Matt Watts ပါဝင်သော ဇာတ်ကားများ

The Grand Seduction (2013) The Grand Seduction ဟာ ဝေလံခေါင်ဖျားတဲ့ တံငါရွာလေးမှာ အခြေခံထားပြီး ဒေသခံတွေက အလုပ်ကိုင်မရှိကြတော့တဲ့အတွက် စက်ရုံတစ်ခုရဖို့ ဆရာဝန်တစ်ယောက်ကို သူတို့ရွာမှာ ဆက်နေအောင် မီးကုန်ယမ်းကုန် ဆွဲဆောင်ကြမဲ့ ဟာသဒရမ်မာ ဇာတ်ကားကောင်းလေးတစ်ကားဖြစ်ပါတယ်။ ရရှိခဲ့သောဆုများ - Won: Canadian Screen Award for Adapted Screenplay (2014) - Nominated: Canadian Screen Award for Best Picture (2014) သရုပ်ဆောင်များ - Brendan Gleeson (Murray French အဖြစ်) - Taylor Kitsch (Dr. Lewis Paul အဖြစ် - Liane Balaban (Kathleen အဖြစ်) - Gordon Pinsent (Simon အဖြစ်) - Mark Critch (Henry Tilley အဖြစ်) - Mary Walsh (Vera အဖြစ်) ဇာတ်လမ်းအကျဥ်း အစိုးရက ငါးဖမ်းခွင့်မပြုတော့လို့ အလုပ်လက်မဲ့ ဖြစ်နေကြတဲ့ တစ်ကယ်ဟတ်ရွာသားတွေဟာ လဝက်စာပဲကာမိတဲ့ လူမှုဖူလုံရေးရန်ပုံငွေလေးနဲ့ အသက်ဆက်နေကြရပါတယ်။ သူတို့ရွာလေးဟာ ဝေးလံခေါင်ဖျားပြီး မတိုးတက်လို့ ဆရာဝန်တစ်ယောက်တောင် မရှိပါဘူး။ သူတို့ရွာမှာ အလုပ်ကိုင်တွေပြန်အဆင်ပြေဖို့ဆိုရင် စွန့်ပစ်လောင်စာစက်ရုံလာဖွင့်မှပဲ ရမှာပါ။ စက်ရုံဘက်ကလည်း ကျန်းမာရေးအာမခံချက်ရှိတဲ့ နေရာမှာ ဖွင့်ဖို့လိုတာကြောင့် ရွာမှာ ဆရာဝန်ရှိမှ စက်ရုံဖွင့်လို့ရမယ်လို့ဆိုပါတယ်။ ဒါကြောင့် ကျေးရွာအုပ်ချုပ်ရေးမှူး မာရေးက ဦးဆောင်ပြီး သူတို့ရွာမှာ တစ်လတာဝန်ကျတဲ့ ဆရာဝန် ပေါလ် ကို ဆက်နေချင်လာအောင် နည်းလမ်းပေါင်းစုံနဲ့ ဆွဲဆောင်ပါတော့တယ်။ ဒါပေမဲ့ တစ်ရွာလုံးရဲ့ လိမ်ဆင်တွေက ဘူးပေါ်သလို ပေါ်သွားမလား၊ ဆရာဝန်ပေါလ်ကရော ရွာမှာ ဆက်နေချင်ပါ့မလားဆိုတာကိုတော့ ဇာတ်လမ်းထဲမှာ ဆက်လက်ရှုစားကြရမှာ ဖြစ်ပါတယ်။ File Size - 2.04 GB/ 916 MB Quality - BluRay 1080p/ 720p Duration - 1h 53m Format - mp4 Genre - Comedy Subtitle - Myanmar Subtitle (Hard Sub)

