Louis Garrel ပါဝင်သော ဇာတ်ကားများ

Arco (2025) ++++++ အာကိုဆိုတဲ့ ၁၀ နှစ်အရွယ် ကောင်လေးဟာ သိပ္ပံပညာတွေ အရမ်းကို တိုးတက်ပြီး အချိန်ပါ ခရီးသွားနိုင်နေပြီဖြစ်တဲ့ 2075 ခုနှစ်မှာ နေထိုင်သူပါ။ ဒါပေမဲ့ သူတို့ခေတ်မှာ အသက် ၁၂ နှစ်အောက် ကလေးတွေက အချိန်ခရီးသွားခွင့်မရှိပါဘူး။ ဒီတော့ အာကိုဟာ သူ့ကို အိမ်မှာ ချန်ထားခဲ့ပြီး အချိန်ခရီးထွက်ထွက်သွားတဲ့ သူ့ရဲ့ အဖေ၊အမေနဲ့ အစ်မကို သိပ်ကို အားကျပါတယ်။ တစ်နေ့မှာတော့ အာကိုဟာ ဘယ်သူမှမသိခင် သူ့အစ်မရဲ့ အချိန်ခရီးသွား ဝတ်စုံကို ခိုးယူပြီး သူအရမ်းကို ကြည့်မြင်မြင်ချင်တဲ့ ဒိုင်နိုဆောခေတ်ကို သွားဖို့ ကြိုးစားခဲ့ပါတယ်။ ဒါပေမဲ့ ချို့ယွင်းချက်ရှိပြီး တခြားအတိတ်ခေတ်တစ်ခုကို ရောက်သွားခဲ့တာကြောင့် အာကိုဟာ အတိတ်ကနေ လက်ရှိသူ့ရဲ့ အချိန်မှန်ကို ပြန်နိုင်ဖို့ ကြိုးပမ်းရပါတော့တယ်။ File Size… (1.62GB) / (828MB) Quality… WEB-DL 1080p HEVC /720p Format…mkv / mp4 Duration…1h 28m Genre ….Superhero , Adventrure , Fantasy , Sci-Fi Subtitle….Myanmar Subtitle (Hard Sub)

Dog 51 (2025) IMDb Rating (5.8) ပြင်သစ် သိပ္ပံစိတ်ကူးယဉ် သည်းထိတ်ရင်ဖို (Sci-Fi Thriller) ရုပ်ရှင်ကားဖြစ်ပါတယ်။ နာမည်ကျော်ဒါရိုက်တာ Cédric Jimenez က ရိုက်ကူးထားပြီး အနာဂတ်ကမ္ဘာရဲ့ AI နည်းပညာနဲ့ လူမှုရေးခွဲခြားမှုတွေအကြောင်းကို တင်ဆက်ထားတာပါ။ Blade Runner စတိုင်မျိုး အနာဂတ်မြို့ပြရဲ့ မှောင်မှိုင်းတဲ့ အငွေ့အသက်တွေနဲ့ ရိုက်ကူးထားတာဖြစ်လို့ Visual ပိုင်းက တကယ့်ကို ရှယ်ကြီးပါ လက်ရှိခေတ်စားနေတဲ့ AI နည်းပညာအပေါ် လူသားတွေရဲ့ မှီခိုမှုနဲ့ အဲဒီနည်းပညာက လူသားတွေကို ပြန်လည်ထိန်းချုပ်လာရင် ဘာဖြစ်မလဲဆိုတာကို မေးခွန်းထုတ်ထားပါတယ်။ ၂၀၄၅ ခုနှစ်၊ အနာဂတ် ပဲရစ်မြို့တော်ကြီးဟာ လူမှုအတန်းအစားအလိုက် ဇုန် (၃) ခု ခွဲခြားခံထားရပါတယ်။ တစ်မြို့လုံးကို ALMA လို့ခေါ်တဲ့ အဆင့်မြင့် AI စနစ်ကြီးက စောင့်ကြည့်ထိန်းချုပ်ထားပြီး ရဲတပ်ဖွဲ့ရဲ့ လုပ်ငန်းစဉ်တွေကိုလည်း ဒီ AI ကပဲ ဦးဆောင်နေတာပါ။ တစ်နေ့မှာတော့ ဒီ AI စနစ်ကြီးကို တီထွင်ခဲ့တဲ့ သိပ္ပံပညာရှင်ကြီး အသတ်ခံလိုက်ရပါတယ်။ ဒီအမှုကို စုံစမ်းဖို့အတွက် ဇုန် (၂) က အထက်တန်းလွှာ ရဲအရာရှိမလေး Salia နဲ့ ဇုန် (၃) က ဆင်းရဲသားရပ်ကွက်မှာ နေထိုင်တဲ့ ဝါရင့်ရဲအရာရှိ Zem တို့ ပူးပေါင်းလိုက်ရပါတယ်။ သူတို့နှစ်ဦး အမှုကို ဖော်ထုတ်ရင်းနဲ့ ALMA AI စနစ်ရဲ့ နောက်ကွယ်က ကြောက်မက်ဖွယ်ကောင်းတဲ့ လျှို့ဝှက်ချက်တွေ၊ အဂတိလိုက်စားမှုတွေနဲ့ သူတို့ကို အုပ်ချုပ်နေတဲ့ အာဏာပိုင်တွေရဲ့ အမှောင်ဘက်ခြမ်းတွေကို ရှာဖွေတွေ့ရှိသွားတဲ့အခါမှာတော့...ဘာတွေဆက်ဖြစ်လာမလဲ စိတ်ဝင်စားစရာကြည့်ရမှာပါ။ File size… (1.8 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Action,Crime,Science Fiction,Thriller Duration…. 01:45:24 Subtitle…. Myanmar Subtitle (Hardsub)

Saint-Exupéry (aka) Saint-Ex (2024) ကိုယ်ချစ်ရတဲ့သူတစ်ယောက်က သေသလားရှင်သလားမသိဘဲ ပျောက်ဆုံးသွားခဲ့ပါတယ်။ အဲဒီလိုဖြစ်ခဲ့ရင်သင်က ဘယ်လိုရွေးချယ်မှုမျိုးပြုလုပ်မလဲ...? ရှာဖွေမလား သေသွားပြီလို့ သဘောထားလိုက်မှာလား...။ ဒီကားလေးမှာဆိုရင်တော့ ဟင်နရီ ဂွေလာမတ်လို့ခေါ်တဲ့ အတော်ဆုံး လေယာဉ်မှူးတစ်ယောက်ဟာ အန်ဒိစ်တောင်တန်းတွေထဲမှာ ပျောက်ဆုံးသွားခဲ့ပါတယ်။ အဲဒီအတွက် သူ့ရဲ့အချစ်ဆုံးသူငယ်ချင်းဖြစ်သူ အန်တိုနီ ဒီ ဆန့်အိတ်စ်က ဘာတွေဆက်လုပ်မလဲ... ပျောက်ဆုံးနေတဲ့ဂွေလာမတ်ကိုရော ရှာတွေ့နိုင်သွားလာဆိုတာကို စိတ်ဝင်စားဖွယ်ကြည့်ရှုရမှာပဲဖြစ်ပါတယ်။ File size…1.3 GB / 600 MB Quality…WEB DL 1080p HEVC / 720p Format…mkv/mp4 Duration….1h 38m Subtitle….Myanmar Subtitle (Hard Sub) Encoder….YK Translated by N

