Matt Dillon ပါဝင်သော ဇာတ်ကားများ

"အချစ်ကျူးတော့ရူး" ဆိုတဲ့စကားပုံကို သရုပ်ဖော်ပြသသွားတဲ့ လှပတဲ့ပန်းချီကားလေးတစ်ချပ်ကနေ အကျည်းတန်တဲ့မြင်ကွင်းတွေ အဖြစ်ပြောင်းလဲသွားရတဲ့ အချစ်ဒရာမာဇာတ်ကားကောင်းလေး တစ်ကားကိုတင်ဆက်ပေးလိုက်ပါတယ် ဇာတ်ကားနာမည်ကတော့ Haunted Heart ဖြစ်ပြီး လက်ရှိ IMDb Rating 5.1 အထိရရှိ ထားပါတယ်။သရုပ်ဆောင်တွေအနေနဲ့လည်း အရင်ခေတ်တုန်းက အောင်မြင်ကျော်ကြားခဲ့တဲ့မင်းသားချောတစ်လက်ဖြစ်တဲ့ Matt Dillon နဲ့ အက်ရှင် သည်းထိပ်ရင်ဖို ဒရာမာကျရာဇာတ်ရုံပီပြင်အောင်သရုပ်ဆောင် နိုင်တဲ့မင်းသမီး Aida Folch တို့ပါဝင်သရုပ်ဆောင်ထားတဲ့အတွက် Casting ပိုင်းကလည်းပြောနေစရာကိုလိုမှာမဟုတ်ပါဘူး။ ဒီဇာတ်လမ်းလေးရဲ့အစကတော့ အဲလက်စ်ဆိုတဲ့ကောင်မလေးတစ်ယောက် အသိတစ်ယောက်ရဲ့အဆက်အသွယ်နဲ့ဂရိမှာရှိတဲ့ ကျွန်းလေးတစ်ကျွန်းပေါ်က စားသောက်ဆိုင်မှာဧည့်ကြိုအနေနဲ့အလုပ်လျှောက်ဖို့လာရာကနေစတာပါပဲ။ ဖြစ်ချင်တော့ရောက်သွားတဲ့အခါမှာ သူ့အသိကရှိမနေတော့တဲ့အပြင် အကြောင်းအမျိုးမျိုးကြောင့် တစ်ပတ်လောက်တောင်နောက်ကျပြီး ရောက်လာခဲ့တယ်ဆိုတော့ ဧည့်ကြိုရာထူးကတော့သူ့အတွက်မဖြစ်နိုင် တော့ပါဘူး။ဒါပေမယ့်စားပွဲထိုးနေရာလွတ်သေးတဲ့အပြင် အဲလက်စ်မှာလည်း နောက်ပြန်လှည့်လို့မရတဲ့အခြေအနေဖြစ်နေတဲ့အတွက် ဆိုင်ပိုင်ရှင်မက်စ်နဲ့ ညှိနှိုင်းပြီးပဲ အလုပ်ဝင်လုပ်ဖြစ်ခဲ့ပါတော့တယ်။ဒီလိုနဲ့ကြာလာတော့ အဲလက်စ်နဲ့ မက်စ်တို့လည်းရင်းနှီးသွားပြီး အချစ်ကြိုးတွေသွယ်လာခဲ့ရာမှ ဘယ်သူက အချစ်ကြီးတတ်ပြီး အငြိုးကြီးတဲ့လူဖြစ်နေမလဲဆိုတာတွေကို စိတ်ဝင်စားစရာ ဒရာမာဇာတ်လမ်းလှလှလေးနဲ့ သည်းထိပ်ရင်ဖိုအနည်းငယ်ကိုပေါင်းစပ် ရိုက်ကူးထားတဲ့ ဇာတ်ကားကောင်းလေးတစ်ကားပဲဖြစ်ပါတယ်။ File size… (1.37GB) Quality… WEB-DL 1080p HEVC Format…mkv / mp4 Duration….2h 8m Genre ….. Romance , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Being Maria (2024) IMDb Rating (6.1) / Rotten Tomatoes (67%) ဒီပြင်သစ် ဘိုင်အိုဂရပ်ဖီတစ်ခြမ်း psychological dramaတစ်ခြမ်း ရုပ်ရှင်က မာလွန်ဘရန်ဒိုနဲ့အတူ The Last Tango In Parisဆိုတဲ့ နာမည်ကျော်ရုပ်ရှင်မှာ သရုပ်ဆောင်ခဲ့တဲ့ မင်းသမီးMaria Schneiderရဲ့ ဖြတ်သန်းမှုကို ရိုက်ပြထားတယ်။ ပြောရရင် The Last Tango ရိုက်တုန်းက သူ့ခေတ်သူ့အခါအရ ဒီရုပ်ရှင်က လိင်မှုခန်းတွေက အရမ်းကြမ်းတမ်းနေခဲ့လို့ ဝေဖန်ခံခဲ့ရတယ်။ ဒါရိုက်တာကလည်း ပြင်သစ်ကနေထွက်သွားသလို ဘရန်ဒိုကလည်း သူ့အရပ်သူပြန်သွားတဲ့နောက် မင်းသမီးကပဲ ဒီဝေဖန်မှုတွေကို ခါးစည်းခံခဲ့ရတဲ့အကြောင်းကိုလည်း ပြထားတယ်။ ဒီလိုအဖြစ်တွေက Lust Cautionနဲ့ ထျန်းဝေလည်းဖြစ်ခဲ့ဖူးသလို တော်တော်များများလည်း ဖြစ်ခဲ့တဲ့ကိစ္စတွေပါပဲ။ ဒီလိုအဖြစ်တွေမှာ မင်းသမီးတွေ ဘယ်လိုခါးစည်းခံရလဲ ဘယ်လိုပြိုလဲကျလဲ ဒီရုပ်ရှင်မှာ ကျွန်တော်တို့ မြင်ရမှာပါ။ မာရီယာဆိုတဲ့ ဆယ်ကျော်သက်မလေး မင်းသမီးဖြစ်ချင်ခဲ့တာကနေ မင်းသမီးဖြစ်လာပြီး သူရင်ဆိုင်ရတဲ့အခက်အခဲတွေအထိကို ပြထားပါတယ်။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(2.5 GB) / (880 MB) Quality….WEB-DL 1080p HEVC / 720p Format…. mkv/mp4 Genre….Biography, Drama, History Duration….01:43:49 Subtitle….Myanmar Subtitle (Hardsub) Encoder….Benjamin Translated by W

GoT ထဲက အကျော်အမော် တိုင်ရီယွန်လန်နစ်စတာသရုပ်ဆောင် Peter Dinklageရဲ့ ပြောင်မြောက်တဲ့ သရုပ်ဆောင်မှုကို ထပ်မံမြင်တွေ့ရမယ့်ဇာတ်ကားလေးတစ်ကားဖြစ်ပါတယ်။ ဇာတ်လမ်းလေးကလည်း ရိုးရှင်းရှင်းလေးကိုမှ cinematography တွေလည်းလှ ကြည့်ရင်းကြည့်ရင်း စီးမျှောခံစားလို့ကောင်းဦးမှာပါပဲ။ ဇာတ်လမ်းအကျဥ်းကိုပြောပြရရင် ဖီးလစ်ဟာ စီးပွားရေးပညာ၊ ဘောဂဗေဒကို သင်ကြားပေးတဲ့ ပရော်ဖက်ဆာတစ်ယောက် ဖြစ်ပေမယ့် သူ့ရဲ့ ကြွယ်ဝချမ်းသာမှုကတော့ ထင်သလောက် မကောင်းရှာပါဘူး။ တက္ကသိုလ်မှာ ပရော်ဖက်ဆာတစ်ယောက်ဖြစ်နေပေမယ့် အိမ်လေးတစ်လုံးဝယ်နိုင်ဖို့တောင် အနိုင်အနိုင်စုဆောင်း နေရတဲ့ဘဝ၊ စိတ်ကူးယဥ်နေရတဲ့ဘဝပေါ့။ သို့ပေမယ့် ဖီးလစ်ဟာ အိပ်မက်ဆိုတာ တကယ်ဖြစ်လာ နိုင်ကြောင်းယုံကြည်သူ၊ ဇွဲမလျှော့သူပါ။သူလိုချင်တဲ့ အိမ်လေးကိုလည်းရကိုရရမယ်ဆိုတဲ့စိတ်ကူးလည်းအပြည့်ပေါ့။ ကံကောင်းချင်တော့ သူ့အိပ်မက်ထဲက အိမ်လေးတစ်လုံး စျေးချိုချိုနဲ့သွားတွေ့ပါတယ်... ဒါကြောင့် ရှိသမျှစုဆောင်းငွေတွေအကုန်ထုတ်၊ ပစ္စည်းတွေကားတွေ အကုန်ထုခွဲရောင်းချပြီး ဒီအိမ်လေးကို ဝယ်လိုက်ပါတော့တယ်။ ဝယ်ပြီးခါကျမှ အိမ်ပိုင်ရှင်ရဲ့ အရှုပ်အရှင်းတွေပေါ်လာပြီး တစ်သက်လုံး စုဆောင်းလာသမျှ အကုန်ဆုံးမယ့်ကိန်းကို ဆိုက်လာပါလေရော။ ဖီးလစ်တစ်ယောက် ဖွတ်မရ ဓါးမ ဆုံးဖြစ်မယ့်အရေးကနေ ဘယ်လိုရှင်သန်နေထိုင်သွားမလဲဆိုတာကို comedyလေးတွေနဲ့ ကြည်ကြည်နူးနူးကြည့်လို့ကောင်းမယ့်ကားလေးဖြစ်ပါတယ်။ File size…1.27GB / 549MB Quality…WEB-DL 1080p 5.1CH / 720p Format…mp4 Duration….1h 38m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Themes

