Michael Copeman ပါဝင်သော ဇာတ်ကားများ

ကလေးတွေကြိုက်တဲ့ ရုပ်သံအစီအစဉ်တင်ဆက်သူ ရိန်းဘိုးရန်းဒေါ့ဖ်ဟာ ငွေအလွဲသုံးစားမှုနဲ့ ဖမ်းဆီးခံရပြီး အလုပ်လည်းပြုတ်၊ နေစရာလည်းမရှိ ဖြစ်သွားပါတယ်။ သူ့နေရာမှာ အစားထိုးဖို့တော့ မထင်မရှား ရှယ်လ်ဒွန် မော့ပ်စ်ကို ဇွတ်အတင်း ဆွဲခေါ်လာကြတယ်။ ရှယ်လ်ဒွန်က စမူချီဆိုတဲ့ ကြံ့ဇာတ်ကောင်အဖြစ် တင်ဆက်ရင်း တဖြည်းဖြည်း အောင်မြင်လာပါတယ်။ ကိုယ့်နေရာမှာ ဝင်လာသူ အောင်မြင်နေတာကို မကျေနပ်တဲ့ ရန်းဒေါ့ဖ်က စမူချီကို အကြိမ်ကြိမ် အကွက်ဆင်ချောက်ချတော့တယ်။ တစ်ဖက်မှာလည်း စမူချီက ကလေးကြိုက်ရုပ်သံလုပ်ငန်းတွေရဲ့ အလွန်အကျွံလောဘကို လက်မခံသူပါ။ သူ့လုပ်ရပ်တွေကြောင့် ဝင်ငွေထိခိုက်လာတဲ့ စပွန်ဆာတွေကလည်း သူ့ကို မကျေနပ်လာကြဘူး။ နောက်ဆုံးတော့ ရန်းဒေါ့ဖ်နဲ့ စပွန်ဆာတွေ နှစ်ဖက်စလုံးက စမူချီကို သတ်ဖို့အထိ ကြိုးစားလာကြပါတယ်။ Robin Williams၊ Edward Norton နဲ့ Catherine Keener တို့ ပါဝင်ထားပြီး ကလေးကြိုက်ရုပ်သံအစီအစဉ်တွေရဲ့ နောက်ကွယ်ကို ဟာသနဲ့ ရာဇဝတ်မှု ရောစပ်တင်ဆက်ထားတဲ့ ဇာတ်ကားပါ။

ဒီကားက ၂၀၀၀ ခုနှစ်မှာ ထွက်ရှိခဲ့တဲ့ Horror/thriller ကားကောင်းတစ်ကား ဖြစ်ပါတယ်။ Maggie က စိတ်ရောဂါကုဆေးရုံက နာ့စ်မ တစ်ယောက်ဖြစ်ပြီး သူ့မှာ ဆေးစွဲနေတဲ့ Jenna လို့ ခေါ်တဲ့ ညီမ တစ်ယောက်ရှိပါတယ်။ တစ်ညမှာ Jenna က မွေးကင်းစ ကလေးလေးကို သူ့အစ်မ Maggie ဆီမှာ ထားပစ်ခဲ့ပြီး ထွက်ပေးသွားပါတယ်။ Maggieက Cody လို့ခေါ်တဲ့ သူ့တူမလေးကို အမေတစ်ယောက်လို ပြုစု စောင့်ရှောက်ခဲ့ပါတယ်။ ကလေးက autism မျိုးကွဲ ရောဂါတစ်ခု ရှိပြီး တခြားကလေးတွေထက် ထူးခြားတဲ့ စိတ်စွမ်းအားကိုလည်း ပိုင်ဆိုင်ထားပါတယ်။ ဒါကို Maggie က မသိသေးပါဘူး။ တစ်ဖက်မှာလည်း ခြောက်နှစ်အရွယ် ကလေးငယ်တွေကို ကွင်းဆက်လူသတ်မှုတွေ ဆက်တိုက်ဖြစ်နေတာပါ။ Cody လေးအသက် ခြောက်နှစ်ပြည့်တဲ့အချိန်မှာ အမေဖြစ်သူ Jenna ပြန်ရောက်လာပြီး သူနဲ့ အတူ Eric Stark ဆိုတဲ့သူလည်း ပါလာခဲ့ပါတယ်။ အဲ့ဒီလူက မူးယစ်ဆေးစွဲနေတဲ့ လူငယ်တွေကို ဆေးဖြတ်ပြီး ထောက်ပံ့ပေးတဲ့ အဖွဲ့အစည်း တည်ထောင်ထားပြီး