Merritt Wever ပါဝင်သော ဇာတ်ကားများ

Primetime [2026] ++++++++ Primetime (၂၀၂၆) ရုပ်ရှင်ကားဟာ ၂၀၂၆ ခုနှစ် စက်တင်ဘာလက ကျင်းပခဲ့တဲ့ ဗင်းနစ် ရုပ်ရှင်ပွဲတော်မှာ ပထမဆုံး ပြသခဲ့ပြီးနောက် စက်တင်ဘာလ ၂၅ ရက်နေ့မှာ ရုံတင်ပြသခဲ့တဲ့ မှုခင်း သည်းထိတ်ရင်ဖို ဒရာမာ ဇာတ်ကားကောင်းလေး တစ်ကားဖြစ်ပါတယ်။ ဇာတ်လမ်းကတော့ ၂၀၀၆ ခုနှစ်ဝန်းကျင်က အမေရိကန်မှာ အရမ်းနာမည်ကြီးခဲ့တဲ့ "To Catch a Predator" ဆိုတဲ့ ရုပ်သံအစီအစဉ်နဲ့ အဲဒီအစီအစဉ်ရဲ့ တင်ဆက်သူ ခရစ်စ် ဟန်ဆန် (Chris Hansen) ရဲ့ အကြောင်းကို အခြေခံ ရိုက်ကူးထားတာပါ။ ကလေးသူငယ်တွေကို အွန်လိုင်းကနေ သွေးဆောင်ဖြားယောင်းတဲ့ ပြစ်မှုကျူးလွန်သူတွေကို လျှို့ဝှက်ထောင်ချောက်ဆင် ဖမ်းဆီးပြီး ရုပ်သံကနေ တိုက်ရိုက်ထုတ်လွှင့်ပြသတဲ့ အစီအစဉ်တစ်ခုဖြစ်ပါတယ်။ ဒီဇာတ်ကားမှာတော့ ရုပ်သံသမိုင်းမှာ မှတ်တမ်းဝင်လောက်တဲ့ အစီအစဉ်တစ်ခုဖြစ်လာဖို့ ခရစ်စ် ဟန်ဆန် နဲ့ သူ့အဖွဲ့သားတွေ ဘယ်လိုကြိုးစားခဲ့ကြလဲ၊ ထောင်ချောက်ဆင် ဖမ်းဆီးရတဲ့ အက်ရှင်ဆန်ဆန် အခန်းတွေ၊ နောက်ကွယ်က ဖိအားတွေနဲ့ လူ့ကျင့်ဝတ်ဆိုင်ရာ မေးခွန်းထုတ်စရာတွေကို စိတ်ဝင်စားဖွယ် ရိုက်ပြထားပါတယ်။ သရုပ်ဆောင်တွေအနေနဲ့ အစီအစဉ် တင်ဆက်သူ ခရစ်စ် ဟန်ဆန် အဖြစ် နာမည်ကြီး မင်းသား ရောဘတ် ပက်တင်ဆန် (Robert Pattinson) က အဓိက ပါဝင်သရုပ်ဆောင်ထားပါတယ်။ ဒါ့အပြင် အန်နာ ဖားရစ် (Anna Faris)၊ ဖီဘီ ဘရစ်ဂျာ (Phoebe Bridgers)၊ မဲရစ် ဝီဗာ (Merritt Wever) နဲ့ စကိုင်းလား ဂျီဆွန်ဒို (Skyler Gisondo) တို့ကလည်း အားဖြည့် ပါဝင်ထားကြပါတယ်။ ဒါရိုက်တာ လန်စ် အိုပန်ဟိုင်းမ် (Lance Oppenheim) က ရိုက်ကူးထားတာပါ။ ဖြစ်ရပ်မှန် အခြေခံ မှုခင်း စုံစမ်းထောက်လှမ်းတဲ့ ဇာတ်ကားမျိုး၊ ရုပ်သံလောကရဲ့ နောက်ကွယ်က ကြိုးပမ်းမှုတွေကို သည်းထိတ်ရင်ဖို ရိုက်ကူးထားတဲ့ ဇာတ်ကားကောင်းမျိုးကို သဘောကျတယ်ဆိုရင်တော့ Primetime (၂၀၂၆) ကားလေးကို သေချာပေါက် ကြည့်ကြည့်ဖို့ ညွှန်းပေးလိုက်ပါတယ်ဗျာ။ File Size… (3.23GB) / (1.91GB) Quality… WEB-DL 1080p HEVC / 720p Format…mkv / mp4 Duration…1h 50m Genre …Drama and Thriller Subtitle….Myanmar Subtitle (Hard Sub)

Christy (2025) IMDb Rating (6.0) / Rotten Tomatoes (66%) ဒီရုပ်ရှင်ကတော့ နာမည်ကြီး မင်းသမီး Sydney Sweeney အဓိကပါဝင်ထားပြီး ၂၀၂၅ ခုနှစ် နိုဝင်ဘာလ (၇) ရက်နေ့ကမှ ရုံတင်ထားတဲ့ အတ္ထုပ္ပတ္တိ အားကစား ဒရာမာ (Biographical Sports Drama) ဇာတ်ကား ဖြစ်ပါတယ်။ ဇာတ်လမ်းအကျဉ်းချုပ် ဒီဇာတ်လမ်းက ခရစ်စတီ မာတင် (Christy Martin) လို့ခေါ်တဲ့ တကယ့်လက်တွေ့ဘဝက ဂန္ထဝင် အမျိုးသမီးလက်ဝှေ့ကျော်ကြီးတစ်ယောက်ရဲ့ ဘဝဇာတ်ကြောင်းကို ရိုက်ကူးထားတာပါ။ ဇာတ်လမ်းက ၁၉၈၉ ခုနှစ် ဝန်းကျင်၊ အနောက်ဗာဂျီးနီးယားပြည်နယ်ကနေ စတင်ပါတယ်။ ခရစ်စတီဟာ ငယ်ငယ်ကတည်းက အားကစားဝါသနာပါပြီး မထင်မှတ်ဘဲ "Toughman" လို့ခေါ်တဲ့ ပြိုင်ပွဲတစ်ခုမှာ ဝင်ပြိုင်ရာကနေ သူ့ရဲ့လက်ဝှေ့ပါရမီကို ရှာဖွေတွေ့ရှိခဲ့တာပါ။ အဲဒီနောက်မှာတော့ သူဟာ ဂျင်မ် မာတင် (Jim Martin) ဆိုတဲ့ နည်းပြတစ်ယောက်နဲ့ တွေ့ခဲ့ပါတယ်။ ဂျင်မ်က ခရစ်စတီထက် ၂၅ နှစ်လောက် ကြီးပေမဲ့ သူတို့နှစ်ယောက် လက်ထပ်ခဲ့ကြပါတယ်။ ဂျင်မ်ရဲ့သင်ကြားပြသပေးမှုနဲ့အတူ ခရစ်စတီဟာ အမျိုးသမီးလက်ဝှေ့လောကရဲ့စူပါစတား တစ်ယောက်ဖြစ်လာခဲ့ပါတယ်။ သူဟာ နာမည်ကြီး ပွဲစီစဉ်သူ Don King နဲ့ စာချုပ်ချုပ်နိုင်တဲ့ ပထမဆုံး အမျိုးသမီး လက်ဝှေ့သမား ဖြစ်လာပြီး Sports Illustrated မဂ္ဂဇင်း မျက်နှာဖုံးမှာပါ ဖော်ပြခံခဲ့ရပါတယ်။ ဒါပေမဲ့ ဒီအောင်မြင်မှုတွေရဲ့ နောက်ကွယ်မှာတော့... ခရစ်စတီရဲ့ ခင်ပွန်းသည် ဂျင်မ်ဟာ သူ့ကို စိတ်ပိုင်းဆိုင်ရာရော ရုပ်ပိုင်းဆိုင်ရာပါ အကြီးအကျယ် နှိပ်စက်ခဲ့ပါတယ်။ ခရစ်စတီရဲ့ငွေကြေးတွေကိုလည်း ခိုးယူပြီး သူ့ကို ထိန်းချုပ်ထားခဲ့ပါတယ်။ ခရစ်စတီဟာ တကယ်တော့ အမျိုးသမီးချင်း စိတ်ဝင်စားသူ (Lesbian) တစ်ဦး ဖြစ်ပေမဲ့ အဲဒီခေတ်ကာလ အခြေအနေနဲ့ မိသားစုရဲ့ ဖိအားတွေကြောင့် သူ့ရဲ့ဖြစ်တည်မှုကို ဖုံးကွယ်ထားခဲ့ရပါတယ်။ ဇာတ်လမ်းရဲ့အထွတ်အထိပ်ကတော့ ၂၀၁၀ ခုနှစ်မှာ ခရစ်စတီက ဂျင်မ်ကို လမ်းခွဲဖို့ ကြိုးစားတဲ့အချိန်မှာ ဂျင်မ်က သူ့ကို သေနတ်နဲ့ပစ် ဓားနဲ့ထိုးပြီး ရက်ရက်စက်စက် သတ်ဖြတ်ဖို့ ကြိုးစားခဲ့တဲ့ အဖြစ်ပါပဲ။ ဒီကားမှာ ခရစ်စတီဟာ ဒီလို သေမင်းနှုတ်ခမ်းဝကနေ ဘယ်လို အံ့သြစရာကောင်းလောက်အောင် အသက်ရှင် လွတ်မြောက်လာခဲ့လဲ သူ့ရဲ့ ဘဝကို ဘယ်လို ပြန်လည်တည်ဆောက်ခဲ့သလဲ ဆိုတာကို စိတ်လှုပ်ရှား ကြေကွဲစရာကောင်းအောင် မြင်တွေ့ရမှာ ဖြစ်ပါတယ်ဗျ။ File size… (5 GB) / (1.7 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama,History Duration…. 02:15:09 Subtitle…. Myanmar Subtitle (Hardsub)

Memory (2023) ~ IMDb - 6.7/10, RT - 84%, Meta - 72% ~ လူတွေရဲ့ မှတ်ဉာဏ်ဟာ ယုံစားလို့မရဘူး။ လူတွေက သူတို့မှတ်မိချင်တာကို မှတ်မိနေကြတတ်တယ်။ စာရေးဆရာတစ်ယောက်ရဲ့ သူ့ငယ်ဘဝအကြောင်း သူရေးတဲ့စာအုပ်ထဲမှာတောင် တကယ်တမ်းမဖြစ်ခဲ့တာတွေ ပါကောင်းပါနေနိုင်တဲ့အထိ မှတ်ဉာဏ်ဟာ ယုံစားလို့မရဘူး။ မှတ်ဉာဏ်ဟာ ကျွန်တော်တို့မှတ်မိချင်တာတွေကို မှတ်မိနေတတ်တယ်။ ဆစ်ဂမန်ဖရွိုက်ကတော့ မှတ်ဉာဏ်ဆိုတာ မသိစိတ်အစုအထုံးတစ်ခုလို့ ဆိုတယ်။ Memory ဟာ အဲဒီမှတ်ဉာဏ်တွေရဲ့အကြောင်းလို့ပြောရမယ်။ ဇာတ်ကောင်အားဖြင့် အဓိကတော့ ၂ ယောက်ပါတယ်။ တစ်ယောက်က စိတ်ကျရောဂါရှိနေတယ်။ တစ်ယောက်က အတိတ်မေ့မေ့သွား သတိလွတ်လွတ်သွားတတ်တဲ့ရောဂါရှိနေတယ်။ နောက်တစ်ယောက်တော့ပါသေးတယ်။ သူက အခန်းတော့သိပ်မများဘူး။ ဒါပေမဲ့ သူပါတဲ့အခန်းမှာ လူ့မှတ်ဉာဏ်က မှတ်မိချင်တာတွေကိုပဲ မှတ်မိနေတတ်တယ်ဆိုတာကို ရာနှုန်းပြည့်ပေါ်လွင်စေခဲ့တဲ့ ကားနာမည်အရတော့ သူ့ကိုလည်း အဓိကထဲထည့်ရမှာပဲ။ ဇာတ်လမ်းရဲ့ ဗဟိုချက်မဇာတ်ကောင်က အမျိုးသမီးတစ်ယောက်။ သူ့ဘဝကို သူခက်ခက်ခဲခဲရှင်သန်နေရတဲ့ အမျိုးသမီးတစ်ယောက်။ သူ့အသက်၈နှစ်ကတုန်းက