The Second Act aka Le Deuxième Acts(2024) ဘဝအသစ်စတင်ခြင်း အချစ်ဟာသကားလေးကိုမှကြိုက်တယ်ဆိုတဲ့လူတွေအတွက် ၂၀၂၄ ထွက် ပြင်သစ်ဟာသကားနဲ့မိတ်ဆက်ပေးချင်ပါတယ်။ ဒီဇာတ်ကားလေးက IMDB - 6.7/10 ရရှိထားတဲ့အပြင် ၂၀၂၄ ခုနှစ်၊ မေလကကျင်းပခဲ့တဲ့ ကိန်းရုပ်ရှင်ပွဲတော်ရဲ့ အဖွင့်ရုပ်ရှင်အဖြစ်ပြသခြင်းခံထားရတဲ့ ကားလေးတစ်ကားပဲဖြစ်ပါတယ်။ မိန်းမကျမ်းကြေပြီး မိန်းမတစ်ကာကိုထည်လဲတွဲနေတဲ့ ရုပ်ချောရေလျှံ ဒေးဗစ်တစ်ယောက်.. သူ့ကိုတမ်းတမ်းစွဲချစ်ပြီး ဖခင်ဖြစ်သူနဲ့ပါ မိတ်ဆက်ပေးဖို့လုပ်နေတဲ့ ဖလောရန့်ကို အဆက်အသွယ်ဖြတ်ဖို့လုပ်ပေမယ့် မအောင်မြင်လို့ သူငယ်ချင်းဖြစ်သူ ဝီလီကိုအကူအညီတောင်းခဲ့ပါတယ်။ ဝီလီက ဒေးဗစ်လိုရုပ်ချောရေလျှံတစ်ယောက်တော့မဟုတ်ပေမယ့် သူငယ်ချင်းဖြစ်သူကအကူအညီတောင်းလာတာကြောင့် အကူအညီပေးဖို့လက်ခံခဲ့ပါတော့တယ်။ အဆက်အသွယ်ဖြတ်ဖို့ကြိုးစားနေတဲ့ ဒေးဗစ်နဲ့ ဖခင်ဖြစ်သူနဲ့ပါမိတ်ဆက်ပေးဖို့လုပ်နေတဲ့ ဖလောရန့်ရဲ့ကြားမှာ ဝီလီတစ်ယောက် ဘယ်လိုဆက်ဖြစ်ပြီး ဘယ်လိုအလွဲတွေကြုံရမလဲဆိုတာကိုရိုက်ကူးထားတဲ့ ပြင်သစ်ဟာသကားလေးတစ်ကားဖြစ်လို့ ကြည်ရှုအားပေးကြပါဦး။ (အညွှန်းနဲ့ ဘာသာပြန်ကိုတော့ CM Team က ရေးသားပေးထားတာပဲဖြစ်ပါတယ်) File size… 1.4 GB / 640 MB Quality…WEB DL 1080p HEVC/ 720p Format…mkv/ mp4 Duration….1h 25min Subtitle….Myanmar Subtitle (Hard Sub) Encoder….YK Translated by CM Team

The Three Musketeers Part II : Milady ( 2023 ) ပြင်သစ်စာရေးဆရာနဲ့ ပြဇာတ်ရေးဆရာ အလက်ဇန္ဒားဒူးမားရဲ့ ဝတ္တုတွေဟာ ကမ္ဘာကျော်သလို ရွှေဥဒေါင်းရဲ့ မြန်မာမူ ဘာသာပြန်လိုက် လက်ချက်တွေနဲ့ တော်တော်မစိမ်းကြဘူး။ သူရေးခဲ့သမျှထဲ ဒီထဲ ရုပ်ရှင်အဖြစ် အသက်သွင်းမှုအများဆုံးက The Three Musketeers ပါပဲ။ ဇာတ်လမ်းအမျိုးမျိုးပေါင်းပြီး တစ်ဖုံ ချိတ်ပြီးတစ်ဖုံ သူ့ဘာသာတစ်ဖုံ အဖုံဖုံ ရိုက်ကူးခဲ့ကြတာ ကားပေါင်း ၅၀လောက်ရှိပါတော့မယ်။ ဒီထဲကမှ အနုပညာအရ အအောင်မြင်ဆုံး Ratingအမြင့်ဆုံးလို့ပြောရမှာကတော့ မနှစ်ကနှစ်လယ်လောက်မှာထွက်ခဲ့တဲ့ The Three Musketeers: D'Artagnan ပါပဲ။ ကောင်းဆို ပြင်သစ်ကပဲ ထုတ်တာကိုး။ ပြင်သစ်စာရေးဆရာ ဝတ္တုကို ကမ္ဘာအရပ်ရပ်က ပတ်ထုတ်လို့ဝမှ ပြင်သစ်က ပြန်ကောက်ထုတ်လိုက်တာပါ။ ဒါပေမဲ့လည်း အကောင်းဆုံးဖြစ်နေတုန်းပါပဲ။ ပိုစိတ်ဝင်စားဖို့ကောင်းတဲ့အချက်က သူ့ဇာတ်ကွန့်တွေက တခြားကားလိုတွေလို မဟုတ်ဘဲ တစ်သားတည်းဖြစ်ပြီး တော်တော်လေး သေသပ်တာပါပဲ။ ကောင်းဆို ဒါရိုက်တာအပါအဝင် ဒီကားထဲပါကြတဲ့လူအတော်များများက The Three Musketeersနဲ့ ရေစက်မကင်းတဲ့လူတွေ The Three Musketeersကို တန်ဖိုးထားတဲ့လူတွေချည်းပါပဲ။ ဒါရိုက်တာ Martin Bourboulonဆို Revenge of the Musketeersကို သူ့အဖေက ပရိုဂျူဆာလုပ်ခဲ့သလို ငယ်ငယ်ကတည်းက ဒီရိုက်ကွင်းကို ရိုက်ခဲ့ပြီး တော်တော်လေး အထင်ကြီးခဲ့တဲ့လူပါ။ ဒီထဲက နာမည်ကျော် ပြင်သစ်သရုပ်ဆောင် Vincent Casselဆိုလည်း သူ့အဖေက ပထမဆုံး1973ကားမှာ သရုပ်ဆောင်ဖူးသလို ဒါးတညံနေရာက သရုပ်ဆောင်တဲ့ François Civilဆိုလည်း ဒါးတညံနေရာက သရုပ်ဆောင်ဖို့က သူ့ငယ်ဘဝအိပ်မက်ဖြစ်ခဲ့ပါတယ်။ နောက်Louis Garrelနဲ့ Eva Greenတို့လို နာမည်ကျော်ပြင်သစ်သရုပ်ဆောင်တွေလည်းပါတယ်။ Eva Greenကတော့ ညှို့ဓာတ်ပြင်းသလို အဆိပ်လည်းပြင်းတဲ့ မိန်းမနေရာက သရုပ်ဆောင်တဲ့နေရာမှာ သက်ရှိထင်ရှားတဲ့သူ့ထက်သာတဲ့လူမရှီဘူးလို့ ပြောစမှတ်ပြုကြုတဲ့လူဆိုတော့ ဒီကားထဲက ဇာတ်ရုပ်ဟာ သူနဲ့အံကိုက်ပေါ့။ Part 2 မှာတော့ Part 1 မှာဖြစ်ခဲ့တဲ့ ဘုရင်ကို