲ့အနုပညာရူးသွပ်တာကို ခွဲခြားလာတတ်ဖို့၊ အသိပညာပေးနိုင်ဖို့ ဒီကားဟာ ကြည့်ကိုကြည့်သင့်တဲ့ကားတစ်ကားဖြစ်ပါတယ်။ မကြာခင်မှာလဲ CM က Tommy Wiseau ရဲ့ ကမ္ဘာ့အဆိုးဝါးဆုံးရုပ်ရှင် "The Room" ကို ဘာသာပြန်တင်ဆက်ပေးသွားမှာဖြစ်ပါတယ် (ဇာတ်လမ်းးအညွှန်းနဲ့ဘာသာပြန်သူက ကွီးအာကာဖြိုးပါ) File Size : (900 MB) Quality : WEB-DL 720p Running Time : 1hr 44min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p.WEB-DL.X264.AC3-EVO[EtHD] Translated by Arkar Phyo Encoded by Thanhtike Zaw

ဒါက ၂၀၁၃ ခုနှစ်မှာ ထွက်ရှိခဲ့တဲ့ NYSM ရဲ့ အဆက်ဖြစ်ပါတယ်။ ဒါရိုက်တာ Jon M, Chu က ရိုက်ကူးထားပြီးတော့ ယခင်ကားက သရုပ်ဆောင်အကုန်နီးပါ ပြန်လည်ပါဝင် သရုပ်ဆောင်ထားပြီးတော့ ယခင်ကားရဲ့ တိုက်ရိုက်အဆက် sequel ဖြစ်ပါတယ်။ ပထမကားမှာလိုပဲ ဒီဇာတ်ကားရဲ့ ထူးခြားချက်ဖြစ်တဲ့ လှည့်ကွက်ပေါ် လှည့်ကွက်ဆင့်တာတွေကို ထပ်ပြီး ကြည့်ကြရဦးမှာပါ။ ဇာတ်လမ်းအကျဉ်းကတော့ မြင်းစီးသမားတွေ လူတွေရှေ့ကို ပေါ်မလာတာ တစ်နှစ်လောက် ကြာသွားပါပြီ။ မြင်းစီးသမားထဲက တစ်ယောက်ကလည်း နုတ်ထွက်သွားသလို အဖွဲ့ဝင်တွေလည်း ပုန်းနေရတော့ စိတ်မကြည်မလင် ဖြစ်လာကြပြီ။ ဒီမှာပဲ ပြန်လှုပ်ရှားကြဖို့ အကြောင်းဖန်လာတဲ့အခါ ပထမဆုံးပွဲမှာတင်ပဲ သေသွားကြောင်း ကြေညာထားတဲ့ မြင်းစီးသမား မသေတဲ့အကြောင်း၊ ပဥ္စမမြင်းစီးသမား ဘယ်သူဖြစ်ကြောင်း ထုတ်ဖော်ခံလိုက်ရပါတယ်။ အကုန်လုံး ဝရမ်းပြေးတွေဖြစ်ကုန်ရင်းနဲ့ ဘယ်သူ ဒီလိုထုတ်ဖော်လိုက်တာလဲ၊ ဘာကြောင့်လဲ ဆိုတာတွေကို စိတ်လှုပ်ရှားဖွယ် ကြည့်ရှုရမှာ ဖြစ်ပါတယ်။ Rating တွေအနေနဲ့ IMDb 6.4 ရထားပြီးတော့ NYSM 3 လည်း ထပ်ထွက်လာဦးမယ်လို့ သတင်းထွက်ထားတာ ရှိပါတယ်။ File size…      6.5 GB /    2.3 GB /   1 GB Quality… BluRay 4K HDR / 1080p / 720p Format… mp4 , MKV Duration…. 2h 9m Genre ..... Crime/Thriller Subtitle…. Myanmar Subtitle (Hard Sub) Encoder…. Thit San Khant Translated by El MoH

Allied (2016) IMDb Rating (7.1) / Rotten Tomatoes (60%) မင်းသား Brad Pitt နဲ့ ပြင်သစ်မင်းသမီး Marion Cotillard တို့အဓိကပါဝင်သရုပ်ဆောင်ထားတဲ့ ဒီရုပ်ရှင်က ဒုတိယကမ္ဘာစစ်အတွင်းကာလ လျှို့ဝှက်စပိုင်အခြေပြု ဒရမ်မာဇာတ်ကားကြီးဖြစ်ပါတယ်။ ပြင်သစ်မင်းသမီး Marion Cotillard ကို ထိပ်တန်းရုပ်ရှင်တော်တော်များများမှာ မြင်နေကျဆိုပေမယ့် ဒီရုပ်ရှင်မှာတော့ သူမရဲ့သွင်ပြင်လက္ခဏာတွေ လုံးဝကိုပေါ်လွင်ထင်ရှင်းနေခဲ့ပြီး မျက်လုံးအရွေ့ မျက်တောင်အခတ်လေးမှာတောင် ခဏခဏပြန်ကြည့်ချင်လောက်အောင် အထာကျကျ သရုပ်ဆောင်သွားခဲ့ပါတယ်... မင်းသားကလဲ ဘရတ်ပစ်ဆိုတော့ ပြောစရာမလိုတော့ပါဘူး... သူတို့နှစ်ယောက်စလုံးရဲ့လှုပ်ရှားမှုတိုင်း စကားလုံးတွေတိုင်းအသက်ဝင်နေပြီး ကြည့်ရှုသူကိုယ်တိုင်မျောပါသွားရမယ့်ရုပ်ရှင်ဇာတ်ကားကြီးဖြစ်ပါတယ်။ အဝတ်အစားဒီဇိုင်းတွေ ဆက်တင်တွေလဲ ခမ်းနားလှပပြီး အော်စကာဆုပေးပွဲမှာလဲ ဇကာတင်ဝင်ခဲ့ပါသေးတယ်။ ဇာတ်လမ်းလေးကလဲ အတော်ကိုစိတ်ဝင်စားစရာပါပဲ ဒါပေမယ့် ဇာတ်လမ်းကိုမသိဘဲ ဒီတိုင်းထိုင်ကြည့်လိုက်တာက ပိုအရသာရှိမှာမလို့ သိပ်မရေးပြတော့ပါဘူး။ ဒုတိယကမ္ဘာစစ်ကာလ ဂျာမန်နဲ့ အင်္ဂလန်တို့ရဲ့ တစ်ဖက်ကိုတစ်ဖက် သူလျှိုထားလုပ်ကြံကြဖို့စီစဉ်ကြတာတွေ သူလျှိုတွေရဲ့ပိရိသေသပ်မှုတွေ စစ်အတွင်းကာလအနိဌာရုံတွေ ယုံကြည်ဖို့ခက်ခဲတဲ့မစ်ရှင်တွေနဲ့ တော်တော်ကိုမှ ကောင်းမွန်သေသပ်အဆင့်မြင့်တဲ့ရုပ်ရှင်တစ်ကားဖြစ်ပါတယ်။ File size…(3.5 GB)/ (1.3 GB ) / (860 MB) Quality….BluRay 4K HEVC/ 1080p HEVC/ 720p Format…mkv/mp4 Duration….02:04:35 Subtitle….Myanmar Subtitle (Hardsub) Encoder….Ka Naung Translated by Tariq L Walker

The Night Before (2015) IMDb Rating - 6.3/10 ဟာသရုပ်ရှင်ကောင်းများနဲ့ Chill ချင်ကြတဲ့ ရုပ်ရှင်ပရိသတ်များ အတွက်  ၂၀၁၅ ခုနှစ်က ထွက်ရှိထားတဲ့ ခရစ္စမတ်ကာလကို အခြေ တည်ထားတဲ့ ဟာသရုပ်ရှင်ကောင်း တစ်ခု တင်ဆက်ပေးလိုက်ပါတယ်။ Rotten Tomatoes 69%, IMDb Rating 6.3/10 ရရှိထားပါတယ်။ Hangover လိုမျိုး ဟာသရုပ်ရှင်ကြိုက်တယ်ဆိုရင်တော့ လက်လွတ် မခံဖို့ အကြံပေးချင်ပါတယ်။ (Warning: ညစ်ညမ်းဟာသတစ်ချို့ ပါဝင်တာမို့ မိသားစုနဲ့အတူ မကြည့်ရှု့ သင့်တဲ့ ဇာတ်ဝင်ခန်းတချို့ ပါဝင်ပါတယ်) ခရစ်၊ အီသန်နဲ့ အိုင်ဆက်တို့ဟာ အရမ်းကို ခင်မင်ကြတဲ့ သူငယ်ချင်း သုံးယောက်ပါ။ အီသန်ဟာ ငယ်ရွယ်စဉ်မှာပဲ မိဘနှစ်ပါးလုံးကို ခရစ္စမတ် ကာလမှာ ဆုံးရှုံးလိုက်ရပါတယ်။ ဒါနဲ့ပဲ ခရစ်နဲ့ အိုင်ဆက်တို့လည်း အီသန့်ကို အတတ်နိုင်ဆုံး ကူညီပေးဖို့အတွက် ခရစ္စမတ်နေ့မှာ အတူတူ ရှိနေပေးကြ ပါတယ်။ ဒီလိုနဲ့ပဲ သူတို့သုံးယောက်အတွက် ခရစ္စမတ်ဓလေ့လေး တစ်ခု ဖြစ်လာပါတယ်။ တစ်ခုသော ခရစ္စမတ်မှာတော့ Nutcracker ball ဆိုတဲ့ အရမ်းမိုက်တဲ့ ပါတီတစ်ခုအကြောင်းကို အီသန် သိလိုက်ရပါတယ်။ သူတို့ သုံးယောက်လုံးလည်း အရမ်းသွားချင်ကြပေမယ့် နေရာကို ရှာမတွေ့ခဲ့ပါဘူး။ နှစ်တိုင်းခရစ္စမတ်အချိန်မှာ အဲပါတီကိုလိုက်ရှာပေမယ့် ဘယ်လိုမှမတွေ့လို့ လက်လျှော့ခဲ့ရပါတယ်။ ဒီလိုနဲ့ပဲ နှစ်တွေကြာညောင်းလာပြီး သူငယ်ချင်းသုံးယောက် ကိုယ့်လမ်းကိုယ် လျှောက်ရင်း ခရစ္စမတ်ကို အတူမဆင်နွှဲဖြစ်ကြတော့ပါဘူး။ အီသန်လည်း သူတို့သူငယ်ချင်းသုံးယောက်အနေနဲ့ ဒီနှစ်ခရစ္စမတ်ကိုတော့ နောက်ဆုံးအနေနဲ့ ဆင်နွှဲဖို့လုပ်ပါတော့တယ်။ ခရစ္စမတ်အကြိုညမှာ သူငယ်ချင်းသုံးယောက် ဘယ်လိုတွေ ကဲကြမလဲ၊ ဘယ်လိုအလွဲတွေ ဖြစ်နေကြမလဲဆိုတာကိုတော့ ရုပ်ရှင်ထဲမှာ ဆက်လက်ခံစားလိုက်ပါတော့။ နာမည်ကြီး မင်းသားတွေဖြစ်တဲ့ Seth Rogen, Joseph Gordon-Levitt နဲ့ Anthony Mackie တို့ သုံးယောက်ရဲ့ အတိုင်အဖောက်ညီညီ သရုပ်ဆောင် ချက်တွေကြောင့် ကြည့်ရှု့လို့‌ကောင်းသလို။ ဟာသတွေဟာလည်း အရမ်းကို ရယ်ရတာမို့ ဘာသာပြန်ရင်းနဲ့ကို ပါးစပ်မစိရပါဘူး။ မထင်ထားတဲ့ နာမည်ကြီး တွေလည်း Cameo ပါဝင်ခဲ့ပါတယ်။ (ဒီဇာတ်လမ်းရဲ့အညွှန်းနဲ့ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size..........(1.85 GB) / (778 MB) Quality............BluRay 1080p / 720p Duration.........1Hr 41mins Subtitle...........Myanmar Hardsub Format............MP4 Genre..............Comedy, Fantasy Translator.......Leonard Lin Encoder..........SWM

The Interview (2014) #ရုပ်ရှင်မိတ်ဆက် မြောက်ကိုရီးယားခေါင်းဆောင် ကင်ဂျုံအန်ကို သရော်တဲ့ဇာတ်ကားတွေထဲ ဒီကားကတော့ အတော်နာမည်ကြီးပါတယ်။ ၂၀၁၄ တုန်းက Sony က ပြမယ်ပြောလိုက် မပြဘူးပြောလိုက် လုပ်နေရာက နေ Youtube, Google Play စတဲ့ အွန်လိုင်း Video Hosting တွေကနေ စတင် ငှားရမ်း ပြသရာကနေ ရုံတင်ခဲ့တဲ့ဇာတ်ကားပါ။ ဇာတ်လမ်းက James Franco က Talk Show Host တစ်ယောက်ဖြစ်ပြီး Seth Rogen က Producer ဖြစ်ပါတယ်။ သူတို့ရဲ့ Show က အတည်ပေါက် Interview မဟုတ်ပဲနဲ့ ဟာသဆန်ဆန်ဖြစ်နေတာကြောင့် လူတွေလေးစားလောက်မယ့် Interview မျိုးလုပ်ချင်နေပါတယ်။ တစ်နေ့မှာ စာစောင်တစ်ခုက ဆောင်းပါးမှာ Kim Jong-un က သူတို့ Show ရဲ့ ပရိတ်သတ်ဖြစ်တယ်လို့ သိသွားရာကနေ Interview လုပ်ဖို့ဖြစ်လာပါတယ်။ ဒီကနေ အားလုံးသိတဲ့အတိုင်း CIA က Kim Jong-un ကို သတ်ပေးဖို့ တာဝန်ပေးလာပါတယ်။ တကယ်တမ်းမြောက်ကိုရီးယားကို ရောက်သွားတော့ James Franco ရဲ့ Character ဖြစ်တဲ့ Dave Skylark