Luke Grimes ပါဝင်သော ဇာတ်ကားများ

Yellowstone ရဲ့ Spin-off "Marshals" (၂၀၂၆) ဇာတ်လမ်းတွဲ ++++++++++++++++++++++++++++ Season (1) Complete Season (2) Ongoing Yellowstone ပရိသတ်တွေအတွက်တော့ သတင်းကောင်းပါပဲ။ ၂၀၂၄ မှာ Yellowstone ပြီးသွားပေမယ့် လူကြိုက်များတဲ့ ဇာတ်ကောင် Kayce Dutton ကို အဓိကထားရိုက်ကူးထားတဲ့ "Marshals" ဆိုတဲ့ ဇာတ်လမ်းတွဲသစ်ကထွက်ရှိလာပါပြီ။ ဒီကားက ရိုးရိုး ကောင်းဘွိုင်ကား မဟုတ်တော့ဘဲမှုခင်းစုံထောက် အက်ရှင်စတိုင်ဘက်ကို ပိုသွားထားပါတယ်။ ဇာတ်လမ်းအကျဉ်း +++++++++++ Yellowstone အပြီး ၆ လလောက်အကြာမှာ ဇာတ်လမ်းစထားပါတယ်။ Kayce Dutton (Luke Grimes) ဟာခြံကြီးကိုစွန့်ခွာပြီး ဘဝသစ်စဖို့ ကြိုးစားနေတဲ့အချိန်ပေါ့။ စိတ်မကောင်းစရာတစ်ခုကတော့ သူ့မိန်းမ Monica ဟာ ကင်ဆာရောဂါနဲ့ ဆုံးပါးသွားခဲ့ပြီဖြစ်လို့ Kayce တစ်ယောက် သားလေးTate ကို တစ်ကိုယ်တော် ဖခင်အနေနဲ့ စောင့်ရှောက်ရင်း ကျန်ရစ်ခဲ့တဲ့ ဝမ်းနည်းမှုတွေ၊ Navy SEAL တုန်းက ရခဲ့တဲ့ စိတ်ဒဏ်ရာ (PTSD) တွေကို ရုန်းကန်နေရပါတယ်။ အဲဒီအချိန်မှာ သူ့ရဲ့ Navy SEAL အဖွဲ့ခေါင်းဆောင်ဟောင်း Pete Calvin က သူ့ကို Montana ပြည်နယ်က အထူး U.S. Marshals အဖွဲ့ထဲ ဝင်ဖို့ လာခေါ်ပါတယ်။ Kayce ကလည်း သူ့ရဲ့ ကောင်းဘွိုင်စွမ်းရည်ရယ်၊ စစ်သားဟောင်းတစ်ယောက်ရဲ့ အတွေ့အကြုံရယ်ကို ပေါင်းစပ်ပြီး လူ-တ်သမားတွေ၊ ဒုစရိုက်သမားတွေကို နှိမ်နင်းဖို့ U.S. Marshal တစ်ယောက် ဖြစ်လာပါတော့တယ်။ သူ့နယ်ကိုကာကွယ်ရင်း ကိုယ့်သားလေးအတွက်ပါ အချိန်ပေးနိုင်အောင် ဘယ်လိုကြိုးစားမလဲဆိုတာ စိတ်ဝင်စားစရာ ကြည့်ရမှာပါ။ အရင် Yellowstone လို အပိုင်းဆက် ဇာတ်အိမ်ကြီးတစ်ခုတည်း မဟုတ်ဘဲ၊ မှုခင်းစုံထောက်ပုံစံမျိုး ရိုက်ကူးထားပါတယ်။ရှေ့ကားတွေမှာ Kayce ရဲ့ စစ်တပ်နောက်ခံကို သိပ်မပြခဲ့ပေမယ့် ဒီကားမှာတော့ သူ့ရဲ့ Navy SEAL အတွေ့အကြုံတွေ၊ တံခါးကန်ဖွင့်ပြီး ဝင်ဖမ်းတဲ့ အက်ရှင်ခန်းတွေကို အကြမ်းစား မြင်ရမှာပါ။ Luke Grimes, Brecken Merrill (Tate), Gil Birmingham (Thomas Rainwater), Mo Brings Plenty တို့လို လူဟောင်းတွေ ပြန်ပါသလို၊ Logan Marshall-Green, Arielle Kebbel နဲ့ Ash Santos တို့လို ဇာတ်ကောင်သစ်တွေလည်း အများကြီး ထပ်တိုးထားပါတယ်။ အရင် Taylor Sheridan ရဲ့ ကားတွေလောက် ဇာတ်အိမ် မလေးလံဘဲ ပေါ့ပေါ့ပါးပါးနဲ့ အက်ရှင်ခပ်ကြမ်းကြမ်း ကြည့်ချင်တဲ့သူတွေ သဘောကျမယ့် ကားမျိုးပါ။ Kayce ဆိုတဲ့ ဇာတ်ကောင်ကို ပိုပြီး နားလည်လာရမယ့် ဇာတ်လမ်းတွဲဖြစ်လို့ Yellowstone ပရိသတ်တွေ လက်မလွတ်သင့်တဲ့ ကားလေးဖြစ်ပါတယ်။ Size – (2.70GB)/ 845MB / 456MB Quality –WEB-DL 4K HEVC/ 1080p HEVC / 720p Episodes -  13 Eps Duration -  42m Subtitle – Myanmar Hardsub Format – mkv /mp4 Genre :  Action , Crime , Drama , Western

Eddington (2025) IMDb Rating (7.0) / Rotten Tomatoes (68%) ဒီဇာတ်ကားလေးကတော့ ဒီတလောမှ ထွက်ရှိထားတဲ့ A24 ရဲ့လက်ရာဖြစ်ပြီး ဝါကင်းဖီးနစ်၊ ပက်ဒရိုပါစကယ်၊ အမ်မာစတုန်းနဲ့ တခြားသော ဟောလိဝုဒ် ဝါရင့်သရုပ်ဆောင်တွေ ပါဝင်ထားပြီး တွေးစရာလေးတွေပေးမဲ့ IMDb Rating 7/10 ရရှိထားတဲ့ ဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်း ဒီဇာတ်ကားလေးကို ကိုဗစ်ကပ်ဘေးကာလ အမေရိကန် နယူးမက္ကဆီကိုက ဆဗီလာစီရင်စုနဲ့ ပါဘလိုစီရင်စု နှစ်ခုကြားမှာ တည်ရှိတဲ့ အယ်ဒင်တန်မြို့လေးမှာ စတင်အခြေတည်ထားပါတယ်။ မြို့တော်ဝန် တက်ဒ် ဂရာစီယာက ကိုဗစ်ကာလတွင်းမှာ ထပ်ကျင်းပမဲ့ ရွေးကောက်ပွဲမှာ နည်းပညာလုပ်ငန်းစုတစ်ခုကို ဒီပြည်နယ်ထဲမှာ ဒေတာစင်တာ အမြောက်အမြား ဆောက်လုပ်ခွင့်ပေးပြီး သူတို့ရဲ့ ကျောထောက်နောက်ခံနဲ့ ပြန်လည်ရွေးကောက်ခံရဖို့ မဲဆွယ်ဖို့ ပြင်ဆင်နေခဲ့ပါတယ်။ တစ်ဖက်မှာတော့ အယ်ဒင်တန်မြို့ရဲ့ ရဲမှူး ဂျိုး ခရော့စ်ကလည်း အများပြည်သူဧရိယာတွေမှာ နှာခေါင်းစည်းမတပ်ပဲ ကန့်လန့်တိုက်နေကာ ဒီမြို့ကိုမရောက်လာသေးတဲ့ ကိုဗစ်ရောဂါအတွက် ဘာလို့ လူမှုစီးပွားရေးတစ်ခုလုံးကို ရပ်ဆိုင်းခိုင်းရတာလဲဆိုပြီး အစိုးရကို မေးခွန်းထုတ်နေခဲ့ပါတယ်။ ဒီလိုနဲ့ တစ်နေ့မှာ ရဲမှူး ဂျိုး ခရော့စ်က စိတ်မကျန်းမာတဲ့ သူ့မိန်းမ လူဝီနဲ့ မြို့တော်ဝန် တက်ဒ် ဂရာစီယာကြားက ကိုယ်ရေးကိုယ်တာကိစ္စတစ်ခုကြောင့် တက်ဒ် ဂရာစီယာရဲ့ အုပ်ချုပ်ပုံကို မေးခွန်းထုတ်ပြီး မြို့တော်ဝန်နေရာကို ရွေးကောက်ခံဖို့ ဝင်ပြိုင်ရာကနေ အစပျိုးထားပါတယ်။ A24 ရဲ့ လက်စွမ်းကိုသိတဲ့အတိုင်း ဇာတ်လမ်းဇာတ်ကွက်က ဘယ်လိုအလှည့်အပြောင်းနဲ့ အမျိုးစုံကြိုးခုန်ပြီး တွေးစရာလေးတွေပေးပြီးတင်ဆက်သွားမလဲဆိုတာတော့ ကိုယ်တိုင်ကြည့်ရှုလိုက်ပါ။ File size… (9.4 GB) / (3.2 GB) / (1.2 GB) Quality…. WEB-DL4K HEVC / 1080p HEVC / 720p Format…. mkv/mp4 Genre…. Comedy,Crime,Western Duration…. 02:28:50 Subtitle…. Myanmar Subtitle (Hardsub)

Yellowstone (S1 to S5) Cowboyဇာတ်လမ်း​တွေကို သ​ဘောကျတဲ့ ပရိသတ်​တွေအတွက် အစိမ်းသက်သက် မဖြစ်​လောက်သလို ဒီဘက်​ခေတ်ရဲ့ western ကောင်းဘွိုင်seriesတွေထဲမှာ ဇာတ်အိမ်ခိုင်ပြီး ​လူကြိုက်များတဲ့ Yellowstone ဆိုတဲ့ Seriesကြီးကို စတင်​တင်ဆက်​လိုက်ပါပြီ။ Yellowstoneဆိုတဲ့နာမည်ကို CMပရိသတ်​တွေအ​နေနဲ့ အ​ရှေ့မှာ တင်ဆက်ခဲ့ဖူးတဲ့ Prequelစီးရီးဖြစ်တဲ့1883မှာ ရင်းနှီးခဲ့ဖူးမှာပါ။ အခုစီးရီးက​တော့ အဲဒီထဲက ဒပ်တန်မိသားစုရဲ့ မျက်​မှောက်​​ခေတ် ​ကောင်းဘွိုင်ဘဝကို ကြည့်ရှုရမှာပါ။ Oscarနဲ့ Emmyဆုရှင် မင်းသားကြီး Kevin Costner က ဒပ်တန် မိသားစုရဲ့အိမ်​ထောင်ဦးစီး ဂျွန်ဒပ်တန်အဖြစ် ပါဝင််ထားတာဖြစ်ပြီး IMDb 8.7, RT 85%အထိ ရရှိထားပါတယ်။ ဒီစီးရီးက နိုင်ငံတကာ ကောင်းဘွိုင်ဇာတ်ကားပရိသတ်​တွေကြား အ​တော်​ရေပန်းစားသလို ​အောင်မြင်မှုလည်း ကြီးတာမို့ လက်ရှိမှာSeason 5အထိ ​ရောက်ရှိ​ နေပါပြီ။ ဇာတ်လမ်းအကျဉ်းက​တော့ အ​မေရိကန်ရဲ့အကြီးဆုံး ​မွေးမြူ​ရေးခြံ ဖြစ်တဲ့ မွန်တားနားပြည်နယ် ရဲလိုးစတုန်းမ်ခြံကြီးရဲ့ ပိုင်ရှင် ဒပ်တန် မိသားစု​အ​ကြောင်းကို အသား​ပေးထားတာ ဖြစ်ပါတယ်။ မိသားစုရဲ့ အိမ်​​​ထောင်ဦးစီးဖြစ်တဲ့ ဂျွန်ဒပ်တန်ဟာ သူပိုင်တဲ့ခြံကြီးကို ဦးစီးရင်း ခြစားမှု​တွေနဲ့လက်ဝါးချင်းရိုက်​နေတဲ့ နိုင်ငံ​ရေးသမား​​တွေနဲ့ ​ဒေသခံ သစ်လုပ်ငန်းရှင်​တွေ ကန်ထရိုက်လုပ်ငန်းရှင်​​တွေ၊ မြို့ပြတိုးချဲ့​ရေး အ​ကြောင်းပြ ပြည်သူပိုင်သိမ်းယူလိုမှု​တွေ၊ နယ်​မြေချင်းဆက်​​နေတဲ့ အင်ဒီးယန်း​တွေနဲ့ကာလရှည်မသင့်မြတ်​မှုတွေ၊ မိသားစုပဋိပက္ခ​တွေ ကြားထဲက ခြံကြီးကို မဆုံးရှုံးရ​အောင် ကြိုးစားထိန်းသိမ်းပုံ​တွေကို ကြည့်ရှူရမှာပါ။ ဒီစီးရီးဟာ ​ကောင်းဘွိုင်ဇာတ်တစ်ခုတည်း မဟုတ်ဘဲ နိုင်ငံ​ရေးနဲ့ စီးပွား​ရေး၊ ဥပ​ဒေ​ရေးရာ အားပြိုင်မှု​တွေ၊ ​တစ်ဘက်နဲ့တစ်ဘက်ရဲ့ ​ခေါင်းတုံး​ပေါ် ထိပ်ကွက်မှု​တွေ၊ လျင်သူစား​ကြေး ဉာဏ်ရည်ချင်း အားပြိုင်မှု​၊ လက်ရုံးချင်းအားပြိုင်မှု စသဖြင့် ရသမျိုးစုံပေးနိုင်တဲ့ စီးရီးဖြစ်ပြီး ဇာတ်လမ်းတင်ဆက်ပုံကလည်း အ​တော်ကြမ်းတာမို့ ​ကောင်းဘွိုင်series ကြိုက်သူ​တွေအတွက် တ​မျှော်​မျှော်ဖြစ်​စေမဲ့ Seriesပဲဖြစ်ပါတယ်။ Quality….Webrip 1080p Format…mp4 Duration….1Hr 31Min Genre...Drama / Western Subtitle….Myanmar Subtitle (Hardsub) Encoder….Mr. Anderson Translated by Jim X, Chuck

