Matt Nable ပါဝင်သော ဇာတ်ကားများ

Beast (2026) ++++++++ IMDb Rating (6.2) / Rotten Tomatoes (86%) ကြိုးဝိုင်းဖိုက်တင် အကြမ်းစားကား အသစ်လာပါပြီ။ ကိုယ်ခံပညာပေါင်းစုံသုံး တိုက်ခိုက်ရေး (MMA) လောကကို အခြေခံရိုက်ကူးထားတဲ့ ၂၀၂၆ ထွက် အက်ရှင်ဒရာမာ ဇာတ်ကားကောင်းလေး တစ်ကားပါ။ ဒီကားထဲမှာ နာမည်ကြီး မင်းသားကြီး ရပ်ဆဲလ်ခရိုး (Russell Crowe) ရော ဒန်နီယယ် မက်ဖာဆန် (Daniel MacPherson) ရော ပါဝင်သရုပ်ဆောင်ထားကြပါတယ်။ ဇာတ်လမ်းအကျဉ်း +++++++++++++ ပက်တန် ဂျိမ်းစ် ဆိုတာ တစ်ချိန်က အရမ်းကို နာမည်ကြီးခဲ့တဲ့ MMA ကစားသမားဟောင်း တစ်ယောက်ပေါ့။ အခုတော့ သူက ပြိုင်ပွဲတွေကနေ အနားယူပြီး အေးအေးဆေးဆေး တံငါသည် အဖြစ်နဲ့ပဲ အသက်မွေးဝမ်းကျောင်းပြုနေတာပါ။ ဒါပေမဲ့ သူ့ညီဖြစ်သူ အန္တရာယ်နဲ့ ကြုံလာရတဲ့အခါမှာတော့ ကယ်တင်ဖို့အတွက် ကြိုးဝိုင်းထဲကို မလွှဲမရှောင်သာ ပြန်ဝင်လာရပါတော့တယ်။ ဒီလိုနဲ့ သူ့ကို အရင်က ပျိုးထောင်ပေးခဲ့တဲ့ နည်းပြဟောင်း ဆမ်မီ နဲ့ ပြန်ပူးပေါင်းပြီး ONE Championship ပြိုင်ပွဲကြီးမှာ နောက်ဆုံးအနေနဲ့ ဝင်ပြိုင်ဖို့ ဆုံးဖြတ်လိုက်ပါတယ်။ သူ့ရဲ့ အဓိကပြိုင်ဘက်ကတော့ လက်ရှိချန်ပီယံ ဇေဗီယာ ဂရောင်း ဆိုတဲ့ ရက်စက်တဲ့ တိုက်ခိုက်ရေးသမားပါပဲ။ ပက်တန် တစ်ယောက် သူ့ညီကို ကယ်တင်ရင်း သူ့ရဲ့ ဂုဏ်သိက္ခာကိုရော ပြန်လည်ဆယ်တင်နိုင်မလား ဆိုတာကို ရင်ခုန်စိတ်လှုပ်ရှားဖွယ် ကြည့်ရှုရမယ့် ဇာတ်ကားလေး ဖြစ်ပါတယ်။ File Size… (1.94GB) / (877MB) Quality… WEB-DL 1080p HEVC / 720p Format…mkv / mp4 Duration…1h 54m Genre ….Action , Drama , Sport Subtitle….Myanmar Subtitle (Hard Sub)

IMDb - 7.2/10 RT - 84% Netflix က ထုတ်လုပ်တဲ့ သြစတြေးလျမီနီစီးရီးတစ်ခုဖြစ်ပါတယ်။ လက်တွေ့ဘဝ ကျန်းမာရေးဂုရု လူလိမ် Belle Gibson ရဲ့ လုပ်ဇာတ်တွေကို တင်ဆက်ထားတဲ့ ဖြစ်ရပ်မှန်ဇာတ်လမ်းဖြစ်ပါတယ်။ သူမဟာ ဦးနှောက်ကင်ဆာအပါအဝင် ကင်ဆာအများအပြားရှိယောင်ဆောင်ပြီး အာဟာရ၊ လေ့ကျင့်ခန်း၊ Natural Medicine နဲ့ Alternative Medicine (အမည်ခံသော အတုအယောင်တွေ)နဲ့ ကင်ဆာပျောက်သွားကြောင်း၊ မည်သို့မည်ပုံနေထိုင်စားသောက်ကြောင်း သူမရဲ့ Followers တွေကိုအယုံသွင်းပြီး သူမရဲ့ apps နဲ့ စာအုပ်တွေကို အရောင်းမြှင့်တင်ခဲ့ပါတယ်။ လုပ်ဖော်ကိုင်ဖက်တွေအပေါ်မှာလည်း ဖျံကျလွန်းသူဖြစ်ပြီး အော်စကာဆုရသရုပ်ဆောင်တွေ လက်မှိုင်ချရလောက်အောင်လည်း သရုပ်ဆောင်ကောင်းသူဖြစ်ပါတယ်။ သူမရဲ့ ကုမ္ပဏီအကျိုးအမြတ်တွေကိုလည်း အဖွဲ့အစည်းပေါင်းများစွာကို လှူဒါန်းကြောင်း လိမ်ညာခဲ့ပါသေးတယ်။ ငွေကြေးမတတ်နိုင်သူတွေ ခွဲစိတ်ကုသဖို့အတွက် အကြောင်းပြပြီး Crowdfunding လို့ခေါ် တဲ့ စုပေါင်းအလှူရန်ပုံငွေတွေကိုလည်း လိမ်ညာကောက်ခံပြီး အပျောက်ရိုက်ခဲ့ပါသေးတယ်။ သူမကို ၂၀၁၆ခုနှစ်မှာ တရားစွဲဆိုပြီး ဒဏ်ငွေတွေချမှတ်ခဲ့ပေမယ့် ၂၀၂၅ခုနှစ် မတ်လအထိ ပေးလျော်ခြင်းမရှိသေးကြောင်း သိရပါတယ်။ ဇာတ်လမ်းအကျဉ်းကတော့ ဘဲလ်ဂစ်ဘ်ဆင် (Kaitlyn Dever)ဟာ ဦးနှောက်ကင်ဆာရှိနေကြောင်း၊ နောက်ပိုင်းမှာ Alternative Medicineကြောင့် ပျောက်ကင်းသွားကြောင်း လိမ်ညာပြီး Followers တွေကိုအယုံသွင်းကာ သူမရဲ့ apps နဲ့ စာအုပ်တွေကို လိမ်ညာရောင်းချခဲ့ပါတယ်။ မီလာဘလိက်ခ် (Alycia Debnam-Carey)ကတော့ တကယ့်ကင်ဆာအောင်နိုင်ရှင်ကျန်ခဲ့သူတစ်ဦးဖြစ်ပြီး Influencer အချင်းချင်း ဘဲလ်နဲ့ ယှဉ်ပြိုင်ရင်း အတိဒုက္ခရောက်ခဲ့ရပါတယ်။ ဒါကိုမမြင်ရက်တဲ့ သူငယ်ချင်းဖြစ်သူ ရှနယ်လ် (Aisha Dee)က သတင်းစာဆရာ ဂျက်စတင် (Mark Coles Smith) နဲ့ ပူးပေါင်းပြီး ဘဲလ်ရဲ့ အလိမ်အညာတွေကို ဖော်ထုတ်ကြတာကို တင်ဆက်ထားတာပါ။ ဒီစီးရီးကိုကြည့်ပြီး အတွေးတစ်ခုဝင်လာတာကတော့ ကမ္ဘာရဲ့ဘယ်အရပ်မှာနေသည်ဖြစ်စေ လူဆိုတဲ့အမျိုးကတော့ အတူတူပါပဲ ဆိုတာပါပဲ။ ဘယ်အရွက်လေးကြိတ်သောက် ဟိုရောဂါပျောက်တယ်၊ ဒီအမြစ်လေးလိမ်းကြည့် ကင်ဆာပျောက်တယ်ဆိုတာ ကျနော်တို့ပတ်ဝန်းကျင်မှာမှ မဟုတ်ဘူးဆိုတာပါပဲ။ သိပ္ပံပညာဗန်းပြပြီး လိမ်စားနေသူတွေကလည်း ဒုနဲ့ဒေးပါပဲ။ သဘာဝလွန်ဖြစ်ရပ်တွေကလည်း ဝင်ပါလိုက်ပါသေးတယ်။ ဝေဖန်သူများက လူမှုမီဒီယာတွေရဲ့ လွှမ်းမိုးမှုနှင့် မှားယွင်းတဲ့ကျန်းမာရေးဆိုင်ရာအချက်အလက်တွေကို စူးစမ်းချင်လာအောင် လှုံ့ဆော်ပေးသည့်အပြင် Kaitlyn