Michael Swatton ပါဝင်သော ဇာတ်ကားများ

Edgar Allan Poe's The Oval Portrait (2025) Grayson ဆိုတဲ့ လူတစ်ယောက်က Ambrose Whitlock ရဲ့ ရှေးဟောင်းပစ္စည်းတွေ ရောင်းတဲ့ဆိုင်မှာ ပန်းချီကားတစ်ချပ်ကို ခိုးယူဖို့ သူခိုးတွေကို ငှားရမ်းခဲ့ပါတယ်။ ဒါပေမဲ့ အဲဒီရှေးဟောင်းပစ္စည်းဆိုင်ထဲက ပန်းချီကားကို ခိုးဖို့သွားတဲ့ သူခိုးတိုင်း ပြန်မလာနိုင်ဘဲ ပျောက်ကွယ်သွားကြပါတယ်။ အကြောင်းရင်းကတော့ သူခိုးတစ်ယောက်က အဲဒီအသက်မဲ့နေတဲ့ ပန်းချီကားကို ဖုံးအုပ်ထားတဲ့ ပုဝါကိုဖယ်လိုက်ချိန်မှာ ကြောက်စရာကောင်းတဲ့ တစ္ဆေတစ်ကောင် လွတ်မြောက်လာတာကနေ စပြီး ကျူးကျော်သူတွေအားလုံးကို လိုက်သတ်နေတာပါပဲ။ တစ်ဖက်မှာလည်း Ava ဆိုတဲ့ ကောင်မလေးက ရည်းစားထားသွားတာ ခံခဲ့ရပြီးတဲ့နောက် အလုပ်ပါ အဖြုတ်ခံခဲ့လိုက်ရတဲ့ ပန်းချီဝါသနာရှင်တစ်ယောက်ပါ။ သူ့ရဲ့ဝါသနာကို စွန့်လွတ်ဖို့ လက်မခံတဲ့ Ava က ပန်းချီပြန်ဆွဲဖို့ စိတ်ကူးရာကနေ Ambrose Whitlock ရဲ့ ရှေးဟောင်းပစ္စည်းဆိုင်လေးဆီ ရောက်သွားပြီး Ambrose နဲ့ ခင်မင်ရင်းနှီးလာခဲ့ပါတယ်။ Ava က Ambrose Whitlock ရဲ့ ရှေးဟောင်းပစ္စည်းဆိုင်က ပစ္စည်းတွေရဲ့ အလှကို စိတ်ဝင်စားနေချိန် ပန်းချီကား တစ္ဆေရဲ့ အသက်အန္တရာယ်ရှိတဲ့ ခြောက်လှန့်မှုတွေရဲ့ သားကောင်ဖြစ်လာပြီး ဒီပန်းချီကားနဲ့ Ambrose Whitlock ရဲ့ ဆက်စပ်မှုက ဘာလဲ ? Ava ကရော ဒီဆက်စပ်မှုတွေကြားမှာ နောက်ထပ်ဒုက္ခသည်တစ်ယောက် ဖြစ်လာမလား? ဒါမှမဟုတ် ဒီခြောက်လှန့်နေတဲ့ အရာအားလုံးကို အဆုံးသတ်ပေးနိုင်မလားဆိုတာကိုတော့ စိတ်ဝင်စားဖွယ် ဆက်လက်ကြည့်ရှုရမယ့် horror ကားကောင်းတစ်ကားပဲဖြစ်ပါတယ်။ File size… (1.5 GB) / (800 MB) Quality…. WEB-DL 1080p HEVC / 720p Format…. mkv/mp4 Genre…. Horror, Thriller Duration…. 01:46:00 Subtitle…. Myanmar Subtitle (Hardsub)