လုပ်ကြံဖို့ ပေါင်းကြံခဲ့တဲ့လူတွေကို ဖော်ထုတ်ပြီး ဒီပုန်ကန်မှုရဲ့ ကြိုးကိုင်သူကိုရှာဖို့ လုပ်နေကြပါပြီ။ ဇာတ်လမ်းနာမည်ကို Milady လို့တပ်ထားတဲ့အတိုင်းပဲ အီဗာဂရင်းရဲ့ဇာတ်ကောင် Miladyဟာ မွှေနည်းပေါင်းစုံနဲ့ ပတ်မွှေကောင်းတုန်းပါပဲ။ ဘုရင်ကိုလုပ်ကြံဖို့လုပ်ရဲမှာက ဘုရင့်အတွင်းစည်းထဲက လူတွေပဲလို့ Musketeerတွေက ယူဆပြီး ဒီလူကို ရှာဖို့လုပ်ကြတယ်။ ဘုရင့်ရဲ့ အတွင်းစည်းထဲက ဒီလိုသစ္စာဖောက်မှုကို Musketeerတွေ အာဏာချင်းမမျှပေမဲ့ ဘယ်လို သတ္တိတွေနဲ့ သက်သေပြကြမလဲကြည့်ကြရမှာပါ။ Part 2မှာလည်း ဇာတ်လမ်းဟာ အဆုံးမသတ်သေးဘဲ Part 3 ကို ဦးတည်ထားပါတယ်။ Part 3 ထွက်မထွက်တော့ မသိရသေးပေမဲ့ ထွက်ချင်လည်းထွက်လို့ရသေးတဲ့ အခြေအနေပါပဲ။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre..... Action, Adventure, History Quality…. 1080p | 720p File size… 1.7GB | 822MB Format… mp4 Duration…. 1h 55min Subtitle…. Myanmar Subtitle (Hardsub) Translator ..... WiRa Aung Encoder ..... Aaron

The Three Musketeers: D'Artagnan (2023) ~ IMDb - 6.9/10, Rotten Tomatoes - 96% ~ ကျွန်တော်တို့အဘိုးတွေ အဖေတွေခေတ်ကတည်းက ရွှေဥဒေါင်းလက်ရာနဲ့ လူတိုင်းနီးပါးရင်းနှီးခဲ့တဲ့ အလက်ဇန္ဒြားဒူးမားရဲ့ The Three Musketeers ကို ခေတ်အဆက်ဆက် ရုပ်ရှင်အနေနဲ့ အသက်သွင်းခဲ့ကြပြီးပါပြီ။ သိသလောက်ဆို ဒီရုပ်ရှင်တွေက ဝေဖန်ရေးဆရာတွေအမြင်အရ မအောင်မြင်ခဲ့တာတွေက ပိုများတယ်။ ဆန်းတော့လည်းမဆန်းပါဘူး။ အလက်ဇန္ဒြားဒူးမားစာအုပ်တွေကို ရွှေဥဒေါင်းဘာသာပြန်ထားတဲ့ ရတနာသိုက်တို့၊ ကိုယ်ရံတော်တို့၊ သူရဲကောင်းသုံးယောက်တို့ ဖတ်ကြည့်ရုံနဲ့တင် ဒူးမားအနေနဲ့ ဇာတ်ကြွအောင် ပုံဖော်တာပိုင်နိုင်ပုံကို မြင်နိုင်တယ်။ ဒီလိုဇာတ်ကို ပြန်အသက်သွင်းတာကို ဝေဖန်ရေးဆရာတွေ အရမ်းအကြိုက်မတွေ့ခဲ့ကြတာတော့ ဖြစ်သင့်တဲ့ကိစ္စပါပဲ။ ဒီတစ်ခါရုပ်ရှင်ကတော့ ရှေ့ကားတွေထက် ဝေဖန်ရေးဆရာတွေရဲ့ မျက်နှာသာပေးပိုခံရတယ်လို့ ပြောရပါမယ်။ ခရမ်းချဉ်သီး ၉၆လုံး ရထားပါတယ်။ ဟိုးရှေးခေတ်ကတည်းကနေ ခုထိ ရိုက်ခဲ့သမျှတွေထဲ ခရမ်းချဉ်သီးအမြင့်ဆုံးပါပဲ။ သရုပ်ဆောင်တွေကိုလည်း ကားကောင်းတွေရိုက်တာများတဲ့ Vincent Cassel, François Civil, Eva Green, Louis Garrel တို့လို လူတွေကို သုံးပေးထားပါတယ်။ ဇာတ်လမ်းကတော့ ဒူးမားရဲ့ ဇာတ်လမ်းအတိုင်းကိုမှ အနည်းအကျဥ်း အပြောင်းအလဲလေးတော့ရှိတာပေါ့ဗျာ။ ဇာတ်ကားနဲ့ ပတ်သက်ပြီး ယေဘုယျဝေဖန်ချက်တွေကတော့ အဖက်ဖက်မှာ အကောင်းတွေများပြီး ဇာတ်လမ်းပြန်ယူထားတဲ့နေရာမှာတော့ သဘောမကျတဲ့သူတွေရှိပါတယ်။ ဒါပေမဲ့ စာအုပ်က ကောင်းနေတော့ အသစ်ထပ်ပြောင်းတာကို လက်မခံကြတဲ့သူတွေက မကျေမနပ်ဖြစ်ကြတာလည်းဖြစ်နိုင်ပါတယ်။ အက်ရှင်ခန်းတွေလည်း မဆိုးသလို ဟာသလေးလည်းနှောပြီးပြတယ်။ ဇာတ်လမ်းက အရမ်းကြီးလေးမနေသလို စုံထောက်ဇာတ်လမ်းလည်းဆန်တယ်။ Eva Green က Milady နေရာက သရုပ်ဆောင်ထားတာကတော့ အပိုဆုလေးပေါ့။ သူ အဲဒီနေရာက သရုပ်ဆောင်ထားတာက ဇာတ်ကားကို နောက်တစ်ဆင့်မြှင့်ပေးလိုက်သလိုပါပဲ။ ဒီဇာတ်ကားနဲ့ပတ်သက်ပြီး ပြဿနာတက်တဲ့တစ်ချက်က ဘာသာရေးစစ်ပွဲတွေဖြစ်နေတဲ့အချိန် ၁၇ ရာစုလောက်က ဇာတ်ကောင် ပေါသိုး ကို Bi လား Gay လား လုပ်ထားတာတစ်ခုတော့ရှိတယ်။ ဘယ်လိုပဲဖြစ်ဖြစ် ကြည့်လို့ကောင်းတဲ့ ဇာတ်ကားဖြစ်ပြီးတော့ ပထမပိုင်းပဲရှိပါသေးတယ်။ နောက်တစ်ပိုင်းကို မျှော်နေတဲ့သူတွေလည်း အများကြီးပါပဲ။ အဲဒီထဲမှာ ခင်ဗျားပါမလားဆိုတာကတော့ ကြည့်ပြီး ဆုံးဖြတ်ပေါ့ဗျာ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 4.1GB, 1.6GB, 680MB Quality - 4K HEVC, 1080p, 720p IMDb Rating - 6.9/10 Format - mp4 Duration - 2H 1Min Genre - Action, Adventure, History Subtitle - Myanmar Subtitle (Hardsub) Translated by 666 Encoded by Y