~ IMDb - 6.2/10, Rotten Tomatoes - 70% ~ စုံထောက် ဟာသ Series လေးပါ။ A Nightmare on Elm Street 3 က မင်းသမီးကြီး Patricia Arquette, Hitman: Agent 47 က မင်းသား Rupert Friend, Herbie: Fully Loaded က မင်းသား Matt Dillion တို့လို Cast အကြီးစားကြီးတွေပါဝင်သရုပ်ဆောင်ထားပါတယ်။ ဇာတ်လမ်းကတော့ ဆေးမှောင်ခိုကုန်သည် အကြီးစားကြီး ဘဝကနေ အထည်ကြီးပျက်ဖြစ်သွားပြီး ပက်ဂီ နယူးမန်းတစ်ယောက် ဟိုက်ဒီဆက်လို့ခေါ်တဲ့ မြို့လေးက ကောင်းဘွိုင်ခေတ်ပုံစံနဲ့ ခရီးသွားတွေကို ဆွဲဆောင်တဲ့နေရာလေးတစ်ခုမှာ ဖျော်ဖြေသူတစ်ယောက်အနေနဲ့ အသက်ဆက်နေရပါတယ်။ ငွေက မရှိ မောင်နှမတွေကို မလေးစားတဲ့ အခြေမဲ့အနေမဲ့ ဘဝကို ရောက်နေတာပေါ့။ အဲဒီအချိန်မှာ လုပ်ဖော်ကိုင်ဖက်တစ်ယောက်ရဲ့ ပြဿနာကို လိုက်ဖြေရှင်းပေးဖို့ လုပ်ရင်းကနေ အလွတ်စုံထောက်လုပ်ဖို့ စိတ်ကူးရသွားပါတော့တယ်။ လူရည်လည်သလောက် ဗဟုသုတကများတဲ့ ပက်ဂီနယူးမန်း ဘာလိုလိုနဲ့ အလွတ်စုံထောက် ရုံးခန်းမှာ ကိုယ့်ဘာသာ အလုပ်နေရာဝင်ယူပြီး ကိုယ့်ဘာသာ ရှာလာတဲ့ အမှုတွေကို ရှင်းရတာကို ဟာသနှောပြီး တင်ဆက်ပြထားတာကို ခွီနေရမယ့် စီးရီးကောင်းပါပဲ။ (ဒီစီးရီးကို အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 450MB Total - 8 Episodes Quality – 1080p Duration ~ 30min (@Episode) Subtitle – Myanmar Hardsub Format – Mp4 Genre : Comedy Source : ATVP.Web-dl.1080p Translator – 666 Encoder – Y

Asteroid City က ပြဇာတ်တစ်ပုဒ်နဲ့ အဲဒီပြဇာတ်နောက်ကွယ်က အကြောင်းတွေကို အပိုင်းသုံးပိုင်းနဲ့ တင်ဆက်ထားတဲ့ Wes Anderson ရဲ့ ရုပ်ရှင်ပါ။ တစ်ပိုင်းမှာ တင်ဆက်သူက ပြဇာတ် ဘယ်လိုဖြစ်ပေါ်လာသလဲဆိုတာ မိတ်ဆက်ပေးတယ်။ နောက်တစ်ပိုင်းမှာ ပြဇာတ်နောက်ကွယ်က သရုပ်ဆောင်တွေရဲ့ ပုံရိပ်တွေနဲ့ အကြောင်းတွေကို ပြထားပြီး ရုပ်ရှင်ရဲ့ အချိန်အများစုမှာတော့ ပြဇာတ်ထဲက ဇာတ်လမ်းကို ကြည့်ရမှာ ဖြစ်ပါတယ်။ ဒီအပိုင်းသုံးခုကို သိထားရင် ဇာတ်လမ်းနောက်ကို လိုက်ရတာ ပိုရှင်းပါလိမ့်မယ်။ Isle of Dogs၊ The Grand Budapest Hotel နဲ့ Moonrise Kingdom တို့ကို ရိုက်ကူးခဲ့တဲ့ ဒါရိုက်တာရဲ့ ဒီကားမှာ Jason Schwartzman၊ Scarlett Johansson၊ Tom Hanks၊ Jeffrey Wright၊ Tilda Swinton၊ Bryan Cranston၊ Edward Norton၊ Adrien Brody၊ Steve Carell၊ Hong Chau နဲ့ Willem Dafoe တို့ ပါဝင်ထားကြပါတယ်။ အချစ်၊ ဟာသနဲ့ ဒရာမာ ရောစပ်ထားပြီး ဇာတ်လမ်းနဲ့ ရိုက်ချက်တွေကို အဓိပ္ပာယ်တစ်မျိုးထက်မက ကောက်ယူနိုင်အောင် တင်ဆက်ထားပါတယ်။

Scarface ရုပ်ရှင်တို့ ကမ္ဘာကျော် လူဆိုးကြီး အယ်ဖွန့်စ် က ပုန်း တို့ကို သိကြတဲ့သူတွေ ရှိမယ်ထင်ပါတယ်။ ဒီရုပ်ရှင်ကလည်း ကပုန်းရဲ့ ဘဝကို သရုပ်ဖော်ထားတာပါပဲ။ ဒါပေမယ့် သူ့ရဲ့ ကြမ်းခဲ့ရမ်းခဲ့တဲ့ ကာလတွေ မဟုတ်တော့ပါဘူး။ အယ်ဖွန့်စ် တစ်ယောက် အခွန်ရှောင်လွှဲမှုနဲ့ ထောင် ၁၀ နှစ် ကျခဲ့ပြီး ပြန်ထွက်လာတဲ့ သူ့ဘဝ နောက်ဆုံးအချိန်တွေ အကြောင်းကို ရိုက်ကူးထားတာပါ။ မင်းသားကတော့ စွယ်စုံရတယ်လို့ ပြောလို့ရတဲ့ နာမည်ကျော်တွေ စာရင်းထဲက တစ်ယောက်ပါပဲ။ တွမ် ဟာဒီ ဖြစ်ပါတယ်။ Bane, Venom, Mad Max တို့ အပါအဝင်ကမ္ဘာကျော်ကားတွေမှ အများကြီးပါပဲ။ ဒီရုပ်ရှင်ထဲမှာလည်း ကာလသားရောဂါကြောင့် ဦးဏှောက်ထိခိုက်တဲ့အပြင် လေပါဖြတ်သွားတဲ့ ဂန်းစတားကြီးတစ်ယောက်ရဲ့ပုံကို ပီပီပြင်ပြင် ပုံဖော်ပြထားပါတယ်။ ဒီရုပ်ရှင်ရဲ့ အဓိက အချက်ကတော့ အယ်လ် ကပုန်း ထောင်မကျခင်မှာ ဝှက်ထားခဲ့တဲ့ဆိုတဲ့ ဒေါ်လာ ၁၀ သန်း ပြဿနာကို အခြေခံထားပါတယ်။ ကပုန်းကို တကယ်ရူးနေတယ်လို့ မယုံသေးဘဲ စောင့်ကြည့်နေတဲ့ အက်ဖ်ဘီအိုင်တွေ၊ သူ့ဘေးက မိတ်ဆွေစစ်တွေ၊ မိတ်ဆွေတုတွေ နဲ့ မိသားစုတွေရဲ့ ဘဝကို ခံစားရမှာဖြစ်ပါတယ်။ အတိတ်အကြောင်းတွေ ဆက်စပ်ပြီး ပါနေတာမို့ Scarface ရုပ်ရှင်လေးကို ကြည့်ထားပြီးမှ ဒါကိုကြည့်ရင် ပိုပြီး နားလည်ခံစားလို့ရမှာပါ။ File Size : ( 969 MB , 355 MB) Quality : WEBRip 720p Running Time : 1 hr 43 min Format : Mp4 Genre :Biography , Crime , Drama  Subtitle : Myanmar Subtitle (Hard Sub) Translated by Little Neo Encoded by Moe Myint Lwin