သူ့အဖေရင်းကိုယ်တိုင် ဗလက္ကာရပြုကျင့်တာကို ခံခဲ့ရသလို သူ့အမေကို သွားတိုင်တော့လည်း မယုံခဲ့ဘူး။ သူ့ကို လုပ်ဇာတ်တွေလျှောက်ခင်းနေတယ်ပဲ သတ်မှတ်ခဲ့တယ်။ ဒီလိုနဲ့ကျောင်းတက်လို့ ကျောင်းမှာထပ် မုဒိန်းကျင့်ခံရလို့ သူ့အမေကို သွားတိုင်တော့လည်း သူ့အမေက သူ့ကို လုပ်ဇာတ်တွေခင်းနေတယ်ပဲသတ်မှတ်ပြီး သူ့ကိုပဲ ထပ်အပြစ်တင်ခဲ့တယ်။ ဒီလိုနဲ့ အမေကို အမုန်းကြီးမုန်းလာတဲ့ အဲဒီအမျိုးသမီးဟာ သူ့အမေဆီက အကူအညီမယူဘဲ သူ့ဘဝကို သူခက်ခက်ခဲခဲနဲ့ကျောင်းနေခဲ့တယ်။ သူ့မှာ သမီးလေးတစ်ယောက်ရှိပေမဲ့ အဲဒီသမီးလေးကို သူဘယ်လိုရခဲ့လဲတော့ မပြထားဘူး။ တစ်နေ့ကျ အဲဒီအမျိုးသမီး ကျောင်းတွေ့ဆုံပွဲကနေ အပြန်မှာ ယောက်ျားတစ်ယောက်က တစ်လမ်းလုံး သူ့နောက်လိုက်လာတယ်။ သူလည်း ထရော်မာရှိတဲ့သူဆိုတော့ လန့်သွားတာပေါ့။ သူ့ကို မုဒိန်းကျင့်ခဲ့တဲ့လူတွေထဲကတစ်ယောက်လား ဘာလားလို့ သူထင်လိုက်တယ်။ ဒါပေမဲ့ နောက်မှသိလိုက်ရတာက အဲဒီလူက အတိတ်မေ့ သတိလွတ်လွတ်သွားတတ်တဲ့ရောဂါသည်ဖြစ်နေတယ်။ ဒီလိုနဲ့ သူတို့နှစ်ယောက်စလုံးရဲ့ မှတ်ဉာဏ်တွေကို ကျွန်တော်တို့ကို တစ်လွှာချင်းခွာချပြသွားတယ်။ ဒီရုပ်ရှင်ကိုကြည့်တဲ့ ပရိသတ်တွေထဲ တော်တော်ကြိုက်တဲ့လူနဲ့ တော်တော်မကြိုက်တဲ့လူဆိုပြီး ဆိုးဆိုးရွားရွားကို ကွဲပြားနေတယ်။ တစ်ချို့ကတော့ ဇာတ်လမ်းရဲ့ထိခတ်စေနိုင်စွမ်းကို ချီးကျူးကြတယ်။ တစ်ချို့ကတော့ ဇာတ်လမ်းဟာ မပြသွားတာတွေများတော့ မပြည့်စုံဘူးဆိုပြီး သမုတ်ကြသလို အတိတ်မေ့သတိလွတ်နေတဲ့လူနဲ့ ဖြစ်တဲ့အမျိုးသမီးကို အပြစ်တင်ကြတာလည်းရှိတယ်။ ပြောရရင် သတိမရှိတဲ့လူတစ်ယောက်ရဲ့ Consent က မစစ်ဘူးပေါ့။ ဟောလိဝုဒ်က Consent ကို ဂရုမစိုက်ဘူးဆိုတာအထိပြောကြတယ်။ ဘာပြောပြောပါ၊ ၂၀၂၁တုန်းက The Eyes of Tammy Faye နဲ့မင်းသမီးဆုရခဲ့တဲ့ Jessica Chastain နဲ့ Peter Sarsgaard တို့ကတော့ ပြောင်မြောက်အောင် သရုပ်ဆောင်နိုင်ခဲ့ကြတယ်။ သေချာတာတော့ ဒီမှတ်ဉာဏ်ဆိုတဲ့ရုပ်ရှင်ဟာ ဇာတ်လမ်းမပြည့်စုံတာလည်းမဟုတ်သလို ပြချင်တာပြထားတာလည်းမဟုတ်တဲ့ မှတ်ဉာဏ်တွေအကြောင်းပြထားတဲ့ရုပ်ရှင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.55GB, 950MB, 560MB Quality - 4K HEVC, 1080p, 720p IMDb Rating - 6.7/10 Format - mp4 Duration - 1H 39Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

နက်ဖလစ်ကနေ အပိုင်း ၈ ပိုင်း ပါဝင်တဲ့ မီနီစီးရီး အသစ်တစ်ခု ထွက်လာပြန်ပါပြီ။ Imdb 8.5 နဲ့ အကောင်းဆုံး စီးရီးဆုတွေထဲမှာ ဆန်ကာတင်နေပါတယ်။ Crime Drama အမျိုးအစားပါ။ ၂၀၁၅ တုန်းက ထုတ်ဝေခဲ့တဲ့ “မယုံနိုင်စရာ မုဒိန်းမှု ဇာတ်လမ်းတစ်ပုဒ်” ဆိုတဲ့ သတင်းဆောင်းပါးကို အခြေခံပြီး ရိုက်ကူးထားတာဖြစ်ပါတယ်။ ဖြစ်ရပ်မှန်ကို အခြေခံထားတဲ့အပြင် လိင်ကိစ္စ သရုပ်ဖော်မှုတွေ အသုံးအနှုန်းတွေ ပါဝင်တာကြောင့် ကလေးများ ကြည့်ရှုရန် မသင့်တော်ကြောင်း သတိပေးချင်ပါတယ်။ မုဒိန်းမှုပေါင်း ၃၀ ကျော်ကို ပိပိရိရိ သဲလွန်စမကျန်အောင် ပြုကျင့်သွားတဲ့လူကို ထောင်ဒဏ် 327 နှစ်ခွဲ ချနိုင်ခဲ့တဲ့အထိ ရေဆုံးမြေဆုံးလိုက်တဲ့ စုံထောက်တွေအကြောင်းပါပဲ။ ဇာတ်လမ်းအစမှာတော့ မယ်ရီ ဆိုတဲ့ ၁၆ နှစ်အရွယ် မိန်းကလေး တစ်ယောက် မုဒိန်းကျင့်ခံရလို့ တိုင်ချက်ဖွင့်တာကနေ စပါတယ်။ ဒီစီးရီးထဲမှာတော့ ကိုရီးက ချစ်လို့ပါတို့၊ အောင်မလေး သမီးလေး ဘဝပျက်ပါပြီတို့၊ ကျွန်တော်တို့ ပြည်သူ့ရဲတွေ ဘာညာတို့ ရှင်းရှင်းလင်းလင်း ပါလာမှာမဟုတ်ပါဘူး။ တိုင်ချက်ဖွင့်တဲ့သူ မိန်းကလေးက နောက်ကြောင်းမရှင်းဘူး၊ သက်သေတွေက ဝေဝါးနေတယ် မိသားစုကလည်းယုံတစ်ဝက် မယုံတစ်ဝက်၊ ရဲတွေကလည်း လူသားပီပီ သက်သေတွေအပေါ်ပဲ ချင့်ချိန်ယုံတယ် မင်းသမီးကို ပစ်ယုံလိုက်တဲ့ သူတော်ကောင်းကြီးတွေလည်း မဟုတ်ဘူး။ ပြီးတော့ မုဒိန်းမှုမှာ စစ်ချက်ယူတာတွေ၊ ဆေးစစ်တာတွေ၊ လိုက်ထောက်လှမ်းတာတွေကလည်း အပြင်ကလို စနစ်တကျပါပဲ။ မယ်ရီကို လုပ်ကြံပြီးအမှုဖွင့်တယ်ဆိုပြီး အမှုပိတ်လိုက်အပြီးမှာ၊ အခြားပြည်နယ်တွေမှာလည်း ပုံစံတူ မုဒိန်းမှုတွေ ဖြစ်နေခဲ့ပြီး တရားခံကို လုံးဝမမိသေးတာကို သိလာရချိန်မှာတော့…… မှုခင်းရုပ်ရှင်တွေမှာ လိုက်ပြီး စဉ်းစားတွေးခေါ်ရတာ ကြိုက်တဲ့သူတွေ ဗဟုသုတလည်း လိုချင်တဲ့သူတွေအတွက်တော့ စီးရီးကောင်းတစ်ခု ဖြစ်မှာပါပဲ။ အညွှန်းနဲ့ဘာသာပြန်သူကတော့ Littleneo ဖြစ်ပါတယ်.. Quality – 720p NF WEB-DL Duration – 48min (@Episode) Subtitle – Myanmar Hardsub Format – Mp4 Genre : Crime, Drama Source : 1080p.WEB.X264-AMRAP Translator – Littleneo Encoder – Thanhtike Zaw

ဒီကားကတော့ အမေရိကားရဲ့စက်ဆုပ်ဖွယ်ကောင်းပြီးနာမည်ဆိုးနဲ့ကျော်ကြားခဲ့တဲ့ Charlie Mansonနဲ့သူ့နောက်လိုက်တွေအကြောင်းရိုက်ထားတဲ့ Biographical Dramaကားတစ်ကားဖြစ်ပါတယ်။ အရင်လည်းသူ့အကြောင်းရုပ်ရှင်တွေရိုက်ခဲ့ဖူးပါတယ်။ ဒီကားမှာတော့ သူ့ကိုအရမ်းကိုချစ်ခင်ယုံကြည်ခဲ့တဲ့ ကောင်မလေးတွေဘက်ကရိုက်ပြထားတာပါ။ ဒီဘဲကြီးကThe Beatles ရော့ခ်အဖွဲ့ကိုအရမ်းရူးသွပ်ပြီး သူကိုယ်တိုင်လဲသီချင်းတစ်ပုဒ်တောင်ထွက်ခဲ့သေးတယ်။ ကယ်လီဖိုးနီးယားကခြံကြီးတစ်ခြံမှာ Manson Family ဆိုပြီးသူတို့နေကြတယ်။ ပုံစံကနည်းနည်းဟစ်ပီဆန်တယ် လွှင့်ပစ်ထားတဲ့အသီးအရွက်တွေကိုချက်စားတယ် မြင်ဇောင်းမှာအိပ်တယ် သူတို့အချင်းချင်းလိင်ဆက်ဆံကြတယ် သူတို့ဘာကိုမှမထိန်းချ ုပ်ထားဘူး။ ဒါပေမယ့် ကျမ်းစာကိုရူးသွပ်ပြီး race warကိုစတင်ဖို့လုပ်တယ်။ အခုလက်တလောထွက်ထားတဲ့ နာမည်ကြီး Once upon a time in Hollywoodကားမှာ Margot Robbieသရုပ်ဆောင်ထားတဲ့ Sharon Tateနဲ့ တခြားအနုပညာရှင်တွေကိုလည်း ဒီFamilyကသတ်ခဲ့တာပါ။ ဒီကားမှာ ဒီဘဲကြီးကကောင်မလေးတုံးတုံးအအလေးတွေကို တကယ်လွှမ်းမိုးခြယ်လှယ်ပြီး brainwashလုပ်သွားတာတွေကိုရိုက်ပြထားတယ်။ Castတွေကလည်း မျက်နှာသိပ်မစိမ်းတဲ့သူတွေပါ Game of Thrones seriesထဲက ဂီလီတစ်ယောက်လဲပါပါတယ်။ File Size : (1 GB) Quality : WEB-DL 720p Running Time : 1 hr 20 min Format : Mp4 Genre : Biography , Crime , Drama Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