What Lurks Beneath (2024) ++++++++++ USS Titan လို့ခေါ်တဲ့ နျူကလီးယား ရေငုပ်သင်္ဘောပေါ်က စစ်သားတွေဟာ ရုရှားနဲ့ ကမ္ဘာစစ် ဖြစ်တော့မလို တင်းမာနေတဲ့အချိန်မှာ ရေအနက် ပေ ၆၀၀ ကျော်မှာ ဂီတသံကို ကြားလိုက်ရပြီး ဒါဟာ ရုရှားတွေက ဆက်သွယ်ရေးလိုင်းကို နှောင့်ယှက်တဲ့လက်နက်တမျိုးဖြစ်နိုင်တယ်လို့ ယူဆခဲ့ကြပါတယ်။ ရုတ်တရက်ဆိုသလို သူတို့ ရေငုပ်သင်္ဘောရဲ့ တော်ပီဒိုပြွန်တစ်ခုထဲမှာ မိန်းကလေးတစ်ယောက်ကို တွေ့လိုက်ရပါတယ် သင်္ဘောကပ္ပတိန်က ဒါက ရုရှားသူလျှိုတစ်ယောက်လို့ ထင်လိုက်ပေမဲ့ တကယ်တမ်းတော့ သူ(မ)ဟာ အလွန်အန္တရာယ်ကြီးပြီး လျှို့ဝှက်ဆန်းကြယ်တဲ့အရာတစ်ခုဖြစ်နေတာပါ။ ဒီ မိန်းကလေး ဟာ ရေအောက်ကနေ ထူးခြားတဲ့စွမ်းအားတွေနဲ့ စစ်သားတွေရဲ့စိတ်ကို ခြယ်လှယ်လာတဲ့ အခါမှာတော့ လျှို့ဝှက်ချက်တွေ အများအပြားပေါ်‌ပေါက်လာပြီး သူတို့ရဲ့ရှင်သန်ရေးအတွက် ရေအောက်မှာ ဘယ်လိုတွေ ရင်ဆိုင်ကြမလဲဆိုတာ ကြည့်ရှုလိုက်ကြပါဦး File Size… (1.02GB) / (528 MB) Quality… WEB-DL 1080p HEVC /720p Format…mkv / mp4 Duration…1h 42m Genre … Horror Subtitle….Myanmar Subtitle (Hard Sub)

Butchers Book Three: Bonesaw (2024) +++++++++ Slasher Horror ကြိုက်နှစ်သက်တဲ့ ပရိသတ်တွေအတွက် အသစ်ထပ်မံထွက်ရှိထားတဲ့ Butcher Book Three နဲ့ မိတ်ဆက်ပေးချင်ပါတယ်။ အရင် Butchers စီးရီးတွေထဲကလို တောထဲမှာ လမ်းပျောက်ပြီး လူသားစား စိတ္တဇကောင်တွေနဲ့ မဟုတ်တော့ဘဲ ဒီတစ်ခါတော့ မြို့ပေါ်ဆင်ခြေဖုံး ရပ်ကွက်နဲ့ လူပြတ်တဲ့ လမ်းတွေပေါ် အပြောင်းအလဲ ဖြစ်လာပါပြီ။ ဒီတစ်ခါတော့ စိတ္တဇကောင်က ညအချိန် လူခြေပြတ်တဲ့နေရာတွေမှာ အသားခုတ်တဲ့ အလုံပိတ် ဗင်ကားနဲ့ လမ်းတွေလိုက်ပတ်မောင်းရင်း သူ့ရဲ့သားကောင် ဖြစ်မယ့်သူတွေကို လိုက်လံရှာဖွေတာ ဖြစ်ပါတယ်။ ညဉ့်ငှက်မလေးတွေနဲ့ အမျိုးသမီးငယ်လေးတွေ ဆက်တိုက်ပျောက်ဆုံးမှုတွေကြောင့် သတင်းအနံ့ခံ လိုက်နေတဲ့ ရှဲရစ်ရဲကိုလည်း