The House that Jack Built(2018) IMDb: 6.8/10 Rotten Tomatoes: 60% Genre: Psychological Horror/ Psychological Thriller "ဂျက်ခ်တည်ဆောက်ခဲ့တဲ့အိမ်လေး" တဲ့ရုပ်ရှင်ခေါင်းစဉ်က။မသိရင်ပဲ သာယာလှပတဲ့ ရုပ်ရှင်လိုလိုနဲ့။ တကယ်တမ်းဒီရုပ်ရှင်ကအတော်လေးစိတ်ညစ်ဖို့ကောင်းပါတယ်။ တကယ်လည်းကောင်းတဲ့ ရုပ်ရှင်ပဲဖြစ်ပါတယ်။ American Psycho ကြိုက်ရင် ဒီရုပ်ရှင်ကိုသဘောကျမှသေချာပါတယ်။ ကျွန်တော်ကအကျင့်တစ်ခုရှိတယ်။ အဲဒါက ရုပ်ရှင်တစ်ခုကို ဘာသာမပြန်ချင် အဲဒီရုပ်ရှင်နဲ့ပတ်သက်သမျှကို လိုက်ရှာကြည့်တာ။ ရှာကြည့်တော့ တကယ်ပဲ ဒီရုပ်ရှင်က လူကြိုက်များလှပါတယ်။ တချို့ဆိုရင် ရုပ်ရှင်ဝေဖန်ရေးသမားတွေပြောတာကိုနားမယောင်နဲ့။ ဒီရုပ်ရှင်ကိုကြည့်ဖြစ်အောင်ကြည့်လို့ဆိုပါတယ်။ တကယ်ပဲကောင်းတယ်လို့ပြောပါရစေ။ ဇာတ်ညွှန်း ဂျက်ခ် ဟာ OCD ရောဂါခံစားနေရတဲ့ စိတ်ရောဂါရှင် ကွင်းဆက်လူသတ်သမားတစ်ယောက်ဖြစ်ပါတယ်။ သူဟာလူကိုကြုံရင်ကြုံသလိုသတ်နေတဲ့လူတစ်ယောက်လည်းဖြစ်ပါတယ်။ သူဟာလူသတ်ရတာကိုအနုပညာမြောက်တယ်လို့ထင်နေပြီး လူသတ်တာကိုပဲပျော်မွေ့နေတဲ့လူဖြစ်ပါတယ်။ သူ့ရဲ့အယူအဆတွေက တကယ့်လက်တွေ့လောကနဲ့လုံးဝကိုဆန့်ကျင်နေပြီး အတော်လေးလည်းကြောက်ဖို့ကောင်းလှပါတယ်။ သူဘယ်နှစ်ယောက်ထိထပ်ပြီးတော့သတ်နိုင်မှာလဲ။ ဘယ်လိုဆက်ဖြစ်မှာလဲဆိုတာကိုကြည့်လိုက်ပါ။ ကြည့်နေရင်းနဲ့ သူ့ရဲ့အယူအဆတွေကိုတောင်လက်ခံမိမလိုလို ဘာသာပြန်ရင်းဖြစ်သွားပါသေးတယ်။ ဂျက်ခ်အဖြစ်သရုပ်ဆောင်ထားတဲ့ မင်းသား Matt Dillion ဟာလည်းအတော်လေးကိုသရုပ်ဆောင်ကောင်းလှပါတယ်။ ဒီဇာတ်လမ်းလေးကိုတော့ ၁၂ နှစ်တာကာလအတွင်းမှာ သူသတ်ခဲ့တဲ့လူတွေအကြောင်းကိုပြန်ပြောပြတဲ့ပုံစံနဲ့ ဖော်ဆောင်သွားမှာဖြစ်ပါတယ်။ File size…    4.5 GB / 1.5 GB Quality… BluRay 1080p / 720p Format… mp4 Duration…. 2h 32m Genre ..... Crime/Drama/Horror Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

Going in Style (2017) IMDb - 6.6/10 ဒီကားလေးကဘယ်လိုကားလေးလဲဆိုတာမမေးခင်ပါဝင်သရုပ်ဆောင်ထားတဲ့သူတွေကိုပဲအရင်ကြည့်လိုက်ပါ။ စိတ်ဝင်စားစရာဖြစ်မယ်ဆိုတာသိသာပါတယ်ဗျာ။ Now You See Meဇာတ်ကားတွေမှာအပြင်ဇာတ်ကားတော်တော်များများမှာပါဝင်တဲ့ဝါရင့်သရုပ်ဆောင်ကြီးMorgan Freeman၊ အဲဒီNUSMကားထဲမှာပဲMorganနဲ့အတူပါဝင်ခဲ့တဲ့Micheal Caineနှင့် နောက်ထပ်ဝါရင့်သရုပ်ဆောင်Alan Arkinတို့ပါဝင်ပါတယ်။ အဖိုးကြီးသုံးယောက်ပေါင်းလောင်းကျော်ပွဲကြမ်းထားကြတဲ့2017ထွက်ဟာသကားကောင်းလေးဖြစ်ပါတယ်။ ဇာတ်ကြောင်းလေးကတော့အသက်အရွယ်ထောက်လာပြီဖြစ်တဲ့ဝီလီ၊ဂျိုးနဲ့အယ်ဘာ့တ်တို့ သူငယ်ချင်းတတွေငွေကြေးအခက်အခဲတွေနဲ့ရင်ဆိုင်လာရပြီးဘဏ်တွေရဲ့နှိပ်စက်မှုတွေကိုခံနေရပါတယ်။ အဲဒီနောက်သူတို့နှစ်ပေါင်းများစွာအလုပ်လုပ်ပေးခဲ့တဲ့companyဟာပိုင်ရှင်အသစ်လက်ထဲရောက်ပြီးနောက် သူတို့ခံစားနေရတဲ့ပင်စာလစာလေးတွေကိုပါဖျက်သိမ်းတော့မယ်လို့သိလိုက်ရတဲ့အခါမှာတော့ သူတို့ချစ်တဲ့မိသားစုတွေအပေါင်းအသင်းတွေဒုက္ခနဲ့လှလှနဲ့တွေ့ရတော့မယ်ဆိုတာသဘောပေါက်လာကြပါတယ်။ အဲဒီတော့အဖိုးကြီးသုံးယောက်သားဘဏ်ကိုဓါးပြတိုက်ဖို့ဆုံးဖြတ်လိုက်ကြပါတော့တယ်။ အသက်အရွယ်တွေကြီးနေကြပြီဆိုပေမယ့် သုံးယောက်သားဘယ်လိုအချက်ကျကျသေချာစီစဉ်ပြီးပွဲကြမ်းကြမလဲဆိုတာကတော့စိတ်ဝင်စားစရာပါပဲ။ အဲတော့သူတို့သုံးယောက်ဘယ်လိုအခက်အခဲတွေကိုတူတူရင်ဆိုင်ကြမလဲ။ ဘယ်လိုဖြေရှင်းကြမလဲ။ သူတို့လုပ်ဆောင်မယ့်အကြံအစည်တွေအောင်မြင်ပါ့မလား။ ရဲတွေစုံထောက်တွကိုဘယ်လိုနှစ်ကျပ်ကွက်နင်းသွားမလဲဆိုတာကိုဟာသအမြူးလေးတွေနဲ့ရှုစားရမှာဖြစ်ပါတယ်။ တကယ်ကြည့်လို့ကောင်းပြီးစိတ်အမောပြေစေမယ့်ကားကောင်းလေးဖြစ်မယ်ဆိုတာအသေအချာပဲဖြစ်တာမို့ လက်မလွတ်စေဖို့တိုက်တွန်းချင်ပါတယ်။ Ratingအနေနဲ့လဲ6.6 ထိရထားပြီးရုံဝင်ငွေဒေါ်လာ82.1သန်းထိရရှိထားတဲ့ကားလေးဖြစ်ပါတယ်။ ကဲအဖိုးကြီးတွေလေးတေးတေးနဲ့ဘယ်လိုလက်စွမ်းပြကြမလဲဆိုတာတော့ရယ်ရင်းမောရင်းကြည့်လိုက်ရအောင်ဗျာ။ (ဘာသာပြန် သူကတော့ May Tharaphi Twinlay ပါ) File Size : (702 MB) Quality : Webrip 720p Running Time : 1hr 36minutes Format : Mp4 Genre : Comedy,Crime Translated By May Tharaphi Twinlay Encode By Thanhtike Zaw

The Art of the Steal (2013) (အမိုက်စားကားမို့ Blu-Ray 1080p 5.1 CH ပါပြုလုပ်ပေးထားပါတယ်...) ကျွန်တော်တို့ဟာ မကောင်းမှုကို အားပေးတာမျိုးမဟုတ်ပေမဲ့ အမိုက်စား ဘဏ်ဓားပြကားတွေ၊ သူခိုးကားတွေဆိုရင်တော့ အရမ်းသဘောကျတယ်...ဘာလို့ဆိုဒီလိုကားတွေဟာ အချက်အလက်တွေများစွာ အသုံးပြုရသလို ခေတ်မှီနည်းပညာတွေနဲ့ ပါဝင်ဖွဲ့စည်းထားပြီး ဇာတ်လမ်းအစမှအဆုံးထိ စိတ်လှုပ်ရှားရင်ခုန်မှုပေးနိုင်လွန်းလို့ဖြစ်တယ်... ဒီကားထဲမှာလည်း တကယ့်အချီကြီးတွေကိုမှ ခိုးကြလိမ်ကြတာ...ညီအကို(၂)ယောက်ဉီးဆောင်ပြီး အဖွဲ့လေးတစ်ဖွဲ့ရှိတယ်..အချီကြီးတွေမှ သမတာ...ကျွမ်းကျင်မှုကိုယ်စီရှိသလို အဆက်အသွယ်ကောင်းတွေလည်းရှိတယ်... အကိုဖြစ်သူဟာ ခိုးမှုကြောင့်ပဲ ထောင်(၁၀)နှစ်ကျသွားတယ်...အကျင့်တွေပြင်အောင်ထောင်ထဲထည့်လိုက်ပေမဲ့ ထောင်ကထွက်လာပြီးနောက် အချီကြီးပွပေါက်တစ်ခုထပ်တွေ့တဲ့အခါမှာတော့... သူတို့ ဘယ်လိုဆရာကျကျ ခိုးကြမလဲဆိုတာကိုတော့...... ဇာတ်လမ်းအညွှန်းနဲ့ ဘာသာပြန်သူကတော့ Paing ပဲဖြစ်ပါတယ်... File Size : 1.23 GB & 540 MB Quality : Blu-Ray 1080p 5.1 CH, Blu-Ray 720p Format…mp4 Duration…01:30:00 Genre : Comedy ,Crime , Thriller Subtitle : Myanmar Subtitle (Hard Sub) Translated by Paing Encoded by Phyo Pyae