Rifkin's Festival (2020) IMDb Rating - 6.2/10 Directed By Woody Allen ကျွန်တော့်အကြိုက်ဆုံး အယ်လန်ရဲ့ ရုပ်ရှင်ဟာ Midnight In Parisပါပဲ။Midnight in Parisက ဇာတ်ကောင်ဟာ အနုပညာကို ခံစားတတ်ပေမဲ့ သူ့ကိုယ်ပိုင် မာစတာပိစ်ကို မရေးနိုင်သေးတဲ့ ရေးချင်နေတဲ့လူပါပဲ။ Rifkin's Festivalရဲ့ ဇာတ်ကောင် RIFKINဟာလည်း ဒီလိုလူပါပဲ။ဒီရုပ်ရှင်ဟာ Midnight in Parisရဲ့ အဆက်မဟုတ်ပေမဲ့ နှစ်ကားလုံးက ဇာတ်ကောင်နှစ်ကောင်လုံးက အယ်လန်ကိုယ်တိုင်ရဲ့ သူ့ကိုယ်သူပြန်တူးဖော် ထားတဲ့ ဇာတ်ကောင်တွေလို့ ယူဆလို့ရတယ်။ နောက် Rifkinဟာ Midnight in Parisရဲ့ အဖြေလို့ ဆိုလို့ရပါတယ်။ Midnight in Parisမှာ ပါရီရဲ့အတိတ်ကာလကို အချိန်ခရီးသွားသလို ဟန်သုံးထားပြီး နာမည်ကျော်ပန်းချီဆရာတွေ စာရေးဆရာတွေ ဂီတဆရာတွေကို တမ်းတပြသွားခဲ့တယ်။ RIFKINမှာတော့ နာမည်ကျော်ဒါရိုက်တာတွေရဲ့ နာမည်ကြီးဇာတ်၀င်ခန်းတွေကို တစ်ဖြတ်တစ်ဖြတ် ဆိုသလို ထည့်သွားပြီး Homage to Cinema လုပ်သွားတယ်။ Ingmar Bergmanရဲ့ 7th Sealအပြင် François Truffautတို့ Jean-Luc Godardတို့လို တန်းမြင့်ပြင်သစ်ဒါရိုက်တာတွေရဲ့ ရုပ်ရှင်တွေအပြင် ဟောလိဝုဒ်ရဲ့ အကောင်းဆုံးလို့ ဆိုခဲ့ကြဖူးတဲ့ Orson Wellesရဲ့ Citizen Kaneထဲက ဇာတ်၀င်ခန်းတွေကိုပါ ပြန်ယူသုံးပြီး Homage To Cinemaလုပ်သွားခဲ့တယ်။ Ingmar Bergmanရဲ့သေမင်းကို သုံးပြီး သူရေးချင်တဲ့ သူမရေးနိုင်တဲ့ စာအုပ်အတွက် အဖြေတစ်ခုပေးသွားတဲ့ အခန်းဟာ အတော်လေးလှပါတယ်။ တစ်ချက်ပြောရရင် Rifkinဟာ ရုပ်ရှင်အကြောင်းသိပ်ပြောတဲ့ရုပ်ရှင် ရုပ်ရှင်ထဲ ရုပ်ရှင်ကိုအသားပေးထားတဲ့ရုပ်ရှင်ပါပဲ။ ဒီနေ့ခေတ်ရုပ်ရှင်လောကကို အသေသရော် ထားတယ်။ သတင်းထောက်မက မင်းသမီးကို "ရှင့် ရုပ်ရှင်ထဲက ပြီးတဲ့အခန်းတွေအကုန်လုံးက CGIလား"မေးတာတွေ။ ရုပ်ရှင်နဲ့ အာရပ် အစ္စရေးကိုညှိနှိုင်းနိုင်အောင် မက်ဆေ့ပေးမယ့်ဒါရိုက်တာတွေကို ထည့်ပြပြီး သရော်သွားတယ်။ ဒီနေ့ခေတ်ခေတ်စားတဲ့ Remake , Director Cutsတွေ ဝေဖန်ရေးသမားတွေ တလွဲရုပ်ရှင်ပွဲတော်တွေ အကုန်လုံးကို ပတ်သရော်သွားတယ်။ ဒီလို‌သရော်တာတွေပဲ အရမ်းများတဲ့အတွက် သူသရော်တ‌ာတွေ ကိုးကားတာတွေကို နားလည်ဖို့ ရုပ်ရှင်အစစ်တွေက ဘာဆိုတာ အကျဉ်းဖျဉ်းလောက်သဘောပေါက်မှပဲ ပိုကြည့်လို့ကောင်းမယ့် အနေအထားမှာရှိတယ်။ ပြောရရင် ဒီရုပ်ရှင်ဟာ တစ်သီးပုဂ္ဂလ ပရိတ်သတ်ကို ဦးတည်တဲ့ရုပ်ရှင်မျိုးပါပဲ။ လူတိုင်းအတွက်မဟုတ်ပါဘူး။ ဒီရုပ်ရှင်ရဲ့ Genreကို Comedyလို့ရေးထားတာပေမဲ့ ဒီရုပ်ရှင်ဟာ ဝူဒီအယ်လန်အမျိုးအစားရုပ်ရှင်ပါပဲ။ အတည်ပေါက်ကြီးနဲ့သရော်မယ် အနုပညာရွှေခေတ်ကိုတမ်းတမယ် အချစ်ကိုတစ်ခါတလေလည်းယုံပြသလို တစ်ခါတလေလည်း အချစ်ကို ပြန်သရော်ပြီး ပစ္စုပ္ပန်ဘဝထဲက ကျွန်တော်တို့ မေ့လျော့ နေတာလေးတွေကို သတိထားမိအောင် ပြတတ်တဲ့ ၈၆နှစ်ကျော် လူ့ဂွစာ အဘိုးကြီးတစ်ယောက်ရဲ့ ရုပ်ရှင်ပါပဲ။ ဘာနေနေပါ ကျွန်တော်တော့ ဝူဒီအယ်လန်ကို ရုပ်ရှင်တွေဆက်ရိုက်စေချင်တယ်။ ဆယ်ကားပဲ ရိုက်မယ်ဘာညာ ထကြောင်တဲ့ လူတွေထက် လူကြိုက်မများတော့ပေမဲ့ ရိုက်ချင်တာ ရိုက်နေဆဲဖြစ်တဲ့ အယ်လန်ဟာ Artistပိုစစ်တာတော့ ကျွန်တော်တို့ ငြင်းမရပါဘူး။Artistတစ်ယောက်ရဲ့ ဖန်တီးချင်စိတ်ဟာ သေမှပဲရပ်လို့ ရမှာမဟုတ်လား။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ WiRa Aung ဖြစ်ပါတယ်။ File Size - (1.3 GB) / (750 MB)/(450 MB) Quality – WebRip - (1080p) / (720p) / (480p) Duration - 1hr 28min Subtitle – Myanmar Hardsub Format – MP4 Genre : Comedy Translator – WiRa Aung Encoder – SWM