ဒီရုပ်ရှင်ကတော့ နာမည်ကျော်ပဲမို့ စောင့်နေတဲ့သူတွေရှိမှာပါ။ စကားလက်ဂျိုဟန်ဆန် နဲ့ အဒမ်ဒရိုင်ဘာတို့ သရုပ်ဆောင်စွမ်းရည်ပြထားတဲ့ကားဆိုလည်း မမှားပါဘူး။ ဆုတွေအတော် ဆန်ကာတင်မယ့် ရုပ်ရှင်ပါပဲ။ ဇာတ်လမ်းကတော့ နာမည်အတိုင်းပါပဲ။ အိမ်ထောင်ရေးဇာတ်လမ်းလေး တစ်ပုဒ်ပါ။ အရမ်းသဘာဝကျပြီး ယုတ္တိဆန်လွန်းပါတယ်။ အရာရာကို စိတ်တိုင်းကျလုပ်တတ်တဲ့ ချာလီဆိုတဲ့ ယောကျာ်းတစ်ယောက်နဲ့ ကိုယ်ဘာလိုချင်လို့လိုချင်မှန်းမတွေးတတ်တော့တဲ့ နီကိုး ဆိုတဲ့ မိန်းကလေးတစ်ယောက် လက်ထပ်မိခဲ့တယ်။ ချာလီက ပြဇာတ်ဒါရိုက်တာ၊ နီကိုးက ပြဇာတ်သရုပ်ဆောင်ပေါ့။ ချာလီရဲ့သဘောအတိုင်း နယူးယောက်မှာ အခြေချခဲ့ပြီး ဟင်နရီဆိုတဲ့ သားလေး တစ်ယောက်ရှိလာခဲ့ပါပြီ။ ဒါပေမယ့် နီကိုးအတွက် လော့စ်အိန်ဂျလိ ဟောလိဝုဒ်မှာ ဇာတ်လမ်းတွဲတစ်ခု ခေါင်းဆောင်မင်းသမီးနေရာ ရသွားချိန်မှာ နယူးယောက်နဲ့ အယ်လ်အေ အခြေချမှုတွေ၊ ကလေးအုပ်ထိန်းခွင့်တွေနဲ့ ပတ်သတ်ပြီး အငြင်းပွားလာကြတယ်။ ဇာတ်လမ်းက သဘာဝအကျဆုံးနဲ့ ဇာတ်ရှိန်တွေ တက်လာပုံက အတော်ကောင်းတယ်ပြောရမှာပါပဲ။ ကွာရှင်းတဲ့ကိစ္စအတွက်ရှေ့နေက ပြောသလိုပေါ့ ‘ ရာဇဝတ်မှုရှေ့နေတွေက လူဆိုးတွေကို သူတို့အကောင်းဆုံးလုပ်နေချိန်မှာ တွေ့ရပြီး အိမ်ထောင်ကွဲရှေ့နေတွေကတော့ လူကောင်းတွေကို သူတို့အဆိုးဆုံးလုပ်မယ့်အချိန်မှာ တွေ့ရတာပါပဲ’ တဲ့။ ခံစားကြည့်လိုက်ပါ။

ဒီကားက အကယ်ဒမီ မှာရော Golden Globe မှာပါ Nomination အများဆုံးရထားတဲ့ကားဖြစ်ပြီး၊ မင်းသားကြီး Michael Keaton ရဲ့ တကျော့ပြန်လာတဲ့ဇာတ်ကားဖြစ်ပါတယ်။ ကျွန်တော့် Review တွေဖတ်နေကျ ပရိတ်သတ်ကြီးက သတိထားမိမှာပါ။ ကျွန်တော် ဒီကားကလွဲရင် ဘယ်ဇာတ်ကားကိုမှ Rating 10 မပေးဖူးခဲ့ပါဘူး။ ဒီကားကတော့ တကယ့်ကို ပေးသင့်လို့ပေးထားတာဖြစ်ပါတယ်။ ဒီဇာတ်ကားရဲ့ဇာတ်လမ်းကတော့ Interstellar တို့ Inception တို့လိုလည်း မရှုပ်ထွေးပါဘူး၊ The Sixth Sense လိုလည်း Twist တွေမပါပါဘူး။ ဇာတ်အိမ်တည်ထားတာလည်း ရိုးရှင်းပါတယ်။ ဇာတ်လမ်း မှာ မင်းသား Michael Keaton က တစ်ချိန်က Birdman ဆိုတဲ့ Superhero အဖြစ်သရုပ်ဆောင်ကာ နာမည်ကြီးမင်းသား တစ်ဦးဖြစ်ပေမယ့် လက်ရှိအချိန်မှာတော့ နေရာတစ်နေရာ ရဖို့အတွက် သူရဲ့သရုပ်ဆောင် အရည်အသွေးကိုပြနိုင်ဖို့အတွက် ရုန်းကန်နေသူဖြစ်ပါတယ်။ သူက Broadway (New York က ပြဇာတ်ရုံတွေ ရှိတဲ့ လမ်း) ပြဇာတ်တစ်ကို ကိုယ်တိုင်ရေးပြီး ကိုယ်တိုက် သရုပ်ဆောင်၊ ကိုယ်တိုင် တင်ဆက်ပြီး သူရဲ့အနုပညာကို ချပြဖို့ကြိုးစားနေပါတယ်။ ဇာတ်လမ်းကတော့ ရိုးရိုးလေးပေမယ့်၊ သူရဲ့ အခက်အခဲတွေ၊ စိတ်ဒုက္ခတွေကို တင်ဆက်ထားတာဟာ တကယ့် ကို အနုပညာမြောက်ပြီး၊ သရုပ်ဆောင်လည်းတကယ်ကောင်းပါတယ်။ ဇာတ်ကားတစ်ကားလုံး မှာ ဇာတ်ဝင်ခန်း အကူးအပြောင်းက အစ သာမန်ရုပ်ရှင်တွေလို (Fade to black) အမှောင်ချပြီး နောက်တစ်ခန်း ကူးတာမျိုးမဟုတ်ပဲ၊ ဇာတ်ကောင်တွေနောက်ကို လိုက်ပြီး ရိုက်ကူးထား သလို