Marc Forget ပါဝင်သော ဇာတ်ကားများ

This Time (2023) IMDb Rating (7.4) ဒီဇာတ်ကားက "Before Sunset" ဒါမှမဟုတ် "Past Lives" လိုမျိုး ငြိမ့်ငြိမ့်ညောင်းညောင်းနဲ့ ရင်ထဲထိမယ့် အချစ်ဇာတ်လမ်းမျိုး ကြိုက်တဲ့သူအတွက် အကြိုက်တွေ့စေမယ့်ကားပါ။ အချစ်ဦးနဲ့ ပြန်ဆုံရင် ဘာဖြစ်မလဲ" ဆိုတဲ့ လူတိုင်းရဲ့ စိတ်ကူးယဉ်အိပ်မက်ကို ပုံဖော်ထားလို့ ကြည့်ရှုသူတိုင်းကို ရင်ခုန်စေမှာပဲ။ Laela နဲ့ Colin တို့ဟာ အထက်တန်းကျောင်းတုန်းက တစ်ယောက်ကိုတစ်ယောက် အသည်းအသန် ချစ်ခဲ့ကြတဲ့ ငယ်ချစ်ဦးတွေပါ။ ဒါပေမဲ့ ကံကြမ္မာရဲ့ အလှည့်အပြောင်းကြောင့် သူတို့နှစ်ဦးဟာ အဆက်အသွယ်ပြတ်ပြီး ဝေးကွာသွားခဲ့ကြတယ်။ နှစ်ပေါင်း ၂၀ ကြာပြီးတဲ့နောက်မှာတော့ သူတို့နှစ်ဦးဟာ မမျှော်လင့်ဘဲ ပြန်လည်ဆုံတွေ့ခဲ့ကြပါတယ်။ အချိန်တွေအကြာကြီး ကွာဝေးသွားခဲ့ပေမဲ့ သူတို့နှစ်ဦးကြားကဆွဲဆောင်မှုနဲ့ သံယောဇဉ်တွေကတော့ လျော့ပါးမသွားခဲ့ပါဘူး။ ဒီတစ်ကြိမ်မှာရော သူတို့ဟာ အတိတ်ကအမှားတွေကို ပြင်ဆင်ပြီး အချစ်သစ်ကို ပြန်လည်တည်ဆောက်နိုင်မလား? ဒါမှမဟုတ် အချိန်တွေက သူတို့ကို အရမ်းဝေးကွာသွားစေခဲ့ပြီလား ဆိုတာကို ရိုက်ကူးထားတဲ့ လွမ်းဆွေ့ကြည်နူးစရာအချစ်ကားလေးပဲဖြစ်ပါတယ် File size… (2.4 GB) / (930 MB) Quality…. WEB-DL 1080p HEVC / 720p Format…. mkv/mp4 Genre…. Drama,Romance Duration…. 01:29:34 Subtitle…. Myanmar Subtitle (Hardsub)

ကော့ထ်ဂျန်ထရီဟာ လူသတ်မှုနဲ့ နှစ်ရှည်ထောင်ဒဏ်ကျနေသူပါ။ တစ်နေ့မှာ စီအိုင်အေရဲ့ လျှို့ဝှက်တရားမဝင် စစ်ဆင်ရေးတွေမှာ အလုပ်လုပ်ပေးဖို့ အပေးအယူရပြီး ထောင်က လွတ်လာခဲ့တယ်။ အဲဒီနောက် အေးဂျင့်လောကမှာ Six ဆိုတဲ့နာမည်နဲ့ လူသိများလာပါတယ်။ တစ်ရက်မှာတော့ သူလုပ်ကြံရတဲ့ ပစ်မှတ်ဆီက မရသင့်တဲ့အချက်အလက်တွေ ရသွားခဲ့တယ်။ အဲဒီအခါ ကိုယ့်အဖွဲ့အစည်းကပါ သူ့ကို ပြန်လိုက်သတ်လာလို့ ထွက်ပြေးရတော့တာပါ။ သူ့နောက်ကို တရားမဝင် လိုက်သတ်ဖို့ အေဂျင်စီက ငှားလိုက်သူက နာမည်ဆိုးနဲ့ကျော်ကြားတဲ့ ကြေးစား လွိုက်ဟန်ဆန် ဖြစ်ပါတယ်။ Six အဖြစ် ရိုင်ယန်ဂို့စလင်းနဲ့ လွိုက်ဟန်ဆန်အဖြစ် ခရစ်စ် အီဗန်တို့ သရုပ်ဆောင်ထားပြီး နှစ်ယောက်ကြား အပြန်အလှန် လိုက်လံတိုက်ခိုက်ကြတဲ့ အက်ရှင်ဇာတ်လမ်းပါ။ နက်ဖလစ်ရဲ့ ဒီရုပ်ရှင်ကို ရက်ဆိုညီအစ်ကိုက ရိုက်ကူးထားပြီး အဗန်ဂျာဇာတ်ကားတွေရဲ့ ဇာတ်ညွှန်းဆရာတွေက ရေးသားထားပါတယ်။ အန်နာ ဒီအာမက်စ်၊ ဂျက်ဆီကာဟန်းဝစ်နဲ့ တမီးလ်သရုပ်ဆောင် Dhanush တို့လည်း ပါဝင်ထားပါတယ်။

ပြင်သစ်နိုင်ငံက လမန်းစ်ကားပြိုင်ပွဲဟာ ပြိုင်ကားထုတ်လုပ်သူတွေအတွက် ကိုယ့်ကားရဲ့ အရည်အသွေးကို သက်သေပြရတဲ့ အရေးကြီးပြိုင်ပွဲတစ်ခုပါ။ ပတ်လမ်းပေါ်မှာ ၂၄ နာရီတိတိ မောင်းနှင်ယှဉ်ပြိုင်ကြရပြီး တစ်နာရီ မိုင် ၂၀၀ ဝန်းကျင် အမြန်နှုန်းနဲ့ တစ်ပတ်ပြီးတစ်ပတ် ပတ်နေရတယ်။ အမြန်နှုန်းတင်မက ခံနိုင်ရည်နဲ့ စိတ်ချရမှုကိုပါ စမ်းသပ်ရသလို အသက်အန္တရာယ်လည်း များပါတယ်။ ဒီပြိုင်ပွဲမှာ ခြောက်နှစ်ဆက် ဗိုလ်စွဲထားတဲ့ ဖရာရီက အဲဒီအချိန် ပြိုင်ကားလောကရဲ့ အင်အားကြီးကုမ္ပဏီ ဖြစ်နေတယ်။ ဖို့ဒ်က အီတလီကားကုမ္ပဏီ ဖရာရီကို ဝယ်ယူဖို့ ကြိုးစားတဲ့အခါ ပိုင်ရှင်အန်ဇိုက စော်ကားတဲ့စကားတွေနဲ့ ငြင်းပယ်လိုက်ပါတယ်။ အဲဒီနောက် ဒုတိယမြောက် ဟင်နရီဖို့ဒ်ဟာ ငွေအမြောက်အမြားသုံးပြီး ကျွမ်းကျင်သူတွေကို စုစည်းကာ လမန်းစ်မှာ ဖရာရီကို အနိုင်ယူနိုင်မယ့် ပြိုင်ကားတစ်စီး တည်ဆောက်ဖို့ ဆုံးဖြတ်လိုက်တယ်။ ဒီတာဝန်ကို လမန်းစ်မှာ အနိုင်ရဖူးတဲ့ ကယ်ရိုးရှဲလ်ဘီနဲ့ သူ့မိတ်ဆွေ ကင်မိုင်းစ်တို့က ယူကြရပါတယ်။ ကင်မိုင်းစ်ကတော့ လူတွေနဲ့ အလွယ်တကူ အဆင်ပြေတတ်သူမျိုး မဟုတ်ဘူး။ ဖြစ်နိုင်ခြေနည်းတဲ့ ဒီရည်မှန်းချက်အတွက် နှစ်ယောက်သား ဖို့ဒ်ပြိုင်ကားကို ကိုယ်တိုင်တည်ဆောက်ပြီး ဖရာရီကို ယှဉ်ပြိုင်အနိုင်ယူဖို့ ကြိုးစားကြတယ်။ မက်ဒေမွန်နဲ့ ခရစ်ရှန်ဘေးတို့ ပါဝင်သရုပ်ဆောင်ထားပါတယ်။