မလီဆာနဲ့ရစ်ချီတို့ဟာ လက်မထပ်ပဲအတူနေချစ်သူတွေဖြစ်ပြီးအညံ့စားမိုတယ်လေးတစ်ခုမှာငှားနေကြပါတယ်။ မလီဆာက စတိုးဆိုင်အရောင်းစာရေးလုပ်ပြီး ရစ်ချီကတော့ မတော်တဆမှုကြောင့် ဘီးတပ်ကုလားထိုင်ကမထနိုင်ပဲ တောက်တိုမယ်ရပစ္စည်းလေးတွေပြင်တာ၊အစိုးရကပေးတဲ့ မသန်စွမ်းထောက်ပံ့ကြေးလေးတွေနဲ့ရပ်တည်နေရတာပါ။ မလီဆာကိုယ်ဝန်ရှိလာချိန်မှာတော့ ရောက်လာမယ့်ရင်သွေးလေးအတွက် နှစ်ယောက်သားအပျော်ကြီးပျော်နေခဲ့ပေမယ့် ယိုင်နဲ့နဲ့သူတို့ဘ၀လေးကို ပြိုလဲစေမယ့် ဖြစ်ရပ်တွေကြုံလာရတဲ့အခါ..။ Naomi Watts နဲ့ Matt Dillon တို့လိုထိပ်သီးသရုပ်ဆောင်ကြီးတွေအပြိုင်ကြဲထားတဲ့ ဒရာမာကားကောင်းတစ်ကားဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ alias ပါ ) File size_(1.35GB)/(640MB) Quality_Blu-Ray 1080p / 720p Format_mp4 Duration_01:30:00 Genre_Drama, Romance Subtitle_Myanmar Subtitle (Hardsub) Encoder_a hao Translated by alias

Paul Walker ကြီး အလွမ်းပြေ ကြည့်လို့ရမယ့် ကားကောင်းတစ်ကား လာပြီဗျာ။ ဒီလိုပြောလို့ Paul Walker ချည်း ပါတယ်မထင်ပါနဲ့ Lord of the Ring က Frodo မင်းသား Elijah Wood တို့ Mummy မင်းသားကြီး (နောက်ပိုင်းဆို The Whale နဲ့ ကြမ်းထားတဲ့) Brendan Fraser တို့ မြိုင်မြိုင်ဆိုင်ဆိုင် ပါဝင်ထားကြပါတယ်။ ဇာတ်လမ်းကတော့ R Rated နဲ့ အညီ ကိုယ်လုံးတီးတွေပါမယ် မိုးမွှန်အောင် ဆဲဆိုနေတာလည်း ပါဝင်တဲ့အတွက် သတိချပ်စေလိုပါတယ်ဗျ။ ကဲ ဇာတ်လမ်းအကြောင်းပြောမယ်… ပြောမယ်သာပြောတာ တကယ်ကြည့်ဖူးသမျှထဲ ပေါက်ကရတွေဖြစ်ပြီး ထူးခြားဆန်းကျယ် မှန်းမရတဲ့ဇာတ်လမ်းထဲ သူပါတယ်။ အကုန်လုံးကို စနစ်တကျ ဇာတ်တိုက်ထားတာမျိုး မရှိပဲ ရော့ သွား ကြိုက်တာလုပ်ဆိုပြီး အကုန်လုံးက ဖြစ်ချင်တိုင်းကို ဖြစ်နေကြတာမျိုး။ အဓိကက ဇာတ်လမ်းနာမည်လိုပဲ အပေါင်ဆိုင်မှတ်တမ်းများ ဟုတ်တယ် ဒီ အပေါင်ဆိုင်လေးကို အရင်းတည်ပြီး မတူညီတဲ့ ဇာတ်လမ်းတိုလေး ၃ ပုဒ် ဖြစ်ပျက်သွားတာပေါ့လေ။ အားလုံးကလည်း သူ့ဇာတ်လမ်းနဲ့သူ ရှိနေပေမယ့် တစ်ခုနဲ့တစ်ခု တူတူသွားပြီး ကြုံကြိုက်တာမျိုးလည်း ပါနေတာပေါ့ သေချာတာတော့ ကြည့်နေရင်း WTF ဆိုပြီး ဖြစ်မှာကတော့ သေချာပါတယ်။ ကဲ ပထမဇာတ်လမ်းကတော့ လူဖြူ လူမျိုးခွဲခြားရေး ဆေးသမားတသိုက်က သောက်တလွဲတွေ ဖြစ်ပြီး ဓားပြသွားတိုက်မှာကို ကြည့်ရမှာပါ ဘယ်လောက်လွဲဆို ဓားပြသွားတိုက်မယ့် သေနတ်ကို ဆီဖိုးမရှိလို့ အပေါင်ခံလိုက်ရတဲ့အဖြစ်မျိုး။ အဲဒီမှာ ကျွန်တော်တို့ Paul Walker ကြီးဗျာ တကယ်ထင်မထားလောက်အောင် သရုပ်ဆောင်ပီပြင်ချက် ဆေးချပြီး ၃ ရက်လောက် အိပ်မထားလို့ ဂေါက်ပြီး လစ်နေတာ လွဲကြတာဆိုတာ မြင်မကောင်းဘူး ဇာတ်လမ်း ၃ ပုဒ်ထဲ အကြိုက်ဆုံးလို့ ပြောရမယ်။ ဒုတိယဇာတ်လမ်းကတော့ လောလောလတ်လတ် လက်ထပ်ထားတဲ့ဘဲကြီး ဘဏ်အကောင့်ဟတ်ခ်ခံရလို့ ဟန်နီမွန်းထွက်ရင်း ငွေပြတ်သွားတော့ မယားအသစ်လေးရဲ့လက်စွပ်သွားပေါင်တာ လွန်ခဲ့တဲ့ ၆ နှစ်က ပျောက်သွားတဲ့ပထမဆုံး မယားရဲ့လက်စွပ်တွေ့ပြီး ကမ္ဘာမြေအဆုံး လိုက်ရှာတာကို ကြည့်ရမှာပါ။ အတော် Fuk up ဖြစ်တဲ့ဇာတ်ပဲ အဆုံးသတ် လှည့်ကွက်ကလည်း မထင်ထားဘူး အလေကြီး။ နောက်ဆုံးဇာတ်လမ်းကတော့ Mummy မင်းသားကြီးအကြောင်း။ သူက အယ်ဗစ်ပရက်စလေကို အင်မတန်သဘောကျပြီး သူ့လိုဝတ် သူ့လိုနေပြီး ဖျော်ဖြေပွဲလိုက်လုပ်ပေးနေတဲ့လူ ဒါပေမဲ့ ငတ်ပြတ်နေပြီး  ဆီဖိုးကို မရှိတော့ပါဘူး ဒီလိုနဲ့ ဆွဲကြိုးကြီး အပေါင်ခံပြီး ဖျော်ဖြေပွဲသွားတဲ့အချိန် ဖျော်ဖြေတဲ့အချိန် ထူးဆန်းတာတွေ ကြုံတာကို ကြည့်ရမှာပါ။ ကြားထဲမှာလည်း Side story အသေးစားလေးက ပါသေး။ ပွင့်ပွင့်လင်းလင်းပြောရရင် IMDB 5.9 တောင် နည်းတယ်လို့ ထင်ပါတယ်။ တကယ်မကြည့်ရသေးရင် ကြည့်သင့်တဲ့ကားပါ တချို့ ဒိုင်ယာလော့ခ်တွေဆို အသေရယ်နေရတယ် ဇာတ်ကွက်ဆန်းတယ် မထင်ထားတာမျိုးမှ လုပ်ပြတာမျိုး ပြောတာကြာသွားပါပြီ ပြေးသာ ကြည့်လိုက်ကြပါတော့။

