Matthew Marsh ပါဝင်သော ဇာတ်ကားများ

ဇာတ်ပို့အဖြစ်ကနေ ခေါင်းဆောင်မင်းသားအဖြစ်ကို အောင်မြင်စွာကူးပြောင်း လာခဲ့တဲ့ မင်းသားကြီး Frank Grillo ရဲ့အက်ရှင်ကားအသစ် Hounds Of War ကို တင်ဆက်ပေးလိုက်ပါတယ်။သူသရုပ်ဆောင်ထားတဲ့ကားဆိုတော့ အပစ်အခတ်တွေနဲ့ ကြမ်းတမ်းတဲ့အက်ရှင်တွေကိုတွေ့ရမယ်ဆိုတာတော့ တန်းသိကြမှာပါ။ ဇာတ်လမ်းဇာတ်ကွက်တွေကလည်း ကြည့်တာတောင်မကြာသေးဘူး ဟာခနဲဟင်ခနဲ ဖြစ်သွားစေမဲ့ဇာတ်လမ်းမျိုးဆိုတော့ အက်ရှင်ချစ်သူတွေကြည့်ရှုသင့်တဲ့ဇာတ်ကား တစ်ကားဖြစ်ပါတယ်။ ရိုက်ဒါကကြေးစားစစ်သားတစ်ယောက်ဖြစ်ပြီး အမေရိကန်အစိုးရရဲ့ လျှို့ဝှက် လုပ်ကြံရေးစစ်ဆင်ရေးတွေကိုလုပ်ခဲ့တဲ့ အငြိမ်းစားယူထားသူတစ်ယောက်ဖြစ်ပါတယ်။ အငြိမ်းစားယူထားပေမဲ့လည်း အလုပ်ကမဖြစ်မနေ လှမ်းခေါ်တဲ့အပြင် တစ်ဖွဲ့တည်းသားချင်း ဖြစ်တဲ့ညီဖြစ်သူကပါခေါ်တော့ ရိုက်ဒါလည်းနောက်ဆုံးတစ်ခေါက်စစ်ဆင်ရေးထပ်လုပ် ခဲ့ပါတော့တယ်။ဒါပေမယ့် သစ္စာဖောက်ခံလိုက်ရပြီးသူ့ညီအပါအဝင်တစ်ဖွဲ့လုံး သေဆုံးခဲ့ရတဲ့ အခါမှာတော့ သစ္စာဖောက်ဖြစ်တဲ့သူတို့အထက်လူကြီးကိုပညာသားပါပါလက်စားချေဖို့ စီစဉ်ပုံတွေကိုစိတ်ဝင်စားစရာကြည့်ရှုခံစားရမှာပဲဖြစ်ပါတယ်။ File size…1.46GB / 813MB Quality…WEB-DL 1080p HEVC / 720p Format…mkv / mp4 Duration….1h 35m Genre ….. Action , Drama Subtitle….Myanmar Subtitle (Hard Sub) Encoder….Min Wai Translated by Saw Lay

လူအများ ရင်းနှီးပြီးသား တက်ထရစ်ဂိမ်း ကမ္ဘာတစ်ဝန်း လူသိများလာဖို့ နောက်ကွယ်မှာ မူပိုင်ခွင့်အတွက် အပြိုင်အဆိုင် ကြိုးစားခဲ့ကြတဲ့အကြောင်းကို စစ်အေးတိုက်ပွဲကာလ နောက်ခံနဲ့ ရိုက်ထားတာပါ။ ဂိမ်းမူပိုင်ခွင့်ကို ကုမ္ပဏီကြီးတွေ အပြိုင်လိုချင်နေကြပေမယ့် ဂိမ်းတီထွင်သူက ရုရှားမှာ ရှိနေတဲ့အတွက် စီးပွားရေးသဘောတူညီချက်တစ်ခု လုပ်ရုံနဲ့ မပြီးပါဘူး။ KGB ထောက်လှမ်းရေးတွေအထိ ပါဝင်ပတ်သက်လာပြီး မော်စကိုက မူပိုင်ခွင့်အရောင်းအဝယ်ဟာ သူလျှိုဇာတ်လမ်းတစ်ပုဒ်လို ရှုပ်ထွေးလာပါတယ်။ ဇာတ်လမ်းထဲမှာ ဂိမ်းတီထွင်သူကိုယ်တိုင်က မူပိုင်ခွင့်နဲ့ ဝင်ငွေကို မပိုင်ဆိုင်ဘဲ အဲဒီငွေကို အစိုးရကသာ ရမှာဖြစ်ပါတယ်။ ဆိုဗီယက်ပြည်ထောင်စု ပြိုကွဲခါနီး အကျင့်ပျက်ခြစားမှုတွေကြားမှာ နိုင်ငံအတွက်ရမယ့်ငွေကို ကိုယ့်အိတ်ထဲ ထည့်ချင်တဲ့ ခေါင်းဆောင်တွေလည်း ရှိနေတယ်။ လာဘ်ယူပြီး ဈေးနှိမ်ဝယ်ချင်တဲ့ ကုမ္ပဏီဘက်ကို လိုက်ပေးသူတွေနဲ့ လူလည်စီးပွားရေးသမားတွေကြားမှာ တက်ထရစ်မူပိုင်ခွင့်အတွက် အားပြိုင်ကြရတာပါ။ ဖြစ်ရပ်မှန်နောက်ခံကို သည်းထိတ်ရင်ဖိုပုံစံနဲ့ တင်ဆက်ထားပြီး Jon S. Baird က ရိုက်ကူးထားပါတယ်။ Taron Egerton အဓိကပါဝင်သရုပ်ဆောင်ထားကာ Matthew Vaughn က ပရိုဂျူဆာအဖြစ် ပါဝင်ထားပါတယ်။

ခရစ်စ်ပိုင်း သရုပ်ဆောင်ထားတဲ့ စစ်သားဟာ အထူးတပ်ဖွဲ့မှာ ထူးချွန်သူတစ်ယောက် ဖြစ်ခဲ့ပေမယ့် ဒူးဒဏ်ရာအတွက် ဆေးတွေသုံးခဲ့တာကြောင့် တပ်ကနေ အနားယူလိုက်ရပါတယ်။ တပ်ကထွက်ပြီးနောက် အလုပ်မရှိဘဲ အကြွေးတွေနဲ့ ပိနေတဲ့အတွက် ကြေးစားစစ်သားအလုပ်နဲ့ လုံခြုံရေးအလုပ်တွေ လိုက်လျှောက်ရင်း ငွေအများကြီးရမယ့် ကန်ထရိုက်တစ်ခုကို တွေ့သွားတယ်။ တာဝန်က နိုင်ငံတော်လုံခြုံရေးကို ကာကွယ်ဖို့ ဘာလင်က သိပ္ပံပညာရှင်တစ်ယောက် တီထွင်နေတဲ့ ဇီဝလက်နက်ကို သွားဖျက်ဆီးရမှာပါ။ တရားဝင်စာရင်းထဲမပါတဲ့ လျှို့ဝှက်စစ်ဆင်ရေးတစ်ခုလည်း ဖြစ်တယ်။ လွယ်မယ်ထင်ထားတဲ့ အဲဒီတာဝန်ကို အဖွဲ့နဲ့အတူ သွားလုပ်ကြတဲ့အခါ မထင်မှတ်ထားတဲ့ အခြေအနေတွေ ပေါ်လာပြီး စစ်ဆင်ရေးက ထင်သလောက် မလွယ်တော့ပါဘူး။

2001 ခုနှစ် စက်တင်ဘာ ၁၁ရက်နေ့တုန်းက အယ်ကိုင်းဒါးအကြမ်းဖက်အဖွဲ့က အမေရိကန်ကို အကြမ်းဖက်တိုက်ခိုက်မှုတွေလုပ်သွားတဲ့အကြောင်း ဟိုးလေးတကျော်ဖြစ်ခဲ့တာ ကြားဖူးကြမှာပါ၊ 9/11 လို့ သိကြပါတယ်၊ ဒီဇာတ်ကားကတော့ အဲ့ဒီအကြမ်းဖက်အဖွဲ့ထဲမှာ ဦးဆောင်ပါဝင်သူဆိုပြီး နာမည်တပ်ခံထားရတဲ့ မောရီ တေးနီးယန်း နိုင်ငံသား မိုဟာမဒူအိုဆလာဟီ အကြောင်းရိုက်ထားတဲ့ ဇာတ်ကားပဲဖြစ်ပါတယ်။ သံသယရှိသူအနေနဲ့ တကယ်ပဲ အကြမ်းဖက်လုပ်ရပ်တွေကို ရက်ရက်စက်စက်လုပ်ခဲ့တာလားဆိုတာကို နှစ်ဖက်ရှေ့နေများက ရှာဖွေစစ်ဆေးကြရင်း နောက်ကွယ်က ဖုံးထားတဲ့အရာတွေ ပေါ်လာတဲ့အခါ ဘာတွေ ဆက်ဖြစ်ကြမှာလဲ၊ မိုဟာမဒူဘက်က ခုခံပြောဆိုပေမယ့် ရှေ့နေအနေနဲ့ Jodie Foster က သရုပ်ဆောင်ထားပြီးတော့ အစိုးရရှေ့နေ တစ်ဖြစ်လဲ အကြမ်းဖက်မှုမှာ ကျဆုံးသွားရတဲ့ လေယာဉ်မှူးရဲ့ သူငယ်ချင်းအနေနဲ့ Benedict Cumberbatch (Doctor Strange, Sherlock Home, Stephen Hawking စတဲ့နာမည်ကြီး ဇာတ်ကားတွေရဲ့ အဓိကသရုပ်ဆောင်) က သရုပ်ဆောင်ထားပါတယ်၊ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Jerrica ပဲဖြစ်ပါတယ်။) Quality – 1080p, 720p WebRip Duration - 2h 9min Subtitle – Myanmar Hardsub Format – Mp4 Genre : Drama, Thriller Source : 1080p.WebRip Translator – Jerrica Encoder – SWM