Jenna နဲ့လည်း အဲ့ဒီပနေ တဆင့် တွေ့ခဲ့တာပါ။ Cody ကို Jenna နဲ့ Eric က ပြန်လာခေါ်တော့ Maggie က မထည့်ပေးချင်ပါဘူး။ Cody ရောဂါအရ သူစိမ်းတွေနဲ့ အဆင်မပြေဖြစ်မှာ စိုးပြီး ငြင်းလိုက်ပေမယ့် Eric က Cody ကို ဖမ်းခေါ်သွားခဲ့ပါတယ်။ Maggie လည်း ရဲစခန်းကို သွားတိုင်ခဲ့ပြီး အေးဂျင့် Travis ဆိုသူက Eric ရဲ့ နောက်ကြောင်းကို ပြောပြလာတဲ့အခါမှာ Cody မှာ အန္တရာယ်ရှိနေတာ သိသွားခဲ့ပါတယ်။ Agent Travis နဲ့ အတူ Maggie တို့ Cody ကို ဘယ်လိုပြန်ရအောင် လုပ်မလဲ၊ Eric Stark ကရော Cody နဲ့ပတ်သတ်ပြီး ဘာအကြံတွေ ရှိနေတာလဲသိရဖို့ ဇာတ်ကားကို ကြည့်ရှူလိုက်ပါဦး။ File size…(1.6 GB)/(923 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Thriller, Horror,Crime  Subtitle….Myanmar Subtitle (Hardsub) Encoder….Swan Min Htet Translated by Leonie

ဒီဇာတ်ကားက နာမည်​ကြီး Universal Soldier​ (1992) ရဲ့ နောက်​ဆက်​တွဲ​ရုပ်ရှင်ဖြစ်ပြီး ၁၉၉၈ မှာထွက်ရှိခဲ့ပါတယ်။ ရုပ်​သံ​လိုင်း​မှာထုတ်လွှင့်ဖို့ ရိုက်​ကူး​ခဲ့တဲ့ ဇာတ်ကား​ဖြစ်တာကြောင့် ၁၉၉၂ က မူလဇာတ်ကားက သရုပ်ဆောင်​တွေအစား အသစ်တွေထည့်သုံး​ထားပါတယ်။ ဒီဇာတ်လမ်းက ၁၉၉၂ က ရုပ်​ရှင်အပြီးမှာ ဇာတ်​အိမ်တည်ထားပါတယ်။ Luc နဲ့ သတင်း​ထောက်မလေး Veronica တို့ဟာ Luc ရဲ့မိဘတွေအိမ်မှာ ပုန်း​ရှောင်​နေကြဆဲဖြစ်ပြီး ယူနီဗာဆယ်စစ်သည်​ပရိုဂရမ်ကို အစိုးရက ငွေကြေး​မထောက်ပံ့တော့တာကြောင့် ကြေးစားတပ်အဖြစ်ရပ်တည်ဖို့ ဆုံး​ဖြတ်​လိုက်ပါတယ်။ တစ်ချိန်​တည်းမှာ လူရဲ့အစ်ကိုဖြစ်ပြီး စစ်ပွဲ​မှာကျဆုံးခဲ့သူ Eric ​ဟာ Universal စစ်သည်​တွေကို ဖန်တီး​နေတဲ့ရန်သူ့လက်ထဲမှာ အထိန်းသိမ်း​ခံထားရတာကိုသိတဲ့အခါ လုနဲ့ ဗရော်နီကာတို့အနေနဲ့ သူ့ကို​ကယ်တင်ဖို့ကြိုးစားရပါတော့တယ်။ တီဗွီမှာပြသဖို့ ရိုက်​ကူး​ထားတဲ့ဇာတ်ကားဖြစ်တာကြောင့် သရုပ်ဆောင်​အသစ်တွေသုံးထားပြီး လု နေရာမှာ မူရင်းသရုပ်ဆောင်သူ ဗန်ဒိန်း​အစား တခြား​တစ်ယောက်ကို​တွေ့နေရလို့ ဗန်ဒိန်း​ဖန်တွေအနေနဲ့ ကြည့်ရတာတစ်မျိုးတော့ဖြစ်နေနိုင်ပါတယ်။ ဒါပေမဲ့ Universal Soldier​ franchise ထဲမှာပါဝင်တဲ့ ဇာတ်ကားဖြစ်တာမလို့ Universal Soldier ရုပ်ရှင်​တွေကိုနှစ်သက်ရင် ကြည့်ရှုသင့်ပါတယ်။ ဒီဇာတ်ကားထွက်အပြီး နောက်​တစ်နှစ်အကြာ ၁၉၉၉ မှာ ထွက်ရှိ​ခဲ့တဲ့ Universal Soldier​ : The Return မှာမှ ဗန်ဒိန်း​က Luc အဖြစ်နဲ့ပြန်လာမှာဖြစ်ပါတယ်။