Dever၏ သရုပ်ဆောင်မှုများ၊ ဇာတ်လမ်းပြောပြပုံတို့ကို ချီးကျူးကြသော်လည်း ရှုပ်ထွေးသောအချိန်အလိုက်တင်ပြပုံနှင့် ဘဲလ်ကို သနားစရာကောင်းအောင် ပုံဖော်မှုတို့အတွက် ဝေဖန်ခံရပါတယ်။ အများစုကတော့ သတင်းမှားတွေရဲ့ အန္တရာယ်နဲ့ Influencer ကျင့်ဝတ်တွေကို မီးမောင်းထိုးပြလို့ သဘောကျကြပါတယ်။ အကောင်းဆုံးသရုပ်ဆောင်အဖြစ် Kaitlyn Dever ဇကာတင်ဆုတစ်ခုဝင်ဖူးတဲ့ ဒီ Series မှာ အပိုင်းခြောက်ပိုင်းပဲ ရှိပါတယ်။ တစ်ပိုင်းချင်းစီကလည်း ရုပ်ရှင်တစ်ကားစာလောက်နီးပါး ရသမျိုးစုံပေးပါလိမ့်မယ်။ ဇာတ်ညွှန်း Samantha Strauss, Anya Beyersdorf နဲ့ Angela Betzien တို့ဖြစ်ပြီး ဒါရိုက်တာ Jeffrey Walker ဖြစ်ပါတယ်။ အညွှန်းနဲ့ ဘာသာပြန်သူကတော့ Thompson ဖြစ်ပါတယ်။ File size…(1.3 GB)/(609 MB) Quality….Webrip 1080p / 720p Format…mp4 Duration….00:52:00 Genre...Drama, Crime  Subtitle….Myanmar Subtitle (Hardsub) Encoder….Swan Min Htet Translated by Thompson

ဒီရုပ်ရှင်ကတော့ မင်းသားကြီး ရပ်ဆဲခရိုး ကိုယ်တိုင်ရိုက်ကူးသရုပ်ဆောင်ထားတဲ့ ရုပ်ရှင်ပဲဖြစ်ပါတယ်။ လီယံဟမ်းဆွာ့လည်း ဇာတ်ပို့အဖြစ်ပါဝင်ထားပါသေးတယ်။ အမျိုးအစားကတော့ Mystery, Thriller အမျိုးအစားပါပဲ။ ဂျိတ်၊ ပေါလ်၊ အဲလက်၊ ဒရူး စတဲ့ သူငယ်ချင်းတွေဟာ ငယ်စဉ်ကတည်းက ပိုကာဖဲကစားနည်းမျိုးစုံကို ဝါသနာပါတဲ့လူတွေပါ။ အရွယ်ရောက်လာတဲ့အခါမှာတော့ ဂျိတ်ဟာ ကမ္ဘာ့ပထမဆုံး ပိုကာအင်တာနက်စနစ်ကို တီထွင်ခဲ့တဲ့အတွက် သန်းကြွယ်သူဌေးဖြစ်နေပါပြီ။ တစ်နေ့မှာတော့ ဂျိတ်ဟာ သူရဲ့မတွေ့ရတာ ကြာတဲ့ သူငယ်ချင်းတွေကို ပြန်ဖိတ်ခေါ်ပြီး ပိုကာတစ်ပွဲ ကစားဖို့ စီစဉ်လိုက်ပါတယ်။ ဒါပေမဲ့ အဲဒီ ပိုကာညဟာ သာမန်မဟုတ်ဘဲ အလှည့်အပြောင်းတွေ ပဟေဠိတွေဖြစ်လာတဲ့အခါ... File size…(920MB) Quality…. Web 720p Format…mp4 Duration….01:34:00 Genre...Action / Crime / Thriller Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ရိုင်ယန်လိုဂန်ဟာ အထူးစစ်ဆင်ရေးတပ်ဖွဲ့က စစ်သားဟောင်းတစ်ယောက်ပါ။ ဇနီးဖြစ်သူ ယာဉ်တိုက်မှုနဲ့ ဆုံးပါးသွားပြီးနောက် စစ်တပ်ကထွက်လာကာ မိတဆိုးသားလေးနဲ့အတူ ရရာအလုပ်လုပ်ပြီး နေထိုင်နေရပါတယ်။ ဇနီးကို ဆုံးရှုံးခဲ့ရတဲ့ဝေဒနာအပြင် စစ်အတွင်းက ရခဲ့တဲ့ စိတ်ဒဏ်ရာတွေကိုလည်း ကုစားနိုင်ဖို့ ကြိုးစားနေရသူပါ။ သားရဲ့ရှေ့ရေးအတွက် ငွေပိုရှာဖို့ လိုအပ်လာတဲ့အခါမှာတော့ တပ်ထဲက အထက်အရာရှိဟောင်းနဲ့ ပူးပေါင်းဖို့ အကြောင်းဖန်လာတယ်။ အဲဒီကနေ ရိုင်ယန်တစ်ယောက် ဒုစရိုက်လောကထဲ ဝင်ရောက်လာရပါတော့တယ်။ ရိုင်ယန်လိုဂန်အဖြစ် Sam Worthington ပါဝင်သရုပ်ဆောင်ထားပြီး အက်ရှင်နဲ့ ဒရာမာကို တွဲဖက်ထားတဲ့ ဇာတ်ကားပါ။

IMDb Rating - 7.0/10 အင်္ဂလိပ်လေသံလေးနဲ့ စုံထောက်ကား ကောင်းကောင်းလေး ကြည့်ရအောင်ဗျာ။ စုံထောက်ကားဆိုတော့ အများကြီးပြောပြလို့မရဘူး။ မြို့လေးတစ်မြို့မှာ သူငယ်ချင်း ၄ ယောက် ရှိခဲ့တယ်။ တစ်ယောက်က ရေနစ်ပြီး သေသွားတယ်။ ပြဿနာတွေ ရှိခဲ့တယ်။ ဒီလိုနဲ့ နှစ် ၂၀ ကြာချိန်မှာ နောက်တ်ယောက်က သေသွားတယ်။ အဲဒီထဲက တစ်ယောက်က စုံထောက်ဖြစ်နေတော့ ဈာပနကို လာရင်းနဲ့ မသင်္ကာစရာတွေ တွေ့လာတဲ့အခါ.... (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ littleneo ပဲဖြစ်ပါတယ်။) Quality – 1080p, 720p WebRip Duration - 1h 57min Subtitle – Myanmar Hardsub Format – Mp4 Genre : Crime, Drama, Mystery Source : 1080p.WebRip Translator – littleneo Encoder – SWM

Hacksaw Ridge (2016) IMDb Rating (8.1) / Rotten Tomatoes (81 %) 2016 ခုနှစ်ကထွက်ရှိခဲ့ပြီး war ရုပ်ရှင်တွေ ထဲမှာ အကောင်းဆုံး ရုပ်ရှင်လို့တောင်ပြောလို့ရမယ့် ဒါရိုက်တာ Mel Gibson ရဲ့ Hacksaw ridge ဆိုတဲ့ရုပ်ရှင်ကို အားလုံးပဲသိကြမှာပါ ဒီရုပ်ရှင်ထဲက battles scene တွေကို ဒါရိုက်တာကြီး Mel Gibson က ကလေးဘဝတုန်းက သူမက်ခဲ့တဲ့ အိမ်မက်ဆိုးတွေ အပေါ်မှာ အခြေခံပြီးရိုက်ကူးခဲ့တာပါ ဒါရိုက်တာကြီးရဲ့အဖေဟာ ဒုတိယကမ္ဘာစစ် ဝါရင့် စစ်မှုထမ်းဟောင်း တစ်ဦးဖြစ်ပြီး စစ်ပွဲအတွင်းက အဖြစ်အပျက်တွေကို အိပ်ရာဝင်ပုံပြင်အဖြစ် ပြောပြလေ့ရှိတဲ့အတွက် သူ battle Scene တွေကို အကောင်းဆုံးပုံဖော်နိုင်ခဲ့ပါတယ် Mel Gibson