Matteo Simoni ပါဝင်သော ဇာတ်ကားများ

Cape Farewell (2026) IMDb Rating (5.6) တိုနီဟာ ပြစ်ဒဏ်စေ့လို့ ထောင်က လွတ်လာပြီးတဲ့နောက် သူထောင်ကျနေစဉ်အတွင်း မိခင်ဖြစ်သူ ဘတ်တီက တာဝန်ယူစောင့်ရှောက်ပေးခဲ့တဲ့ သမီးလေး အန်နာနဲ့ပြန်ပြီး နီးစပ်ခွင့်ရအောင်ကြိုးစားနေပါတယ်။ သူ့ဦးလေး ဖရန့်ခ်ရဲ့စားသောက်ဆိုင်မှာအလုပ်ဝင်ရင်း သမီးလေးနဲ့သံယောဇဉ်ပြန်တည်ဆောက်ရင်း ဘ၀ဟောင်းကိုပြန်ရောက်မသွားဖို့ကြိုးစားနေချိန်မှာပဲရည်းစားဟောင်းဖြစ်တဲ့ မက်စ်နဲ့ပြန်တွေ့ခဲ့ရပါတယ်။ မက်စ်ဟာ အန်နာရဲ့ဖခင်ဖြစ်ရုံတင်မကပဲ လွန်ခဲ့တဲ့ အချိန်က တိုနီထောင်ကျခဲ့ရတဲ့ အဓိက အကြောင်းရင်းဖြစ်ခဲ့ပြီး သူ့ကို ဒုစရိုက်လောကထဲ ပြန်ရောက်အောင် သွေးဆောင်လာချိန်မှာတော့..။ တိုနီတစ်ယောက်လူကောင်းတစ်ယောက်လိုဆက်ပြီး နေနိုင်ပါဦးမလား? ဒုစရိုက်နွံထဲကို တစ်ဖန်ပြန်ပြီး ကျွံဝင်သွားဦးမလား? သမီးလေး အန်နာရဲ့ အနာဂတ်ဟာ ဘယ်လိုတွေဖြစ်လာမလဲ ဆက်ပြီး ရှုစားရမယ့် Drama/Thriller ကားကောင်းတစ်ကားဖြစ်ပါတယ်။ File size… (970 MB) / (690 MB) Quality…. WEB-DL 1080p HEVC / 720p Format…. mkv/mp4 Genre…. Drama Duration…. 01:48:45 Subtitle…. Myanmar Subtitle (Hardsub)

Night Creatures (2025) ++++++++ ဒီဇာတ်ကားရဲ့နာမည်ကို မြန်မာလိုပြန်ရရင် "ပိုးဖလံများ"ပါတဲ့။ ဆိုလိုချင်တာကတော့ " မီးကိုတိုးတဲ့ ပိုးဖလံငယ်များ"ပေါ့လေ။ ဒီဇာတ်ကားထဲက အဓိကဇာတ်ကောင် ဒိုင်လန်ဟာ အရင်က ပြစ်မှုတစ်ခုရှိခဲ့လို့ထောင်ကျခံခဲ့ရပြီး အခုမှထောင်ကထွက်လာတဲ့ထောင်ထွက်တစ်ယောက်ပေါ့။ သူနေတဲ့နေရာကိုပြန်လာတဲ့အခါမှာ သူ့အမေကလည်းဆုံးသွားပြီဖြစ်ပြီး ပီယာဆိုတဲ့ လူကြမ်းကြီးဆီမှာ အကြွေးတွေလည်း တင်နေခဲ့ပါတယ်။ အဲဒီအကြွေးတွေကို ချေပေးဖို့အတွက် ပီယာကနေပြီး ဒိုင်လန်ကို အလုပ်တစ်ခုကမ်းလှမ်းခဲ့ပါတယ်။ ဘာအလုပ်လဲဆိုတော့ တရားမဝင်ငွေမည်းတွေကိုဖောက်ထွင်းဖို့ပါပဲ။ ရွေးချယ်စရာမရှိတဲ့ ဒိုင်လန်လည်း ပီယာပေးတဲ့တာဝန်ကို လုပ်ဆောင်ဖို့ကြိုးစားနေတုန်း စားသောက်ဆိုင်တစ်ခုမှာ မာဂေါ့ဆိုတဲ့ အမျိုးသမီးနဲ့ ‌တွေ့ဆုံဖြစ်ခဲ့ပါတယ်။ သူတို့နှစ်ဦးရဲ့တွေ့ဆုံမှုဟာ သမားရိုးကျရေစက်ဆုံတယ်ဆိုတာမျိုးထက်ပိုပြီး "မီးကိုတိုးတဲ့ ပိုးဖလံတွေ"လို ပတ်သတ်မှုမျိုး ဖြစ်လာတဲ့အခါမှာ ဘာတွေဆက်ဖြစ်မလဲဆိုတာကို ကြည့်ရှုရမဲ့ဇာတ်ကား‌လေးပဲဖြစ်ပါတယ်။ File Size… (1.07GB) / (707MB) Quality… WEB-DL 1080p HEVC /720p Format…mkv / mp4 Duration…1h 42m Genre ….Crime , Thriller Subtitle….Myanmar Subtitle (Hard Sub)

ဇာတ်လမ်းက Milan မြို့မှာ နေထိုင်တဲ့ ဖခင်နဲ့ စကားမပြောတတ်တဲ့ သားလေး အကြောင်းကို အဓိကထားပါတယ်။ဖခင်က အတိတ်မှာ ဖြစ်ခဲ့တဲ့ အမှားတွေနဲ့ သစ္စာဖောက်သွားတဲ့ မိန်းမဖြစ်သူကြောင့် သားအဖနှစ်ယောက်ပဲ ဖြတ်သန်းနေရသူပါသားလေးကတော့ မိခင်ပြစ်သွားပြီးနောက်ပိုင်း စိတ်ဒဏ်ရာရသွားလို့ စကားမပြောနိုင်တော့သူပါသူ့စိတ်ခံစားချက်တွေကို လက်ဟန်ခြေဟန်နဲ့ပဲပြနိုင်တယ်..ဖခင်က သားကို နားလည်ဖို့ အစမှာ ခက်ခဲပေမယ့် —နောက်ပိုင်း အတူနေတဲ့အချိန်တွေကြားမှာသူတို့နှစ်ယောက်ကြား စကားမလိုတဲ့ ချိတ်ဆက်မှုသံယောဇဉ်တွေတိုးလာပါတယ်။ ဘဝရဲ့အခက်အခဲတွေကြားကဖခင်နဲ့သားရဲ့ နွေးထွေးစရာမေတ္တာတရားကို သေချာလေးရိုက်ပြထားတဲ့ကားလေးဖြစ်ပါတယ် File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Gangstas (2025) IMDb Rating (6.3) ဒီ Gangstas ဆိုတဲ့ဇာတ်ကားကတော့ Dark Comedy, Gangster, Action, Comedy, Crime နဲ့ Drama အစရှိတဲ့ genre မျိုးစုံနဲ့ ပြည့်နေတဲ့ ဇာတ်ကားကောင်းတစ်ခုပါ။ သူ့ရဲ့ rating ကတော့ IMDB မှာ ပျှမ်းမျှအနေနဲ့ 6.3 ရှိတယ်ဆိုပေမယ့် သူ့ကို 8 star ပေးခဲ့ဖူးသူကလည်းများ၊ review ရေးတဲ့ ကျွန်တော်ကိုယ်တိုင်ကလည်း သူ့ရဲ့ original ဆန်တဲ့အချက်ကြောင့် အရမ်းသဘောကျမိလို့ recommend ပေးချင်တဲ့ကားတစ်ကားလည်းဖြစ်ပါတယ်။ ဇာတ်လမ်းအကျဉ်း အန့်ဝက်ဆိုတဲ့ မြို့ရဲ့ မြေအောက်လောကအဖြစ်ဆိုးတစ်ခုကနေ ရှင်ကျန်လာခဲ့တဲ့ ဘာဒီယာ ဂျုန်းစ်နဲ့ ဗော့လ်ထ်တို့ဟာ သူတို့ရဲ့ အတိတ်ကအဖြစ်ဆိုးတွေကို ချန်ခဲ့ပြီး ကိုယ်စီဘဝအသစ်နဲ့စဖို့ကြိုးစားခဲ့ကြပါတယ်။ အဲဒီထဲကမှ သူတို့ကိုအဲဒီဖြစ်စဉ်ထဲဆွဲထည့်သလိုဖြစ်သွားခဲ့တနဲ့ အဒါမိုကတော့ မပြောင်းလဲဘဲ မြောအောက်လောကမှာ တက်သစ်စ ချာတိတ်တစ်ဗွေဖြစ်လာခဲ့တာပေါ့။ သူကလည်း စိတ်ထဲကနေသာ ကောင်းတဲ့သဘောတွေကို