MC Muah ပါဝင်သော ဇာတ်ကားများ

Call Me Mother (2025) ဖိလစ်ပိုင် ရုပ်ရှင်လောကရဲ့ ထိပ်တန်း အနုပညာရှင်နှစ်ဦးဖြစ်တဲ့ Vice Ganda နဲ့ Nadine Lustre တို့ပါဝင်ပြီး LGBTQ+ အသိုင်းအဝိုင်းက မိခင်တစ်ယောက်ရဲ့ ပေးဆပ်မှုနဲ့ ရုန်းကန်ရမှုတွေကို သေချာရိုက်ပြထားပါတယ် ဇာတ်လမ်းကတော့ မွေးစားသားကလေးကို မိခင်မေတ္တာအပြည့်နဲ့ ပြုစုပျိုးထောင်ပေးထားတဲ့ ကွီးယား(Queer) မိခင်တစ်ယောက်ဖြစ်တဲ့ "တွင်းကယ်" (Twinkle) အကြောင်းကနေ စတင်ထားတာပါ။ တွင်းကယ် ရဲ့ တခုတည်းသော အကြီးမားဆုံး အိမ်မက်ကတော့ သားလေးကို ဥပဒေအရ တရားဝင် မွေးစား မိခင်အဖြစ် သတ်မှတ်ခွင့် ရရှိဖို့ပဲ ဖြစ်ပါတယ်။ ဒါပေမဲ့ မထင်မှတ်ဘဲ သားလေးရဲ့ မွေးမိခင် အရင်းဖြစ်သူ "မာရာ"ဆိုတဲ့ အမျိုးသမီးဟာ ရုတ်တရက် ပေါ်လာခဲ့ပါတော့တယ်။ မာရာ ရောက်ရှိလာမှုကြောင့် တွင်းကယ် ရဲ့ တရားဝင် မွေးစားခွင့် အိမ်မက်တွေ ယိမ်းယိုင်သွားခဲ့ရသလို... မိခင်မေတ္တာ အပြိုင်အဆိုင် ဖြစ်လာခဲ့ရပါတော့တယ်။ သွေးသားရင်းနဲ့ ပြုစုပျိုးထောင်ခဲ့တဲ့ မေတ္တာတရားတို့ကြားမှာ ကလေးရဲ့ အနာဂတ်အတွက် မိခင် နှစ်ဦးစလုံး ဘယ်လိုမျိုးရွေးချယ်မှုတွေ ပြုလုပ်ကြမလဲဆိုတာကို ကြည့်ရမယ့် ဒရမ်မာကားကောင်းလေး ဖြစ်ပါတယ်။

Johnny Dick Jordi ဟာ 5 in 1 coffee ကို တည်ထောင်ထားတဲ့ ချမ်းသာပြီး ရုပ်ချောတဲ့ အမျိုးသားတစ်ယောက်ပါ။ ရောဂါကြောင့် ငယ်ငယ်ရွယ်ရွယ်နဲ့ ဆုံးသွားတဲ့အခါ သူ့အမွေကို ဆက်ခံဖို့ ရည်းစားဟောင်းငါးယောက်ကို အသုဘဆီ ဖိတ်ခေါ်ထားပါတယ်။ သူတို့ကတော့ လာနာ ရို့စ်၊ မီယာ ကာလီဆာ၊ မာရီယာ အိုဆာကာ၊ လက်ဆီ လောရိုက်စ်နဲ့ ရီလေ ရတ်ပါတို့ပါ။ သူတို့ထဲက ဘယ်သူ အမွေရမလဲဆိုတဲ့ မေးခွန်းနဲ့အတူ တစ်ယောက်စီက Johnny နဲ့ ဖြတ်သန်းခဲ့တဲ့ အတိတ်အကြောင်းတွေကို ပြန်ပြောကြတယ်။ အဲဒီအမှတ်တရတွေထဲမှာ သူက အမျိုးသမီးငါးယောက်ကို တစ်ပြိုင်နက် ဘယ်လို တွဲခဲ့သလဲ၊ ဘယ်လို စကားတွေပြောပြီး ချဉ်းကပ်ခဲ့သလဲဆိုတာတွေ ပါလာပါတယ်။ အမျိုးသမီးတွေရဲ့ ဘဝအခက်အခဲတွေကို ကူညီပေးခဲ့တဲ့ သူ့အကြောင်းကိုလည်း ဖော်ပြထားတယ်။ အရွယ်ရောက်သူတွေအတွက် မြင်ကွင်းတွေ ပါဝင်တဲ့ ဖိလစ်ပိုင်ဟာသဇာတ်ကားပါ။