ဟာ ဒီ battles scene တွေကို ပိုပြီး လက်တွေ့ကြစေချင်တဲ့အတွက် ရုပ်ရှင်ဘတ်ဂျက်ထဲကမဟုတ်ဘဲ သူ့အိပ်ကပ်ထဲက ဒေါ်လာ 1 သိန်း 5 သောင်းကျော်စိုက်ထုတ်ပြီး လက်ကိုင် ကင်မရာနှစ်လုံး ထပ်မံဝယ်ယူပြီး scene တွေကို အပြည့်စုံဆုံးဖြစ်နေအောင် ရိုက်ကူးခဲ့ပါတယ် ဒီရုပ်ရှင်ကို စိတ်ကူးကနေ ရိုက်ကူးတဲ့အဆင့်ထိဖြစ်လာဖို့14 နှစ်တောင်အချိန်ယူခဲ့ကြရပါတယ် ဒါရိုက်တာကြီးရဲ့ကြိုးစား အားထုတ်မှုတွေ အရာထင်ခဲ့ပြီး Hacksaw Ridge (2016) ဟာ Venice film festival မှာပြသခဲ့စဉ်က 9 မိနစ်နဲ့ 48 စက္ကန့်ကြာထပြီး လက်ခုပ်တီး ဂုဏ်ပြုခြင်းခံခဲ့ရပါတယ် ရုပ်ရှင်ထဲကဇာတ်ကောင်ဖြစ်တဲ့ဒတ်စမွန်ရဲ့သား ကိုယ်တိုင်လာရောက်ကြည့်ရှုခဲ့ပြီး မင်းသား Andrew Garfield အနေနဲ့ သူ့အဖေရဲ့ဇာတ်ကောင်ကို အကောင်းဆုံးပုံဖော် သရုပ်ဆောင်ပေးခဲ့လို့ မျက်ရည်တွေကျသည်အထိတောင် ဖြစ်ခဲ့ရပါတယ် Hacksaw Ridge (2016) ဟာ Oscar nominee 6 ဆုထိဝင်ခဲ့ပြီး Oscar 2 ဆုဆွတ်ခူးနိုင်ခဲ့ပါတယ် မင်းသား Andrew Garfield ရဲ့ပထမဆုံး Oscar nominee ဝင်ခဲ့တဲ့ရုပ်ရှင်လဲဖြစ်ပါတယ်...။ ဇာတ်လမ်းကတော့... အမေရိကန်စစ်ခုံရုံးတစ်ခုမှာ ခန္ဓာကိုယ်ပါးလှပ်လှပ်စစ်သည်တစ်ယောက်ဟာ စွဲချက်တွေကြောင့် ရုံးတင်ခံနေရပါတယ်... စွဲချက်က ဘာလဲဆိုတော့ သေနတ်ကိုင်ရန်ငြင်းဆန်မှု အမိန့်မနာခံမှုကြောင့်ပါ... စစ်သားလုပ်တယ် သေနတ်မကိုင်ချင်ဘူး ဘယ်လိုမှ သဟဇတမဖြစ် ... ဒါကြောင့် အမေရိကန်စစ်တပ်ကနေ တာဝန်မထမ်းပဲပြန်ထွက်သွားမလားဆိုတော့လည်းမဟုတ်ပြန်... သူ့ရည်ရွယ်ချက်က စစ်ပွဲမှာဒဏ်ရာ ရနေတဲ့ဘယ်လူသားတွေကိုမဆို အရေးပေါ်ဆေးကုပေးမယ် ... ကျည်လွတ်နယ်မြေကို ရွှေ့ပြောင်းပေးမယ်...ဒီလိုနဲ့ ဘုရားသခင်ရဲ့မေတ္တာတော်ကို ကမ္ဘာကြီးကိုဖြန့်ဝေဖို့ပဲ... သေနတ်ကိုင်ပြီး စစ်တိုက်ဖို့ လူသတ်ဖို့မဟုတ်ဘူး...ဒါကြောင့် သူဟာ သေနတ်မကိုင်နိုင်ဘူး... သူ့မှာ သေနတ်မကိုင်နိုင်တဲ့ နောက်အချက်တခုလဲရှိပါသေးတယ်... ဒါပေမယ့် သေနတ်မကိုင်နိုင်မှု အမိန့်မနာခံမှုနဲ့ အမေရိကန်စစ်ဖက်ဉပဒေအရ ထောင်သေချာပေါက်ကျမယ့် အမှုကြီးရင်ဆိုင်ရတော့ပါတယ်... ဒါပေမယ့် ဘုရားသခင်ပေါ်ယုံကြည်မှုကို ဘယ်သူတွေက တားဆီးနိုင်ပါ့မလဲ....