ဒီကားကတော့ မူးယစ်အရောင်းအဝယ်ခေါင်းဆောင်ကိုဖမ်းဖို့အကွက်ချရာက FBIနဲ့NYPDရဲ့အရှုပ်ထဲမှာပိတ်မိသွားတဲ့ ထောင်ထွက်လူသတ်သမားရဲ့အကြောင်းကိုရိုက်ကူးထားတာပါ ကိုစလိုဆိုတဲ့သူဟာလူသတ်မှုနဲ့ထောင်နှစ်နှစ်ဆယ်ကျနေပေမယ့် FBIကသူ့ကိုထောင်ကနေထုတ်ပေးပြီးဘိန်းအရောင်းအဝယ် ခေါင်းဆောင်ကြီးကိုဖမ်းဖို့သူလျှိုအဖြစ်စေလွှတ်ပါတော့တယ် ဒါပေမယ့်လည်းသူသူလျှိုအဖြစ်လုပ်နေတုန်းမှာပဲ NYPDရဲတွေဘက်ကလည်း သူလျှိုတစ်ယောက်လွှတ်ရင်း အဲဒီရဲအသတ်ခံလိုက်ရတာနဲ့ပဲ ကိုစလိုတစ်ယောက်အမှုပတ်ပါတော့တယ် သူ့ကိုဘိန်းခေါင်းဆောင်ကသူနေခဲ့တဲ့ထောင်ထဲပြန်ပို့ပြီး ဘိန်းအရောင်းအဝယ်တွေလုပ်ခိုင်းလိုက်တယ် အဲဒါကိုFBIကလည်း မကူညီပဲထောင်ထဲထိသွားခိုင်းပြီး အဲဒါတွေဖြန့်ဖြူးတဲ့လူတွေကိုပါထပ်ရှာခိုင်းတော့တယ် တစ်ဖက်မှာလည်း NYPDဘက်ကသူတို့ရဲအသတ်ခံလိုက်ရတာနဲ့ပတ်သက်ပြီး ကိုစလိုနောက်ကိုလိုက်နေတဲ့အချိန်ဖြစ်နေတယ် ကိုစလိုတစ်ယောက်ထောင်ထဲပြန်ဝင်ခဲ့ရပြီးFBIခိုင်းသလိုလုပ်ပေးခဲ့ပေမယ့် FBIဘက်က ကတိပေးထါးတဲ့အတိုင်းကိုစလိုကိုထောင်ကပြန်ထုတ်မပေးတဲ့အခါ ကိုစလိုတစ်ယောက်ထောင်ထဲကလူမိုက်တွေရော NYPDဘက်ကလွှတ်တဲ့လူတွေရော တစ်ဖက်မှာလည်းမိန်းမနဲ့ကလေးကိုတွေ့ရဖို့ ထောင်ကနေထွက်ဖို့ရော ဘယ်လိုတွေရင်ဆိုင်မလဲဆိုတာကိုကြည့်ရမယ့် တကယ့်ဇာတ်ကားကောင်းတစ်ကားပါ IMDb6.5ရထားတဲ့အပြင် ဇာတ်ကားကလည်း တစ်ကားလုံးဇာတ်ရှိန်ကျမသွားတဲ့တကယ့်ဇာတ်ကားကောင်းတစ်ကားဖြစ်ပါတယ် File Size : ( 1 GB , 391 MB ) Quality :  WEB-DL 720p Running Time : 1 hr 53 min Format : Mp4 Genre : Crime , Drama Subtitle : Myanmar Subtitle (Hard Sub) Translated by Phue Encoded by Moe Myint Lwin

အက်ရှင်ကားကြိုက်သူတွေအတွက်၂၀၁၇စက်တင်ဘာလဆန်းထွက်ပဲဖြစ်တဲ့အသစ်စက်စက်အက်ရှင်ကားလေးတစ်ကားတင်ပေးလိုက်ပါတယ်။ IMDb rating-6.1ရထားတဲ့အက်ရှင်ကားလေးဆိုတော့မဆိုးဘူးလို့ပြောရမှာပါပဲ။ လူပေါင်းများစွာအသက်ဆုံးရှုံးလိုက်ရတဲ့ပြင်သစ်နိုင်ငံပါရီမြို့အကြမ်းဖက်မှုဖြစ်စဉ်ရဲ့နောက်ကွယ်ကကြိုးကိုင်သူကိုမဖော်နိုင်တဲ့နောက်စုံထောက်အဲလစ်တစ်ယောက်လန်ဒန်ကိုပြောင်းရွေ့တာဝန်ပေးခြင်းခံလိုက်ရပါတော့တယ်။ ဒါပေမယ့်လည်းသိပ်မကြာခင်မှာပဲနောက်ထပ်အကြမ်းဖက်တိုက်ခိုက်မယ့်သတင်းသဲလွန်စကိုစီအိုင်အေကရရှိပြီးနောက်မှာတော့ သူ့ကိုအထက်ကပြန်ခေါ်ယူလိုက်ပါတယ်။ နောက်ထပ်အကြမ်းဖက်မယ့်ဖြစ်စဉ်ကိုစုံစမ်းရင်းပဲသူ့ကိုကူညီနေတဲ့စစ်သားဟောင်းတစ်ယာက်နဲ့ကသီကလင်ဖြစ်နေပုံကိုလည်းရသစုံအောင်ရိုက်ပြထားပါသေးတယ်။ ကဲ အဲလစ်တစ်ယောက်အဲဒီအကြမ်းဖက်မှုကိုဖော်ထုတ်နိုင်မလား။ကြိုတင်တားဆီးနိုင်မလား။ ဒီတခါဘယ်မှာဖြစ်မှာလဲ။ စစ်သားဟောင်းကြီးနဲ့အတူအဲလစ်တစ်ယောက်လူတွေအသက်ကိုကယ်နိုင်ပါ့မလားဆိုတာတော့ဇာတ်ကားလေးကိုရှုစားလိုက်ပါဦးဗျာ။ (ဘာသာပြန်သူကတော့နေခြည်ပါ) File Size : (750 MB) and (280 MB) Quality : 720p Bluray Running Time : 1hr 38min Format : Mp4 Genre :Action, Drama, Mystery Subtitle : Myanmar Subtitle (Hard Sub) Translated by Nay Chi Encode by Thanhtike Zaw

