Mathew Wilkinson ပါဝင်သော ဇာတ်ကားများ

Storm Warning (2007) IMDb Rating (5.8) / Rotten Tomatoes (38%) စနေတနင်္ဂနွေအားလပ်ရက်မှာ လှေစီးပြီးအပန်းဖြေခရီးထွက်လာတဲ့ ရော့ဘ်နဲ့ ပီယာတို့လင်မယားဟာရေထဲမှာလမ်းပျောက်ပြီး မျက်စိရှေ့မှာတွေ့တဲ့ ကမ်းနားကိုကပ်မိရာကနေ လူသူမနီးတဲ့တောအုပ်ထဲက အိမ်တစ်လုံးကိုရောက်ရှိသွားခဲ့ပါတယ်။ ဂိုထောင်တစ်ခုထဲမှာစိုက်ပျိုးထားတဲ့ဆေးခြောက်ခင်းကြီးက အိမ်ရှင်တွေဟာ သူတို့ရောက်လာတာကိုကြိုဆိုမှာမဟုတ်ဘူးဆိုတာ အရိပ်အမြွက်ပြသလိုမျိုးရှိနေလို့ အမြန်ပြန်ထွက်ဖို့ကြိုးစားခဲ့ပေမယ့် စိတ်မူမှန်ပုံမရတဲ့အစွန်းရောက်လူရမ်းကား တောသားတွေဖြစ်တဲ့ ဘရက်၊ ဂျင်မီတို့အပြင် သူတို့ထက်ပိုပြီး ရက်စက်ကြမ်းကြုတ်တဲ့ဖခင်ဖြစ်သူ ပြန်ရောက်လာတာနဲ့ ပက်ပင်းတိုးချိန်မှာတော့ သူတို့ဟာ ဘ၀မှာတစ်ခါမှမကြုံဖူးတဲ့ အရှက်ခွဲမှု၊ နှိပ်စက်မှုစော်ကားမှုတွေကို ငုံ့ခံရပါတော့တယ်။ ဒီသားအဖတွေဟာ သူတို့ကိုအသက်ရှင်လျက်လွှတ်ပေးဖို့ အစီအစဉ်မရှိဘူးဆိုတာတစ်ဖြည်းဖြည်းနားလည်လာတာနဲ့အမျှ ရော့ဘ်နဲ့ပီယာတို့ဟာ အသက်ရှင်ဖို့ 'ဘာမဆို' လုပ်ရမယ်ဆိုတာ သဘောပေါက်သွားခဲ့ကြပါတယ်။ 'ဘာမဆို' ဆိုတဲ့စကားဟာ ဘယ်လောက်အထိ တာသွားလဲ? ဘယ်နေရာအထိအကန့်အသတ်ရှိမလဲ? ဘယ်လောက်အစွန်းရောက်အောင် သွားကြရမလဲ? ဇာတ်လမ်းရဲ့ (Pacing), ကြောက်စရာကောင်းလောက်အောင်ပီပြင်တဲ့ ဇာတ်ဆောင်တွေရဲ့သရုပ်ဆောင်ချက်နဲ့တကွ ဇာတ်လမ်းရဲ့Tension ကိုတစ်ဆင့်ချင်းမြှင့်တင်သွားပုံတွေအရရော သွေးထွက်သံယိုအထူးပြုလုပ်ချက်တွေအားလုံးက တစ်ခုနဲ့တစ်ခု ပြည့်စုံအောင်အထောက်အကူပြုသွားနိုင်ခဲ့ပါတယ်။ လူသားတွေရဲ့ရက်စက်ယုတ်မာမှု၊ စိတ္တဇတွေကိုပြတဲ့နေရာမှာတော့ အတော်လေးအစွန်းရောက်တဲ့ဇာတ်ကားဖြစ်တဲ့အတွက် ကြည့်ရှုသူအနေနဲ့စိတ်ပိုင်းဆိုင်ရာပြင်ဆင်ထားဖို့လိုအပ်ပါလိမ့်မယ်။ File size… (2.5 GB) / (1.2 GB) Quality…. Blu-Ray 1080p HEVC / 720p Format…. mkv/mp4 Genre…. Horror,Thriller Duration…. 01:26:42 Subtitle…. Myanmar Subtitle (Hardsub)

