Max Gail ပါဝင်သော ဇာတ်ကားများ

I'll See You in My Dreams (2015) IMDb Rating (6.7) / Rotten Tomatoes (94%) ဒီတစ်ခါညွှန်းပေးမယ့်ဇာတ်ကားကတော့ အမ်မီဆုကိုနှစ်ခါတိုင်တိုင်ရရှိထားတဲ့ ဝါရင့်မင်းသမီး Blythe Danner နဲ့ boomers များခေတ်တုန်းက နာမည်ကြီး ရုပ်ရှင်မင်းသား ဇာတ်ညွှန်းရေးဆရာဖြစ်တဲ့ Sam Elliot တို့က ဇာတ်ဆောင်နေနဲ့ပါဝင်သရုပ်ဆောင်ထားတဲ့ Old but Gold ဇာတ်ကားတစ်ကားပဲဖြစ်ပါတယ်။ ဇာတ်အိမ်ကိုတော့ ခင်ပွန်းဆုံးသွားတဲ့ အမျိုးသမီးတစ်ယောက် ၁၀စုနှစ် နှစ်ခုကြာအောင်​အေးချမ်းနေခဲ့ပေမယ့်လည်း သူငယ်ချင်းတွေရဲ့တွန်းအားပေးမှုကြောင့် တဖန်အချစ်ကိုပြန်လည်သက်ဝင်ခံစားတတ်လာပုံကို ဖော်ကျူးထားတဲ့ လွမ်းဆွေးဖွယ် အချစ်ရုပ်ရှင်ကားတစ်ကား ဖြစ်ပါတယ်။ ဇာတ်လမ်းနောက်ခံ ကာရိုးပီတာဆန်ဆိုတဲ့ သူဟာ သူ့ရဲ့ခင်ပွန်းဘီလ် လေယာဉ်မတော်တဆမှုနဲ့ဆုံးပါးသွားပြီးကတည်းက သမီးကလည်း အခြားမြို့မှာအလုပ်လုပ်နေတဲ့အလျောက် အိမ်မွေးတိရစ္ဆာန်ခွေလေးနဲ့ပဲ ဆယ်စုနှစ်တစ်ခုကျော်ကြာအောင် အဖော်ပြုခဲ့ရတာပါ။ ဒါပေမဲ့ စိတ်မကောင်းစွာနဲ့ ကာရိုးရဲ့ခွေးလေးဟာ ​ခွေးတွေရဲ့သဘာဝအတိုင်း ဆယ်စုနှစ်တစ်ခုကျော်လာရင် အသက်အရွယ်အိုမင်းလာတာဖြစ်တဲ့အတွက် ပိုင်ရှင် ကာရိုးကိုယ်တိုင် ဇိဝိန်ခြွပေးဖို့ဖြစ်လာခဲ့ပါတယ်။ ဒီလိုနဲ့ တွယ်တာရာမရှိတော့တဲ့ ကာရိုးဟာ သူ့ရဲ့အိမ်နီးချင်းသူငယ်ချင်း အဘွားကြီးတွေကပဲ သူ့ကို အပေါင်းအသင်းဝင်ဆံ့အောင်လုပ်ပေးပြီး အထီးမကျန်ရအောင်လုပ်နေခဲ့တာပါ။ တစ်နေ့မှာတော့ ကာရိုးဟာ စူပါမားကတ်ကိုသွားတဲ့အချိန်မှာ ဘေလ်ဆိုတဲ့လူတစ်ယောက်နဲ့တွေ့ခဲ့ပါတယ်။ အမှတ်မထင်တွေ့ဆုံလိုက်ပေမယ့် ကံဆုံလာတဲ့အခါမှတော့ နှစ်ယောက်သားရေစက်ဆုံဖို့ အကြောင်းဖန်လာပါတယ်။ ဒီလိုနဲ့ ကာရိုးတစ်ယောက် အသက်ကြီးလာတဲ့အခါမှ အချစ်သစ်ကို တဖန်ဘယ်လိုသက်ဝင်ခံစားမလဲဆိုတာကို ဒီဇာတ်ကားထဲမှာ ရှုမြင်ခံစားရမှာပဲဖြစ်ပါတယ်။ File size… (1.3 GB) / (740 MB) Quality…. Blu-Ray 1080p HEVC / 720p Format…. mkv/mp4 Genre…. Comedy,Drama Duration…. 01:36:48 Subtitle…. Myanmar Subtitle (Hardsub)