Dunkirk (2017) IMDb Rating (7.9) / Rotten Tomatoes (92%) စစ်ပွဲတွေကိုရုပ်ရှင်ရိုက်ပြပြီး စစ်ကိုမုန်းတီးအောင်လုပ်ဖို့ဆိုတာသိပ်တော့လွယ်တဲ့အလုပ်မဟုတ်ပါဘူး။ Imitation Game ရုပ်ရှင်ဇာတ်ကားထဲက ဇာတ်ကောင် Alan Turing စကားကိုပြန်ပြောပါရစေ “You know why people like violence? Because it’s feel good’’လူတော်တော်များများက စစ်ပွဲနောက်ခံရုပ်ရှင်တွေဆို တိုက်ပွဲခပ်ကြီးကြီး လူသေအလောင်းတွေခပ်များများပါမှ သဘောကျတတ်တာများပါတယ်။တကယ်တော့စစ်ဆိုတာ ရုပ်ရှင်ကြည့်လို့ စာအုပ်ဖတ်လို့ စကားအဖြစ်ပြောလို့ပဲကောင်းတာရယ်။တကယ်တမ်းစစ်ဆိုတာဖြစ်လာရင်နိုင်တဲ့ဘက်ရော ရှုံးတဲ့ဘက်ရော ကြားနေတဲ့အဖွဲ့ရော အကုန်ထိခိုက်ရတာပဲမဟုတ်လား။ Christopher Nolan ကို ရုပ်ရှင်အကြောင်းသာမန်တီးမိခေါက်မိတဲ့ သူတွေတောင်သိပါလိမ့် မယ်။21 st century ရဲ့ အကောင်းဆုံး Director အဖြစ်စာရင်းပေါက်တဲ့ အပြင် သမိုင်းတစ်လျောက်အကျိုးအမြတ်အများဆုံး ရရှိဖူးတဲ့ Director တွေထဲကတစ်ယောက်ပါ။သူ့ကိုတော်တော်များများက နာမည်ကျော် Superhero Batman ရုပ်ရှင် The Dark Knight Trilogy နဲ့တွဲသိကြမယ်ထင်ပါတယ်။ ရိုက်ခဲ့သမျှရုပ်ရှင်အားလုံးနီးပါး IMDB rating 8/10 ကျော်တဲ့ထဲပါပါတယ်။သူရိုက်ခဲ့ရုပ်ရှင်တွေက Sci-fi,Thriller,superhero,etc… Genre တော်တော်စုံခဲ့ပြီပြောလို့ရပါတယ်။Dunkirk ကတော့သူ့ရဲ့ပထမဆုံး စစ်ပွဲနောက်ခံ ရုပ်ရှင်ပါ။ Dunkirk ဆိုတာ ပြင်သစ်မှာရှိတဲ့ကမ်းခြေတစ်ခုပါ။ဒုတိယကမ္ဘာစစ်အစပိုင်းမှာ ဟစ်တလာရဲ့ ဂျာမနီ တပ်တွေဟာပြင်သစ်နဲ အင်္ဂလိပ်တပ်တွေကို Dunkirk ကမ်းခြေမှာချောင်ပိတ်ထားနိုင်ခဲ့ပါတယ်။ ရေလက်ကြားခံပြီး ကယ်စရာသင်္ဘော မရှိတာကြောင့် မဟာမိတ်စစ်သား 400000 လောက်ဟာ ကူရာကယ်ရာမယ့်နေတဲ့အခြေအနေပါ။အဲ့လိုအခြေအနေကို ဗြိတိန်ဘက်ကမ်းက ရှိသမျှ အရပ်သား ငါးဖမ်းသင်္ဘောတွေ၊အသက်ကယ်လှေတွေ၊ ရွက်လှေတွေ ပါသုံးပြီ;စစ်သား လေးသိန်းနီးပါးကိုကယ်ထုတ်နိုင်ခဲ့ပါတယ်။တကယ်လို့သာ Dunkirk မှာဒီတပ်တွေ အကုန်ကုန်သွားရင် သမိုင်းဟာနောက်တစ်မျိုးပြောင်းလဲသွားစရာရှိပါတယ်၊မျှော်လင့်ချက်မဲ့နေတဲ့ အနေအထားကနေ မယုံနိုင်စရာကောင်းလောက်အောင်အောင်အောင်မြင်မြင် ဆုတ်ခွာနိုင်ခဲ့တာဟာ ဗြိတိန်တပ်တွေရဲ့စိတ်ဓာတ်ပိုင်းကိုအများကြီးသက်ရောက်ခဲ့ပါတယ်။ဗြိတိန်တပ်တွေကိုကယ်ထုတ်နေချိန်မှာ ပြင်သစ်တပ်တွေဟာ အင်္ဂလိပ်တွေ ကယ်ထုတ်ဖို့အချိန်ပိုရအောင်သူတို့အတွက် လွတ်ဖို့မျှော်လင့်ချက်မရှိတဲ့ တိုက်ပွဲကိုတိုက်ပေးခဲ့ပါတယ်။Dunkirk ရဲ့ကံကောင်းမှုတစ်ခုက ဟစ်တလာ ရဲ့ ရူးကြောင်ကြောင်ဆုံးဖြတ်ချက်ပါ ။ ပြင်သစ်ကိုသိမ်းပြီးသူ့ရဲ့ဥရောပ က နောက်ဆုံးရန်သူဗြိတိန်ရဲ့ တပ်မတော်တစ်ခုလုံးနီးပါးကို ကမ်းခြေတစ်ခုမှာ ချောင်ပိတ်ထားနိုင်တယ်၊ရန်သူစစ်သားတွေရဲ့စိတ်ဓာတ်က လုံးဝထိုးကျနေပြီ၊ဒီအချိန်မှာသူက ထိုးစစ်ဆင်နေတဲ့ ဂျာမနီ တပ်မတော်ကို အနားယူဖို့ အင်အားပြန်ဖြည့်ဖို့ အမိန့်ပေးခဲ့ပါတယ်။ဒါက ကျွန်တော်သိသလောက် Dunkirk ရဲ့တကယ့် သမိုင်းပါ။ Nolan ကတော့ သူ့ထုံးစံအတိုင်း ဇာတ်ကားကို တစ်သတ်မတ်တည်းမသွားပဲ Timeline ကစားထားပါတယ်။ပြောချင်တာ တစ်ခုက သူ့ ရုပ်ရှင်မှာ စစ်ရဲ့ အနိဋ္ဌာရုံတွေ ကို သွေးသံတရဲရဲ ကြောက်စရာကောင်းအောင်ပြမယ့်အစားစစ်သားငယ်ငယ်လေးတွေရဲ့ မျှော်လင့်ချက်မဲ့မျက်နှာတွေ ဆောင်းသူမဲ့ ဦးထုပ်တွေ ကမ်းခြေမှာပုံထားတာတွေစတဲ့ နမိတ်ပုံတွေပဲသုံးထားပါတယ်။ကျွန်တော့်အမြင်အရတော့ ဒါမျိူးတွေမြင်ရတာပိုပြီးစိတ်ထိခိုက်စရာကောင်းပါတယ်။ပုန်းစရာမရှိ ကွယ်စရာမရှိ ဟင်းလင်းပြင်ကြီးထဲမှာ လေယာဉ်တွေ ဗုံးလာကြဲတာမြင်ရတာ တော်တော်ကြီးစိတ်ဓာတ်ကျစရာ ပါ။ပိတ်ကားကိုကြည့်နေရတဲ့ကိုယ်တောင်စိတ်ဓာတ်ကျလာရင် တကယ်ရင်ဆိုင်ခဲ့ရတဲ့ စစ်သားတွေအတွက်တော့ ဘယ်တော့မှပြန်မရချင်တဲ့အတွေ့အကြုံပါပဲ။Nolan ကဒီ Feeling ကိုအတိအကျခံစားရအောင်ရိုက်ပြနိုင်ပါတယ်။ဇာတ်လမ်းပိုင်းကတော့ တကယ်ဖြစ်ခဲ့တဲ့ ဖြစ်ရပ်တစ်ခုကိုရိုက်ပြတာဖြစ်တာဆိုတော့ သိပ်ပြီးတော့ remarkable ဖြစ်လောက်တဲ့ဇာတ်ကားတော့မဟုတ်ပါဘူး။ဒါပေမယ့် ရိုက်တဲ့ သူက Christopher Nolan ဆိုတော့ကား ဇာတ်လမ်းရဲ့ Timeline ကို သေချာသိဖို့ နာရီဝက်လောက်ကြာလိုက်ပါတယ်။ ဒီဇာတ်ကားမှာအကြိုက်ဆုံးဇာတ်ကောင်ပြောရရင် Tom Hardy ပါ။မျက်လုံးပဲဖော်ခွင့်ရတဲ့ Pilot နေရာကနေသရုပ်ဆောင်သွားပြီး Emotion ကိုမြင်နေရတာ မယုံနိုင်စရာပါ။ နောက် Harry Style၊ MTV တွေမှာ သရုပ်ဆောင်မကောင်းသလောက်ဒီကားမှာတော့ ဝေဖန်ရေးတွေ ဝိုင်းချီးကျူးလောက်အောင် ကောင်းခဲ့ပါတယ်။ဒါကကျွန်တော်အကြိုက်ဆုံးနှစ်ယောက် ကိုပြောပြတာကျန်တဲ့သူတွေလဲတစ်ခန်းဆိုတစ်ခန်းလောက်ကို ပညာပြခဲ့ကြပါတယ်။သွေးထွက်သံယိုမပါတဲ့ စစ်ကား၊စစ်ကိုမုန်းသွားစေမယ့် စစ်ကား တစ်ကားပါ။ဝုန်းဒိုင်းကြဲ မှကြည့်တတ်ပြီး ပစ်ခန်းခတ်ခန်း မပါရင် မကြည့်တတ်တဲ့ သူတွေအတွက်တော့ ပျင်းစရာဖြစ်ပါလိမ့်မယ်။ When 400,000 men couldn't get home, home came for them.စစ်သားအယောက် လေးသိန်းအိမ်မပြန်နိုင်တဲ့အခါ အိမ်ကသူတို့ဆီ ရောက်လာပါတယ် ဂေါ့ဒ်အော့ဖ် မိုးရှင်းပစ်ချား ခရစ်စတိုဖာနိုလန်ရဲ့ နောက်ထပ် မိုင်းဘလုန်းမဖြစ်တဲ့ မိုင်းဘလုန်းစစ်ကားတစ်တကားပါ.. (ရုပ်ရှင်အညွှန်းကို  Bombe Digital Solutions FB Page  မှကူးယူဖော်ပြပါသည်။) File size…(7.8 GB )/(2.6 GB)/ (1.5 GB) Quality….BluRay IMAX 4K HEVC/1080p HEVC / 720p Format…mkv/mp4 Duration….01:46:38 Subtitle….Myanmar Subtitle (Hardsub) Encoder….Ka Naung