မီးတောက်နေတဲ့ အရိုးခေါင်းနဲ့ ဆိုင်ကယ်စီးတဲ့ Marvel ဇာတ်ကောင် Ghost Rider တွေထဲမှာ ဂျော်နီဘလေ့ဇ်က ထင်ရှားသူတစ်ယောက်ပါ။ ၂၀၀၇ ခုနှစ်ထွက် ဒီဇာတ်ကားမှာ Nicolas Cage က ဂျော်နီအဖြစ် သရုပ်ဆောင်ထားပြီး သူ Ghost Rider ဖြစ်လာပုံကို အစကနေ ပြထားပါတယ်။ ကင်ဆာကြောင့် သေခါနီးဖြစ်နေတဲ့ အဖေကို ကယ်ဖို့ ဂျော်နီက ကိုယ့်ဝိညာဉ်ကို နတ်ဆိုးဆီ ရောင်းခဲ့တယ်။ နတ်ဆိုးက စာချုပ်အတိုင်း အဖေ့ရဲ့ကင်ဆာကို ကုပေးခဲ့ပေမယ့် ဂျော်နီမှာ နှောင်ကြိုးမရှိစေချင်တာကြောင့် အဖေ့ကို ချက်ချင်းပဲ သတ်ပစ်လိုက်ပါတယ်။ ပြီးတော့ လိုအပ်တဲ့အခါ ပြန်လာရှာမယ်လို့ ပြောပြီး ပျောက်သွားခဲ့တယ်။ အဖေ အချိန်မတိုင်ခင် သေဆုံးခဲ့ရတာ ကိုယ့်ကြောင့်လို့ ယူဆတဲ့ ဂျော်နီဟာ နောင်တနဲ့ ဆက်ရှင်သန်နေရပါတယ်။ သေသွားလည်း မထူးတော့ဘူးဆိုတဲ့ စိတ်နဲ့ အန္တရာယ်များတဲ့ စတန့်တွေ လုပ်ရင်း နာမည်ကြီးလာတယ်။ အရာရာ ပြန်အဆင်ပြေလာပြီလို့ ထင်ရတဲ့ တစ်နေ့မှာတော့ နတ်ဆိုးက သူ့ဆီ ပြန်ရောက်လာပါတယ်။

နည်းပညာတွေတိုးတက်လာတဲ့ ခေတ်မှာ လူနဲ့လုပ်ဆောင်သောအရာတွေကို စက်တွေအစားထိုးပြီးလုပ်ဆောင်လာကြပါပြီ.... အထူးသဖြင့် စစ်မြေပြင်တိုက်ပွဲတွေမှာ လူသားစစ်သားတွေ အသေကြေနည်းပါးအောင်လျော့ချဖို့အတွက် အသုံးပြုလာကြပါတယ်... ဒီထဲမှာမှ ရေတပ်စစ်သဘောၤၤအုပ်စုတစ်ခုမှာ အသံထက်မြန်အောင် မောင်းနှင်နိုင်တဲ့ ဂျက်လေယာဉ်အုပ်စုတစ်ခုရဲ့ ၄ ယောက်မြောက်အဖွဲ့ဝင်အဖြစ် လူသားကဲ့သို့အသိဉာဏ်ရှိတဲ့ မောင်းသူမဲ့တိုက်လေယာဉ်တစ်စင်းကို အသုံးပြုဖို့အတွက် အကြောင်းဖန်လာပါတော့တယ်.... EDI လို့အမည်ပေးထားတဲ့ စွမ်းအားမြင့်မောင်းသူမဲ့လေယာဉ်ဟာ  အနာဂါတ်စစ်ပွဲတွေမှာ စိုးမိုးနိုင်ဖို့အတွက် ဖန်တီးထားတာဖြစ်ပြီးတော့ သူ့အတွက်လိုအပ်တဲ့တိုက်ခိုက်ရေးအချက်လက်တွေကို  ထည့်ပေးလိုက်ရုံနဲ့ သူကိုယ်တိုင် ရှာဖွေဝင်ရောက်နိုင်စွမ်းလည်းရှိပါတယ်.... တခြားတိုက်လေယာဉ်တွေနဲ့မတူတာကတော့ သူဟာ လူသားတစ်ယောက်နီးပါး ခံစားတတ်ပါတယ်... သို့ပါသော်ငြားလည်း သူဟာ လူသားတွေဖန်တီးတီထွင်ထားတဲ့ စက်ပစ္စည်းတစ်ခုသာဖြစ်ပါတယ်... စက်ပစ္စည်းတစ်ခုဖြစ်တာကြောင့် နည်းပညာပိုင်းအခက်ခဲတွေရှိတယ်လို့ မထင်စေလိုပါဘူး...ဘာလို့လဲဆိုတော့ သူဟာ အမိန့်ကိုတိကျစွာလိုက်နာနိုင်ပါတယ်... ဒါကြောင့်လည်း စစ်ဆင်ရေးတစ်ခုမှာ ချပေးလိုက်တဲ့အမိန့်တစ်ခုကို တိကျစွာလိုက်နာဆောင်ရွက်နေရင်းကနေ  သူ့ရဲ့တွဲဖက်လေယာဉ်မှုးသုံးယောက်လုံး ကံကြမ္ပာဆိုးကျရောက်ဖို့စတင်လာပါတော့တယ်.... အသေးစိတ်ကိုတော့ ကိုယ်တိုင်ကြည့်ရင်းခံစားကြပါ... ဒီကားရဲ့ထူးခြားချက်ကတော့ မြန်မာဆိုတဲ့ ကျွန်တော်တို့ရဲ့နိုင်ငံလည်းပါနေတာပါပဲ... ကားတိုင်းကားတိုင်းမှာ ကိုယ့်နိုင်ငံပါနေရင်ပဲလူတိုင်းကကြည့်ချင်နေကြပါပြီ... Rating 5 ၂၀၀၅ ခုနှစ်ကထွက်ထားတဲ့ကားမို့အထင်မသေးစေချင်ပါဘူး... ဇာတ်ကားတစ်ကားရဲ့ကောင်းကွက်ဆိုးကွက်တွေကို ကြည့်သူတွေကပဲ ဆုံးဖြတ်ပေးလိုက်ကြပါဦး...... ကားကောင်းလေးတစ်ကားလို့ထင်မြင်မိပါတယ်...... File Size : (951MB) and (277 MB) Quality : BluRay 720p Running Time : 2h 01 min Format : Mp4 Genre :  Action , Sci-Fi , Adventure Subtitle : Myanmar Subtitle (Hard Sub) Translated by Zuri Encoded by Moe Myint Lwin