အေမီ အော်လ်ဒန်ဟာ မတော်တဆမှုတစ်ခုမှာ မိခင်ကို ဆုံးရှုံးလိုက်ရပြီးနောက် မိခင်နဲ့ ကွာရှင်းထားတဲ့ ဖခင် သောမတ် အော်လ်ဒန်ရှိရာ ကနေဒါကို ပြောင်းနေခဲ့ရပါတယ်။ တစ်နေ့ အိမ်ဘေးက စိမ့်တောထဲမှာ ဖျက်ဆီးခံရတော့မယ့် ကနေဒါဘဲငန်းဥလေးတွေကို တွေ့ပြီး ကယ်တင်ခဲ့တယ်။ အဲဒီကနေ သားအဖနှစ်ယောက် ဘဲငန်းလေးတွေကို ကြီးပြင်းလာတဲ့အထိ အတူမွေးမြူဖြစ်သွားကြပါတယ်။ ကနေဒါဘဲငန်းတွေက ရာသီအလိုက် ရွှေ့ပြောင်းကျက်စားကြတဲ့အတွက် ဆောင်းရာသီရောက်ရင် တောင်ဘက်ကို သွားဖို့လိုလာတယ်။ အေမီနဲ့ ဖခင်လည်း အသေးစားလေယာဉ်နှစ်စီးနဲ့ မိုင် ၅၀၀ ကျော်ခရီးကို လိုက်ပါပြီး ဘဲငန်းတွေ ဘေးကင်းကင်းရောက်အောင် လမ်းပြပေးရတော့မှာပါ။ ခရီးမစခင်ကတည်းက ကြုံရတဲ့ အခက်အခဲတွေ၊ လမ်းတစ်လျှောက်က အတွေ့အကြုံတွေနဲ့အတူ သားအဖနှစ်ယောက်နဲ့ ဘဲငန်းလေးတွေကြားက သံယောဇဉ်ကိုလည်း တွေ့ရပါတယ်။ ဇာတ်လမ်းကို ဖန်တီးထားတာဖြစ်ပေမယ့် လေယာဉ်အပေါ့စားတွေနဲ့ ဘဲငန်းတွေကို စားကျက်ဆီ လမ်းပြပေးခဲ့တာကတော့ အပြင်မှာ တကယ်ကြိုးစားပြီး အောင်မြင်ခဲ့တဲ့ ဖြစ်ရပ်ပါ။

~ IMDb - 7.6/10, Rotten Tomatoes - 93% ~ Horror တကာ့ Horror ထဲမှာမှ ကြည့်ရတော်တော် အသည်းယားစရာကောင်းတဲ့ Body Horror ကားတွေကိုမှ သိပ်ကြိုက်တဲ့သူဆိုပါစို့။ ခင်ဗျား ဘယ်လိုမှ မေ့ထားလို့မရတဲ့သူက David Cronenberg ပဲ။ သူက Body Horror တစ်လိုင်းရိုက်တဲ့သူ။ ဒါပေမဲ့ လူတစ်ယောက်နဲ့တစ်ယောက် ခံစားမှတ်ယူပုံချင်းမတူပေမဲ့ ရုပ်ရှင်ပွဲတော်တွေထဲကမှ Art House ဖြစ်တယ်၊ Art House ဆန်တယ်လို့ ယူဆလို့ရတဲ့ ကားတွေအများစုထဲကိုမှ ရွေးတတ်တဲ့ နာမည်အကြီးဆုံးရုပ်ရှင်ပွဲတော်တစ်ခုပြပါဆို ကိန်းကို အဓိကပြရမှာပဲ။ အဲဒီကိန်းရုပ်ရှင်ပွဲတော်ကနေ ခရိုနင်ဘတ်ရထားတဲ့ ဆုတွေကမနည်းဘူး။ ဒီတော့ သူက Body Horror ကို