ဒုတိယကမ္ဘာစစ်အတွင်းမှာ Tuskegee airmen လို့ ခေါ်ကြတဲ့ အာဖရိကန်အမေရိကန် လေသူရဲတွေဟာ လူမျိုးရေးခွဲခြားမှုနဲ့ နေရာမပေးချင်မှုတွေကို ကြုံနေရပါတယ်။ အဲဒီအတားအဆီးတွေကြားကနေ လေသူရဲတွေအဖြစ် တာဝန်ထမ်းဆောင်ပြီး ဘာလင်ကို ဗုံးကြဲတဲ့ စစ်ဆင်ရေးမှာပါ ပါဝင်ခဲ့ကြတဲ့ သူတို့အကြောင်းကို ရိုက်ထားတာပါ။ တကယ့်ဖြစ်ရပ်တွေကို အခြေခံထားပေမယ့် စိတ်ကူးယဉ်ဇာတ်ကောင်တွေနဲ့ ပေါင်းစပ်တင်ဆက်ထားပါတယ်။ ဂျော့လူးကပ်စ်က ဒီရုပ်ရှင်ကို စတင်စီစဉ်ခဲ့ပြီး ၂၀၁၂ ခုနှစ်မှာ ထွက်ရှိခဲ့ပါတယ်။ ရိုက်ကူးမှုအများစုကိုတော့ Anthony Hemingway က တာဝန်ယူထားတာပါ။ Terrence Howard၊ Cuba Gooding Jr. နဲ့ Michael B. Jordan တို့အပါအဝင် လူမဲသရုပ်ဆောင်တွေ ပါဝင်ထားပါတယ်။ ဇာတ်ကားမှာ လေကြောင်းတိုက်ပွဲတွေကို ဆက်တိုက်အသားပေးထားပြီး ကိုယ်ထင်ရာလုပ်တတ်၊ အမိန့်မနာခံတတ်တဲ့ လေသူရဲတစ်ယောက်ရဲ့ တိုက်ခိုက်ခန်းတွေလည်း ပါတယ်။ မူရင်းသုံးသပ်ချက်အရတော့ ဒရာမာနဲ့ ဇာတ်ကောင်အချင်းချင်း ဆက်ဆံရေးကို အချိန်ပေးဖော်ပြတာ နည်းပြီး တချို့နေရာတွေမှာ ရုတ်တရက် ထည့်ထားသလို ဖြစ်နေပါတယ်။ လေကြောင်းတိုက်ခိုက်မှုတွေကတော့ ခဏနားပြီး ပြန်တိုက်ကြတဲ့ပုံစံနဲ့ ဇာတ်ကားတစ်လျှောက် အများအပြား ပါဝင်နေပါတယ်။