ဒေါက်တာ ဗလာဒီမာဟိုနိုဗစ်ဟာ အဖျက်စွမ်းအားကြီးမားတဲ့ ကိုက်မယ်ရာဆိုတဲ့ ဗိုင်းရပ်စ်တစ်မျိုးကို မှားယွင်းတီထွင်မိခဲ့ပါတယ်။ ကိုယ့်အမှားကို သိလိုက်တဲ့နောက် ဖြေဆေးကိုပါ ပြန်တီထွင်ထားတယ်။ ဒီဗိုင်းရပ်စ်ကို မသမာသူတွေ လိုချင်နေမှန်း သိလာတဲ့အခါ ဗိုင်းရပ်စ်နဲ့ ဖြေဆေးကို ယူပြီး အဝေးကို ထွက်သွားဖို့ ကြိုးစားပါတယ်။ အဲဒီအတွက် သူအယုံကြည်ရဆုံး IMF အေးဂျင့် အီသန်ဟန့်ဆီ အကူအညီတောင်းခဲ့တယ်။ ဖြစ်ချင်တော့ အီသန်က အားလပ်ရက်ယူထားပြီး IMF ကလည်း သူ့ကို ရှာမတွေ့ဖြစ်နေပါတယ်။ ဒါကြောင့် တခြားတစ်ယောက်ကို အီသန်ရဲ့မျက်နှာဖုံးတပ်ပေးပြီး လူစားထိုးစေလွှတ်လိုက်တယ်။ ဒါပေမဲ့ အဲဒီလူက လောဘတက်ပြီး သစ္စာဖောက်သွားတဲ့အခါ ဗိုင်းရပ်စ်ကို ပြန်ရယူဖို့ အီသန်ကိုယ်တိုင် လှုပ်ရှားရပါတော့တယ်။ Tom Cruise ပါဝင်တဲ့ Mission: Impossible ဇာတ်ကားတွဲရဲ့ ဒုတိယကားပါ။

ဂျင်မီဟာ ကလပ်တစ်ခုမှာ အလုပ်လုပ်တဲ့ ကောင်လေးပါ။ တစ်နေ့မှာ နယ်မြေခံဂိုဏ်းစတားတစ်ယောက်က သူ့ငွေတွေကို သွားပို့ပေးဖို့ ဂျင်မီကို ခိုင်းလိုက်ပါတယ်။ ပို့ရမယ့်နေရာကို ရောက်သွားပေမဲ့ ငွေလက်ခံမယ့်သူက အိမ်ထဲက ထွက်မလာတော့ ဂျင်မီက အချိန်ဖြုန်းရင်း ရေသွားကူးတယ်။ အဲဒီအချိန်မှာပဲ ငွေတွေ အလစ်သုတ်ခံလိုက်ရပါတယ်။ ဒီငွေတွေကို ပြန်မပေးနိုင်ရင် အသတ်ခံရတော့မှာမို့ ဂျင်မီတစ်ယောက် ကြံမိကြံရာ ကြိုးစားရပါတော့တယ်။ Heath Ledger ပါဝင်ထားတဲ့ ဒီမှုခင်းဒရာမာမှာ ငွေပျောက်သွားတဲ့ကိစ္စကနေ စပြီး ကံတရားအလှည့်အပြောင်းတွေကြား ဂျင်မီ ဘယ်လိုရုန်းကန်ရမလဲဆိုတာကို ဆက်ပြထားပါတယ်။