က Kim Jong-un ရဲ့ ညာတာခံရပြီး အစီအစဉ်တွေပြောင်းသွား ပုံကို ဟာသဆန်ဆန်တင်ဆက်ထားပါတယ်။ ဇာတ်လမ်းကအရမ်းမကောင်းပေမယ့် ကြည့်ပျော်ရှုပျော်တော့ရှိပါတယ်။ James Franco ရဲ့ ဇာတ်ကောင်က ဘာကိုမှ အလေးအနက်မထားတဲ့ ပုံစံမျိုး ပီပြင်အောင်သရုပ်ဆောင်ထားသလို၊ နောက်ပိုင်းမှာမှ တာဝန်ယူတတ်တဲ့ သူအဖြစ် ပြောင်သွားတဲ့ပုံစံကလည်း ပီပြင်ပါတယ်။ Seth Rogen ကလည်း သရုပ်ဆောင်ကောင်းပြီး၊ Kim ရဲ့ လက်ထောက် အဖြစ် သရုပ်ဆောင်တဲ့ Canadian မင်းသမီး လေး Diana Bang ကလည်း (Asian-Canadian) သရုပ်ဆောင်ကောင်းပါတယ်။ ဒီကားကို သူမနဲ့ အတူ ဇာတ်ညွှန်းရေးတဲ့ Kim Jong-um အဖြစ်သရုပ်ဆောင်တဲ့ Randall Park ကတော့ ဇာတ်ကားတစ်ကားလုံး မှာ သရုပ်ဆောင် အကောင်းဆုံးလို့တောင်ပြောလို့ရပါတယ်။ ဟာသနေရာက ပီပြင်သလို ပေါတောတော လည်းလုပ်တတ်ပါတယ်။ ဒါပေမယ့် သူ့ရဲ့ General တွေနဲ့တွေ့တဲ့အခါ မှာ ကြောက်စရာကောင်းအောင်လည်း သရုပ်ဆောင်တတ်ပါတယ်။ ဇာတ်ကားက Comedy ဖြစ်ပြီး သတင်းလွတ်လပ်ခွင့်နဲ့ အထိန်းအချုပ်ကြား ဘယ်လိုမှ မအပ်စပ်တဲ့ အခြေအနေကို ဖော်ကျူးထားပါတယ်။ #Sololay ( ရုပ်ရှင်အညွှန်းကို ရုပ်ရှင်မိတ်ဆက်မှကူးယူဖော်ပြပါသည်။) File size…(2.3 GB) and (1.1 GB) Quality….Blu-ray Rip 1080p 5.1CH and 720p Format…mp4 Duration….01:53:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

ရီဂန်၊ ဂျန်နာနဲ့ ကေတီတို့ဟာ ငယ်သူငယ်ချင်း ဘက်ကီရဲ့ မင်္ဂလာပွဲမှာ သတို့သမီးအရံ လုပ်ပေးကြရမှာပါ။ ဒါပေမယ့် မင်္ဂလာပွဲမတိုင်ခင်ည ပါတီမှာ သုံးယောက်သား ပျော်ပါးသောင်းကျန်းလွန်သွားရင်း သတို့သမီးရဲ့ မင်္ဂလာဝတ်စုံကို ပြဲသွားစေမိကြတယ်။ မင်္ဂလာပွဲကလည်း နောက်နေ့ဆိုတော့ ဝတ်စုံအသစ်တစ်စုံကို ညတွင်းချင်း စီစဉ်ပေးဖို့ လုံးပန်းကြရပါတော့တယ်။ သူတို့အစီအစဉ် အဆင်ပြေမလား၊ ထပ်ပြီး ဘယ်လိုကမောက်ကမတွေ ဖြစ်ကြဦးမလဲဆိုတာကနေ ဟာသတွေ ဆက်ဖြစ်လာတာပါ။ Hang Over နဲ့ ဇာတ်လမ်းသွား ခပ်ဆင်ဆင်ရှိတဲ့ ဒီအမေရိကန်ဟာသဇာတ်ကားမှာ ရီဂန်အဖြစ် Kristen Dunst၊ ဂျန်နာအဖြစ် Lizzy Caplan၊ ကေတီအဖြစ် Isla Fisher နဲ့ ဘက်ကီအဖြစ် Rebel Wilson တို့ ပါဝင်သရုပ်ဆောင်ထားပါတယ်။