တွေ့ရမှာ ဖြစ်ပြီး စိတ္တဇကောင်နဲ့ ဘယ်လို တွေ့ဆုံမှုတွေ ဖြစ်ကြမလဲ။ ယခင်ရိုးအီနေတဲ့ Butcher Vibe နဲ့ ကွဲထွက်သွားတာမို့ ကြည့်ရတာ မဆိုးဘူးလို့ ပြောရမှာပါ။ သားကောင်က ဘယ်လောက်ပဲ နာကျင်သွေးပျက်ပြီး အော်ဟစ်နေပါစေ သူလုပ်စရာ ရှိတာကို ခပ်မှန်မှန် သွေးအေးအေးနဲ့ ခုတ်ထစ်နေတဲ့ မြင်ကွင်းမျိုးနဲ့အတူ Butcher Book သုံးကားမြောက်ကို ရှုစားအားပေးကြပါဦးလို့။ File Size… (0.99GB) / (460MB) Quality… WEB-DL 1080p HEVC /720p Format…mkv / mp4 Duration…1h 47m Genre ….Horror Subtitle….Myanmar Subtitle (Hard Sub)

Xmas လည်းနီးလာပြီဆိုတော့ ခရစ္စမတ်အငွေ့အသက်လေးတွေ ပါတဲ့ Horror ဇာတ်ကားလေးတစ်ခုကို မိတ်ဆက်ပေးချင်ပါတယ်။ Horror အမျိုးအစားဆိုပေမယ့် Dry Humor သဘောကျတတ်တဲ့ သူမျိုးတွေ အကြိုက်တွေ့မယ့် ဒိုင်ယာလော့တွေ ပါတာမို့ ပျင်းခြောက် မနေမယ့် ဇာတ်ကားဖြစ်ပါတယ် ဇာတ်ညွှန်းကတော့.... ခရစ္စမတ်အိဗ် အကြိုနေ့ညနေခင်းမှာ ကောင်တီဘဏ်ကို ဓားပြဝင်တိုက်ခဲ့တဲ့ "ဆန်တာဦးထုပ်ဓားပြအဖွဲ့"လို့ အမည်ပေးထားတဲ့ ဓားပြအဖွဲ့ ဘဏ်ဓားပြတိုက်ပြီး ကားမောင်းပြေးနေတာနဲ့ စထားပါတယ်... သူတို့တွေရဲ့ ကနဦးအစီအစဉ်ကတော့ ရဲတွေ မထင်ထားလောက်မယ့် ဘဏ်နဲ့သိပ်မဝေးတဲ့ ချောင်ကျကျ ဟိုတယ်တစ်ခုမှာ ခေတ္တခြေငြိမ်ပြီး ခိုနေပါမယ် အဖွဲ့ထဲက အယောင်ပြ မောင်းပြေးမယ့် သူတစ်ယောက်က သူတို့နဲ့ ဆန့်ကျင်ဘက်ဒေသဘက်ကို အယောင်ပြ မောင်းပြေးပြီး ရဲတွေကို လမ်းလွှဲမယ်... အခြေအနေ ငြိမ်သွားရင် လူပြန်ဆုံပြီး ဝေစုခွဲကြဖို့ပါပဲ...။ သူတို့ မသိလိုက်တဲ့ အချက်တစ်ချက်က ခိုနေဖို့ ရည်ရွယ်ထားတဲ့ ဟိုတယ်မှာ သူတို့တွေ မထင်ထားတဲ့ အန္တရာယ်တွေနဲ့ ပြည့်နေတယ် ဆိုတာပါပဲ...။ ဒီတော့ ဓားပြအဖွဲ့သားတွေ အန္တရာယ်ကနေ ဘယ်လိုမျိုး လွတ်အောင် ပြေးကြမလဲဆိုတာကိုတော့.....။ File size… (1.15GB) / (523MB ) Quality… WEB-DL 1080p HEVC / 720p Format…mkv / mp4 Duration….1h 30m Genre …..Horror Subtitle….Myanmar Subtitle (Hard Sub) Encoder….Min Wai Translated by Aoi