Takers (2010) လူ(၄)ယောက် အခန်းတစ်ခုထဲမှာ ဆုံကြတယ်... စကားအနည်းငယ်ပြောပြီးတာနဲ့ အသင့်ပါလာတဲ့ အနက်ရောင်ဝတ်စုံတွေလဲလိုက်ကြသလို မျက်နှာဖုံးစွပ်အနက်တွေလည်း ဝတ်ဆင်လိုက်ကြတယ်... M4A1 Carbine နဲ့ Glock စီးရီးအလိုက် လက်နက်ငယ်တွေလည်း ကိုင်ဆောင်ထားကြတယ်... သူတို့ကြည့်ရတာ အချိန်အကြာကြီးစီစဉ်ထားကြသလို အကုန်လုံးကလည်း သွေးအေးတည်ငြိမ်လွန်းနေကြတယ်... သိပ်မကြာဘူး.. လောစ့်အိန်ဂျလိစ်မြို့တွင်းက ဘဏ်တစ်ခုကို ဓားပြဝင်တိုက်ကြတယ်.... ဘယ်လောက်တောင် ရဲတင်းလွန်းသလဲဆိုတော့ ဘဏ်စာရေးမကိုတောင် ရဲစခန်းကို ဓားပြတိုက်ခံနေရကြောင်း ဖုန်းဆက်ခိုင်းလိုက်ပါသေးတယ်.... ကိုင်း ဘယ်လိုတွေဆက်ဖြစ်မလဲဆိုတာကိုတော့ ခံစားကြည့်လိုက်ပါဦး.... ဘဏ်ဓားပြတွေက ဘယ်သူတွေဖြစ်မလဲ.... LA ရဲတွေကရော အမိဖမ်းနိုင်ပါ့မလား... ဒီလောက်သွေးအေးပြီး အစီအစဉ်တကျ ဓားပြမှုကျူးလွန်နိုင်လောက်အောင် ဒီလူတွေဘယ်လောက်တော်နေလဲ... ဒီကားကတော့ ပရိသတ်တွေနဲ့ ရင်းနှီးပြီးသားဖြစ်တဲ့ Fast & Furious မင်းသား Paul Walker နဲ့ Idris Elba တို့ အဓိက ပါဝင်သရုပ်ဆောင်ထားပါတယ်.... အမိုက်စား ဘဏ်ဓားပြကားထဲက တစ်ကားအပါအဝင်ဖြစ်လို့ ခပ်လန်းလန်း စဆုံး Tempo မကျတဲ့ကားတွေမှ သဘောကျတဲ့ပရိတ်သတ်တွေအဖို့ လက်မလွှတ်သင့်ပါကြောင်း ညွှန်းဆိုပါရစေ.... File Size : 2.33GB & 880MB Quality : Blu-Ray 1080p 5.1 CH, Blu-Ray 720p Format…mp4 Duration…01:47:00 Genre : Action , Crime , Thriller Subtitle : Myanmar Subtitle (Hard Sub) Translated by Thithtoo Zaw Encoded by Phyo Pyae

A crew of officers at an armored transport security firm risk their lives when they embark on the ultimate heist against their own company. Armed with a seemingly fool-proof plan, the men plan on making off with a fortune with harm to none. But when an unexpected witness interferes, the plan quickly unravels and all bets are off.

Walt Disney ရဲ့ နာမည်ကျော် ပြိုင်ကားလေး Herbie အကြောင်းပေါ့... ဒစ်စနေထုံးစံအတိုင်း ချစ်စရာ ပြိုင်ကားလေးနဲ့ ချစ်စရာကောင်းအောင် ရိုက်ပြထားပါတယ်... အဓိက ချစ်စရာလေးကတော့ လင်ဆေးလိုဟန်လေးပေါ့...:P နာမည်ကျော် NASCAR ပြိုင်ကားမောင်းသူတွေလဲ Cameros အဖြစ်ပါဝင်ထားပါသေးတယ်... Budget $50 Million သာကုန်ကျခံရိုက်ကူးထားပေမယ့် Box Office မှာ $140 Million ကျော် ပြန်ရတဲ့ထိ စီးပွားရေးအရအောင်မြင်ကျော်ကြားခဲ့ပါတယ်...။ ဇာတ်လမ်းကတော့... မက်ဂီပေတန် ဆိုတဲ့ ကောင်မလေးတစ်ယောက်က အသက်ရှိနေတဲ့ ဘောက်ဝက်ဂွန် လိပ်ခုံးကားလေး နံပါတ် ၅၃ရဲ့ ပိုင်ရှင်ဖြစ်လာခဲ့ပါတယ်.. မက်ဂီရဲ့အဖေက ဒီကားကို ကားသင်္ချိုင်းကနေ  ယူလာပြီး သမီးဖြစ်သူကို ဘွဲ့လက်ဆောင်အဖြစ်ပေးခဲ့တာပေါ့.. မက်ဂီက ပြိုင်ကားမောင်းတဲ့ ပေတန်မျိုးရိုးက ဆင်းသက်လာသူဖြစ်တဲ့အပြင် သူကိုယ်တိုင်ကလည်း ဝါသနာပါပေမယ့် အက်စီးဒင့်တစ်ခုကြောင့် အဖေဖြစ်သူက ကားထပ်မောင်းခွင့်ပိတ်ပင်ခံထားရတာပါ... ESPN သတင်း ချန်နယ်လ်မှာ အလုပ်ရတဲ့ မက်ဂီတစ် ယောက် လိပ်ခုံးကားလေးကို စမ်းမောင်းရင်း ကားပြပွဲတစ်ခုမှာ NASCAR ချန်ပီယံဖြစ်တဲ့ ထရစ်ပ်မာဖီနဲ့ ယှဉ်ပြိုင်မောင်းရင်း အနိုင်ရသွားပါတယ်.. ချန်ပီယံထရစ်ပ်က လိပ်ခုံးလေးက အနိုင်ရရကောင်းလားဆိုပြီး မကျေပွဲနွှဲဖို့စီစဉ်တဲ့အခါ....။ File size…(1.8 GB) / (1.1 GB) / (500 MB) Quality…BluRay 1080p /720p/ 360p Format…mp4 Duration….01:41:00 Subtitle….Myanmar Subtitle (Hardsub) Encoder….Nyeinsaeya Aung Translated by Mugiwara Ya

Crash ဆိုတဲ့ ဇာတ်​ကား​က​တော့ ​လော့စ်​အန်​ဂျလိစ်​မြို့​တော်​တွင်​း လူမျိုး​ရေးခွဲခြားမှု​တွေ လူ့အသိုင်​းအဝိုင်​းကြားတင်​းမာမှု​တွေကို ရိုက်​ကူးပုံ​ဖော်​ထားတဲ့ ဇာတ်​ကားပဲဖြစ်​ပါတယ်​ လူဖြူ လူမည်​းခွဲခြားမှု​တွေကြားမှာ လူဖြူ​တွေကို မုန်​းတီးပြီး အနုကြမ်​းစီးတတ်​တဲ့ Anthnoy ဟာ သူ့အ​ဖော်​နဲ့အတူ လူဖြူ​ရှေ့​နေ Rick နဲ့ သူ့ဇနီး Jean တို့ရဲ့ကားကို လုခဲ့ပါတယ်​။ ဒီဇာတ်​ကား​လေးထဲမှာ ို​သေနတ်​နဲ့ခြိမ်​း​ခြောက်​ခံခဲ့ရတဲ့အတွက်​ လူမည်​း​တွေကို ​ကြောက်​ရွံ့​သွားပြီး သူ့အိမ်​မှာအလုပ်​လာလုပ်​တဲ့ လူမည်​း​​တွေကို မယုံကြည်​နိုင်​​တော့တဲ့ Jean ကျည်​ဆံသံ​တွေ​ကြား အိမ်​ခဏခဏ​ပြောင်​းခဲ့တဲ့ ​သော့ပြင်​ဆရာ Daniel ​သော့ပြင်​ဆရာနဲ့အ​ခြေအတင်​စကားများပြီး​နောက်​ လူမည်​း​သော့ပြင်​ဆရာ​ကြောင်​့ သူ့ဆိုင်​​ဖောက်​ထွင်​းခံရတယ်​ ယူဆထားသူ Farhand လူမည်​းတစ်​​ယောက်​ဖြစ်​တဲ့အတွက်​ ဇနီးဖြစ်​သူကို ရဲတစ်​ဦး လက်​သရမ်​းတာကို ကြည်​့​နေခဲ့ရတဲ့ လူမည်​းရုပ်​ရှင်​ဒါရိုက်​တာ Cameron ဖခင်​ရဲ့​ရောဂါ​ကြောင်​့ ​ဆေးရုံမှတာဝန်​ရှိသူ လူမည်​းအမျိုးသမီးကို မ​ကျေမနပ်​ဖြစ်​​နေသူ ရဲအရာရှိ Ryan လူမျိုး​ရေးခွဲခြားမှု​ကြောင်​့ ဖြစ်​​ပေါ်လာတဲ့ လူသတ်​မှုတစ်​ခုကို စုံစမ်​း​နေသူ လူမည်​းစုံ​ထောက်​တစ်​​ယောက်​ဦး Graham waters စတဲ့ဇာတ်​​ကောင်​​တွေရဲ့ လှုပ်​ရှားမှု​တွေနဲ့ ​အ​မေရိကန်​လူ့အသိုင်​းအဝိုင်​းကြား ဖြစ်​ရပ်​​တွေကို ပုံ​ဖော်​ထားတာ​တွေ့ရမှာပါ။ ပါဝင်​ထားတဲ့ သရုပ်​​ဆောင်​​တွေက​တော့ ခရိုင်​​ရှေ့​နေ Rick အဖြစ်​ Brendan Fraser ခရိုင်​​ရှေ့​နေ Rick ရဲ့ဇနီး Jean အဖြစ်​ Sandra Bullock စုံ​ထောက်​ Graham Waters, အဖြစ်​ Don Cheadle ရဲအရာရှိ Ryan အဖြစ်​ Matt Dillon ဒါရိုက်​တာCameron Thayer အဖြစ်​ Terrence Howard ကားလု​ပြေးသူ Anthony အဖြစ်​Ludacris တို့ပဲအပြင်​ Jennifer Esposito, William Fichtner, Brendan Fraser, Chris "Ludacris" Bridges, Michael Peña, and Ryan Phillippe တို့လည်​း ပါဝင်​ထားပါတယ်​။ ဒီဇာတ်​ကား​ထဲက ဇာတ်​ဝင်​ခန်​း​တွေမှာ ဖြစ်​ရပ်​မှန်​​တစ်​ချို့ ထည်​့သွင်​းရိုက်​ကူးထားကို​တွေ့ရပြီး ​ဝေဖန်​​ရေးဆရာ​တွေရဲ့ မှတ်​ချက်​​ကောင်​း​တွေရရှိထားတဲ့ ဇာတ်​ကား​လေးလည်​း ဖြစ်​ပါတယ်​။ File Size : 850 Mb / 350 Mb Quality :WEB-DL 720p Format…mp4 Duration…01:54:00 Genre : Crime, Drama, Thriller Subtitle : Myanmar Subtitle (Hard Sub) Translated by Lwin Lwin Aung Encoded by Littleneo