စာအုပ်နဲ့ နမူနာဗီဒီယိုကို ဆက်စပ်ထားတဲ့ ဒီမိတ်ဆက်မှာ Christian နဲ့ Ana တို့ရဲ့ မင်္ဂလာပွဲကနေ စထားပါတယ်။ လက်ထပ်ပြီးနောက် ဥရောပတစ်ခွင် ဟန်းနီးမွန်းထွက်ကြပေမယ့် Christian ရဲ့ ရုံးအဆောက်အအုံမှာ မီးလောင်တဲ့သတင်းကြောင့် ခရီးကို စိတ်အေးလက်အေး မဖြတ်သန်းနိုင်ကြတော့ဘူး။ မီးလောင်တာက မတော်တဆမဟုတ်ဘဲ တစ်ယောက်ယောက်က ရည်ရွယ်ချက်ရှိရှိ လုပ်ခဲ့တာဖြစ်ပြီး Ana ရဲ့အကူအညီနဲ့ ဘယ်သူ့လက်ချက်လဲဆိုတာ Christian အတည်ပြုနိုင်ခဲ့တယ်။ ဟန်းနီးမွန်းကပြန်လာပြီး အလုပ်ခွင်ပြန်ဝင်တဲ့အချိန်မှာ Ana က ယာယီတာဝန်ယူထားတဲ့ အယ်ဒီတာအဆင့်ကနေ ဝတ္ထုစာပေအယ်ဒီတာ ဖြစ်နေပါပြီ။ ခင်ပွန်းရဲ့ အရှိန်အဝါကြောင့် အထူးအရေးပေးခံရတာကို မလိုချင်လို့ SIP ရုံးမှာ Ana Steele ဆိုတဲ့နာမည်နဲ့ပဲ ဆက်အလုပ်လုပ်ချင်တယ်။ ဒါပေမယ့် Christian က မရမကတောင်းဆိုတဲ့အတွက် Ana Grey ဆိုတဲ့နာမည်ကို သုံးခဲ့ရပါတယ်။ တစ်ဖက်မှာလည်း Christian က Ana ကို အိမ်တစ်အိမ်ဆီ ခေါ်သွားပြတယ်။ Ana ကိုယ်တိုင် သဘောကျတဲ့ အဲဒီအိမ်ကို အသစ်ပြန်ဆောက်ဖို့ တာဝန်ယူထားသူက နာမည်ကြီး ဗိသုကာပညာရှင် Gia Matteo ပါ။ Gia က Ana ရှေ့မှာတင် Christian ကို မြှူဆွယ်တဲ့အမူအရာတွေ ပြလာတော့ Ana က သတိပေးရတဲ့အထိ ဖြစ်လာတယ်။ Gia ဟာ Christian ရဲ့အစ်ကို Elliot ကိုလည်း ချဉ်းကပ်နေသူဖြစ်ပြီး Elliot ကတော့ Ana ရဲ့အချစ်ဆုံးသူငယ်ချင်း Kate ရဲ့ချစ်သူပါ။ အိမ်ကြည့်ပြီးပြန်လာတဲ့လမ်းမှာ Ana မောင်းနေတဲ့ကားကို ဘယ်ကမှန်းမသိတဲ့ ကားတစ်စီးက လိုက်တိုက်ဖို့ ကြိုးစားလာပါတယ်။ Christian က Ana တစ်ခုခုဖြစ်မှာစိုးလို့ အရင်က သူမကို ကိုယ်တိုင်ကားမောင်းခွင့် မပေးခဲ့ဘူး။ ပထမဆုံး ခွင့်ပြုလိုက်တဲ့အချိန်မှာပဲ ဒီလိုရန်ပြုခံရတာဖြစ်ပေမယ့် Ana ရဲ့ကားမောင်းကျွမ်းကျင်မှုက သူ့ကို အံ့အားသင့်စေခဲ့တယ်။ သူတို့နှစ်ယောက်ကြားမှာ မေးစရာဖြစ်လာတဲ့ နောက်ကိစ္စတစ်ခုက Christian ဟာ အဆက်ဟောင်းလည်းဖြစ်၊ လုပ်ဖော်ကိုင်ဖက်လည်းဖြစ်တဲ့ Elena ခေါ် Mrs. Robinson ကို သွားတွေ့ခဲ့တာပါ။ Fifty Shades Darker မှာ သူမနဲ့ ဆက်ဆံရေးကို အဆုံးသတ်ပြီးပြီလို့ Ana ကို ပြောထားခဲ့တော့ အခုဘာကြောင့် ပြန်သွားတွေ့တာလဲ။ သူမနဲ့ အတူအိပ်ခဲ့သလားလို့ Ana မေးတဲ့အခါ Christian က ချက်ချင်းပြန်မဖြေနိုင်ဘူး။ Elena ကို မနှစ်မြို့တဲ့ Ana နဲ့ Christian တို့ကြား ဒီကိစ္စက ဘယ်လိုသက်ရောက်လာမလဲဆိုတာ မေးစရာဖြစ်နေပါတယ်။ အဲဒီအချိန်မှာ Jack Hyde က Christian ရဲ့ညီမ Mia ကို ဖမ်းဆီးထားပြီး Ana ကို ခြိမ်းခြောက်လာတယ်။ Mia အဖြစ် Rita Ora က သရုပ်ဆောင်ထားပါတယ်။ Ana နဲ့ Mia နှစ်ယောက်စလုံး Jack ရဲ့ရန်က လွတ်နိုင်မလား၊ ဒါမှမဟုတ် Christian အပေါ်ထားတဲ့ ရန်ငြိုးကြောင့် Mia ကိုလွှတ်ပြီး Ana ကို အသက်အန္တရာယ်ပြုလာမလား။ Ana ကရော Jack တောင်းဆိုတာတွေကို လိုက်လျောနိုင်ပါ့မလား။ ဒီအန္တရာယ်တွေအပြင် Red Room ဇာတ်ဝင်ခန်းတွေနဲ့ Ana၊ Christian တို့ရဲ့ အချစ်ရေးအခန်းတွေကိုလည်း တွဲတင်ဆက်ထားပါတယ်။ ဟန်းနီးမွန်းအခန်းတွေကို ပြင်သစ်နိုင်ငံက နာမည်ကြီးနေရာတွေနဲ့ တောင်ပိုင်းကမ်းခြေမှာ အဓိကရိုက်ကူးထားပြီး ကမ်းခြေဇာတ်ဝင်ခန်းမှာ Dakota ကို အဝါရောင်ဘီကီနီနဲ့ တွေ့ရမှာပါ။ Christian က Ana ကို Mrs. Grey လို့ တတွတ်တွတ်ခေါ်ရင်း သူမ အမှတ်တမဲ့ပြောဖူးတဲ့ ဆန္ဒလေးတွေကိုပါ ဖြည့်ဆည်းပေးတတ်လာတယ်။ Ana အလုပ်လုပ်တဲ့ SIP Publishing ကို မင်္ဂလာလက်ဆောင်အဖြစ် ပေးခဲ့သလို သင်္ဘောစီးရင်း မြင်ခဲ့တဲ့အိမ်တစ်အိမ်အကြောင်း Ana က အဲဒီကနေကြည့်ရမယ့်မြင်ကွင်း လှမှာပဲလို့ ပြောမိတော့ အိမ်ကို ဝယ်ပေးခဲ့တယ်။ ဇနီးသည်ရဲ့ လုံခြုံရေးကို ဦးစားပေးတဲ့ Christian ကို ပထမကားထဲကထက် ပိုနူးညံ့လာတဲ့ပုံစံနဲ့ ဖော်ပြထားပြီး Ana ကလည်း သူ့မိသားစုဝင်တွေကို ချစ်ခင်ကာကွယ်ပေးတတ်ပါတယ်။