Little Women (2019) IMDb Rating (7.8) / Rotten Tomatoes (95%) Saoirse Ronan, Emma Watson, Florence Pugh, Eliza Scanlen, Laura Dern, Timothee Chalamet, Meryl Streep နဲ့အခြား ဆရာ့ဆရာကြီးတွေပါဝင်ထားပြီး cast တွေနဲ့တင် ဖျားလောက်စရာကောင်းသလို အော်စကာ ၆ ဆု ဆန်ကာတင်တာထားတဲ့ ရုပ်ရှင်ကားကြီးပါ။ Little women ဆိုတာက ၁၈၆၈ နဲ့ ၁၈၆၉ မှာ အမေရိကန် စာရေးဆရာမကြီး လူဝီဆာ မေ အဲကော့ က ၂ ပိုင်းခွဲပြီးရေးသားခဲ့တဲ့ တကယ့် ဂန္ဓဝင်လက်ရာပါပဲ။ မာ့ချ် မိသားစုရဲ့ ညီအစ်မလေးယောက် ( မက်ဂ်၊ ဂျို၊ ဘက်သ် နဲ့ အေမီ) တို့ရဲ့ကလေးဘဝကနေ အရွယ်ရောက်လာတဲ့အထိ ဇာတ်လမ်းကို ရေးဖွဲ့ထားတာပါပဲ။ စာရေးသူနဲ့ သူ့ရဲ့ ညီအစ်မ ၃ ယောက်အပေါ်ကို အခြေခံထားတာမို့ Semi-autobiography လို့လည်း ပြောလို့ရပါတယ်။ ဇာတ်လမ်းကတော့ လေရူးသုန်သုန် တို့ စစ်နဲ့ငြိမ်းချမ်းရေးတို့လို လူ့ဘဝတွေအကြောင်းကို အေးအေးဆေးဆေး လှလှပပလေး ဖော်ကျူးထားတာပါပဲ။ မိသားစုတွေ၊ လူငယ်တွေကြားက အချစ်တွေ၊ ရုန်းကန်မှုတွေ၊ ဘဝအပြောင်းအလဲတွေအကြောင်းပါပဲ။ တကယ်ကို ပျော်ဝင်သွားပြီး ခံစားချက်အစုံရမယ့် ဇာတ်လမ်းမျိုးလေးပါ။ ဒါလေး ဘာသာပြန်တင်ဆက်ခွင့်ရတာ ဝမ်းသာပါတယ်။ (ရုပ်ရှင်အညွှန်းနဲ့ဘာသာပြန်ကို Littleneo က တင်ဆက်ထားပါတယ်။) File size…(8 GB) / (2.9 GB )/ (1.4 GB) Quality…WEB-DL 4K HEVC/ 1080p HEVC / 720p Format…mkv/mp4 Duration….02:15:00 Subtitle….Myanmar Subtitle (Hardsub) Encoder….Ka Naung Translated by Littleneo

A Faithful Man (2018) IMDb...6.5 မာရီယန်းဆိုတဲ့ မိန်းမချောလေးမှာ ပေါလ်နဲ့ အဘဲလ်ဆိုတဲ့ အချစ်ဆုံးသူငယ်ချင်းနှစ်ယောက်ရှိတယ်.... အချစ်ဆုံးဆိုသူငယ်ချင်းတွေဆိုတဲ့အတိုင်း တစ်ယောက်နဲ့တစ်ယောက် အလွန်ရင်းနှီးစွာနေလေ့ရှိသလို တွဲခဲ့တဲ့ ကာလကလည်း ကြာလွန်းလှတယ်... ဒီလိုကာလရှည်တွေဟာ တခြားသူငယ်ချင်းတွေအတွက် မဆန်းပေမယ့် သူတို့အတွက်တော့ သူငယ်ချင်းစည်းကျော်ပြီး ချစ်ခဲ့မိကြတယ်.. မာရီယန်းဟာ မနက်ကိုပေါလ်နဲ့ တွဲရင် ညဘက်ကို အဘဲလ်နဲ့ တွဲတယ်.... ယောက်ျားလေး (၂)ယောက်ရဲ့ ခပ်ဆိတ်နေမှုဟာ မာရီယန်းအတွက် အခွင့်ကောင်းလို့ပဲ ဆိုရမလားမသိ.... သူကလည်း (၂)ယောက်လုံးကိုချစ်နေတော့ ခက်သားပင်.... ကိုင်း ဘယ်လိုတွေဆက်ဖြစ်မလဲဆိုတာကိုတော့ ခံစားကြည့်ကြပါဦး... မာရီယန်းနေရာက သရုပ်ဆောင်ထားတဲ့ မင်းသမီး Laetitia Marie Laure Casta ဆိုတာ တစ်ချိန်က Victoria’s Secret Angel လေးတစ်ပါးဆိုတော့ သူ့ရဲ့အကြည့် သူ့ရဲ့ အပြုံးမှာတင် ခင်ဗျားတို့အားလုံး ရင်သပ်ရှုမောရမယ်ဆိုတာ ပြောကြားရင်း.. ဇာတ်လမ်းအညွှန်းနဲ့ဘာသာပြန်သူကတော့ Paing ပဲဖြစ်ပါတယ်.... File Size : 1.3 GB, 457 MB Quality : Blu-Ray 1080p, 720p Format…mp4 Duration…01:15:00 Genre : Comedy , Drama, Romance Subtitle : Myanmar Subtitle (Hard Sub) Translated by Paing Encoded by AHtet

At Eternity's Gate (2018) IMDb Rating (6.9) / Rotten Tomatoes (79%) အချိန်မှားပြီးမွေးဖွားခဲ့တဲ့ ခေတ်အဆက်ဆက်တည်မြဲနေဦးမယ့် ပန်းချီကားတို့ရဲ့ ဖန်တီးရှင်ဗင်းဆင့်ဗန်ဂိုးဟာ ဒတ်ချ်လူမျိုးပန်းချီဆရာတစ်ယောက်ပါ။ သူ့ရဲ့စိတ်ခံစားချက်ကို အရောင်များနဲ့ဖော်ပြတတ်သူဖြစ်ပြီး သူ့ရဲ့ပန်းချီကားတွေမှာ ပြင်းပြတဲ့စိတ်ဆန္ဒကို ကြက်သီးထဖွယ်တွေ့မြင်ရတတ်ပါတယ်။ သူဟာပန်းချီကို အလွန်ရူးသွပ်သူတစ်ယောက်ဖြစ်ပြီး အသက် ၂၇နှစ်မှစတင်ပြီး ပန်းချီဆွဲခဲ့တာပါ။ လောကမှ နာမည်အကျော်ကြားဆုံးနဲ့ ကံအဆိုးဆုံး ပန်းချီဆရာတစ်ယောက်ဆိုရင်လည်း မမှားပါဘူး။ ဘာလို့လဲဆိုတော့ သူဟာ အချိန်မှားပြီးမွေးဖွားလာခဲ့လို့ပါပဲ။ သူ့ခေတ်က ပန်းချီပညာရှင်အများစုက သူ့ကို အသိအမှတ်မပြုခဲ့ကြပေမယ့် ခေတ်သစ်ပန်းချီဆရာတွေကတော့ သူ့ပန်းချီကားတွေရဲ့ထူးခြားချက်ကို အသိအမှတ်မပြုဘဲ မနေနိုင်ကြပါဘူး။ သူ့ပန်းချီကားတွေဟာ သူသေဆုံးပြီး နှစ်၃၀ဆယ်ခန့်ကြာမှ စတင်နာမည်ကျော်ကြားလာခဲ့တာဖြစ်ပါတယ်။ ဘဝတစ်လျှောက်လုံး ဆင်းရဲနွမ်းပါးစွာနေလာခဲ့ရပြီး သေသွားသည့်တိုင်အောင်သူ့ကို ဘယ်သူကမှ အသိအမှတ်မပြုခဲ့ပါဘူး။ ဒါပေမယ့် ၁၀နှစ်လုံးလုံး ပန်းချီဆွဲတဲ့အလုပ်ကို စိတ်ဓာတ်ကြံ့ခိုင်စွာနဲ့ ဇောက်ချလုပ်ခဲ့ပါတယ်။ အသက် ၃၇နှစ်မှာသေဆုံးခဲ့ပြီး ပန်းချီဆွဲခဲ့တဲ့ ၁၀နှစ်တာ ကာလတစ်လျှောက်မှာပန်းချီကားချပ်ပေါင်း ၁၆၀၀ခန့်ရေးဆွဲခဲ့ပါတယ်။ ပန်းချီကားတိုင်းဟာ သူပြောပြချင်တဲ့ အကြောင်းအရာတွေသူဖော်ပြချင်တဲ့ စိတ်ခံစားမှုအခြေအနေတွေ ပြည့်နှက်နေပါတယ်။ သူအသက်ရှင်စဉ်ကာလတစ်လျှောက်မှာ ပန်းချီကားက ၁ချပ်ပဲရောင်းခဲ့ရပါတယ်။ အဲ့ဒါတောင်မှ သူ့မိတ်ဆွေနာမည်ကြီး ပန်းချီဆရာတစ်ယောက်ကခင်မင်မှုသဘောနဲ့ဝယ်ယူခဲ့တာပါ။ အစမှာပြောခဲ့သလိုပဲသူဟာ အချိန်မှားပြီး မွေးဖွားလာခဲ့တာပါ။ အခုချိန်မှာဆိုရင်တော့ သူ မသေခင်ကရေးဆွဲခဲ့တဲ့ "Portrait of Dr Gachet" ဆိုတဲ့ ပန်းချီကားဟာ ဒေါ်လာ ၁၀၀ မီလီယံကျော်တန်ကြေးရှိပါတယ်။ ဒါတွေကတော့ ဇာတ်ကားလေးမကြည့်ခင် သိထားသင့်တဲ့သူ့ရဲ့သနားစဖွယ် ဇာတ်ကြောင်းလေးတစ်ခုပါ။ ဒီဇာတ်ကားလေးထဲမှာတော့ အနုပညာကိုရူးသွပ်ပြီး သိပ်ကိုသံယောဇဉ်ကြီးမားတဲ့ ဗင်ဆင့်ကိုဂရုဏာသက်ဖွယ် တွေ့ရှိရမှာပါ။ ဒီဇာတ်ကားလေးဟာ အနုပညာရှင်ကြီး ဗင်ဆင့်ဗန်ဂိုးရဲ့ အတ္ထုပ္ပတ္တိဆိုရင်လည်း မမှားပါဘူး။ ဒါ့အပြင် ကမ္ဘာကျော် ပန်းချီဆရာကြီး ဗင်ဆင့်ဗန်ဂိုးရဲ့ အနုပညာအပေါ်သဘောထားနဲ့ ခိုင်မာတဲ့စိတ်ဓာတ်ကို ဒီဇာတ်ကားထဲမှာ လေးစားဖွယ်တွေ့ရှိရမှာပဲဖြစ်ပါတယ်။ File size… (2.4 GB) / (1.9 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History Duration…. 01:51:37 Subtitle…. Myanmar Subtitle (Hardsub)

ပြဇာတ်သရုပ်ဆောင် လူးဝစ်ဟာ ဇနီးနဲ့ သမီးလေးကို ထားခဲ့ပြီး ကလော်ဒီယာဆိုတဲ့ ကောင်မလေးနဲ့ တွဲနေပါတယ်။ ကလော်ဒီယာလည်း အရင်က ပြဇာတ်သရုပ်ဆောင်တစ်ယောက် ဖြစ်ခဲ့ပေမယ့် လက်ရှိမှာတော့ အလုပ်လက်မဲ့ဖြစ်နေသူပါ။ သူတို့နှစ်ယောက် ဘယ်လိုတွေ့ဆုံခဲ့ကြသလဲဆိုတာနဲ့အတူ ဒီအချစ်ရေး ရေရှည်တည်မြဲနိုင်မလားဆိုတာကို ဇာတ်လမ်းက ပြထားပါတယ်။ တစ်ဖက်မှာလည်း လူးဝစ်နဲ့ သူ့သမီးလေးကြားက ဆက်ဆံရေး ဆက်ခိုင်မြဲနေဦးမလားဆိုတဲ့ မေးခွန်းရှိနေပါတယ်။ ပြင်သစ်လူနေမှုဘဝနဲ့ မိသားစုတစ်စုရဲ့အကြောင်းကို ပုံဖော်ထားတဲ့ အဖြူအမည်း ဒရာမာရုပ်ရှင်ပါ။

A Burning Hot Summer (2011) ဘယ်တော့မှ ရိုးမသွားနိုင်တဲ့ ဂန္ဓဝင်အလှတရားပိုင်ရှင်မမကြီး မော်နီကာရဲ့ဇာတ်ကားဟောင်းတစ်ကားပါ။ ဇာတ်လမ်းကတော့ ရောမရဲ့နွေရာသီတစ်ခုက စုံတွဲနှစ်တွဲဖြစ်တဲ့ ပန်းချီဆရာဖရက်ဒရစ်နဲ့ သူ့ရဲ့နာမည်ကျော်ရုပ်ရှင်မင်းသမီးဇနီးချော အိန်ဂျယ်၊ နောက်တော့ သူတို့ရဲ့ဖိတ်ခေါ်မှုနဲ့အိမ်ကိုရောက်လာတဲ့ ဖရက်ဒရစ် သူငယ်ချင်း ပေါလ်နဲ့သူ့ကောင်မလေး အဲလိဇဘတ်တို့ကိုအခြေခံပြီး အချစ်၊ပေါင်းသင်းဆက်ဆံရေးနဲ့လူသားတွေရဲ့စိတ်သဘောတွေကို နှီးနွယ်တင်ပြထားတာဖြစ်ပါတယ်။ အီတလီဇာတ်ကားတွေထုံးစံအတိုင်း အေးအေးငြိမ့်ငြိမ့်နဲ့ cinematography လှလှ မင်းသမီးလှလှတွေကိုတစ်၀ငေးရမယ့် ဇာတ်ကားပါပဲ။ File size…(2 GB )/(650 MB) Quality…BluRay 1080p HEVC / 720p Format…mkv/mp4 Duration….01:37:00 Subtitle….Myanmar Subtitle (Hardsub) Encoder….Ka Naung Translated by Alias