သူ့နည်းသူ့ဟန်နဲ့အကောင်းဆုံးပြနိုင်တဲ့ တစ်ခေတ်တစ်ယောက် ဒါရိုက်တာဆိုလည်း မမှားဘူး။ သူ့ကားတွေက အပြတွေဟာ အော်ဂလီဆန်စရာ အသည်းယားစရာကောင်းသလို သူ့ဇာတ်အိမ်တွေကလည်း မနုံနဲ့ဘူး။ Body Horror ပရိသတ်ဖြစ်ဖြစ်၊ ရိုးရိုး Horror ပရိသတ်ဖြစ်ဖြစ် ခင်ဗျားသာ ခရိုနင်ဘတ်ကားမကြည့်ဖူးသေးဘူးဆိုရင် ဘော်ဒီဟော်ရာဖန်မဖြစ်သေးဘူးလို့ မှတ်ယူလို့ရတဲ့အထိ ခရိုနင်ဘတ်ဟာ သူ့နယ်ပယ်မှာ သူထွန်းပေါက်တဲ့လူပါပဲ။ ဒီကားကတော့ ခရိုနင်ဘတ်ရဲ့ အစဦးပိုင်းကားတွေထဲက တစ်ကားဖြစ်သလို သူ့ရဲ့မာစတာပိစ်စာရင်းဝင်ကားလို့ပြောရင်လည်း မမှားပါဘူး။ ဒီကားနဲ့ပဲ အော်စကာမှာ Academy Award for Best Makeup ဆုကိုရထားတဲ့အထိ သူ့အပြတွေကလည်း ပီပြင်ခဲ့ပါတယ်။ ဆက်သ်ဘရန်ဒယ်က ကမ္ဘာကိုကိုင်လှုပ်မယ့် သိပ္ပံနည်းပညာတစ်ခုကို အပြီးသတ်တီထွင်နိုင်ဖို့ လက်တစ်ကမ်းပဲ လိုတော့တဲ့သူ။ သူ့တီထွင်မှုက တခြားမဟုတ်၊ Teleportation ခေါ်တဲ့ ရုပ်ဒြပ်တစ်ခုကို တစ်နေရာကနေ နောက်တစ်နေရာဆီ အချိန်မဆိုင်းဘဲ တစ်မုဟုတ်ချင်း ရွှေ့ပြောင်းပေးနိုင်တဲ့စက်ပဲ။ တစ်ခုရှိတာာက စက်က သွေးသားမပါတဲ့ သက်မဲ့ပစ္စည်းတွေကိုသာ ရွှေ့ပြောင်းပေးနိုင်သေးတာပဲ။ သူ့ရဲ့လူပါးမနပ်မှုကတဆင့် ဒီစက်အကြောင်းကိုသိသွားတဲ့ သတင်းထောက်ဗရွန်နီကာနဲ့ ဆက်သ်တို့ ရင်းနှီးကျွမ်းဝင်သွားရင်း ဆက်ဆံရေးတိုးတက်လာချိန်မှာ သူ့စက်ရဲ့အားနည်းချက်ကို ဖြေရှင်းပြီးတော့ သက်ရှိတွေကိုပါ ရုတ်ခြည်းရွှေ့ပြောင်းပေးမယ့် နည်းလမ်းကိုပါ ဆက်သ်တစ်ယောက် ရှာလိုက်နိုင်ပြီး စုတ်ရော လာဘ်ပါ ဝင်လာခဲ့ပေမဲ့ လောကကြီးရဲ့ပြက်ရယ်ပြုမှုတစ်ချက်မှာ သူကိုယ်တိုင် ပထမဆုံးအကြိမ် စမ်းသပ်မှုလုပ်တဲ့အချိန် သူနဲ့အတူ စက်ထဲကို ဖိတ်မခေါ်ဘဲ ဝင်လာတဲ့ ဧည့်သည်တစ်ယောက်ကြောင့် သူ့ဘ၀ အကြီးအကျယ်လမ်းချော်ဖို့ ဖြစ်လာတော့တယ်... (ဒီဇာတ်ကားနဲ့အညွှန်းကို Costanza မှ ပြန်ဆို ရေးသားထားပါတယ်) Size - 2.02GB, 824MB Quality - 1080p, 720p IMDb Rating - 7.6/10 Format - mp4 Duration - 1H 36Min Genre - Drama, Horror, Sci-Fi Subtitle - Myanmar Subtitle (Hardsub) Translated by Costanza Encoded by Y