Luke Mably ပါဝင်သော ဇာတ်ကားများ

Fuze (2026) 4K HEVC ++++++++++++ IMDb Rating (6.2) / Rotten Tomatoes (72%) ဒီတစ်ခါတော့ အက်ရှင်နဲ့ မှုခင်းကားကြိုက်တဲ့ သူတွေအတွက် ၂၀၂၅ မှာ ထွက်ထားတဲ့ Fuze ဆိုတဲ့ ရုပ်ရှင်ကားလေးကို တင်ပေးထား ပါတယ်။ Hell or High Water ကို ရိုက်ကူးခဲ့တဲ့ ဒါရိုက်တာ David Mackenzie ရိုက်ကူးထားပြီး မင်းသားချော Aaron Taylor-Johnson၊ Theo James နဲ့ Avatar မင်းသားကြီး Sam Worthington တို့ အဓိက ပါဝင်သရုပ်ဆောင်ထားပါတယ်။ ဇာတ်လမ်းအကျဉ်း ++++++++++ ဒန်မြို့လယ်ခေါင်က ဆောက်လုပ်ရေး လုပ်ငန်းခွင်တစ်ခုမှာ ဒုတိယကမ္ဘာစစ်တုန်းက မပေါက်ကွဲဘဲ ကျန်နေခဲ့တဲ့ ဗုံးကြီးတစ်လုံးကို တူးဖော်တွေ့ ရှိသွားရာကနေ ဇာတ်လမ်းစပါတယ်။ ဗုံးအန္တရာယ်ကြောင့် အနီးအနားက လူတွေကို အကုန်ရွှေ့ပြောင်းရပြီး မြို့ကြီးတစ်ခုလုံး ဗြောင်းဆန်သွားပါတယ်။ ဒီအချိန်မှာ ဗုံးရှင်းလင်းရေး အဖွဲ့ခေါင်းဆောင် Major Will Tranter (Aaron Taylor-Johnson) က ဗုံးကို သွားရှင်းရပါတယ်။ ဒါပေမဲ့ အခြေအနေတွေ ရှုပ်ယှက်ခတ်ပြီး လူတွေ အာရုံများနေတဲ့ အချိန်ကို အခွင့်ကောင်းယူပြီး Karalis (Theo James) ဦးဆောင်တဲ့ ဘဏ်ဖောက်သမား တစ်စုက ဘဏ်တစ်ခုကို ဖောက်ပြီး စိန်တွေ၊ ငွေတွေ ဝင်ခိုးဖို့ ကြိုးစားပါတော့တယ်။ ဗုံးကလည်း အချိန်ကိုက် ပေါက်ဖို့ဖြစ်နေ၊ ရဲတွေကလည်း ရိပ်မိသွားပြီး လိုက်ဖမ်း၊ ဘဏ်ဖောက်သမားတွေကလည်း လွတ်အောင်ပြေးရနဲ့ တော်တော်လေးကို အချိတ်အဆက်မိမိ ဆွဲခေါ်သွားမယ့် ဇာတ်လမ်းမျိုးပါ။ ဇာတ်ကားက ပွဲစတာနဲ့ အချိန်ဆွဲမနေဘဲ တန်းပြီး အက်ရှင်တွေ၊ အလှည့်အပြောင်းတွေနဲ့ ဆွဲခေါ်သွားတာပါ။ ကြည့်နေရင်းနဲ့ ဘယ်သူက ဘယ်သူ့ကို သစ္စာဖောက်မလဲ ဆိုပြီး ရင်တမမနဲ့ ကြည့်ရမယ့် ကားမျိုးပါ။ ဇာတ်လမ်းထဲမှာ ကိုယ်ထင်မထားတဲ့ အလှည့်အပြောင်း (Plot twists) တွေ အများကြီး ပါပါတယ်။ ကြာချိန်က ၁ နာရီနဲ့ ၃၈ မိနစ် (၉၈ မိနစ်) ပဲ ရှိတာမလို့ ပျင်းဖို့ အချိန်တောင် ရလိုက်မှာ မဟုတ်ပါဘူး။ အက်ရှင်ခပ်သွက်သွက်နဲ့ အလှည့်အပြောင်းတွေ အများကြီးပါတဲ့ ရုပ်ရှင်မျိုးကို သဘောကျတယ် ဆိုရင်တော့ ဒီ Fuze ကားလေးကို လက်မလွတ်တမ်း ကြည့်ကြည့်ဖို့ တိုက်တွန်းလိုက်ပါတယ်။ File Size… (5.35GB) / (1.92GB) / (1.01GB) Quality… WEB-DL 4K HEVC , 1080p HEVC / 720p Format…mkv / mp4 Duration…1h 38m Genre ….Action , Crime , Drama , Mystery , Thriller ,War Subtitle….Myanmar Subtitle (Hard Sub)

Rise of the Footsoldier: Part II (2015) IMDb Rating (5.4) / Rotten Tomatoes (24%) ၂၀၀၇မှာ ထွက်ခဲ့တဲ့ ဖြစ်ရပ်မှန် ဂန်းစတားလောကအကြောင်း ရိုက်ပြထားတဲ့ Rise Of The Footsoldierရဲ့အဆက်ကို ထပ်ထုတ်ထားတာပါ။ ဒီ၂၀၁၅ကားနောက်မှာ ၂၀၂၃အထိ ဆက်တိုက်ဆိုသလို ၄ကားထပ်ထုတ်ခဲ့သေးပေမဲ့ ဒီပထမဆုံး၂ကားရဲ့ အဓိကဇာတ်ကောင်လည်းဖြစ်သလို ဒီ၂ကားရဲ့ဇာတ်လမ်းကို ရေးခဲ့တဲ့ သက်ရှိထင်ရှားရှိနေသေးတဲ့ ကားလ်တန်လိချ်ရဲ့ ဇာတ်လမ်းတော့ မဟုတ်တော့ပါဘူး။ သူကိုယ်တိုင်ကလည်း ဒီ၂ကားက ဖြစ်ရပ်မှန်ဖြစ်ပြီး ကျန်တာတွေက ဖစ်ရှင်တွေပါလို့ ကြေညာထားတယ်။ ကားလ်တန်လိချ်ကတော့ တတိယစာအုပ် The Final Sayကို ရေးနေပါတယ်။ ပြီးရင် ရုပ်ရှင်အနေနဲ့ ထွက်လာဦးမှာပါ။ ပထမကားအပြီး နှစ်နည်းနည်းအကြာမှာ ဇာတ်အိမ်တည်ထားပါတယ်။ သံသယတွေနဲ့ စိတ်မလုံမှုတွေနဲ့ ချုံးချုံးကျနေတဲ့ သူ့ဘဝကို သူပြန်အဖတ်ဆည်ခဲ့တဲ့ အကြောင်းတွေကို ပြထားတယ်။ ဒုစရိုက်လောကက ဝင်ပြီးရင် ပြန်ထွက်ဖို့ လမ်းမရှိတဲ့အကြောင်းတွေကို ပြထားတယ်။ ပထမကားလောက်တော့ မကောင်းပေမဲ့ ပထမကားကြည့်ပြီးရင် ဘာဆက်ဖြစ်မလဲ သိချင်ကြမှာပါပဲ။ ဖြစ်ရပ်မှန်တွေမို့ ပိုတော့ သိချင်စရာကောင်းတယ်။ (ဝတ်လစ်စလစ် အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။) File size… (1.3 GB) / (810 MB) Quality…. Blu-Ray Rip 1080p HEVC / 720p Format…. mkv/mp4 Genre…. Action,Crime Duration…. 01:52:14 Subtitle…. Myanmar Subtitle (Hardsub)