There's Something About Mary (1998) IMDb....7.1,,,,Rotten..83% အချစ်ဝတ္ထုစာအုပ်တွေ တော်တော်များများဖတ်ကြပေမယ့် လူငယ်တွေကြားမှာဆိုရင် စာရေးဆရာ နီကိုရဲတို့ ဆရာမင်းလူတို့ရေးတဲ့အချစ်ဝတ္ထုတွေကို ကျွန်တော်တို့ ပိုသဘောကျကြတယ်... သူတို့ရဲ့ ဇာတ်ကောင်ဖြစ်တဲ့ ကောင်လေးတွေဟာ အများအားဖြင့် ဖြူစင်ရိုးသားကြပြီး လုပ်သမျှအလုပ်တိုင်းနီးပါး အလွဲတွေများနေသလို ကောင်မလေးတွေကျတော့လှပပြီး အနည်းနဲ့အများတော့ ထက်မြက်တဲ့အထဲပါကြတယ်.... ကျွန်တော်တို့ဟာ ရိုးသားတာကိုပဲတန်းဖိုးထားကြလို့လား ထက်မြက်တဲ့မိန်းကလေးတွေကိုပဲသဘောကျလို့လားတော့မသိ...သူတို့ရေးတဲ့စာအုပ်တွေကိုတော့ တကယ့်ကိုစွဲလမ်းခဲ့ကြပါတယ်... ဒီကားထဲမှလဲ တက်ဒ်ဆိုတဲ့ ရိုးသားပြီး အူကြောင်ကြောင်နိုင်တဲ့ကောင်လေးတစ်ယောက်ဟာ ကျောင်းရဲ့အထင်ကရ မေရီဆိုတဲ့ကောင်မလေးကို သဘောကျသွားမိတာပါပဲ.... ကံကောင်းတာက အထက်တန်းကျောင်းကပွဲအတွက် မေရီနဲ့တွဲတက်ခွင့်ရပေမယ့်  သွားမယ့်နေ့မှာ တကယ့် မဟာအလွဲကြီးနဲ့ရင်ဆိုင်ခဲ့ရပါတယ်.. အဲဒီအဖြစ်အပျက်ပြီးတဲ့နောက်ပိုင်းတော့ တက်ဒ်နဲ့ မေရီတို့ ထပ်မတွေ့ဖြစ်ကြတော့ဘူး.... သို့ပေမယ့် ရိုးသားပြီးအချစ်ကိုတန်ဖိုးထားတဲ့ တက်ဒ်အဖို့ မေရီကို မေ့ဖျောက်လို့မရနိုင်ခဲ့ဘူး....နှစ်တွေကြာလာမှ သူဟာ မေရီရဲ့အချစ်ကို ပြန်ရယူဖို့ ကြိုးစားတဲ့အခါမှာတော့.... ဒီကားထဲက အဓိက မင်းသားကြီးဖြစ်တဲ့ Ben Stiller နဲ့  မင်းသမီးချောကြီး Cameron Diaz ကိုတော့ အားလုံးပဲသိကြပါလိမ့်မယ်.. Rating လေးတွေကလည်းကောင်းသလို ရယ်မောပျော်ရွှင်စရာကောင်းတဲ့ကားလေးမို့ ကြည့်သင့်ပါကြောင်း ပြောကြားပါရစေ.... File Size : 1.72GB , 816 MB Quality : Blu-Ray 1080p, 720p Format…mp4 Duration…01:30:00 Genre :  Comedy

Wild Things(1998) ပထမဆုံးအနေနဲ့ ဒီကားမှာ sexခန်းတွေ၊ ကြမ်းတမ်းတဲ့အသုံးအနှုန်းတွေ၊ homosexualအခန်းတွေ ဖောဖောသီသီ ပါဝင်တာကြောင့် မိသားစုနဲ့လုံးဝမကြည့်ဖို့တစ်ချက်သတိပေးပါရစေ။ 18နှစ်မပြည့်သေးသူတွေ အရွယ်မရောက်သေးတဲ့လူတွေလဲမကြည့်သင့်ပါဘူး ဇာတ်လမ်းမှာအဓိကဇာတ်ကောင် ငါးယောက်ပါပါတယ်။ သူတို့ကတော့... 1.ဆမ်လွမ်ဘာဒို ဘလူးဘေးအထက်တန်းကျောင်းက ကျောင်းဆရာလေးဆမ်က ရုပ်ချောသဘောကောင်းတဲ့ဆရာလေးမို့ လူချစ်လူခင်ပေါပြီး ပျိုတိုင်းကြိုက်တဲ့နှင်းဆီခိုင်ကြီးပေါ့။ အထူးသဖြင့် ကျောင်းသူလေးတွေအတွက်ကတော့ ဆမ်ဟာသူတို့ရဲ့ပုံပြင်ထဲကမင်းသားလေး။ 2. ကယ်လီဗန်ရိုင်ယန် ကယ်လီကတော့ ဘလူးဘေးအထက်တန်းကျောင်းရဲ့ A list စာရင်းဝင် ခပ်ဟော့ဟော့ သူဌေးသမီးလေး။ သူလေးကလဲ ကျောင်းဆရာကို အသေအကျေ crushနေတဲ့ ကောင်မလေး။ တစ်နေ့မှာတော့ ကယ်လီတစ်ယောက် ကျောင်းဆရာရဲ့အိမ်ကို ကားသွားဆေးပေးရင်း သူ့ကိုကျောင်းဆရာက မုဒိမ်းကျင့်ပါတယ်ဆိုပြီး ရိုးသားကြိုးစားတဲ့ ကျောင်းဆရာလေးကိုစွပ်စွဲလာပါတော့တယ်။ 3.ဆူဇန်မာရီတိုလာ ဆူဇီလို့ခေါ်ကြတဲ့ ဒီကောင်မလေးကတော့ ကယ်လီလိုပဲ ခပ်လန်းလန်းကောင်မလေးဆိုပေမယ့် ကယ်လီလိုတော့ မချမ်းသာရှာဘူး မွေးစားမိခင်နဲ့အတူ မြို့စွန်ရပ်ကွက်မှာနေရတဲ့ကောင်မလေး။ အဲ..ကယ်လီက ကျောင်းဆရာမုဒိမ်းကျင့်တာခံရပါတယ် စွပ်စွဲလိုက်တော့ တစ်မြို့လုံးမယုံကြည်နိူင် ဖြစ်နေကြချိန်မှာ ဆူဇီကလဲ ဒီကျောင်းဆရာဟာ သူ့ကိုလဲ ဒီလိုပဲကျင့်ခဲ့ဖူးကြောင်း အရင်တုန်းကပြောရင် ဘယ်သူမှမယုံမှာစိုးလို့ မပြောခဲ့တာဖြစ်ကြောင်း ထပ်ပြီးထုတ်ပြောလာပါတယ်။ ဒီအချိန်မှာ ကျောင်းဆရာလေးကတကယ်ပဲ မုဒိမ်းကျင့်တယ်လို့ တချို့တွေယုံလာကြပါတယ်။ 4,5. စုံထောက်ရေးဒူကတ် နဲ့ ဂလော်ရီယာ သူတို့ကတော့ ကျောင်းဆရာလေးဆမ်ရဲ့အမှုကိုအဓိက ကိုင်တွယ်ကြမယ့်သူတွေပါ။ သူတို့နှစ်ယောက်ထဲက စုံထောက်မလေး ဂလော်ရီယာကလဲ ကျောင်းဆရာကိုကြိတ်ကြွေနေပါသေးတယ်။ ဒါကတော့ဇာတ်လမ်းရဲ့ အစကျောင်းဆရာလေးဆမ်ရဲ့ အမှုဖြစ်ပေါ်လာပုံဖြစ်ပါတယ်။ spoilerမဟုတ်ပါဘူး ဒါဟာဇာတ်လမ်းရဲ့ အစပိုင်းလေးပဲရှိပါသေးတယ်။ နောက်ပိုင်းမှာ ဇာတ်လမ်းရဲ့ ထင်မထားတဲ့အချိုးအကွေ့ အချိတ်အဆက်တွေက ပရိတ်သတ်ကိုပါးစပ်အဟောင်းသား ဖြစ်စေပါလိမ့်မယ်။ အညှီအဟောက်အခန်းလေးတွေလဲပါမှ ဇာတ်အိမ်ကလဲခိုင်မှ မင်းသားမင်းသမီးကလဲချောမှ twistတွေကလဲ ကြမ်းမှ ကြည့်ချင်တယ်ဆိုသူတွေ အတွက်ကတော့ Wild Things ဟာလုံးဝကိုလက်လွတ်မခံသင့်တဲ့ ဘေကုန်ရကျိုးနပ်မယ့် ကားကောင်းတစ်ကားဖြစ်တဲ့အကြောင်း အာမခံလိုက်ပါတယ်။ Kaung Khant Win က ရုပ်ရှင်ကားကို ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ် File size…    2.2 GB /  962 MB Quality… BluRay 1080p / 720p Format… mp4 Duration…. 1h 48m Genre ..... Crime/Drama/Mystery Subtitle…. Myanmar Subtitle (Hard Sub) Encoder…. Thit San Khant Translated by Kaung Khant Win