The Dreamers (2003) IMDb Rating (7.1) Genre: Erotic/Romantic/Drama The Dreamers ကတော့  အီတလီဒါရိုက်တာ Bernardo Bertolucci ရဲ့ လက်ရာတစ်ခုဖြစ်ပါတယ်။ မင်းသမီး‌ချော Eva Green ရဲ့ ငယ်မူငယ်သွေးအလှတွေနဲ့ သူ့ရဲ့ဇာတ်ကောင်ပေါ် နှစ်ဝင်သရုပ်ဆောင်နိုင်စွမ်းကို တစ်ဝကြီးခံစားရမှာဖြစ်ပြီး ဇာတ်လမ်းလေးကလည်း နားလည်ရခက်တဲ့ ပန်းချီကားတချပ်လို ပြင်သစ်ဆန်ဆန် လှပပါတယ်။ မင်းသမီး Eva Green အပြင် မင်းသား Louis Garrel နဲ့ Michael Pitt တို့ရဲ့ ဝတ်လစ်စလစ်အခန်းတွေအများကြီးပါတာမလို့ မိသားစုနဲ့တော့ ကြည့်လို့မရပါဘူး။ ++++++++++++++++++++++++++++++ ဇာတ်လမ်းအညွှန်းကိုတော့ Out of Mind Fb Page က အညွှန်းနဲ့ ညွှန်းခဲ့ချင်ပါတယ်။ Spoiler Alert.... The Dreamers (2003) ဇာတ်လမ်းရဲ့အခင်းအကျင်းက ပဲရစ်မြို့ 1968ခုနှစ်က ကျောင်းသားသပိတ်ဖြစ်နေတဲ့အချိန် ဖြစ်တယ်။ Metthewဆိုတဲ့အမေရိကန်လူငယ်တယောက်က ပဲရစ်မြို့မှာ ပြင်သစ်ဘာသာစကားလေ့လာနေရင်း သူ့ရဲ့အချိန်အများစုကို ရုပ်ရှင် တွေကြည့်ရင်း ကုန်ဆုံးနေတဲ့သူ တယောက်။ တစ်ရက်မှာတော့ သူ့လိုပဲ ရုပ်ရှင်ကို အရမ်းဝါသနာပါတဲ့ Isabelle နဲ့ Theo ဆိုတဲ့ အမြွာမောင်နှမနှစ်ယောက်နဲ့ ခင်လာကြတယ်။ သူတို့ မောင်နှမ နှစ်ယောက်က Matthewကို သူတို့ရဲ့ ကိုယ်ပိုင် ပိတ်လှောင်ထားတဲ့ ကမ္ဘာထဲကိုဆွဲခေါ်လာခဲ့တယ်။ တနည်းအားဖြင့် သူတို့ရဲ့အိမ် တနည်းအားဖြင့် မိမိနဲ့တစ်ခြားကြားက မျဥ်းကြောင်းတွေဝေဝါးနေတဲ့ သူတို့ရဲ့ကမ္ဘာထဲကို Matthew ရောက်ရှိလာတယ်။ သူတို့ရဲ့ အိမ်ထဲကို ရောက်တော့ သူတို့မောင်နှမနှစ်ယောက်ရဲ့ ရုပ်ရှင်တွေကိုအသုံးပြုပြီး တယောက်ကိုတယောက်ချည်နှောင်ကြမှုတွေ ငြင်းခုံမှုတွေ ကိုသိလာတယ်။ နောက်ရုပ်ရှင်ထဲက အမူအယာတွေကို ပုံတူလိုက်သရုပ်​​ဆောင်ရင်း"ဒီရုပ်ရှင်ဟာဘာရုပ်ရှင်လဲ"ဆိုတဲ့မေးခွန်းတွေမေးပြီး သူတို့ဘလောက်သိလဲ ဘယ်လောက်အဖိုးတန်လဲဆိုတာကို ရုပ်ရှင်ဇာတ်လမ်းတွေနဲ့တိုင်းတာကြတယ်။ သူတို့အတွက်တော့ ရုပ်ရှင်သည်သာဘဝပဲ။ ဒီအိမ်လေးထဲမှာပဲ ရုပ်ရှင်ခန့်မှန်းတဲ့ဂိမ်းတွေဆော့ရင်း ရုပ်ရှင်တွေအကြောင်းငြင်းခုံရင်းနဲ့အပြင်မှာဖြစ်နေတဲ့ အရေးအခင်းတွေကိုမေ့ပျောက်ထားပြီး ပြင်ပကမ္ဘာနဲ့ အဆက်အသွယ်ဖြတ်ထားကြတယ်။ ဒါ‌ပေမယ့် တဖြည်းဖြည်းနဲ့ Matthewသိလာတာက သူတို့နှစ်ယောက်ကမ္ဘာထဲမှာ သူဟာ ဘယ်တော့မှဝင်ခွင့်ရမှာမဟုတ်ဘူးဆိုတာပဲ။ သူဟာ အပြင်လူတယောက်လို့ခံစားရတယ်။ အမြွာမောင်နှမနှစ်ယောက်ဟာ သူတို့ရဲ့ စိတ်ကူးယဥ်မှုတွေ ပြည့်ဖို့သက်သက် သူ့ကိုအသုံးချနေသလို ခံစားရတယ်။ Matthewရဲ့ အပြင်လူဖြစ်မှုကနေ သူတို့အမြွာနှစ်ယောက်ရဲ့ ကမ္ဘာကို ကြည့်ရှုနေခြင်းက ကျနော်တို့က Matthewကို ကြားခံအနေနဲ့အသုံးပြုပြီး သူတို့ရဲ့ကမ္ဘာကို ရုပ်ရှင်ကြည့်သူတွေက တဖန် ပြန်ကြည့်နေခြင်းလည်းဖြစ်တယ်။ ဒါနဲ့ပက်သက်ပြီး Matthewက ရုပ်ရှင်နဲ့ပက်သက်ပြီး သူမြင်တဲ့သီအိုရီတခုကို အခန်းတခန်းမှာရှင်းပြတယ်။ သူ့အမြင်အရတော့ ရုပ်ရှင်တိုင်းဟာ သူတပါးရဲ့လိင်ကိစ္စကိုတိတ်တခိုးကြည့်နေရသလိုပဲ ။ "ရုပ်ရှင်ရိုက်ကူးသူတယောက်ဆိုတာ သူများအဝတ်အစားလဲတာကိုချောင်းကြည့်ရတာ၊သူများလိင်ကိစ္စတွေကိုချောင်းကြည့်ရတာကိုသဘောကျတဲ့လူတယောက်လိုပဲ။ ကင်မရာဆိုတာကတော့ မင်းမိဘတွေရဲ့အိပ်ခန်းထဲက ချောင်းကြည့်ပေါက်ပေါ့။ မင်းသူတို့ကိုချောင်းကြည့်တယ်။ မင်းရွံလာတယ်။ မင်းမလုံမလဲဖြစ်လာတယ်။ ဒါပေမယ့် မင်းဆက်ကြည့်နေတာကိုမရပ်နိုင်ဘူး။ ရုပ်ရှင်တွေဟာ ပြစ်မှုတွေဖြစ်ပြီးတော့ဒါရိုက်တာတွေကတော့ ပြစ်မှုကျူးလွန်သူတွေဖြစ်သွားတယ်။" ကျနော်တို့က ရုပ်ရှင်ကြည့်တဲ့အခါမှာ တနည်းအားဖြင့် ဇာတ်ကောင်တွေရဲ့ လုပ်ရပ်တွေကို ချောင်းကြည့်ပေါက်ကနေကြည့်ပြီးအာသာဖြေတာပဲ။ ကျွန်တော်တို့ရဲ့စိတ်ထဲမှာဖိနှိပ်ထားတဲ့ဆန္ဒတွေကို ရုပ်ရှင်ကြည့်ရင်း ဖြေဖျောက်နိုင်လို့ပဲ​​​​ဖြစ်တယ်။ကျနော်တို့ဟာ ရုပ်ရှင်ကြည့်တဲ့အခါ ရုပ်ရှင်ကိုကြည့်နေရုံသက်သက်မဟုတ်ဘဲ ကျနော်တို့ကိုယ်တိုင်တောင်မသိတဲ့ သတိမထားမိတဲ့ ဆန္ဒတွေကို ရုပ်ရှင်ဇာတ်ကောင်တွေနေရာကနေဝင်ရောက်ခံစားရင်းနဲ့ အာသာဖြေတာပဲ ဖြစ်တယ်။ တနည်းအားဖြင့် ဇာတ်ကောင်တွေဟာ ကျနော်တို့ရဲ့ ဆန္ဒတွေကို အစားဖော်ဆောင်ပေးသလိုခံစားရလို့ပဲ ဖြစ်တယ်။ ဒါက ဆန္ဒတွေသက်သက်တင်မဟူတ်ဘူး ကျနော်တို့ရဲ့ အကြပ်အတည်းတွေ တခြားတခြားသော ကိစ္စတွေကိုလည်း ဒီလိုပဲ ကျနော်တို့ရဲ့ ကိစ္စရပ်များကိုမှတ်တမ်းတင်ပေးထားသဖွယ် ရုပ်ရှင်များကို ကြည့်နေရင်းနဲ့ ခံစားနိုင်လို့ပဲ။ ရုပ်ရှင်စခရင်တွေကိုယ်တိုင်ဟာ ကျနော်တို့ကိုယ်တိုင်ရဲ့ အမြင်တွေအစိတ်အပိုင်းတွေကို ရုပ်ရှင်တွေအပေါ်မှာprojectလုပ်နေတဲ့ မှန်တချပ်လို့ပြောလို့ရတယ်။ The Dreamers ဟာလည်း ကျနော်တို့ရဲ့ ဖြစ်တည်မှုအကြပ်အတည်းကို ပြန်လည်ရောင်ပြန်ဟပ်နေတဲ့မှန်တချပ်ပဲ။ အဲဒီရုပ်ရှင်ကာရိုက်တာတွေရဲ့ အပြုအမူ သူတို့ရဲ့အခြေအနေတွေကို ကျနော်တို့ရဲ့အခြေအနေနဲ့ ဘယ်လိုမျိုးဆက်စပ်လို့ရမလဲ။ သူတို့ကို ကြည့်နေရတာက ကျနော်တို့ကိုယ်ကျနော်တို့ ပြန်ကြည့်နေရသလို ခံစားချက်ကိုရတယ်။ ပြင်ပကမ္ဘာကိုကြောက်လို့ ဒီရုပ်ရှင်ထဲမှာ လာဖြေဖျောက်နေပေမယ့် ဒီရုပ်ရှင်ကပဲ ထပ်မံပြီးတော့ ကျနော်တို့ရဲ့ အခြေအနေကို မှန်တချပ်လို မီးမောင်းပြန်ထိုးပြ​နေတယ်။ အ​မြွာနှစ်ယောက်ဟာ အရွယ်ရောက်မှုကိုငြင်းဆန်ပြီး ကလေးဘဝထဲမှာ ပြန်ပုန်းတာပဲဖစ်တယ်။ Matthew ကိုလည်း သူတို့လို ကလေးငယ်အဖြစ်ပြန်ပြောင်းချင်တဲ့အတွက် သူ့ရဲ့ လိင်အင်္ဂါ က အမွှေးတွေကို မောင်နှမနှစ်ယောက်က ရိတ်ဖို့ ကြိုးစားတဲ့အခန်းမှာတွေ့ရမယ်။ အဲဒီအခန်းမှာပဲ Matthew ကစိတ်ပေါက်ပြီး သူတို့နှစ်ယောက်ကို ဒီလိုမျိုးကလေးဘဝထဲမှာပဲပိတ်မိနေလို့မရမှန်း ပြောတယ်။ အမြွာမောင်နှမနှစ်ယောက်က တကယ့်အပြင်ကိုထွက်ပြီး သူတို့ရဲ့စိတ်ကူးယဥ်မှုတွေ အိပ်မက်တွေ လွတ်လပ်မှုတွေပျောကိဆုံးသွားမယ့် အခြေအ​နေကိုအမြဲတမ်းကြောက်နေခဲ့တယ်။ ကျနော်တို့လည်းဒီလိုပဲမဟုတ်ပါလား။လူသားတွေရဲ့ အကြောက်ရွံ့ဆုံးအခြေအနေဟာ တဖြည်းဖြည်း အသက်ကြီးလာပြီးလူ့အဖွဲ့အစည်းနဲ့ သဟဇာတဖြစ်ဖို့ မိမိ ဆန္ဒတွေကိုချိုးနှိမ်လိုက်ရပြီး ကိုယ့်ကိုယ်ကိုယ် လူ့အဖွဲ့အစည်းရဲ့ ရုပ်သေးရုပ်တရုပ်အဖြစ် မြင်လိုက်ရတဲ့အခြေအနေပဲ ဖြစ်လိမ့်မယ်။ ဒီလိုမျိုး ကြောက်ရွံ့လာတဲ့အခါ ပြင်ပကမ္ဘာကိုငြင်းဆန်ပြီး ကိုယ်ပိုင်ကမ္ဘာလေးထဲမှာပဲ ပိတ်လှောင်ကြတယ်။ကျနော်တို့က အကန့်အသတ်ဖြစ်မှုတွေကိုကြောက်ရွံ့ကြလို့ကိုယ်ပိုင်ကမ္ဘာထဲမှာပဲ အတွေးနယ်ချဲ့ ကြရင်း ပြင်ပကမ္ဘာကို ငြင်းဆန်ကြတယ်။ ဘဝရဲ့ရှုပ်ထွေးမှုတွေ ရွေးချယ်မှုတွေ တာဝန်တွေကိုမရင်ဆိုင်ရဲလို့ ရှောင်ပုန်းကြတယ်။ အပြင်ဘက်မှာရှိနေတဲ့ မှန်တွေကိုရင်ဆိုင်ပြီး အဲလိုမျိုး မှန်တွေကိုကြည့်နေရင်းနဲ့ ကိုယ့်ကိုယ်ကိုယ်ပြန်ရှာဖွေရမှာပဲ ဖြစ်တယ်။ ဒါမယ့် သူတို့ဟာ အိမ်ထဲမှာပဲနေရင်း သူတို့ရဲ့ပြတင်းပေါက်အပြင်မှာတင်ဖြစ်နေတဲ့အရေးအခင်းတွေကိုမေ့ထားရင်း ကိုယ်ပိုင်ကမ္ဘာတည်ဆောက်နေခဲ့တယ်။ ဇာတ်လမ်းရဲ့အဆုံးမှာ သူတို့အိမ်အပြင်ဘက်ကနေ ကျောက်တုံးတစ်တုံးက သူတို့ရဲ့အခန်းထဲကို ပြတင်းပေါက်ဖြတ်ပြီးဖောက်ခွင်းဝင်လာတယ်။အဲဒီကျမှပဲ သူတို့ရဲ့ ကမ္ဘာငယ်လေးကပျက်ပြယ်သွားပြီး အပြင်ကိုထွက်ကြည့်တော့ ဆန္ဒပြသူတွေနဲ့ပြည့်နေတဲ့ ပဲရစ်ရဲ့လမ်းမကိုတွေ့တယ်။သူတို့တွေအဲ့ဒီလမ်းမပေါ်ကိုရောက်ရှိလာတယ်။ ကျနော်တို့ကရော ကျနော့်တို့ကမ္ဘာငယ်လေးထဲက ပြတင်းမှန်ကိုဘယ်လိုမျိုးခွဲကြမလဲ။ (ရုပ်ရှင်အညွှန်းကို Out of Mind FB Page မှ ကူးယူဖော်ပြပါသည်။) File size…(6.7 GB)/ (2.2 GB )/(1.4 GB) Quality…WEB-DL 4K HEVC/ 1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung Translated by Lucifer Maximoff