“Fifty Shades Darker” 2015 ခုနှစ်မှာ အပေါက်ဆုံးဖြစ်သွားခဲ့တဲ့ ရုပ်ရှင်တွေထဲကတစ်ခု…. Erotic Romance ရဲ့ပုံစံကိုပီပီပြင်ပြင်ဖော်ပြခဲ့တဲ့ Fifty Shades of Grey ဟာ စာအုပ်ရော ရုပ်ရှင်ရောဝင်ငွေကောင်းပြီးနာမည်ကြီးတာ သိပ်မဆန်းပါဘူး…. (မင်းသားကလဲ အတော်ဆွဲဆောင်မှုကောင်းသလို မင်းသမီးကလဲ အတော်လှတာကိုး…) အခုဆိုရင်ဖြင့် Fifty Shades of Grey ရဲ့အဆက် Fifty Shades Darker ဟာ 2017 February မှာရုံတင်ခဲ့ပြီး  EL.James ရဲ့ Fifty Shades Trilogy မှ ဒုတိယမြောက်စာအုပ်ကို House of Card ဒါရိုက်တာ James Foley ကပြန်လည်အသက်သွင်းထားပြီး ဖြစ်ပါတယ် သရုပ်ဆောင်တွေအနေနဲ့ကတော့ ပထမFifty Shades of Grey မှာ ပါဝင်ခဲ့တဲ့သူတွေအားလုံးနီးပါးပြန်လည်ပါဝင်မှာပဲဖြစ်ပါတယ်… အချစ်ဟာ (စာအုပ်တွေထဲမှာ ရုပ်ရှင်တွေထဲမှာ ဆိုရင်တော့) လူတစ်ယောက်ကို သိမ်မွေ့စွာပြောင်းလဲစေနိုင်တဲ့အစွမ်းသတ္တိရှိတဲ့ နူးညံ့တဲ့အရာတစ်ခုပါ။ Sadist တစ်ယောက်ဖြစ်တဲ့ Christain Grey ကိုအချစ်ဆိုတဲ့အရာက ပြောင်းလဲစေခဲ့ပါတယ်။ မိခင်ရင်းကိုမျက်စိရှေ့မှာတင်ဆုံးရှုံးခဲ့ရတဲ့ Christian ဟာ ဘယ္သူကိုမွလဲမခ်စ္တတ္သလို အခ်စ္ကိုလဲ လက္မခံတတ္သူပါ။ သူ့ကိုယ်သူအပါအဝင်အရာရာတိုင်းကိုသူဖြစ်စေချင်တဲ့အတိုင်းထိန်းချုပ်တတ်တဲ့ Control Freak တစ်ယောက်… Anastasia Steele ကတော့ အချစ်ဦးဖြစ်တဲ့ Christian Grey ကိုအလွန်ချစ်သောသူဖြစ်ပြီး Christian ရဲပုံစံခွက်ထဲမှာ အသားကျအောင်နေဖို့ကြိုးစားခဲ့သူ… Fifty Shades of Grey မှာ Anna ဟာ သူမနဲ့ဘယ်လိုမှသဘောထားချင်းမတိုက်ဆိုင်တဲ့ Christian ကိုထားခဲ့တဲ့ ဇာတ်ဝင်ခန်းနဲ့အဆုံးသတ်ထားပါတယ်။ ရုပ်ရှင်မှာဘယ်လိုဇာတ်လမ်း အလှည့်အပြောင်းလုပ်မယ်ဆိုတာကိုတော့သေချာမသိပေမဲ့ Fifty Shades Darker စာအုပ်ပါအတိုင်း ဇာတ်လမ်းလေးကို အနည်းငယ်ညွှန်းပါရစေ။ Anna(Dakota Johnson) ဟာ Christian (Jamie Dornan) မရှိတဲ့နေ့ရက်တွေကို ခက်ခက်ခဲခဲဖြတ်သန်းနေရသူပါ။ SIP Piblishing ၏ Editor , Jack Hyde ရဲ့ လက်ထောက်အဖြစ် အလုပ်လုပ်နေပြီဖြစ်တဲ့ Anna အဖို့ သူမလုပ်နိုင်တာအားလုံးက အလုပ်မှာ အာရုံနှစ်ပြီး Christian ကိုမေ့ထားနိုင်သမျှမေ့ထားဖို့ပါပဲ။ အဲ့လိုနေရင်းနဲ့ ၃ရက်မြောက်နေ့မှာတော့ သူမအိမ်ကို Christian ဆီက နှင်းဆီပန်းစည်းနဲ့ SIP မှာအလုပ်စဝင်တာကိုဂုဏ်ပြုကြောင်းရေးသားထားတဲ့စာတစ်စောင်ရောက်လာပါတော့တယ်။ Annaဟာနှင်းဆီပန်းကိုမလွှင့်ပစ်ရက်လို့ ပန်းအိုးထဲထိုးစိုက်ထားပေမဲ့ Christian ကိုတော့ဘာမှ မတုန့်ပြန်ပါဘူး။ နောက်တစ်နေ့သူမရုံးတတ်တဲ့အချိန်မှာတော့ Christian ဆီက email တစောင်ကိုလက်ခံရရှိပါတော့တယ်။ အကြောင်းအရာကတော့ မနက်ဖြန် Portland မှာ Annaရဲ့အခင်ဆုံး သူငယ်ချင်းတစ်ဦးဖြစ်တဲ့Jose’ရဲ့ ဓါတ်ပုံပြပွဲရှိပြီး သူလိုက်ပို့လိုကြောင်းရေးထားတာဖြစ်ပါတယ်။ အသည်းကွဲနေတဲ့Annaဟာ ထိုအကြောင်းကို လုံးလုံးလျားလျားမေ့လျှာ့နေခဲ့တာပါ။ Annaဟာသူငယ်ချင်းကို ကတိပေးထားတာအပြင် Christianကိုတွေ့ချင်တာလည်းပါတာကြောင့် Chritian ရဲ့အစီအစဉ်ကို လက်ခံလိုက်ပါတယ်။Annaထွက်သွားပြီးနောက် နောင်တတွေတပွေ့တပိုက်နဲ့ကျန်ခဲ့တဲ့, Anna ရဲ့စိတ်ကိုပြန်ရအောင်ယူဖို့ဆုံးဖြတ်ထားတဲ့ Christian ဟာသူတို့နှစ်ဦးတွေ့တဲ့အချိန်မှာတော့ Annaဖြစ်စေချင်တဲ့အချက် သူအားလုံးနီးပါးကိုလိုက်လျှောပေးခဲ့ပါတယ်။ Anna ကတော့ Christian မျက်နှာမြင်ကတည်းကစိတ်ပျော့နေသူဖြစ်တဲ့အတွက်ကြောင့် သူတို့နှစ်ဦးဟာ ပြန်လည်သင့်မြတ်သွားကြပါတော့တယ်။ အဲ့ဒီလိုအဆင်ပြေနေကြရင်းနဲ့ နှစ်ရက်အကြာမှာတော့ ဆံပင်ညှပ်ချင်တယ်လို့ပြောတဲ့Annaကို Christian တစ်ယောက်သူ ရှယ်ယာဝင်ထားတဲ့ Salon တစ်ခုကိုခေါ်သွားပါတယ်။ အဲ့ဒီSalonဟာ Christian