The Iron Lady (2011) IMDb - 6.4/10 Rotten - 52% Won 2 Oscars. Another 23 wins & 47 nominations. ဒီရုပ်ရှင်ကား ဇာတ်ကားက တော့ ဖြစ်ရပ်မှန် ကိုပြန်ရိုက်ကူးထားတယ့် ကားဖြစ်ပါတယ်။ ဗြိတိန် သမိုင်း ကိုတစ်ဆစ်ချိုးပြောင်းလဲ ခဲ့ပြီး ရာဇဝင်တွင်ကျန်နေခဲ့တယ့် ဗြိတိန် နိုင်ငံရဲ့ ပထမဆုံး အမျိုးသမီး ဝန်ကြီးချုပ် ဖြစ်ခဲ့တယ့် မာဂရက်သက်ချာ အကြောင်းဖြစ်ပါတယ်။ သက်ချာလို့ပြောလိုက်ရင် လူခွန်တောင်ကောက် တယ့်သူဆိုပြီး တစ်ချို့ ကြားဖူးကြပါလိမ့်မယ်။ ဒီဇာတ်ကားက Biography/Drama အမျိုးအစားဖြစ် ပြီး IMDb Rating 6.4 ၊ Rotten Tomatoes 52% ၊ Roger Ebert 2 /4 ရရှိထားပါတယ်။ တစ်ကားလုံးကြာမြင့်ချိန် ၁၀၄ မိနစ်ရှိ ပြီးတော့ Budget ၈.၂ မီလီယံဒေါ်လာနဲ့ရိုက်ကူး ထားပြီး Box Office မှာ ၁၁၅ မီလီယံပြန်လည် ရှိရှိခဲ့ပါတယ်။ 20th Century Fox က ဖြန့်ချီထားပါတယ်။ အဓီက သရုပ်ဆောင်တွေ က Lead role အနေနဲ့ မာဂရက်သက်ချာ ငယ်ဘဝနေရာ မှာ အစွမ်းပြသရုပ်ဆောင်ထားတယ့် MEryl Streep နဲ့ အသက်ကြီးပိုင်း နေရာမှာသရုပ်ဆောင်ထားတယ့် Alexandar Roach နဲ့ မာဂရက်ခင်ပွန်း ငယ်ဘ၀ အနေနဲ Harry Lloyd ၊ အသက်ကြီးပိုင်းနေရာမှာ Jim Broadbent တို့ က သရုပ်ဆောင်ထားပါတယ်။ ဆုပေးပွဲတွေ မှာ ဆုပေါင်း ၃၁ ဆုအထိ ဇကာ တင်စာရင်းဝင်ထားနိုင်ခဲ့ပြီး ၁၃ ဆုကို ဆွတ်ခူးနိုင် ခဲ့ပါတယ်။ ဒီနေရာမှာ အဓီက က ဇာတ်ကောင် ဖြစ်တယ့် မာဂရက် ငယ်ဘ၀ နေရာမှာ သရုပ်ဆောင်ထားတယ့် မင်းသမီးကြီးက လဲ ခေသူမဟုတ်ပါဘူး။ ၁၇ကြိမ်မြောက် Oscar ဆုပေးပွဲမှာ ဇကာတင်စာ ရင်ဝင်ခဲ့ပြီးနောက်ဆုံး ဆု ကို အရယူသွားနိုင်ခဲ့ တယ့် မင်းသမီးပါ။ ဒီမင်းသမီးကြီး က အရင်က လဲ ဆုတွေ တော်တော်ကိုရထားခဲ့ပြီးသားပါ။ ထိပ်တန်း စာရင်း ဝင်တယ့် ဆုတွေ လဲတော်တော်ပါပါတယ်။ ပြီးတော့ သူမရဲ့ ၃ကြိမ်မြောက် Golden Globe Award For Best Actress Motion Picture Drama ဆုကို ဒီရုပ်ရှင်ကားနဲ့ ခဲ့ပြီး BAFTA ဆုပေးပွဲမှာ လဲ ဒီဇာတ်ကားနဲ့ အကောင်းဆုံးခေါင်းဆောင် မင်းသမီးဆု နောက်ပြီး 84 ကြိမ်မြောက်အကယ် ဒမီပေးပွဲမှာ အကောင်းဆုံး ဇာတ်ဆောင်မင်းသမီး ဆုနဲ့ မိတ်ကပ်ပြင်ဆင်ခြယ်သမှု ဆုကိုပါရရှိထား ခဲ့ပါတယ် ။ တစ်ခြား ဒီဇာတ်ကားနဲ့ ရုပ်ရှင် ဆုပေးပွဲမှာ တော်တော်လေးရယူထားခဲ့ပါသေးတယ်။ ဘာကြောင့် ဒီမင်းသမီးကို ရွှေးလဲ ဆိုရင် သူ့ရဲ့ ရုပ်ရည်ကလဲ မာဂရက်သက်ချာ နဲ့ ဆင်ပြီး သရုပ်ဆောင်စွမ်းရည်က လဲ လက် သန်ပြောင်လှတာကြောင့် ဖြစ်မယ်ထင်ပါတယ်။ ဒီဇာတ်ကားထဲမှာကိုယ်နေဟန်ထား၊ မျက်နှာအကြည့်တွေ ၊ စကားပြောပုံလေသံ ကအစ ပြင်ဆင်ပြီး ရိုက်ကူးထားတာတွေ့ရပါတယ်။ ဒီဇာတ်လမ်းအကြောင်းမပြောခင် ဒီဇာတ်ကား က မာဂရက်သက်ချာအကြောင်းရိုက်ကူးထားတာ ဆိုတော့ သူတို့အကြောင်းကို နည်းနည်းလောက် ပြောချင်ပါတယ်။ မာဂရက် သက်ချာက ဗြိတိန် ရဲ့ သမိုင်းမှာ သာမက အနောက်နိုင်ငံ သမိုင်းမှာ ပထမဆုံးနဲ့ သက်တမ်းအကြာဆုံး အမျိုးသမီး ဝန်ကြီးချုပ်ဖြစ်ခဲ့တယ်သူပါ။ သူဝန်ကြီချုပ်မဖြစ်ခင် အရှေ့တိုင်းမှာ သိရီလကာၤ နဲ့ အိန္ဒိယတို့မှာ မှာ အမျိုးသမီးဝန်ကြီးချုပ်ရှိ နေပါတယ်။ သက်ချာက နာမည်ဆိုးနဲ့ ကျော်ကြားခဲ့တယ့် သူတစ်ယောက်ဆိုလဲမမှားပါဘူး။ သူမရဲ့ပြင်းထန်တယ့် ပေါ်လစီတွေ မှုဝါဒချ မှတ်မှုတွေ ကြောင့်ပြည်သူများရဲ့မေတ္တာပို့ သခြင်းကို လဲ ခံခဲ့ရသူပါ။ သူမရဲ့ဖခင်က ကုန်စုံ ဆိုင် ရောင်းတယ့်သူပါ။ နောက်ပြီး သူတို့ နေတယ့် ဂရစ်သမ် မြို့ တော်ဝန်လဲ ဖြစ်ပါတယ်။ ပညာမှာထူးချွန်ပြီး အောက်စဖို့စ် တက္ကသိုလ် ကို ဓာတုဗေဒ အထူးပြုနဲ့ တက်ရောက်ခွင့်ရခဲ့ပြီး နောက် နိုင်ငံရေးလောက ထဲကို ဝင်ရောက် လာ ခဲ့ပါတယ်။နိုင်ငံရေးလောကမှာ သက်ချာ က ဗြိတိန်ရဲ့ အနုတ်လက္ခာပြနေတယ့် စီးပွားရေး နဲ့ အလုပ်လက်မဲ့ နှုန်း့မြင့်တက်လာမှုကို ဆွဲတင်ပေးနိုင်ခဲ့ပါတယ်။ သက်ချာ ဟာ အလုပ်လက်မဲ့ လျော့ချရေးနဲ့ အသေးစားအလတ်စားလုပ်ငန်းတွေ ကိုလွတ်လပ်စွာလုပ်ကိုင်ခွင့် ပြုလို ပြီး ကုန်သွယ်ရေးအဖွဲ့ အစည်းရဲ့ ထိန်ချုပ် မှု တွေ ကို တက်နိုင်သမျှလျော့ချ မှု လုပ်ဆောင်ချက်နဲ့ နာမည်ကောင်းကို စပြီး ရရှိခဲ့ပါတယ်။ နောက် တစ်ခု က သူမကို နာမည်ပိုပြီး ကြီးသွားစေတာ က ဖောက်ကလန်ကျွန်းစစ်ပွဲပါ။ ဖောက်ကလန် ကျွန်း စစ်ပွဲနဲ့ပက်သက်ပြီး တော့လဲ သူမနဲ့ သူမပါတီဝင်တွေ ကြားမှာ သဘောထား မတူမှု ကြီးမားစွာ ရှိနေခဲ့ပေမယ့် သူမကတစ်ယောက် တည်းဆို လဲလုပ်စရာရှိတာဆက်လုပ်သွားမယ် ဆိုပြီး ပြတ်ပြတ်သားသား ဆုံးဖြတ်ပြီး လုပ် ဆောင်ခဲ့ပါတယ်။ ဖောက်ကလန်ကျွန်းတိုက်ပွဲမှာအနိုင်ရပြီး သူမနာမည်လဲ သြဇာသက် ရောက်မှုပိုကြီးမားလာပါတယ်။ နောက်ပိုင်း လူခွန် ကောက်ခံမယ့် ကိစ္စနဲ့ ပက်သက်ပြီး လူထု နဲ့ရောဝန်ကြီးတွေ နဲ့ပါ သဘောာထားကွဲလွဲမှုဖြစ်ခဲ့ပါတယ်။ သူမကို ခေါင်းနေပိုင်းနေရာ အတွက် Micheal Heseltine ကစိန်ခေါ် ယှဉ်ပြိုင်ခဲ့ပြီးသူမရှုံးနိုမ့်ပြီး ၁၉၉၂ မှာတာဝန်က အနားယူသွားခဲ့ပါတယ်။ နောက်ပြီး သူမက မြောက်အမေရိကနဲ့ အမေရိကမှာ အရပ်သားတွေ ကို ပေးအပ်တယ့် အမြင့်ဆုံးဆုဖြစ်တယ့် သမ္မတ George Herbert Walker Bush ကပေးအပ်ခဲ့တယ့် Presidential Medal of Freedomeကို ၁၉၉၁မှာ ရရှိခဲ့ပါတယ်။ တစ်ခြားဆုတွေ အများကြီးရထားခဲ့ပါသေးတယ်။ အင်္ဂလန်ဘုရင်မကြီး နဲ့လဲ ရင်နီးတယ့် ဆက်ဆံရေးရှိတယ်လို့ဆိုကြပါတယ်။ သူမမှာ သားတစ်ယောက်သမီးတစ်ယောက်ရှိပါတယ်။ သူမက ဆိုဗီယက် ရုရှားအပေါ်ဝေဖန်မှု တစ်ခုပြုလုပ်ခဲ့လို့ ရုရှား သတင်းစာတွေက တုန့်ပြန် သူမကို Iron Lady လို့နာမည်ပြောင်နဲ့သုံးနှုန်းခဲ့ပါတယ်။ အခွန်ကိစ္စနဲ့ပက်သက်ပြီး သူမနဲ့ပါတီကြားမှာ ပြင်းထန်စွာသဘောထားကွဲလွဲပြီး သူမနောက် ဆုံး ဝန်ကြီးချုပ်ရာထူးကနေအနားယူခဲ့ရပါတယ်။ အင်္ဂလန် ဘုရင်မကြီး နဲ့ တောင် စကားက တောက်ကဆ ဖြစ်ခဲ့တယ်လို့ဆိုကြပါတယ်။ သူ မလုပ်ဆောင်ချက်တွေ ကို အင်္ဂလန်ပြည်သူတွေ ကတော့ ပုံရိပ်ဆိုးအနေနဲ့ မှတ်ယူထားကြပါတယ်။ ဒါပေမယ့် သူမလက်ထက် မှာ အင်္ဂလန် စီးပွားရေးနိုင်ငံရေးကို အမြင့်တစ်နေရာရောက် အောင်မြင့်ပေးနိုင်ခဲ့ပါတယ်။ ဆုံးဖြတ်ချက်ချတယ့် နေရာမှာ တိကျပြတ်သားပြီး ကိုယ်မှန်တာကို နောက် မဆုတ်တမ်း လုပ်ရဲတယ့် သတ္တိရှိပါတယ်။ အမျိုးသားအမတ် တွေ အားလုံးကို ချုပ်ကိုင်ချလှယ်ထားပြီး တော်တော်လေးထက် မြတ်ခဲ့တယ့် သူပါ။ သူမ ကျန်းမာရေးချို့တဲ့ လာ ပြီးနောက်ပိုင်းမှာ လေသင်တုန်းဖြတ်တယ့် ရောဂါနဲ့ ဘဲ အသက် ၈၇ နှစ်မှာ ၂၀၁၃ ခုနှစ်မှာ သေဆုံးသွားခဲ့ပါတယ်။သူမရဲ့အမျိုးသား ဒန်းနစ် ဟာဆိုရင် လဲ ၂၀၀၃ ခုနှစ်က ကင်ဆာရောဂါ နဲ့ ဆုံးပါးသွားခဲ့ပါတယ်။ မသေခင်အထိ သူမအပေါ် ပါရမီဖြည့်ဖက်ကောင်းတစ်ယောက် ဖြစ်အောင် နေပေးသွားခဲ့ပါတယ်။ သူမရဲ့ ဈာပန ကို နိုင်ငံတော် အဆင့်သတ်မှတ် လုပ်ဆောင်ခဲ့ပါတယ်။ သူမဟာအင်္ဂလန် သမိုင်းကို တစ်ဆစ် ချိုးပြောင်းလဲ ပေးခဲ့သူ ဖြစ်ပြီး ဗြိတိန်ရဲ့သမိုင်းမှာ သက်တမ်းအကြာဆုံးနဲ့ ပထဆုံးသောအမျိုးသမီး ဝန်ကြီးချုပ် ထူးချွန်ပြီး ဆုံးဖြတ်ချက် ပြတ်သားလွန်းတယ့်သူ တစ်ယောက်ဖြစ်ခဲ့ပါတယ်။ ဒီဇာတ်လမ်းရဲ့ပုံစံက သက်ချာက အငြိမ်းစားယူ ထားပြီး အသက်အရွှယ်ကြီးပိုင် အချိန်မှာ ရှေးတုန်းက ဖြစ်ခဲ့တယ့် အတိတ်ကို မာဂရက် ရဲ့ စိတ်ထဲမှာ ခဏခဏပြန် ရောက်သွားတယ့် ပုံမျိုးရိုက်ကူးထားတာပါ။ သံဝေဂရစရာလို့ပြော မလား အဲ့လို ပုံစံမျိုးရိုက်ကူးထားတာပါ။ တစ်ချိန် တုန်းက မီးဟုန်ဟုတ်တောက်ကျော်ကြားပြီး အာဏာရှိခဲ့ပေမယ့် နောက်ပိုင်းဘဝမှာ ရှိးရှင်းတယ့် ဘဝမှာ ဘဲ နေထိုင်သွားခဲ့ပါတယ်။ သူမရဲ့ ဆုံးဖြတ်ချက်ပြတ်သားမှု ၊ မိန်းမသား အာနွဲ့တယ်ဆိုတယ့် အမည်ကို ရိုက်ချိုးပြခဲ့ပြီး အမျိုးသားတွေ ထက်တောင် ပိုလုပ်ဆောင်နိုင် စွမ်းရှိခဲ့ပါတယ်။ သူမ ရဲ့နိုင်ငံအပေါ်ထားတယ့် စိတ်ဓာတ် ၊ ကျော်ကြားမှု ကို မရရင်နေပါစေ တစ်ဦးတစ်ယောက်မှ သူ့ဘက်မှာမရှိပါစေ နိုင်ငံအတွက် အကျိုးရှိမယ့် အရာဆို အားလုံး နဲ့ ဆန့်ကျင်ပြီးလုပ်ခဲ့တယ့် သူမရဲ့ စိတ်နေ သဘောထားကို ဒီဇာတ်ကားထဲမှာ တွေ့ရပါ လိမ့်မယ်။ သရုပ်ဆောင်ထားတယ့် မင်းသမီး ကြီး ကလဲ သူမရဲ့ အာဏာပါတယ့် အမှုအရာ အထက်စီးဆန်တယ့် ပြီး ရဲရင့်တယ့် အမှုအရာတွေ ကို တော်တော်လေး ဖော်ဆောင်နိုင်စွမ်း ရှိတာကိုတွေ့ရပါတယ်။ ဇာတ်ကားထဲမှာ Shall we dance သီချင်းကို ဆက်ကြားဆက် ကြားမှာသုံးထားပြီး တစ်ချို့ဇာတ်ကွက် တွေ ကို နောက်ခံဂီတ နဲ့ ဇာတ်လမ်းအရှိန်ပိုမြင့် အောင်ပံ့ပိုးထားတာတော့ ရသတစ်မျိုးခံစား ရပါတယ်။ သူဇာတ်ကားက သူမအကြောင်းကို ခြုံပြီး ပြသထားပါတယ်။သူမ ရုန်းကန်လှုပ်ရှား ခဲ့ရပုံတွေ ၊ နိုင်ငံရေး ဘ၀ ကို အချိန်ပေးထား ရတော့မိခင်တစ်ယောက် အိမ်ထောင်ရှင်မ တစ်ယောက် တာဝန်တွေ မလုပ်ပေါ်နိုင်ခဲ့တာတွေ ၊ သူမရဲ့ပြတ်သားတယ့် ဆုံးဖြတ်ချက် နဲ့ သတ္တိ တွေ ၊ယုံကြည့်မှု လွန်သွားတယ့် အဆင့်တွေ ကို အဓီက ပုံဖော်ထားပါတယ်။ ကြည့်ရတာ ရိုလာကိုစတာစီး ရလို ဇာတ်ရှိန့်မြင့် ရာကနေ နိမ့်သွားလိုက် ပြန်တက်သွားလိုက် နဲ့ဇာတ်လမ်းဆင်ထားပါတယ်။ File Size - 748 MB Qty - 720p Bluray Duration - 1hr 45min Gern - Biography/ Drama Subtitle - Myanmar Hardsub Translator - Htet Linn Kyaw Encoder - Kyaw Ye Aung