တစ်ခန်းနဲ့တစ်ခန်းကိုလည်း ဆက်ပြီးရိုက်ထားတာကြောင့် ထူးခြားတဲ့ ရသ တစ်မျိုးကို ခံစားရမှာဖြစ်ပါတယ်။ ဇာတ်ကားပြီးသွားတဲ့အခါမှာ မေးခွန်းပေါင်းများစွာ ကျန်နေစေခဲ့မှာဖြစ်ပြီး၊ သို့လော သို့လောနဲ့ အတွေးတသသ ဖြစ်စေမယ့်ဇာတ်လမ်းမျိုးလည်းဖြစ်ပါတယ်။ တစ်ခုပြောချင်တာက မင်းသားရဲ့ အခန်းထဲက ဘုရားစင်းထုတော် ဖြစ်ပြီး၊ စစတွေ့ချင်းမှာ တစ်ခြားကားတွေထဲမှာလိုပဲ အလှဆင်ထားတယ်လို့ထင်ရပေမယ့်၊ သေချာကြည့်ကြည့်တော့မှ စိတ်ပုတီးနဲ့ သောက်တော်ရေခွက်လို့ ယူဆရတဲ့ ရေခွက် လေးလည်းတွေ့ရပါတယ်။ ဇာတ်လမ်းစစချင်းမှာ အတွင်းခံနဲ့တိုင်နေတာကလည်း တရားထိုင်နေတယ်လို့ထင်ရပြီး (ဗုဒ္ဓဘာသာစစ်စစ်မဟုတ်လို့) Birdman က ဗုဒ္ဓဘာသာလားလို့ လည်းထင်စရာဖြစ်ပါတယ်။ အထင်လွှဲမှာစိုးလို့ကြိုတင်ရှင်းပြထားတာဖြစ်ပါတယ်။ ဇာတ်လမ်းဇာတ်အိမ် ကောင်းသလို တင်ဆက်ပုံကလည်း ပညာသား ပါပါတယ်။ မင်းသားကြီး Michael Keaton က သရုပ်ဆောင်ကောင်းသလို၊ Edward Norton ကလည်း ကျရာဇာတ်ရုပ်ကို ပီပြင်အောင် သရုပ်ဆောင်ထားတာတွေ့ရပါတယ်။ ဒီဇာတ်လမ်းမှာ တစ်ချိန်က နာမည်ကြီး Superhero မင်းသားက လက်ရှိ ရုန်းကန်နေရတဲ့အကြောင်းရိုက်ကူးထားသလို၊ သူ့နေရာမှာသရုပ်ဆောင်တဲ့ Michael Keaton ကလည်း တစ်ချိန်က Batman (1989), Batman Returns (1992) တို့မှာ အောင်မြင်ခဲ့ပြီး လက်ရှိအချိန် မှာ ရုန်းကန်နေသူဖြစ်ပါတယ်။ ဒါကြောင့်လည်း ဇာတ်လမ်းက ပိုအသက်ဝင်သွားပြီး၊ Michael ကလည်း ပီပီပြင်ပြင် သရုပ်ဆောင်နိုင်ခဲ့ပါတယ်။ သူတို့နှစ်ယောက်အပြင် Emma Stone (Amazing Spider-Man) ကလည်း သရုပ်ဆောင်ကောင်းကောင်းနဲ့ အားဖြည့်ထားပါသေးတယ်။ ဒီကားက အရမ်းကောင်းတဲ့ ဇာတ်ကားကောင်းတစ်ကားပါ။ ရုပ်ရှင် ကို တကယ် စိတ်ဝင်စားစွာ ကြည့်ချင်တဲ့သူတွေ၊ ရုပ်ရှင်အနုပညာကို မြတ်နိုးတဲ့သူတွေ ကြည့်ကိုကြည့်သင့်တဲ့ ကားဖြစ်ပြီး၊ ရုံမှာသွားကြည့်သင့်ပါတယ်။ အပျင်းပြေကြည့်မယ့်သူတွေ၊ အက်ရှင်ကားတွေပဲ ကြိုက်တဲ့သူတွေ အတွက်ကတော့ ဒီကားက ပျင်းစရာကောင်းတယ်လို့ထင်စရာဖြစ်နေမှာပါ။ #Sololay (အညွှန်းကို ရုပ်ရှင်မိတ်ဆက် Movie Review မှကူးယူဖော်ပြပါသည်။) ဒီဇာတ်ကားက 2015 ခုနှစ်အော်စကာဆုပေးပွဲမှာ..... Best Picture , Best Original Screenplay , Best Director , Best Cinematography ဆု(၄)ဆုဆွတ်ခူးခဲ့တဲ့ဇာတ်ကားပါ။ IMDb(8/10) နဲ့ Rotten Tomatoes (93%) ရရှိထားတာကြောင့် ရုပ်ရှင်ဇာတ်လမ်းကောင်းကောင်းလေးတွေကို နှစ်သက်တဲ့ ပရိတ်သတ်တွေအတွက်တော့ လက်လွတ်မခံသင့်တဲ့ ဇာတ်ကားပါ။ File size...900MB Quality....Blu-Ray Rip 720p Format...mp4 Duration....01:59:17 Subtitle....Myanmar Subtitle (Hardsub) Encoder....Nyeinsaeya Aung