Antiviral ထဲက လူတွေဟာ ကိုယ်နှစ်သက်တဲ့ နာမည်ကြီးတွေရဲ့ ဝတ်စားနေထိုင်ပုံကို လိုက်တုပရုံနဲ့ မကျေနပ်ကြတော့ပါဘူး။ အဲဒီသူတွေ ခံစားနေရတဲ့ ရောဂါကိုပါ ကိုယ်တိုင်ခံစားချင်လို့ ရောဂါပိုးတွေကို ဝယ်ယူကြပါတယ်။ နာမည်ကြီးတွေဘက်ကလည်း ရောဂါဖြစ်လာတိုင်း သူတို့ဆီက ဗိုင်းရပ်စ်ပိုးကို ပြန်ရောင်းကြတယ်။ ဥပမာ ကိုယ်စွဲလမ်းတဲ့သူရဲ့ နှုတ်ခမ်းမှာဖြစ်နေတဲ့ ရေယုန်မျိုးကို လိုချင်ရင် ဆေးခန်းမှာ အဲဒီဗိုင်းရပ်စ်ထိုးဆေးကို ဝယ်နိုင်ပါတယ်။ လူးကပ်စ်ဆေးခန်းက ဒီလိုရောဂါပိုးတွေကို ထိုးဆေးအဖြစ် ရောင်းချပေးနေတဲ့နေရာပါ။ အဲဒီမှာ အလုပ်လုပ်တဲ့ ဆစ်မတ်ကတော့ ဆေးခန်းက ဗိုင်းရပ်စ်နမူနာတွေကို ခိုးယူပြီး မှောင်ခိုဈေးကွက်မှာ ပြန်ရောင်းသလို ကိုယ်တိုင်လည်း ခိုးသုံးနေသူ ဖြစ်ပါတယ်။ တစ်ခါမှာတော့ ရောဂါပိုးဝယ်လိုအား အများဆုံးရထားတဲ့ နာမည်ကြီး ဟားနားဂရိုက်စ်ဆီက ဗိုင်းရပ်စ်ထိုးဆေးကို သူခိုးသုံးလိုက်တယ်။ အဲဒီနောက် ဟားနားက အမည်မဖော်နိုင်တဲ့ ရောဂါတစ်ခုနဲ့ သေဆုံးသွားပါတယ်။ ဟားနားနဲ့ နောက်ဆုံးထိတွေ့ခဲ့တဲ့ ဆစ်မတ်လည်း သူခံစားခဲ့ရတဲ့ ဝေဒနာတွေကို စတင်ခံစားလာရပြီး ဟားနားရဲ့ပရိသတ်တွေနဲ့ ဖောက်သည်တွေရဲ့ မျက်စိကျစရာ ဖြစ်လာတော့တယ်။ ဆစ်မတ်ဟာ ဒီအဖြစ်တွေကို အဖြေရှာရင်း ကိုယ့်အသက်ကိုယ် ဆက်ရှင်နိုင်ဖို့ ကြိုးစားရပါတယ်။ စိတ်မသက်မသာဖြစ်စရာနဲ့ ရွံရှာစရာမြင်ကွင်းတွေ ပါဝင်တဲ့ သိပ္ပံစိတ်ကူးယဉ် ထိတ်လန့်ကားပါ။

Scott Pilgrim vs. the World (2010) ~ IMDb - 7.5/10, Rotten Tomatoes - 82% ~ ခင်ဗျားတို့အတွက် စီနီမာ (ရုပ်ရှင်) ဆိုတာ ဘာများလဲ။ မက်ဆေ့တစ်သီတစ်သန်းနဲ့ကားတွေလား။ ကြီးကျယ်ခမ်းနားလှတဲ့ ဆက်တင်ကြီးတွေ သိပ်ကောင်းတဲ့ စီဂျီအိုင်တွေ တပြုံတမကြီးသုံးထားတဲ့ ခမ်းကြီးနားကြီးကားတွေလား။ ကျွန်တော့်အတွက်တော့ စီနီမာဟာ အရသာရှိနေခြင်းပဲ။ ခမ်းနားချင်မှလည်း ခမ်းနားမယ်၊ ဘာတစ်ခုမှမပါဘဲ ပြကွက်တစ်ကွက်တည်းကိုပဲ အကြာကြီးပြချင်လည်းပြမယ်၊ သောက်တလွဲတွေချည်း ပြောချင်လည်းပြောမယ်၊ ဂလည်အူကြောင်ပြကွက်တွေ ပြချင်လည်းပြမယ်။ ဒါပေမဲ့ ဒီရုပ်ရှင်ကို ကြည့်လိုက်လို့ အရသာတော်တော်ကြီးရှိနေပြီဆိုရင် အဲဒီရုပ်ရှင်ဟာ ရုပ်ရှင်စစ်တယ်။ စီနီမာဖြစ်တယ်လို့ပဲ ပုဂ္ဂလိကအရ သတ်မှတ်လိုက်တာပဲ။ Scott Pilgrim vs. the World ဟာ အဲဒီစီနီမာအရသာ အပြည့်ရှိနေတဲ့ကားပေါ့။ မသိတဲ့လူဆို ဘာမှမဟုတ်ဘူးထင်ရင်း ကြည့်နေရင်း ကြည့်နေရင်း အရသာက တဖြည်းဖြည်းတက်လာမယ့် ရုပ်ရှင်မျိုးပဲ။ နောက်တစ်ချက်အားဖြင့်တော့ ဒီဘက်ခေတ်မှာ ကျွန်တော်တို့ ပြန်မရနိုင်တော့တဲ့ ကျွန်တော်တို့ငယ်ငယ်က ရုပ်ရှင်တွေမှာရှိနေခဲ့တဲ့ အငွေ့အသက်မျိုးပေးနိုင်တဲ့ကားလို့ ပြောလို့ရပါတယ်။ အဲဒီအငွေ့အသက်ကို ခင်ဗျား ဇာတ်လမ်းကတင်မဟုတ်ဘဲ သရုပ်ဆောင်တွေဆီကပါ ရလိမ့်မယ်။ Chris Evans, Brie Larson, Mary Elizabeth Winstead, Aubrey Plaza, Brandon Routh, Ellen Wong, Alison Pill နဲ့ Anna Kendrick တို့ကို ခင်ဗျား ဘယ်တော့မှ ထပ်မမြင်ရတော့မယ့်ပုံစံတွေနဲ့ မြင်ရလိမ့်မယ်။ မြင်ရရင်တောင် ဒီလိုမဟုတ်ဘဲ ကြောင်တောင်တောင်ဖြစ်နေမှာပဲ။ စကော့အဖြစ်သရုပ်ဆောင်တဲ့ Michael Cera ကိုလည်း ခင်ဗျား ဒီလိုပုံစံနဲ့ထပ်မြင်ရတော့မှာမဟုတ်ဘူး။ ပိုထူးတာက Jason Schwartzman ပဲ။ ဝက်စ်အန်ဒါဆန်ကားတွေတိုင်းပါခဲ့ဖူးတဲ့ သူ့ကို ဒီမှာမြင်ရတဲ့အဖြစ်မျိုးက ကြောင်တောင်တောင်တော့နိုင်ပေမဲ့ မိုက်လည်းမိုက်နေတယ်။ ပါတဲ့ပုံစံကလည်း စားတာကိုး။ မဆန်းပါဘူး ဂရပ်ဖစ်နိုဗယ်ကို ပြန်ရိုက်ထားပြီး စာအုပ်ကို အပြည့်အဝသစ္စာရှိထားတော့ ကြောင်တောင်တောင်ကြီးလုပ်ပြမနေမှကို ဆန်းနေမှာ။ ဇာတ်လမ်းအကျဉ်းကတော့ ရှင်းရှင်းလေးပဲ။ Scott Pilgrim ဆိုတဲ့ကောင်လေးက ကောင်မလေးတစ်ယောက်ကိုချစ်မိတယ်။ သူ့အချစ်ကိုရဖို့ အဲဒီကောင်မလေးရဲ့ ဆိုးရွားလှတဲ့ ရည်းစားဟောင်းခုနှစ်ယောက်ကို အနိုင်ပိုင်းရတယ်။ ဒါတွေကို ဂီတာဟီးရိုးလိုလို စထွိဖိုက်တာလိုလို မြင်ရုံနဲ့ Nostalgia