Albino Alligator (1996) IMDb Rating (6.1) / Rotten Tomatoes (50%) အသေးအဖွဲ့ပြစ်မှုလေးတွေကိုကျူးလွန်လေ့ရှိတဲ့ ဒိုဗာ၊ မိုင်လို နဲ့ လောတို့ဟာ သူတို့နောက်ကိုလိုက်နေတဲ့ ရဲတွေလက်က လွတ်အောင်ပြေးပြီး ရဲနှစ်ယောက်ကို ကားနဲ့မတော်တဆတိုက်သတ်ခဲ့မိပါတယ်။ အဲ့ဒီနောက်မှာတော့မြေအောက်အရက်ဘားတစ်ခုကို ပုန်းခိုဖို့ဝင်ရင်းနဲ့ ရဲတပ်ဖွဲ့ရဲ့ခြေရာခံ ဝိုင်းဝန်းပိတ်ဆို့မှုကိုခံလိုက်ရပါတော့တယ်။ အဲ့ဒီနောက်မှာတော့ သူတို့ဟာ ဘားထဲမှာရှိနေတဲ့ ဘားပိုင်ရှင်၊ ဝန်ထမ်းတွေနဲ့ဖောက်သည်တွေကို ရဲတပ်ဖွဲ့ကိုအကျပ်ကိုင်ဖို့ ဓားစာခံအဖြစ်ဖမ်းဆီးထားလိုက်ပါတယ်။ အပြင်မှာရှိတဲ့ ရဲတပ်ဖွဲ့တွေ၊ FBI တွေ၊ သတင်းထောက်တွေဝိုင်းရံထားပြီး စိတ်ဖိစီးမှုတွေမြင့်တက်လာချိန်မှာတော့ ဓားစာခံနဲ့ဖမ်းဆီးသူတွေကြားမှာလည်း အပြန်အလှန်အကွက်ဆင်လှည့်စားတာတွေ ပရိယာယ်ဆင် ချောက်ချတာတွေပေါ်လာပြီး ဉာဏ်ရည်ပြိုင်ပွဲတစ်ခုအဖြစ်ပြောင်းလဲသွားချိန်မှာတော့..။ Albino Alligator ဟာ ဟောလီးဝုဒ်ရဲ့ နာမည်ကျော် မင်းသားကြီး Kevin Spacey ရဲ့ ပထမဆုံး ဒါရိုက်တာ လက်ရာဖြစ်ပြီး၊ ၁၉၉၀ ပြည့်လွန်နှစ်တွေရဲ့ သမားရိုးကျ မဟုတ်တဲ့ (Crime Thriller) ဇာတ်ကားတစ်ကားဖြစ်ပါတယ်။ နာမည်ကျော်သရုပ်ဆောင်တွေဖြစ်တဲ့ Matt Dillon၊ Faye Dunaway နဲ့ Gary Sinise တို့လိုထိပ်သီးတွေရဲ့အားပြိုင်မှုကဇာတ်ကားရဲ့အသက်ဖြစ်ပြီး တစ်ကားလုံးကို အက်ရှင်ထက် အပြန်အလှန် စိတ္တဇ ကစားပွဲတွေနဲ့ဦးစားပေးပုံဖော်ထားတာပါ။ ရာဇဝတ်မှုရုပ်ရှင်ဟောင်းတွေ၊ ရဲစုံထောက်အခင်းအကျင်းနဲ့စိတ်ဓာတ်ရေးရာအားပြိုင်မှုတွေကိုသဘောကျတဲ့သူတွေကြည့်သင့်တဲ့ Crime Drama / Thriller ဇာတ်ကားကောင်း တစ်ကား ဖြစ်ပါတယ်။ File size… (1.5 GB) / (770 MB) Quality…. Blu-Ray 1080p HEVC / 720p Format…. mkv/mp4 Genre…. Crime,Drama,Thriller Duration…. 01:34:27 Subtitle…. Myanmar Subtitle (Hardsub)

To Die For [1995] (IMDb 6.8/10, RT 66%) မင်းသမီးကြီး Nicole Kidman ရဲ့ ကားဟောင်းတွေထဲက ကားကောင်းတစ်ကား လာပါပြီ။ ရုပ်ရှင်ဆုတွေလည်း အများကြီး ရထားခဲ့တဲ့ကားပါ။ ဖြစ်ရပ်မှန်ကို မှီငြမ်းပြီး ရိုက်ကူးထားခဲ့ကားဖြစ်တဲ့အပြင် ဇာတ်ရဲ့ စလယ်ဆုံးကို ဆက်တိုက် ဆွဲခေါ်သွားနိုင်တဲ့ ဇာတ်ကားတစ်ကားပါပဲ။ ဆူဇန် မာရက်တိုဆိုသူဟာ ရုပ်မြင်သံကြားတင်ဆက်သူ တစ်ယောက်ဖြစ်ဖို့ ငယ်ငယ်လေးကတည်းက ရူးသွပ်ခဲ့ရသူပါ... ရူးသွပ်လွန်းလို့ နာမည်ကြီး အစီအစဉ်တင်ဆက်သူတွေရဲ့ ဘဝ၊ နေပုံထိုင်ပုံ၊ စားပုံသောက်ပုံ နောက်ဆုံး မင်္ဂလာပွဲမှာ သုံး ခြုံလွှာအထိ လိုက်တုပပြီး အသုံးပြုသူပါ... သူ့ယောက်ျား လယ်ရီ မာရက်တိုဟာလည်း သူ့ရဲ့ တမူထူးခြားတဲ့ ပုံစံကလေးကြောင့်ပဲ ဆူဇန်ကို ချစ်မြတ်နိုးပြီး လက်ထပ်ပေါင်းသင်းခဲ့သူပါ... ဒါပေမယ့် ဆူဇန်ဟာ ရုပ်မြင်သံကြားအလုပ်ပေါ်မှာ အလွန်အကြူးစွဲလမ်းနေတဲ့အတွက်ကြောင့် သူတို့မိသားစုပိုင်စီးပွားရေးဖြစ်တဲ့ စားသောက်ဆိုင်လုပ်ငန်းမှာ တွဲလုပ်ဖို့ တိုက်တွန်းမိပါတော့တယ်... ဒီလို တိုက်တွန်းလာတဲ့အပေါ် ဆူဇန်ကတော့ လုံးဝမကြိုက်ပါဘူး... သူ့လမ်းကြောင်းကို ပိတ်ပင်တားဆီးဖို့ ကြိုးစားနေတယ်လို့လည်း မြင်လာပါတော့တယ်... ဒီလိုနဲ့ သူရိုက်ကူးနေတဲ့ လူငယ်ရေးရာ အစီအစဉ်ထဲက အထက်တန်းကျောင်းသားလေး ဂျိမ်းစ်ကို လိင်ဆန္ဒတွေ ဖြည့်ဆည်းပေးရင်း တစ်ဖက်ကတည်း သူ့ခင်ပွန်းသည် လယ်ရီကို ရှင်းထုတ်ပေးဖို့ စည်းရုံးသိမ်းသွင်းပါတော့တယ်... ဆယ်ကျော်သက်ကလေး ဂျိမ်းစ်ကလည်း မစိတ်မွှန်ပြီး လယ်ရီကို သတ်ခဲ့ပါတယ်... ဇာတ်လမ်းက ဒီနောက်မှာ အလှည့်အပြောင်းတွေ အများကြီး ဖြစ်လာပါတော့တယ်... ဒီရုပ်ရှင်ဟာ တချိန်က အမေရိကားမှာ ဖြစ်ပျက်ခဲ့တဲ့ ဖြစ်ရပ်အပေါ် မှီငြမ်းရိုက်ကူးထားတဲ့ ရုပ်ရှင်ဇာတ်ကားမို့လို့ ပရိသတ်တို့အနေနဲ့ လူတွေရဲ့ စိတ်၊ မကောင်းတဲ့ ညဉ်တွေကို သိမြင်ရအောင် ကြည့်ရှုလိုက်ကြပါဦးနော် အညွှန်း နဲ့ ဘာသာပြန်ကတော့ Tun Aung Kyaw ပဲ ဖြစ်ပါတယ်။ Genre..... Comedy, Crime, Drama Quality…. 1080p | 720p File size… 2GB | 1GB Format… mp4 Duration…. 1h 46min Subtitle…. Myanmar Subtitle (Hardsub) Translator ..... Tun Aung Kyaw  Encoder ..... Aaron