နဲ့ Elena (Mrs. Robinson) (Christian 15နှစ်အရွယ်မှာတွေ့ခဲ့ပြီး Christian ကိုBDSM ကိုခုံမင်တဲ့Sadistတစ်ယောက်ဖြစ်လာအောင်လုပ်ခဲ့တဲ့ အမျိုးသမီး) တစ်ဝက်စီပိုင်တာဖြစ်ပြီး အဲ့ဒီနေ့မှ တိုက်တိုက်ဆိုင်ဆိုင်Elena တယောက်ဆိုင်ကိုရောက်နေပါတယ်။Anna လေးဟာဆံပင်ညှပ်ဖို့စောင့်နေရင်းနဲ့ သူမရောက်နေတဲ့SalonဟာChristianရဲ့Submissive တွေ စာချုပ်ပါစည်းကမ်းတွေကိုလုပ်ဆောင်ဖို့လာနေကျ ဆိုင်ဆိုတာကိုသိသွားပါတယ်။ ဒါ့အပြင် ဆိုင်ရောက်ရောက်ချင်း Christianအရေးတယူစကားသွားပြောတဲ့ အမျိုးသမီးဟာ Mrs. Robinson မှန်းရိပ်စားမိသွားတဲ့အခါမှာတော့ Anna တစ်ယောက်စိတ်ဆိုးပြီး ဆိုင်ထဲကချက်ချင်းထွက်သွားပါတော့တယ်။ Mrs.Robertson နဲ့Christianရဲ့ရာဇဝင်ကိုသိထားတဲ့ Annaဟာ Mrs. Robinson ကို ရာနှုန်းပြည့်သဘောမကျသူပါ။Christian ,Anna နောက်ကို အပြေးလိုက်ပြီးပြေရာပြေကြောင်းချော့မော့နေပေမဲ့ ခေါင်းမာတဲ့ Annaကတော့စိတ်ဆိုးနေဆဲပါပဲ။သူတို့နှစ်ဦးလမ်းမမှာ ကတောက်ကဆဖြစ်နေတုန်း Christianဆီဖုန်းဝင်လာပါတယ်။အဲ့ဒါကတော့ Christianလိုက်ရှာနေတဲ့သူ့ရဲ့ submissive ဟောင်း Leila သေနတ်ဝယ်လိုက်တယ်ဆိုတာပါပဲ။ သူမဟာ လွန်ခဲ့တဲ့နှစ်နှစ်ခွဲတုန်းက Christianရဲ့Submissive အဖြစ်ရှိခဲ့ပြီး စာချုပ်ပြည့်သွားတဲ့အချိန်မှာတော့ တခြားအမျိုးသားတစ်ဦးနဲ့ လက်ထပ်ခဲ့ပါတယ်၊ Annaလို Brunetteတစ်ဦးဖြစ်ပြီး Christian တစ်ယောက် (Fifty Shades of Grey မှာ) Annaရှိရာ Savannah ကိုလိုက်သွားတဲ့အချိန်တုန်းက Christian ရဲ့အိမ်ကိုရောက်လာကာအိမ်တော်ထိန်း Mrs.Jones ရှေ့မှာ လက်ကောက်ဝတ်ကိုလှီးပြီး သူမကိုအာရုံစိုက်လာအောင်လုပ်ခဲ့သူပါ။ သူမရဲ့အကြံအစည်ဟာအောင်မြင်တယ်ပဲပြောရမလား.. Christian ဟာ Annaကိုထားခဲ့ပြီး Savannah ကနေချက်ချင်းပဲ သူမရှိရာဆေးရုံကိုရောက်လာခဲ့ပါတယ်။ ဒါပေမဲ့ သူမကတော့ထွက်ပြေးပျောက်ကွယ်သွားခဲ့ပါတယ်။ Christianဟာဂရုဏာစိတ်ကြောင့်အကူအညီပေးဖို့လိုက်ရှာပေမဲ့ မည်သည့်နည်းနှင့်မျှရှာလို့မတွေ့ခဲ့ပါဘူး။ အဲ့ဒီကိစ္စတွေနဲ့ စိတ်ဖိစီးရှုပ်ထွေးလာခဲ့တဲ့ Christian တစ်ယောက် Annaအပေါ်အမှားလုပ်မိရာကနေပြီး Anna ကသူ့ကိုထားပြီးထွက်သွားခဲ့ပါတယ်။ အဲ့ဒီကိစ္စတွေဟာ Fifty Shades of Grey မှာဖြစ်ပျက်ခဲ့တာပါ။ ပြီးတော့ Leilaဟာ AnnaကိုSIP ရုံးရှေ့မှာလဲလာရှာခဲ့ပါသေးတယ်။Christianဟာ Leila သေနတ်ဝယ်တဲ့သတင်းကိုကြားတဲ့အခါမှာတော့ Anna လုံခြုံရေးအတွက် သူ့ရဲ့အိမ်ကိုခေါ်ဆောင်သွားပါတော့တယ်။ Annaရဲ့လုံခြုံရေးအတွက် မျက်စိဒေါက်ထောက်ဂရုစိုက်တဲ့သူကတော့Christianပါ။ Anna , Christian အိမ်ရောက်လာပြီး ညဘက် , သူတို့စုံတွဲ summer party မှ အပြန်မြင်လိုက်ရတာကတော့ Leila တစ်ယောက်Annaရဲ့ကားကိုရစရာမရှိအောင် ဖျက်စီးထားတာပါပဲ…ပျာယာခတ်သွားတဲ့Christian တစ်အိမ်လုံးကို သေချာစစ်ဆေးပါတော့တယ်။ အားလုံးကင်းရှင်းလို့ Anna ကို စိတ်ချလက်ချအခန်းထဲမှာ သိပ်ခဲ့ပြီး စာကြည့်ခန်းထဲအလုပ်ဝင်လုပ်နေတဲ့အချိန်….. အဲ့ဒီအချိန်မှာ တရေးနိုးလာတဲ့ Anna, သူမကုတင်ခြေရင်းအမှောင်ထဲမှာသေနတ်ကိုင်ပြီး သူမကိုကြည့်နေတဲ့အမျိုးသမီးတယောက်ကို တွေ့တဲ့အခါ………… – ရုပ်ရှင် Trailer ထဲမှာတော့ ထိုအမျိုးသမီးရပ်ကြည့်နေတဲ့အချိန်မှာ Christian ဟာ Anna နဲ့အတူအိပ်ပျော်နေပါတယ်။ James Floey ဘယ်လိုရိုက်ပြမလဲကို စိတ်ဝင်တစားစောင့်ကြည့်ရမှာပါ။ ? Brunette မိန်းကလေးတွေကိုပဲသဘောကျတတ်တဲ့ Christian ရဲ့ Anna ကို မသိစေချင်ဆုံးလျှို့ဝှက်ချကိကဘာဖြစ်မလဲ.. ဆိုတာအပြင် ဇာတ်လမ်းထဲမှာ Elena, Leila,Jack Hyde ဆိုတဲ့villianသုံးယောက်ကိုထည့်ပြီး အကွက်ကျကျသရုပ်ဖော်သွားပါတယ်။ ဆက်ပြောနေရင် ကြည့်တဲ့အခါအရသာပျက်သွားမှာစိုးလို့ Anna တစ်ယောက် ဘာတွေဆက်ကြုံတွေ့ရမလဲဆိုတာကိုတော့ 2017မှပဲ ပိတ်ကားပေါ်မှာဆက်လက်ရှုစားကြပါဗျ။ အဲ…Admin ဆက်ပြောချင်တာကတော့ စာအုပ်နဲ့ ရုပ်ရှင်, ရုပ်ရှင်နဲ့စာအုပ်ကွဲလွဲတာလေးတွေပါ။ ဟုတ်ပါတယ်..