2010 ကထွက်တဲ့ Deadpoolမင်းသား Ryan Reynolds သရုပ်ဆောင်ထားတဲ့ Buriedဆိုတဲ့ကားလေးကိုလဲ ကြည့်ဖူးကြမှာပေါ့.... ပြသချိန် ၁နာရီခွဲခန့်ရှိတဲ့ ဇာတ်ကားတစ်ကားလုံးကို အခေါင်းလေးတစ်လုံးထဲမှာပဲ လှည့်ပတ်ရိုက်ပြသွားတယ် အခုဒီ Exam ဆိုတဲ့ကားလေးလဲ အဲ့လိုမျိုးပါပဲအခန်းလေးတစ်ခန်းထဲမှာပဲ တစ်ကားလုံးပြီးသွားတာပါ 2009 ကထွက်ခဲ့တဲ့ ဒီindieကားလေးဟာ 600,000 USD သာ ကုန်ကျခဲ့ပါတယ်.... တစ်ကားလုံးကို အခန်းလေးတစ်ခန်းထဲမှာပဲပြီးသွားခဲ့ပေမဲ့ စိတ်ဝင်စားစရာတွေနဲ့ ပြည့်နှက်နေခဲ့တဲ့ ဒီကားလေးဟာ ဆုတွေလဲ ဆွတ်ခူးခဲ့ပါတယ် ဇာတ်လမ်းအကျဉ်းပြောရမယ်ဆိုရင်...... တစ်ကမ္ဘာလုံးမှာ ကူးစက်ရောဂါတစ်မျိုး ကပ်ရောဂါအသွင်ဖြစ်ပွားနေချိန်လူတွေက ရောဂါအကူးမခံရဖို့ကိုသာ အာရုံစိုက်နေရပြီး အလုပ်အကိုင်တွေလဲရှားပါးလာတဲ့အခြေအနေမျိုးမှာကုမ္ပဏီတစ်ခုက အလုပ်ခေါ်တဲ့အကြောင်းလေးပါ.... အလုပ်လိုချင်တဲ့လူပေါင်းမြောက်များစွာထဲကမှ နောက်ဆုံးစကာတင် ရှစ်ယောက်ပဲကျန်တယ်.... အဲ့ရှစ်ယောက်ကို နောက်ဆုံးစမ်းသပ်မှုတစ်ခုထပ်ဖြေခိုင်းတယ်သတ်မှတ်ထားတဲ့စည်းကမ်းချက် ၃ချက်ထဲရှိတယ် စည်းကမ်းဖောက်ရင် အထုတ်ခံရမယ်..ဖြေဖို့သတ်မှတ်ချိန် မိနစ် ၈၀ပေးထားတယ် သူတို့အတွက်စားပွဲပေါ်မှာပေးထားတာက ခဲတံလေးတစ်ချောင်းစီနဲ့ စာရွက်တစ်ရွက်စီအားလုံးက မေးခွန်းစာရွက်လို့ထင်နေပေမဲ့ တကယ်တမ်း စဖြေလို့ရပါပြီဆိုတဲ့အချိန်မှာ ကြည့်လိုက်တော့စာရွက်က အလွတ်ကြီး! အဲ့တော့ ဘာကိုဖြေခိုင်းတာလဲ? သာမန်စာမေးပွဲလို စာရေးရမှာမဟုတ်ရင် ဘာတွေလုပ်ရမှာလဲ? ဘာလို့ဒီကုမ္ပဏီက အလုပ်လေးတစ်ခုခန့်ဖို့ကို အဲ့လောက်ထိရှုပ်ထွေးနေရတာလဲ? သာမန်ရွေးချယ်မှုလေးမဟုတ်ရင် ဒီအလုပ်က ဘယ်လောက်အထိတောင် အရေးကြီးနေလို့လဲ? အဲ့ကုမ္ပဏီကလဲ အမှန်တကယ်က ဘာကုမ္ပဏီလဲ? ရှစ်ယောက်ထဲကဘယ်သူက လျှို့ဝှက်ချက်တွေကိုဖော်နိုင်ပြီး အလုပ်ရသွားမလဲ? ပြသချိန် ၁နာရီနဲ့ မိနစ်၄၀ခန့်ကို ဘယ်လိုကုန်လို့ကုန်သွားမှန်းမသိအောင်ကို ဇာတ်လမ်းထဲမှာမျောသွားပြီး မထတမ်းကြည့်ရလိမ့်မယ်ဆိုတာကို ကျွန်တော်အာမခံရဲတယ်..... IMDb 6.9, Rotten Tomatoes 63% ရထားပါတယ် အမှန်က rating တွေက အဲ့ထက်ပိုရသင့်တယ်လို့တောင် မြင်မိပါတယ် (ဇာတ်လမ်းအညွှန်းနဲ.ဘာသာပြန်သူ ကတော့ Tu Nay Win ပါ ) File Size : (650 MB) and (250 MB) Quality : Bluray720p Running Time : 1hr 41minutes Format : Mp4 Genre : Mystery, Thriller Subtitle : Myanmar Subtitle (Hard Sub) Translated By Tu Nay Win Encode By Thanhtike Zaw

The Prince & Me II : The Royal Wedding (2006) The Prince & Me (2004) ရဲ့ အဆက်အနေနဲ့ထွက်ရှိလာပြီးတော့ မင်းသမီးကတော့ ပထမဇာတ်ကားကမင်းသမီးမဟုတ်တော့ပါဘူး။ ဒိန်းမတ် မင်းသား အက်ဗာ့နဲ့ သူ့ရဲ့ချစ်သူ အမေရိကန်သူလေး ပေ့ဂ်ျ ‌မော်ဂန်တို့ရဲ့ တော်ဝင်မင်္ဂလာပွဲမလုပ်ခင် သုံးပတ်အလိုမှာ နော်ဝေးမင်းသား အဲဘတ်ရဲ့ ကောက်ကျစ်တဲ့ အစီအစဉ်ကနေ ပြန်ပေါ်လာခဲ့တဲ့ အလယ်ခေတ်က ဥပဒေကြောင့် မင်္ဂလာပွဲဖျက်သိမ်းရတော့မလိုဖြစ်နေပါတယ်။ ဒီဥပဒေကတော့ ထီးနန်းဆက်ခံမဲ့မင်းသားဟာ ဆွေကြီးမျိုးကြီးထဲက အမျိုးကောင်းသမီးနဲ့ပဲ လက်ထပ်ရမယ့်ဥပဒေပါ။ အမေရိကန်သူ ပေ့ဂ်ျကတော့ ဆွေကြီးမျိုးကြီးမဟုတ်တဲ့အပြင် တော်ဝင်မျိုးရိုးလည်းမဟုတ်တာကြောင့် ‌မင်းသားနဲ့လက်ထပ်ဖို့ဆိုရင် ထီးနန်းစွန့်ရပါလိမ့်မယ်။ အခုလိုဘေးကြပ်နံကြပ်အခြေအနေမှာ ပေ့ဂ်ျနဲ့ အက်ဗာ့တို့နှစ်ယောက်လက်ထပ်နိုင်မဲ့ ကယ်ပေါက်ကို တွေ့ပါ့မလား၊ နော်ဝေးမင်းသားရဲ့အကြံအတိုင်း သူ့ရဲ့သမီး မင်းသမီးကာ့စတန်နဲ့ လက်ထပ်လိုက်ရမှာလားဆိုတာ........။ File size…(2.3 GB) / (1 GB) Quality….BluRay 1080p/720p Format…mp4 Duration….01:32:55 Subtitle….Myanmar Subtitle (Hardsub) Encoder….Ka Naung Translated by TMMT