O' Jerusalem (2006) အို ဂျေရုစလင်..သင့်ကိုကျွန်ုပ်မေ့ခဲ့ပါမူ...ညာလက်တော်သည် တီးခတ်နိုင်စွမ်းပျောက်ဆုံးပါစေ...ကျွန်ုပ်ပျော်ရွှင်မှုကို ဂျေရုစလင်ထက် ဦးစားပေးခဲ့ပါမူ ကျွန်ုပ်လျှာသည်အာခေါင်ဖြင့်ကပ်၍ သီဆိုနိုင်စွမ်းတို့ အားလုံးပျောက်ကွယ်ပါစေ။  (:ဆာလံ-၁၃၇) အားလုံးပဲ လတ်တလော ပဋိပက္ခဖြစ်နေတဲ့ အစ္စရေး-ဟားမတ်စ်ကိစ္စကို အားလုံးစိတ်၀င်စားနေကြမှာပါ။ အစ္စရေးနဲ့ ပါလက်စတိုင်းအရေးက မနေ့တစ်နေ့ကမှ ထဖြစ်တာမဟုတ်ဘဲ ဒုတိယကမ္ဘာစစ်ပြီးကတည်းက စလာခဲ့ကြတာပါ။ အစ္စရေးနဲ့ အာရပ်နိုင်ငံများရဲ့ နာမည်ကျော် ၆ရက်စစ်ပွဲဆိုရင်လည်း မသိသူရှားပါလိမ့်မယ်။ ဒီကားလေးကတော့ "O Jerusalem" ဆိုတဲ့စာအုပ်ကို ပြန်ရိုက်ကူးထားတဲ့ဇာတ်ကားလေးပါ။ ဒီကားထဲမှာ ဗြိတိသျှတွေရဲ့မလည်ရှုပ်ပုံတွေ၊ ဂျူးတွေနဲ့ အာရပ်တွေနဲ့ ကမ္ဘာမကြေတဲ့ရန်ပွဲစဖြစ်လာပုံတွေအပြင် အစ္စရေးနိုင်ငံဖြစ်တည်လာတဲ့အကြောင်းတွေ ဘာသာကြီးသုံးခုရဲ့အထွတ်အမြတ်ဖြစ်တဲ့ဂျေရုဆလင်မြေပေါ်က သွေးချောင်းစီးတိုက်ပွဲတွေကို သူငယ်ချင်းနှစ်ယောက်ရဲ့ချစ်ခြင်းမေတ္တာနဲ့ ရောစပ်တင်ဆက်ထားပါတယ်။ "O Jerusalem" စာအုပ်ကို Dominique Lapierre နဲ့ Larry Collins ဆိုတဲ့ စာရေးဆရာ ၂ဦးက ၂နှစ်တာ အချိန်ယူ သုတေသနလုပ်ရေးသားခဲ့ပြီး အင်တာဗျူးထောင်ပေါင်းများစွာနဲ့ တခြားကိုးကားချက်များစွာကို လေ့လာရေးထားတာပါ။ လက်ရှိအစ္စရေးတိုင်းပြည် မွေးဖွားလာပုံအကြောင်းကို တင်ဆက်ပြသထားတဲ့ စာအုပ်လည်းဟုတ်ပါတယ်။ Dominique Lapierre ကိုတော့ မြန်မာစာဖတ်သူ တော်တော်များများ ရင်းနှီးကြမှာပါ။ မြသန်းတင့်ရဲ့ သုခမြို့တော်၊ မောင်ပေါ်ထွန်းရဲ့ သန်းခေါင်ယံလွတ်လပ်ရေးတို့ကိုရေးခဲ့တဲ့ မူရင်းစာရေးဆရာပါပဲ။ ဒီစာအုပ်ကိုလည်း အိုဂျေရုဆလမ်ဆိုပြီး ကျော်အောင်က မြန်မာဘာသာပြန်ဆိုရေးသားဖူးပါတယ်။ အကြောင်းအရာကတော့ "ဒုတိယကမ္ဘာစစ်အပြီး အရှေ့အလယ်ပိုင်း ပါလက်စတိုင်းဒေသတွင် အစ္စရေးနိုင်ငံတည်ထောင်ရန် ကြိုးပမ်းသူများနဲ့ ဟန့်တားသူ အာရပ်တို့၏ ခါးသည်းပြင်းထန်သော ပဋိပက္ခများ" လို့ ကျော်အောင်က ရေးထားဖူးတယ်။ ရုပ်ရှင်ကတော့ အဲဒီဂျူးနဲ့အာရပ်လူမျိုးတွေထဲက လူမျိုးကွဲ သူငယ်ချင်း၂ယောက်ရဲ့ ဇာတ်လမ်းပေါ့။ စာအုပ်မှာတော့ အာရပ်ရော ဂျူးရောရဲ့ နှစ်နိုင်ငံအခြေအနေတွေကို ဘက်မလိုက်ဘဲ တင်ပြသွားပေမဲ့ ရုပ်ရှင်ကတော့ ဝါဒဖြန့်ရုပ်ရှင်ဆန်သွားခဲ့တယ်လို့ ဆိုကြတယ်။ ကားက ကျန်တာအကုန်ကောင်းပေမဲ့ ဝါဒဖြန့်ဖို့လုပ်ရင်း မလှမပဖြစ်သွားတာလေးတော့ ရှိခဲ့တယ်။ နှစ်ဖက်စလုံးက အဆိုးအကောင်းတွေကို ဒီရုပ်ရှင်မှာ သေချာပြသွားပေမဲ့ ကြည့်ရှုသူကို တစ်ဖက်အပေါ် မသိမသာသနားစိတ်လေးဝင်သွားအောင် ရိုက်ပြသွားတယ်လို့ဆိုတယ်။ ဒါကိုကလည်း ဝါဒဖြန့်ချိရေးကားတွေရဲ့ အထာပဲတဲ့။ ဒီလိုဝတ္ထုထူကြီးတွေကို ရိုက်တဲ့ကားတွေထဲ အကောင်းထွက်လာတဲ့ ကားကတော်တော်ရှားတော့ ဒီလောက်ကိုပဲ တော်တော်လေး တော်လှပါပြီ။ အားလုံးကြည့်သင့်ကြည့်ထိုက်တဲ့ အရှေ့အလယ်ပိုင်းအကြောင်း ရုပ်ရှင်ပါပဲ။ ( ရုပ်ရှင်အညွှန်းနဲ့ဘာသာပြန်ကို Soe Thiri Swe မှ တင်ဆက်ထားပါတယ်။) File size…(2.8 GB)/(1.3 GB) Quality….BluRay 1080p/720p Format…mp4 Duration….01:41:31 Subtitle….Myanmar Subtitle(Hardsub) Encoder….Ka Naung Translated by Soe Thiri Swe