ဒါဟာ တကယ့်ဖြစ်ရပ်မှန်ရုပ်ရှင်ပါ.... သေနတ်မကိုင်ချင်လို့ အမေရိကန်ဆေးတပ်မှာ အတင်းတာဝန်ထမ်းဆောင်ခဲ့တဲ့ ဒတ်စမွန်ဒေါ့ဆိုတဲ့ ဆေးတပ်သားလေးဟာ ဒုတိယကမ္ဘာစစ် ဂျပန်စစ်မြေပြင်မှာ မိမိစစ်သည်တွေကို အသက်စွန့်ကယ်တင်ခဲ့တာကြောင့် အမေရိကန်သမ္မတ ထရူးမင်းချီးမြှင့်တဲ့ Medal of Honor ဆုကို သေနတ်မကိုင်ဘဲ ပထမဆုံးရရှိခဲ့ပါတယ်။ ဒတ်စမွန်ဒေါ့အဖြစ် မင်းသား Andrew Garfield နဲ့ မင်းသမီးTeresa Palmer တို့အဓိကပါဝင်ထားပြီး မင်းသား Sam Worthingtonနဲ့ အခြား နာမည်ကျော်သရုပ်ဆောင်တွေလဲ ပါဝင်ထားပါသေးတယ်။ (ရုပ်ရှင် Info ကို Everything about hollywood FB Page မှ ကူးယူဖော်ပြပါသည်။) File size…(6.8 GB)/ (2.1 GB )/(1.5 GB) Quality…BluRay 4K HEVC/1080p HEVC / 720p Format…mkv/mp4 Duration….02:19:00 Subtitle….Myanmar Subtitle (Hardsub) Encoder….Ka Naung

အသက် ၁၉ နှစ်အရွယ် ဂျက်စီ ရိုင်ယန်ဝှိုက်ဟာ ပြစ်မှုတစ်ခုကြောင့် ထောင်ထဲကို ပထမဆုံး ရောက်လာပါတယ်။ ထောင်ထဲမှာ ဆပ်ပြာတုံးပြုတ်ကျရင်တောင် မကောက်ရဲလောက်အောင် ကြောက်ရွံ့နေရတဲ့ သူဟာ ရာဇဝတ်မှုတွေကို ကျွမ်းကျွမ်းကျင်ကျင် စီစဉ်တတ်ပြီး စစ်တုရင်မှာလည်း ပညာရှင်တစ်ဦးဖြစ်တဲ့ ဘရန်ဒန်နဲ့ ဆုံမိတယ်။ ငယ်ငယ်ရွယ်ရွယ်နဲ့ စစ်တုရင်ကစားကွက်တွေကို ကျွမ်းကျင်တဲ့ ဂျက်စီကို ဘရန်ဒန်က သဘောကျသွားပါတယ်။ အဲဒီကနေ သူတို့နှစ်ယောက် ပူးပေါင်းပြီး ထောင်အပြင်မှာ အပြစ်အနာအဆာမရှိတဲ့ ရာဇဝတ်မှုတစ်ခု ကျူးလွန်ဖို့ ကြိုးစားကြတယ်။ ဒါပေမယ့် ကြံစည်ထားသလို လုပ်နိုင်ဖို့က မလွယ်ဘဲ အခက်အခဲတွေ၊ လှည့်ကွက်တွေနဲ့ အခြေအနေအပြောင်းအလဲတွေကို ရင်ဆိုင်ကြရပါတယ်။

IMDb (6.4/10) မင်းသားကြီး Vin Diesel ရဲ့ နာမည်ကျော် အာကာသဖိုက်တာ Riddick ဇာတ်ကားတွေပါ။ Sci-Fi အမျိုးအစားဇာတ်ကားတွေထဲမှာတော့ Action အသားပေးအနေနဲ့ အမြဲအမှတ်ရနေမိမယ့်ဇာတ်ကားမျိုးတွေပါ။ ဒီဇာတ်ကားတွေကို ကြည့်မိတိုင်း ကျွန်တော်ဟာ အာခေါင်ခြောက်ကပ်ပြီး အနာဂတ်ကိုလှမ်းမြင်နေရသလို ရင်ထိတ်လာတယ်။ အထွေထွေပျက်စီးနေတာကို တရားကျရင်း ဘာအတွက်မှန်းမသိတဲ့ အတ္တတွေ အစဉ်အဆက်ကြီးထွားနေတာကို ရွံ့မုန်းလာမိရဲ့။ တစ်ခါတစ်ခါတော့ ရှင်သန်ခြင်းကို ဇယားချကြည့်တယ်...