ဒီတစ်ခါ ၂၀၂၀ က ထွက်ခဲ့တဲ့ Butchers ရဲ့ နောက်ဆက်တွဲ Butchers Book : Raghorn ကို ကြည့်ရှုရမှာပါ။ ပထမ ကားတုန်းက ဒါရိုက်တာ ဆုရခဲ့သလို ဒုတိယဇာတ်ကားမှာလည်း ၂၀၂၃ Nightmare ရုပ်ရှင်ပွဲတော်မှာ အကောင်းဆုံး ဇာတ်ပို့ဆု ရခဲ့တဲ့ ဇာတ်ကားဖြစ်ပါတယ်။ ဇာတ်လမ်း အကျဉ်း ပြန်ပေးသမားတစ်စု လူချမ်းသာ သူဌေးသမီးတစ်ယောက်ကို ကောလိပ် ကျောင်းသားဆောင်ကနေ ပြန်ပေးဆွဲပြီး နယ်ဘက်ကို မောင်းခေါ်လာခဲ့ပါတယ်။ ကံဆိုးချင်တော့ လမ်းမှာသမင်ကို ဝင်တိုက်မိ ကားမတော်တဆမှု ဖြစ်သွားခဲ့ပြီး မတော်တဆဖြစ်တဲ့ အနီးမှာ လူသားစား စိတ္တဇလူသတ်သမားတွေ နေတဲ့အိမ် ဖြစ်နေတာပါ။ ဒီလူတွေက ဖမ်းမိတဲ့သူတွေ မှန်သမျှကို တစ်စစီ ခုတ်ထစ် ဖြတ်ထုတ်ပြီး သူများနာကျင်မှုကို အရသာခံတတ်တဲ့ လူသားစားတွေပါ။ ဒီလူတွေ လက်က လွတ်အောင် ပြေးနိုင်ပါ့မလား။ ဖမ်းမိသူတွေကို ဘယ်လိုမျိုး ရက်ရက်စက်စက် သတ်ဖြတ်မလဲ ဆိုတာကို ကြည့်ရှုရမှာပါ။ နှိပ်စက်ညဉ်းပန်း၊ သွေးထွက်သံယိုမှုတွေနဲ့ သွေးပျက်ဖွယ် ရိုက်ကူးချက်တွေ ပါတဲ့ အတွက် နှလုံးမကောင်းတဲ့သူတွေ မကြည့်သင့်ပါဘူးနော်။ File size…1.44GB / 685MB Quality…WEB-Rip 1080p 5.1CH / 720p Format…mp4 Duration….1h 28m Genre ….. Horror Subtitle….Myanmar Subtitle (Hard Sub) Encoder….Min Wai Translated by Aoi

သိပ္ပံစိတ်ကူးယဉ်ဇာတ်လမ်းဖြစ်သလို Horror အမျိုးအစားလည်းဖြစ်တဲ့ Blood And Snow ရုပ်ရှင်ကားကတော့ ၂၀၂၃ ခုနှစ်မှာ ထွက်ရှိထားတာ ဖြစ်ပါတယ်။ ဒါရိုက်တာ Jeese Palangio ရိုက်ကူးထားပြီး Michael Swatton ၊ Anne-Carolyne Binette ၊ Vernon Wells နဲ့ Simon Phillips အစ ရှိတဲ့သရုပ်ဆောင်တွေပါဝင်ထားပါတယ်။ ဇာတ်ကောင်တွေရဲ့များပြားလှတဲ့စကားပြောခန်းတွေ၊ ခြောက်ခြားစရာ အသံနောက်ခံတွေနဲ့ Horror ဇာတ်ကားကို အရှိန်မြင့်အောင်ဆွဲခေါ်သွားတဲ့ ရုပ်ရှင်မျိုးဖြစ်ပါတယ်။ ဇာတ်လမ်းအကျဉ်း သိပ္ပံပညာရှင်နှစ်ယောက်ဟာ အာတိတ်ရေခဲပြင်ကြီးထဲကျရောက်ထားတဲ့ ဥက္ကာခဲတစ်ခုကို လာရောက်လျှို့ဝှက်လေ့လာရင်းကနေ တစ်ဦးက အသတ်ခံ လိုက်ရပြီး ကျန်တစ်ဦးကတော့ ကူးစက်ခံလိုက်ရပါတယ်။ ကပ်ပါးကောင်ပါလာမှန်းမသိဘဲ အသက်ရှင်ကျန်ရစ်တဲ့သိပ္ပံပညာရှင် မိန်းမငယ်လေးကို အနီးဆုံးစခန်းက လက်ခံစောင့်ရှောက်ထားရာကနေ စခန်းတွင်းမှာ မမျှော်လင့်ထားတာတွေဖြစ်ပျက်လာခဲ့ပါတယ်။ ဘာတွေဖြစ်နေလဲဆိုတာကိုနားလည်အောင်ကြိုးပမ်းကြရင်းကနေ သူတို့ ကယ်တင်လာတဲ့မိန်းကလေးဟာ အရင်ကတွေ့ခဲ့ဖူးတဲ့လူမဟုတ်တော့တာကို သိရှိလိုက်ရတဲ့အခါ ကပ်ပါးကောင်ကထိန်းချုပ်နေတဲ့မိန်းကလေးကို ရင်ဆိုင်ဖို့ ကြိုးစားကြရပါတော့တယ်။ File size…1.25GB Quality…WEB-DL 1080p HEVC Format…mp4 Duration….1h 54m Genre ….. Sci-Fi Subtitle….Myanmar Subtitle (Hard Sub) Encoder….Min Wai Translated by  JULY

ဟယ်လန်ဟာ သမီးဖြစ်သူ လော်ရာကို ကောလိပ်မှာ သွားကြိုပြီး မြောက်ပိုင်းက သူတို့ရဲ့ သစ်သားအိမ်လေးဆီ သွားဖို့ စီစဉ်ထားပါတယ်။ ဒါပေမယ့် မြောက်ပိုင်းမှာ နှင်းမုန်တိုင်း ပြင်းထန်နေပြီး ရာသီဥတုနဲ့ လမ်းအခြေအနေတွေက အတော်ဆိုးနေတယ်။ လမ်းမှာတော့ ကားကြုံစီးချင်တဲ့ ကာလီဆိုတဲ့ အမျိုးသမီးနဲ့ တွေ့ပါတယ်။ ပုံမှန်ဆို ကားကြုံတင်ပေးလေ့မရှိတဲ့ ဟယ်လန်က တစ်ယောက်တည်းဖြစ်နေတဲ့ ကာလီကို မိန်းမချင်း ကိုယ်ချင်းစာပြီး ခေါ်တင်လိုက်တယ်။ သူမသိတာက ကာလီဟာ တစ်ယောက်တည်း မဟုတ်ဘူးဆိုတာပါ။ သမီးကို ကြိုပြီး ကာလီနဲ့အတူ ခေါင်ဖျားတဲ့ မြောက်ပိုင်းဆီ ခရီးဆက်တဲ့အချိန်ကနေ ဇာတ်လမ်းစပါတယ်။