IMDb Rating - 6.4/10 Land Of The Blind.2006 ဇာတ်ကားu နိုင်ငံရေး Drama ဇာတ်ကားပါ။ စာရေးဆရာက နိုင်ငံရေးအတွေအခေါ်ပေါ်အခြေပြုပြီးတော့ ဇာတ်လမ်းကို ဆင်ထားပါတယ်။ ကြည့်ရှုသူပရိတ်သတ်အနေနဲ့တော့ ဒါရိုက်တာတင်ပြထား တဲ့ရှုထောင့်ကပဲ တစ်သပ်မတ်တည်း ကြည့်ရှုခံစားပေးရမယ်လို့ မရှိဘဲ ဖြစ်နိုင် ခြေတွေကို ဒီဇာတ်လမ်းနှင့်အတူ ဝေဖန်သုံးသပ်ကြရမှာပါ။ ပဒေသရာဇ်အစဥ်အလာတွေကို မင်းမဲ့ဝါဒရောနှောထားတဲ့ သမ္မတဂိုဏ်သား တွေက ဖြုတ်ချပယ်ဖျက်ပြီးနောက်မှာ သမ္မတဂိုဏ်းသားတွေကလည်း သူ့တို့ ဟစ်ကြွေးခဲ့တဲ့မူတွေအတိုင်း မနေနိုင်ကြတာကြောင့် သူတို့အရေးတော်ပုံမ အောင်မြင်တဲ့အကြောင်း တင်ဆက်ထားတာပါ။ ဒါပေမယ့် ဒီနေရာမှာ စဥ်းစား စရာတွေက သမ္မတဂိုဏ်းသားတွေ လုပ်ခဲ့တဲ့လုပ်ရပ်တွေနဲ့ နည်းနာတွေက တကယ် ပဲ သူတို့ဟစ်ကြွေးထားတဲ့အတိုင်းပဲ ဖြစ်နေသလား။ ဒါရိုက်တာရဲ့တင်ဆက်မှုမှာ ဘာတွေထပ်ပြီး သုံးသပ်လို့ရမလဲဆိုတာကိုတော့ ပရိတ်သတ်က ကြည့်ရှုရင်း ဆုံးဖြတ်ပေးရမှာပါ။ Best Narrative Features အပိုင်းမှာ ဆုအတွက် တင်သွင်း ခံရပြီးတော့ IMDb rating 6.4 ရရှိထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thy Santa ဖြစ်ပါတယ်) File Size..........(1.77 GB) / (573 MB) Quality............WEB-DL 1080p / 720p Duration.........1Hr 50Min Subtitle...........Myanmar Hardsub Format............MP4 Genre..............Drama, Thriller Translator.......Thy Santa Encoder..........SWM

American Haunting နာမည်ကြီးဇာတ်ကားတွေဖြစ်တဲ့ The Hunger Games , Pride and Prejudice တို့မှာသရုပ်ဆောင်ခဲ့တဲ့ မင်းသားကြီး Donald Sutherland , ကလေးဘဝရဲ့အမှတ်တရ ဇာတ်လမ်းလေး ဖြစ်တဲ့ Peter Pan နဲ့ နာမည်ကြီး Horror Movie ဖြစ်တဲ့ Perfume တို့မှာပါဝင်ခဲ့တဲ့ မင်းသမီးချောလေး Rachel Hurd-Wood စတဲ့နာမည်ကြီးသရုပ် ဆောင်တွေ ပါဝင်တဲ့ An American Hunting ဟာဆိုရင် Horror ရုပ်ရှင်အမျိုးမစားဖြစ်ပါတယ် ဒါရိုက်တာကတော့ Courtney Solomon ဖြစ်ပြီး ဇာတ်လမ်းကတော့ The Bell Witch: An American Hunting ဆိုတဲ့ Classic ဝတ္ထုရှည်ပေါ်ကိုမှီငြမ်းရိုက်ကူးထားပါတယ် ဇာတ်လမ်းလေးရဲ့အစမှာတော့ သမီးဖြစ်သူ Jane ဟာ အိပ်မက်ဆိုးတွေခဏခဏ မက်ပြီးကြောက်လန့်တကြားတွေဖြစ်ရာမှ သမိုင်းကြောင်းကိုပြန်ကြည့်တဲ့အခါမှာ 19 ရာစု ခုနှစ်တွေတုန်းက အမေရိကန်မှာ လူသိများခဲ့တဲ့ Bell မိသားစုနဲ့ ဆက်စပ်နေပါတယ် Bell မိသားစုဟာ စုန်းမလို့ သိကြတဲ့ အမျိုးသမီးတစ်ယောက်နဲ့ ငွေကြေးကိစ္စ အငြင်းပွားရာကနေ မိသားစုတွင်းမှာ ဆက်တိုက် အဖြစ်ဆိုးတွေကြုံလာရတဲ့အခါ တကယ်ပဲအဲ့ဒီအမျိုးသမီးရဲ့ ကျိန်စာအတိုက်ခံရသလား အဖြစ်ပျက်တွေရဲ့နောက်ကွယ်မှာ အမှန်တကယ်က ဘယ်သူရှိနေလဲဆိုတာ တော့ ဇာတ်လမ်းကလေးမှာဆက်လက်ကြည့်ရှုလိုက်ပါ ခင်ဗျာ

Hawking ကတော့၂၀၀၄ခုနှစ်ကထွက်ရှိခဲ့တဲ့ ရူပဗေဒပညာရှင် Stephen Hawking ရဲ့အကြောင်းကိုရိုက်ကူးထားတဲ့ biography , drama ဇာတ်လမ်းအမျိုးအစားလေးပဲဖြစ်ပါတယ်။ မင်းသားကြီး Benedict Cumberbatch က စတီဗင်ဟော်ကင်းအဖြစ်သရုပ်ဆောင်ထားပြီး IMDb rating 7.4 ရရှိထားတဲ့ ဇာတ်ကားကောင်းတစ်ကားလည်းဖြစ်ပါတယ်။ စတီဗင်ဟော်ကင်းရဲ့ ဘဝတစ်လျှောက်ကဖြစ်ရပ်တွေ သူ့ရဲ့စဉ်းစားတွေးခေါ်ပုံတွေနဲ့ ဘဝကိုသူနေထိုင်ဖြတ်သန်းခဲ့ပုံတွေကို စိတ်ဝင်စားဖွယ်ကြည့်ရှုရမှာဖြစ်ပြီး သိပ္ပံနဲ့ရူပဗေဒဆိုင်ရာသဘောတရားတွေ၊ အိုင်းစတိုင်းရဲ့ big bang theory ကို စိတ်ဝင်စားတဲ့ရုပ်ရှင်ကြည့်ပရိသတ်တွေ မလွတ်တမ်းကြည့်ရှုသင့်တဲ့ဇာတ်ကားကောင်းလေးတစ်ကားလည်းဖြစ်ပါတယ်။