သေခြင်းကလွဲလို့အားလုံးက မှုန်ဝါးနေရော။ ဒီလိုအချိန်မှာ Riddick ရဲ့ ဝိဉာဉ်ကို မြင်မိတာအကြိမ်ကြိမ်အခါခါ။ Riddick ဟာ တစ်စုံတစ်ခုကို ဆုပ်ကိုင်လမ်းပြထားတယ်..ကျွန်တော်တို့ ခံစားကြည့်ပါစို့။ Riddick ဇာတ်ကားအားလုံးကို   Riddick   မှာကြည့်ပါ။ File size…    3.2 GB /  1.2 GB Quality… BluRay 1080p / 720p Format… mp4 Duration…. 1h 07m Genre ..... Action / Sci-Fi Subtitle…. Myanmar Subtitle (Hard Sub) Encoder…. Thit San Khant

၁၉၈၀ ခုနှစ်မှာ ကြေးစားလူသတ်သမားတွေဖြစ်တဲ့ ဒန်နီ၊ ဟန်တာ၊ ဒေးဗီးစ်နဲ့ မိုင်ယာတို့ဟာ လူတစ်ယောက်ကို သတ်ဖို့ မက္ကစီကိုကို ရောက်နေကြပါတယ်။ ဒန်နီက ပစ်မှတ်ကို သတ်ပြီးတဲ့နောက် အနားမှာရှိနေတဲ့ ပစ်မှတ်ရဲ့သားငယ်ကို မြင်လိုက်ရတော့ စိတ်မကောင်းဖြစ်သွားပြီး ကြေးစားလောကကနေ အနားယူလိုက်တယ်။ နှစ်တွေကြာသွားချိန်မှာတော့ အဖမ်းခံထားရတဲ့ ဟန်တာရဲ့ဓာတ်ပုံနဲ့ စာတစ်စောင် သူ့ဆီ ရောက်လာပါတယ်။ ဟန်တာကို ကယ်ဖို့ လိုက်သွားတဲ့ ဒန်နီကို ခက်ခဲတဲ့အလုပ်တစ်ခုက စောင့်နေတယ်။ ရှီကီဆိုတဲ့ ရေနံသူဌေးမှာ သားလေးယောက်ရှိပေမယ့် သုံးယောက်ကို အင်္ဂလန်ရဲ့ SAS အဖွဲ့က သတ်ခဲ့ပြီး သူ့ကိုလည်း နေရပ်ကနေ နှင်ထုတ်ထားခဲ့ပါတယ်။ ရှီကီက သားတွေကို သတ်ခဲ့သူတွေကို လက်စားချေချင်သလို အငယ်ဆုံးသားကိုလည်း နေရပ်ပြန်ရောက်စေချင်တယ်။ ဒါကြောင့် ဟန်တာကို ဓားစာခံထားပြီး ဒန်နီကို ဒီအလုပ်လုပ်ပေးဖို့ အတင်းအကျပ် ခိုင်းတာပါ။ ပစ်မှတ်တွေက လေ့ကျင့်မှုကောင်းကောင်း ရထားတဲ့ SAS အဖွဲ့ဝင်ဟောင်းတွေဖြစ်လို့ ဒန်နီအတွက် လွယ်တဲ့အလုပ်မဟုတ်ဘူး။ ဒါပေမယ့် ဟန်တာလွတ်မြောက်ဖို့ ဒီအလုပ်ကို လက်ခံလိုက်ရပါတယ်။ သူတို့ ဒီအလုပ်ကို ဘယ်လိုလုပ်ကြမလဲ၊ ဒီကိစ္စတွေရဲ့ နောက်ကွယ်မှာ တခြားတစ်ယောက်ယောက် ရှိနေသေးသလားဆိုတဲ့ မေးခွန်းတွေနဲ့ တိုက်ခိုက်မှုတွေကို ဆက်တွေ့ရမှာပါ။ ဒန်နီအဖြစ် Jason Statham နဲ့ ဟန်တာအဖြစ် Robert De Niro တို့ ပါဝင်သရုပ်ဆောင်ထားပါတယ်။