ဖြစ်မယ့် အကွက်ဆန်းကြီးတွေနဲ့ချည်းပြသွားတာ။ တစ်ခါတလေ နိုင်ပုံနိုင်နည်းတွေကလည်း တော်တော်ဂလည်အူကြောင်နိုင်တယ်။ ဒါပေမဲ့ သူ့ Inner Logic ထဲဆို‌တော့ "လခွမ်းဟ" ဆိုပြီး ဖြစ်သွားရုံကလွဲ ကြည့်ကောင်းနေတာပါပဲ။ ဆက်တင်တွေကလည်း တော်တော် Nostalgia ဖြစ်တယ်။ ဒါကြောင့်လည်း တချို့က Scott Pilgrim vs. the World ကို စီနီမာရဲ့ တစ်ထောင့်တစ်နေရာက စီနီမာစစ်စစ် အရသာပေးနိုင်တဲ့ ရုပ်ရှင်ကားကောင်းတစ်ကားလို့ဆိုကြတယ်။ ဂရပ်ဖစ်နိုဗယ်ကို ရိုက်ပြီး ဒီလိုခပ်ကြမ်းကြမ်း လှလှပပ ရုပ်ရှင်ထွက်လာတာလည်း ကြက်ကန်းဆန်အိုးတိုးတာတော့မဟုတ်ဘူး။ Edgar Wright ကိုယ်တိုင် ရိုက်ကူး ဇာတ်ညွှန်းဝင်ရေး ပရိုဂျူဆာပါလုပ်ထားသကိုး။ ဒီဘဲက Satirical ဖလင်တွေမှာ ဂျွတ်လေတော့ ဒီကားကလည်း သူနဲ့အပြည့်အဝလည်း ကီးကိုက်သွားတယ်။ ဒီဘဲရိုက်တဲ့ကားတွေအကုန်ကလည်း ကြည့်လို့တော်တော်ကောင်းတဲ့ ကားတွေချည်း။ Shaun of the Dead, Hot Fuzz နဲ့ The World's End ဆိုတဲ့ နာမည်ကျော် Cornetto Trilogy နဲ့ Baby Driver တို့လို ကားတွေကို ရိုက်ခဲ့တဲ့အပြင် သူရိုက်ခဲ့တဲ့ပုံစံတွေကနေ ကွဲထွက်ပြီးရိုက်ခဲ့တဲ့ Last Night in Soho ကလည်း တော်တော်လေး ကောင်းခဲ့တယ်။ ဒီလိုဘဲက အသက်သွင်းထားတဲ့ ကားဆိုတော့လည်း ဒီလိုထွက်လာတာပါပဲ။ Scott Pilgrim vs. the World ဟာ Edgar Wright ရဲ့ မာစတာပိစ်အဖြစ်ဆုံးရုပ်ရှင်ဖြစ်သလို စီနီမာရဲ့ စီနီမာစစ်မှန်တဲ့ ရုပ်ရှင်တွေထဲက တစ်ကားပါပဲ။ ဒီကားရဲ့အရသာမျိုးက ဒီကားမှာပဲရနိုင်တာမို့ Comic Book Movies တွေကြိုက်ရဲ့နဲ့ ဒီကား မကြည့်ဘူးဆိုတာက ဘယ်လိုမှမဖြစ်သင့်ပါဘူး။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 7.75GB(HDR), 8.77GB(SDR), 2.75GB, 1.25GB Quality - 4K HEVC, 1080p, 720p IMDb Rating - 7.5/10 Format - mp4 Duration - 1H 52Min Genre - Action, Comedy, Fantasy Subtitle - Myanmar Subtitle (Hardsub) Translated by 666 Encoded by Y, Ka Naung