ဂျိတ်ဟေးစ်ဟာ မိဘမဲ့ဂေဟာမှာ ကြီးပြင်းခဲ့ပြီးတော့ လက်မှတ်မှောင်ခိုရောင်းလိုက်၊ ပန်းခြံမှာ စစ်တုရင်ကစားပြီး ငွေရှာလိုက်နဲ့ လုံးချာလိုက်နေပေမယ့် ဂေါင်းကြီးတို့နဲ့ မတူတာကတော့ သူ့မှာ ဂျူလီဆိုတဲ့ ကောင်မလေးတော့ရှိပါတယ်။ ဒါပေမဲ့ သူ့ကောင်မလေးက အဖြစ်မရှိတဲ့ ဂျိတ်ကြောင့် သူ့ရည်းစားဟောင်းရှိတဲ့ တခြားမြို့မှာ အလုပ်သွားလုပ်ဖို့ ပြောလာပါတော့တယ်။ အဲဒီအချိန်မှာ သူ့ကို ဆိုင်းမဆင့် ဗုံမဆင့် စီအိုင်အေက ခေါ်သွားပြီးတော့ သူ့မှာ ငယ်ငယ်တုန်းက ကွဲသွားတဲ့ အမြွာအစ်ကိုရှိတဲ့အကြောင်း၊ သူ့အမြွာအစ်ကိုက စစ်ဆင်ရေးတစ်ခုမှာ ဆုံးသွားတဲ့အကြောင်း ပြောပြပြီးတော့ အန္တရာယ်မရှိတဲ့ သာမန်စစ်ဆင်ရေးမှာ သူ့အစ်ကိုဟန်ဆောင်ပေးဖို့ ငွေအများကြီး ကမ်းလှမ်းပါတော့တယ်။ ဒီတော့ သူကောင်မလေးကို ဆုံးရှုံးရမှာစိုးတဲ့အတွက် စီအိုင်အေကို သဘောတူလိုက်ပေမဲ့ စစ်ဆင်ရေးက သူထင်ထားသလို သာမန်မဟုတ်ပဲ တစ်မြို့လုံး ပြောင်သလင်းခါသွားနိုင်တဲ့ နျူးကလီးယားဗုံးနဲ့ ဆက်စပ်နေပြီး ကျားမြီးပြေးဆွဲနေရမဲ့အနေအထား ရောက်လာတဲ့အခါမှာ သူ့အနေနဲ့ ဘယ်လိုနှစ်ပါးသွားရမလဲဆိုတာကို ဟာသနှောပြီး ကြည့်ရမှာဖြစ်လို့ အူတက်အောင် ခွီချင်ရင် ကြည့်သာကြည့်လိုက်ကြပါတော့ ဂေါင်းကြီးတို့ File size…(2.7 GB)/(1.5 GB) Quality….Webrip 1080p / 720p Format…mp4 Duration….01:56:00 Genre...  Action, Thriller, Comedy, Adventure  Subtitle….Myanmar Subtitle (Hardsub) Encoder….Mr. Anderson Translated by Steven Khant

Spy Game(2002) IMDb - 7.1 Spy Gameဟာ စပိုင်ရုပ်ရှင်ပေမဲ့ မြင်နေကျ စပိုင်ကားတွေလို စပိုင်က ကြမ်းထော် ဂေါ်ထွက်နေတဲ့စပိုင်တွေအကြောင်း မဟုတ်ဘူး။ လက်တွေ့ကျကျ စပိုင်လောကကို ချည်းကပ်ပြသွားတဲ့ ကားပါပဲ။ စပိုင်လောကကို ရှင်းပြ SPYဖြစ်အောင်ဘာတွေလုပ်ရလဲရောပြသွားပြီး ဝါရင့်စပိုင်ကြီးရဒ်ဖို့က စပိုင်ပေါက်စ ဘရက်ပစ်ကို စပိုင်ပညာတွေသင်ပေးတာကို သေချာနီးပါး ပြသွားတယ်။ ရဒ်ဖို့ရဲ့ကာရိုက်တာနဲ့ စီအိုင်အေဌာနချုပ်ကြားညဏ်ကစားတွေအခန်းတွေဆို တော်တော်လေး သဘောကျစရာပါပဲ။ ဒါရိုက်တာတိုနီစကော့ ကလည်း စပိုင်ကားတွေချည်းရိုက်ခဲ့တဲ့ ဒါရိုက်တာပါပဲ။ အရှေ့အလယ်ပိုင်း ပြဿနာတွေရော၊ တရုတ်ပြဿနာတွေရော စုံနေအောင်ကိုသုံးပြီး ရှေ့ဆက်ဘာဖြစ်မလဲ ရင်ဖိုစရာကောင်းအောင် ဒါရိုက်တာက ခပ်အေးအေးနဲ့ တဖြည်းဖြည်းချင်း ချပြသွားတယ်။ Actionခန်းနည်းပေမဲ့ တော်တော်ကောင်းတဲ့ စပိုင်ကားလို့ဆိုရပါလိမ့်မယ်။ အထနှေးပေမဲ့ ဆုံးအောင်ကြည့်ပြီးတဲ့အခါ ပရိတ်သတ်ရင်ထဲကျန်နေခဲ့မယ့် ကားကောင်းလို့ ကျွန်တော်တော့ ထင်တယ်။ ( အညွှန်းရေးသားထားသူကတော့ WiRa Aung ပါ ) Browse this website File Size__2.2 GB , 1.1 GB Quality__1080p, 720p IMDb Rating__7.1/10 Format__mp4 Duration__02:06:00 Type__Action , Crime , Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဒီတစ်ခါတော့ 1987 ခုနှစ်ကထွက်ထားတဲ့ The Fourth protocol ကိုပြန်ကြည့်ရအောင်... ဒီရုပ်ရှင်က နာမည်ကျော် စာရေးဆရာ Frederick Forsyth ရဲ့ဝတ္ထုကို John Mackenzie ကရိုက်ထားတာပါ စစ်အေးတိုက်ပွဲကာလအတွင်း နျူးကလီးယားဗုံးနဲ့ပတ်သက်တဲ့ လျှို့ဝှက်အစီအစဥ်တစ်ခုကို ဟန့်တားဖို့ကြိုးစားတဲ့ဇာတ်လမ်းပါ ဇာတ်လမ်းအကျဥ်း ဆိုဗီယက်ယူနီယံဘက်က အထက်တန်းအရာရှိတစ်ဦးဟာ အနောက်နိုင်ငံတွေကို နိုင်ငံရေးအရ ထိခိုက်စေဖို့ လျှို့ဝှက်စီမံချက်တစ်ခုကို အကောင်အထည်ဖော်ဖို့ စီစဉ်ထားတာပါ... ဒီစီမံချက်မှာ အရေးကြီးဆုံးကတော့ ဗြိတိန်နိုင်ငံအတွင်းမှာ နျူကလီးယားဗုံးတစ်လုံးကို လျှို့ဝှက်စွာ ထည့်သွင်းတည်ဆောက်ပြီး ပေါက်ကွဲစေကာ နိုင်ငံရေးအပြောင်းအလဲတွေ ဖြစ်ပေါ်လာစေဖို့ပါပဲ..... အဲဒီတာဝန်ကို ဆိုဗီယက်အေးဂျင့်တစ်ဦးဖြစ်တဲ့ "ပက်ထရော့စကီး" ကို ဗြိတိန်နိုင်ငံကို လျှို့ဝှက်ပို့ဆောင်လိုက်ပါတယ် သူဟာ လျှို့ဝှက်နည်းလမ်းတွေနဲ့ နျူကလီးယားပစ္စည်းအစိတ်အပိုင်းတွေကို သွင်းယူပြီး ဗုံးတည်ဆောက်ဖို့ ကြိုးစားနေခဲ့ပါတယ် တစ်ဖက်မှာတော့ ဗြိတိန်အင်တယ်လီဂျင်စ်အဖွဲ့မှ အေးဂျင့်တစ်ဦးဖြစ်တဲ့ "ပရက်စတန်" ဟာ ထူးခြားတဲ့ သတင်းအချက်အလက်တွေကို စုဆောင်းရင်း ဒီလျှိ့ဝှက်စီမံချက်ကို သံသယဖြစ်လာပါတယ် အထက်အရာရှိတွေက မယုံကြည်သေးပေမယ့် "ပရက်စတန်"က သူ့အနေနဲ့ သက်သေတွေကို ရှာဖွေပြီး အမှန်တရားကို ဖော်ထုတ်ဖို့ ဆက်လက်ကြိုးစားပါတော့တယ် "ပရက်စတန် " ဟာ "ပက်ထရော့စကီး" ရဲ့ စီမံချက်ကို ရှာဖွေတွေ့ရှိပြီး နျူကလီးယားပေါက်ကွဲမှုကို တားဆီးနိုင်မလားဆိုတာကိုတော့... စိတ်လှုပ်ရှားစွာကြည့်ရှုရမှာဖြစ်ပါတယ် တစ်ချိန်ထဲမှာပဲ James Bond​ ဖြစ်လာမယ့် မင်းသားကြီး Pierce Brosnan ရဲ့ငယ်ဘဝသရုပ်ဆောင်မှုတွေကိုကြည့်ရမှာပါ