ဒီဇာတ်ကားကတော့ မင်းသားတစ်ပါးနဲ့ လယ်သူမလေးတစ်ယောက်အကြောင်းRomanceဆန်ဆန်ရိုက်ထားတဲ့ဇာတ်ကားလေးတစ်ကားပါပဲ။ ဇာတ်လမ်းအညွှန်းကတော့ ဒိန်းမတ်နိုင်ငံရဲ့မင်းသားဖြစ်တဲ့ အက်ဗက်ဟာ အလိုလိုက်ခံထားတဲ့သူပီပီ အပျော်အပါးအသောက်အစားများစွာလုပ်ပြီး မကောင်းသတင်းတွေ သတင်းစာထဲမှာပါပါလာကာ တော်ဝင်မိသားစုကိုအရှက်ရအောင် ခဏခဏလုပ်တဲ့သူပေါ့။ တစ်နေ့မှာတော့ သူဟာတီဗွီအစီအစဉ်တစ်ခုကနေ အမေရိကရဲ့ကောလိပ်ကျောင်းသားဘဝဟာ ဘယ်လောက်ပျော်စရာကောင်းကြောင်းမြင်လိုက်ရပြီးတဲ့အချိန်မှာ ထိုကောလိပ်သို့တခြားလူတစ်ယောက်အဖြစ်ဟန်ဆောင်ပြီးတက်ဖို့သွားပါတော့တယ်။ အဲဒီကျောင်းမှာပဲ နယ်ကတက်လာတဲ့ကောင်မလေး "ပေ့ခ်ျ မော်ဂန်"နဲ့တွေ့တဲ့အခါမှာတော့ အမြဲဆိုးခဲ့တဲ့မင်းသားလေးတစ်ယောက် အချစ်အစွမ်းကြောင့် တဖြည်းဖြည်းနဲ့လိမ္မာပြီး အားကိုးထိုက်သူဖြစ်လာတာကို Comedyနဲ့ Romanceရောပြီး ရိုက်ပြထားပါတယ်။ File size…(2.2 GB) / (1.2 GB) Quality….BluRay 1080p/720p Format…mp4 Duration….01:51:50 Subtitle….Myanmar Subtitle (Hardsub) Encoder….Mr.Anderson

ခေတ်သစ် Zombie ရုပ်ရှင်ကမ္ဘာရဲ့ မှတ်တိုင်တစ်ခု ဒါရိုက်တာ - Danny Boyle ထွက်သည့်နှစ် - ၂၀၀၂ အဓိက သရုပ်ဆောင်များ - Cillian Murphy, Naomie Harris, Christopher Eccleston 28 Days Later ဟာ ရိုးရိုး zombie ဇာတ်ကားတွေနဲ့ မတူတဲ့ ထူးခြားမှုတွေရှိနေပါတယ် ဒါရိုက်တာ Danny Boyle ဟာ ဒီဇာတ်ကားကို Digital Video Camera တွေနဲ့ ရိုက်ကူးခဲ့ပြီး London မြို့ကြီးရဲ့ လူသူကင်းမဲ့နေတဲ့ မြင်ကွင်းတွေကို ထိတ်လန့်စရာကောင်းလောက်အောင် ရိုက်ကူးပြသခဲ့တာပါ ဇာတ်လမ်းအကျဉ်း Jim (Cillian Murphy) ဆိုတဲ့ courier တစ်ယောက်ဟာ ဆေးရုံမှာ ၂၈ ရက်ကြာ Coma နေရာကနေ နိုးလာတဲ့အခါ London မြို့ကြီး လူသူကင်းမဲ့နေတာကို တွေ့ရှိရပါတယ်။ "Rage virus" ဆိုတဲ့ ဗိုင်းရပ်စ်ကြောင့် လူတွေ အကြမ်းဖက်သတ္တဝါတွေဖြစ်ကုန်ကြတာကို တွေ့လိုက်ရတဲ့ အခါမှာ Jim ဟာ Selena (Naomie Harris)၊ Frank (Brendan Gleeson) နဲ့ Hannah (Megan Burns) တို့နဲ့ တွေ့ဆုံပြီး အသက်ရှင်ရပ်တည်ဖို့ ကြိုးစားရပါတော့တယ် ထူးခြားချက်များ ဒီဇာတ်ကားမှာပါတဲ့ infected တွေဟာ ရိုးရိုး zombie တွေလို နှေးကွေးစွာ မလှုပ်ရှားဘဲ အလွန်မြန်ဆန်ပြီး ကြမ်းတမ်းကြပြီးတော့ Digital Video ကင်မရာသုံးထားတာကြောင့် ပိုမို realistic ဖြစ်စေပြီး documentary ပုံစံမျိုး ခံစားရမှာပါ Post-apocalyptic London ရဲ့ ရိုက်ကွင်းတွေကို နာမည်ကြီး tourist နေရာတွေမှာ အစစ်အမှန် ရိုက်ကူးထားပါတယ်။ သရုပ်ဆောင်များအကြောင်း Cillian Murphy ရဲ့ Jim ဇာတ်ရုပ်က ရိုးသားပြီး လူသားဆန်တဲ့ ဇာတ်ရုပ်ကို အထာကျကျ သရုပ်ဆောင်ထားပြီး Naomie Harris ကလည်း သူ့ရဲ့ ခက်ထန်ပြီး အသက်ရှင်ရပ်တည်ရေးကို ဦးစားပေးတဲ့ Selena ဇာတ်ရုပ်နဲ့ ပရိသတ်ကို ဆွဲဆောင်နိုင်ခဲ့ပါတယ်။ ဒါရိုက်တာအကြောင်း Danny Boyle ဟာ Trainspotting၊ Slumdog Millionaire လို နာမည်ကြီးရုပ်ရှင်တွေကို ရိုက်ကူးခဲ့တဲ့ ဒါရိုက်တာဖြစ်ပြီး ဒီဇာတ်ကားမှာလည်း သူ့ရဲ့ ထူးခြားတဲ့ ရိုက်ကူးမှုပုံစံတွေကို တွေ့မြင်ရမှာပါ ဥပမာ - handheld camera techniques တွေ၊ အရောင်အသွေး ပြုပြင်မှုတွေနဲ့ တီးလုံးအသုံးပြုပုံတွေဟာ ဇာတ်လမ်းရဲ့ စိတ်ဖိစီးမှုနဲ့ တင်းမာမှုတွေကို ပိုမိုထင်ဟပ်စေပါတယ်။ 28 Days Later ဟာ zombie genre ထဲမှာ မှတ်တိုင်ထူနိုင်ခဲ့တဲ့ ဇာတ်ကားတစ်ကားဖြစ်ပါတယ်။ လူသားတွေရဲ့ survival instinct၊ လူ့အဖွဲ့အစည်းပြိုကွဲသွားတဲ့အခါ ဖြစ်ပေါ်လာနိုင်တဲ့ ပဋိပက္ခတွေကို ထိထိမိမိ တင်ပြထားပါတယ်။ နောက်ပိုင်းထွက်ရှိလာတဲ့ zombie ဇာတ်ကားတွေအပေါ် လွှမ်းမိုးမှုရှိခဲ့ပြီး ခေတ်သစ် horror genre ကို ပြောင်းလဲစေခဲ့တဲ့ ဇာတ်ကားကောင်းတစ်ကား ဖြစ်ပါတယ်။ File Size :  3.4 GB, 1.3 GB Quality : Blu-Ray 1080p / 720p Running Time : 1hr 53min Format : Mp4 Genre : Drama, Horror, Mystery Subtitle : Myanmar Subtitle (Hard Sub) Encode by : Thit San Khant