လွန်ခဲ့တဲ့ ငါးနှစ်က ဂျက်ဟာ မြို့ထဲက ပွဲတွေ၊ အစီအစဉ်တွေမှာ လှည့်လည်ဖျော်ဖြေနေတဲ့ လူရွှင်တော်တစ်ယောက်ပါ။ ရိုစ့်နဲ့ အမှတ်မထင် ဆုံမိပြီးနောက် နှစ်ယောက်တွဲ အလုပ်လုပ်ကြရင်း အောင်မြင်လာကြတယ်။ ရိုစ့်ကတော့ ဂျက်ဟာ မိန်းမလျာတစ်ယောက်ဆိုတာ မရိပ်မိဘဲ သူ့ကို တစ်ဖက်သတ် ချစ်နေခဲ့ပါတယ်။ နာမည်ကြီး ရုပ်သံလိုင်းတစ်ခုက သူတို့နှစ်ယောက်ကို တင်ဆက်သူလုပ်ဖို့ ကမ်းလှမ်းလာပေမယ့် တကယ်တမ်းမှာ ဂျက်တစ်ယောက်တည်းကိုပဲ ခေါ်သွားတယ်။ ချန်ထားခံရတဲ့ ရိုစ့်က အဲဒီကတည်းက ဂျက်ကို နာကျည်းမုန်းတီးသွားခဲ့ပါတယ်။ လက်ရှိအချိန်မှာတော့ ဂျက်ဟာ ပရိသတ်အများကြီးရှိတဲ့ နာမည်ကျော်တင်ဆက်သူ ဖြစ်နေပြီ။ ဒါပေမဲ့ လည်ချောင်းပြဿနာကြောင့် အသံထိခိုက်လာချိန်မှာပဲ သူ့နေရာကို ဝင်ယူမယ့် ပြိုင်ဘက် ပေါ်လာတယ်။ အဲဒီသူကတော့ ကိုယ်တိုင်လည်း နာမည်ကြီးလာပြီဖြစ်တဲ့ ရိုစ့်ပါပဲ။ ဒီလို မတည့်ကြတဲ့ နှစ်ယောက်ကို ရုပ်သံလိုင်းသူဌေးက စိန်ခေါ်မှုတစ်ခု ပေးလိုက်ပါတယ်။ လုပ်ကြံမှု ၉၉ ကြိမ်ကနေ အသက်ရှင်လွတ်မြောက်ခဲ့ပြီး အိမ်ထဲမှာပဲ နေနေတဲ့ ဖိလစ်ပိုင်နိုင်ငံရဲ့ အချမ်းသာဆုံးသူဌေးကြီးကို အင်တာဗျူးရအောင် လုပ်နိုင်သူက အဲဒီနေရာကို ရမယ်တဲ့။ အရင်က လက်တွဲဖော်တွေဖြစ်ခဲ့တဲ့ ဂျက်နဲ့ ရိုစ့်တို့ ဒီတစ်ခါ ပြိုင်ဘက်တွေအဖြစ် ဘယ်လို ရင်ဆိုင်ကြမလဲဆိုတာကို Vice Ganda နဲ့ Ivana တို့ ပါဝင်ထားတဲ့ ဖိလစ်ပိုင်အက်ရှင်ဟာသဇာတ်ကားမှာ ဆက်ကြည့်ရမှာပါ။