၁၉၄၅ ခုနှစ် ဒုတိယကမ္ဘာစစ်ပြီးလို့ အမေရိကန်စစ်သားတွေ နေရပ်ပြန်လာကြချိန်မှာ သူတို့ထဲက အာဖရိကန်-အမေရိကန်တွေအတွက် လူမျိုးရေးခွဲခြားမှုက စောင့်ကြိုနေပါတယ်။ နာဇီတွေရဲ့ လူမျိုးရေးခွဲခြားမှုကို တိုက်ခိုက်ခဲ့ကြပေမယ့် ကိုယ့်နိုင်ငံမှာတော့ လူဖြူတွေနဲ့ အိမ်သာ၊ ရေချိုးခန်း အတူသုံးခွင့်မရတာ၊ ဟိုတယ်မှာ တည်းခိုခွင့်မရတာမျိုးတွေကို ရင်ဆိုင်နေကြရတယ်။ ဘေ့စ်ဘောလောကမှာလည်း ဒီခွဲခြားမှုတွေ ရှိနေပါတယ်။ ၁၉၄၆ ခုနှစ်မှာ စာရင်းဝင်ဘေ့စ်ဘောအသင်း ၁၆ သင်းနဲ့ ကစားသမား ၄၀၀ ရှိပြီး အားလုံးက လူဖြူတွေချည်းပါပဲ။ ၁၉၄၇ ခုနှစ်ရောက်တော့ ဘရွတ်ကလင်ဒေါ့ဂျာစ်အသင်းပိုင်ရှင် မစ္စတာရစ်ကီက လူမည်းကစားသမား ဂျက်ကီရော်ဘင်ဆင်ကို အသင်းထဲ ခေါ်ယူလိုက်ပါတယ်။ အဲဒီဆုံးဖြတ်ချက်ကြောင့် ရစ်ကီဟာ ကန့်ကွက်သူအများအပြားနဲ့ ရင်ဆိုင်ရသလို ကျောနံပါတ် ၄၂ ဝတ်တဲ့ ဂျက်ကီလည်း ကွင်းထဲမှာရော ကွင်းပြင်မှာပါ ခွဲခြားဆက်ဆံခံရပြီး ခြိမ်းခြောက်စာတွေ ရလာပါတယ်။ အဲဒီလိုဖိအားတွေကြားမှာ သူတို့ဟာ ကြံ့ကြံ့ခံပြီး အနိုင်ရဖို့ ကြိုးစားကြတယ်။ Chadwick Boseman ပါဝင်သရုပ်ဆောင်ထားတဲ့ ဒီအားကစားဒရာမာမှာ ဂျက်ကီတို့ရဲ့ ကြိုးပမ်းမှုတွေနဲ့အတူ ဘေ့စ်ဘောလောကထဲက လူမျိုးရေးခွဲခြားမှုတွေ ဘယ်လိုပြောင်းလဲလာသလဲဆိုတာကို ဆက်ပြထားပါတယ်။

ဒီဇာတ်ကားမှာတော့ ကွီးချက်က လူမဟုတ်တော့ပါဘူး။ လူလုပ်ရတာအရမ်းရိုးသွားလို့ တောသားတွေကို တောထဲကနေ နှိမ်နင်းမယ့် တောစောင့်နတ်ကြီးဖြစ်နေပါပြီ။ တောထဲကိုလာပြီးတော့ ဒုက္ခရောက်အန္တရာယ်ကျတဲ့သူတွေကို ကယ်တင်ပေးတဲ့ လူတွေပါးစပ်ရာဇဝင်လိုမျိုး နာမည်ကြီးတောစောင့်နတ်ကြီးပါ။ တနေ့မှာတော့ ဒီတောထဲကိုလာပြီး သစ်ပင်တွေခုတ် တိရစ္ဆာန်တွေ ဒုက္ခရောက်အောင်လုပ်မယ့် သစ်ထုတ်လုပ်ရေး ကုမ္ပဏီပိုင်ရှင်က ဥပဒေမဲ့ ဒီတောအုပ်ကြီးကို ခုတ်ထွင်ရှင်းလင်းဖို့ ကြိုးစားလာတဲ့အခါမှာတော့ တောအုပ်ကို ချစ်မြတ်နိုးတဲ့ ဒေသခံ ကလေးတစ်သိုက်နဲ့အတူ John McKenna က ဘယ်လိုမျိုး အပိုင်နှိမ်နင်း ကာကွယ်သွားမလဲဆိုတာကို ရိုက်ကူးထားတာပါ။ သူက ကလေးတွေကိုဘယ်လိုကာကွယ်ပြီးတောသားတွေကို ဘယ်လိုနှိမ်နင်းမလဲဆိုတာကို CGI တွေ ဘာတွေမပါပဲ ချပေးတာကိုကြည့်ရှု့ရမှာပါ။ File size… 4 GB / 1 GB Quality… WEB-DL 1080p / 720p Format… mp4 Duration…. 1h 37m Genre ..... Action , Crime Subtitle…. Myanmar Subtitle (Hard Sub)