ဒီဇာတ်ကားလေးကတော့ နာမည်အတိုင်းပဲ ရက်စက်စွာသတ်ဖြတ်တဲ့ လူသတ်သမားတွေအကြောင်းပဲဖြစ်ပါတယ်။ တစ်နေ့မှာ ဂျန်နာတို့သူငယ်ချင်းလေးယောက်ဟာ ဂျန်နာရဲ့ ၂၅ နှစ်ပြည့် မွေးနေ့ပွဲကျင်းပပြီး Spencerville မြို့ကို ပြန်လာကြပါတယ်။ မြို့ကအပြန် အဝေးလမ်းမရဲ့တစ်နေရာမှာ ကားရေတိုင်ကီပျက်သွားပါတယ်။ ဘယ်ရောက်နေမှန်းမသိပေမယ့် အရှေ့ဖက်တစ်နေရာမှာ ဓာတ်ဆီဆိုင်ရှိမှာပဲဆိုတဲ့ ရည်ရွယ်ချက်နဲ့ ဂျန်နာရဲ့ရည်းစားမိုက်ခ်လမ်းလျှောက်ထွက်သွားပါတယ်။ ဂျန်နာရဲ့သူငယ်ချင်းတေလာကလည်းလိုက်သွားပြီး ခရစ်နဲ့ဂျန်နာကိုကားမှာ စောင့်ခိုင်းခဲ့ပါတယ်။ဒီလိုနဲ့ နှစ်ယောက်တစ်ဖွဲ့စီကွဲ သွားတဲ့အခါမှာတော့ လူသတ်ကားတို့ထုံးစံအတိုင်းပဲ လူသတ်သမားတွေကသူတို့ကိုလိုက်ဖမ်းပါတော့တယ်။ ဂျန်နာတို့သူငယ်ချင်းတွေဘယ်လိုလွတ်အောင်ထွက်ပြေးကြမလဲ ဘယ်နှစ်ယောက်အသက်ရှင်ကျန်ရစ်ခဲ့မလဲဆိုတာ စိတ်ဝင်စားဖွယ်ကြည့်ရှုပေးပါဦး.. File size…1.29GB / 623MB Quality…WEB-DL 1080p / 720p Format…mp4 Duration….1h 32m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Tin Myo Lwin

ဟင်နရီဘိတ်ကာက နာမည်ကျော် ရာဇဝတ်သားတစ်ယောက်ပါ။ နာမည်ကြီးသလို ရန်သူလည်းများပြီး သူ့ပိုင်ဆိုင်မှုတွေကို မျက်စိကျနေသူတွေကလည်း မနည်းဘူး။ သူ့မှာ ဆမ်ဘတ်ဆိုတဲ့ ရုပ်ချင်းချွတ်စွပ်တူတဲ့ ညီတစ်ယောက်ရှိတာကြောင့် ရန်သူတွေက ညီအစ်ကိုနှစ်ယောက်ကို လူမှားတတ်ကြပါတယ်။ ညီအစ်ကိုကြားမှာလည်း ရှင်းမရတဲ့ကိစ္စတစ်ခု ပေါ်လာပြီး တစ်ယောက်နဲ့တစ်ယောက် သတ်ဖြတ်ဖို့အထိ ဖြစ်လာခဲ့တယ်။ နောက်ဆုံး တစ်ယောက်က သေဆုံးပြီး တစ်ယောက်က ထောင်ကျသွားပါတယ်။ နှစ်အတော်ကြာလို့ သူတို့ရဲ့သားတွေ အရွယ်ရောက်လာချိန်မှာ ထောင်ကျနေသူလည်း ပြန်လွတ်လာတယ်။ ညီအစ်ကိုနှစ်ယောက်ကြားက ဇာတ်ရှုပ်ဟာ သားတွေလက်ထက်မှာ ဘယ်လိုဆက်ဖြစ်လာမလဲဆိုတာကို ဆက်ပြထားပါတယ်။ ဇာတ်လမ်းအလှည့်အပြောင်းတွေပါတဲ့ သည်းထိတ်ရင်ဖို မှုခင်းကားဖြစ်ပြီး ရှိတ်စပီးယားရဲ့ “ဗင်းနစ်မြို့က ကုန်သည်” အငွေ့အသက်တချို့ကို ထည့်ထားသလို ရှိတ်စပီးယားစာသားနဲ့ အဆုံးသတ်ထားပါတယ်။