ဒီကားလေးကတော့ ဂန္တ၀င်Indieကားလို့ပြောရင် မပါမဖြစ်ထည့်ပြောရမယ့်ကားမျိုးပါ။ ဇာတ်လမ်းအကျဉ်းကိုပြောရရင် - ဘော့က သူ့မိန်းမနဲ့အတူ နောက်ထပ်အဖွဲ့သားနှစ်ယောက်နဲ့ ဆေးဆိုင်တွေကနေ ဆေးတွေခိုးပြီး အသက်မွေးနေတာပါ။ မူးယစ်ဆေးတွေ ခိုးယူမှုတွေနဲ့ ပရမ်းပတာနေထိုင်ရတာမျိုးကို ဘ၀ရဲ့အလှတရားလို့ ခံစားနေထိုင်နေတာဖြစ်ပါတယ်။ ဒါပေမဲ့ တဖြည်းဖြည်း ကြုံတွေ့လာရတဲ့ကိစ္စတွေက သူ့စိတ်ကိုပြောင်းလဲစေပြီး ဘော့တစ်ယောက် သူ့ဘ‌၀ကိုပြောင်းလဲချင်လာပါတယ်။ ဒီကားလေးက သမားရိုးကျ မူးယစ်ဆေးကားတွေလိုမဟုတ်ဘဲ ကာရိုက်တာတစ်ယောက်ချင်းစီရဲ့ခံယူမှုတွေ စိတ်ခံစားချက်တွေကိုအစစ်အမှန်အတိုင်း ပုံဖော်ပြနိုင်တဲ့ကားလေးပါ။ ဆုတွေလည်း အများကြီးရထားတဲ့ကားလေးမလို့ အချိန်ယုတ်စေမှာတော့မဟုတ်ပါဘူး။ File size…(3.4 GB)/(1.2 GB) Quality….Blu-Ray 1080p / 720p Format… mp4 Duration…. 01:42:00 Genre... Crime, Drama Subtitle….Myanmar Subtitle (Hardsub) Encoder….Garfield Translated by Soe Thiri Swe

ဒီကားကို ရိုက်ထားတဲ့ director ကတော့ တခြားမဟုတ်ဘဲ The Godfather trilogy ကို ရိုက်ကူးပေးခဲ့တဲ့ Francis Ford Coppola ပဲ ဖြစ်ပါတယ်။ S. E. Hinton ရဲ့ Rumble fish ဆိုတဲ့ ၀တ္ထုကိုပဲ ပြန်ရိုက်ထားပြီးတော့ cinematography မှာလည်း အတော်လေး ထူးခြားတဲ့ကားကောင်းတစ်ကားပါ။ ဘယ်လိုမျိုးထူးခြားလဲဆိုတော့ သူ့အခေတ်အခါမှာရော အခုခေတ်အခါမှာပါ တွေ့ရနည်းတဲ့ camera ရှုထောင့်တွေကနေ creative ဖြစ်ဖြစ်ပဲ ရိုက်ကူးပေးထားပါတယ်။ close up ရိုက်ချက်တွေဆိုရင် ကျွန်တော့်အတွက်တော့ တော်တော်လေး unique ဖြစ်ပါတယ်။ တချို့နေရာတွေဆိုရင် အပေါ်က ပင့်ရိုက်တာတွေ အောက်ကပင့်ရိုက်တာတွေက ကြည့်ရတာ တစ်မျိုးကြီးလို့ ခံစားရပေမယ့် သဘောကျမိတာတော့ အမှန်ပဲဗျ။ Main character အနေနဲ့က‌တော့ ဂျစ်ကန်ကန်ပေါ့ပျက်ပျက်နေတတ်တဲ့ လူငယ်တစ်‌ေယာက်လည်းဖြစ်၊ အကိုဖြစ်သူရဲ့ ကျော်ကြားမှုတွေ လွှမ်းမိုးခဲထားရတဲ့ ညီတစ်ယောက်လည်းဖြစ်တဲ့ Rusty James ဇာတ်ကောင်ကို Matt Dillon က သရုပ်ဆောင်ထားပြီးတော့... သူ့ရဲ့အကို လူထူးဆန်းလည်းဖြစ်တဲ့ Motorcycle boy အနေနဲ့ Mickey Rourke က ပါ၀င်သရုပ်ဆောင်ထားပါတယ်။ ကျွန်တော်တို့အချစ်တော်ကြီး Nic Cage ကလည်း support character အနေနဲ့ ပါထားပါသေးတယ်။ screen time တော့နည်းပေမယ့် ဘဲကြီးတာ၀န်ကျေကျေပဲ ရှယ်သရုပ်ဆောင်ထားတာတွေ့ရပါတယ်။ ဇာတ်လမ်းအကြောင်းကတော့ ကိုယ့်ဘာသာကြည့်ရင်း feel သင့်တဲ့ကားမလို့ ကိုယ်တိုင် သေချာခံစားပြီး ကြည့်လိုက်ပါလို့ပဲပြောချင်ပါတယ်။ Plot ကအရမ်းကြီးမရှုပ်ထွေးပေမယ့် philosophy ဆန်ဆန် ကားကောင်းတစ်ကားဖြစ်တာမလို့ CM ပရိတ်သတ်ကြီး ကော်ဖီလေးတစ်ခွက်‌ေလာက်ထဖျော်ပြီး ‌‌ေကာ်ဖီ‌‌ေလးအရသာခံရင်း chill လို့ရပါပြီခင်ဗျာ... (For parents: Nudity အနည်းငယ်ပါသည်) File size…(1.9 GB)/(1 GB) Quality….Blu-Ray  1080p / 720p Format… mp4 Duration…. 01:34:00 Genre... Coming-of-Age, Crime, Drama, Romance Subtitle….Myanmar Subtitle (Hardsub) Encoder….Garfield Translated by Wai Hlyun

ဒီရုပ်ရှင်ကားက S.E Hinton ရဲ့ နာမည်တူဝတ္ထုကို ရုပ်ရှင်ပြန်ရိုက်ထားတာဖြစ်ပြီး 1960 ခုနှစ် ဝန်းကျင်မှာ ဇာတ်အိမ် တည်ထားပါတယ်။ Greaserလို့ ခေါ်တဲ့ အမေရိကရဲ့ လမ်းသရဲလူငယ်လေးတွေ နဲ့ Soc လို့ခေါ်တဲ့ အထက်တန်းလွှာ လူငယ်တွေရဲ့ ရန်ပွဲ ပဋိပက္ခကို နောက်ခံထားပြီး သူငယ်ချင်း ညီအစ်ကို ဆက်ဆံရေးတွေကို လှပအောင် ရိုက်ထားတာပါ။ Castတွေ အနေနဲ့လည်း အများသိပြီးသား နာမည်ကျော်တွေ ပါဝင်ထားပြီး The Godfather တို့ Apocalypse Now တို့ရဲ့ Director Francis Ford Coppola ပဲ ရိုက်ထားတာ ဖြစ်ပါတယ်။ ဇာတ်လမ်းအကြောင်း ဆက်ရရင် Ponyboy နဲ့ Johnny ဆိုတဲ့ သူငယ်ချင်း နှစ်ယောက်ဟာ သူတို့ သူငယ်ချင်းအဖွဲ့ထဲမှာ အငယ်ဆုံးတွေ ဖြစ်သလို Socs တွေရဲ့ အနိုင်ကျင့်ရိုက်နှက်တာကိုလည်း ခံနေရသူတွေပါ။ တစ်ည ရုပ်ရှင်ရုံက အပြန်မှာ Socs တွေနဲ့ ကြုံပြီး တိုက်ခိုက်ခံခဲ့ရပါတယ်။ အဲ့ဒီနောက်ပိုင်းမှာ Socsထဲက တစ်ယောက်က သေဆုံးသွားတဲ့ အခါမှာ အရာအားလုံး ပြောင်းလဲသွားပြီး Greasers တွေနဲ့ Socs တွေရဲ့ ထိပ်တိုက် ရန်ပွဲ ဖြစ်လာပါတော့တယ်။ File size…(1.9 GB)/(990 Mb) Quality….Blu-Ray 1080p / 720p Format… mp4 Duration…. 01:31:00 Genre... Coming of Age, Teen Drama, Crime, Drama Subtitle….Myanmar Subtitle (Hardsub) Encoder….Garfield Translated by Leonie