Maxwell Foster ပါဝင်သော ဇာတ်ကားများ

No Highway In The Sky (1951) IMDb 7.1/10 ခေတ်ပေါ် နောက်ဆုံးထွက်ကားတွေ plot မကောင်းလို့ အင်္ဂလိပ်ရှေးဟောင်းကားလေး‌တွေ ပြောင်းစမ်းကြည့်ချင်ရင်ဖြစ်ဖြစ် ဒီတိုင်းကြိုက်တတ်လို့ဖြစ်ဖြစ် ကြည့်ဖို့ထည့်စဉ်းစားသင့်တဲ့ ၁၉၅၁ခုနှစ်ထွက် အင်္ဂလိပ်ကားလေးအကြောင်း ပြောပြပါရစေ။ စကော့ဟာ လေကြောင်းကုမ္ပဏီတစ်ခုမှ လေယာဉ်ကိုယ်ထည်မှာသုံးတဲ့ သတ္တုစထုတ်ဖော် တပ်ဆင်ရေး ကြီးကြပ်သူအသစ် အဖြစ်ရောက်ရှိလာခဲ့ပါတယ်။ စက်ရုံမှာ အလုပ်အကြောင်း လေ့လာရင်း သတ္တုပိုင်းဆိုင်ရာ လေ့လာစမ်းသပ်သူ သိပ္ပံပညာရှင် သီအိုဒေါဟန်နီနဲ့ တွေ့ဆုံခဲ့ပြီး မစ္စတာဟန်နီရဲ့ အလုပ်ကိုစိတ်ဝင်စားသွားခဲ့ပါတယ်။ မစ္စတာဟန်နီဟာ မော်ဒယ်သစ် ရိန်းဒီးယားလေယာဉ်တွေမှာ သုံးထားတဲ့ လေယာဉ်အမြှီးပိုင်းဟာ နာရီပေါင်း ၁၄၄၀ကြာပြီးနောက်မှာ ကွဲအက်ပျက်စီးသွားမယ်လို့ ယုံကြည်ပြီး စမ်းသပ်နေသူပါ။ သို့သော်ငြားလည်း သက်သေတစ်စုံတစ်ရာ မပြသနိုင်သေးတာမို့ စမ်းသပ်နေဆဲဖြစ်ပါတယ်။ ဒီလိုနဲ့ တစ်ရက် လဘရယ်ဒေါမှာ လေယာဉ်တစ်စင်း ပျက်ကျခဲ့ပြီး အမြှီးပိုင်းကိုလည်း ရှာမတွေ့နေတာမို့ အကြီးပိုင်းတွေက ဟန်နီ့ကိုသွားရောက်စစ်ဆေးဖို့ ခိုင်းစေလိုက်ပါတယ်။ ဖြစ်ချင်တော့ သူစီးသွားတဲ့လေယာဉ်ကလည်း ရိန်းဒီယားလေယာဉ်ဖြစ်နေပြီး ပျံသန်းခဲ့ချိန်ကလည်း ၁၄၂၇နာရီလောက်ကိုရောက်နေပါပြီ။ ဆိုတော့ မစ္စတာဟန်နီတစ်ယောက် ဘယ်လိုဆက်လုပ်မလဲ။ တကယ်ရော ပျက်ကျမလားဆိုတာ စိတ်ဝင်စားစရာ ကြည့်ရှုရမှာပါ။

Kind Hearts and Coronets (1949) IMDB : 8 Rotten Tomatoes: 100% Genre : Comedy /Crime / Thriller Kind Hearts and Coronets ကတော့ ၁၉၄၉ ခုနှစ်ထွက် Black Comedy အမျိုးအစား Crime / Thriller ရုပ်ရှင်တစ်ကားဖြစ်ပါတယ်။ ဒီရုပ်ရှင်ရဲ့ ထူးခြားချက်ကတော့ မင်းသား Alec Guinness ဟာ ရုပ်ရှင်ထဲက အမျိုးသား / အမျိုးသမီး ဇာတ်ကောင် ၈ နေရာ အထိ တစ်ယောက်တည်းသရုပ်ဆောင်ခဲ့တာဖြစ်ပါတယ်။ ဒီရုပ်ရှင်က သွေးအေးအေးနဲ့ ရက်စက်တဲ့ ရုပ်ရှင်လို့ပြောရလောက်တဲ့ ရုပ်ရှင်မျိုးဖြစ်ပါတယ်။ Black Comedy ဖြစ်တာနဲ့အညီ သာမန် ဟာသရုပ်ရှင်မျိုးမဟုတ်တာကြောင့် မိသားစုနဲ့ ကြည့်ရှုရန်မသင့်တော်ပါဘူးခင်ဗျာ။ ဇာတ်ညွှန်း လူတန်းစားမတူလို့ဆိုပြီး မိသားစုရဲ့ စွန့်ပစ်ခြင်းကိုခံခဲ့ရတဲ့ အမျိုးသမီးတစ်ယောက်ရဲ့ သားဖြစ်သူ Louis Mazzini ဟာ မိခင်ဖြစ်သူရဲ့ မူလမျိုးရိုးဖြစ်တဲ့ မြို့စားဘွဲ့ (Dukedom of Chalfont) နဲ့ မိသားစုအမွေတွေကို အရပြန်ယူမယ်ဆိုပြီး ဆုံးဖြတ်ချက်ချလိုက်ပါတယ်။ ဒါပေမဲ့ အဲဒီရာထူးနဲ့ အမွေကို ရဖို့အတွက် သူ့ရှေ့မှာ တားဆီးပိတ်ပင်နေတဲ့ D'Ascoyne မိသားစုဝင် (၈) ဦး ရှိနေပါသေးတယ်။ ဘယ်သူ့ကိုမှ အားနာမနေဘဲ အဲဒီဆွေမျိုး ၈ ဦးစလုံးကို တစ်ယောက်ပြီးတစ်ယောက် အကြံအစည်မျိုးစုံနဲ့ ဖယ်ရှားပြီး ရာထူးကို တက်လှမ်းဖို့ ယုတ်မာတဲ့ အကြံများထုတ်ပါတော့တယ်။ ဆွေမျိုးတွေကို တစ်ယောက်ချင်းစီ တိတ်တဆိတ် ရှင်းထုတ်ရင်း သူမျှော်လင့်ထားတဲ့ နေရာတစ်ခုကို ရောက်သွားတဲ့အခါမှာတော့ မျှော်လင့်မထားတဲ့ အချစ်ရေးနဲ့ ရာဇဝတ်မှု ပြဿနာတွေကပေါ်လာပါတော့တယ်။ ဒီလိုနဲ့ Louise တစ်ယောက် ဘယ်လိုဖြေရှင်းသွားမလဲဆိုတာကို ရင်ခုန်စိတ်လှုပ်ရှားဖွယ်ရိုက်ကူးထားတဲ့ ဂန္တဝင်ဇာတ်လမ်းတစ်ခုဖြစ်ပါတယ်။ ခံစားကြည့်လိုက်ကြပါခင်ဗျာ။ File size…    2.2 GB/ 1.5 GB Quality… WEB-DL 1080p / 720p Format… mp4 Duration…. 1h 46m Genre .....Black Comedy / Thriller / Comedy Subtitle…. Myanmar Subtitle (Hard Sub)