စိတ်ဆောင်ရင်ဆောင်နေမယ် ဒါပေမဲ့ သူလုပ်နေတဲ့ကိစ္စတွေကတော့ တစ်ကမ္ဘာလုံးကိုအကျိုးယုတ်စေတဲ့ မူးယစ်ဆေးဝါးတွေကို ကမ္ဘာနဲ့ချီ တင်ပို့ဖြန့်ဖြူးနေတာပဲဖြစ်ပါတယ်။ မူးယစ်ဆေးဝါးနဲ့ပတ်သက်လာရင်တော့ ဘာကောင်းတာတစ်ခုမှမရှိပါဘူးး။ အဲဒီလောက်မှာ ကျင်လည်နေတဲ့ အဒါမိုကလည်း ဒုက္ခသုက္ခတွေများစွာနဲ့ ရင်ဆိုင်ရပြီး အသက်ကိုရင်းပြီး အလုပ်လုပ်ခဲ့ရပါတယ်။ ဒါပေမဲ့လည်း လူငယ်ဖြစ်တဲ့အလျောက် စိတ်မာန်တက်ကြွနေတဲ့ အဒါမိုဟာခေါင်းမာပြီး သူ့လုပ်နေကျအလုပ်ရဲ့ အတိုင်းအတာကိုကျော်ပြီး စစ်ဆေးရေးကြပ်တည်းနေတဲ့အချိန်မှာ ဘိန်းဖြူအများကြီးကို သယ်ပို့ဖို့လုပ်ခဲ့ပါတယ်။ ရန်ဘက်တွေလည်းများ အသိုင်းအဝိုင်းကြားနာမည်ကြီးနေတဲ့ အဒါမိုဟာ ချောက်ချခံလိုက်ရပြီး ထောင်ထဲရောက်သွားပါတယ်။ အကွက်စေ့ချပြီးထောင်ထဲကနေ ပြန်ထွက်ဖို့လုပ်တဲ့အခါပေမယ့်လည်း အကြပ်ကိုင်ခံပြန်ရပါတယ်။ သူ့ရဲ့အလုပ်ကိစ္စနဲ့ပတ်သက်လာလို့ရှိရင် ဘာအထာမှမထားတတ်ဲတဲ့ အဒါမိုဟာ သူ့မိသားစုလိုချစ်ခင်ရတဲ့ အသိုင်းအဝိုင်းကိုလာထိဖို့ ပြိုင်ဘက်ဂိုဏ်းတွေကလုပ်လာကြတဲ့အခါမှာတော့ အဒါမိုတစ်ယောက် ဂိုဏ်းစတားပီပီ အစွယ်ပြပြီး မာန်ပြန်ဖီဖို့ပြင်ပါတော့တယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (3 GB) / (1.5 GB) Quality…. WEB-DL 1080p HEVC / 720p Format…. mkv/mp4 Genre…. Action, Comedy, Crime, Drama Duration…. 02:00:41 Subtitle…. Myanmar Subtitle (Hardsub) Encoder…. Benjamin Translated by Mark

Will (2024) ~ IMDb - 7.1/10, Rotten Tomatoes - 60% ~ ဒီကားလေးကတော့ ခုလပိုင်းအတွင်းကမှထွက်ရှိထားတဲ့ စစ်ပွဲကာလနောက်ခံ ဘယ်လ်ဂျီယမ်ကားလေးပါ။ ဇာတ်လမ်းကို WW2 ကာလအတွင်း အရေးပါတဲ့ Antwerp ဆိပ်ကမ်းမြို့မှာ ဇာတ်အိမ်တည်ထားပြီး ဂျူးတွေအများ‌အပြား‌ နေထိုင်ခဲ့ကြတဲ့မြို့လည်းဖြစ်ပါတယ်။ သင်တန်းဆင်းခါစရဲတပ်သား "ဝေလ်" နဲ့ရဲဘော်တစ်ယောက်က ဂျာမန်စစ်တပ်ရဲတစ်ယောက် ဂျူးရပ်ကွက်ကို လူသွားဖမ်းထားတာကို အစောင့်အရှောက်အဖြစ်လိုက်သွားရင်း မတော်တဆ စစ်တပ်ရဲကိုသတ်မိလိုက်ပါတယ်။ အဲဒီကနေမှ ဂျုးတွေကိုမုန်းတဲ့ပန်းချီဆရာတစ်ယောက်နဲ့ ပတ်သက်မိပါတယ်။ အဲဒါအပြင် ဝေလ်တစ်ယောက် သူငယ်ချင်းနဲ့ရည်းစားပါရာ ဂျူးအဖွဲ့အစည်းထဲပါ၀င်မိရာမှ အဲဒီအဖွဲ့အတွက်သူလျှိုလုပ်ပေးရင်း နဂိုစစ်တပ်ရဲကိုသတ်မှုကပါ နောက်မှာမီးခိုးကြွက်လျှောက်လိုက်လာတဲ့အခါမှာတော့... စစ်ပွဲတွေက လူ‌တွေရဲ့ကိုယ်ကျင့်တရားနဲ့ စာရိတ္တတွေကိုပါ တိုက်စားသွားနိုင်တဲ့အရာမျိုးပါပဲ။ ဝေလ်တစ်ယောက် ကြံ့ကြံ့ခံနိုင်ပါ့မလား... အများနည်းတူမိုးခါးရေသောက်မလား... ဆိုတာ စိတ်၀င်တစားကြည့်ရှုရမှာပါ။ ဝေဖန်ရေးသမားတွေဆီကနေ Review ကောင်းတွေ ရထားတဲ့ကားမလို့ ပေးရတဲ့အချိန်နဲ့တန်မှာပါ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size - 2.3GB, 1.05GB Quality - 1080p, 720p IMDb Rating - 7.1/10 Format - mp4 Duration - 1H 50Min Genre - Drama, History, War Subtitle - Myanmar Subtitle (Hardsub) Translated by Soe Thiri Swe Encoded by Y

IMDb 7.4 အထိရရှိပြီး ၂ နာရီ ၁၈ မိနစ်ကြာတဲ့ Crime/Drama အမျိုးအစားရုပ်ရှင်ပါ။ ဒီရုပ်ရှင်က Nightlife အကြောင်းကိုရိုက်ပြထားတဲ့ရုပ်ရှင်ပါ။ အချိန်ကာလအားဖြင့် ၁၉၉၇ခုနှစ်ပါ။ ဘယ်လ်ဂျီယံနိုင်ငံရဲ့ အကြီးဆုံး ဒစ်စကိုနိုက်ကလပ်ကြီးရဲ့ ပိုင်ရှင်သူဌေး၊ ဘယ်လ်ဂျီယံရဲ့အလှဆုံး အမျိုးသမီး မစ္စဘယ်လ်ဂျီယံ ၁၉၉၇ ရဲ့ဘေးမှာ မနက်တိုင်းနိုးထခွင့်ရတဲ့သူ အသက် ၂၇ နှစ်အရွယ် ခရန့်ခ်ဟာ မူလအစမှာတော့ အီလက်ထရောနစ်ပစ္စည်းတွေကို မှောင်ခိုတင်သွင်းတဲ့ ကွန်ပျူတာဉာဏ်ကြီးရှင်လေးတစ်ယောက်ပါ။ ဒါပေမဲ့ တစ်ခုခုကိုလိုချင်ပြီဟေ့ဆိုရင် ရအောင်ယူတတ်တဲ့ ဉာဏ်ကြီးရှင်ဖရန့်ခ်ဟာ မှောင်ခိုပစ္စည်းရောင်းတဲ့အလုပ်နဲ့ပဲ မတင်းတိမ်နေဘဲ ဘယ်လ်ဂျီယံမှာ တစ်ခါကမှမရှိခဲ့ဖူးတဲ့ နည်းပညာတွေ ၀န်ဆောင်မှုတွေနဲ့ ဒစ်စကိုကလပ်ကြီးကိုတည်ဆောက်ဖို့အတွက် မဟာဗျူဟာမြောက်စီမံကိန်းကြီးကို အကောင်အထည်‌ဖော်လိုက်တဲ့နောက်မှာတော့ Nightlife ဘုရင် ဖရန့်ခ်ရဲ့ အောင်မြင်မှုတွေ၊ ဘ၀ အနိမ့်အမြင့်အတက်အကျတွေ နဲ့ ဒစ်စကိုခရီးစဉ်ကြီးကို ဆက်လက်ကြည့်ရှုရမှာပါ။ ဒီရုပ်ရှင်ထဲမှာ ၉၀ နှစ်တွေတုန်းက Nightlife ကို ဒစ်စကိုမီးတွေ Techno သီချင်းတွေနဲ့ တစ်ကားလုံး မြိုင်မြိုင်ဆိုင်ဆိုင်ကို ပုံဖော်ရိုက်ပြထားပါတယ်။ သရုပ်ဆောင်ချက်တွေကလည်း ပြောစရာမ‌ရှိအောင်ကောင်းသလို ပေးချင်တဲ့မက်ဆေ့ခ်ျတွေလည်းပါတာမလို့ သေချာပေါက်မြည်းစမ်း ကြည့်ရှုကြည့်ဖို့ ညွှန်းပေးလိုက်ပါတယ်။ Nudeရိုက်ချက်တွေ၊ Sex scene တွေပါတာကြောင့် ၁၈ နှစ်အောက် ကြည့်ရှုဖို့မသင့်ပါဘူး။ File size…(2.6 GB)/(1.5 GB) Quality….Blu-Ray 1080p / 720p Format…mp4 Duration….02:18:00 Genre...Crime, Drama Subtitle….Myanmar Subtitle (Hardsub) Encoder….Garfield Translated by Steven Khant

Bodil နဲ့ Isabel ဟာ အိမ်ထောင်ကိုယ်စီရှိကြတဲ့ အချစ်ဆုံးသူငယ်ချင်းနှစ်ယောက်ပါ။ သူတို့က ခင်ပွန်းတွေ မသိအောင် တခြားသူတွေနဲ့ တွေ့ဖို့ ဘယ်လ်ဂျီယံကမ်းခြေကို ပိတ်ရက်ခရီး ထွက်လာကြတယ်။ ရောက်ရင် တစ်ယောက်တစ်နေရာစီ သွားကြပေမယ့် ခင်ပွန်းတွေကိုတော့ နှစ်ယောက်အတူရှိနေသလို လိမ်ပြောထားဖို့ စီစဉ်ထားကြပါတယ်။ Isabel ရဲ့ခင်ပွန်းက ဇနီးကို စိတ်မချလို့ ဖုန်းမှာ GPS တပ်ထားတယ်။ ဒါကိုသိတဲ့ Isabel က သူ့ဖုန်းကို Bodil ဆီ ပေးထားခဲ့ပြီး Bodil ကလည်း Isabel အယောင်ဆောင်ကာ ဓာတ်ပုံတွေပို့ပြီး အိမ်မှာရှိနေကြောင်း လိမ်ပေးထားတာပါ။ ဒါပေမယ့် Bodil က တခြားအမျိုးသားတစ်ယောက်နဲ့ ကမ်းခြေသွားပြီး အိမ်ပြန်လာချိန်မှာ ကြမ်းပြင်ပေါ် သွေးတွေရွှဲနေပြီး Isabel ပျောက်နေပါတယ်။ သူတို့ရဲ့ခင်ပွန်းနှစ်ယောက်လည်း အဲဒီအိမ်ကို လိုက်ရောက်လာကြတယ်။ ရဲတွေ စစ်မေးလာတဲ့အခါ Bodil ဟာ သူပြောထားတဲ့ အလိမ်တွေကြားမှာပဲ ရှုပ်ထွေးလာတော့တယ်။ Isabel အသတ်ခံရတာဖြစ်ကြောင်း သိလာရချိန်မှာတော့ Bodil ဘယ်လိုရှင်းပြနိုင်မလဲ၊ တရားခံကရော ဘယ်သူဖြစ်မလဲဆိုတဲ့ မေးခွန်းတွေ ပေါ်လာပါတယ်။

The Racer Rating - 5.6 /10 ခင်ဗျားတို့ ကိုယ်ရဲ့ career တစ်လျှောက်လုံး သူများအဖြည့်ခံအဖြစ် အသုံးချခံရဖူးလား? သာဒီးလူရဲ့ 'လိုသုံး' ထဲက  မလိုတော့တဲ့အခါ ချောင်ထိုးခံရပြီး လိုတဲ့အခါမှ အသုံးချခံရဘူးလား? အနည်းနဲ့အများတော့ ဘယ်နယ်ပယ်မဆို အသုံးချခံရမှာပါ။ ဒီလိုပါပဲ ဒီဇာတ်ကားက sport film ဖြစ်ပြီစက်ဘီးသမား တစ်ယောက်ရဲ့ အသက်အရွယ်ကို ခုတုံးလုပ်ပြီး အသုံးချခံရတဲ့ အကြောင်းပါ။ sport crazy တွေနဲ့ မစိမ်းတဲ့ The sport