ကားနာမည်ဖတ်ရုံနဲ့တင် ဇတ်အိမ်ကိုအကဲခတ်လို့ရလောက်ပါပြီ မိသားစုတစ်စု ယောက်ျားကအလုပ်များတဲ့လုပ်ငန်းရှင်တစ်ယောက် မိန်းမက မလုပ်လည်းအိမ်မှာထိုင်နေလို့ရတဲ့အလုပ်တစ်ခုရှိတယ် သားကကျောင်းနေအရွယ် မနက်မိုးလင်းရင် အမျိုးသားနဲ့သားက အလုပ်နဲ့ကျောင်းကိုသွား တစ်ရက်မမျှော်လင့်ပဲ အမျိုးသမီးက ပြစ်သစ်လူမျိုးခပ်ချောချောကောင်လေးနဲ့ဆုံခဲ့မိတယ် ဒီကားအကြောင်းကို ဆက်မပြောခင် ကျနော်တို့ဘဝမှာ အိမ်ထောင်ရေးဖောက်ပြန်တာတွေ မိန်းမ တိတ်တိတ်ပုန်းဖောက်ပြန်တာ ယောင်္ကျားက ဖောက်ပြန်တာ တွေဒုနဲ့ဒေး ကြားနေရတယ် ကလေးမျက်နှာကိုထောက်ထားပြီး အိမ်ထောင်ရေးမပြိုကွဲစေဖို့ ဟန်ချက်ညီအောင်ပြန်လည်ထိန်းသိမ်းကြတာမျိုးရှိသလို စိတ်အလိုလိုက်ပြီး ဖောက်ပြန်တယ်သူတွေကို အမှုတွေကျူးလွန်ခဲ့တာတွေလည်းရှိပါတယ် ဒါတွေအားလုံးဟာ ugly truthဆိုတဲ့အကျဉ်းတန်အမှန်တရား ပါ 18+ဇတ်ဝင်ခန်းဆိုတာလည်း အိမ်ထောင်ရေးဇတ်ကားအနေနဲ့ အတော်များများပါပေမဲ့ ဇတ်အိမ်လည်းခိုင် ပီပီပြင်ပြင်သရုပ်ဆောင်ချက်တွေကြောင့် Hollywood မှာတန်းဝင်အိမ်ထောင်ရေးကားဖြစ်ပေမဲ့ တစ်ချို့သူတွေအတွက်တော့ အတော်လေးအောင့်သီးအောင့်သက်နိုင်မဲ့ကားတစ်ကားပါ ဒါပေမဲ့ ugly truth ဆိုတဲ့အကျဉ်းတန်အမှန်တရားပါပဲ ဆွဲဆောင်မှုအရှိဆုံးမင်းသားလို့သတ်မှတ်ခံရဖူးတဲ့ RICHAD GERE မင်းသမီး DIANE LANEတို့ပါဝင် သရုပ်ဆောင်ထားပါတယ် သူမရဲ့သရုပ်ဆောင်ချက်တွေက ချီးကျူးရမှာဖြစ်ပါတယ် ဆွဲဆောင်မှုရှိပြီး မှားနေမှန်းသိရက်နဲ့ ရှေ့ဆက်ဇွတ်တိုးပြီး ကိုယ့်ကိုယ် ကိုယ်ပြန်မုန်းမိနေတဲ့ အိမ်ထောင်သည်တစ်ယောက်ရဲ့ခံစားချက်တွေကပီပြင်လွန်းပါတယ် ဗျာများနေတဲ့အိမ်ထောင်ရှင် RICHAD GEREရဲ့ သရုပ်ဆောင်ချက်တွေကိုလည်း ပီပီပြင်ပြင်တွေ့ရမှာဖြစ်ပါတယ် ဒီလောက်ဆိုရင်လုံလောက်ပြီလို့ ထင်ပါတယ်အကျဉ်းတန် အမှန်တရားလေးကိုခံစားပေးကြပါဦးလို့ (ဇာတ်ကားအညွန်းနဲ့ ဘာသာပြန်ကတော့ အမည်မဖော်လိုသူပဲ ဖြစ်ပါတယ်) @joker