လတ်တလောလေးကတင် ကောင်မလေးထားသွားတာကို ခံထားရတဲ့ အဒမ်၊ ဝင်ငွေမကောင်းတဲ့ အလုပ်ကိုလုပ်နေရပြီး မိန်းမကလည်းဖောက်ပြန်နေတဲ့ နစ်ခ်နဲ့ အရက်ဂျိုး လုဆိုတဲ့ အရှုံးသမားသူငယ်ချင်းသုံးယောက်ရှိပါတယ်။ တစ်‌နေ့မှာ လုက သူ့ကိုယ်သူအဆုံးစီရင်ဖို့လုပ်ရင်းနဲ့ ဆေးရုံရောက်သွားပြီး မိသားစုမရှိတဲ့ လုအတွက်တော့ သူ့ကိုစောင့်ကြည့်ပေးဖို့က တခြားသူငယ်ချင်းနှစ်ယောက်ရဲ့ တာဝန်ဖြစ်သွားခဲ့ပါတယ်။ လု အတွက်ပိတ်ရက်ခရီးထွက်ပေးဖို့ စီစဉ်ကြရင်း သူတို့လူငယ်ဘဝက ကဲခဲ့ကြတဲ့ ကိုဒီအက် ဗယ်လီ နှင်းလျောစီးစခန်းကို သူတို့သူငယ်ချင်း သုံးယောက်နဲ့အတူ အဒမ်ရဲ့တူလေးဖြစ်သူ ဂိမ်းဂျပိုး ဂျေကော့ပါလိုက်လာခဲ့ပါတယ်။ ဒီလိုနဲ့ ဟိုတယ်မှာသောက်ကြရင်းနဲ့ သူတို့စိမ်နေကြတဲ့ ရေပူကန်ရဲ့ ခလုတ်ခုံပေါ်ကို အချိုရည်ဖိတ်ချသွားတာ‌ေကြာင့် အချိန်ခရီးသွားနိုင်တဲ့ ကန်ဖြစ်သွားခဲ့ပြီး အတိတ်ကိုပြန်ရောက်သွားကြပါတယ်။ ဖြစ်ချင်တော့ သူတို့ကံဆိုးခဲ့ကြတဲ့ 1986 ခုနှစ် ဆောင်းရာသီပွဲတော်ကိုရောက်သွားခဲ့ကြပါ။ အဒမ်တို့သာ အတိတ်မှာလုပ်ခဲ့သလိုမျိုးအတိအကျမလုပ်ရင် အနာဂတ်ကအရာတွေလည်း ဗြောင်းဆန်အောင် ပြောင်းလဲသွားနိုင်ချေရှိတာမလို့ အတိတ်ကအတိုင်းဖြစ်အောင်လုပ်ပြီး ဂျေကော့မွေးလာတာသေချာအောင် လုပ်ကြရင်း အနာဂတ်ကိုပြန်ဖို့လုပ်တဲ့အခါ ဘယ်လိုတလွဲတွေဖြစ်လာမလဲ၊ အတိတ်ဆိုတာပြင်ချင်တိုင်းရောပြင်လို့ရရဲ့လား၊ သူတို့ရော ပစ္စပ္ပုန်ကာလကို ပြန်သွားနိုင်မလားဆိုတာကို ရယ်ရယ်မောမောနဲ့ကြည့်ရှုကြရမှာပါ။ ကြမ်းတမ်းတဲ့အသုံးအနှုံးတွေနဲ့ ဇာတ်ဝင်ခန်းတွေပါဝင်တာကြောင့် အသက် ၁၈ နှစ်အောက် ကလေးတွေတော့ မကြည့်ရှုသင့်ပါဘူးဗျ။ File size…(2 GB)/(1.3 GB) Quality….Webrip 1080p / 720p Format…mp4 Duration….01:41:00 Genre...Science Fiction, Comedy, Adventure Subtitle….Myanmar Subtitle (Hardsub) Encoder….Mr. Anderson Translated by TMTT

127 Hours (2010) IMDb Rating (7.5) / Rotten Tomatoes (93%) 127 hours တောင်တက်သမားတစ်ယောက်ရဲ့ အကြောင်း ဖြစ်ရပ်မှန်ဇာတ်လမ်းကို ပြန်လည်ရိုက်ကူးထားတဲ့ 127 hours ဟာ Rating 7.5 ထိရရှိထားတဲ့ ဇာတ်ကားကောင်းတစ်ကား ဖြစ်ပါတယ်။ အေရွန်ရော်စတန်အဖြစ် သရုပ်ဆောင်ခဲ့တဲ့ James Franco ဟာ ဒီ 127 hours ဇာတ်ကားနဲ့ အကောင်းဆုံးသရုပ်ဆောင်ဆုကို ရရှိထားပါတယ်။ ဇာတ်လမ်းအကျဉ်းကတော့ ပိတ်ရက်မှာ အေရွန်တစ်ယောက် ဘယ်သူ့ကိုမှ မပြောဘဲ ကန်နွန်လမ်းကို ထွက်ခွာလာခဲ့ပါတယ်။ လမ်းခရီးမှာ လမ်းပျောက်နေတဲ့ကောင်မလေးနှစ်ယောက်နဲ့ တွေ့ဆုံခဲ့ပြီး သူတို့ကို လမ်းပြပေးခဲ့ပါသေးတယ်။ ခွဲခွာပြီးနောက် မကြာခင်မှာပဲ အေရွန်တစ်ယောက် ချောက်တစ်ခုထဲကို ပြုတ်ကျသွားခဲ့ပြီး သူ့လက်က ကျောက်တုံးကြားမှာ ညှပ်နေခဲ့ပါတယ်။ အေရွန်တစ်ယောက် သူ့မှာပါလာတဲ့ပစ္စည်းလေးတွေနဲ့ ဒီချောက်ထဲကနေ အပေါ်ကို ပြန်ရောက်ဖို့ ဘယ်လိုကြိုးစားရုန်းကန်ခဲ့ရသလဲ? ငါးရက်ကြာအောင် ချောက်ထဲမှာ ပိတ်မိနေတဲ့ အေရွန်တစ်ယောက် ၁၂၇ နာရီ ကြာပြီးတဲ့နောက်မှာ လွတ်မြောက်သွားတော့မှာလား? အသက်ရှင်သန်ဖို့ ကြိုးစားရုန်းကန်ခဲ့ရပုံတွေကို ရင်တမမနဲ့ ကြည့်ရှုရမယ့် ရုပ်ရှင်ကားကောင်းတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size…(1.9 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Action, Adventure, Biography, Drama, Thriller Duration….01:34:27 Subtitle….Myanmar Subtitle (Hardsub) Encoder….Benjamin Translated by Su Mon

ဒီတစ်ခါကတော့ IMDb 6.7ရရှိထားတဲ့ Indiana Jonesမင်းသားကြီး Harrison Fordရဲ့ Crime, Dramaကားလေးတစ်ကားပါပဲ ဇာတ်လမ်းအညွှန်းကတော့ မင်းသားကြီး Harrison Ford ဟာ Max Brogan ဆိုတဲ့ ရဲတစ်ယောက်ပါ။ တစ်နေ့မှာ သူ့ရဲ့တပ်ဖွဲ့နဲ့ အမေရိကန်နိုင်ငံအတွင်းမှာ တရားမဝင်‌ဘဲနေနေတဲ့ လူတွေကို လိုက်လံဖမ်းဆီးတဲ့နေရာမှာ ဖမ်းမိတဲ့မိန်းကလေးတစ်ယောက်က သူ့သားလေးကို ကူညီဖို့အကူအညီတောင်းတဲ့အခါ သူက သဘောကောင်းလွန်းနေသူဖြစ်တာကြောင့်ကူညီဖို့ကြိုးစားပါတော့တယ်။ တစ်ခုပြောချင်တာက ဒီဇာတ်ကားမှာ Harrison Fordဟာ အဓိကပါဝင်ပေမဲ့ သူ့တစ်ယောက်တည်းအကြောင်းမဟုတ်ပါဘူး။ အမေရိကန်နိုင်ငံထဲမှာနေနေကြတဲ့ တခြားနိုင်ငံကလာတဲ့လူတွေရဲ့ အခက်အခဲတွေ အတွေ့အကြုံတွေကိုလဲ ၄, ၅မျိုးခွဲပြီးတစ်ခါတည်း ရိုက်ပြထားပါတယ် ပြီးတော့လည်း ထိုအကြောင်းတွေဟာ တစ်ယောက်နဲ့တစ်ယောက် ဆက်စပ်နေတာမို့ ပုံမှန်မဟုတ်တဲ့ ခံစားချက်တစ်မျိုးနဲ့ကြည့်ရမှာပဲဖြစ်ပါတယ်။ ပြီးတော့ ဒီဇာတ်ကားထဲမှာ ၁၈ယောက်ရှိမှကြည့်လို့ရတဲ့ အခန်းအချို့လဲပါဝင်တာမို့လို့ မိသားစုနဲ့တော့ အတူမကြည့်ပါနဲ့လို့ ပြောချင်ပါတယ်ခင်ဗျာ။

Cloverfield (2008) IMDb - 7.0/10 Rotten - 77% Cloverfield (2008) အညွှန်းကိုတော့ ဒီကားကိုကြည့်ဖြစ်စေခဲ့တဲ့ Datshin Page မှ အညွှန်းနှင့်မိတ်ဆက်ပေးပါရစေ New York မြို့ရဲ့ ညတစ်ညမှာသူငယ်ချင်းတွေစုပြီး Party လုပ်နေတုန်း အကောင်ကြီးတစ်ကောင် ဘယ်က ဘယ်လိုမှန်းမသိ မြို့ပေါ်ကျလာပါတယ်။ အဲကောင်ကြီးက မြို့ မှာမြင်မြင်သမျှသောင်းကျန်းပြီး မြို့တစ်မြို့လုံးလည်း ဘာတွေဖြစ်နေမှန်းမသိရလို့ အဲသူငယ်ချင်းတစ်စုလည်း တခြားလူတွေနည်းတူ မြို့က ထွက်ပြေးဖို့လုပ်ကြရာမှာ အထဲကတစ်ယောက်က Party မှာ Video နဲ့ မှတ်တမ်းတင်ရင်း သူတို့အဖြစ်အပျက်တစ်ခုလုံးကို မှတ်တမ်းတင်ပါတော့တယ်။ — Review — ဒီဇာတ်ကားကိုစကြည့်တုန်းက သယ်ရင်းတစ်ယောက်က ညွှန်းလို့ စကြည့်ဖြစ်တာပါ။ Found Footage Film အမျိုးအစားပါ။ ဒီနေ့ခေတ်မှာ အဲလိုကားတွေခေတ်စားလာတာ ဒီကားကြောင့်ဆိုတာ အသေအချာပါပဲ။ (သူ့လောက်တော့ ကြည့်ကောင်းတဲ့ကားရှားပါတယ်)။ စကြည့်လိုက်ကတည်းက သတိထားမိတဲ့အချက်ကတော့ Perspective တွေပါပဲ။ ဒီဇာတ်ကားတစ်ကားလုံးကို လူတစ်ယောက်ထဲကကင်မရာကိုင်ပြီး မှတ်တမ်းလိုက်တင်ထားတဲ့ပုံစံမျိုးနဲ့ရိုက်ထားတာပါ။ ဇာတ်လမ်းကတော့ အပေါ်မှာပြောထားသလိုပါပဲ ဘယ်ကရောက်လာမှန်းမသိတဲ့ အကောင်ကြီးတွေက New York မြို့ကိုလာတိုက်ခိုက်တာဆိုတော့ တခြားဘာဇာတ်လမ်းမှသိပ်မရှိပေမဲ့ ဇာတ်ကားတစ်ကားလုံးက လုံးဝပျင်းဖို့မကောင်းအောင်ကြည့်တဲ့လူကိုဆွဲဆောင်ထားနိုင်တယ်။ တစ်ချို့အခန်းတွေဆိုရင် တိတ်ဆိတ်နေတဲ့ ညအမှောင်ကြီးမှာ အသံလေးသဲ့သဲ့လေးကြားရတာကိုက လန့်ဖို့ကောင်းတယ်။ ဒီဇာတ်ကားမှာသဘောကျတာက ရိုက်ကူးထားတဲ့လူကလိုက်မှတ်တမ်းတင်ထားသလိုရိုက်ထားတာကြောင့် အဲ့ဒီမြို့ထဲကို ကိုယ်တစ်ကယ်ရောက်သွားသလိုခံစားရမှာဖြစ်ပြီး သူတို့ဖြစ်နေတာလား ကိုယ်ဖြစ်နေတာလားဆိုတာတောင် ဝေခွဲရခက်လောက်အောင် ရိုက်ထားတာတော်တော်ကိုကောင်းပါတယ်။ တစ်ခုရှိတာက ဒီဇာတ်ကားက ကင်မရာကို Found Footage Film ပုံစံ လက်ကနေကိုင်ပြီးရိုက်ထားတဲ့ပုံနဲ့တင်ဆက်ထားတာဖြစ်တာကြောင့် Camera အရမ်းလှုပ်ရင် မူးတတ်တဲ့လူတွေအတွက်တော့ အဆင်ပြေမှာမဟုတ်ပါဘူး။ ဒီစာရေးတဲ့ ကျွန်တော်တောင် နှစ်ခါလောက်ခွဲကြည့်ရတယ်။ ပထမတစ်ခေါက်ကြည့်တုန်းက တစ်ဝက်လောက်ကြည့်ပြီး တော်တော်ခေါင်းမူးသွားတယ်။ အဲ့ဒါနဲ့ ဆက်မကြည့်နိုင်တော့လို့နောက်နေ့ကြမှထပ်ကြည့်တယ်။ ပြောရမယ်ဆိုရင် တစ်ကားလုံးကလှုပ်ခါနေတာကြောင့် ခေါင်းမူးလွယ်တဲ့လူတွေအနေနဲ့တော့ သိပ်အဆင်ပြေမယ်မထင်ပါဘူး။ တစ်ချို့အခန်းတွေဆိုရင်တော့ လှုပ်လွန်းအားကြီးလို့ မြင်ကွင်းတွေ မသဲကွဲတာမျိုးတွေလဲရှိပါတယ်။ ဒီကားထဲမှာပါတဲ့ သရုပ်ဆောင်တွေကလဲ တော်တော်ကောင်းပါတယ်။ အကောင်ကြီးတွေကြောင့်ဘယ်သွားလို့သွားရမှန်းမသိ ၊ ဘာလုပ်လို့လုပ်ရမှန်းမသိပဲ ကူရာကယ်ရာမဲ့ပြီး ကြောက်လန့်နေကြတာကို ကြည့်ရှုသူကိုမြင်အောင်ပုံဖော်နိုင်ပါတယ်။ အခုအချိန်က Superhero တွေခေတ်စားနေတာကြောင့် Superhero တွေကြားထဲက ခနလောက်ရုန်းထွက်ချင်တဲ့ ပိတ်သတ်တွေအတွက်ကြောင့် မပျင်းရပဲ ကြည့်လို့ကောင်းမဲ့ ဇာတ်ကားတစ်ကားပါ။ ဒီဇာတ်ကားအတွက် Budget က $25 Million အထိပဲသုံးထားပြီး $170 Million တောင်ပြန်ဝင်ထားတာဆိုတော့ နည်းနည်းရင်း များများမြတ်ပါပဲ။ ဒီဇာတ်ကားကိုရော ကြည့်ဖူးတဲ့ပိတ်သတ်တွေရှိလား။ ရှိခဲ့ရင်လည်း ဒီဇာတ်ကားအပေါ်ကိုယ့်အမြင်လေးတွေပြောသွားကြပါဦး။ (ဇာတ်လမ်းအညွှန်းကိုတော့ Datshin Page မှ ကူးယူဖော်ပြထားပြီး ဘာသာပြန်သူက မြတ်နိုးဝတ်ရည်ပါ) File Size : (700 MB) Quality : Blu-Ray 720p Running Time : 1hr 25min Format : Mp4 Genre : Action, Adventure, Horror, Sci-Fi Subtitle : Myanmar Subtitle (Hard Sub) Source : 1080p.BluRay.x264.DTS-FGT Translated by Myat Noe Wutt Yi Encoded by Thanhtike Zaw

IMDb Rating (7/10) / Rotten Tomatoes (84%) နာမည်ကျော်မင်းသမီး လင်းဆေးလိုဟန် ပါဝင်သရုပ်ဆောင်ထားတဲ့ Rating မြင့် Teen School ကျောင်းသား အချစ် ဟာသ ရုပ်ရှင်ဇတ်မြူးလေး ဖြစ်ပါတယ်... ဒီရုပ်ရှင်ကားကို April 30, 2004 (USA) မှာ ရုံတင်ပြသခဲ့တာဖြစ်ပြီး ရိုက်ကူးစဉ်က Budget $17 million သာကုန်ကျခဲ့ပေမယ့် ရုံတင်ဝင်ငွေ $130 million ရရှိခဲ့တာကြောင့် အနုပညာအရရော စီးပွားရေးအရပါ အောင်မြင်မှုရရှိခဲ့တဲ့ဇာတ်ကားပါ... ဇာတ်လမ်းကတော့... နယ်ကပြောင်းလာပြီး သက္ကသိုလ်ကျောင်းတက်ရတဲ့ ကေဒီ တစ်ယောက် ကျောင်းမှာ ထူးထူးဆန်းဆန်းတွေသာ မြင်ရပါတယ် သူမြင်နေကြ မဟုတ်တဲ့ ဂုဏ်အရှိန်အဝါ ပြိုင်ဆိုင်တာတွေ အလှပြိုင်တာတွေ အဆင့်အတန်း ခွဲတာတွေ နဲ့ အုပ်စုလိုက် သွားလာတက်တာတွေကို စတင် လေ့လာရပါတော့တယ်.. သူတို့ ကျောင်းမှာ နာမည်ကြီးနေတဲ့ ပလစ်စတစ် ကောင်မလေး အဖွဲ့က ကေဒီ ရဲ့ အလှကို စတင် သတိထားမိသွားပြီး ကေဒီ ကို သူတို့ အဖွဲ့ထဲ စတင်ခေါ်ပါတော့တယ်… ရိုးသား တဲ့ ကေဒီတစ်ယောက် အလှတွေ ပြင်တက်လာပြီး အချစ်နဲ့ တွေ့ပြန်တော့လဲ မလုပ်ဖူးတဲ့ လိမ်ညာတာတွေ သူများကို ချောက်တွန်းတာတွေ စတင်လုပ်ဖြစ်လာပြီး မူလ ရိုးသားပြီး စာတော်တဲ့ ကေဒီ ရဲ့ ပုံစံလေးဟာ တစ်ဖြေးဖြေး ပျောက်ကွယ်ခဲ့ပါတယ်.. ပလစ်စတစ် ကောင်မလေးများ အဖွဲ့မှာ ကေဒီ တစ်ယောက် နေရာရလာမလား သူမ ရဲ့ ရိုးသား မှု နဲ့ အချစ်ရဲ့ အားပြိုင်မှုတွေကို ဘယ်လို ရင်ဆိုင်မလဲ ဆိုတာကိုတော့ Mean Girl ရုပ်ရှင်လေးမှာ ကြည့်ရှုခံစားလိုက်ပါနော်။ File size…(2 GB) and (1.1 GB) Quality….BluRay 1080p and 720p 5.1CH Format…mp4 Duration….01:37:00 Subtitle….Myanmar Subtitle (Hardsub) Encoder….Nyeinsaeya Aung