series ထဲမှ Louis Talpeက ခေါင်းဆောင်အဖြစ် သရုပ်ဆောင်ထားတာဖြစ်ပါတယ်။ ပြင်သစ်ခရီးစဥ်( Tour de france) ဆိုတာ နိုင်ငံတွေဖြတ်၊ ပြည်နယ်တွေဖြတ်ပြီး အဆင့်လိုက် စက်ဘီးစီးပြိုင်ရတဲ့ နာမည်ကြီးပြိုင်ပွဲတစ်ခု။ စက်ဘီးသမားတွေအတွက် အဝါရောင်ဂျာဆီ၊ အဖြူရောင်ဂျာဆီအတွက် အလုအယက်ယှဥ်ပြိုင်ရတဲ့ ပြိုင်ပွဲ။ အဝါရောင်ဂျာဆီရတဲ့သူဟာ ပြိုင်ပွဲတစ်ပွဲလုံးရဲ့ ခေါင်းဆောင်လို့ ပြောနိုင်ပါတယ်။ အဖြူရောင်ဂျာဆီကတော့ အသက် ၂၅နဲ့ ၂၅အောက် ပြိုင်ပွဲဝင်တွေကို ချီးမြှင့်တာဖြစ်တယ်။ အော့စရိတ်ဂျ်လို့ခေါ်တဲ့ အသင်း အိုင်ယာလန်ကို ၁၉၉၈ ပြင်သစ်ခရီးစဥ်အတွက် လာရောက်တဲ့အခါ..... အသုံးချခံရလိုက် ချောင်ထိုးခံရလိုက်နဲ့ အသက်ကြီးပြီဖြစ်တဲ့ ... အသင်းခေါင်းဆောင်ပဲ နိုင်ရမယ်လို့ အသင်းက သတ်မှတ်ပြီးသား ပြိုင်ပွဲမှာ နိုင်လို့မဖြစ်တဲ့ အထောက်စက်ဘီးသမားတစ်ယောက်... ခေါင်းဆောင်စက်ဘီးသမားနိုင်အောင် အမြဲအနစ်နာခံပေးရတဲ့ ဒွန်.... နှစ်ပေါင်းများစွာ အတွေ့အကြုံတွေကို 'စက်ဘီးစီးတယ်ဆိုတာ ဘီးကလေးလည်နေတာလေးပဲ' လို့ပြောပြီး အသင်းက ထုတ်ခံရတဲ့အခါ...... အမောခံနိုင်ရှိအောင် ဆေးတွေစွဲပြီး နှလုံးဖောက်တဲ့ ဒွန် ဆေးစစ်ခံရတဲ့အခါ........ ဒွန်ဘာတွေဆက်ဖြစ်မလဲဆိုတာ ရင်ခုန်စွာနဲ့ စောင့်ကြည့်ရမှာဖြစ်ပါတယ်။ Ratingကတော့ မဆိုသလောက်နည်းတယ်လို့ ပြောနိုင်ပေမယ့် ကြည့်ရတာ အရသာတစ်မျိုးပေးစွမ််းနိုင်ပါတယ်။ အားကစားသမားတွေရဲ့ ကျော်ကြားမှုဂုဏ်သတင်းတွေရဲ့ နောက်ကွယ်မှာ သူတို့ဘယ်လောက် ဖိအားတွေ ခံစားရလဲ။ ဘယ်လောက် လေ့ကျင့်ရေးတွေ ဆင်းရလဲ။ မသုံးချင်ပေမယ့်လဲ ဘာလို့ ဆေးတွေသုံးရတာလဲ စသဖြင့် အားကစားသမားတွေရဲ့ဘဝ။ စက်ဘီးအမြဲစီးနေတဲ့အတွက် လက်မောင်းတွေ ခြေထောက်တွေ နေလောင်လို့နီရဲနေတာတွေ၊ မှောက်တိုင်း ဒဏ်ရာရတဲ့ အမာရွတ်တွေ၊ စိတ်ခံစားချက်တွေ၊ အားကစားသမားတစ်ယောက်ရဲ့ မိသားစုကိုတောင် မငဲ့ဘဲ ကိုယ့််ဝါသနာကို ဘယ်လောက် စွဲလမ်းသလဲ။ ဘယ်လောက်ရူးသွပ်သလဲဆိုတာ တကယ် မြင်သာပါတယ်။ ကြည့်ရှူ့သင့်တဲ့ စကားတစ်ကားလို့ ညွှန်းပါရစေ။ File Size - 1gb Quality - web-dl 1080p Subtitle -  burmese Translator - Sai Wai Naing Encoder - Thit San Khant