စာအုပ်နဲ့ရုပ်ရှင်ကရာနှုန်းပြည့်မတူနိုင်သလို ရုပ်ရှင်အတော်များများကတော့စာအုပ်ကိုမှီအောင်မရိုက်နိုင်ပါဘူး။ ဒါပေမဲ့ Fifty Shades of Grey ကတော့ ရုပ်ရှင်နဲ့စာအုပ်က အတော်လွဲနေပါတယ်။ Sam Taylor Johnson တစ်ယောက်ရှေ့ကရိုက်သွားတာကို James Foley ဘယ်လိုဆက်ရိုက်ထားသလဲဆိုတာကတော့ စိတ်ဝင်စားစရာပါ။ (Fifty Shades Darker ရုပ်ရှင်အညွန်းကို Nucleon FB Page မှ ကူးယူဖော်ပြပါသည်။) အားလုံးသိကြတဲ့အတိုင်းပါပဲ....Fifty Shades of Grey တဖြစ်လဲ မောင်ဂရေးရဲ့အကွက်ငါးဆယ်ဆိုတဲ့ရုပ်ရှင်ဇာတ်ကားဟာ ဖိုမသဘာဝချစ်ကြကြိုက်ကြရာမှာ တခါတလေ ဘာတွေလိုအပ်လဲဆိုတာ မကွယ်မဝှက် ချပြထားတဲ့ ဇာတ်ကားပါ။ ပိုက်ဆံရှိယုံနဲ့လဲ အချစ်ကိုကျေနပ်စေမှာမျိုးမဟုတ်... ရုပ်ချော ရုပ်ဖြောင့်နေယုံနဲ့လဲ အချစ်က တင်းတိမ်နေမှာမျိုးမဟုတ်... အလိုလိုက်အကြိုက်ဆောင်တိုင်းလဲ အချစ်က တည်မြဲနေမှာမျိုးမဟုတ်... အချစ်ဆိုတာ တစ်ယောက်စိတ်ရူးပေါက်တာကို တစ်ယောက်ကနားလည်ပေးနိုင်ပြီး နှစ်ယောက်တူတူစခန်းသွားရတာမျိုးပါ။ ကဲ...မောင်ဂရေးနဲ့ မစတီးတို့ ဘယ်လိုစခန်းသွားကြမလဲဆိုတာ...။ Fifty Shades ဇာတ်ကားက ၃ ကားထွက်ရှိခဲ့ပြီး ၃ ကားလုံးကို https://channelmyanmar.org/?s=fifty+shades+of+grey  မှာကြည့်ရှုနိုင်ပါတယ်။ 4K BluRay Unrated Version နဲ့ တင်ဆက်ထားတာမို့ ရုံတင်ဗားရှင်းထက် ပိုပြည့်ပြည့်စုံစုံရှုစားရမှာဖြစ်ပါတယ်။ File size…(3.6 GB)/(1 GB) Quality….Unrated BluRay 4K HEVC/1080p Format…mkv/mp4 Duration….02:11:29 Subtitle….Myanmar Subtitle (Hardsub) Encoder….Nyeinsaeya Aung Translated by Han Htoo Zaw

IMDb Rating (7.0) / Rotten Tomatoes (64%) Denzel Washington , Chris Pratt , Lee Byung-hun , Ethan Hawke , Vincent D'Onofrio တို့လို နာမည်ကြီးသရုပ်ဆောင်တွေ အပြွတ်လိုက်ကြမ်းကြမှာပါ။ ကောင်းဘွိုင်ကားအကောင်းစားတွေ ရှားရှားလာချိန်မှာ ဒီကားလေးကြည့်ရတာ တကယ်တန်ပါတယ်ဗျာ။ Wild West ရဲ့ ဂီတသံတွေ၊ ရှုခင်းတွေကြားမှာ အမှန်အမှား နဲ့ သေခြင်းရှင်ခြင်းဆိုတာ စက္ကန့်ဝက်လောက် လက်ပိုမြန်တဲ့လူလက်ထဲရောက်သွားတဲ့ ကာလပေါ့။ အင်္ကျီလေးကို နောက်ဆွဲဟပြီး လက်ကို သေနတ်ပေါ်တင်လိုက်တိုင်း သူတို့နဲ့ လိုက်ပြီး ရင်ခုန်တတ်တဲ့အကျင့်က မပျောက်သေးဘူးကိုး။ ဒီကားကတော့ ကောင်းဘွိုင်ကားကြိုက်သူ အက်ရှင်ကြိုက်သူတွေ အကြိုက်ဖြစ်အောင်ပြန်ရိုက်ထားတာပါပဲ။ ဇာတ်လမ်းကတော့,,, မြို့ငယ်လေးတစ်ခုမှာ အင်အားသုံးပြီး အနိုင်ကျင့်ဗိုလ်ကျတဲ့ လူရာကျော်အင်အားရှိတဲ့ ဓားပြဗိုလ်ကို လူ ၇ ယောက်တည်းက မြို့က လူစုလေးကို ဦးစီးပြီး ပြန်တိုက်ထုတ်တဲ့ ဇာတ်လမ်းပါ။ ၇ ယောက်လုံးရဲ့ မတူညီတဲ့ စရိုက်တွေ အရည်အချင်းတွေနဲ့ ထူးခြားမှုတွေကို ပေါင်းစပ်ပြသွားရင်း မဖြစ်နိုင်တဲ့ စစ်ဆင်ရေးကို အသက်စွန့်တိုက်ကြတဲ့ သူရဲကောင်းတွေအကြောင်း ပြထားတာပါ။ ကြည့်သင့်တဲ့ ကားကောင်းပါပဲ။ ကိုယ်တိုင်လဲ ၂ ခါတောင်ပြန်ကြည့်မိတယ်...နဂို ကောင်းဘွိုင်အသေကြိုက်တဲ့အခံလည်းပါတာပေါ့ဗျာ။ File size…(10.6 GB)/ (2.7 GB)/(1.5 GB) Quality….BluRay 4K HEVC/1080p HEVC/720p Format…mkv/mp4 Duration….02:12:49 Subtitle….Myanmar Subtitle(Hardsub) Encoder….Ka Naung, Swan MIn Htet Translated by Littleneo

Fifty Shades of Grey ဟာ ဗြိတိသျှစာရေးဆရာ E. L. James ရဲ့ အမည်တူစာအုပ်ကို ဇာတ်လမ်းချုံ့ပြီး ရိုက်ကူးထားတဲ့ ၂၀၁၅ ခုနှစ်ထွက် လိင်အသားပေးရုပ်ရှင်ပါ။ ရုံမတင်ခင်ကတည်းက စောင့်ကြည့်သူများခဲ့ပြီး ရုံတင်ချိန်မှာလည်း ဝင်ငွေအောင်မြင်မှုရခဲ့ပေမယ့် ဝေဖန်မှုတွေကိုပါ ရင်ဆိုင်ခဲ့ရပါတယ်။ မူရင်းစာအုပ်ကို e-book အဖြစ် စတင်ဖြန့်ချိခဲ့ပြီး နောက်ပိုင်းမှာ ပုံနှိပ်စာအုပ်အဖြစ် ထုတ်ဝေခဲ့ပါတယ်။ ဒုတိယနဲ့ တတိယတွဲတွေ ဆက်ထွက်လာတဲ့အထိ လူဖတ်များခဲ့ပြီး စီးရီးတစ်ခုလုံးကို ဘာသာပေါင်း ၅၂ ဘာသာနဲ့ ထုတ်ဝေကာ အုပ်ရေသန်း ၁၀၀ ကျော် ရောင်းချခဲ့တယ်လို့ မူရင်းအညွှန်းမှာ ဖော်ပြထားပါတယ်။ အမေရိကန်နဲ့ အင်္ဂလန်တို့ရဲ့ အရောင်းရဆုံးစာအုပ်စာရင်းတွေမှာလည်း ပါဝင်ခဲ့တယ်။ လူကြိုက်များခဲ့သလို လိင်အသားပေးဖော်ပြချက်တွေကြောင့် ကန့်ကွက်ဝေဖန်မှုတွေလည်း ရှိခဲ့ပါတယ်။ ဇာတ်ကားအပေါ် မူရင်းအညွှန်းရဲ့ သုံးသပ်ချက်ကတော့ အချစ်ရေးမှာ ငွေကြေးရှိတာ၊ ရုပ်ရည်ကောင်းတာ၊ တစ်ဖက်လူကို အလိုလိုက်ပေးတာတွေနဲ့ပဲ ကျေနပ်မှုနဲ့ တည်မြဲမှုကို အာမခံလို့ မရဘူးဆိုတာပါ။ နှစ်ယောက်အတူ ဆက်လျှောက်ကြဖို့ တစ်ယောက်ရဲ့စိတ်ဆန္ဒကို တစ်ယောက် နားလည်ပေးနိုင်ဖို့လည်း လိုတယ်ဆိုတဲ့အမြင်နဲ့ ရေးထားပါတယ်။

IMDb Rating (7.3) / Rotten Tomatoes (72%) အမေရိကန်သမိုင်းတစ်လျှောက် Most Deadliest Sniper အဖြစ်သတ်မှတ်ခံထားရတဲ့ SEAL စနိုက်ပါသမား Chris Kyle အကြောင်းရိုက်ကူးထားတဲ့ ဖြစ်ရပ်မှန်ရုပ်ရှင်ဇာတ်ကားတစ်ခုဖြစ်ပါတယ်။ Chris Kyle ရဲ့ ကိုယ်တိုင်ရေး အထ္ထုပတ္တိ "American Sniper: The Autobiography of The Most Lethal Sniper in US Military History" စာအုပ်ကိုအခြေခံပြီး မင်းသားကြီး Clint Eastwood က ဒါရိုက်တာအဖြစ် ရိုက်ကူးထားပြီး Bradly Cooper က အဓိကသရုပ်ဆောင် Chris Kyle အဖြစ်ပါဝင်ထားပါတယ်။ ဒီရုပ်ရှင်မှာ စစ်ပွဲကြားကအခြေအနေတွေအပြင် အိမ်မှာကျန်ခဲ့တဲ့ စစ်သားမိသားစုတွေရဲ့ ဘဝကိုလည်း ပေါ်လွင်အောင်ထည့်သွင်းရိုက်ကူးထားပါတယ်။ Chris Kyle ဟာ အစကတော့ တက္ကဆက်က သာမန်မြင်းစီးသမားလေးပေါ့။ ဒါပေမယ့် 9/11 ဖြစ်ရပ်ဆိုးကြီးအပြီး အမေရိကန်က အီရတ်ကိုစစ်ကြေငြာတဲ့အခါမှာ မျိုးချစ်ကြီးဖြစ်တဲ့ Chris ကလည်း စစ်တပ်ထဲစဝင်ပါတော့တယ်။ အမေရိကန်နဲ့ အီရတ်စစ်ပွဲဟာ လူတွေကြား ပြောစရာဖြစ်ခဲ့ပြီး အမေရိကန်ရဲ့ ကျူးကျော်စစ်အပေါ် ဝေဖန်သံတွေဆူခဲ့ပေမယ့် ဒီဇာတ်ကားက နိုင်ငံရေးကားမဟုတ်တာကြောင့် အဲဒါတွေကိုတော့ ထည့်သွင်းရိုက်ကူးထားတာမျိုးမရှိပါဘူး။ Chris Kyle ဟာ လူများများသတ်ဖို့ထက် သူ့ရဲဘော်တွေကို ပိုများများကာကွယ်ချင်တာကြောင့် တစ်ခါ နှစ်ခါ မကဘဲ လေးကြိမ်တိတိ စစ်ထွက်ခဲ့ပါတယ်။ အဆိုပါလေးကြိမ်အတွင်းမှာ သူသတ်ခဲ့တဲ့ ရန်သူပေါင်း ၁၆၀ ကျော်ရှိပါတယ်။ ဒါကြောင့်လည်း သူဟာ အမေရိကန်သမိုင်းတစ်လျှောက် သတ်အားအကောင်းဆုံး စနိုက်ပါသမားအဖြစ် ဂုဏ်ပြုခံခဲ့ရတာပါ။ စစ်ပွဲအတွင်းမှာတင် အီရတ်ဘက်က သူ့ကိုသတ်နိုင်တဲ့သူကို ဒေါ်လာ ၁သိန်း၈သောင်းပေးမယ်ဆိုပြီး ဝရမ်းထုတ်ရတဲ့အထိ ရန်သူတွေကို ဖိန့်ဖိန့်တုန်စေခဲ့ပါတယ်။ Kyle က သူ့ဘဝမှာ ရန်သူ ၁၆၀ ကျော်သတ်ခဲ့တာ နောင်တမရဘဲ သူ့ရဲ့ရဲဘော်ရဲဘက်တွေကို မကယ်နိုင်ခဲ့တာပိုနောင်တရတယ်လို့ ဆိုပါတယ်။ ဒါကြောင့်လည်း သူစစ်ထဲမှာရှိနေရင် သူ့ရဲဘော်ရဲဘက်တွေကို ပိုကယ်နိုင်မယ်ဆိုပြီး စစ်ထဲကို ၄ ကြိမ် တိုင်တိုင် ပြန်သွားခဲ့ပါတယ်။ အဲဒီလိုစစ်ထွက်တိုင်း သူ့အိမ်ကကျန်ခဲ့တဲ့ မိသားစုဝင်တွေဟာ စိတ်အပူကြီးပူကျန်ခဲ့ရပြီး စစ်မထွက်ဖို့တားတဲ့ကြားက အတိုက်အခံလုပ်ပြီး စစ်ပွဲထဲကိုဝင်ခဲ့တဲ့လူမျိုးပါ။ ဒီလို စစ်ထဲပြန်သွားရတဲ့နောက်တစ်ချက်က ပထမဆုံး အကြိမ်မှာထဲက ရန်သူ Sniper တစ်ယောက်နဲ့ ရင်ဆိုင်ခဲ့ရပြီး အဲ့ဒီ Sniper က အီရတ်အလ်ကိုင်ဒါတပ်ဖွဲ့ထဲက ဆီးရီးယားလက်ဖြောင့်သမား မူစတာဖာ ပါပဲ။ သူကလည်းခေသူတော့မဟုတ်ဘူး။ အိုလံပစ်ပြိုင်ပွဲမှာပါ စနိုက်ပါဝင်ပြိုင်ခဲ့တဲ့ ပရော်ဖက်ရှင်နယ်စနိုက်ပါသမားတစ်ယောက်ပါ။ ဒီ Sniper က သူ့လူတွေတစ်ယောက်ပြီး တစ်ယောက် သတ်နေပေမယ့် သူ ဒီကောင့်ကို မသတ်နိုင်တာကြောင့်လည်း ပြန်ပြန်သွားနေတာဖြစ်ပါတယ်။ ဒီရုပ်ရှင်ကိုကြည့်ရင် စစ်ပွဲအနိ‌ဋ္ဌာရုံတွေကြားထဲ ခဏခဏပြန်သွားတဲ့ Chris Kyle ကိုလည်းစာနာမိလာမယ်။ အိမ်မှာကျန်ခဲ့တဲ့ သူ့ဇနီးနဲ့ သားသမီးတွေကိုလည်းကိုယ်ချင်းစာမိပါလိမ့်မယ်။ စစ်ပွဲကို တစ်ကန့်၊ သူ့ရဲ့ အိမ်ပြန်ချိန်လူနေမှုဘဝကို တစ်ကန့် တစ်လှည့်စီပြထားတာကြောင့် တခြားသောစစ်ကားတွေလို "ငါလည်းစစ်တိုက်ချင်လိုက်တာ" ဆိုတဲ့ ခံစားချက်မျိုးပေးမှာမဟုတ်ဘဲ စစ်ပွဲကို မုန်းသွားစေမယ့် စစ်ကားမျိုးပါ။ ဒီရုပ်ရှင်အတွက် မင်းသားကြီး Bradley Cooper ကလည်း ဝိတ်တင်ခဲ့ပါတယ်။ လက်တွေ့ဘဝက Chris Kyle နဲ့ လေသံကအစ ဆင်တူအောင် သရုပ်ဆောင်ထားနိုင်ပါတယ်။ အဲဒါကြောင့် အော်စကာဆု‌ Nominated ဝင်ခဲ့ပြီး ဒီရုပ်ရှင်ကလည်း ဆုပေးပွဲပေါင်းစုံကနေ ဆုပေါင်းများစွာရရှိခဲ့ပါတယ်။ သေနတ်ပစ်တာတွေ၊ ပေါက်ကွဲတာတွေ စစ်ပွဲမြင်ကွင်းတွေကို ပီပီပြင်ပြင်ရိုက်ကူးထားပြီး သွေးထွက်သံယိုခန်းတွေပါဝင်တာကြောင့် အသည်းနုတဲ့သူတွေ မကြည့်ဖို့ အကြံပေးချင်ပါတယ်။ သူ့ဇာတ်လမ်းကိုမကြားဖူးတဲ့ လူတွေအတွက် ဇာတ်သိမ်းပိုင်းက အံ့အားသင့်စရာတစ်ခုဖြစ်ပါလိမ့်မယ်။ ဇာတ်လမ်း စ လယ် ဆုံး ပျင်းစရာမကောင်းအောင် ဆွဲခေါ်သွားနိုင်ပြီး အရင်ကကြည့်ဖူးတဲ့လူတွေအနေနဲ့ကော၊ စစ်ကားကြိုက်နှစ်သက်တဲ့လူတွေအနေနဲ့ပါ ကြည့်ရတာတန်မယ့် ဖြစ်ရပ်မှန်ရုပ်ရှင်ဇာတ်ကားကောင်းတစ်ခုဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) File size…(5.1 GB)/(1.8 GB)/ (1.2 GB) Quality….WEB-DL 4K HEVC/ 1080p HEVC /720p Format…mkv/mp4 Duration….02:12:38 Subtitle….Myanmar Subtitle(Hardsub) Encoder….Ka Naung Translated by Min Thant Bo

Taken 2 (2012) Unrated Extended Cut Old but gold ကားဟောင်းတွေကို Quality Update လုပ်ပြီး တင်ဆက်ပေးနေရာမှာ ဒီတစ်ခါ အလှည့်ကျလာတာကတော့ မင်းသားကြီး Liam Neeson ရဲ့ Taken Trilogy Franchise ပဲ ဖြစ်ပါတယ်။ Liam Neeson နဲ့အတူ မင်းသမီး Maggie Grace လည်း ပါဝင်ပြီး ကြည့်ပြီးသားသူတွေအတွက်တော့ အထူးပြောစရာမလိုသလို မကြည့်ရသေးတဲ့သူတွေအတွက်လည်း အချိန်ပေးရကျိုးနပ်စေမယ့် ကားတွေပါပဲ။ Taken ရုပ်ရှင်ကား ၃ ကားရှိပြီး 4K Quality ကိုမှ Unrated Extended Cut Version နဲ့ ၃ ကားလုံးတင်ဆက်ထားပါတယ်။ ၃ ကားလုံးကို ဒီမှာ    https://channelmyanmar.org/?s=taken+trilogy ဒေါင်းပါ။ Taken 1 မှာတုန်းက ခရီးထွက်ရင်း ပြန်ပေးဆွဲခံလိုက်ရတဲ့ သူ့သမီးကို CIA အေးဂျင့်ဟောင်းဖြစ်သူ ဘရိုင်ယန်က လူ ၁၂ သန်းလောက်ရှိတဲ့မြို့ထဲ ၇၂ နာရီအတွင်း ရှာတွေ့ခဲ့ပြီး ပြန်ပေးဆွဲဂိုဏ်းခေါင်းဆောင် မာကိုနဲ့ အပေါင်းအပါတွေကို သုတ်သင်ရှင်းလင်းခဲ့ပါတယ်။ အခု Taken 2 မှာတော့ မာကို့ရဲ့အဖေဖြစ်သူ အကြမ်းဖက်ဂိုဏ်းခေါင်းဆောင် မူရတ်က သူ့သား သေဆုံးရမှုအတွက် ဘရိုင်ယန်တို့ မိသားစုကို ကလဲ့စားချေဖို့ ကြိုးစားမှာပဲဖြစ်ပါတယ်။ အစ္စတန်ဘူလ်ကို ခရီးထွက်နေတဲ့ ဘရိုင်ယန်၊ သူ့မိန်းမနဲ့ သမီးဖြစ်သူတို့ကို အကွက်ကျကျ စီစဉ်ပြီး ပြန်ပေးဆွဲ သတ်ဖြတ်ဖို့ကြံနေတဲ့ မူရတ်ရဲ့အစီအစဉ်ကြားက ဘရိုင်ယန်တစ်ယောက် ဘယ်လိုဖောက်ထွက်မလဲဆိုတာကိုတော့ ဇာတ်လမ်းထဲမှာပဲ ရင်ခုန် စိတ်လှုပ်ရှားစွာနဲ့ ကြည့်ရှုလိုက်ကြပါဦး။ (ရုပ်ရှင်အညွှန်းနှင့်ဘာသာပြန်ကိုတော့ Emily မှ တင်ဆက်ထားပါတယ်။) File size…(6.1 GB)/ (2.7 GB)/(1.1 GB) Quality…BluRay 4K HEVC /1080p /720p Format…mkv/mp4 Duration….01:38:18 Subtitle….Myanmar Subtitle (Hardsub) Encoder….Ka Naung Translated by Emily