အော်စကာဆုကို ထိုင်ထိုက်တန်တန်ဆွတ်ခူးထားခဲ့တဲ့ ဒီဇာတ်ကားကတော့ Crime, Mystery, Thriller အမျိုးအစားပဲ ဖြစ်ပါတယ်။ ဒီဇာတ်ကားရဲ့ အဓိကဇာတ်‌ဆောင်ဖြစ်သူ မိုက်ကယ်ကလေတွန်ဟာဆိုရင် အကြွေးနွံနစ်နေတဲ့ fixer တစ်ယောက်ပဲဖြစ်တယ်။ သု့အလုပ်က သူများအရှုပ်တွေကို ရှင်းပေးဖို့ပဲဖြစ်ပြီး တရားခွင်ရှေ့နောက်တစ်ယောက်မဟုတ်။ ဒါပေမဲ့ မိုက်ကယ်က သူ့ရဲ့လက်ရှိအသက်မွေးဝမ်းကျောင်းကို စိတ်ကုန်လာပြီး သူ့အစ်ကို တင်မီနဲ့ ဘားဖွင့်ခဲ့ပေမဲ့လဲ ဆေးစွဲနေတဲ့ တင်မီကြောင့် အကြွေးပဲတင်သွားခဲ့တယ်။ နောက်ဆုံး ကိုင်ရတဲ့အမှုက အလုပ်က စီနီယာဖြစ်သူ အာသာအီဒင်ရဲ့ ကေ့စ်။ အာသာက လယ်ယာဓာတုကုမ္ပဏီ U/North ရဲ့ ဒေါ်လာ ၃ ဘီလီယံတန် Action Lawsuit တစ်ခုတည်းကို ကိုင်တွယ်နေတာ ၆ နှစ်ရှိပြီဆိုပေမဲ့ အီဒင်က စိတ်ကစဉ့်ကလျားရောဂါကြောင့် ဆေးပုံမှန်သောက်နေရတဲ့သူတစ်ယောက်။ တစ်ရက် ဆေးပုံမှန်မသောက်မိဘဲ ကိစ္စကို အ‌န္တရယ်တောထဲ ပို့မိသွားခဲ့တယ်။ မိုက်ကယ်ဟာ အရှုပ်တွေကို ရှင်းပေးနေတဲ့အချိန်မှာပဲ တစ်စုံတစ်ယောက်က သူ့ကို သတ်ဖို့ကြိုးစားခဲ့ပြန်ပါရော..... ဘယ်သူများဖြစ်နိုင်မလဲ? File size…(1.7 GB)/(860 Mb) Quality…. 1080p / 720p Format…mp4 Duration….02:00:00 Genre...Drama, Crime, Mystery Subtitle….Myanmar Subtitle (Hardsub) Encoder….Garfield Translated by Moshi

Into the Wild (2007) IMDb Rating (8.1) / Rotten Tomatoes (83%) ၁၉၉၃ ခုနှစ်၊ အမေရိကန်နိုင်ငံမှာ လှုပ်လှုပ်ရှားရှား သတင်းတစ်ပုဒ် ထွက်ပေါ်ခဲ့တယ်။ အသက် ၂၀ ကျော်၊ ဘွဲ့ရပညာတတ်လူငယ်တစ်ဦး၊ ငွေရေးကြေးရေး အခက်အခဲ မရှိသလို၊ မိသားစုပြသနာ၊ အချစ်ရေး ပြသနာ ဘာမှ မရှိတဲ့ လူငယ်လေးတစ်ဦးဟာ တောထဲကို ဝင်ရောက်သွားခဲ့တယ်။ တောထဲမှာ တစ်ကိုယ်တော်နေထိုင်ရင်း သစ်သားဘတ်စ်ကားအိုကြီးထဲမှာ ပျက်စီးနေတဲ့ သူ့ရုပ်အလောင်းကို ဆတ်မုဆိုးအဖွဲ့ကနေ တွေ့ရှိခဲ့ပါတော့တယ်။ ♦️ ဘာကြောင့်သူဟာ ပိုင်ဆိုင်မှူတွေကို စွန့်ခွာခဲ့တာလဲ ♦️ ဘာကြောင့်သူဟာ အောင်မြင်မှူတွေကို စွန့်ခွာခဲ့တာလဲ ♦️ ဘာကြောင့်သူဟာ ချစ်ခင်တဲ့ မိသားစုကို စွန့်ခွာခဲ့တာလဲ အဆိုပါ လူငယ်လေးအကြောင်းဟာ အမေရိကန်နိုင်ငံသားတွေကြားမှာ ဆွေးနွေးစရာ ဘာသာရပ် တစ်ခု ဖြစ်ခဲ့ပါတယ်။ အဆိုပါ လူငယ်လေးရဲ့ ကိုယ်ရေးမှတ်တမ်းတွေအပါအဝင် သူပတ်သက်ခဲ့တဲ့ သူငယ်ချင်းမိတ်ဆွေတွေ၊ ဆရာ ဆရာမတွေ၊ မိသားစုဝင်တွေနဲ့ သူ့ချစ်သူတို့ကို မေးမြန်းကာ စာရေးဆရာ Jon Krakauer က Into the Wild ဆိုပြီး စာအုပ်တစ်အုပ်ထုတ်ဝေလိုက်ပါတယ်။ အဆိုပါစာအုပ်ဟာ အမေရိကန်ပြည်တွင်းကို ကျော်လွန်ကာ နိုင်ငံတကာထိ ပေါက်မြောက် အောင်မြင်ခဲ့ပါတယ်။ အရောင်းရဆုံးစာရင်းဝင် စာအုပ်တစ်အုပ်ဖြစ်ခဲ့သလို အမေရိကန်ရှိ တက္ကသိုလ်ကျောင်းအားလုံးနီးပါးရဲ့ Book Club တွေထဲ ထည့်သွင်းဆွေးနွေးရတဲ့ စာအုပ်တစ်အုပ်ဖြစ်ခဲ့ပါတယ်။ ပြိုင်ဆိုင်မှု ပြင်းထန်ပြီး ရက်စက်ကြမ်းတမ်းတဲ့ မြို့ပြလူနေမှူစနစ်အောက်မှာ ရုန်းကန်နေရတဲ့ လူငယ်တွေအတွက် ထွက်ပေါက် ကျမ်းစာအုပ်တစ်အုပ်အလား အောင်မြင်ခဲ့ပါတယ်။ မင်းသားကြီး ရှောင်ပင်းကနေ ဒါရိုက်တာလုပ်ပြီး ရုပ်ရှင်အဖြစ် အသက်သွင်းရိုက်ကူးခဲ့ရာမှာလည်း အောင်ပွဲဆင့်ခဲ့ပြန်ပါတယ်။ စာအုပ်အဖြစ်သာမက ရုပ်ရှင်အဖြစ်ပါ လူငယ်များအကြား အထူးရေးပန်းစားခဲ့ပြန်ပါတယ်။ မင်းသား Emile Hirsch မှ တောထဲကလူငယ်လေးအဖြစ် ကွက်တိကျအောင်သရုပ်ဆောင်ထားပြီး မင်းသမီး Kristen Stewart နဲ့ အခြားသရုပ်ဆောင်များစွာလဲ ပါဝင်ထားပါတယ်။ (ရုပ်ရှင်အညွှန်းအား NDSP Books မှ ကူးယူဖော်ပြပါသည်။) File size…(3 GB )/(1.6 GB) Quality….BluRay 1080p HEVC / 720p Format…mkv/mp4 Duration….02:28:07 Subtitle….Myanmar Subtitle (Hardsub) Encoder….Ka Naung Translated by Chan Nyein Soe

Horror / Thriller ရုပ်ရှင်တွေကို သဘောကျတဲ့လူတွေအနေနဲ့တော့ ဒါရိုက်တာ M. Night Shyamalan ကို မသိတဲ့လူ မရှိလောက်ပါဘူး။ ရုပ်ရှင်နဲ့ လူမတွဲမိရင်တောင် သူ့ကားအများစုကို ကြည့်ဖူးပြီးသားဖြစ်ကြမှာပါပဲ။ Shyamalan ဟာ The Sixth Sense, Unbreakable Trilogy, The Village, The Happening နဲ့ Old အစရှိတဲ့ ကားတွေကိုရိုက်ခဲ့တဲ့သူပါပဲ။ Signs ဟာ Shyamalan ရဲ့ မာစတာပိစ်တစ်ကားအဖြစ် Horror ဖန်တွေ သမုတ်ကြတဲ့ ရုပ်ရှင်တစ်ကားဖြစ်သလို Mel Gibson, Joaquin Pheonix တို့ရဲ့ ပြောင်မြောက်လှတဲ့ သရုပ်ဆောင်စွမ်းရည်တွေနဲ့အတူ မင်းသား Rory Culkin, မင်းသမီး Abigail Breslin တို့ရဲ့ ငယ်စဉ်ကတည်းကပါလာတဲ့ အနုပညာစွမ်းရည်ကို တွေ့ရမှာလည်းဖြစ်ပါတယ်။ သူ့ Rating ဟာ 6.7 ပဲရှိပေမဲ့ သူ့ပရိသတ်တွေကတော့ ဒီရုပ်ရှင်ဟာ 8.5 အထိပေးသင့်တဲ့ ရုပ်ရှင်တစ်ကားဖြစ်ပြီး 8 အောက်ပေးရင်ကို ရာဇ၀တ်မှုကျူးလွန်လိုက်သလိုပဲလို့ ဆိုကြပါတယ်။ လူတိုင်းကြိုက်နိုင်မှာမဟုတ်ပေမဲ့ Horror သမားတွေအတွက် အဖိုးမဖြတ်နိုင်တဲ့ကားကောင်းဖြစ်တဲ့ Underrated ဖြစ်တဲ့ Horror masterpiece ရုပ်ရှင်တစ်ကားလို့ ပြောရင်လည်းမမှားပါဘူး။ ရင်တသိမ့်သိမ့်တုန် သိပ္ပံစိတ်ကူးယဉ်ဇာတ်လမ်းလို့ သတ်မှတ်နိုင်သလို မိသားစုမေတ္တာဖွဲ့ ဇာတ်လမ်းလို့လည်း သတ်မှတ်လို့ရနိုင်လောက်ပါတယ်။ နာမည်က Sign (နိမိတ်၊ သင်္ကေတ) ဆိုတဲ့အတိုင်း ဇာတ်ကားတစ်ခုလုံးကို နိမိတ်ပုံလေးတွေနဲ့ ရင်တဖိုဖို ဖြစ်ရအောင်ဖန်တီးထားပြီး ဇာတ်ကားအစကနေအဆုံးထိ မထတမ်းကြည့်ချင်အောင် စိတ်အာရုံကိုဖမ်းစားနိုင်မှာပါ။ ဇာတ်လမ်းအကျဉ်းအနေနဲ့ကတော့ ဇနီးသည်ဆုံးပါးသွားလို့ စိတ်ဓာတ်ပျက်စီးပြီး ယုံကြည်မှုပျောက်ဆုံးနေတဲ့ ဓမ္မဆရာတစ်ယောက် ကမ္ဘာကို ဂြိုလ်သားတွေ ကျူးကျော်လာချိန်မှာ မိသားစုကိုကာကွယ်ရင်း သူ့ရဲ့ယုံကြည်ရာကို ပြန်ပြီးရှာတွေ့သွားနိုင်ခဲ့တဲ့ အကြောင်းလေးပါပဲ။ ဇာတ်ဆောင်တွေရဲ့ သရုပ်ဆောင်ပုံကောင်းကောင်း၊ ဒါရိုက်တာရဲ့ တင်ပြပုံ ပညာသားပါပါနဲ့ သိမ်သိမ်မွေ့မွေ့နဲ့ကို ကြောက်လန့်စေမယ့် Horror Masterpiece ကားတစ်ကား ရှာနေတယ်ဆိုရင်တော့ Signs ဟာ ရွေးချယ်မှုမှန်စေမယ့် ရုပ်ရှင်ပါပဲ။ (ဒီဇာတ်ကားနဲ့အညွှန်းကို 666 မှ ပြန်ဆိုရေးသားထားပါတယ်) Size - 1.71GB, 727MB, 481MB Quality - 1080p, 720p, 480p IMDb Rating - 6.7/10 Format - mp4 Duration - 1H 46Min Genre - Drama, Mystery, Sci-fi Subtitle - Myanmar Subtitle (Hardsub) Translated by 666 Encoded by Y